انهيار مروع منتظر فى البورصات العالمية وارتفاع تاريخى للدهب

[الفجر]

خلال الايام القادمة الاسواق العالمية والبورصات العالمية منتظر لها انهيار تاريخى مروع

مع ارتفاع الدهب لمستويات غير مسبوقة

فلمن يضارب فى الاسهم سواء بالداخل او بالخاج فلياخذ حذرة


كتب هذا الموضوع بتاريخ فجر يوم 31_7_2014

المصدر تحليل فنى + احساس نفسى على المستوى الشخصى

[eng.m7md.ali]

ربنا يستر

[DODGE2013]

مفيش انهيار مروع ولا حاجه والدب كده كده بيرتفع جامد وينزل ممكن الكلام الي بتقول عليه ده بعد سنتين متوقع

[HOSSAM99]

يا راجل يا بركة
بالله عليك بلاش توقعات الزلازل و الأنهيارات دي :)
أحنا مصدقين أنك بركة :)
توقع لنا أي حاجه حلوة ....

[Adnfalcon]

كلام غريب
الله وحده أعلم .

[mk3]

ارتفاع الذهب يعنى انخفاض الدولار على ما اعتقد ..صح ؟

[abou-yahia]

لا انا فعلا قريت تحليلات شبه كده

اساسها انخفاض سعر الدولار

نتيجه ان مسش خيكون عمله الاساس في تعاملات بين دول كبري

وازمه الدين الامريكي المتوقعه خلال شهر 9

مع توقع نشوب حرب عالميه باتت وشيكه

تحياتي

Sent from my SM-N900 using Forum Runner

[Mido Casper]

ربنا يستر

[Terrible_DaRsH]

يعني الواحد ميحولش فلوسه لدولارات ؟ طيب يحولها لايه

[4fun14]

بما اني من المهتمين بالبورصات والدهب،
فانا مستغرب ومش شايف اي اشارات للانهيار ده!

[غزلة]

اكيد انت عندك محل دهب وعايز تصرف الدهب اللى عندك هههههههههههههه اوعى تزعل يا راجل يا بركة انا بهرج معاك

[waleed0]

اساسا عمر الانهيار محيبقي مفاجئ لازم يبقي فى مقدمات لاي انهيار وخصوصا فى التعاملات المالية ما بين الدول , دي مش شركة مصرية حتنهار مره واحدة ولا اقتصاد بلاد الواك واك , دا اقتصاد عالم .

[hilal]

خلال الايام القادمة الاسواق العالمية والبورصات العالمية منتظر لها انهيار تاريخى مروع

مع ارتفاع الدهب لمستويات غير مسبوقة

فلمن يضارب فى الاسهم سواء بالداخل او بالخاج فلياخذ حذرة


كتب هذا الموضوع بتاريخ فجر يوم 31_7_2014

المصدر تحليل فنى + احساس نفسى على المستوى الشخصى

اسمح لي
بالنسبة للاحساس النفسي لا نستطيع أن نتكلم ، فربما كان الاحساس صادقا
أما بالنسبة للتحليل الفني ، أرجو الشرح ، حتى يمكننا الاستفادة
تحياتي

[hamada_amg]

بسم الله الرحمن الرحيم

اولا احب اشكر الراجل صاحب الموضوع على كلامه و توقعه و لو ان الموضوع معتمد على احساس لكن الله اعلى و اعلم هل هو فعلا احساس ام لا !!!

