هل انا لو سعيت للطلاق كدا ابقى ظالمة

[amr011111]

الشعور بالذنب بيلاحقني كل لحظة بحاول افكر فيها
مش عايزة انكر انه ساعدني في كل حاجة تعليمي و دورات كتير بالاضافة انه عمره ماعلى صوته او زعل مني بالعكس طيب واخلاقة عالية جدا ويمكن عوضني عن حنان ابوي افتقدته من والدي القاسي جدا ودا اللي بيخليني مش قادرة اتجاهل شعور الشديد بالذنب

طيب طالما بتقولى كل المميزات ديه فيه يبقى هتبقى ظالمه لو طلبتى الطلاق
لازم يكون فيه مبرر قوى انك تطلبى الطلاق خاصة فى وجود بنت
وبعدين لو على فستان الفرح والكلام ده لا تعتقدى انك لما تتجوزى تانى هتلبسى فستان فرح وبنسبه كبيره جداً هيكون برضه يا مطلق يا متزوج يا ارمل

[FAR!D]

طيب طالما بتقولى كل المميزات ديه فيه يبقى هتبقى ظالمه لو طلبتى الطلاق
لازم يكون فيه مبرر قوى انك تطلبى الطلاق خاصة فى وجود بنت
وبعدين لو على فستان الفرح والكلام ده لا تعتقدى انك لما تتجوزى تانى هتلبسى فستان فرح وبنسبه كبيره جداً هيكون برضه يا مطلق يا متزوج يا ارمل

+11111

[FAR!D]

البدايه اصلا غلط انك مكرهه عليه
ولكن العشره ( متكلمتش عن حب) معاه كويس اوي بشهادتك
و المشكله الاكبر انك ام ولكي طفله مش من حقك انك تحرميها من والدها بقرار فردي
هل تعلمي ان الطفل في نشأته بدون الابوين معا بنسبه كبيره جدا يطلع غير سوي؟
ثم هل تضمني انك يجيلك الحب الحقيقي وانت ام؟ زي مافيه عضو قال الفرصه الكبري اللي حتجيلك يا ارمل يا مطلق بس
هل تأمني علي طفلتك من زوج ام في حكم المجهول؟
حد بيربي ابن ولا بنت غيره ومش من صلبه الا في حكايات الف ليله وليله؟
نتكلم في الماديات واسمحيلي
بعد الامان ليكي و لبنتك بعد الخلع حتضحي بالامان المالي و المستقبل علي الاقل لبنتك و باختيار منك انت؟
نتكلم بالاعراف المصريه اللي انت مجبره عليها لانك مصريه
حتتحملي لفظ مطلقه و بتبعياته؟
حتستحملي نظرات مابين مشكك في شرفك و طامع لجسدك و اخر طامع في مالك؟
الحل الاوحد و العادل و العاقل الصبر و نسيان الماضي و بدايه حياه جديده مع زوج يحبك
ده حتي بالبلدي كده المثل بيقولك خدي اللي بيحبك

[عبدالحكيم]

اقنعي بحياتك أختي، وأحبي زوجك، وظللي على بنتك، وارضي بما قسم الله لك..

الطلاق حدث جلل في حياة الإنسان ولكي يقع لابد من أسباب قهرية تقود إليه، وعلى رأسها استحالة العِشْرة. وفي نظري، الإيجابيات أكثر في كلامك من السلبيات.. الخلع أيضاً لن يكون حلاً للمشاعر السلبية التي تتحدثي عنها.. فلو طلقت ستكون هناك مشاعر سلبية من نوع آخر أشد قسوة مما تتصوري الآن..

أنا قرأت كلامك، وفي الحقيقة استشعرت منه استغراقك في التفكير في الماضي وعدم القدرة على تخطي الظلم الذي تعرضت له عند إجبارك على الزواج.. وأنا لا أوافقك في ذلك لأن الله عوضك بزوج، وفقاً لكلامك، لم يقصر في حقوقك، ويلبي طلباتك..

دعك من المظاهر الفارغة فستان الفرح وحفلات الزفاف وما إلى ذلك. والله يحدث حفلات وولائم ثم تكتشف البنت أنها تزوجت إنسان عديم الأخلاق، خائن، بخيل، لا يراعي فيها حرمة ولا يعرف لها حسنة..

أخيراً: أنت بحاجة ماسة لأجازة زوجية. اطلبي من زوجك أن تسافري مصر لزيارة أهلك ورؤية صديقات عمرك أو فسحة لمدة شهر مثلاً.. هذه الفترة ستغير الكثير من حساباتك وأنا على ثقة بأنك ستتغيرين بصورة إيجابية..

