إعـــــــلان

Collapse

.

,
See more
See less

سؤال للناس الي بتفهم في السمك

Collapse
X
 
  • Filter
  • الوقت
  • Show
Clear All
new posts

  • #31
    المشاركة الأصلية كتبت بواسطة japrulez مشاهدة المشاركة
    الكلام المفيد : السمك الطازة بييطفو عل ميه بعكس الفاسد
    السلام عليكم ورحمة الله وبركاته

    للاسف المعلومة دى غلط اخى الكريم
    والعكس هو الصحيح

    لان السمكة غير الطازة بيكون بدأ فيها عملية تحلل للانسجة
    اى عملية تفسخ وبيتكون غازات نتيجة التحليل بين انسجة السمكة
    فتطفو على السطح زى العوامة مثلا ههههههههه

    لكن المقياس الاساسى هو شكل المظهر ولون ورائحة السمكة كما اوضحت سابقا
    مع وافر احترامى لسيادتكم
    الحلوة دى بلدى

    Comment


    • #32
      المشاركة الأصلية كتبت بواسطة mtak مشاهدة المشاركة
      السيجان حلاوته فى الشوربه و فى الشوى اكتر

      و لو السمكه نوعها مضروب هتلاقيها بتفرقع فى القلى

      و على رأى المثل

      شوربه السيجان دوا للعيان

      ياسلام واضح ان حضرتك ذواقه و اكيل للسمك وخبير فيه

      وشكلك كده واخد جنسية مزدوجة يعنى مصرى وسويسى هههههه
      فعلا زى ماقلت حضرتك السيجان دوا العيان

      بس عندك كمان شوربة سمك الرقد لذيذة وفاخرة الطعم( الشوربة البيضاْ اللى بالمستكة والحبهان) وهى كالسيجان خفيفة على المعدة

      بس سمك السيجان طعمه الذ وهو مشوى لانه له طعم خاص مميز له دونا عن باقى الاسماك
      بس يكون( عنبك ) يعنى سمين موش( راعى) يعنى بطنه مليان طحالب وده هو اللى بفرقع او بطنه تفتح خلال الشوى طبعا دى الفاظ سويسى تطلق على نوعية السمك
      الحلوة دى بلدى

      Comment


      • #33
        المشاركة الأصلية كتبت بواسطة al_manara مشاهدة المشاركة
        كنت هناك زيارة (السويس) وعديت علي ميناء الاتكة . بس اكتشفت اني كنت متاخر (كنت هناك علي 2 الظهر )

        واما سألت عرفت ان الواحد يروح هناك الصبح بدري (8 او 9)

        دة شكلة من جوة



        فصبرت نفسي بكام بسكوتة ورجعت

        حضرتك تشرفنا وانا اقوم بالواجب معاك
        بس احنا موش بنشترى السمك من ميناء الاتكه غالبا لانها خارج المدينة

        ومعظمنا بيشتريه من حلقة السمك بسوق حى الاربعين وكمان فيه حلقة سمك تانية بسوق الجملة عند مزلقان المثلث اول طريق السويس اسماعلية الصحراوى.بس بدرجة اقل بكثير من حلقة الاربعين لانها فى وسط البلد

        يعنى حضرتك لو نزلت لحلقة السمك دى راح تلاقى كل اللى يعجبك من الاسماك
        من الصبح لغايةالرابعة او الخامسة مساء
        وعلى فكرة موسم الصيد بيبدأ من نص سبتمبر لغاية شهر مارس تقريبا
        وفيه ممكن تاكل احلى سمك لان الانواع بتكون كتيرة
        بعد كده بيتم وقف الصيد رسميا عشان اتاحة الفرصة لتوالد الاسماك ونمو الزريعه الجديدة بالبحر
        الحلوة دى بلدى

        Comment


        • #34
          هو ده الكلام المتين ومشكور لكل من وضح وشرح وزود معلومة وسوال لو امكن :

          كنت بشترى من فترة كبيرة من الاربعين وفعلا السمك هناك ممتاز وارخص شوية من القاهرة ولكن طازة جدا ومش عارف كان بيتضحك عليا ولا ايه :

          هل السرومبيق بيتباع بالواحدة ولا بالكيلو ؟

          السهلية هل سمكة بتاكل جمبرى بس واحسن حاجة لطبخها الصينية المشوى ولا الردة؟

          سمك البغبعان يتقلى ولا يتقطع فيليه ؟

          محدش يعرف بياع هناك عنده ضمير لاننى كنت بجيب من واحد هناك ومش عارف اخباره ايه (عم سليمان) الله يمسيه بالخير.
          [marq="3;right;3;scroll"]لا حول ولا قوة الا بالله العلى العظيم
          [/marq]

