انهيار مروع منتظر فى البورصات العالمية وارتفاع تاريخى للدهب

[hilal]

شــاهد .. هبوط حاد بأسعار الذهب - مصريات - اكبر تجمع نسائي من اجل الوطن

هذا هو الرد العلمي الصحيح على الرجم بالغيب بناء على أحاسيس كاذبة
كنت أتمنى من الاخ صاحب الموضوع أن يوضح لنا التحليل الفني الذي يدعيه
ولكنه ثبت انه ليس عنده لا تحليل ولا يحزنون ،
وأرجو أن يفيق من الأوهام التي تسيطر عليه
ولا يعتقد في نفسه أنه شخص خارق للعادة

[mr_vampire]

شــاهد .. هبوط حاد بأسعار الذهب - مصريات - اكبر تجمع نسائي من اجل الوطن

هذا هو الرد العلمي الصحيح على الرجم بالغيب بناء على أحاسيس كاذبة
كنت أتمنى من الاخ صاحب الموضوع أن يوضح لنا التحليل الفني الذي يدعيه
ولكنه ثبت انه ليس عنده لا تحليل ولا يحزنون ،
وأرجو أن يفيق من الأوهام التي تسيطر عليه
ولا يعتقد في نفسه أنه شخص خارق للعادة

ليس دفاعا عن العضو صاحب الموضوع لاني لا اعرفه شخصيا لكنه لم يدعي التنجيم او علم الغيب وهو قال ان المصدر عبارة عن تحليل واكد علي كلامه احد الاعضاء المتخصصين فالمجال.

لما جبت الخبر ده ليس لاثبات شيء معين لكن فقط للبحث عن تفسير لحدوث العكس.

وانا في رايي ان مادام حدث شيء مفاجيء وبالسرعة ده ( سواء كان ارتفاع ليس له مثيل كما كان يتوقع او هبوط حاااااااد في اسعار الدهب ) فقد تحقق ماكان يريد ان يقوله هو والعضو المتخصص الاخر ان ثمة شيء طاريء سوف يحدث فسوق المال والمعادن النفيسة. فكون التغير جاء عكس ماكانو بتوقعونه فده شيء طبيعي فالاسواق المالية واسعار الدهب اللي بتتغير في لحظة هبوطا وصعودا.

وارجع واقول: ليس دفاعا عن صاحب الموضوع ولكن: ياريت الكل يقرا الموضوع كرسالة تحذيرية ( لمن يهمه الامر ) وفقط اخذ الحذر. دون الالتفات لجزئية احساس داخلي. لم يطلب شيء من احد للهجوم عليه.

[الفجر]

DAX 9,407.48 -186.20 -1.94%

3 27 FTSE 100 6,730.11 -43.33 -0.64%

13 88 S&P/TSX 15,330.74 -194.08 -1.25%

31 207 Nikkei 225 15,536.50 -84.27 -0.54%


58 162 S&P/ASX 200 5,549.00 -83.91 -1.49%


12 186 I

[الفجر]

صورة بالاعلى لهبوط الاسواق العالمية لليوم الثانى على التوالى ويظهر لون الاحمر الدم يسيطر على حميع الااسواق الاوربية واليابانية وفى انتظار افتتاح الاسواق الامريكية عصر اليوم

بخصوص الدهب فمن المعروف ان الدهب فى اول الامر يدخل فى موجة الهبوط مع الاسهم موجة قصيرة المدى فقط وبعدها يرتفع الى اعلى عكس الاسهم فى موجة طويلة الامد بعد ان يرى المسثمرون ان الدهب هو الملاذ الامن وقت هبوط السوق !!!

[mr_vampire]

dax 9,407.48 -186.20 -1.94%

3 27 ftse 100 6,730.11 -43.33 -0.64%

13 88 s&p/tsx 15,330.74 -194.08 -1.25%

31 207 nikkei 225 15,536.50 -84.27 -0.54%


58 162 s&p/asx 200 5,549.00 -83.91 -1.49%


12 186 i

ان امكن ممكن صفحات رسمية لتوثيق هذا الهبوط. وليس كابي وبيست منها. ليس تشكيكا في كلامك ولكن رد علي من يشكك بصفحات ولينكات رسمية.

[الفجر]

ان امكن ممكن صفحات رسمية لتوثيق هذا الهبوط. وليس كابي وبيست منها. ليس تشكيكا في كلامك ولكن رد علي من يشكك بصفحات ولينكات رسمية.

