جايلى عقد عمل مهندس مدنى بدبى

[احمد المصرى]

صفقه خسرانه لاسباب عديده اولا لو حبيت ترجع هتعرف ترجع الشركه ال انت فيها حاليا

لو مرتب حاليا حوالى 4000 جنيه يبق هنا افضل من هناك كتير غربه وبهدله ومعيشه غاليه حسب كلام الاعضاء

[أحمد كمال]

اوعى تعمل حاجه زى كدا
يعنى تسيب أهلك وناسك وبلدك وشركتك المحترمه وتهاجر
فى المقابل ايه؟ شوية دراهم فى شركة مقاولات صغيره يعنى (مؤسسه) وهتسكن مع العمال
الكمباوند اللى بيقولك عليه دا .. عباره عن ثكنات فراخ من اللى بنشوفها منوره بالليل واحنا مسافرين
والمواصلات هى الاتوبيسات ومع العمال برضه
ولو عايز تجيب حاجه من السوبر ماركت ولا تشترى هدوم هتروح تركب تاكسى
واتفرج بقى على الاسعار وتقعد تحسب بالمليم علشان عايز تحوش
ولو حصل مشكله أوغيبت كام يوم من الشغل او اتاخرت هيبدأ يخصم عليك من المرتب
ولو حصل ظرف وعايز تنزل مصر هيقولك انزل على حسابك وطبعا مش هتعرف
دا اذا كفيلك وافق انه ينزلك اصلا .. وهنا تبدأ مرحلة الذل من الكفلاء
ولو وافق هتدفع تمن تاشيرة الخروج والعوده وتذكرة الطياره دا غير مصاريفك

ما تزعلش منى فى الكلمه .. دا مش مرتب مهندس وهتكون عامل زى الشحات
لما تلاقى مرتبات خياليه وتسمع قصص وانت هناك .. هتتعقد من المظاهر والترف اللى عايشين فيه

انا شغال فى السعوديه .. بقيت عامل زى المطلقه لا عارف انزل بلدى ولا قادر اعيش شحات
ومرتبى نفس المرتب اللى انت كاتبه وفى مؤسسه برضه

الحمد لله على كل حال

مفيش موافقة كفيل للسفر من الامارات و لا تاشيرة خروج و عودة

[linuxstorm]

مع احترامي لجميع المشاركات

اولا انا مهندس و شغال في الإمارات

احب اقولك يابن الحلال ان دة عرض مناسب

و الناس اللي بتقول ارقام كبيرة عن العيشة و الكلام دة كل واحد بيكون لية طريقتة في الحياة و المصاريف

و هنا راتب المهندسين بيبدأ من 3500 للي لسة جديد في الدولة

وانا اعرف ناس بتاخد راتب اقل من الراتب دة و عايشة كويس

في الاول مش هتعرف توفر لحد ما تفهم البلد

لكن بعد كدة هتعرف تتأقلم و تظبط امورك وهتاخد خبرة عمرك ما هتاخدها في مصر ودة هيفرق معاك في المستقبل

وربنا يوفقك

[أحمد كمال]

مع احترامي لجميع المشاركات

اولا انا مهندس و شغال في الإمارات

احب اقولك يابن الحلال ان دة عرض مناسب

و الناس اللي بتقول ارقام كبيرة عن العيشة و الكلام دة كل واحد بيكون لية طريقتة في الحياة و المصاريف

و هنا راتب المهندسين بيبدأ من 3500 للي لسة جديد في الدولة

وانا اعرف ناس بتاخد راتب اقل من الراتب دة و عايشة كويس

في الاول مش هتعرف توفر لحد ما تفهم البلد

لكن بعد كدة هتعرف تتأقلم و تظبط امورك وهتاخد خبرة عمرك ما هتاخدها في مصر ودة هيفرق معاك في المستقبل

وربنا يوفقك

حضرتك في اي امارة؟

[linuxstorm]

حضرتك في اي امارة؟

أبوظبي

الحياة في الامارات مبتفرقش في الإمارات المختلفة بشكل كبير غير في السكن فقط طبعا ابوظبي اغلا امارة في السكن بعديها بشوية دبي ويكادوا يكونوا متساويين و بعدين الشارقة و عجمان ارخص و الامارات التانية اللي هيا ام القيوين و راس الخيمة و الفجيرة هيا اللي تعتبر رخيصة في السكن

