لزمته ايه الترفيه

[abou-yahia]

الله يسامحك

انا اسف لو انت حسيت اني ضايقتك

انا وصفت تشبيهاتك اللي حضرتك هونت ببها من اهميه عمل
ضابط الجيش والشرطه

بانه تشبيه مخل ذي تعبير اختزال مخل

ورمضان كريم :)

Sent from my SM-N900 using Forum Runner

[HOSSAM99]

انا اسف لو انت حسيت اني ضايقتك

انا وصفت تشبيهاتك اللي حضرتك هونت ببها من اهميه عمل
ضابط الجيش والشرطه

بانه تشبيه مخل ذي تعبير اختزال مخل

ورمضان كريم :)

sent from my sm-n900 using forum runner

مفيش مضايقة و لا حاجه ربنا ما يجيب مضايقة
مفيش تهوين و لا تهويل كل الناس عندي واحد و كل الوظائف و الأعمال عندي واحد ... التهوين فعلا إن حضرتك تنسب الهوان لهذه الأعمال لرفع شأن أعمال تانيه
الفكره إن مفيش حد بيتفضل علي حد بشغله اللي بياخد عليه أجر
بيتعرض لخطر او بيتعب ... كل الناس بتتعب ... بالإضافه إن محدش طلب منه يقوم بالعمل ده ... بل هو اللي طلب و أتقدم و حفر في الارض و عمل اللي ما يتعملش علشان يخش الكليه اللي تأهله للعمل ده
ميجيش يقول لي أنا أقدر و هو ميقدرش ... أو أنا بـ أتعرض لمخاطر و هو لأ
أنت اللي أخترت .. و أنت اللي سعيت في طلب ذلك

[mr_vampire]

هى فكره واحده و هدف واحد لكل المواضيع
و بفرض حسن النيه يا ريت كل واحد يخليه فحاله و يرضى باللى ربنا رزقه به و يقول الحمد لله و بلاش يبص لغيره فرزقه او يتكلم على غيره
لو فيه ضمير و رغبه اكيده فتحرى الصدق كان كل واحد قبل ما يكتب كلمه او رد (وهو عارف كويس ان ربنا هيحسابه على اللى بيقوله) كان شاف الفرق بين جيش مصر و باقى الجيوش كان شاف الناس بتثق فالجيش ازاى كان شاف المشاريع اللى الجيش بيعملها كان شاف حاجات كتير كان فكر انه نايم فالبيت وسط اهله و اسرته و واحد تانى صاحى علشان يحميه و لما بيموت محدش بيعرف عنه حاجه كان شاف حاجات كتير
انا واثق انى كلامى مش هيفرق كتير مع بعض الناس بس انا متأكد ان فيه ناس افاضل محترمين عارفين قيمه الجيش المصرى

- اولا محدش بيبص لحد في رزقه. لكن مايبقاش السيسي بيطالب بتقشف ورفع دعم وتعديل التموين وفاتح حساب للتبرع وييجي يزود معاشات الجيش.

ده في رايي بالظبط بالظبط زي ايام عدلي منصور ايام ماكان فيه مطالب فئوية واضراب للاطباء برفع مرتباتهم. فطنش الكل واووووووووول ماامناء الشرطة عملو اضراب زود مرتباتهم وبدلاتهم . هل امين الشرطة افضل ويستحق الزيادة اكتر من الطبيب ؟؟؟؟؟؟؟؟؟؟

- انا لا مانع عندي ان ظابط الجيش والشرطة المستشار يبقو مرتاحين ماديا بالعكس ده هينعكس عليا كمواطن في مستوي الخدمة والتعامل. بس فالمقابل المهندسين والدكاترة والمدرسين يتعاملو نفس المعاملة. محدش افضل من حد والكل جندي في موقعه وبيخدم من مكانه.

- ومن ناحية ان واحد نايم في بيته وسط اهله والتاني صاحي بيحميه:

- اولا لو ظابط فهو اللي اختار وظيفته بنفسه وراحلها بنفسه. مجاش طلب من الحربية مثلا او الداخلية يطلبوه للالتحاق بها. هو اللي صحي بدري ووقف فالزحمة عشان يسحب ملفها وراح اختباراتها كلها وحاول ينزل وزنه في ايام معدودة عشان يعدي اختباراتها ويدخلها. كل ده برغبته وحريته الشخصية.

