ازاي أمنع قرايبي من دخول شقتي وأنا في الغربة، بدون إحراج؟

[aif]

ببساطة غير المفتاح ومتديش نسخ لحد غير اخوك مثلا او حد ثقة لأي طارئ وتقولو بصراحة ماتفتحش الشقة غير بعلمي
...
الموضوع مش عاوز كسوف واحراج ... طالما هما ماتكسفوش يدخلو شقتك من غير إذنك
...
وعلي رأي الاستاذ بوحة
اللي يتكسف من بنت عمة مايجيبش منها خضار

[م.محمد علاء]

حضرتك عملت الطبيعي..ولكن إتعمل معاك ماهو غير طبيعي..
رافض مبدأ المواجهه و هو قراري لو انا في مكانك..
الحل هو التحايل..
انا غيرت الكالون..و أجرت الشقه..من غير متأجر..حد عرف..ردك أصل شقتي اللي ملحقتش أقعد فيها لقيتها اتبهدلت..و كله راح وقعد فيها..
على فكره.من غير المنطقي أساسا ان الشقه تعامل بهذا الأسلوب..لو هي شقة مصيف كنت قولتلك ده طبيعي.
ولكن شقه سكنيه لا يصح يتعمل فيها كده خالص..
لا يصح إلا الصحيح..و تصرفك بالشكل السليم حتى لو جمعتهم قولتلهم انا غيرت مفتاح الشقه عشان اتبهدلت و مش عايز حد يروحها بالشكل ده.هيبقى سليم بردو

[drcobra]

شكراً جزيلاً لتفاعلكم يا شباب مع الموضوع

أحب بس أوضح للأخ كوبرا بأن أنا مش مستخسر فيهم أبداً، وإلا مكنتش صبرت خلال الفترة الماضية. بس أخوي مثلاً عنده شقته شيك في البلد وتمليك ومفروشة على أعلى مستوى، وعنده وظيفته مرتاح فيها.. حياته كانت ماشية تمام ومستقر. هو لم يفكر في موضوع النقل إلى المقر الرئيسي أبداً من قبل إلا لما وجد شقتي أمامه وأنا مسافر..

بالله عليك لو أنا سمحت له ينقل بزوجته وأولاده إلى شقتي، لما أرجع أنا وزوجتي وإبني نروح فين؟ وهل من الممكن أتجرأ في يوم من الأيام وأقوله اطلع؟ وهو أخي الكبير وأنا بحبه؟

بالنسبة لموضوع أجازتي، لحسن الحظ جهة عملي طلبت مني تقسيمها لمرتين بسبب ارتباطات العمل فأصبحت أمامي فرصة أنزل مرتين في السنة، كل 6 أشهر.. وبالفعل نزلت نصفها الشهر الماضي.. ونفصها الآخر على العيد الكبير إن شاء الله..

انا ما اقصدش الكلام دة
والموضوع طبعا فية تفاصيل انت اللى تعرفها
انا مبقلش ماتستخسرش لا انا اقصد ان اخوك لو محتاجها لظروف قصوى لكن انت قلت انة عندة شقتة وفكر يبقل لما لقى شقتك
للاسف بعض الناس هى اللى بتستغل الفرصة لما تلاقى حاجة زى شقتك

المهم انا اقصد طالما انت بتنزل كل 6 شهور يبقى الحل تقولهم انا اجرت الشقة لمدة معينة ومفيش حد هيقدر تعبك فى شقتك
وربنا يعينك

[FAR!D]

الحق احق انه يتبع
مادام ماصنوش عدم وجود يبقي محدش يزعل من تصرفك
غير الكالون و غير نبره كلامك واللي يزعل سوري يتفلق

[الاستاذ]

هما متكسفوش منك
انت هتكسف ؟
غير الكالون

[ahmed1981]

