سؤال للإخوة الظباط ( شرطة- جيش) والمحاميين والمواطنين الطبيعيين

[Eng.Osama.Afifi]

سؤال :
دلوقتي أنا لو دخلت على كمين ( جيش أو شرطة ) ... هل من حقه يفتشني ويفتش العربية ؟؟ مع العلم إن جميع الأوراق سليمة والبطاقة موجودة وسارية ومفيش أي مخالفة ؟

لأني حصل معايا موقف مع كمين جيش ... والعساكر كانوا ناويين يفتشوا كل ميلي في العربية ... ولما الظابط شاف المهنة ومحل الإقامة قالوهم محدش يفتش حاجة ومشاني في ساعتها ... بس أنا بتوقع لو كانوا ابتدوا يفتشوا وأنا أعترضت ... هل من حقي ؟ مهو ممكن يقوم مبوظ حاجة أو يكسر حاجة أو يسرق حاجة وأنا معرفش ... وممكن يكون فيه تعسف ... يعني ممكن يقطع فرش العربية ويدور جواه مثلا ... إيه حدوده لو كان أصلا من حقه !!

[احمد المصرى]

اذا كان بيقتلوا الناس بدم بارد هل هتفرق معاهم كرامه المواطن او عربيته

[ramymechanics]

طبقا للقانون المصرى لا يحق لحد تفتيش عربيتك الا بإذن نيابة لأنها ملكية خاصة زيها زى الشقة بالظبط لكن فى حالة الاشتباه ليها ضوابط بردو وفى ظل قانون الطوارئ ينفع تتفتش زى ما هو عاوز لو مجرد شكلك معجبوش او بصيت له بنظرة مش كويسة معجبتش سعادته

لكن الواقع بقا حاليا ... اعترض عالتفتيش هيتلزقلك علامة صفرا عالعربية وتتصور مع كام حتة سلاح فى نشرة 9 وتطلع ارهابى ومتسبب فى اى انفجار مش لاقيين اللى عمله ... من الآخر معندكش واسطة استعوض ربنا وسيبهم يعملوا اللى عاوزينه

[Eng_hatemfathy]

السؤال ده يتسأل فى دولة فيها قانون لكن فى دولة بتسمح بالقتل على الهوية والقتل لمجرد الاشتباه واغتصاب وتعذيب معتقلين اثناء التحقيق يبقى السؤال مش فى محله خالص ومش هتلاقى اجابه لان مفيش ظابط محترم راضى عن اللى بيحصل حتى لو مختلف فى رأيه او موقفه السياسى مع اخرين

[mahmoud_ali]

معرفش بس انا دخلت على كماين كتير محدش وصل بيه الامر معايا انه يفتشنى او يفتش العربيه مع العلم انى لسه طالب جامعى هوا اخره بيشوف الرخص وبمشى على كده وانا ابن خالتى ظابط جيش بيوقف فى كماين وكذا مره سئلتوا مبيرخمش على حد طالما رخصته سليمه

[abouzaid555]

اذا كان بيقتلوا الناس بدم بارد هل هتفرق معاهم كرامه المواطن او عربيته

انا شايف ان ده انسب تعليق على كلام حضرتك يا محترم
عن أبي هريرة رضي الله عنه : أن رسول الله صلى الله عليه وسلم قال : ( من كان يؤمن بالله واليوم الآخر ، فليقل خيرا أو ليصمت ) رواه البخاري ومسلم .

[a7medsh3rawi]

ما الإجراءات التى يتم فيها تفتيش السيارة من قبل أجهزة الأمن؟ وهل السيارة تعامل معاملة المسكن الخاص؟ وهل يفرق القانون بين السيارة الملاكى والأجرة؟

يجيب على هذه الاستفسارات خالد فؤاد المحامى بالاستئناف العالى، حيث يشير أولا إلى الحالات التى يتم فيها تفتيش السيارة الأجرة أو الملاكى وفقا للقانون قائلا، إن السيارات الملاكى تعامل معاملة المنزل، وذلك طبقا للمادة 44 من الدستور وهى (للمسكن حرمة) ومن هذا المنطلق فلا يجوز دخول السيارة ولا تفتيشها إلا بأمر قضائى وفقا للقانون،
ولا يجوز تفتيش السيارة الملاكى، إلا فى حالة التلبس بارتكاب جريمة داخل السيارة، وفقا للمادة 30 من قانون الإجراءات الجنائية.

ولكن السيارة الأجرة والميكروباص تعامل معاملة المحال العامة، وفقا للمادة الأولى من القانون 371 لسنة 1956 بشأن المحال العامة وتعطى المادة 41 من القانون ذاته لمأمور الضبط القضائى حق دخول تلك السيارات.. الأجرة والميكروباص وأتوبيسات النقل العام والسياحة ونقل البضائع.

[احمد المصرى]

انا شايف ان ده انسب تعليق على كلام حضرتك يا محترم
عن أبي هريرة رضي الله عنه : أن رسول الله صلى الله عليه وسلم قال : ( من كان يؤمن بالله واليوم الآخر ، فليقل خيرا أو ليصمت ) رواه البخاري ومسلم .

