الاستثمار بالعملة

[M.ABDOU]

انت غالبا مش حاسب حساب الزكاه

لو تم تحويلهم لدولار او يورو او اى عمله الزكاه حتاكلهم بمرور الزمن

اقترح شراء اى شيىء يحفظ قيمه المبلغ او المشاركه بيه كجزء من عقار او ما شابه

[memo2000soft]

بدل كل الخوف دة علي الفلوس البنك هسيرقها ولا هتتسرق من البيت وموضوع ان الفايدة بتاعت البنك حلال و لا ربا وكمان فايدة البنوك الاسلامية برضو ممكن تدخل تحت دايرة الشك.
انا من رئي اشتري بيهم عقار او ادخل شريك في عقار
زي محل او شقة او قطعة ارض
انا عارف ان المبلغ قليل انك تعمل بية كدة بس حاول تشوف حاجة مناسبة وادخل فيها
وربنا يكرمك ويكرمنا جميعا.

[Trondo]

مش عارف ليه ناس عاوزه تبث الرعب فى قلوب البشر
دا محلصش ايام الدولار لما وصل ٨.٥ جنيه
عمرها ماحد راح ياخد فلوس البنك قاله مفيش
البنوك ملتزمه بقوانين البنك المركزى جدا
ودائع الدولار عائدها قليل جدا
لو عاوز تامين و ضمان و استثمارك مش اقل من ٥-١٠ سنين
روح cib و اسئل عن ال CIL

[KemozTanta]

موضوع محير بصراحة ، بس مبدئيا الله اعلم بالمستقبل فامفيش حاجة مضمونة ولكن الدولار شوف من 10 سنين كان بكام ودلوقتي بكام
كان ب5ونص او 5 وبقي دلوقتي ب7ونص ، دا لو بتتكلم عن العملات
لكن في رأي المبلغ دا تحطة وديعة خاصة بيهم تصرف بيها علي دراستهم ، دي افضل استثمار لإولادك انك تهتم بمستوي تعليمهم لإخر مليم معاك.
سيبك من كلام الدولة تاخد فلوس الناس دي عمرها ماتحصل ابدا

[kondor]

استاذ kondor
تنصح حضرتك بوديعة دولارية ولا وديعة بالجنيه ولا الواحد يحط الفلوس فى عقار

كل حاجة ليها مزايا و عيوب
العقار طبعا احسن من وديعة دولارية او مصرية لانه اعلى في العائد و يغطي التضخم و لكن العيوب انه لازم يكون مبلغ كبير علشان تشتري عقار بالاضافة لمشاكل و مجهود البحث عن عقار جيد و يكون مرخص ده غير طبعا ان عند احتياج المال فعملية بيع العقار اطول من كسر وديعة ده بالنسبة للعقار.
لو وديعة دولارية او مصرية الوديعة الدولارية اعلى عائد في مصر الان 3.6% سنوية و المصرية 10.5% سنوي برضو
بفرض معاك 1000 دولار العائد السنوي هيكون 1000*3.6% = 36 دولار في السنة و ان الدولار = 7 جنية يبقي 36*7 = 252 جنية في السنة
طبعا الكلام ده لو انت عاوز تصرف من الوديعة لان في الاخر الواحد بيشتري و ياكل و يشرب بالمصري
لو حولت ال 1000 دولار ل 7000 مصري شهادة 10.5% يبقى الدخل السنوي 735 جنية فى السنة و ده طبعا احسن بكتير من الشهادات الدولارية
ده بشكل مبسط و عدم الاخذ فى الاعتبار ارتفاع الدولار امام المصري او انخفاضة
تحياتي

[kondor]

مش عارف ليه ناس عاوزه تبث الرعب فى قلوب البشر
دا محلصش ايام الدولار لما وصل ٨.٥ جنيه
عمرها ماحد راح ياخد فلوس البنك قاله مفيش
البنوك ملتزمه بقوانين البنك المركزى جدا
ودائع الدولار عائدها قليل جدا
لو عاوز تامين و ضمان و استثمارك مش اقل من ٥-١٠ سنين
روح cib و اسئل عن ال CIL

