ازاي أمنع قرايبي من دخول شقتي وأنا في الغربة، بدون إحراج؟

[KemozTanta]

عشان الامور توصل للمرحلة دي وتفضل ساكت يبقي هما مش غلطانين ! هو انت قولت لاء ولا اعترضت عشان يخافوا علي شقتك اللي انت مش خايف عليها
أأقولك كمان ، تلاقيهم بيقولوا فلوسك كتييييير والشقة دي بالنسبالك لاشىء ! وبكرة انت هتنزل تشتري واحدة غيرها ودي تبقي المحطة زي ماقولت بتاعت العائلة..

اخلاقك وزوقك انا عارف مش هتقدر تزعل أهلك منك ويبقي في مواجهه وكل واحد يتقمص منك والكلام دا وتضيع جمايلك عليهم في انك سبتلهم الشقة كل الفترات دي ومش هيفتكرولك غير انك غيرت الكالون وطردتهم

انت تقول لإخوك انك هتنزل وهتستقر في مصر خلاص وعندك مشاكل كتير ومش نافع تكمل في الغربة ، وقوله انك من بعد العيد الصغير خلاص هتكون في مصر ، علشان الخبر ينتشر في العائلة ويفضوهم من قصة شقتك دي
خلال الفترة القادمة وحتي العيد الصغير ، هما عارفين انك نازل بقي .. اكيد استخدامهم للشقة هيقل ، لحد مااخوك يدبر حاله بعيد عنك
بعد العيد الصغير ، قوله انك اجلتها للعيد الكبير " اجازتك " و تخليك برضة علي نفس القصة ان عندك مشاكل وهتستقر في مصر كام شهر لحين عودة الامور لنصابها في شركتك ..
لما تنزل اجازة ، غير كالون الشقة وقول لاخوك ، انك غيرت كالون الشقة لانك اكتشفت أهل مراتك بييجوا الشقة من وراك.. وأكيد مش هيطلب المفتاح الجديد لانه عارف انك هتقعد فيها الفترة الجاية..
شووف الحلول كتييرة بس المواجهه هتزعلهم منك وافضل شىء تلف وتدور عليهم وتنقذ شقتك وشقاك من الكلام دا..
يا أخي اعطي قيمة حتي للشقة ، دانت مخليها سداح مداح ع الاخر ، دانا بفكر اطلب منك مفتاحها اغير جو يومين فيها :d

[KemozTanta]

عشان الامور توصل للمرحلة دي وتفضل ساكت يبقي هما مش غلطانين ! هو انت قولت لاء ولا اعترضت عشان يخافوا علي شقتك اللي انت مش خايف عليها
أأقولك كمان ، تلاقيهم بيقولوا فلوسك كتييييير والشقة دي بالنسبالك لاشىء ! وبكرة انت هتنزل تشتري واحدة غيرها ودي تبقي المحطة زي ماقولت بتاعت العائلة..

اخلاقك وزوقك انا عارف مش هتقدر تزعل أهلك منك ويبقي في مواجهه وكل واحد يتقمص منك والكلام دا وتضيع جمايلك عليهم في انك سبتلهم الشقة كل الفترات دي ومش هيفتكرولك غير انك غيرت الكالون وطردتهم

انت تقول لإخوك انك هتنزل وهتستقر في مصر خلاص وعندك مشاكل كتير ومش نافع تكمل في الغربة ، وقوله انك من بعد العيد الصغير خلاص هتكون في مصر ، علشان الخبر ينتشر في العائلة ويفضوهم من قصة شقتك دي
خلال الفترة القادمة وحتي العيد الصغير ، هما عارفين انك نازل بقي .. اكيد استخدامهم للشقة هيقل ، لحد مااخوك يدبر حاله بعيد عنك
بعد العيد الصغير ، قوله انك اجلتها للعيد الكبير " اجازتك " و تخليك برضة علي نفس القصة ان عندك مشاكل وهتستقر في مصر كام شهر لحين عودة الامور لنصابها في شركتك ..
لما تنزل اجازة ، غير كالون الشقة وقول لاخوك ، انك غيرت كالون الشقة لانك اكتشفت أهل مراتك بييجوا الشقة من وراك.. وأكيد مش هيطلب المفتاح الجديد لانه عارف انك هتقعد فيها الفترة الجاية.. ولما الاجازة تخلص ، اتكل علي الله ارجع شغلك ومفتاح شقتك متسيبوش لحد..
شووف الحلول كتييرة بس المواجهه هتزعلهم منك وافضل شىء تلف وتدور عليهم وتنقذ شقتك وشقاك من الكلام دا..
يا أخي اعطي قيمة حتي للشقة ، دانت مخليها سداح مداح ع الاخر ، دانا بفكر اطلب منك مفتاحها اغير جو يومين فيها

