سؤال للإخوة الظباط ( شرطة- جيش) والمحاميين والمواطنين الطبيعيين

[afrikano]

بص ياغالى انا هحكيلك موقف حصل معايا .. نفس السؤال اللى انا سالته هجاوبك عليه

دخلت على كمين عادى مافيش اى مشاكل شاف الرخص وكله تمام
كان معايا صحابى واحد بصلى وقالى خليك انت << " تقريبا دا مخبر من اللى بيقفو " ونزل صحابى يفتشهم

قولت ماشى ماعلينا
وقالى اركن على جنب .. ركنت وفتش صحابى وفتش العربية
فى الظابط كان واقف على جنب قالى انزل تعالى
نزلتله قال للمخبر فتشه

فتشنى ومافيش حاجة طبعا فى العربية ولا مع حد فينا
بعد ما فتشنى وانا واقف مستنى يدينى الرخص بيقولى مالك واقف معووج كدة

قولتله انت فتشتنى وفتشت العربية ومافيش حاجة معانا
وبعدين مانا واقف اهو عدل

قالى اتكلم حلو انت واقف فى كمين والكلام دة
ولاقيت المخبرين اللى جنبه جايين عليا واللى يشدنى من هدومى ويقولى اتكلم حلو
والحاجات دى .. زغدنى فى صدرى .. ماعرفش الناس هتفهم يعنى ايه زغده ولا لا بس مالهاش اسم غير كدة :d

المهم سيبتهم يعملو اللى عاوزينه وبعدين ادانى الرخص وانا رايح اركب العربية
مخبر بيقولى لو كنت واقف حلو ماكنش حصل كل دة .. قولتله انتو مالقيتوش معانا حاجة يبقى مالهوش لازمه كل دة

راح جاى جرى الظابط تانى عليا واخد الرخص وقال للمخبر اركب معاه خده اعمله محضر :)

" اول مرة ادخل قسم "
قولت ماشى هنشوف اخرتها ايه .
روحت القسم قالو انى هتعرض على المامور قولت اكيد لما ادخل للمامور ويعرف اللى حصل هيوقف معايا
دخلت للمامور بيقولى ايه جابك

قولتله الظابط مش عاجبه كلامى !

قالى وانت مين اصلا علشان يعجبه كلامك ؟
انا ممكن ابيتك فى الحبس وتطلع بكرة ونقولك معلش سوء تفاهم

قولتله اللى انت شايفه ..

المهم ادانى الرخص وقالى روح

ونسيت اقولكم
وهما بيفتشو العربية المخبر مكانش عارف يفتح الشنطة
مش عارف عمل ايه خلاها مابتقفلش .. روحت لسمكرى بعد ماخلصت عدلها تانى

دى قصة حصل معايا .. وبتلخص البلد دى ماشية ازاى

معاك واسطة .. تعمل اللى انت عاوزه
مواطن عادى .. يتعمل فيك اللى هما عاوزينه

[bmya]

بص ياغالى انا هحكيلك موقف حصل معايا .. نفس السؤال اللى انا سالته هجاوبك عليه

دخلت على كمين عادى مافيش اى مشاكل شاف الرخص وكله تمام
كان معايا صحابى واحد بصلى وقالى خليك انت << " تقريبا دا مخبر من اللى بيقفو " ونزل صحابى يفتشهم

قولت ماشى ماعلينا
وقالى اركن على جنب .. ركنت وفتش صحابى وفتش العربية
فى الظابط كان واقف على جنب قالى انزل تعالى
نزلتله قال للمخبر فتشه

فتشنى ومافيش حاجة طبعا فى العربية ولا مع حد فينا
بعد ما فتشنى وانا واقف مستنى يدينى الرخص بيقولى مالك واقف معووج كدة

قولتله انت فتشتنى وفتشت العربية ومافيش حاجة معانا
وبعدين مانا واقف اهو عدل

قالى اتكلم حلو انت واقف فى كمين والكلام دة
ولاقيت المخبرين اللى جنبه جايين عليا واللى يشدنى من هدومى ويقولى اتكلم حلو
والحاجات دى .. زغدنى فى صدرى .. ماعرفش الناس هتفهم يعنى ايه زغده ولا لا بس مالهاش اسم غير كدة :d

