سؤال للإخوة الظباط ( شرطة- جيش) والمحاميين والمواطنين الطبيعيين

[Eng.Osama.Afifi]

أنا عارف إن إحنا في دولة لا تحترم مواطنيها ... ولا أرواحهم ولا ممتلكاتهم ... كل ده كلام لا يختلف عليه إلا أعمى

أنا كنت بسأل يعني في ظل التطبيخ القوانين الحالية ... هل يعني في ظل القوانين الحالية من حقه ولا مش من حقه ...

إنما كدة زي ما تكرم الأخوة مشكورين إن هو مش من حقه ... وده كدة بيعتدي على ممتلك خاص ... بغض النظر عن إن الظابط بيحترم ده أو لاء ...

طيب فرضا أتفتشت ... وده أدى إلى وقوع ضرر ... ممكن اشتكيه ؟ وينفع أصوره عشان أثبت الواقعه ؟

[Mostafa.Mahran]

بص يا اخى الفاضل
انا هقولك على حاجة هيا الخلاصة
التعايش

يعنى اية
يعنى انت عايش فى دولة تتلقى ضربات متلاحقة من الارهابيين
وظباط جيش وشرطة وعساكر بيموتوا كل يوم
وصفحات وشيوخ بتحرض عليهم وعلى اسرهم وعائلاتهم
فطبيعى انهم يكونوا مشدودين وشغالين على اعصابهم وواقفين على ضوافرهم

فميجراش حاجة انك تعذرهم دول مهما كانوا بشر ولما حد منهم يوقفك اتعاون معاة جدا وخليك ايجابى ومتزهقش لانة كدة بيحميك وبيحمى نفسة من كل غادر وطالما انت سليم يبقى مفيش اى حاجة

اركن القانون الطبيعى دلوقتى على جنب

ديفيد كاميرون رئيس وزراء اعتى ديمقراطية فى العالم لما كان بيواجة شوية شغب مش ارهاب ولا حاجة يعنى اقل من اللى عندنا 100 مرة قال لهم قولتة المشهورة :
عندما تصل الأمور للأمن القومي لا تسألني عن حقوق الإنسان

فعلا طول عمرهم مساكين و لازم نستحملهم

[rompo10]

لا تسال الطغاه لماذا طغوا ولكن اسال العبيد لماذا ركعوا

[مصطفى-حسن]

الناس اللى مستغربة حالة التشديد الامنى ونصيحتى للراجل انة يتعايش معاها

اذا كان كارفور وهايبر بيفتشوا شنطة العربية قبل ما تدخل الباركن بتاعهم

هه
واخدين بالكم
كارفور وهايبر اللى هما فى الاخر عبارة عن سوبر ماركت كبير
فلما يبقى كارفور وهايبر بيفتشوا شنطة عربيتك
يبقى من حق الظابط انة يفتش حتى حذاءك

مفيش قانون اصلا يدى الحق لصاحب سوبر ماركت انة يفتشك وانت داخل عندة

دة لو هنمشيها رسمى بقة ومقارنة بين درجة الخطورة والمستهدف والجهة اللى بتفتش

[shiko85]

lol

!!!!!!!!!!

[mr_vampire]

بص يا اخى الفاضل
انا هقولك على حاجة هيا الخلاصة
التعايش

يعنى اية
يعنى انت عايش فى دولة تتلقى ضربات متلاحقة من الارهابيين
وظباط جيش وشرطة وعساكر بيموتوا كل يوم
وصفحات وشيوخ بتحرض عليهم وعلى اسرهم وعائلاتهم
فطبيعى انهم يكونوا مشدودين وشغالين على اعصابهم وواقفين على ضوافرهم

فميجراش حاجة انك تعذرهم دول مهما كانوا بشر ولما حد منهم يوقفك اتعاون معاة جدا وخليك ايجابى ومتزهقش لانة كدة بيحميك وبيحمى نفسة من كل غادر وطالما انت سليم يبقى مفيش اى حاجة

اركن القانون الطبيعى دلوقتى على جنب

ديفيد كاميرون رئيس وزراء اعتى ديمقراطية فى العالم لما كان بيواجة شوية شغب مش ارهاب ولا حاجة يعنى اقل من اللى عندنا 100 مرة قال لهم قولتة المشهورة :
عندما تصل الأمور للأمن القومي لا تسألني عن حقوق الإنسان

الكلام ده ممكن يبقي صح لو كانت تصرفاتهم ده جديدة عليهم . ولكن متهيالي محدش يقدر ينكر ان ده اصلهم اللي متعودين عليه من قبل 25 يناير.