الفيلم ده بيحصل آلاف المرات بنفس المشاهد بالظبط

السبب الرئيس هو عائلة من الأقاليم وهذا بيت قريبهم الوحيد في القاهرة

أي حد نازل القاهرة يبقى مقر العيلة في القاهرة شقة قريبهم

وده بيحصل حتى لو هو مقيم فيها بس بنوع من الحرج نتيجة وجوده

لكن عدم وجوده مخللي العملية سداح مداح

إنت مش عايز تزعل أهلك وأهل زوجتك
وبرضه عايز الخصوصية لشقتك

الموضوع صعب متتسرعش فيه أبداً
ولما تنزل أجازة طويلة شوية هتلاقي حل بإذن الله

ــ

على فكرة
أعرف واحد كان أخوه بينزل شقته ويجيب صحابه كمان
ههههههههه
وهو وقتها معرفوش حتى إنه عرف للمحافظة على صفاء الود

ـ

[SHNORY]

قولهم الشقه اتسرقت
رجعت من الشغل ولقيت الباب حد حاول يكسره بس كان فيه ناس نازله علي السلم وطلع يجري
وعملت محضر ولما سالوني عن مين بيجيلك او حد معاه مفتاح الشقه مقدرتش اقول ان فيه ناس كتير رايحه جايه
(الحوار ده انت تظبطه علي مزاجك اهم حاجه متنساهوش )
وتروح مركب باب فولاذ يا باشا بمفاتيح متشفره وتقولهم اسف مش حقدر ادي لحد المفتاح وكفايه اللي جرالي
وبس كده وشكرا

[mido]

عندك حلين :
1- تبيع الشقة و تكسب و بعد كده اشترى غيرها لما تستقر فى مصر
2- اجرها مفروش او ايجار جديد

[drcobra]

الناس جبتلك كل الحلول يلا همتك بقى
بس اوعى تضرب حد بالنار ههههههههههه

[max_ziro]

انا شايف انك ليك الاجر و الثواب و تسيبهم و احتسب الاجر و البهدلة احسن ما تتسرق ولا يحصل فيها حاجة و انت مش موجود
خد بالك هما هيشيلوا ليك الجميلة طول عمرهم و ربنا ممكن يوسع رزقك بسببهم
و طبعا دى وجهة نظرى :)

[mostafa3000]

للأسف عن تجربة مشابهة الموضع مش هيتحل الا بزعل الاخرين
وفر علي نفسك التعب وواجة المشكلة
اولا شرعا شقة الزوجية لها حرمة وبالتالي ما ينفعش اللي بيحصل دة
ومهما اختلقت من أعذار ما حدي منهم هي بطل اللي بيعملة
لو مش عايز تواجهم علشان مايزعلوش منك بيع الشقة وشوفلك منطقة تكون مستقبلها كويس وأشتري فيها شقة
وما تشطبهاش الا لما تيجي تستقر في مصر وحط عفك في بيت عائلتك وانزل أجزاتك هناك

[abou-yahia]

قولهم الشقه اتسرقت
رجعت من الشغل ولقيت الباب حد حاول يكسره بس كان فيه ناس نازله علي السلم وطلع يجري
وعملت محضر ولما سالوني عن مين بيجيلك او حد معاه مفتاح الشقه مقدرتش اقول ان فيه ناس كتير رايحه جايه
(الحوار ده انت تظبطه علي مزاجك اهم حاجه متنساهوش )
وتروح مركب باب فولاذ يا باشا بمفاتيح متشفره وتقولهم اسف مش حقدر ادي لحد المفتاح وكفايه اللي جرالي
وبس كده وشكرا

دماغ المظيه :)

[SHNORY]

دماغ المظيه :)

حبيبي
تسلم يا باشا
ادينا بنحاول نعمل اللي علينا (:

[graffittiii]

ربنا يحلهالك علي خير ... موضوع صعب فعلا ومحير .