اكتب

.investing...............com

[DODGE2013]

بسيطه الداو اساسا كان لازم يهبط يعني كان لازم يهبط ببساطه لو ليك في التحليل والاسهم

كنت حتعرف ان الداو وصل لنقطة ارتفاع تاريخيه وارتفاع المؤشر بصوره كبير طبعا لا يمكن يستمر

لازم جني ارباح لان مفيش ون واي هما تو واي يطلع وينزل وزي ما طلع النزله الكبيره ديه لازم ينزل بسبب جني الارباح

ولعلمك حصل انخفاض كبير جد للداو في يناير الي فات لانه كان بيصحح

والنزول الاخير ده ما هوا الا تصحيح مش اكتر ويرجع بعد التصحيح ويخترق ال 17000 مره تانيه

والايام بينا حتقولي طيب وباقي المؤشرات حقولك ببساطه الداو ده زي عمود الارتكاز لما بينزل باقي المؤشرات التانيه

لازم تنزل هيا كمان نوعا ما حتى في الدول العربيه وكمان بعض مؤشرات البورصات التانيه واصله لقمم تاريخيه

ولازم تصحح هيا كمان ...................... موضوع الانهيار ده موضوع فااااااااكس

وكمان الارجنتين بتعاني من ازمة اقتصاديه (مش افلاس ) لان المبلغ الي بتتكلم عليه يعتي قليل مليار ولا اتنين ؟؟؟؟؟

ياريت يجماعه قبل نشر اي حاجه نتأكد منها

[ramymechanics]

اﻷستاذ صاخب الموضوع اتهمنى بأنى من الحاقدين اللى بكدبه عشان ملحقتش أبيع و هندم ) رغم انى اقسم بالله ما عندى ولا سهم ولا بفهم فالبورصة من اساسه(

النهاردة فى الراديو بيقولوا ان مؤشر البورصة وصل لارتفاع تاريخى موصلوش من 6 سنين .... ها نبيع ولا ايه !!!!

[الفجر]

اﻷستاذ صاخب الموضوع اتهمنى بأنى من الحاقدين اللى بكدبه عشان ملحقتش أبيع و هندم ) رغم انى اقسم بالله ما عندى ولا سهم ولا بفهم فالبورصة من اساسه(

النهاردة فى الراديو بيقولوا ان مؤشر البورصة وصل لارتفاع تاريخى موصلوش من 6 سنين .... ها نبيع ولا ايه !!!!

ا[gdwl]

اولا
ارتفاع البورصة المصرية اليوم لسبب واحد فقط هو الاعلان عن مشروع قناة السويس اليوم

والارتفاع اليوم كان يسبقة عدة جلسات هبوط متتالية وما حدث من ارتفاع اليوم هو ارتفاع وهمى لا غير سيعقبة نزول كبير متوقع وعندما تنزل بورصة امريكا فلا تسال عن اى بورصة فى العالم وعن اى سهم وخير مثال ............ازمة 2008 فى امريكا ادت الى انهيار كارثى فى كل بورصات العالم ومنها بطبع مصر !!!


ثانيا انا لم ارد على اى شخص فى المنتدى اجمع الا باستثناء اخ واحد فضل هنا فاتح موضوع مخصوص ضد ما اكتبة [/gdwl]

[mr_sese]

الدهب لن يرتفع لانه فى ترند هابط رئيسى منذ 3 سنوات متوقع الارتداد قرب ال800 دولار للاوقية طبعا انا بتكلم على مايجور ترند

[الفجر]

ويستمر النزول السوق الامريكى اليوم كالعادة باكثر من133 نقطة !!!

16,435 -133.78 (-0.81%
مع العلم ان السوق الامريكى على مدى 7 ايام كان فى حالة نزول والسوق كلة يفيض باللون الاحمر عدا جلسة امس فقط بارتفاع طفيف وهمى
ويستمر الضحايا
اخيرا انا لست هنا لفرض قرار عليك او للشماتة كما يظن البعض او للهجوم على احد او للدفاع عن وجهه نظر شخصية او ذاتية او تحقيق شهرة فى الاوساط المالية
انا هنا فقط
لكى انصحك نصيحة خالصة لوجة الله تعالى وحدة علما انى مريض بالقلب واعانى من عدة امراض شتى و لقد زهدت فى الدنيا وما فيها واتمنى ان اجد فيكم من يدعوا لى دعوة بالرحمة عندما يحين لحظة الوداع وانتم لا تشعرون

