انهيار مروع منتظر فى البورصات العالمية وارتفاع تاريخى للدهب

[ramymechanics]

أستاذ حمادة أى تحليل مالى علمى زى اللى حضرتك أو ايا من الأعضاء المحترمين قالوه فوق دماغى من فوق

الإعتراض كله على توجيه الناس بناء على أحاسيس بدون توضيح زى اللى حضرتك قلته

مع جزيل الشكر للمعلومات القيمة اللى حضرتك قلتها لأنى استفدت بيها جدا

[drcobra]

طبعا مصر مش هتتأثر لاننا متأثريين خلقة

[sha2e]

الى الاخ الكريم صاحب الموضوع
اولا : اشكرك على حرصك على مصلحة الاعضاء
ثانيا : احب اوضح لحضرتك ان استنتاجك صحيح لكن غير دقيق فهذا الانهيار لن يكون قبل سنتين
قد يحدث هبوط أو بعض الازمات لكن ما تتوقعه بالانهيار الكامل لن يكون قبل سنتين
لان هذا العام ليس عام الزلازل الذي تتوقعه
والله أعلم

[mmolazem]

. . . اتمنى ان اجد فيكم من يدعوا لى دعوة . . .

شفاك الله و عافاك

يارب سلم .

[almohaor]

ازاي بس ده كل الدول العربية هتتأثر تأثير كارثي

حضرتك ناسي ان كل الدول العربية عملتها مرتبطة بالدولار و كمان بتبيع بترولها بالدولار

تم ضرب صدام وتدمير العراق لان صدام هدد باستبدال التعامل بالدولار باى عملة اخرى فى بيع نفط العراق
وكمان ايران هددت بعدم التعامل بالدولار فى بيع نفطها بسبب الحصار المفروض عليها وكمان كلاب الخليج سارعوا بدعم الاقتصاد الامريكى عند ازمته وتعرضه للانيهار بمليارات الدولارات وعلى راسها السعودية اللى اشترت صفقة سلاح خردة من امريكا ب64 مليار دولار وقد سبقها بعدة سنوات صفقة اخرى ب 43 مليار لسلاح لاداعى له ولا تعرف حتى استخدامه كما ان الين اليابانى ارتفع من سنوات مقابل الدولار الامريكى وتم ارغام اليابان على تخفيضه كل ده يبررفعلا توقع تكرار انهيار الاقتصاد الامريكى مرة اخرى وبالتالى الدولار خاصة ان روسيا والصين والهند وغيرهم تحاول تشكيل كتلة اقتصادية او كيان لايعتمد الدولار الامريكى فى التعاملات وربما يسرع من ذلك العقوبات التى فرضت على روسيا بسبب مشكلة اوكرانيا

[hamada_amg]

يا جماعه بخصوص موضوع استبدال الدولار بعمله اخرى ده موضوع منتهي و مفروغ منه و قادم لا محاله احكيلكم حدوته

عندنا 3 اخوات كبار ماسكين العالم بايدهم عمو اليورو و ده اصغر الرجاله و عمو الين و ده اللى فى النص المتدلع و عمو الدولار ده الكبير بتاعهم .
بعد ازمه الرهن العقارى فى 2008 و المصايب اللى حدثت فى العالم كله كان عمو الدولار هو اللى كل حاجه باسمه و هو الكبير بس الازمه ده تعبته و عملتله مشاكل كتير مع ناس جنبه
فاخواته عمو اليورو و عمو الين اتفقوا انهم يشيلو الدولار من العالم و يخلوا حد مكانهم هو الاساس و التاني يسنده

عمو الدولار حلف طلاق تلاته انه مش هيمشي و يوم ما يمشي يمشي بكرامته عشان يفضل برده هو الكبير فبدأ يكلم الجيران و اللى حواليه و قعدوا قعدة عرب مع بعض هم التلاته و خناقات بقى من هنا و من هنا ووصل الحال فى 2010 ان خلاص الناس اتفقت انها هتشيل الدولار و تجيب حد من اخواته

بس عمو الدولار راجل خبره برده راح مستخدم نفوزه و عمل حرب هنا و ازمه هناك و مشكله مش عارف مع مين و هدد الناس ده يا تبقوا فى صفي يا اما هابعتلك ماما امركيا

راحت الجيران دول ضاغطين على اليورو و الين و قالولهم خليكوا شويه و احنا هنجيب حقكم و حد فيكم يمسك