امال ثورة 25 يناير قامت ليه بجانب الفساد والفقر والمرض ؟؟؟؟؟؟

[shiko85]

الناس اللى مستغربة حالة التشديد الامنى ونصيحتى للراجل انة يتعايش معاها
اذا كان كارفور وهايبر بيفتشوا شنطة العربية قبل ما تدخل الباركن بتاعهم
هه
واخدين بالكم
كارفور وهايبر اللى هما فى الاخر عبارة عن سوبر ماركت كبير
فلما يبقى كارفور وهايبر بيفتشوا شنطة عربيتك
يبقى من حق الظابط انة يفتش حتى حذاءك
مفيش قانون اصلا يدى الحق لصاحب سوبر ماركت انة يفتشك وانت داخل عندة
دة لو هنمشيها رسمى بقة ومقارنة بين درجة الخطورة والمستهدف والجهة اللى بتفتش

+1111111
لا و الناس بتفتح شنطة العربيه عادى جدا و مفيش مشاكل رغم انهم داخلين مكان خدمى و هيدفعوا فلوس
اصل اللى بيفتشوا فكارفور و هايبر مش ظباط جيش ولا شرطه فا عادى يعنى مفيش مشاكل
معلش اللى بيهجموا الجيش و الشرطه ميعرفوش احساس انك تسيب البيت كل يوم و اهلك عارفين انك مش هترجع تانى, بيهاحموا و عمرهم ما فكروا ان كل يوم الواحد ممكن يفقد صديق او زميل
و بالنسبه ان الجيش و الشرطه اللى بتقتل الناس بدم بارد, اظن واضح جدا مين اللى بيعمل ده بس " فأنها لا تعمى الأبصار و لكن تعمى القلوب التى فى الصدور"
المهم
صاحب الموضوع حضرتك لو تكرمت فأى كمين تانى بلاش تتضايق انهم بيفتشوا و نستحمل كلنا شويه لحد ما ربنا يخلصنا من الأرهاب و اعوانه و انصاره

[مصطفى-حسن]

هما بس ييجوا عند الظابط او العسكرى اللى القانون مديلة الحق بحفظ القانون وتنفيذة ويقولك لية وازاى وبتاع ومش عارف اية ويقعدوا يتحنجلوا

وييجى عند بتاع الامن اللى فى كارفور اللى معاة ابتدائية ولا اعدادية ولا فية قانون يديلة الحق ان يفتشة وتلاقية يفتح شنطة العربية بمنتهى التعاون وميشتكيش من التشديدات المبالغ فيها

حاجة تفقع

[Eng.Osama.Afifi]

يافندم .... ده واحد حيفتش العربية حتة حتة ... يعني ممكن أقعد جنبيه ساعتين ... وممكن يسرق حاجة وأنا أكون عارف إنه سرقها ومقدرش أفتح بقي عشان ميلبسنيش تهمة ... مش عارف إيه علاقة الراجل بتاع كارفور إللي بيفتح الشنطة يخلي الكلب يشمشم فيها وخلاص ... عشان أخش الباركينج بتاعه ... إنما لو مش عاجبني حركن بره وملوش حاجة عندي !

يافندم أنا دلوقتي لو سايق وجيت كسرت على ظابط ... وراح قالي تعالى بقى حفتشك ... وراح ماسك كاتر وقطع الفرش بتاع عربيتي عشان يشوف هل أنا مخبي جواه حاجة ولا لاء ... هل ده من حقه ؟؟ ما الناس كل يوم بتموت عادي في كل حتة سواء طلبة أو دكاترة أو مهندسين أو حتى ناس عادية ... مش معنى إن حضرتك مشفق على الظابط عشان بيتعرض للخطر ... ما أحنا كلنا معرضين للخطر ولا في أمن ولا زفت على الطريق ... هل ده معناه إنه يخالف القانون ؟؟؟

أنا بسأل سؤال بسيط عشان أنا مش متابع القوانين إللي كل 5 دقايق تتغير ... هل من حقه ولا مش من حقه ... وطلع مش من حقه ... كون بقى إني أستحمل غلاستهم أو لاء ديه حاجة بتختلف من شخص لآخر ... بس في الآخر حبقى عارف إنه بيفتشني بلطجة مش بالقانون

ويافندم ... بغض النظر عن الغوغائية إللي إحنا عايشين فيها ... المفروض فيه قانون بيطبق على الجميع ... كل الناس بيطبق عليها بدون إستثنائات ... عشان مش كل الناس محترمة ومش كل الناس بتحب البلد ديه !

سمعت صحيح عن الظابط إللي كان بيسرق العربيات على الدائري ... كان ظابط عامل كمين من دماغه وبيفتش الناس وبيقلبهم ... وأتمسك .... ياترى كام واحد من إللي أتسرقوا دول كان مستحمل عشان مصر !!!!