[hilal]

علما انى مريض بالقلب واعانى من عدة امراض شتى و لقد زهدت فى الدنيا وما فيها واتمنى ان اجد فيكم من يدعوا لى دعوة بالرحمة عندما يحين لحظة الوداع وانتم لا تشعرون

ألف مليون سلامة على حضرتك
وأرجو أن تسامحنا إن كنا قد تجاوزنا في الانتقاد
وربنا يشفيك شفاء لا يغادر سقما

[prof2013]

على كده بقى لو الكلام ده صحيح انهيار الدولار هيأثر جامد ع الجماعه الفوركساويه لان معظم ايداعاتهم بالدولار وطبعا علشان يتم تحويلها للعمله العالميه الجديده هيبقى فيها خسارة جامد

[mfe]

عذرا اذا تدخلت فى النقاش
الاخ الفاضل صاحب الموضوع اولا الف سلامة ليك و عايز بس احكيلك فصة
انا بقالى سنين طويلة بدير محافظو استثمارات فى بورصات عديدة فى العالم عمرى ما شفت انهيار مفاجئ الى حضرتك بتقوله و حتى لو متوقع انخفاض فلازم يكون له سبب
فى 2008 كل المؤسسات المالية انهارت قبل ما البورصة تنهار يعنى السبب كان واضح مش مفاجئ و يوم البورصة ما نزلت 7% كان اليوم الى اعلنت فيه مجموعة مؤسسات مالية افلاسها
الانخفاض الأخير فى الداو كان بسبب توقع على نطاق واسع برفع الفائدة على الدولار نتيجة تحسن الأقتصاد الأمريكى اكتر من اللازم و هناك خوف من التضخم و على فكرة لسة التوقع ده موجود ده بالاضافة الى الصراع فى اوكرانيا
مقدرش اقول على انخفاض 1 او 2% انهيار و مقدرش اقول ان المؤشر لما ينزل من 17 الف الى 16400 ده انهيار و لا حتى مقدمة انهيار
و على فكرة برضه سبب من اسباب الانخفاض هو الارتفاع القياسى للدولار امام معظم العملات الرئيسية و ده مش من مصلحة أمريكا
طول عمرى بتحاشى انى اجيب سيرة الكلام ده ادام اى حد مش دارس القصة دى لانها صعبة و المتغيرات كتير و اخاف حد يفهم تحليلى غلط فياخد قرار غلط و يدعى على بعد كده انا مش حمل كده
فحضرتك انا بس مشفق عليك لو حد فى المنتدى خد قرار بناء على توصية سيادتك و اصرارك على التوصية و طلع احساسك الشخصى او تحليلك مش صحيح فيدعى عليك انا عن نفسى طول عمرى باخاف من دعوة الناس علشان كدة بطلت ادارة محافظ للافراد و بقيت بديرها للمؤسسات بس
و برضه ممكن تحذر الناس لو انت شايف كده بس اعذرنى طريقة حضرتك فيها تاكيد ميقدرش عليه وارين بافيت شخصيا

[hamada_amg]

لا حول و لا قوة الا بالله العلي العظيم

بصراحه انا مش شايف كلام يتقال بعد كل ما قيل من كلام غريب و عجيب و لا ادرى لماذا كل هذا النقاش و الجدل

الموضوع ابسط جدا من كده راجل بيحذر من شيء ما لو انت مقتنع اهلا بيك و لو مش مقتنع برده اهلا بيك لو حضرتك فاهم تعالى نتناقش بموضوعيه خلى اللى مش فاهم يفهم و لو حضرتك مش فاهم مش عيب قول و اسالى و خلى الناس اللى فاهمه تجاوب يمكن لعل و عسى تقدر تقتنع بكلامهم و لو مش اقتنعت مفيش اى مشكله

ليه دايما كل المصريين عندهم عقدة الخواجه و احد الاعضاء الافاضل قال فيما معناه ان فى ملايين المحللين فى العالم اشمعنى صاحب الموضوع اللى تنبأ بده
طب و ايه المشكله اما يكون فى محلل مصري شاطر او محلل عربي شاطر ايه المانع يعني هو لازم اسافر و اشتغل فى امريكا عشان ابقى شاطر


و حضرتك ده مش تنبأ و مش درب من النجوم و الخزعبلات و العالم المحللين دول مش عالم مخاويه الجن و لا بيقروا الطالع لا ده ناس بتجتهد