قولهم الشقه اتسرقت
رجعت من الشغل ولقيت الباب حد حاول يكسره بس كان فيه ناس نازله علي السلم وطلع يجري
وعملت محضر ولما سالوني عن مين بيجيلك او حد معاه مفتاح الشقه مقدرتش اقول ان فيه ناس كتير رايحه جايه
(الحوار ده انت تظبطه علي مزاجك اهم حاجه متنساهوش )
وتروح مركب باب فولاذ يا باشا بمفاتيح متشفره وتقولهم اسف مش حقدر ادي لحد المفتاح وكفايه اللي جرالي
وبس كده وشكرا

ههههههههههههه أصلي جدا .. ومقنع جدا .

انا شايف انك ليك الاجر و الثواب و تسيبهم و احتسب الاجر و البهدلة احسن ما تتسرق ولا يحصل فيها حاجة و انت مش موجود
خد بالك هما هيشيلوا ليك الجميلة طول عمرهم و ربنا ممكن يوسع رزقك بسببهم
و طبعا دى وجهة نظرى :)

بردو وجهة نظر محترمة أوي أنهم يفضلو شايلين ليك كرمك وأصلك .. بس لو عندك القدرة تصبر علي كده .

للأسف عن تجربة مشابهة الموضع مش هيتحل الا بزعل الاخرين
وفر علي نفسك التعب وواجة المشكلة

فعلا أي حل غير إنك تسيبهم نتيجته اللي لامفر منها إنهم هيزعلو .

ربنا يرشدك للي فيه الخير بشكل يخلي محدش يزعل منك ولا إنت تتضرر .

[م. حاتم السباعي]

اﻻخ الكريم الفاضل اﻻستاذ عبد الحكيم

كان الله في عونك اخي الكريم

اري ان اﻻخوة اﻻفاضل افاضو عليك بالحلول كالنهر الجاري وما اكثر الحلول للخلاص من هذه المشكلة المحرجة

وجميع اﻻخوة تطوعو بمحاولة ايجاد مخرج لما تمربه ومنهم من وضع نفسه مكانك واشار عليك بما كان سيفعله لو وضع هو في هذا الموقف

ولكن احذر اخي الكريم فكثير من الردود من بعض اﻻخوة اﻻفاضل ﻻ تصلح معك وانت ادري طبعا بما اقصده وليس عيبا فيهم حاشا لله ولكن ﻻنكم صعايدة وعندكم اﻻوضاع بتختلف

وعندكم اصول وقواعد ﻻ تتماشي احيانا مع اهل القاهرة وﻻ اهل الدلتا وﻻ البحاروة ولن يفهمك اﻻ صعيدي مثلك

كلما اكتب لك اقتراح اري انه سيوجد زعل لطرف من اﻻطراف فأمسحه الي ان هداني الله لفكرة ان توصي كل من معه مفتاح ان يهتم بأن يذهب الي الشقة قبل قدومك بأيام ويصطحب معه احد لتنظيف الشقة شركة متخصصة مثلا او امرأة البواب حتي ان لزم اﻻمر
وبهذا تكون قد تغلبت علي اول مشكلة وهي موضوع اﻻهمال الغير متعمد الناتج عن اﻻقامة بالشقة

ثم تبدأ تفكر مع نفسك في اقتراحات اﻻخوة اﻻفاضل وما هي اﻻثار اﻻيجابية والسلبية المترتبة علي كل اقتراح

واخير

انت في وضع صعب وانت صدقني لم تضع نفسك فيه فإن لم تترك المفتاح كان سيطلب منك تركه في اول زيارة فهناك اصول وواجبات وحاجات انت ادري بها وللاسف ستعيش حياتك كلها تحت هذه الاعراف

والكلمة اللي بتعكر كوب لبن الصعايدة تختلف عن اي عكارة في اي كوب اخر

لحذر بالله عليك ان تعكر صفو محبة اﻻخرين لك

فهم بالتأكيد ما اهملو في الشقة عن عمد وما قصدو ابدا ان يجرحوك او ان يستبيحو مالك

هي بكل اسف عادات سيئة اننا اهل جميعا فتذوب بيننا فواصل الخصوصية احيانا

اخر نصيحة سأقولها لك اذا لم تحس ان هناك من يطمع فيك منهم جميعا

هم باقون لك والشقة والعفش مصيرهم الي زوال