لاكن باقي الحاجات ذي بعضها يعني انا كنت في زيارة لام القيوين اللي هيا تعتبر افقر إمارة من يومين ودخلت كذا مكان نفس الاسعار في ابوظبي

تحياتي

[أحمد كمال]

أبوظبي

الحياة في الامارات مبتفرقش في الإمارات المختلفة بشكل كبير غير في السكن فقط طبعا ابوظبي اغلا امارة في السكن بعديها بشوية دبي ويكادوا يكونوا متساويين و بعدين الشارقة و عجمان ارخص و الامارات التانية اللي هيا ام القيوين و راس الخيمة و الفجيرة هيا اللي تعتبر رخيصة في السكن

لاكن باقي الحاجات ذي بعضها يعني انا كنت في زيارة لام القيوين اللي هيا تعتبر افقر إمارة من يومين ودخلت كذا مكان نفس الاسعار في ابوظبي

تحياتي

و حضرتك شايفه يقدر يعيش ب 5000 شاملة السكن في دبي (اكيد مش هيسكن في ال labor camp) !

[abdulkhaleq]

اوعى تسافر على عقد بالمنظر ده ولا بالمبلغ ده ولا بسكن العشش ده !!!!

انت خريج جديد واشتغلت في شركه محترمه وسنك لسه صغير

اتعب هنا احسنلك

غير كده براحتك

بس صدقني هتندم

[أحمد كمال]

مش متفق معاك ان كل السلع بنفس الاسعار في السبع امارات ....... لو بتتكلم عالسلع الاساسية ذات السعر الثابت (المية و السجاير و البيبسي الخ الخ الخ) ماشي

بس مفيش حاجة بنفس السعر في كل الامارات ...... ده حجر الشيشة في امارة اغلى من امارة تانية !!

[linuxstorm]

و حضرتك شايفه يقدر يعيش ب 5000 شاملة السكن في دبي (اكيد مش هيسكن في ال labor camp) !

طبعا هيقدر يعيش و هيعيش عيشة كويسة كمان طبعا الكلام دة نسبي و بتختلف مصاريف كل شخص عن التاني لكن كمتوسط مصاريف كويس جدا.

على فكرة في بعض الكامبات بيكون متقسم اماكن للمهندسين و اماكن للعمال ولومعجبهوش الوضع يقدر بعد فترة ياخد سكن برة .

مش متفق معاك ان كل السلع بنفس الاسعار في السبع امارات ....... لو بتتكلم عالسلع الاساسية ذات السعر الثابت (المية و السجاير و البيبسي الخ الخ الخ) ماشي

بس مفيش حاجة بنفس السعر في كل الامارات ...... ده حجر الشيشة في امارة اغلى من امارة تانية !!

الحاجات كلها هنا نفس السعر تقريبا في كل الامارات ولا بوجد اختلاف يذكر لكن بيختلف انت بتججيبها منين

شوف هديلك مثال على الشاي علشان مبشربش الشيشة انت ممكن تشرب شاي بدرهم من اي محل مرطبات اللي موجود في كل حتة و ممكن تشربة في كافية ب 3 درهم وممكن في كافية تاني ب 10 وممكن تشربة في فندق ب 50 درهم

و الاماكن دي كلها موجودة في أي إمارة

[minicooper20]

انا ليا وجه نظر
مختلفه شويه
٥ الف درهم لو هتعيش بيهم تعيش كويس مرتاح يعنى و مش هتحرم نفسك من حاجه لاكن عايز تحوش لا هتزعل
لو موركش التزمات و سنك صغير سافر شوف الدنيا و خد خبره جباره سنه و تعلا هتفرق معاك
على فكره انا بسافر دبى تبع الشغل اسبوعين ممكن اصرف ٢٥٠٠ ٣٠٠٠ و اما من الزوار يعنى

[mr_vampire]

من غير كلام لما يكلموك تانى قولهم اقل من 10 الاف محدش يكلمنى
بالنسبه للسفر للخارج
انت لسه خريج حديث اصبر لحد ما تاخد خبره كويسه وابقى سافر بعد كده بمرتب ينفع يعيشك هناك وتحوش منه

مع احترامي لحضرتك. بس الرد علي اوفر الشغل مبيبقاش بالمنظر ده.

مفيش شركة بتقف علي حد. وبالذات لو حديث تخرج.