- ولو مجند فلو هو صاحي النهاردة فالبرد وانا نايم في بيتي وبين اهلي. امبارح كنت انا صاحي فالبرد وكان هو نايم لسة في حضن مامته او اقل تقدير كان لسة رايح مدرسته ومامته عملاله ساندوتشاته.

فمينفعش نتفاضي عن كل شيء بيحصل للشرطة والجيش بحجة بدل مانبقي زي باقي الدول اللي حوالينا. قوانين تبقي عالكل. تقشف يبقي عالكل. زيادات تبقي عالكل.

لو بدءنا نعمل استثناءات هنرجع لما قبل 25يناير واسوء.

[FAR!D]

يعني بعد كل الردود الجميله ديه و بدون نقاش في اصل الموضوع:
لو مرتبات جميع الناس اللي ردت اللي شغالين في القطاع العام و الخاص و كل القطاعات زادت و بقيت 100000 جنيه
محدش حيفضل يتكلم في نفس الموضوع؟؟؟
معدتقدش اللي مضايق الناس كونه تقشف ولا لأ
اللي مضايق الناس هوا كلمه " جيش+ ظابط جيش "
بس كده
تخياتي و كملوا مناقشتكم العبثيه

[FAR!D]

و اللي مني فاهمني:
احنا اللي بنعمل في نفسنا كده زي ما بنقول دايما
عرفتوا باه سر شقائنا و معانتنا؟
احسن و نستاهل اكتر من كده

[mr_vampire]

يعني بعد كل الردود الجميله ديه و بدون نقاش في اصل الموضوع:
لو مرتبات جميع الناس اللي ردت اللي شغالين في القطاع العام و الخاص و كل القطاعات زادت و بقيت 100000 جنيه
محدش حيفضل يتكلم في نفس الموضوع؟؟؟
معدتقدش اللي مضايق الناس كونه تقشف ولا لأ
اللي مضايق الناس هوا كلمه " جيش+ ظابط جيش "
بس كده
تخياتي و كملوا مناقشتكم العبثيه

لا يااستاذ فريد اللي مضايق الناس هو طلب التقشف من ناس و ناس لاء.

بدليل انه اتعمل قبل كدة مواضيع عن اجور الفنانين وميزانية الاعمال الفنية اللي بالملايين.

ليه كلمة جيش وظابط جيش هتضايق الناس. الكل عارف انه مواطن مصري وموظف حكومي بيادي خدمة للوطن وزيه زي اي موظف حكومي. الفكرة ليه التمييز والتفريق بين الموظفين الحكوميين في ظل طلبات بالتقشف ؟؟؟؟!!!!!

لو فاكر ايام عدلي منصور ايام مطالبات الاطباء بالكادر وتحسين دخولهم ومحدش التفت ليهم واول ماامناء الشرطة عملو اضراب اتلبت طلباتهم . هل الطبيب اقل فايدة من امين الشرطة حتي يتجاهل طلبه ؟؟؟؟؟؟؟؟؟؟؟؟؟؟؟؟؟؟؟

[FAR!D]

لا يااستاذ فريد اللي مضايق الناس هو التقشف علي ناس وتلس لاء.

بدليل انه اتعمل قبل كدة مواضيع عن اجور الفنانيت وميزانية الاعمال الفنية اللي بالملايين.

ليه كلمة جيش وظابط جيش هتضايق الناس. الكل عارف انه مواطن مصري وموظف حكومي بيادي خدمة للوطن وزيه زي اي موظف حكومي. الفكرة ليه التمييز والتفريق بين الموظفين الحكوميين في ظل طلبات بالتقشف ؟؟؟؟!!!!!

لو فاكر ايام عدلي منصور ايام مطالبات الاطباء بالكادر وتحسين دخولهم ومحدش التفت ليهم واول ماامناء الشرطة عملو اضراب اتلبت طلباتهم . هل الطبيب اقل فايدة من امين الشرطة حتي يتجاهل طلبه ؟؟؟؟؟؟؟؟؟؟؟؟؟؟؟؟؟؟؟

استاذ فامبير
اعذرني فالرد مقتضب و مش عايز اتكلم في الموضوع اكتر من كده بس اعتبرها حوافز زي مابيخادها اي موظف حكومي و بعدين متفتركش انها حاجه واو و لا برندات يعني
و اخيرا في الموضوع ده انا مقتنع بالسبب اللي ذكرته في مشاركتي
" جيش + ظابط جيش "