و فضل عمو الين و عمو اليورو مستنين الغلطه اللى الدولار يغلطها عشان يشيلوه من كرسي الحكم و حد فيهم يمسك
و بقالهم 4 سنين حتى الان عمالين ينخورا وراه و يرموله مصايب عشان يتعب اكتر و عمو الدولار عمال يتعب و يتبهدل بس واقف برده منظر من بره

عاجلا ام اجلا هايتشال ده بالنظر لما يحدث الا لو ربنا نفخ فى صورته و ماما امريكا لعبت لعب قذر من تحت لتحت و للاسف ده بيحصل حاليا فعلا لكن كمجمل الوضع الدولار ماشي و اليورو او الاغلب الين جاي مكانه

ياترى مين بقى اللى هيكسب ده اللى ربنا سبحانه و تعالى يعرفه و الله اعلى و اعلم

[الفجر]

منذ نحو شهرين تقريبا وانا احذر واحذر مرار وتكرار لكل من يتعامل فى البورصة ان الانهيار العظيم على وشك الحدوث فى اى لحظة ويتنظر فقط شرارة الانطلاق ولو بنفخة هواء ليسقط الصخر من اعلى القمم وبطبع قوبل موضوعى اما بعدم التصديق او بالسخرية او بادعائى بالسحر والشعوذة او حتى بالاستعطاف على شخصى وكانى مريض نقسيا !!!

وقلت من شهرين انى ساترك الايام القادمة ترد عنى ما قلتة ولكن بعد فوات الاوان

ومنذ بداية موضوعى نزل السوق الامريكى باكثر من الف نقطة واعتبر ها البعض مجرد تصحيح عادى جدا وقلت انة ليس تصحيح وانما نزول وانهيار مروع كارثى سيخيم على جميع انحاء العالم وازمة اكبر من ازمة 2008 وقلت من شهرين ان ازمة 2008 لا تمثل شئ بالنسبة للازمة القادمة

واليوم والاسبوع الماضى بدئت شرارة الانهيار العظيم لفعلية والافتتاح الكبير لاكبر انهيارات تاريخية فى البورصات العالمية وجميع بورصات العالم تقطر دما احمر باكثر من اربعة الى خمسة فى المائة فى الجلسة الواحدة فقط

وبالفعل انتقل الانهيار الاسواق العالمية اخيرا الى السوق المصرى والبورصة المصرية لتشهد نزول مروع اليوم باكثر من 380 نقطة وهو ما يعادل 4بالمائة ........ ورابط الحدث امامك

CAIRO SE EGX30 | EGX30 Index - Investing.com

واليوم مجرد تسخين فقط للاحداث جسام كبيرة فى الاسواق العالمية

اخيرا بالنسبة للدهب فشرارة الانطلاق الفعلية وبدء موجة صعودة عنيفة بدء من الايام القادمة

ملحوظة اخيرة الموضوع اقتصادى وليس لة اى صلة بالسياسة لان الازمة عالمية وليست ازمة محلية ولا يوجد مسؤل فى مصر نستطيع توجية اللوم لة

[DODGE2013]

تصحيح وجني ارباح وبسبب حرب داعش يعني لا ازمه ولا حاجه يا ريس مش اكتر البورصات العالمية عند قمم عاليه ولازم جني ارباح وكان متوقع الي حيحصل ده خصوصا بعد الداو ما عمل رقم قياسي في الارتفاع مره تانيه

اسبوع كده ولا حاجه وحتلاقي الدنيا اخضرت ..... تحب ترفع رهان ؟؟؟

وبعدين الاسواق العربيه للأسف اول ما بتشوف الاسواق العالميه حصل فيها جني ارباح او هبوط بيخافوا وكلوا بيبيع يعني موجة هلع مش اكتر + ان الي شاري باسعار عاليه بيبيع عشان يرجع يصطاد من تحت تاني وفيه الي شاري من تحت وباع على طول عشان يعمل تريد زي الفل عموما اسبوعين ولا تلاته كده وافكرك لما الدنيا تخضر ... وشكرا

[الفجر]

تصحيح وجني ارباح وبسبب حرب داعش يعني لا ازمه ولا حاجه يا ريس مش اكتر البورصات العالمية عند قمم عاليه ولازم جني ارباح وكان متوقع الي حيحصل ده خصوصا بعد الداو ما عمل رقم قياسي في الارتفاع مره تانيه

ا

لو الموضوع كما تقول بسبب داعش كان المفروض ان البترول يولع لفوق بسبب مخاوف نقص الامدادت فى اهم منطقة بترولية فى العالم والعكس هو الذى حدث وانخفض انخفاض شديد طوال الاسابيع الماضية
ثانيا