المحلل باي نوع هو انسان يقوم بتفنيط و تحليل الماضي مع تقييم الوضع الحالى لاستنتاج المستقبل بناءا على المعطيات المعطاه له من الماضي و الحاضر

يعني حد بيقول و الله انا عندي عربيه مرسيدس موديل 90 كانت فى 2000 بكذا و فى 2004 بكذا و 2008 بكذا و فى 2014 بكذا يبقى من كل ده نقدر نقول انها فى 2015 هتبقى فى رنج شعر كذا

لا جزم بشيء و لا خمن و لا ضرب الودع و لا اى من الكلام

اتمنى لو حد منكم خريج تجاره يقولى اغلى شهاده دوليه فى اي مجال من المجالات التجاريه ؟

هتلاقوا اغلى الشهادات هى التحليل المالى ثم الفنى و بعد كده باقى المجالات زي الادارة والمحاسبه وووو

يعني انا كراجل محلل مالى تعبت و اتعلمت و لفيت و ذاكرت و سبت بيتي و مراتى و عيالى و سافرت عشان امتحن و اتعلم اكتر و اقضي ليالى غربه فى بلاد عجيبه و اصرف مصاريف الدنيا مش عشان حد يقولى انت مشعوذ و لا دجال و لا نصاب
و مع ذلك مش بطلب من حد انه يصدق و يقتنع بالكلام و الله لو مقتنع خير و بركه عايز نتناقش خير و بركه لو مش مقتنع انت حر ده رايك لكن ما تشككش فى علمى و لا تعبي سنين و ايام و لا تشكك فى نعمه ربنا عليا انه ادانى القوه عشان اتعلم العلم ده و اقدر اليوم انى اقول الكلام ده
مش عايز التحذير انت حر مش عايز تقتنع انت حر لو عرفت تقنعنى بالعكس انا كلى اذان صاغيه ليك و رايك على عيني و راسي اخترمه و اقدره لكن احترم رايي حتى لو غلط فما اجتهادى و نجاحى الا من عند الله و ما فشلى الى من ضعف نفسي

حبيت بس اوضح المفاهيم البسيطه ده عشان الناس تفهم معنى ايه كلمه محلل مالى او محلل فنى او معنى لقب محلل ده اصلا جاي منين و تعب اد ايه فى دنيته و شغله عشان يوصل لده فعلى الاقل يجد نقاش موضوعى فى كلامه مش اكتر من كده

ونرجع نقول تاني بالكلام الموزون
وقت المصايب محدش بيدور على السبب فين وجه منين و اديكوا مثال فى 2010 فى شهر 12 من بعد يوم 15 خشوا على مواقع البورصه المصريه و اقروا تحليلات السوق المصري هتلاقى كل الناس بتتكلم عن هبوط البورصه المصريه القادم لا محاله

فلان يتوقع بانهيار البورصه المصريه
المركزي المصري يعمل مش عارف ايه
مصر المقاصه تنفى ما قيل عن الهبوط للاسهم

انا كمحلل مالى اشوف الاخبار ده و احللها خصوصا اخبار المركزي و المقاصه اقول وقتها الدنيا عامله ازاى و ده اللى قلته فى احد الندوات و المقالات فى 23-12-2010 عن البورصه المصريه رغم انها مش مجالى الا انى قلت بالنظر للوضع الراهن اتوقع هبوط للاسهم مباشرة فى شهر يناير او فبراير

من يوم 1 الى يوم 15 يناير 2011 صعود قوي للاسهم المصريه و البورصه تصل الى قمه القمم و اعلى القمم المتوقعه و الغير متوقعه و غلط التجار و اشتروا من العالى طمعا فى مكسب اعلى

من يوم 18 يناير الى يوم 20 يناير تراجع الاسهم المصريه بصوره حاده ( بدايه الهبوط )

يوم 23 الى يوم 25 انهيار البورصه المصريه و قال ايه اصلها بسبب الثورة

كل المحللين الفنيين اللى بيفهموا رجحوا الهبوط قبل الثوره ما تبدا و الحكومه عشان تدارى على الفضيحه قالت ان الثوره السبب رغم ان الهبوط بدأ قبلها بايام و الثوره ما هى الا عامل مساعد و مسرع للاحداث
ده بيان عملى ليا شخصيا