[mr_vampire]

استاذ فامبير
اعذرني فالرد مقتضب و مش عايز اتكلم في الموضوع اكتر من كده بس اعتبرها حوافز زي مابيخادها اي موظف حكومي و بعدين متفتركش انها حاجه واو و لا برندات يعني
و اخيرا في الموضوع ده انا مقتنع بالسبب اللي ذكرته في مشاركتي
" جيش + ظابط جيش "

استاذ فريد . لمقدارك وغلاوتك عندي لن اضغط عليك مادامت مش عايز تتكلم. لكن:

-الحوافز اللي بياخدها اي موظف حكومي بتبقي مرة كل كااااااااام شهر مش بتبقي نسبة من الاساسي تضاف عالاساسي ويصبح الاجمالي هو الاساسي وياخده باستمرار شهريا.

حاجة واو او لاء وبراندات او كسر مادام طلب تقشف ومعلي الاسعار عالغلابة يبقي بناقصها بقي عالاقل عشان يحرج ( الغلابة ) وميستفزهمش.

واخيرا لولا مقدارك عندي لقولت لك ليه قناعتك ان السبب ( جيش وظابط جيش ).

وحضرتك مجوبتنيش في اخر سؤال ؟؟؟؟ هل الطبيب اقل من امين الشرطة عشان يتجاهل طلبه ويلبي طلب امين شرطة ؟؟؟؟؟؟؟؟؟

[FAR!D]

استاذ فريد . لمقدارك وغلاوتك عندي لن اضغط عليك مادامت مش عايز تتكلم. لكن:

-الحوافز اللي بياخدها اي موظف حكومي بتبقي مرة كل كااااااااام شهر مش بتبقي نسبة من الاساسي تضاف عالاساسي ويصبح الاجمالي هو الاساسي وياخده باستمرار شهريا.

حاجة واو او لاء وبراندات او كسر مادام طلب تقشف ومعلي الاسعار عالغلابة يبقي بناقصها بقي عالاقل عشان يحرج ( الغلابة ) وميستفزهمش.

واخيرا لولا مقدارك عندي لقولت لك ليه قناعتك ان السبب ( جيش وظابط جيش ).

وحضرتك مجوبتنيش في اخر سؤال ؟؟؟؟ هل الطبيب اقل من امين الشرطة عشان يتجاهل طلبه ويلبي طلب امين شرطة ؟؟؟؟؟؟؟؟؟

الله يكرمك و ردي ارتكز على الغلاوه ديه
و موضوع لبي او ملباش انت عارف انها مش بتعتي ولا بيدي و اصلا اصلا انا رافض تماما موضوع الاعتصامات الفئويه ديه
لكن كل وزاره و هيئه موظفينها ليهم حوافز و هدايا في اخر السنه او خلال كل سنه
و نفس الكلام و على فكره الكلام مش شهريا برضوا مره في السنه
و بجد انا مش عايز اتكلم بسبب اني مبقتش اهتم باني ارد على كل الموضوعات في القسم ده حفاظا على الاعصاب و كل واحد مقتنع باللي مقتنع بيه و معندوش استعداد انه يغيره
و اخيرا يا باشا الواحد احتك مع اشخاص و اعضاء في القسم ده نادم تماما على تدخلي معاهم في حوار و مش ناوي اكررها حفاظا على احترامي لنفسي
و مفيش اسباب تانيه غير اللي قولتها ;-)
تحياتي لك يا صديقي

[mr_vampire]

الله يكرمك و ردي ارتكز على الغلاوه ديه
و موضوع لبي او ملباش انت عارف انها مش بتعتي ولا بيدي و اصلا اصلا انا رافض تماما موضوع الاعتصامات الفئويه ديه
لكن كل وزاره و هيئه موظفينها ليهم حوافز و هدايا في اخر السنه او خلال كل سنه
و نفس الكلام و على فكره الكلام مش شهريا برضوا مره في السنه
و بجد انا مش عايز اتكلم بسبب اني مبقتش اهتم باني ارد على كل الموضوعات في القسم ده حفاظا على الاعصاب و كل واحد مقتنع باللي مقتنع بيه و معندوش استعداد انه يغيره
و اخيرا يا باشا الواحد احتك مع اشخاص و اعضاء في القسم ده نادم تماما على تدخلي معاهم في حوار و مش ناوي اكررها حفاظا على احترامي لنفسي
و مفيش اسباب تانيه غير اللي قولتها ;-)
تحياتي لك يا صديقي

يعني الزيادة ال 10% لمعاشات الجيش. مرة واحدة لشهر 7 ده بس وبعدين هيرجع تاني لما كان عليه ؟؟؟؟؟؟؟ معتقدش .