[4fun14]

بص يا اخى الفاضل
انا هقولك على حاجة هيا الخلاصة
التعايش

يعنى اية
يعنى انت عايش فى دولة تتلقى ضربات متلاحقة من الارهابيين
وظباط جيش وشرطة وعساكر بيموتوا كل يوم
وصفحات وشيوخ بتحرض عليهم وعلى اسرهم وعائلاتهم
فطبيعى انهم يكونوا مشدودين وشغالين على اعصابهم وواقفين على ضوافرهم

فميجراش حاجة انك تعذرهم دول مهما كانوا بشر ولما حد منهم يوقفك اتعاون معاة جدا وخليك ايجابى ومتزهقش لانة كدة بيحميك وبيحمى نفسة من كل غادر وطالما انت سليم يبقى مفيش اى حاجة

اركن القانون الطبيعى دلوقتى على جنب

ديفيد كاميرون رئيس وزراء اعتى ديمقراطية فى العالم لما كان بيواجة شوية شغب مش ارهاب ولا حاجة يعنى اقل من اللى عندنا 100 مرة قال لهم قولتة المشهورة :
عندما تصل الأمور للأمن القومي لا تسألني عن حقوق الإنسان

مصطفي بيه.. ازيك يا ريس..
معلهش نتحشر ف كلمه صغيره اوي..
المقوله المشهوره دي متقالتش اصلا ولا يجرؤ يقولها وزير ف دوله ديموقراطيه والا تاني يوم يقعد ف بيته واتكذبت المقوله دي ومش هتلاقيلها اي فيديو
بدون مواطن يباه الوطن نفسه بلا قيمه.. وحقوق الانسان خط احمر محدش بيقرب منه ف اي دوله تحترم شعبها لانه هو مصدر السلطه مش ملطشه

[Eng.Osama.Afifi]

الخبر أهوه ...

ضابط شرطة يتزعم تشكيل عصابة لسرقة السيارات بالإكراه بالبساتين

لازم الواحد يكون عارف على الأقل حقوقه ... عشان لما يتنازل عنها يكون عارف إنه بيتنازل عن حقه مش إنه بيطبق القانون

[تامر.محمد]

طبقا للقانون المصرى لا يحق لحد تفتيش عربيتك الا بإذن نيابة لأنها ملكية خاصة زيها زى الشقة بالظبط لكن فى حالة الاشتباه ليها ضوابط بردو وفى ظل قانون الطوارئ ينفع تتفتش زى ما هو عاوز لو مجرد شكلك معجبوش او بصيت له بنظرة مش كويسة معجبتش سعادته

لكن الواقع بقا حاليا ... اعترض عالتفتيش هيتلزقلك علامة صفرا عالعربية وتتصور مع كام حتة سلاح فى نشرة 9 وتطلع ارهابى ومتسبب فى اى انفجار مش لاقيين اللى عمله ... من الآخر معندكش واسطة استعوض ربنا وسيبهم يعملوا اللى عاوزينه

دي الخلاصة
قانونا مش من حق حد لا يفتش عربيتك ولا ينزلك منها
لكن الحقوق دي للاجانب بس

Sent from my GT-N7000 using Forum Runner

[مصطفى-حسن]

يافندم .... ده واحد حيفتش العربية حتة حتة ... يعني ممكن أقعد جنبيه ساعتين ... وممكن يسرق حاجة وأنا أكون عارف إنه سرقها ومقدرش أفتح بقي عشان ميلبسنيش تهمة ... مش عارف إيه علاقة الراجل بتاع كارفور إللي بيفتح الشنطة يخلي الكلب يشمشم فيها وخلاص ... عشان أخش الباركينج بتاعه ... إنما لو مش عاجبني حركن بره وملوش حاجة عندي !

يافندم أنا دلوقتي لو سايق وجيت كسرت على ظابط ... وراح قالي تعالى بقى حفتشك ... وراح ماسك كاتر وقطع الفرش بتاع عربيتي عشان يشوف هل أنا مخبي جواه حاجة ولا لاء ... هل ده من حقه ؟؟ ما الناس كل يوم بتموت عادي في كل حتة سواء طلبة أو دكاترة أو مهندسين أو حتى ناس عادية ... مش معنى إن حضرتك مشفق على الظابط عشان بيتعرض للخطر ... ما أحنا كلنا معرضين للخطر ولا في أمن ولا زفت على الطريق ... هل ده معناه إنه يخالف القانون ؟؟؟

أنا بسأل سؤال بسيط عشان أنا مش متابع القوانين إللي كل 5 دقايق تتغير ... هل من حقه ولا مش من حقه ... وطلع مش من حقه ... كون بقى إني أستحمل غلاستهم أو لاء ديه حاجة بتختلف من شخص لآخر ... بس في الآخر حبقى عارف إنه بيفتشني بلطجة مش بالقانون

ويافندم ... بغض النظر عن الغوغائية إللي إحنا عايشين فيها ... المفروض فيه قانون بيطبق على الجميع ... كل الناس بيطبق عليها بدون إستثنائات ... عشان مش كل الناس محترمة ومش كل الناس بتحب البلد ديه !

