Mobinil

[Dream286]

السلام عليكم
انا طبعا جديد على المنتدى
اتمنى اني اكون خفيف على الناس
انا كنت متابع من فترة كدة المنتدى وعجبني اوي اوي طرح المواضيع والمشاركات الفعالة وخصوصا اللي بتتعلق بالعربية الرينو
وعلى رأي احد الزملاء في المنتدى
بيني وبينها قصة حب ادعولي تنتهي بالزواج
انا حاليا بعمل في مجال خدمة العملاء في موبينيل
أتمنى يكون الموضوع دا خاص بالاستفسارات المتعلقة بموبينيل وهحاول الرد بقدر الامكان لو دا مش مخالف لقوانين المنتدى

تحياتي للجميع

[hamdy]

اهلا بيك يا باشا

[Nile_Storm]

مع اني مش من مستخدمي موبينيل
بس لازم احيي في حضرتك حرصم علي افاده الاعضاء من موقعك بشركه موبينيل
اهلا بك معنا و تقبل تحياتي

[Dream286]

بسم الله ما شاء الله انا لسة بعمل ريفريش للصفحة لقيت ردين
شكرا يا جماعة بجد ع الترحيب

[جمال]

مرحبا بك فى المنتدى
لى سؤال , هى شومبونجو دى نمرها 012 برضه ؟ .... طبعا باضحك معاك
بس سؤال بجد ماهى بدايات ارقام موبينيل يعنى 012 وايه كمان

[دموع الثلج]

اهلا بيك فى نايل موتورررررررز

سؤال صغن جدا بالنسبه لموبنيل لايف اللى فى الاصل خدمه مش لايف

ما علينا

احيانا بتوصلنى الام ام اس على شكل مسج ولازم اشوفه عن طريق ويب سايت على النت وطبعا الويت سايت اللى فى المسج ده وهم مش بيفتح اصلا

لو تقدر تقولى الويب اللى اشوف عليه الام ام اس

[Dream286]

شكرا جدا ليكم ع الترحيب

الاخ الفاضل haima
والله شوموبنجو دي ولا مش عارف ايه انا معرفش طلعنا بيها منين بس مبروك بقه عليهم الشبكة
هو بصراحة انا مفهمتش اوي السؤال بس ممكن اجاوب اجابة عامة
موبينيل اول ما بدأت في مصر كانت خطوط اشتراك بس او فواتير
وكانت التغطية في القاهرة والاسكندرية وشرم الشيخ تقريبا لكن معظم المحافظات التانية لا
والبداية كانت في 21 مايو 2008 البداية الرسمية يعني
المهم بدأت الشركة فعلا بأرقام 012
واول الارقام كانت تبدأ ب 01221
طبعا دلوقتي في 012 و 018 و 017 والعملية مستمرة مع انخفاض اسعار المكالمات والاشتراكات
اتمنى ان الاجابة دي تكون هي الاجابة المنشودة

دموع الثلج شكرا ع الترحيب
السايت اللي بيكون مكتوب في المسج دا سايت حقيقي فعلا بس لازم تدخلي عليه من الانترنت العادي من الكمبيوتر
تكتبي السايت بنفس الشكل المكتوب وتدخلي اليوزر والباسورد اللي مكتوبين في المسج وهتلاقي الصورة وضحت وطبعا الطريقة دي جربتها بنفسي كتير
اتمنى ان الاجابة تكون كافية ولو في استفسار تاني طبعا شئ يسعدني

وتحياتي للجميع

[MoToRiZeR]

أهلاَ بيك يا باشا في نايل موتورز بس انا فودافون

[theking2690]

اهلا بيك فى نايل موتورز وشكرا على العرض

[Sharky]

أهلا بيك معانا فى المنتدى

مكن حضرتك تقولنا الشبكة الجديدة حتبدأ إمتى و إيه هى العروض الخاصة بالجيل التالت

[mohamed2002]

شكرا لمساعدتك ومنور المنتدي

[blazer]

اهلااااا بيك معنا ياباشا
ان شاء الله تنبسط :):)
و شكراا لعرض مساعدتك ربنا يكرمك

[جمال]