ردك ده فيه كلام كتير يتكتب رد عليه ولكن احتراما لرغبتك سامتنع عن كتابته.

واخيرا نصيحة اخوية وهمسة في اذنك. انت مجرد موظف حكومي تؤدي وظيفة حكومية في مؤسسة حكومية. فلا تحمل نفس اكبر من حملها بالدفاع المستميت عن شيء ممكن بداخلك تكون مقتنع ان عليه علامات استفهام كتير.

تحياتي.

[Adnfalcon]

انا بشوف كلام غلط كتير فردود الناس . اكيد معظمهم مدخلوش جيش ولا يعرفوا عنه حاجه اصلا
دي حاجه اسمها ترفيه . بتتصرف ف رمضان فقط . مش شهريا . زيها زي العلاوه او المكافأه
وتلاقي ناس زعلانه ان معاشات العسكريين زادت 10 % دا علي اساس انهم من كوكب المشتري !
دول مصريين و معاشهم زاد زي باقي اصحاب المعاشات
بس فعلا في ناس عندهم كره للجيش ! و عندهم تربص غير طبيعي
ربنا يهدي

[abdelrahmaaan]

حد يعرف من الناس اللى بتتكلم عن زيادات الجيش كام مرتباتهم او معاشاتهم؟؟ لا بس هو هجوم لمجرد الهجوم ولو بصيت لاى حد والده فى الجيش هيلاقى ان مرتبه زيه زى اى موظف ويمكن اقل من قطاعات كتير زى البترول او الاتصالات او الكهرباء

[mr_vampire]

حد يعرف من الناس اللى بتتكلم عن زيادات الجيش كام مرتباتهم او معاشاتهم؟؟ لا بس هو هجوم لمجرد الهجوم ولو بصيت لاى حد والده فى الجيش هيلاقى ان مرتبه زيه زى اى موظف ويمكن اقل من قطاعات كتير زى البترول او الاتصالات او الكهرباء

مرتباتهم ومعاشاتهم قبل 25 يناير كانت قليلة وفي خلال ال 3 سنين زادو كذا مرة زيادات ملحوظة هما و الشرطة.

وعن معرفة بعميد عالمعاش قبل الثورة كان معاشو ممكن يوصل 3 بالعافية دلوقتي بيوصل ل 6 يزيد او يقل حاجة بسيطة. مين بقي موظف فالبلد زاد الزيادات ده كلها ف 3 سنين وبياخد المبلغ ده ؟؟؟؟ لا وكمان لو توفي يوم الوفاة ورثته يقبضو 3 امثال المعاش دفعة واحدة. هل ده برده بيتم لكل معاشات الحكومة مادام بتقولو زيه زي اي موظف حكومي ؟؟؟؟؟؟

تاني وعاشر وللمرة المليون. الكلام مش عالكلام البسيط التليفزيون ولا البوتاجاز ولا الميكروويف ولا الموبيل اللي بياخدوه مرة فالسنة تحت مسمي ترفيه او اي مسمي تاني. الكلام علي الزيادة ده فالتوقيت ده بعد النداء بالتقشف ورفع الدعم والاسعار نار .

كلنا نفسنا المرتبات والمعاشات تبقي مجزية عشان الناس كلها تبقي مرتاحة انما متبقاش بتطالب بتقشف ورافع دعم ونافخ اغلبية الشعب وتيجي تزود ناس معاشاتهم كفاية اوي فالوقت ده.

ده الحوار كله عشان محدش ييجي يفهم الكلام بطريقة علي مزاجه.

[M R. Z E C O]

هههههههه وكانك بتصرف عليهم...
الراجل مات عياله تاخد فلوس ليه مينفعش خليهم يتلطمو من بعدو !!
ده يتقلو اللهم اني صائم

[ahmedsrs]

هما كده السوار او التوار بالليببى بيهيجوا على اى حاجة وخلاص المهم يبقى فية نشات سورى