          Comment


          • #35
            المشاركة الأصلية كتبت بواسطة ayman-ahmed مشاهدة المشاركة
            هو ده الكلام المتين ومشكور لكل من وضح وشرح وزود معلومة وسوال لو امكن :

            كنت بشترى من فترة كبيرة من الاربعين وفعلا السمك هناك ممتاز وارخص شوية من القاهرة ولكن طازة جدا ومش عارف كان بيتضحك عليا ولا ايه :

            هل السرومبيق بيتباع بالواحدة ولا بالكيلو ؟

            السهلية هل سمكة بتاكل جمبرى بس واحسن حاجة لطبخها الصينية المشوى ولا الردة؟

            سمك البغبعان يتقلى ولا يتقطع فيليه ؟

            محدش يعرف بياع هناك عنده ضمير لاننى كنت بجيب من واحد هناك ومش عارف اخباره ايه (عم سليمان) الله يمسيه بالخير.
            البغبغان "الصيادين بيسموه الحريد أو الحريت" وفيه منه كذا نوع و بيكون فيه منه أحجام كبيرة أحسن حاجة ليه أنه يتعمل فيليه و السمكة ديه لو شميت ريحة بطنها و هيا بتتنضف مش هاترضى تاكل منها:) لأنه بياكل كل حاجة و أى حاجة. بس لما بيتنضف و يتعمل فيليه و يتقلى بيبقى جميل جدا.

            Comment


            • #36
              والله الواحد جاع
              محمود السيد
              ابو ادم
              :10_1_102v[2]:

              Comment


              • #37
                طاب لو الواحد حب ينزل يشتري من السويس هل من مساعد؟
                والاسعار ايه؟؟

                Comment


                • #38
                  شكرا لكل اضافة بالموضوع .

                  معلومات كثيرة استفدنا منها .
                  [CENTER][SIGPIC][/SIGPIC][/CENTER]

                  Comment


                  • #39
                    المشاركة الأصلية كتبت بواسطة mohabelnegm مشاهدة المشاركة
                    البغبغان "الصيادين بيسموه الحريد أو الحريت" وفيه منه كذا نوع و بيكون فيه منه أحجام كبيرة أحسن حاجة ليه أنه يتعمل فيليه و السمكة ديه لو شميت ريحة بطنها و هيا بتتنضف مش هاترضى تاكل منها:) لأنه بياكل كل حاجة و أى حاجة. بس لما بيتنضف و يتعمل فيليه و يتقلى بيبقى جميل جدا.
                    مشكور للتوضيح ومع ان سمكة البغبغان لحمها ابيض جدا وكت بجيبها فى حجم الوقار او الدنيس وجربته مرة واحد فيليه ولانه لحمه طرى(ملظلظ) شوية فمكنش حلو او فى القلى ولا انا اللى عملته غلط او اشتريته غلط.لاننى انا اللى بطبخ السمك .
                    [marq="3;right;3;scroll"]لا حول ولا قوة الا بالله العلى العظيم
                    [/marq]

                    Comment


                    • #40
                      المشاركة الأصلية كتبت بواسطة ayman-ahmed مشاهدة المشاركة
                      مشكور للتوضيح ومع ان سمكة البغبغان لحمها ابيض جدا وكت بجيبها فى حجم الوقار او الدنيس وجربته مرة واحد فيليه ولانه لحمه طرى(ملظلظ) شوية فمكنش حلو او فى القلى ولا انا اللى عملته غلط او اشتريته غلط.لاننى انا اللى بطبخ السمك .
                      زى ما قولت لحضرتك البغبغان فيه كذا نوع وأفضلهم اللى بيكون ألوانه فاتحة و الاغمق منه مابحبوش البغبغان بصفة عامة لحمة بيبقى أبيض ناصع و فى القلى لازم يتقطع شرايح ماتكونش تخينةو بتتبل عادى و بتحطها فى الدقيق و تخلى الزيت يسخن لأقصى درجة و قبل ما تحط شريحة السمك فى الطاسة بتكون مجهز طبق فيه شوية ميه عليهم نص ليمونة و تغمس الشريحة اللى عليها الدقيق لجزء من الثانية فى الميه بالليمون و على الطاسة السخنة علطول و تكون ايدك خفيفة علشان ماتسقطش الدقيق فى الميه. نفس الشيء لو بتقلى سبيط تعمل كدة و ده بيدى الحاجة اللى أنت بتقليها4 ميزات . ألأولى أنها مش بتشرب زيت و التانيه القرمشة اللى بتدى الشىء اللى بتقليه الطعم المميز و التالته أن الدقيق بيمسك على الحاجة اللى بتقليها زى فى حالة الكاليمارى و الميزة الرابعة نكهة الليمون فى الحاجة اللى بتقليها.
                      Last edited by mohabelnegm; 03-04-2014, 01:06 PM. سبب آخر: املائى

