Mobinil

[mohamed_88sk]

يا خبر؟؟
يعني الصلاحيه كده ملهاش حل تاني؟
مش ينفع اشتري صلاحيه والخط موجود بره مصر؟
هل ينفع أشتري الصلاحية من الشركة هنا وهم يعملوها للخط وهو بره؟

[Dream286]

نقطة بس نسيت اوضحها بخصوص العرض بتاع الانترنت والثري جي

لو اشتريت الجهاز الباندلوكس مع خط داتا
اللي هو سعره 600 جنيه مع عرض ال 3 جيجا
بتسترد قيمة الجهاز كاملة خصم على الاشتراك
بمعنى انك بتاخد خصم خمسين جنيه شهريا على الفاتورة بتاعتك
يعني مثلا لو انت مستخدمتش اكتر من تلاتة جيجا في الشهر
يبقى قيمة الفاتورة 150 جنيه مثلا
بتاخد خصم 50 جنيه على الفاتورة كل شهر لمدة 12 شهر

[Ahmed Samy]

متشكر لذوقك
شركتكو بتنقي ناسها فعلا :)


الموبايل Nokia N93i و الجهاز TOSHIBA SATELLITE

شكرا لاهتمام حضرتك

[aif]

نورت المنتدي يا استاذ Dream286
................
اناكنت بزنس شركات وعملت تنازل لنفسي وحولت الي بريمو.... وياريتني ما دخلت البريمو ده
المشكلة ان الاتصال الدولي في جميع انحاء المعمورة بيبدأ ب 00 وبعدين مفتاح البلد ..... إلا في خط بريمو .... لازم تبدأ ب 1010 .... مش عارف مين اللي اخترعها بصراحة .....
وانت عارف طبعا ان كل النمر متسجلة علي الموبايل ما حدش بيطلب النمرة بالأرقام زي زمان ..... يبقي لازم اغير كل النمر من 00966 السعودية مثلا مثلا الي 101000966
لغاية كدة كويس ....لكن بقي لما تيجي تبعت رسالة ..... ما ينفعش 1010 لازم تكتب الرقم 00 عادي زي باقي المخلوقات !!!!!
وبكدة يبقى لازم اسجل جميع الارقام بالطريقتين
حاولت اشتكي .... الموظفين كلهم ردهم واحد كأنهم مبرمجين ومغيبين ذهنيا
.... دي مش مشكلة عشان نعملك شكوي ده سيستم ....
يا جماعة مش السيستم ده بني آدم اللي عمله وممكن يتعدل لو مش مناسب للعملاء ولا هو انزل في الكتب السماوية .... مافيش فايدة كأنك بتحاول تغير قانون الجاذبية بتاع نيوتن ....
طيب حولوني من البريمو العجيب ده .....حولوني آلو وريحوني ....
للأسف لازم بشريحة جديدة ورقم جديد يا فندم
يا جماعة ربنا عرفوه بالعقل ماحدش شافه .... ده انا ممكن احول شركة تانية بنفس الرقم .....يبقي ازاي ما اقدرش احول داخل نفس الشركة بنفس الرقم ....
لا حياة لمن تنادي .... كأنك بتشرح تضاريس كوكب كريبتون بتاع سوبر مان
لكن بصراحة في الآخر بيقولو بمنتهي الذوق
سيادتك لك اي استفسار تاني يا فندم ....شكرا لإتصالك بموبينيل
لدرجة اني فكرت احول لشركة تانية .... بس انا مرتاح مع موبينيل
ولا يمكن اغير نمرتي .... انا معايا النمرة من سنين ....وجميع عملاء مكتبي واصدقائي في الداخل والخارج عارفينها .... ما ينفعش اغيرها
.....
انا طولت عليك ( قوللي طول ) بس لو فيه حل يا ريت تقوللي

[theking2690]

الأستاذ theking2690
طبعا احب اوضح لحضرته أنه .... زين ما اخترت
بالنسبة لموضوع المودم
في الاساس انت مش بتعمل اي حاجة غير انك توصل المودم بالكمبيوتر
مجرد ما بتوصله بتنتظر لحظات كدة وبتلاقيه اتوصف تلقائيا
وبعدها كمان بتظهر على الشاشة كلمة كونيكت بتضغط عليها وتلاقي نفسك دخلت على النت في لحظات وبسهولة جدا
لو الموضوع دا محصلش معلش تتعب بقه وتروح مركز من مراكز خدمة العملاء يشوفوا معاك الموضوع دا لأن الكول سنتر او 110 مش حيقدروا يفيدوك اوي
وطبعا متفرطش في حقك لازم تعرف تشغله خصوصا انه بجد جهاز ممتاز اوي