عامة انا بشتغل فى البورصات العالميه فعلا و ده مجالى من 6 سنين و اكتر و لله الحمد و للاسف كلام الراجل المحترم ده صح نوعا ما بس مش بموضوع احساس لا ده موضوع تحليلات منطقيه و اسلوبية خليني ابسطلكم الموضوع بعيد عن التحليلات الفنية المعقدة و الاقتصاد بحاذفيرة

خلونا نرجع اولا بالذاكرة لعام 2008 و ازمة الرهن العقاري اللى حصلت حد فاكر كانت امريكا قبلها بتقول ايه على الدولار و على قوة اقتصادها ؟
لو حد فاكر الكلام ده هيبدأ يفهم الجزء السيكولوجي فى الاقتصاد

فى نظريه اقتصادية بسيطه بتقول ان احسن حل لاخفاء مصيبة هو توجيه العقول فى الاتجاه المضاد و ده للاسف اللى بيحصل حاليا من ميديا و من اخبار لكن الفتره الاخيره اصبحت القرارات الاقتصادية الامريكيه بعيده عن الطمأنه شويه و اصبح علماء الاقتصاد يشوفوا بصورة واضحه الكذب فى القرارات و بالتالى فان فى امر مخفى الحكومه بتخبيه

ثانيا اى عملة او معدن فى الكون كله لا يسير فى اتجاه هابط او صاعد على طول الزمن لازم يطلع شويه و ينزل شويه باختصار لا يوجد خط مستقيم فى حاجه تتحكم فيها العرض و الطلب و لكن فى حاجه اسمها اخر و نهايه
و ده اللى الذهب وصله فى الفترات الاخيرة لانه هيفضل دايما هو الملاذ الامن لاى مستثمر و اى واحد بيفكر انه يشيل فلوس بالتالى لازم الناس تبدأ تشتريه تاني و الناس اللى بالفعل عندها دهب لازم تعمله عملية تداول يعني تبيع شويه و تشترى شويه عشان سعر الذهب يعلى مره تانيه و يوصل لمواحل البيع بعد المكسب
بالاضافه طبعا ان الذهب وصل الى مكان لو نزل عنه و السعر فعلا هبط اكثر من كده اقدر اقولكم ان 75% من الحكومات على مستوى العالم هتفلس و تشهر افلاسها للاسف بالتالى التدخل فى رفع سعر الذهب هيكون قوي - عن الاحتياطي الفدرالى اتحدث

ثالثا الجزء الاقتصادي و الفنى فان كل المؤشرات و النظرات الخبيرة باسواق العملات و الذهب تشير الى ترقب متوقع للهبوط و الوصول الى القاع ايضا و الكلام ده مش من اليوم الكلام ده للاسف من اول السنه الحالية و بالادق من شهر 11/2013
احنا كمحللين فنيين فى السوق العالمي منتظرين الهبوط من الوقت ده انه يحصل فى اى وقت و ده باتفاق متداولين و خبراء عرب و اجانب و ممكن لو حد فيكم يتابع المواقع الاخباريه و التوصيات على العملات هيلاقى الكلام ده فعلا موجود من اخر السنه الماضيه

فى النهايه كلام الراجل ده صح و مظبوط نظريا و فنيا و تحليلا و من الخبرة المكتسبه فى هذه الاسواق نسبة 80 % من المحللين متوقعين هذا الكلام و لكن لا احد يتحدث فوقت الكلام لم يحن بعد
و لكن الله سبحانه و تعالى اعلى و اعلم و ممكن يخلف كل التوقعات

ملاحظه كل ماسبق كلامى فى الاتجاه الفنى و التقنى فى اسواق العملات و الذهب و ليس فى مجال السياسه و نشوب حرب عالمية و ما الى ذلك فهذا جانب اخر يطول الحديث فيه و الشرح و يتوقف على اكثر من عامل و له شروط و تدخلات قوية من حكومات عدة

ودي و تقديري

[banzai]

hints

Brics nations to create $100bn development bank
non petrodollar
BBC News - Brics nations to create $100bn development bank

https://www.youtube.com/watch?v=1fDp39PQZK0

As Putin looks east, China and Russia sign $400-billion gas deal | Reuters
non petrodollar


DOLLAR IS FINISHED
USA WILL FALL
NEW WORLD CURRENCY IN THE PROCESSING