[عبدالحكيم]

أنا ممتن وشاكر لكم جميعاً ردودكم واقتراحاتكم.. جزاكم الله خيراً

أنا في الحقيقة سأتجنب جميع الحلول التي لا تتضمن الصدق، مثل أن الشقة اتسرقت أو المفتاح ضاع.. لأنها بعيدة عني كشخص، ولأنها غير منطقية.. الشقة في كمباوند ويوجد أمن 24 ساعة..

أيضاً لن يمكنني تأجير الشقة لأنها فيها أثاث بيتي وجهاز زوجتي، وهي بيتنا ومقرنا.. ففي الأجازة أين نذهب؟

الحل الأسلم حتى الآن هو أن أنتظر وأختار أهلي وأحتسب أجري على الله

[wawamoha]

الموضوع مش بببساطه انك تغير الكالون و تمشي ... ممكن يقولك احنا عاوزين مفتاح الشقه ..
لازم توضحلهم انك متضايق من بهدله الشقه ... او انك مش بتحب استخدام حاجتك : سريرك مثلا
لازم فيه مواجهه......... وتوقع وجود خساير

[ahmed1981]

الحل الأسلم حتى الآن هو أن أنتظر وأختار أهلي وأحتسب أجري على الله

ربنا يجزيك خير

لا تخسر أهلك فأموال الدنيا لن تعوضك عنهم

وأخلص النية في أن شقتك بر وصلة لهم

وإنت الكسبان

أنا قدام عيني أمثلة منها مثال قريب منك
وصاحبه إختار أهله وتحمل لله

والله لا يضيع أجر المحسنين

ـ

[Ahmed_selmy]

انا حقول لحضرتك كلمتين صغييرين
حضرتك قبل ما تجيب الشقه كانوا بيتصرفوا ازاى ؟؟؟....طيب لو حضرتك مكنتش جيبت الشقه كانوا حيعملوا ايه ؟؟؟ اكيد اللى عندوا مصلحه كان حيتصرف باى شكل من الاشكال....وحضرتك تحملت اعباء و متاعب لحد ما اخدت الشقه
ومن كلام حضرتك انهم ماتشجعوش انهم ينزلوا القاهره الا لما لقوا الشقه موجوده ....اذا خليهوم يعتبروها مش موجوده
ويرجع الوضع زى ما كان.
طبعا الناس قالت الحلول....ان حضرتك اولا تغير الكالون وتقولوهم انك اجرتها .
طبعا محدش يقدر يقولك انت عملت كدا ليه .....لان اللى يكلمك كلمه قولوا على كل اللى فى نفسك.

[Ahmed_selmy]

أنا ممتن وشاكر لكم جميعاً ردودكم واقتراحاتكم.. جزاكم الله خيراً

أنا في الحقيقة سأتجنب جميع الحلول التي لا تتضمن الصدق، مثل أن الشقة اتسرقت أو المفتاح ضاع.. لأنها بعيدة عني كشخص، ولأنها غير منطقية.. الشقة في كمباوند ويوجد أمن 24 ساعة..