                      Comment


                      • #41
                        المشاركة الأصلية كتبت بواسطة mohabelnegm مشاهدة المشاركة
                        زى ما قولت لحضرتك البغبغان فيه كذا نوع وأفضلهم اللى بيكون ألوانه فاتحة و الاغمق منه مابحبوش البغبغان بصفة عامة لحمة بيبقى أبيض ناصع و فى القلى لازم يتقطع شرايح ماتكونش تخينةو بتتبل عادى و بتحطها فى الدقيق و تخلى الزيت يسخن لأقصى درجة و قبل ما تحط شريحة السمك فى الطاسة بتكون مجهز طبق فيه شوية ميه عليهم نص ليمونة و تغمس الشريحة اللى عليها الدقيق لجزء من الثانية فى الميه بالليمون و على الطاسة السخنة علطول و تكون ايدك خفيفة علشان ماتسقطش الدقيق فى الميه. نفس الشيء لو بتقلى سبيط تعمل كدة و ده بيدى الحاجة اللى أنت بتقليها4 ميزات . ألأولى أنها مش بتشرب زيت و التانيه القرمشة اللى بتدى الشىء اللى بتقليه الطعم المميز و التالته أن الدقيق بيمسك على الحاجة اللى بتقليها زى فى حالة الكاليمارى و الميزة الرابعة نكهة الليمون فى الحاجة اللى بتقليها.
                        تمام تمام تمام.اجرب موضوع المياه والليمون وفعلا انا قطعتها تخينة شوية.مشكور جدا لحضرتك على المعلومة الجديدة.
                        [marq="3;right;3;scroll"]لا حول ولا قوة الا بالله العلى العظيم
                        [/marq]

                        Comment


                        • #42
                          احلى واحد بيعمل سندوتشات جمبرى المحل اللى تحت كوبرى الدقى فى شارع التحرير جامد جدا
                          اما بالنسبه لمحلات السمك عموما بحس ان كلها زى بعضها
                          السمك لما بيتعمل فى البيت بتستمتع باكله اكتر من الجاهز

                          Comment


                          • #43
                            المشاركة الأصلية كتبت بواسطة ayman-ahmed مشاهدة المشاركة
                            هو ده الكلام المتين ومشكور لكل من وضح وشرح وزود معلومة وسوال لو امكن :

                            كنت بشترى من فترة كبيرة من الاربعين وفعلا السمك هناك ممتاز وارخص شوية من القاهرة ولكن طازة جدا ومش عارف كان بيتضحك عليا ولا ايه :

                            هل السرومبيق بيتباع بالواحدة ولا بالكيلو ؟

                            السهلية هل سمكة بتاكل جمبرى بس واحسن حاجة لطبخها الصينية المشوى ولا الردة؟

                            سمك البغبعان يتقلى ولا يتقطع فيليه ؟

                            محدش يعرف بياع هناك عنده ضمير لاننى كنت بجيب من واحد هناك ومش عارف اخباره ايه (عم سليمان) الله يمسيه بالخير.

                            السلام عليكم ورحمة الله وبركاته

                            الصرومباء هو عبارة عن لحم نوع من المحاريات
                            ستم صيده واستخراج لحمه وتنظيفه بماء البحر
                            ثم يتم تعليقه فى الشمس ليجف وهو يؤكل مجفف بدون اى اضافات
                            واللون الغامق بيكون قديم واللون الفاتح بيكون جديد وهو الافضل وان يكون به شىء من الليونة عند محاولة ثنيه باليد

                            طريقة اكله انك تقطع جزء صغير منه باسنانك قدر نصف الظفر ولاتمضغع وتبلعه فورا بل امتصه كالبونبون وطبعا له طعم لذيذ لايوصف