وانا شايف ان انسب تعليق على كلامك يا محترم انى اقولك وانت مسكتش ليه ومتكلمتش

[أبو آسر]

يجب إعادة بناء صيغة السؤال فيكون
هل نحن في دولة بها قانون وبالتالي من حقي الاعتراض على تفتيش سيارتي كمواطن محترم لي حقوق أم أني في دولة ليس بها قانون والقوي يفعل ما يشاء في الضعيف بلا ضابط ولا رقيب وبالتالي ليس من حقي الاعتراض على ذلك لأني لو اعترضت سيتم تلفيق تهمة لي (الموضة هذه الأيام إخوان) وسيتم ضربي وسحلي وإهانتي وممكن قتلي وليس لي دية والرأي العام سيقول في داهية وتسلم الأيادي اللي قتلته وخلصت البلد من شرور هذا الإرهابي المجرم الخائن العميل ؟
الجواب طبعا معروف مش محتاج ذكاء

[أحمد كمال]

انا شايف ان ده انسب تعليق على كلام حضرتك يا محترم
عن أبي هريرة رضي الله عنه : أن رسول الله صلى الله عليه وسلم قال : ( من كان يؤمن بالله واليوم الآخر ، فليقل خيرا أو ليصمت ) رواه البخاري ومسلم .

lol

[rompo10]

بص من الاخر مصر مش دوله قانون عشان تسال سؤال زي دا بس عموما لايجوز تفتيش السياره الا في حاله الحصول علي اذن نيابه مسبق وطبعا عشان الاذن يطلع لازم يكون في تحريات او في حاله الاشتباه لكن لو حبيت تتكلم او تتلامض هايحطلك أي حاجه في العربيه او برشامه صداع ويعملك محضر اشتباه انها حبوب مخدره مثلا وهو عارف انك هاتطلع بس كفايه اوي انك هاتتعرض علي النيابه وهاتقضي يوم او اكثر في الحجز وفي الاخر هاتطلع طبعا انا محامي ورخصتي مكتوب فيها المهنه قبل كده كنت ازعق او اتخانق عادي لكن دلوقتي لو طلب التفتيش مش هاعترض طبعا دا رئيس الجمهوريه في السجن ومش بيطبق عليه القانون

[Mostafa.Mahran]

الكلام ده يتسأل فى اى مكان غير مصر

[مصطفى-حسن]

بص يا اخى الفاضل
انا هقولك على حاجة هيا الخلاصة
التعايش

يعنى اية
يعنى انت عايش فى دولة تتلقى ضربات متلاحقة من الارهابيين
وظباط جيش وشرطة وعساكر بيموتوا كل يوم
وصفحات وشيوخ بتحرض عليهم وعلى اسرهم وعائلاتهم
فطبيعى انهم يكونوا مشدودين وشغالين على اعصابهم وواقفين على ضوافرهم

فميجراش حاجة انك تعذرهم دول مهما كانوا بشر ولما حد منهم يوقفك اتعاون معاة جدا وخليك ايجابى ومتزهقش لانة كدة بيحميك وبيحمى نفسة من كل غادر وطالما انت سليم يبقى مفيش اى حاجة

اركن القانون الطبيعى دلوقتى على جنب

ديفيد كاميرون رئيس وزراء اعتى ديمقراطية فى العالم لما كان بيواجة شوية شغب مش ارهاب ولا حاجة يعنى اقل من اللى عندنا 100 مرة قال لهم قولتة المشهورة :
عندما تصل الأمور للأمن القومي لا تسألني عن حقوق الإنسان

[mohamed_selim]

بدون الدخول فى نقاشات المقوله دى مش صح و تم نفى انه قالها

[rompo10]

بص يا اخى الفاضل
انا هقولك على حاجة هيا الخلاصة
التعايش

يعنى اية
يعنى انت عايش فى دولة تتلقى ضربات متلاحقة من الارهابيين
وظباط جيش وشرطة وعساكر بيموتوا كل يوم
وصفحات وشيوخ بتحرض عليهم وعلى اسرهم وعائلاتهم
فطبيعى انهم يكونوا مشدودين وشغالين على اعصابهم وواقفين على ضوافرهم

فميجراش حاجة انك تعذرهم دول مهما كانوا بشر ولما حد منهم يوقفك اتعاون معاة جدا وخليك ايجابى ومتزهقش لانة كدة بيحميك وبيحمى نفسة من كل غادر وطالما انت سليم يبقى مفيش اى حاجة

اركن القانون الطبيعى دلوقتى على جنب

ديفيد كاميرون رئيس وزراء اعتى ديمقراطية فى العالم لما كان بيواجة شوية شغب مش ارهاب ولا حاجة يعنى اقل من اللى عندنا 100 مرة قال لهم قولتة المشهورة :
عندما تصل الأمور للأمن القومي لا تسألني عن حقوق الإنسان

هههههههههههههههههههههه اقناع فظيع الصراحه الله يرحم ايام مرسي حقوق الانسان حقوق الانسان حقوق الانسان حقوق الانسان