[abd_el_7amid]

كام واحدة لبست فسان فرح و اتجوزت عن حب وبعد الجواز الحياة اتغيرت.. للاسف للاسوء

انظرى لما فى يديك من نعم.. واشكرى الله على الحياة السوية
تناسى الماضى .. وانظرى الى مستقبلك و بنتك و لزوجك

[إنسانة]

لو اطلقت مش هيكون مسمحلي اسيب السعودية ببنتي
معنديش اي مشكلة في الوضع المادي شقتي عندي ووظفتي عندي تكفيني وزيادة و ممكن يكون عندي سائق خاص بسهولة
بالاضافة إن شقتي كبيرة جدا ممكن اقسمها شقتين وااجر نصفها كشقة مستقلة
موضوع الزواج مش بفكر فيه اساسا
بس كوني عايشة مع انسان متزوج مش قادرة اتقبلها على نفسي خالص
بالاضافة انه في سن بابا و اهله ميعرفوش
مش بس اسلوب الجواز اللي مأثر فيا كل حاجة غلط في غلط
وبعد ماتزوجته عرفت كل البلاوي دي تاني يوم ولما قلت لبابا قلي احنا اتفقنا اول شهر ميقولش لحد ما يهيء نفسه واديلنا سنين ومحدش يعرف ولا هيفدني معرفة حد
عارفة جانب كبير من ظلمي بسبب بابا بس جوزي كمان عليه جزء كبير من الظلم
انا ذنبي ايه في الشتات اللي حطوني فيه

غير كدا أنا معنديش صديقات ولا أعرف أهلي إتولدت وعشت في السعودية كل سنة في منطقة بسبب شغل بابا نزولنا كان زيارات كل فين وفين لان بابا سلفي ملتحي كان بيواجه مشاكل في السفر وماما ماتت وأنا طفلة ومكنش بابا اساسا بيسمحلي اطلع او ازور حد
يعني حياتي مدرسة وبيت وبعد الثانوية مباشرة جوزني
لا أعرف أهل الا تواصل بسيط جدا بالتليفون كل مدة ولا أعرف صديقات

[kaza]

ربنا معاكي ويهديكي للخير كلامك كفاية لتكوني فريسة سهلة لائ ذئب جائع سيبي امورك بين يدي الخالق وصدقيني بيقلب الامر كما يشاء واكيد لخيرك بس ما تخربيش بيتك بايديكي مش هتلتقي ولا حتي ريحة

[rotanamasoud]

انا كده فهمت صح السبب فجوه السن انك بتعتبريه كبير بما يكفى لتشعرى انه اب مش زوج
ولاكن اختيار الطلاق يجب ان يكون اخر اخر ما تفكرى فيه

[minicooper20]

معلش انا ليا راى مخالف للاخوه شويه
اولا انو مش قايل لمراتو انو مجوزك دى معصيه و بما انك عارفه ده فانتى مشاركه معاه فى المعصيه
لان من حقها تعرف و توافق فا دى اول نقطه
تانى نقطه الدنيا و ابوكى ظلموكى و انتى ضعيفه
دلوقتى انتا قويه رجعى بقا الاتاخد منك بالعافيه اه مش هتعرفى ترجعى شباباك و فرحتك باول جوازك
بس ممكن ترجعى و لو احساسك بالحياه احساسك انك انسانه مش فازه جايبه و مخبيها فى الصالون و خايف لحد يشوفها و مكسوف منها
انا مش بشجعك على الطلاق و ظلم بنتك
لاكن انا بشجعك على رجوع حقك المسلوب منك من وانتى بنت
معتقدش بصرف النظر عن الناس ان ربنا يرضى بالظلم النتى فيه ده
و على فكره انا راى استرشادى مش اكتر ممكن تلغيه خالص شان متحيش تاخدى قرار و تدعى عليا
لاكن انا بقىلك عيشى على اسمك عيشى انسانه

[ahmedfouad]

من الواضح انك مش بتحبيه وده حقك
لان من اركان الزواج القبول والمودة والرحمة
الاشهار وهو الحاجة الوحيدة المتحققة

زى ما بقولك
ما اقدرش اقولك اجبرى نفسك عليه
لانى شخصياً ما اقدرش اعيش مع واحدة مش بحبها
وفاهم انك كنتى فى توقيت حكمك على الامور ما كنش دقيق
وتفكيرك كان مشوش نتيجة للظروف اللى عشتيها فى بيت والدك

من حقك تنفصلى
واقل رد للظلم اللى هيقع عليه
انك ترجعيله كل حاجة صرفها عليكى
خرجتك من ظروفك الصعبة اللى كنتى عايشاها
وكانت السبب فى انك تعيدى النظر لنفسك
واعادة تقييم حياتك بعد التطوير
وخلتك تشوفى نفسك تستاهلى الاحسن

معلش كلامى ممكن يكون قاسى شوية
بس لو اختى فى موقفك كنت هقولها نفس الكلام

لو عاوزة تتطلقى
رجعيله الشقة اللى جابهالك
ورجعيلوا كل الفلوس اللى صرفها عليكى
لحد ما فوقتى واستقويتى عليه ..