                            الصرمباء يباع بالواحدة ولايباع بالكيلو للزبائن ومنه الجوز او الفرد الجوز ده حجم لجمه كبير لانه من محارة كبيرةوبيتم شقه لنصفين
                            بدون انفصالههم عن بعض وعشان كده تمنه بيكون اكبر من المفرد اللى اصلا من محارة صغيرة

                            حدثت طرفة امامى من زوج اختى الله يرحمه وهو من بنى سويف ولا درايه له ولايعرف شىء عن الصرمباء وكنا نسير معا انا واختى وزوجها
                            وارادت اختى شراء صرمباء فتوجهنا لعربة البائع
                            وكان امامه كومة تقدر بحوالى اتنين كيلو واذا بزوج اختى تاخده الشهامة ويبادر ويقول للبائع اوزن لى كيلو طبعا البائع نظر له باستغراب شديد لانه لايباع بالكيلو ونظر لى واختى وجدنا نبتسم ونكتم ضحكتنا
                            واختى طلبت من البائع جوزين واحس زوج اختى بالاحراج الشديد بعد افهامه

                            بالنسبة للسهلية هى لاتطبخ ولكن ممكن تقلى بالزيت بعد ان تتبل بالدقيق
                            والافضل والمعتاد ان تشوى بان يدهن الصاج بالزيت وكذلك يدهن السمك بالزيت ان تمرغه فيه وهو على الصاج وده بيحافظ على قوام السمكة والاحتفاظ بالدهون الطبيعية للسمكة وان ينضج كل جزء فيها ويعطى طعم افضل ولا انصحك باستخدام الردة لانه يلوث السمكة بالرماد الناتج عن احتراق الردة وهو غير صحى بالمرة وزبيضيع طعم السمكة ومتعه اكلها بدون تلوث للايدى بالرماد وكمان ده نوع من التوفير يقوم به صاحب الفرن لان تكلفة الزيت اغلى من الردة فاطلب منه ان يستخدم الزيت بدل الردة عند تسليمه السمك

                            سمك البغبان وده اسم غريب احنا بنسميه المحسنى او الحسينى ولانحب اكله طازة ولكن هو شبيه بالحريد او الحريب او البكالاه وده بعد تجفيفه وتنظيفه بماء البحر خلال صيده بالبحر
                            لانه زمان كان لاتنتشر الثلاجات التى تعمل بالكهرباء فى سفن الصيد فكان يصاد وينظف ويجفف على سطح المركب باشعه الشمس لذلك كان منتشرا بالسويس حتى منتصف السبعينات والمجفف طعمه الذ من الاخضر اى الطازة وكنا لانأكله ومعظم السوايسة الا فى العيد حيث يعرض على الارصفة وكان ياتى من رأس غارب وكانت امى رحمها الله تنقعه
                            ليلا فى الماء لغاية ظهر اليوم الثانى بعد تغيير الماء اكثر من مرة فتعود طراوة اللحم كما كانت(سبحان الله) فتغسله بالدقيق والخل
                            ثم يوضع فى الصاج ويدهن بالزيت ثم يوضع فوقه خلطة من الكسبرة الخضراء والشبت والكمون
                            وعصير ليمون وترنشات طماطم مع قليل من الملح ثم على الفرن الخاص بالسمك وكانت تعمل بفضلات الخشب الناتج من تصتيع السفن وياسلاااااااااااااااام على الطعم اللذيذ الله يرحم ايام زمان وخير زمان واهل زمان

                            الافضل للبغبغان الظازة كما تقولون عليه ان يشوى كما شرحت طريقة المجفف بس بدون نقع طبعا

                            معظم البائعين زى بعض بيحب المكسب ويدبح الغريب فى السعر يعى لازم تنزل فى السعر 15-20% وده طبعا حسب العرض والطلب يعنى وفرة النوع فى الحلقة او لا
                            الحلوة دى بلدى

                            Comment


                            • #44
                              المشاركة الأصلية كتبت بواسطة almohaor مشاهدة المشاركة
                              السلام عليكم ورحمة الله وبركاته

                              الصرومباء هو عبارة عن لحم نوع من المحاريات
                              ستم صيده واستخراج لحمه وتنظيفه بماء البحر
                              ثم يتم تعليقه فى الشمس ليجف وهو يؤكل مجفف بدون اى اضافات
                              واللون الغامق بيكون قديم واللون الفاتح بيكون جديد وهو الافضل وان يكون به شىء من الليونة عند محاولة ثنيه باليد