لية بتعتبر نزول الكبير مجرد تصحيح كل مرة وجنى ارباح رغم ام هذة المرة النزول خيالى وكارثى فى الداو وكل الاسواق العالمية

اخيرا ............... الموضوع نصيحة فقط وكل شئ سيتتضح معالمة ... ولكم كما ذكرت بعد فوات الاوان

[DODGE2013]

لو الموضوع كما تقول بسبب داعش كان المفروض ان البترول يولع لفوق بسبب مخاوف نقص الامدادت فى اهم منطقة بترولية فى العالم والعكس هو الذى حدث وانخفض انخفاض شديد طوال الاسابيع الماضية
ثانيا

لية بتعتبر نزول الكبير مجرد تصحيح كل مرة وجنى ارباح رغم ام هذة المرة النزول خيالى وكارثى فى الداو وكل الاسواق العالمية

اخيرا ............... الموضوع نصيحة فقط وكل شئ سيتتضح معالمة ... ولكم كما ذكرت بعد فوات الاوان

كويس بقى انك جبت سيرة سعر المواد البترولية ... اولا سعره حاليا نايم بل وانخفض وده طبيعي عارف لما يحل البرد القارص في اغلب الدول حتشوف سعره حيرتفع ازاي ومتنساش اننا في اخر سنة 2014 دائما وابدا سعره بينخفض في الفتره ديه


عموما المره الي فاتت قلت انت نفس الكلام ومحصلش انهيار وقلتلك تصحيح مش اكتر وفعلا كان تصحيح والناس اشترت وباعت وكسبت ... واساسا النزول ده انا كنت متوقعه وغيري كان متوقعه بسبب جني الارباح

وانا زي ما قلتلك اصبر اسبوعين وحنشوف وحتعرف كلامي صح زي المره الي فاتت ولا لا

وانا كنت متوقع انك ترفع الموضوع بتاعك عشان تعيش الجو هههههههههههههههههه يومين تلاته كمان ولا اسبوع وحرفعلك الموضوع بتاع البتجان ياريس

وياريت مفيش زعل ما بينا حتى لو اشتد الحوار احنا بنتناقش مش اكتر وانت اخونا الكبير يا ريس وربنا يرزقنا جميعا

[ehabouf]

أهم حاجة الإرتفاع التاريخي للذهب؟؟؟؟
الذهب وصل لأدنى مستوى ليه في اربع سنوات

[pioneerahmed]

يا جماعة الكلام الى بيقولة العضو فجر منطقي لو فكرنا فية شوية
هو يمكن مش واصلكو الصورة عشان هو الموضوع احساس اكتر منو مؤشرات و دلائل
بس الى انا متاكد منو ان الدولار هينهار قريب بس امتي مش عارف
و دة بيبرر تصرفات امريكا عمالين يرفعوا سقف الدين لحد ما بقي نظريا الدولار لا يساوي شيء

[DODGE2013]

شوف سيبنا من موضوع الاحساس ده اي نعم بينفع سعات بس تعالى نحكم العقل

الدولار لا يمكن ينهار يجماعه والكلام ده من جهات كبيره ببساطه عشان اوضحلكوا الصوره

كل الاحتياطي بتاع اغلب الدول بالدولار الامريكي مليارات في اماكن محصنه

ببساطه الدول ديه لو حست ان الدولار ضعف شويه بتبذل كل جهدها ان هيا تقف معاه وترفع سعره تاني

مش محبة في الدولار الامريكي ولا ل عم سام لا عشان اقتصادها تحافظ عليه

زائد ان يورو ايه الي يبقى مكان الدولار اليورو ضعيف نوعا ما وفيه دول كتير اوي شبه مفلسه بدون ذكرها

اليورو غير مستقر نهائيا وديه عملة اكتر من بلد (الاتحاد الاروبي) طيب اذا اخلي عملة اكتر من بلد هيا العمله الرئيسيه

ولو دوله منهم وقعت اكيد اليورو حيقع ببساطه خليني زي ما انا على الدولار اهو عملة اساسية بتاعت بلد واحده (امريكا)

امرها سهل لو حصل حاجه في سقف الديون او البطاله الخ الخ الخ سهل انك تساعد دوله واحده وترفع منها (الدولار)

اسهل من انك تحاول ترفع اكتر من دوله حيبقى الموضوع متعب (اليورو)

والانهيار مش قريب خالص لسى بدري عليه زي ما انا قلت على 2020 ان ربنا ادانا عمر والله اعلم