أستاذ احمد سامي
دا شرف ليا يا باشا اننا نكون في خدمة العملاء المحترمين زي حضرتك
ممكن بس اعرف نوع الموبايل اللي تقصده ايه ؟

أستاذ نور انا بشكرك على ترحيب وسعيد باستفساراتك في اي وقت

تحياتي للجميع

شكرا على ردك و جارى التجربة

[amir]

اهلا بيك معانا في المنتدي و ان شاء الله دايما منور
انا عندي كام استفسار
اولا:
انا كنت زمان الو و بعدين حوالت البريمو من كام سنه, و دلوقتي بقي اشتراكي المفروض خلص( بس لسه بتكلم عادي متقولهمش بقي) , انا عايز اجدد الاشتراك بس مش عارف اكتر حاجه مناسبه ايه, انا في المتوسط بشحن بكارت 100 كل شهر تقريبا و مكالماتي الدولي مش كتير انما من ان لاخر بتكلم 4 او 5 دقائق
ثانيا:
دي بقي حاجه ممكن نتكلم فيها للصبح ازاي لما سعر الدقيقه 30 قرش او 20 قرش اجي اشوف رصيدي كام دايما بتبقي في كسور عشريه, و الواحد طبعا مش بيدقق قوي كده انه يقعد يحسبها, بس الموضوع الصراحه مستفز لأن الكسور دي دايما موجوده و دايما بالسلب, ايه تعليق سيادتك عن الموضوع ده؟
ثالثا:
عندنا مكتب فيه كذا موبيل متوسط قيمه الكروت اللي بنشتريها بتوصل من 900 ال 1000 في الشهر, عايز انسب نظام معاكو لخط نتكلم منه دولي كتير و خطين تانيين او تلاته مثلا مكالمات موبيل محلي, و طبعا المكتب ليه سجل تجاري و كافه الاوراق القانونيه
رابعا:
لو امكن انك توضحلنا الخدمات اللي موبينيل بتقدمها مع شرحها كامله, زي مثلا كليب بلس و ماشابه من خدمات

و مره تانيه اهلا بيك في بيتك التاني

[KoDaK_Gti]

نورت المنتدي يا استاذ Dream286
................
اناكنت بزنس شركات وعملت تنازل لنفسي وحولت الي بريمو.... وياريتني ما دخلت البريمو ده
المشكلة ان الاتصال الدولي في جميع انحاء المعمورة بيبدأ ب 00 وبعدين مفتاح البلد ..... إلا في خط بريمو .... لازم تبدأ ب 1010 .... مش عارف مين اللي اخترعها بصراحة .....
وانت عارف طبعا ان كل النمر متسجلة علي الموبايل ما حدش بيطلب النمرة بالأرقام زي زمان ..... يبقي لازم اغير كل النمر من 00966 السعودية مثلا مثلا الي 101000966
لغاية كدة كويس ....لكن بقي لما تيجي تبعت رسالة ..... ما ينفعش 1010 لازم تكتب الرقم 00 عادي زي باقي المخلوقات !!!!!
وبكدة يبقى لازم اسجل جميع الارقام بالطريقتين

انا بعانى من نفس المشكلة برضو وكل رقم دولى كاتبو بالطريقتين وممكن تكتبه 1010966 علطول من غير 00 وهيتصل معاك برضو

اهلا بيك معانا في المنتدي و ان شاء الله دايما منور
انا عندي كام استفسار
اولا:
انا كنت زمان الو و بعدين حوالت البريمو من كام سنه, و دلوقتي بقي اشتراكي المفروض خلص( بس لسه بتكلم عادي متقولهمش بقي) , انا عايز اجدد الاشتراك بس مش عارف اكتر حاجه مناسبه ايه,

انا كمان اشتراكى خلص بقاله ييجى شهرين وكلمونى من 3 ايام لازم اجدد الخط
السنتين ب 110 جنيه والسنة ب 90 جنيه وال 6 شهور مش فاكر 65 تقريبا

[HeMa_LanCeR]

فكره جامده قوي موضوع موبينيل ده

[MEDO_AHMED2]

طب بالمناسبة للكلام عن شونبونجو خدو دى اوعى متدخلش مهم اوى لشعب مصر (بخصوص القرد الى بيتكلم )

http://www.new.facebook.com/group.php?gid=27047129964

كل الى يدخل يقول اية راية

[MEDO_AHMED2]

و دة رد على اللينك الى فات برضو جامد موووووووووووز

http://www.new.facebook.com/group.php?gid=36789459803

قولولى رايكم
احنا لازم نكون مع الراى والراى الاخر
بس لازم توقفوا جنب مصر
قولولى انتو مع مين