                              طريقة اكله انك تقطع جزء صغير منه باسنانك قدر نصف الظفر ولاتمضغع وتبلعه فورا بل امتصه كالبونبون وطبعا له طعم لذيذ لايوصف

                              الصرمباء يباع بالواحدة ولايباع بالكيلو للزبائن ومنه الجوز او الفرد الجوز ده حجم لجمه كبير لانه من محارة كبيرةوبيتم شقه لنصفين
                              بدون انفصالههم عن بعض وعشان كده تمنه بيكون اكبر من المفرد اللى اصلا من محارة صغيرة

                              حدثت طرفة امامى من زوج اختى الله يرحمه وهو من بنى سويف ولا درايه له ولايعرف شىء عن الصرمباء وكنا نسير معا انا واختى وزوجها
                              وارادت اختى شراء صرمباء فتوجهنا لعربة البائع
                              وكان امامه كومة تقدر بحوالى اتنين كيلو واذا بزوج اختى تاخده الشهامة ويبادر ويقول للبائع اوزن لى كيلو طبعا البائع نظر له باستغراب شديد لانه لايباع بالكيلو ونظر لى واختى وجدنا نبتسم ونكتم ضحكتنا
                              واختى طلبت من البائع جوزين واحس زوج اختى بالاحراج الشديد بعد افهامه

                              بالنسبة للسهلية هى لاتطبخ ولكن ممكن تقلى بالزيت بعد ان تتبل بالدقيق
                              والافضل والمعتاد ان تشوى بان يدهن الصاج بالزيت وكذلك يدهن السمك بالزيت ان تمرغه فيه وهو على الصاج وده بيحافظ على قوام السمكة والاحتفاظ بالدهون الطبيعية للسمكة وان ينضج كل جزء فيها ويعطى طعم افضل ولا انصحك باستخدام الردة لانه يلوث السمكة بالرماد الناتج عن احتراق الردة وهو غير صحى بالمرة وزبيضيع طعم السمكة ومتعه اكلها بدون تلوث للايدى بالرماد وكمان ده نوع من التوفير يقوم به صاحب الفرن لان تكلفة الزيت اغلى من الردة فاطلب منه ان يستخدم الزيت بدل الردة عند تسليمه السمك

                              سمك البغبان وده اسم غريب احنا بنسميه المحسنى او الحسينى ولانحب اكله طازة ولكن هو شبيه بالحريد او الحريب او البكالاه وده بعد تجفيفه وتنظيفه بماء البحر خلال صيده بالبحر
                              لانه زمان كان لاتنتشر الثلاجات التى تعمل بالكهرباء فى سفن الصيد فكان يصاد وينظف ويجفف على سطح المركب باشعه الشمس لذلك كان منتشرا بالسويس حتى منتصف السبعينات والمجفف طعمه الذ من الاخضر اى الطازة وكنا لانأكله ومعظم السوايسة الا فى العيد حيث يعرض على الارصفة وكان ياتى من رأس غارب وكانت امى رحمها الله تنقعه
                              ليلا فى الماء لغاية ظهر اليوم الثانى بعد تغيير الماء اكثر من مرة فتعود طراوة اللحم كما كانت(سبحان الله) فتغسله بالدقيق والخل
                              ثم يوضع فى الصاج ويدهن بالزيت ثم يوضع فوقه خلطة من الكسبرة الخضراء والشبت والكمون
                              وعصير ليمون وترنشات طماطم مع قليل من الملح ثم على الفرن الخاص بالسمك وكانت تعمل بفضلات الخشب الناتج من تصتيع السفن وياسلاااااااااااااااام على الطعم اللذيذ الله يرحم ايام زمان وخير زمان واهل زمان

                              الافضل للبغبغان الظازة كما تقولون عليه ان يشوى كما شرحت طريقة المجفف بس بدون نقع طبعا

                              معظم البائعين زى بعض بيحب المكسب ويدبح الغريب فى السعر يعى لازم تنزل فى السعر 15-20% وده طبعا حسب العرض والطلب يعنى وفرة النوع فى الحلقة او لا
                              مشكور جدا جدا جدا وجزاك الله خير على المعلومات المفيدة الممتازة.
                              [marq="3;right;3;scroll"]لا حول ولا قوة الا بالله العلى العظيم
                              [/marq]

                              Comment


                              • #45
                                جوعتونا اجودعان الواحد يادوب قرا اول صفحتين والجوع الكافر اشتغل

                                Comment

                                Working...
                                X