ياريت بلاش التشاؤوم الفظيع ده والاحاسيس ومش عارف ايه النهرضه اغلب البورصات العالميه ومنهم الداو على ارتفاع طفيف حاليا

والدهب سعره لا ارتفع ولا حاجه اوي يعني عادي وباقي البورصات

والي انخفض انخفض انخفاض لا يذكر والي حصل كان جني ارباح وبسبب موضوع داعش لا اكتر ولا اقل

ياريت بلاش نخوف الناس بدون اساس او شرح تحليلي موثوق منه ونعمل

زي واحد اخرس بيقول لواحد اطرش ان واحد اعمي شاف واحد اعرج بيجري ورا واحد اصلع علشان يسرحلوا شعره

حكم العقل وزي ما انا قلت كلها اسبوع اسبوعين وحرفع الموضوع بتاعي بتاع البتنجان هههههههههههههههههههه

وياريت محدش يزعل من كلامي وحتى الاخ فجر لان زي ما انا قلت هو عضو عزيز علينا واخ لينا كلنا احنا بنتناقش

وربنا يرزق الجميع

[pioneerahmed]

يا باشا الاحتياطي النقدي الى حضرتك بتكلم عنو مش بيبقي دولار زي ما حضرتك فاكر
دة بيبقي عبارة عن سلة عملات فيها الدولار و اليورو و الين و الفرنك السويسري و الدولار الاسترالي و الكندي و عملات تانية كتيير
و كمان بيبقي فية جزء ذهب
و دة عشان يبقي في مرونة في التحويل
و فكرة سلة العملات دية في رايي معمولة مخصوص عشان الانهيار الى بنتكلم عنو

[Karim Alaa]

شوف سيبنا من موضوع الاحساس ده اي نعم بينفع سعات بس تعالى نحكم العقل

الدولار لا يمكن ينهار يجماعه والكلام ده من جهات كبيره ببساطه عشان اوضحلكوا الصوره

كل الاحتياطي بتاع اغلب الدول بالدولار الامريكي مليارات في اماكن محصنه

الدولار سينهار مثل كل العملات الحكوميه العائمه على مر التاريخ الدولار انهار مراحل و مراحل منذ فك ارتباطه بالذهب عام 1971 نصحه لوجه الله تبحث في الموضوع ده كويس اوى و تصدقه و تعمل حسابك عليه هيحصل امتى الله اعلم بس هيحصل

بالنسبه لاحطياتات الدول فكل الدول الى ليها لزمه بدات تاخد احطياتها من انهيار الدولار

الصين توسع كبير جدا فى شراء الذهب كاحطياتى و اتفاقيات مع عده دول للتبادل المباشر لشراء البترول و الغاز بعملات الدول نفسها زى روسيا و ايران و اليابان من غير دولار

المانيا طلبت من امريكا استعاده احطياتى الذهب بتاعها من عندهم و الامريكان اترعبو و قالو محتاجين 7 سنين عشان نرجعو من غير ميحصل هزه قويه فى اقتصادهم

و مجموعه دول تانيه بدائت اتفاقيات تبادل مباشر بعملات الدول دى بعيدا عن الدولار

انت عندك حق مش من مصلحه حد ينهار الدولار لانه عامل زى الادمان بس امريكا طبعت كتير كتير اوى لدرجه ان اكتر من 60% من الدولارات خارج امريكا و رغم ذلك فى تضخم جوا امريكا تخيل ؟؟

اه كل الدول دى بتحاول تخبى الحقيقه دى عشان تحافظ على تجارتها الدوليه لكن للاسف مفيش مفر حجم الدولارات المطبوعه اكبر 3 اضعاف من كل السلع و الخدمات داخل امريكا و لا يغطيه اى شىء سوى وعد من امريكا بدفع ما قيمته سلع و خدمات و عليه انسى

و نصيحه ابدا بحلقات الراجل ده و اعرف الفلوس فى امريكا بتتخلق ازاى و انت تعرف الورقه الى فى ايدينا دى انها ولا حاجه

https://www.youtube.com/user/whygoldandsilver/videos

تابع الحلقات EP1 لحد EP5

ممكن امريكا تحارب دول كتير و دول تانيه تحاول تحافظ كتير بس طول مهما بيطبعو الامر منتهى و لسه ناوين يطبعو اكتر فى حاجه اسمها QE4 عشان يشترو حاجات كتير اوى من غير ميدفعو مقابلها غير شيكات بدون رصيد اسمها الدولار الامريكى