شكرا جدا ليكم ع الترحيب

الاخ الفاضل haima
والله شوموبنجو دي ولا مش عارف ايه انا معرفش طلعنا بيها منين بس مبروك بقه عليهم الشبكة
هو بصراحة انا مفهمتش اوي السؤال بس ممكن اجاوب اجابة عامة
موبينيل اول ما بدأت في مصر كانت خطوط اشتراك بس او فواتير
وكانت التغطية في القاهرة والاسكندرية وشرم الشيخ تقريبا لكن معظم المحافظات التانية لا
والبداية كانت في 21 مايو 2008 البداية الرسمية يعني
المهم بدأت الشركة فعلا بأرقام 012
واول الارقام كانت تبدأ ب 01221
طبعا دلوقتي في 012 و 018 و 017 والعملية مستمرة مع انخفاض اسعار المكالمات والاشتراكات
اتمنى ان الاجابة دي تكون هي الاجابة المنشودة

فعلا هى دى الاجابة اللى كنت بسأل عنها
بس اعتقد تاريخ البداية غير صحيح
انا كان معايا خط كنت حاجزه ب 2000 ج ( الفين جنيه مصرى ) وكان يعمل فى القاهرة فقط وبعدين الاسكندرية و شرم الشيخ وكان ده حوالى سنة 97 - او 96 مش متأكد - وكانت الدقيقة ب 60 قرشا ومافيش حاجة اسمها مسجات لسه - تاريخ بأه

[Dream286]

MoToRiZeR
شكرا ع الترحيب حتى لو كنت فودافون
وللعلم انا من محبي شركة فودافون متقلقش يعني

sharky
الشبكة الجديدة بدأت بالفعل مع بدأ تفعيل خدمات الجيل الثالث
هي خدمات الجيل الثالث تتميز بالآتي
امكانية اجراء مكالمات مرئية " صوت وصورة "
امكانية استخدام خاصية الموبايل تي في بمعنى القدرة على متابعة البث المباشر لبعض القنوات الفضائية
قوة تحمل الشبكة في المكالمات العادية
امكانية استخدام الانترنت بسرعة عالية جدا
والحقيقة سرعات الانترنت اللي تقدر تستخدمها فعلا عالية جدا فوق ما تتصور
اقدر اقولك ان مفيش اي جهاز مودم في مصر يستوعب سرعة الجيل الثالث
بمعنى ان اقوى جهاز مودم يستوعب سرعة لحد 7.2 ميجا بايت
في حين ان سرعة الجيل الثالث تصل الى 14 ميجابايت
لكن تخيل كدة 7 ميجا بايت
سرعة وهمية جدا
لو حضرتك مستخدم للانترنت بصفة مستمرة وخصوصا لو بشكل متنقل باستخدام اللاب توب حيفيدك جدا الموضوع دا
وطبعا العروض متنوعة وكثيرة جدا في اجهزة المودم اللي تسمح لك بتصفح الانترنت بسرعة عالية
وحتى تمن الجهاز اللي حتدفعه بتسترد قميته عن طريق خصم في الاشتراك بتاعك
ولو مهتم بموضوع الانترنت انا ممكن اجيب لك التفاصيل الكاملة عن كل جهاز واشتراك

theking2690
blazer
mohamed2002
شكرا جدا جدا على الترحيب

تحياتي للجميع

[Dream286]

فعلا هى دى الاجابة اللى كنت بسأل عنها
بس اعتقد تاريخ البداية غير صحيح
انا كان معايا خط كنت حاجزه ب 2000 ج ( الفين جنيه مصرى ) وكان يعمل فى القاهرة فقط وبعدين الاسكندرية و شرم الشيخ وكان ده حوالى سنة 97 - او 96 مش متأكد - وكانت الدقيقة ب 60 قرشا ومافيش حاجة اسمها مسجات لسه - تاريخ بأه

انا كنت بتكلم على اساس ان الشركة بدأت رسميا بالاسم المعروف " موبينيل " في مايو 1998
انا فعلا كنت اسمع ان نشاط شركات المحمول كان بدأ من قبل التاريخ دا بإسم تاني لكن بصراحة مش متأكد اوي لكن حسأل في الموضوع دا
هو حضرتك الخط اللي كنت حجزته كان برضو 012 مش كدة ؟