[theking2690]

تمت التجربه و الجهاز شغال زى الفل و بيعمل داونلود بسرعااااااااااااااااااااااات تحفه الداونلود ريت وصل 300 و ديه الصراحه اول مره اوصل للسرعه ديه فى الداونلود ونفسى موبينيل فى المستقبل يفكروا فى موضوع ال3 جيجا ده و يكبروها شويه لأن حرام مع سرعة الداونلود ديه و تحكمنى ب 3 جيجا

[hesham2004]

dream 286

هل ممكن الواحد يعرف هوه صرف اد ايه على مكالامات الموبيل من او ما اشترك الى الأن ، و الا ايه .
برجاء الأفادة

[human]

صباح الفل

بحكم عملكفى موبينيل
انا بنتى عاماله تزن عليا عايزه القرد اللى بيتكلم
والنبى ابقى بلغو تحياتى
و كل عام وانتم بخير

على فكره انا كنت موبينيل من زمان من ايام الخط ابو 1300
و بعدين رحت فودافون و بعدين اتجننت و بقيت اتصالات
انا موش متصور ازاى قدروا يعملو اعلان يقول ان انت عشان تقطع المكالمه لازم بس تنهيها والشبكه موش بتقطع
ده انا الشبكه بتقطع وانا بكلم خدمه العملا
انا لولا ان الموبيل موش مهم انا كنت غيرت تانى ومافيش حد بيكلمنى عليه

[Dream286]

الاستاذ mohamed_88sk

للاسف الحل الوحيد انك تشحن له مرة كل تلات شهور المهم متنساش

هو زمان كنا ممكن نعملها من عندنا على السيستم بس دا اتمنع


استاذي الكريم احمد سامي

شكرا جدا ليك وفعلا موبينيل بتعرف تختار عملائها :)

بالنسبة للموبايل

لو لسة محتفظ بالعلبة الخاصة بيه هتلاقي سي دي خاصة بالموبايل

هتلاقي فيها برنامج مهم جدا اسمه

nokia pc suite

حمل البرنامج دا على الكمبيوتر وبعدها عيد تشغيل الجهاز

وصل الموبايل بالكمبيوتر عن طريق وصلة اليو اس بي اللي المفروض موجودة معاك في علبة الموبايل

انتظر دقايق لحد ما البرنامج يتعرف على الموبايل

هتلاقي فولدر ظهر داخل My computer خاص بالموبايل

دا هتلاقي فيه كل حاجة على الموبايل زي الصور والملفات الصوتيه

في ايقونة خاصة بالبرنامج جنب الساعة بتاعت الويندوز

كليك يمين عليها هتلاقي اختيار اسمه

connect to the internet

اختار setting

هتختار نوع الموبايل وهتلاقيه تلقائيا جاب الموبايل بتاعك

Next

اختار شبكة موبينيل من قائمة الشبكات

finish

دلوقتي هترجع لك شاشة البرنامج الاساسية تضغط كونيكت

في ثواني هتلاقي نفسك دخلت على الانترنت

ولو انت في نطاق الجيل الثالث هتحس طبعا بفرق السرعة بالرغم ان الموبايل لما تستخدمه كمودم طبعا مش هيبقى زي الاجهزة اللي انا شرحتها

جرب كدة ولو في حاجة وقفت ادامك اسالني عنها وان شاء الله احاول اوضحهالك

تحياتي

[Dream286]

عزيزي aif

اشكرك جدا على مشاركتك في الموضوع وابدأ بقه اناقشك في استفساراتك :)

طبعا الموقف اللي انت اتكلمت فيه دا لو كنت جيت كلمتني في الشركة عنه كنت هتلاقي عندي نفس الاجابات لان بصراحة لازم كلنا نرد في الشركة بنفس الاسلوب بس هنا هتجاوز شوية وربنا يستر ومحدش من الشركة ياخد باله

المشكلة ان الاتصال الدولي في جميع انحاء المعمورة بيبدأ ب 00 وبعدين مفتاح البلد ..... إلا في خط بريمو .... لازم تبدأ ب 1010 .... مش عارف مين اللي اخترعها بصراحة .....
وانت عارف طبعا ان كل النمر متسجلة علي الموبايل ما حدش بيطلب النمرة بالأرقام زي زمان ..... يبقي لازم اغير كل النمر من 00966 السعودية مثلا مثلا الي 101000966

دا حقيقي لازم فعلا تبدأ برقم عشرة عشرة

انا هشرحهالك فنيا بشكل مبسط ليه دا بيحصل على حسب ما فهمت

زمان مكانش في مصر غير خط الكارت العادي اللي بجنيه ونص الدقيقة وخط البيزنس اللي كانت اشتراكاته غالية اوي على الناس العادية