NSGB Life Insurance احسن من CIL فى التأمين ده لو الواحد بيفكر فى التامين سواء علي الحياة او لتعليم الاولاد او جوازهم و غير

[hossam_elwani]

بالدولار طبعا المشكلة الى ممكن تواجه البنك ميكونش في دولار كفاية في خزنة البنك و ساعتها لازم يكلم ال dealing room علشان تشتري دولار من داخل او خارج مصر المهم العملية ده بتاخر العميل ساعتها ممكن من حق البنك يعرض على العميل يستلم المبلغ بالجنية بسعر صرف اليوم الى العميل جاي يسحب الفلوس و من حق العميل يرفض و يطلبهم دولارات و في الحالة ده العميل ممكن ينتظر من كام ساعة لي 5 ايام عمل طبعا على حسب قوة البنك و ده عمره مايحصل فى البنوك الكبيرة لاسباب كتيره البنوك ده ليها فروع خارج مصر و شبكة مراسلين بتمكن ال dealing room يجيب الدولار في لحظات و الحاجة التانية ال provision للعملات بيكون كبير يعني لو بنك جالة 100,000 دولار اول حاجة بيعملها بيشيل 20,000 فى الخزنة و ال 80,000 يشغلهم في حاجات secured او على الاقل 110% supported

شكرا جزيلا على الرد المفصل

[hossam_elwani]

كل حاجة ليها مزايا و عيوب
العقار طبعا احسن من وديعة دولارية او مصرية لانه اعلى في العائد و يغطي التضخم و لكن العيوب انه لازم يكون مبلغ كبير علشان تشتري عقار بالاضافة لمشاكل و مجهود البحث عن عقار جيد و يكون مرخص ده غير طبعا ان عند احتياج المال فعملية بيع العقار اطول من كسر وديعة ده بالنسبة للعقار.
لو وديعة دولارية او مصرية الوديعة الدولارية اعلى عائد في مصر الان 3.6% سنوية و المصرية 10.5% سنوي برضو
بفرض معاك 1000 دولار العائد السنوي هيكون 1000*3.6% = 36 دولار في السنة و ان الدولار = 7 جنية يبقي 36*7 = 252 جنية في السنة
طبعا الكلام ده لو انت عاوز تصرف من الوديعة لان في الاخر الواحد بيشتري و ياكل و يشرب بالمصري
لو حولت ال 1000 دولار ل 7000 مصري شهادة 10.5% يبقى الدخل السنوي 735 جنية فى السنة و ده طبعا احسن بكتير من الشهادات الدولارية
ده بشكل مبسط و عدم الاخذ فى الاعتبار ارتفاع الدولار امام المصري او انخفاضة
تحياتي

شكرا

[Ahmed_selmy]

بص يا باشا ....بعيدا عن قصه الفايدة وهل هى حرام او حلال ....اللى انا شايفه وفى ظل الظروف المهببه دى انا راى التالى
حضرتك تحطم على شكل شهادات من بتاعة البنك الاهلى بتديك عائد فى السنه 10.5 % يعنى ال50 الف يطلعولك 5 الف جنيه فى السنه ....لو عايز تصرفهم ماشى عايز تزود بيه الشهادات ماشى
وللاسف علشان تجيب عقار بالمبلغ دا صعب جدا
هو ممكن دهب ويبعدك عن قصة الفلوس خالص وقيمته فيه ولو عايزتعمل حركه حلوة لو تعرف حد فى السعوديه يجيبلك دهب مستخدم مبيكونش فيه مصناعيه وسعره حلو جدا.