كدة ممكن تتخلصى من الاحساس بالذنب ..
ما تزعليش منى انتى كنتى ضعيفة
وهو وقف جنبك وشالك وقواكى وسندك

مش ذنبه بقى انك كنتى ضاغطة على نفسك
وانك اجبرتى نفسك عليه

واخيراً
الراجل ما قصرش معاكى فى حاجة وبشهادتك
ربنا يكتبلك الخير ويهديكى ويهدينا اليه

[wawamoha]

حضرتك عندك اولاد منه ؟؟؟

لو ماعندكيش يبقى هو ده السبب
انتي مش حاسسه ان فيه رباط بينكم اساسا
و عل العكس انا شايف انه طالمات محترم و مؤدب معاكي يبقى حرام تتجني عليه

[S O P H O S]

الانفصال مش حل
طالما في تحسن فالحياة

[zorg]

الطلاق بيكون له دوافع وأسباب وأنا مش شايف اي دافع يخليكي تفكري فالطلاق
وبعدين لا قدر الله ساعتها هتكوني "مطلقه" وانتي عارفه هنا ف مصر وضع المطلقه فالمجتمع ايه
انتي مرتاحه ماديا والراجل بإعترافك كويس معاكي
نصيحتي ليكي احمدي ربك وحافظي ع بيتك و بنتك

مالها المطلقة يعنى ده تفكير قديم واعتقد ان اللى لسة بيفكروا التفكير ده او بيسوقوا له هما اللى لازم المجتمع ينظر لهم بنظرة اذدرائية
بالنسبة لموضوعك بصى نصيحتى تكبرى دماغك دلوقتى نادرا مافى حد مصرى ممكن يصرف ويبقى جدع وفيه بنات كتير بتبقى عاوزة تتجوز اجانب او من برة البلد بسبب الحالة اللى وصل لها الرجل المصرى ممكن ميرضاش يصرف او يبقى بخيل او مشاكل الاهل اللى مبتخلصش والانحدار فى المجتمع بالمشاكل اللى بنسمع عليها كل يوم
بصى اهم حاجة تبصى على الماديات هى اللى هتنفعك فى الاخر خدى منه فلوس وامنى مستقبلك المالى انتى وبنتك وانا شايف انه طالما بيصرف وكويس معاكى يبقىده راجل عملة نادرة
لو سيبتيه بقى يبقى انتى اللى بتتمردى على النعمة الا بقى اذا مكنتيش ناوية تتجوزى وشايفة انك امنتى نفسك ماديا تمام

[windofchange]

معلش انا ليا راى مخالف للاخوه شويه
اولا انو مش قايل لمراتو انو مجوزك دى معصيه و بما انك عارفه ده فانتى مشاركه معاه فى المعصيه
لان من حقها تعرف و توافق فا دى اول نقطه
تانى نقطه الدنيا و ابوكى ظلموكى و انتى ضعيفه
دلوقتى انتا قويه رجعى بقا الاتاخد منك بالعافيه اه مش هتعرفى ترجعى شباباك و فرحتك باول جوازك
بس ممكن ترجعى و لو احساسك بالحياه احساسك انك انسانه مش فازه جايبه و مخبيها فى الصالون و خايف لحد يشوفها و مكسوف منها
انا مش بشجعك على الطلاق و ظلم بنتك
لاكن انا بشجعك على رجوع حقك المسلوب منك من وانتى بنت
معتقدش بصرف النظر عن الناس ان ربنا يرضى بالظلم النتى فيه ده
و على فكره انا راى استرشادى مش اكتر ممكن تلغيه خالص شان متحيش تاخدى قرار و تدعى عليا
لاكن انا بقىلك عيشى على اسمك عيشى انسانه

مش معصية عدم استئذانة لمراته الاولي

http://fatwa.islamweb.net/fatwa/inde...atwaId&Id=3628

[hilal]

بصراحة
لا اجد مبرر قوي للطلاق
الشيطان وحده يفرح بالطلاق
ولن تغفر لك بنتك هذا التصرف الغير مبرر
اهداي واحمدي ربك على كل حال