أيضاً لن يمكنني تأجير الشقة لأنها فيها أثاث بيتي وجهاز زوجتي، وهي بيتنا ومقرنا.. ففي الأجازة أين نذهب؟

الحل الأسلم حتى الآن هو أن أنتظر وأختار أهلي وأحتسب أجري على الله

يا باشا الخوف من نقطه واحده .....انك فى وقت من الاوقات تيجى تنزل اجازه تلاقيهم قاعدين فى الشقه ومتقدرش تقلوهم انا عايز اقعد فى شقتى براحتى....
يا سيدى الفاضل لا يصح الا الصحيح
لابد من وضع النقط فوق الحروف من البدايه افضل من تفاقم المشكله او انها تكبر

[د.محمود صلاح]

اعاني من نفس مشكلتك تماما .. والشقة دي اشتراها والدي منذ 24 سنة ومؤثثة ولم تسكن من اي احد من افراد عائلتنا لأكثر من شهرين او 3 اشهر متواصلين وهي كمقر لأسرتنا في القاهرة

وصل الامر المشابه لمشكلتك ان الشقة يرتادها اناس لا نعرفهم تبع مين واصحاب مين وبيعملوا ايه ..

الان عارضينها للبيع عشان نخلص من المشكلة دي

[Mo.Kareem]

الموضوع صعب جدا ومش هينفع حد ياخد فيه قرار غيرك ، واعتقد ان القرار بتاعك صح جداا

[abokoko]

انا مكملتش قراءة الموضوع فقط الصفحة الاولى

شقتك جواها حيات الخاصه
ومش من حق حد يطلع عليها

لو الشقة ملكك وانت عازب ممكن تعديها
لكن انت متزوج - يبقي لا

باى اسلوب ظريف استبدل كالون الشقة
او حتى غير الباب بواحد سيفتى جديد
بس جهز نفسك انك هتواجه اى طرف فى النهاية بانك منعت عنهم الشقة

ورد ببساطة ان الشقة اتبهدلت وان الجيران اشتكوا لك من الاشكال الغريبه اللى بتردد على الشقة

واللى يزعل سيبه شويه وبعدها راضيه بهديه من الخراج
مع التمسك التام وللجميع بمنع الشقة عنهم

ده رايي وهو جاف شويه بالنسبة لصله الرحم - فربنا يسامحنى ان كنت مخطأ

[eng.m7md.ali]

الافضل ان حضرتك تقولهم انا هبيع الشقة لواحد صاحبي عشان محتاج فلوس .. ولما تنزل حضرتك هنا مش لازم تقولهم انك قاعد في الشقة دي وانك مأجر شقة مؤقتاً لحد ماربنا يفرجها عليك وتجيب شقة كويسة .. محدش هيعرف انك لسة قاعد في شقتك يعني انتو لو هتتقابلو هتتقابلو في مكان تاني اكيد


واذا عزمت الاستقرار في مصر قولهم انا رجعت شقتي تاني ولكن بالتقسيط عشان صاحبي عايز يخلص منها

اعتقد ده احسن حل عشان محدش يزعل وفي نفس الوقت هتحافظ على ممتلكاتك .. ومحدش هيسأل على الشقة ويشوف مين المالك الحقيقي ليها بعد كدة

[الريس حميدو]

نصيحة افضل حل انك تأجر شقتك كام شهر

[احمد المصرى]

ركب كالون ثانى حمايه بيكون كالون بدون لسان وانت مسافر اقفل شقتك بيه ولو حد جه وانت مسافر وكلمك قوله انا نسيت وقفلت بيه وهبعتلك المفتاح وكبر دماغك انا شخصيا عملت كدا وكان معاهم المفتاح ال تحت فى الباب وانا قافل بالفوق

[sas5]

اخى العزيز السلام عليكم ورحمه الله
اغلب الردود جميله ولكن اسهل الطرق لحل المشكله هو الصراحه تتكلم مع عيلتك واهل زوجتك بانك فرشت الشقه وكلفتها ولم تستمتع بها وعند عودتك وجدتها متبهدله وهذا لايرضى ربنا ولا احد ولذلك قررت اخذ جميع نسخ المفاتيح من الجميع بدون استثاء. ولا تدخل فى اى نقاشات - احتمل فيه بعض الناس تتقمص طنشهم - اود ان احذرك من الكذب بشان الشقه لان الكذب سوف يتكشف بشان تاجير او بيع الشقه او تركيب كالون جديد لانه ممكن يكسروه

[sas5]

فيه شى اخير احذرك منه فى حاله التهاون - سوف يقولون ان ربنا فتح عليك وبدل الشقه دى ممكن تشترى غيرها وبالتالى سوف تصبح انت الملام لانك مستخسر الشقه فيهم