طيب معنى كده ايه : معنى كده ان كل ما الدنيا تمشي فى الاتجاه الغلط لفتره اطلول كل ما تتوقع العكس بصورة اقوى
و ده اللى بيحصل فى الذهب الان عمال بينزل يطلع يريح نفسه و ينزل تاني رغم انه وصل لمناطق شراء قويه و مركزه من سنين لكن بينزل برده بعنف
و كل فعل له رد فعل مساو له فى المقدار و مضاد له فى الاتجاه
بالتالى رد الفعل العكسي هيكون لاعلى بقوه لان ده الناتج الطبيعي

حلو الكلام طب لما الذهب يطلع ايه اللى يحصل
قالك ا ب اقتصاد و عملات ان فى كفتين كفه فيها الذهب و البترول و اليورو و كفه مقابله فيها الدولار
الدولار يعلى الباقى ينزل و الباقى يعلى الدولار ينزل

يعني معنى كده لو الذهب عمل رد الفعل العكسي و ارتفع بقوه لفوق اليورو هيعلى معاه و الدولار هينزل صح و لا ايه
طب الدولار ينزل ازاي و امريكا فين ؟

فى هبوط 3 انواع
نوع ضعيف
نوع متوسط
نوع قوي

لو امريكا قويه اقتصاديا هتقوي عملتها و تحاول تعليها بالتالى هبوط الدولار وقتها هيكون ضعيف مجرد تأثير بقوه الذهب فقط
لو امريكا بين البنين بين القوه و الضعف هتساعد الدولار بس بحساب بالتالى هبوطه هيكون متوسط متأثر شويه بارتفاع الذهب و شويه بعدم المساعده الكامله من الدوله
لو امريكا اصلا بقى ضعيفه اقتصاديا و داخله فى خناقه مع فلان و عندها مشكله مع دوله تانيه و الفيدرالى الامريكي تصريحاته مش قويه و اصلا الدولار مش قوي يبقى مش هتقدر تساعد عملتها وقت الهبوط بالتالى هيبقى الهبوط قوي

كلام حلو و سهل بس فى نقطه بقى اهم الناس اللى اتكلمت مش واخده بالها منها
اى احتياطى فدرالى فى الدنيا سيان فى مصر و لا امريكا و لا الهند و لا البتنجان ده احتياطي دهب مش دولار
الدولار عمله عالميه اولى بيتم التعامل بيها فى اى مكان فى العالم لكن الدهب هو الاحتياطي اللى اى دوله مخزناه على جنب عشان مش تفلس
و معنى كده ان الذهب عامه اقوى من اى عمله و ثابت اكتر بالبلدى مش بتفرق معاه هتشتريه من اى مكان بنفس السعر ( طبعا مليش علاقه بالمصنعيه )
لكن الدولار هيفرق من بلد لبلد بالتالى العمله ما تنفعش تكون احتياطي .
و طالما الذهب هو الاحتياطي العام للدول يبقى هو الملاذ الامن دايما لاى دوله
يعني يوم ما الحكومه تنتعش كده تقولك نشترى ذهب مش دولار

يعني عندنا رد فعل متوثع لذهب بالصعود القوي ( ارتفاع الذهب بالتالى هبوط الدولار )
+
ضعف امريكا الحالى اقتصاديا و موجهتها مشاكل اقتصاديه ( يعني مش هتدعم الدولار يعني هبوط الدولار برده )
+
قوه الذهب للحكومات كملاذ امن فى اوقات الازمه ( شراء الذهب يعني بيع الدولار )

اذن من ما سبق نجد هبوط الدولار لقوه الذهب و ايضا عدم وجود دعم للدولار من دولته بالاضافه الى بيع الدولار من قبل المستثمرين لشراء الذهب

هبوط + هبوط + بيع = انهيار
و انهيار العمله = انهيار الدوله

على فكره كل ما سبق ده ا ب اقتصاد يعني 1+2 يعني بالبلدى و بالبساطه محبتش اذكر تقارير اقتصاديه و اخبار كتيره هتخلى اللى مش له فى الاقتصاد مش فاهم اى حاجه و خليت الدنيا بسيطه عشان بس الناس تفهم
و مش بقول بيعوا الدولارات بالعكس بس خلى بالك اول ما تلاقى الدنيا بدأ افتكر الكلام ده و اتصرف وقتها و الحق خسارتك
و لو مبدأتش اديكم محتفظين بالفلوس و قولوا الناس ده بترغى و تحكي فى كلام فاضي و عالم مجنونه

و برده ان اصبت فهو من عند الله و ان اخطأت فهو من نفسي و جل ما لا يخطئ و لا يسهو

سلامو عليكم