المهم سيبتهم يعملو اللى عاوزينه وبعدين ادانى الرخص وانا رايح اركب العربية
مخبر بيقولى لو كنت واقف حلو ماكنش حصل كل دة .. قولتله انتو مالقيتوش معانا حاجة يبقى مالهوش لازمه كل دة

راح جاى جرى الظابط تانى عليا واخد الرخص وقال للمخبر اركب معاه خده اعمله محضر :)

" اول مرة ادخل قسم "
قولت ماشى هنشوف اخرتها ايه .
روحت القسم قالو انى هتعرض على المامور قولت اكيد لما ادخل للمامور ويعرف اللى حصل هيوقف معايا
دخلت للمامور بيقولى ايه جابك

قولتله الظابط مش عاجبه كلامى !

قالى وانت مين اصلا علشان يعجبه كلامك ؟
انا ممكن ابيتك فى الحبس وتطلع بكرة ونقولك معلش سوء تفاهم

قولتله اللى انت شايفه ..

المهم ادانى الرخص وقالى روح

ونسيت اقولكم
وهما بيفتشو العربية المخبر مكانش عارف يفتح الشنطة
مش عارف عمل ايه خلاها مابتقفلش .. روحت لسمكرى بعد ماخلصت عدلها تانى

دى قصة حصل معايا .. وبتلخص البلد دى ماشية ازاى

معاك واسطة .. تعمل اللى انت عاوزه
مواطن عادى .. يتعمل فيك اللى هما عاوزينه

معلش تعايش عشان مسر

[rompo10]

هو يافندم في ظل ارهاب الاخوان متنوع الاشكال من بلطجة الطلبة والطالبات بالقول والفعل وفتاوى مشايخهم بجواز الحرق والاتلاف والقتل والتفجير وولاد الحلال منهم اللي بيطلعوا في فيديوهات يلقوا كلمه عن الجهاد في سبيل الله فبل مايقتلوا او يفجروا مواطن مصري غلبان .. في ظل كل ده يحق للشرطه عمل اي شيء لان الوضع استثنائي ولو عملوا معايا كده حرحب بالموضوع واساعدهم بكل الطرق على اداء واجبهم .. اما الاخوه من الاخوان اللي بيوصفونا بالعبيد فعاوز - حقيقي - واحد من الشجعان دول يرفض ان عربيته تتفتش ويقول للظابط الكلام اللي بيقوله هنا وهو قاعد على الكمبيوتر بيستعرض شجاعته ويتهم هذا وينعت ذاك بالعبوديه ... ويبقى يبلغنا بالتفاصيل

احنا ارهابين مش بنتكلم بنقتل علي طول

[mr_who515]

الأحرار يؤمنون بمن معه الحق .. والعبيد يؤمنون بمن معه القوة .. فلا تعجب من دفاع الأحرار عن الضحية دائماَ !! ودفاع العبيد عن الجلاد دائماَ !!.

[أبو آسر]

الأحرار يؤمنون بمن معه الحق .. والعبيد يؤمنون بمن معه القوة .. فلا تعجب من دفاع الأحرار عن الضحية دائماَ !! ودفاع العبيد عن الجلاد دائماَ !!.

هي دي الخلاصة
تسلم إيديك

[احمد المصرى]

صاحب الموضوع وكاتبه انا حرد على سؤالك بفرض حسن النيه في السؤال:
انا لو في كمين و حبيت اسألك على الرخص و تعاونت معايا حمشيك لكن لو ابديت عدم التعاون حفتشك و حفتش العربيه و كل مايبان منك خوف او ضيق حاعلى بالتفتيش...
لو طلبت منك الركنه على جنب اركن عادي و اسمع لتعليمات اللي وقفك و تعاون معاه تماما لو عاكست بيتفرض سوء النيه لانك لانت بتهرج ولا هوا بيهرج عشان يفترضلك حسن النيه
هوا ديه الخلاصه

الكلام دا قانونى ولا حسب مزاج سيادك الشخصى ولو مزاج سيادك مش مظبوط هتقرف الناس ولو حد مزعل سيادك هتقرف الناس وهطلع عليهم ارفك


فين القانون يا باشا !!!!!!!!!!!!!!!!!!!!!!!