[egyptawy2010]

NSGB Life Insurance احسن من CIL فى التأمين ده لو الواحد بيفكر فى التامين سواء علي الحياة او لتعليم الاولاد او جوازهم و غير

معلش ممكن شوية تفاصيل عن ]NSGB Life Insurance

شكرا يافندم وربنا يكرمك

[iamin911]

طبعا اشكر كل الناس على مساهمتهم فبي الاقتراحات الثمينة
و لكن احب ان الخص كل ما تم مناقشته و اعبر عن رايي فيه و تكملت نقاشه مع بعض
طبعا مبلغ 50 الف جنيه ميجبوش شقةو اما بخصوص مشغولات ذهبية فالموضوع برضوا فيه لف كتييير لحد متجيب دهب كسر و مش بالسهولة تلاقيه و لو فكرنا في جنيه دهب فالاحتفاظ بهم في البيت صعب و كمان خصوصا ان الدهب في النازل الان و بقرائتي الفترة الماضية فان الاتحاد الوروبي بيبيع الان من فترة لفترة من مخزون الدهب لكي يحافظ على قيمة عملته و رد مديونيات و دعم اقتصاد اليونان و ايطاليا و اسبانيا و لاحقا فرنسا
فبالتالي الدهب عشان كدا بيقل و اليورو محتفظ بنفسه و لكن في تذبذب.
اما لو الفلوس فضلت في وديعة فانها هتكون وديعة تراكمية باي عملة و لمدة معينة ( لا اعرف كيفية حسابها لذا يرجي الافادة من الاصدقاء المتخصصين ). و لو كانت في صورة وديعة بالجنيه المصري لمدة 10 سنوات فهل المبلغ النهائي اخر ال 10 سنوات هيكون معادل لنفس معدل التضخم في البلد.

[ahmedwagdy03]

مش عارف ليه ناس عاوزه تبث الرعب فى قلوب البشر
دا محلصش ايام الدولار لما وصل ٨.٥ جنيه
عمرها ماحد راح ياخد فلوس البنك قاله مفيش
البنوك ملتزمه بقوانين البنك المركزى جدا
ودائع الدولار عائدها قليل جدا
لو عاوز تامين و ضمان و استثمارك مش اقل من ٥-١٠ سنين
روح cib و اسئل عن ال cil

طيب إيه رأى حضرتك لو واحد صحى الساعة 2 صباحا و طلبت معاه إنه يغير قانون البنك المركزى بحيث يضيف فقرة تتيح للبنك الصرف بأى عملة متوفرة و طبعا مافيش مجلس شعب يناقش و يوافق ولا حاجة . و تصحى الصبح تلاقى دولاراتك متصادرة و تاخد بدلهم شوية لب (قصدى ورق مالوش قيمة غير تجيب بيه شوية بطاطس)

[hilal]

وماذا لو تطور الصراع السياسي ودخلت البلد في حالة فوضى؟
اعتقد ان الفوضى بدات بالسرقات المسلحة بالاسلحة الآلية جهارا نهارا على الطرق وداخل المدن
وعدم توافر حماية حقيقية للمواطنين ، هل تعتقد أن اموالك بالبنك ستكون في أمان؟ أشك

[Ahmed_Adham]

طيب إيه رأى حضرتك لو واحد صحى الساعة 2 صباحا و طلبت معاه إنه يغير قانون البنك المركزى بحيث يضيف فقرة تتيح للبنك الصرف بأى عملة متوفرة و طبعا مافيش مجلس شعب يناقش و يوافق ولا حاجة . و تصحى الصبح تلاقى دولاراتك متصادرة و تاخد بدلهم شوية لب (قصدى ورق مالوش قيمة غير تجيب بيه شوية بطاطس)

مش هيحصل لسبب بسيط. ان الحكومه وكل البنوك عمرها ما هتشوف بعدها دولار واحد من المودعين سواء أفراد أو شركات وكل اللي عنده دولار هيتعامل مع الصرافه بس في البيع والشرا ويخزنه في بيته. ده غير ان تصرف زي ده يخل بالاقتصاد ويهرب كل الاستثمارات خارج البلد.

[mk3]

مش هيحصل لسبب بسيط. ان الحكومه وكل البنوك عمرها ما هتشوف بعدها دولار واحد من المودعين سواء أفراد أو شركات وكل اللي عنده دولار هيتعامل مع الصرافه بس في البيع والشرا ويخزنه في بيته. ده غير ان تصرف زي ده يخل بالاقتصاد ويهرب كل الاستثمارات خارج البلد.

مهو الحكومه اللى هتعمل كده هتكون انتهت اصﻻ ماليا وفلست قبل الاقدام على مصادره الدولارات