سمعت صحيح عن الظابط إللي كان بيسرق العربيات على الدائري ... كان ظابط عامل كمين من دماغه وبيفتش الناس وبيقلبهم ... وأتمسك .... ياترى كام واحد من إللي أتسرقوا دول كان مستحمل عشان مصر !!!!

هقول لحضرتك على وقائع بتحصل قدام عينى كل يوم على الطريق

على ارض الواقع الظابط عمرة ما هيرخم على حد متعاون معاة

بشوف اللى قدام منى داخل على الكمين ولابس النضارة وبيتعامل مع الضابط اللى واقف بيحفظ الامن بتناكة ومنزل من الازاز 5 سم عشان التكييف وبيكلمة من ال 5 سم دول

الطبيعى اصلا لو حضرتك مكان الظابط ان هتمشيها ميرى وهات الرخص واركن على جنب وهتعيش معاة

والواقعة دى على فكرة ملهاش دعوة بظابط وفرد عادى

انت لو داخل اى مصلحة حكومية وقعدت تنفخ وتزهق على الناس اللى جوة هيمشوها معاك ميرى وهيلففوك حوالين نفسك السبع دوخات

بلاش دى ولا دى
انا عندى محل هدايا لما بلاقى زبون داخل عندى ومنفوخ وتنك كدة ويشاورلى كدة بطراطيف صوابعة ويقولى فرجنى على دى

بقولة مش فاضى

انا لما بدخل على لجنة لو بالليل بطفى النور واشغل الانتظار وافتح الازاز بتاعى للاخر واول ما ادخل على الظابط بروح منور نور الصالون عشان اساعدة يأدى وظيفتة والرخصتين فى ايدى الشمال وانا ماسك الدركسيون

بالوضعية دى مش عايز احلفلك عمر ما ظابط حتى قالى هات الرخص علما بانى فضلت ماشى بتصريح سير 3 شهور لمدة سنة وهو خلصان اصلا

التعايش يا سيدى الفاضل
وانك تحط نفسك مكان الطرف التانى

[Eng.Osama.Afifi]

أكيد يافندم الأحترام ده شيء أساسي ... ومش معنى إني معترض على التفتيش إني بحتقره أو بأقلل من قدره ... لاء هو أكيد ليه كل الإحترام طالما بيأدي واجبه إللي بيفرضه عليه القانون ... للعلم بالشيء أنا بطفي النور وبشغل الفوجات وأنا داخل الكمين وبفتح نور الصالون ( عادة ) وبدي الرخص بمنتهى الأدب ... والظابط ( للعلم بالشيء ) إللي وقفني كان ذوق وكل حاجة ... أنا كلامي إني أعرف حقي ... عشان مش كل مرة حقع من ظابط كويس ... فيه ناس قمة في قلة الأدب والغرور والتكبر ...

وطالما الاحترام متبادل ... الدنيا ماشية ... بس ياما ناس محترمة وقعت مع ناس غير محترمة

[مصطفى-حسن]

مصطفي بيه.. ازيك يا ريس..
معلهش نتحشر ف كلمه صغيره اوي..
المقوله المشهوره دي متقالتش اصلا ولا يجرؤ يقولها وزير ف دوله ديموقراطيه والا تاني يوم يقعد ف بيته واتكذبت المقوله دي ومش هتلاقيلها اي فيديو
بدون مواطن يباه الوطن نفسه بلا قيمه.. وحقوق الانسان خط احمر محدش بيقرب منه ف اي دوله تحترم شعبها لانه هو مصدر السلطه مش ملطشه

ازيك يا طارق ....عامل اية
وعملت فى تنضيف التلاجة ...اوعى تقولى فشلت

بالنسبة للديمقراطية اللى عايزين يطبقوها عنها هيا النسخة التقليد مش الاصلى
لان الديمقراطية الاصلية ليها انياب

وهقولك ازاى

ليا واحد صاحبى زميل دراسة (زميل دكة زى ما بنقول) شغال فى ولاية شيكاغو بيحكيلى ان عشان ظابط مرور يوقفك ليها نظام عندهم

انك تبطل العربية وايديك الاتنين على الدركسيون لحد ما الظابط ييجى قدامك ومتطلعش الورق ( الرخصة) الا لما يطلبها منك وتكون العربية مبطلة

مش زى عندنا تمد ايدك ورا منك وانت داخل على الظابط (طبعا عشان تطلع الرخصة) قالى الحركة دى لو عملتها هناك من حق الظابط انة يضربك بالنار

يا طارق الديمقراطية اللى عاوزين يصدروها لنا هيا الديمقراطية التقليد مش الاصلية

الديمقراطية الاصلية ليها انياب