[rompo10]

ظباط الشرطه بينتقموا من الشعب دلوقتي بعد علقه 25 يناير واهانتهم وانهم اتكشفوا امام الناس ان اخرهم قدام الناس دقايق وهايهربوا لكن تقولهم الناس بتقتل بعض في اسوان يقولك معاهم سلاح دي دوله فاشله وعمرها ماهاتتقدم خطوه واحده

[mr_who515]

ظباط الشرطه بينتقموا من الشعب دلوقتي بعد علقه 25 يناير واهانتهم وانهم اتكشفوا امام الناس ان اخرهم قدام الناس دقايق وهايهربوا لكن تقولهم الناس بتقتل بعض في اسوان يقولك معاهم سلاح دي دوله فاشله وعمرها ماهاتتقدم خطوه واحده

ماهم برضه الغلطانين في أسوان بدل ما يقتلو في بعض في انتظار حد يدخل يفض المسالة.. لو حد فيهم كان كلف نفسه ورفع ايديه باربع صوابع بس كان الحوار كله خلص واتلم ولقيت الشرطة والجيش والمخابرات وحرس الحدود والبحرية والجوية كلها بتتدخل تنهي الموضوع!!

[rompo10]

والله طديق ليا عربيته اتسرقت والحراميه كلموه وعرف المكان وكل التفاصيل بلغ رئيس المباحث قاله هاطير رقبتي عشان خاطر عربيتك ادفعلهم والبهوات بيقولوا دول بيموتوا ومستهدفين اللي مش هايقدر يحميني يسبها ويقعد في بيته

[mr_who515]

ياراجل أخو واحد صاحبي الصغير اتخطف وطلبو فدية كبيرة منه وهو بعلاقاته قدر يعرف مين اللي ورا العملية ديه واللي بيديرها من الكواليس واتضح انه لواء شرطة ولما حب يبلغ لقي انه مش هاياخد حق ولا باطل واخوه هو اللي هايروح فيها كل اللي قدر يعمله انه خفض المبلغ ورجعوله اخوه!!!

[grumby78]

احنا ارهابين مش بنتكلم بنقتل علي طول

اي حد يساند الارهاب ويبرر له ويكيل بمكيالين ويستخدم الدين وقاء له ومبرر لارهابه هو ارهابي والدين منه براء وحسابه عند الله وحنلاقي ان شاء الله فضائح الاخوان وقياداتهم عند الله وسنختصمهم عند الله .. الموضوع عظيم عند الله وتجاره بالدين وسفك للدماء تحت شعار " دماء رابعه " وحضرتك بتهزر !!!
حسابك وحسابي وحساب من تبرر لهم عند الله
وتعليقا على الاخ اللي بيسأل انا حتعاون عن اقتناع ومعنديش ادنى مشكله اتفتش في ظل الظروف دي ومش خوف بل تعاون ولما بعدي على ظباط شرطه او مجندين جيش بقولهم ربنا معاكم عشان دول سايبين بيوتهم لحمايتنا ودي قناعتي وغير كده مالوش محل للاعراب عندي .. ردي كان تعقيبا على بطولات مفتعله يتضخم اصحابها في الردود واتهام الناس بالعبيد بهتانا وزورا وهو في الحقيقه لايجروء على افتعال اي ازمه او خروج عن النسق امام اي ظابط .. ربنا يهدي وبصراحه تحويل اي موضوع لسيسي ورابعه بتاعتكم دي بقى ماسخ وخارج عن السياق ومتوقع دائما وممل لابعد مدى ... الحياه فيها حاجات تانيه غير مرسي و جماعته ورجوع مش حيرجعوا ولو على جثثنا .. لفظهم المصريين في غالبيتهم ومالهمش عندنا مكان والاسلام اكبر واطهر وانقى من شوية صيع بيستخدموا الدين ستار للارهاب وسعيهم الحثيث للكرسي ..