فكروا في الشركة في حل وسط يجمع بين الاتنين وبصراحة وقتها كان حل ناجح جدا ووقتها انا كان خطي عادي وحولت للنظام دا
تخيل يعني ايه انت بتتكلم بتلاتين قرش وغيرك بيتكلم بجنيه ونص
فرق وهمي

المهم يا سيدي بالنسبة لموبينيل وفوافون ايه الفرق

موبينيل بتعتبر الخط دا خط فاتورة وعندنا بينطبق عليه سيستم الفاتورة يعني لما بنشتغل على الخط دا بنعتبره خط فاتورة عندنا
وفعلا بتصدر له شهريا فاتورة ب زيرو يعني صفر
الا لو اشتركت في بعض الخدمات اللي بفلوس زي خدمة clip +
هتجيلك فاتورة كل شهر بقيمة الخدمة دي بس
وبالنسبة لخط الفاتورة العادي عشان تشغل فيه خاصية الدولي لازم تدفع تأمين ألف جنيه لأن دي مكالمات دولية مش هزار
والتأمين طبعا قابل للاسترداد بعد فترة
لكن في ناس بيكون عندها خط فاتورة وعايزة يادوب تعمل مكالمة او اتنين دولي في المناسبات يعني حرام يدفعوا تأمين عشان مكالمة او اتنين
ساعتها وفرنا ليهم اختيار انهم يشحنوا كروت بس يستخدموها للدولي بس
وعشان نفصل الاتنين عن بعض لازم عميل الفاتورة يشحن عن طريق 1010
وبما ان سيستم الفاتورة هو نفسه سيستم البريمو انطبق عليه نفس النظام
وعلى فكرة دي ميزة مش عيب ان خط البريمو يكون على السيستم شبه خط الفاتورة لأن ليك مميزات زي الاتصال بخدمة العملاء مجانا وخدمة اظهار رقم الطالب المتطورة مجانا ( لو الموبايل مغلق او غير متاح تجيلك رسالة بالارقام اللي اتصلت بيك ) غير حاجات تانية فنية مش بيحس بيها العميل لكن واضحة لينا كموظفين في الشركة وعشان كدة بيقولك دا سيستم منقدرش نعمل شكوى
طبعا كل دا مش بيتقال لأن العميل مش حيستفيد حاجة لما يعرف دا وفي نفس الوقت مش مصرح لموظف انه يقول كلام زيادة عن المطلوب انا بس حبيت اوضح لك الصورة هنا

لغاية كدة كويس ....لكن بقي لما تيجي تبعت رسالة ..... ما ينفعش 1010 لازم تكتب الرقم 00 عادي زي باقي المخلوقات !!!!!
وبكدة يبقى لازم اسجل جميع الارقام بالطريقتين

بص جايز هي تكون نقطة ومشكلة بس حلها سهل جدا انا عن نفسي عملته لو عندك موبايل حديث شوية
انت ممكن في نفس الاسم تسجل رقمين واحدة بعشرة عشرة والتاني من غير
يعني انت مثلا ممكن يكون عندك شخص معين ليه رقمين رقم للبيت ورقم الموبايل
في الموبايلات الجديدة مش محتاج تسجل الرقمين منفصلين لا ممكن تسجلهم تحت نفس الاسم ولما تيجي تبعت رسالة اختار الرقم اللي من غير عشرة عشرة

طيب حولوني من البريمو العجيب ده .....حولوني آلو وريحوني ....
للأسف لازم بشريحة جديدة ورقم جديد يا فندم

بصراحة انا لحد اللحظة دي مش عارف ليه دا مينفعش رغم ان السيستم ينفع يعمل حاجة زي كدة لكن جايز دا لاسباب تسويقية
وعموما في حل وسط ومش المفروض برضو يتقال في الكول سنتر
انك ممكن تحول لنظام ستار لمدة اربع شهور وبعدها تحول نظام ألو
نظام ستار على فكرة حلو جدا مش وحش وفي رأيي احسن من البريمو والكرت لو بتتكلم في الشهر اكتر من 30 جنيه
وعموما انا شايف ان البريمو برضو كويس وافضل من الو السحري لان سعر الدقيقة ارخص عشر قروش غير الخدمات المجانية مقابل اشتراك شهري لو حسبته هتلاقيه حوالي اربعة جنيه ونص يعني مش حاجة لو بتتكلم كتير

أتمنى اني اكون وضحت بعض الامور

وشكرا لاتصال حضرتك بموبينيل

تحياتي لك