السعر كام لوسمحت وده فى اليوم وا لافى 4 ايام ؟
X
-
روحت مطروح سنة 2000 كان عندنا شاليه هناك فى قريه محدش راحو قبل كده بصيت عليه ونزلت مطروح نفسها لفيت ورجعت القاهره بعت الشاليه بتمنو وحلفت عمرى ما اروحها تانى وكنت متوقع ان ده مستقبلها المبهر[RIGHT][B][FONT=Impact]أحمد فهمى[/FONT]
[/B][/RIGHT]
Comment
-
السلام عليكوا يا احلى شباب
احب اعرفكوا بنفسى انا اسمى اسماعيل شاب من مطروح ولما قريت كل المشاركات بتاعتكوا حبيت اقول راى بعد اذنكوا
انا هقول كل حاجه ايجابيات وسلبيات زى ماحنا شايفينها كاهل مطروح
نبدا من لحظه وصولك الى بوابه الكيلو 10 لحد ماترجعلها تانى بالف سلامه
اولا وانت جى حمدلله على سلامتك هتقابل مطبات كتير اوى بس هى مريحه بصراحه
ثانيا هتلاقى السماسره الكتير والمنتشرين فى كل حته من الشوارع عشان الشقق والشاليهات ودول بيبقوا ............
ثالثا موضوع الشقق , على حسب الوقت اللى جى فيه مثال : جاى فى شهر 6 هتلاقى الموضوع مناسب الى حد ما .
طيب جاى فى شهر 7 وشهر رمضان هتلاقى الاسعار فى الارض ودى بتبقى فرصه اخوانا المسحيين للمصيف
طب جاى فى اسبوع العيد احنا هنا بنقول على اسبوع العيد ( النار النار النار والدنيا مولعه نار ) كل حاجه بتزيد اضعاف وده هنقول عليه استغلال بس اللى يغيظ ان الناس فى العيد بتوافق على الهبل ده وبالتالى الدنيا بتبقى هيصه
طب الاسعار تظبط امتى تانى باذن الله شهر 9
رابعا : سكنت ونازل تشوف دنيتك الشواطى بقى بالنسبالنا احنا اهل مطروح بنقرف من شواطى الكورنيش بامتداده من روميل والبسنت والنخيل لحد البوسيت وحاليا بنضم عليهم الغرام وكليوباترا وده عشان ضغط المصيفين على الحتت دى عشان قريبه للمدينه والسكن والهيصه وكمان عشان الشواطى دى اسعارها زفت جدا وخدماتها زى اسعارها وزحممممممممممممممممممممممه طب فاضل شواطى ايه فاضل عندك الابيض بثلاثة بوابات وشاطى عجيبه اللى فعلا عجيبه وكمان شاطى الرميله ومينا حشيش وبعض الشواطى والاماكن الخاصه بينا احنا اللى محدش يعرفها غيرنا( حته تميز )
خامسا طلعت من المايه خلاص وروحت هتتفاجا بعدم وجود مايه او وجود مايه مالحه او لو حظك حلو هتلاقى مايه حلوه بس مش للشرب
سادسا نازل تتفسح بقى بليل ايوه نعترف ان الاماكن محدوده فى مطروح بس لذيذه او هى ليها جو خاصه كده شارع اسكندرية وسوق ليبيا والكورنيش وتاجير العجل والموتسكلات وشويه حاجات كده بمناسبه اسعار سوق ليبيا فهى غاليه لسببين اولا مطروح مفيش فيها شغل غير فى الصيف وتانى سبب ان هى بعيده فمصاريف النقل زياده كتير
سابعا منتجات اللب والزيتون الاول اللب فمحمصه نصر اللى احنا بنقول عليها نصر المسيحى ( لان فى محمصه نصر الاسلامى دى رقم 2 فى مطروح وبعد كده كله بطيخ ) نصر واخد شهره جامده لان منتجاته ممتازه لان هوا حاليا عنده مزارع للب فى البحيره خاصه بيه فمنتجاته ليها طعم خاص
وبعد كده الزيتون والزيت والبلح ( هنا هقول بؤ صغير كده ) انا مدرس وشغال فى سيوه منبع الحاجات دى فعلا يا جماعه الحاجات دى فى سيوه السنه دى غاليه وده لعده اسباب ملناش دعوه بيها بس فى الاخر الاسعار اوفر حبه بس مقبوله