[abouzaid555]

معلش تعايش عشان مسر

بيتهيالى انى نبهت على حضراتكم تكتبو اسم بلدنا الغالى ( مصر ) صح مش ( مسر ) يا محترمين يا متعلمين يا بتوع المدارس ماحنا سيبنا التعليم و مشينا فى المظاهرات

[Eng.Osama.Afifi]

بناء على كلام الأعضاء الكرام ... إن هو مش من حقه يفتش العربية إلا بسند قانوني وبإذن من النيابة ... بغض النظر عن وجهة نظر بعض من الأعضاء الكرام في المبررات ... أنا بس كنت عايز بسأل عشان حاجة واحدة بس وهيا ... إني لما أكون داخل على كمين وحد يطلب التفتيش ... حوافق عشان دول ناس بتطبق القانون ... ولا شوية ناس بترهب الناس بالسلاح وبلطجة ... بعني الكمين بالنسبالي هو حاجة محترمة لغاية لما يطلب حاجة غير قانونية ... ساعتها بيتحول من الحاجة المحترمة لشوية بلطجية واقفين معاهم سلاح وحسيبهم يعملوا إللي هما عايزينه !

ومفيش مبرر لأي حاجة بتحصل ... يعني لو شايف إن إنت عايز تفتش الناس ... إعمل قانون يديك الحق ده ... بغض النظر عن فساد القانون من عدمه ... بس على الأقل يكون في غطاء قانوني لأي فعل !

وبكرر تاني ... الظابط إللي أتعاملت معاه كان منتهى الذوق والأحترام وأنا متفتشتش بس كنت على وشك ... وسؤالي كان عشان أعرف حقوقي المهدرة مش أكتر !

[FAR!D]

بناء على كلام الأعضاء الكرام ... إن هو مش من حقه يفتش العربية إلا بسند قانوني وبإذن من النيابة ... بغض النظر عن وجهة نظر بعض من الأعضاء الكرام في المبررات ... أنا بس كنت عايز بسأل عشان حاجة واحدة بس وهيا ... إني لما أكون داخل على كمين وحد يطلب التفتيش ... حوافق عشان دول ناس بتطبق القانون ... ولا شوية ناس بترهب الناس بالسلاح وبلطجة ... بعني الكمين بالنسبالي هو حاجة محترمة لغاية لما يطلب حاجة غير قانونية ... ساعتها بيتحول من الحاجة المحترمة لشوية بلطجية واقفين معاهم سلاح وحسيبهم يعملوا إللي هما عايزينه !

ومفيش مبرر لأي حاجة بتحصل ... يعني لو شايف إن إنت عايز تفتش الناس ... إعمل قانون يديك الحق ده ... بغض النظر عن فساد القانون من عدمه ... بس على الأقل يكون في غطاء قانوني لأي فعل !

وبكرر تاني ... الظابط إللي أتعاملت معاه كان منتهى الذوق والأحترام وأنا متفتشتش بس كنت على وشك ... وسؤالي كان عشان أعرف حقوقي المهدرة مش أكتر !

باشا احترامي لحضرتك بس انت بتعيد و تزيد في الكلام ليه مانا قولتلك على اللي بيحصل...
وعلي فكره قانون الطوارئ بيديله الحق انه يفتش العربيه لو اشتبه ان فيه مشكله

[FAR!D]

الكلام دا قانونى ولا حسب مزاج سيادك الشخصى ولو مزاج سيادك مش مظبوط هتقرف الناس ولو حد مزعل سيادك هتقرف الناس وهطلع عليهم ارفك

فين القانون يا باشا !!!!!!!!!!!!!!!!!!!!!!!

قانوني مش بمزاج سيادتك و سيادتي قانون الطوارئ بيديله الحق ده....و على فكره الطوارئ ده مش اختراع يا كوتش يعني ده موجود في كل دول العالم و بيتفعل عند الحاجه ليه