[Highlander]

المرتب اللى انت بتقول عليه ده قليل جدا"بالنسية لمهندس فى الامارات , غير ان كامب العمال ده هتلاقيه حاجة صعبة جدا" مش زى ماانت متخيل , خللى بالك العمالة فى الامارات أغلبهم هنود , يعنى هتشم روائح ماتتخيلهاش , و هتعيش وسط ناس مايعرفوش ربنا , اللى بيعبد البقر و اللى بيعبد الفئران (بدون أى مبالغة) , الهند بيقال عنها انها بلد ال " اله لكل مواطن" للعدد الرهيب من الالهة اللى بيعبدوه الهنود على اختلاف مللهم و طوائفهم غيرانك مش هتلاقى حد تتكلم معاه لاختلاف اللغة , هتحس بقرف و بوحدة فظيعة فوق ما تتخيل , الكلام ده كلام مهندس شغال فى الامارات و علشان تبقى عارف , ال Helper فى الامارات , اللى هو العامل الغير مؤهل على الاطلاق , مرتبه 4000 درهم , باختصار الشغلانه دى, مايروحهاش غير واحد مش لاقى ياكل و مافيش قدامه غيره يا اما هيموت من الجوع .

[ahmedsamir79]

انت بتهزر........انا لو مكانك اقعد في البيت احسن

[amr011111]

مع احترامي لحضرتك. بس الرد علي اوفر الشغل مبيبقاش بالمنظر ده.

مفيش شركة بتقف علي حد. وبالذات لو حديث تخرج.

الرد ده مناسب لحد عاوز يسفرك بره وتتورط وهتخسر هنا الشغلانه بتاعتك
هتقولى الموضوع عرض وطلب
اقولك اه بس فيه ناس بتضرب ال 5000 درهم فى 1.90 قرش يقول ده المرتب يعادل 9500 جنيه مصرى
ولما بيروح هناك بيعيش عيشه مش تريحه
يعنى هيلاقى نفسه مضطر يسكن فى اوضه مع حد وهيلاقى نفسه بيطبخ والمواصلات نفسها غاليه عليه

فالمرتب 5000 بالنسبه لمهندس خبره سنتين ومع عيشه الامارات الغاليه مش كويس

[أحمد كمال]

طبعا هيقدر يعيش و هيعيش عيشة كويسة كمان طبعا الكلام دة نسبي و بتختلف مصاريف كل شخص عن التاني لكن كمتوسط مصاريف كويس جدا.

على فكرة في بعض الكامبات بيكون متقسم اماكن للمهندسين و اماكن للعمال ولومعجبهوش الوضع يقدر بعد فترة ياخد سكن برة .





الحاجات كلها هنا نفس السعر تقريبا في كل الامارات ولا بوجد اختلاف يذكر لكن بيختلف انت بتججيبها منين

شوف هديلك مثال على الشاي علشان مبشربش الشيشة انت ممكن تشرب شاي بدرهم من اي محل مرطبات اللي موجود في كل حتة و ممكن تشربة في كافية ب 3 درهم وممكن في كافية تاني ب 10 وممكن تشربة في فندق ب 50 درهم

و الاماكن دي كلها موجودة في أي إمارة

لو المحلات بعيدة هيحتاج مواصلات او عربية ....... 5000 اصلا الرخصة في دبي بتطلع ب 5000 درهم عالاقل .......

لو الكامب ما عجبوش (و 90% مش هيعجبه) ...... مش هيعرف يسكن برة ..... هيدفع منين 35 في السنة + فرش (اول مرة) + فواتير ..... هيدفع 2500 و لا 3000 من مرتبه سكن و يعيش بالباقي

و على ايه؟ هو مش بيشحت في مصر

انا ليا وجه نظر
مختلفه شويه
٥ الف درهم لو هتعيش بيهم تعيش كويس مرتاح يعنى و مش هتحرم نفسك من حاجه لاكن عايز تحوش لا هتزعل
لو موركش التزمات و سنك صغير سافر شوف الدنيا و خد خبره جباره سنه و تعلا هتفرق معاك
على فكره انا بسافر دبى تبع الشغل اسبوعين ممكن اصرف ٢٥٠٠ ٣٠٠٠ و اما من الزوار يعنى

مش هيعيش كويس و لا مرتاح ...... هيعيش رابط الحزام