ثامنا لو انت جى من غير عربيتك جى مواصلات يعنى فعلا هتلاقى حاجات غريبه فى المواصلات وده راجع لان فى ناس كتير بتيجى وافدين فى الصيف يشتغلوا على التاكسيات والمكروباصات وبالتالى بتقول اى اسعار وكمان مش بتبقى عارفه الاماكن وفى ناس بتبقى عندها جشع عادى يعنى زى اى محافظه
تاسعا بقى من اهم مميزات مطروح بقى ان عماراتها مش عاليه وده بيخلى البلد كلها فيها تراوه وماتتخنقش فيها وكمان من المميزات النظافه بجد الدنيا نضيفه جدا بالمقارنه باسكندرية وعلى فكره انا اصلا اسكندرانى ومن سيدى جابر عشان الشتيمه بس بصراحه اللى بيضايقنى فعلا فى مطروح الزحمه اللى بتحصل من الجماعه المصييفين يعنى مثلا ماشى فى شارع اسكندرية وعاوز تخش اى شارع جانبى ادامك حاجه من 3 ياتزق الناس بالعربية وياتنزل تحركهم بايدك يا ربنا ينعم عليك بالصبر لحد مايتحركوا وكمان الجماعه اللى معاهم عربيات عاوز يروح مكان ومش عارف يروح واقف فى نص الشارع ويسال او يروح داخل يمين او شمال او يرجع ومش مهم اللى وراه عادى بقى
عاشرا انت بتبقى فى نفس القصه دى الفتره اللى انت قاعد فيها لحد ما تقرر تروح وتوصل بالف سلامه باذن الله لبلدك ونشوف باذن الله السنه اللى جايه
اى حاجه تحبوا تسالوا عليها انا تحت امركوا
Comment
-
المشاركة الأصلية كتبت بواسطة yuong313 مشاهدة المشاركةالغرفة عبارة عن سرير كبير ينام فيه 2 كبار وطفل
والغرفة الاخري عبارة عن سرير بدورين ينام فيه شخص كبير فوق وشخص اخر تحت او اطفال بحسب راحتكم
انا حجزت قبلها بفترة شهرين علشان اخد خصم كويس علي موقع بوكينج
انا حجزي كان من يوم الجمعة 6-6 الي 13-6 اللي فات
لو فكرة اروح شرم الشيخ تاني حيكون اختياري الاول خاصة اني معايا عائلة
وللعلم انا بسافر شرم والغردقة كل صيف وعارف كويس اوي الفروقات في الاقامة والاسعار والامتيازات يعني مش اول تجربة وببالغ فيها
وميزة المنتجع ده انه قريب من السوق القديم وكمان بينه وبين خليج نعمة 5 كيلو
بيتهيألى أن دلوقتى أكيد الأسعار أعلى من كده
معلهش سؤال تانى لو غرفه واحدده بسرير كبير أو سريرين صغير ما تعرفش حضرتك سعرها كام فى الليله ؟؟؟؟؟؟؟
شكرا جزيلا على الرد و الأفاده
Comment
-
اكيد في اليومالمشاركة الأصلية كتبت بواسطة mramzy مشاهدة المشاركةالسعر كام لوسمحت وده فى اليوم وا لافى 4 ايام ؟
Comment
-
اكيد كل لما تحجز قبل الموعد بشهرين او تلاتة بيكون كل فترة في عروض ممتازةالمشاركة الأصلية كتبت بواسطة hhhhhm مشاهدة المشاركةبيتهيألى أن دلوقتى أكيد الأسعار أعلى من كده
معلهش سؤال تانى لو غرفه واحدده بسرير كبير أو سريرين صغير ما تعرفش حضرتك سعرها كام فى الليله ؟؟؟؟؟؟؟
شكرا جزيلا على الرد و الأفاده
بتبقي اقل اكيد بنسبة 25% من سعر الليلة او من سعر عدد اليالي الاجمالية
Comment
-
شكرا جزيلا على الرد والمعلومهالمشاركة الأصلية كتبت بواسطة yuong313 مشاهدة المشاركةاكيد كل لما تحجز قبل الموعد بشهرين او تلاتة بيكون كل فترة في عروض ممتازة
بتبقي اقل اكيد بنسبة 25% من سعر الليلة او من سعر عدد اليالي الاجمالية
Comment

Comment