هل انا لو سعيت للطلاق كدا ابقى ظالمة

[AshTurbo]

أنا بس عاوز أقولك - وأنا مش أكبر منك كتير - أن العالم اللي عايشين فيه دلوقتي صعب والحياة مش لونها وردي زي مابتظهر في الأفلام .. لو هتضمني أنك مش هتتأذي من الموضوع ده وأنك هتلاقي زوج يراعي ربنا فيكي وفي بنتك ويخلصلكم مدى الحياة - وده شيء صعب ولكن مش مستحيل - يبقى أتطلقي من الراجل بالمعروف وبالتراضي لو مش هتضمني كدة يبقى سيبي ربنا يدبرلك أمورك وعلى فكرة طول مانتي بترمي حملك على ربنا سبحانه وتعالى هيكرمك أكتر ماكنتي عاوزة ..

بالنسبة للزوج فهو غلطان لما تبقى رجل كبير وتتجوز عيلة في ثانوي لازم تبقى عارف أنك كل يوم هتكبر وهتعجز بينما هي هتكبر وتبقى في ريعان شبابها وتحس بنفسها وبشبابها وأنت متجوزها عشان متعتك مقلناش حرام بس لازم تعرف أن الموضوع هيبقى ليه تبعات لو هتقدر عليها تمام مش هتقدر عليها يبقى لازم تطلق وكفاية كدة وسرحها بالمعروف .

[drcobra]

لو زوجك راجل محترم وبيراعى ربنا فيكى يبقى حرام
واعتقد الراجل قدم الخير

اعتقد انتى لسة خبرتك قليلة وكنتى بتتمنى تعيشى سنك
بس للاسف اللى عاشت سنها بتتمنى تكون مكانك

[hilal]

ماشاء الله على طول الخط لدينا منجمين وعارفين في النفوس ويمكن شغالين مخابرات للدين كمان!!

شلة معروفة تدخل أي موضوع تشتم اصحابه المختلفين معاهم "سياسياً" وتكفرهم وتطلعهم خيالات اصلا!

خلينا نشوف الشنبات اللي كانت بتهاجمها ياترى هتقول ايه دلوقتي!!

انتي في الحالتين اتعرضتي لعملية زبالة من ابوكي والراجل الضلالي اللي عامل "تقي" اللي اتجوزك وال ايه بيعاملك كويس.

يا أخي ما تقول رأيك وخلاص
هوه انت لازم كل مرة تفتتح مشاركاتك باتهام كل من لا يعجبك رأيه
احنا أقل من مستواك الفكري ياعبقري عصرك وأوانك ،
قول رايك وأفكارك المعجزة وملكش دعوة بغيرك
أستغفر الله العظيم.

[minicooper20]

النا بستغربو
ان اراء الناس فى اى موضوع كلها اراء فاضله
اكنى فى المدينه الفاضله
امال الزباله الى فى شوارع دى جم منين
الموضوع دخل فى بطر على النعمه و حكر على ناس معينه هى بس التكلم فى الدين و حاجه هايله
بصراحه فى ناس كتير كلمها اتسم بالعقلانيه و الخبره انا بتعلم منهم
لاكن ده طلع فى ناس جايه تفك عقدها عليكى
سبحان الله

[r0xer]

يا أخي ما تقول رأيك وخلاص
هوه انت لازم كل مرة تفتتح مشاركاتك باتهام كل من لا يعجبك رأيه
احنا أقل من مستواك الفكري ياعبقري عصرك وأوانك ،
قول رايك وأفكارك المعجزة وملكش دعوة بغيرك
أستغفر الله العظيم.

متجاوبلنا عالسؤال صحيح يا أخ هلال وسيبك من اتهاماتي اللي زعلتك لانك بتدعي علم الغيب وعرفت ان فلانة مش مسلمة وفلانة طلعت فلان!

بما انك من المعترضين على فكرة الطلاق وشايف في ظلم وبتاع اترضاه لأختك أو لبنتك انها تتجوز في السر وهي في ثانوية عامة من رجل هيديلها شقة وعربية ولو فكرت تطلق هتقولها دا بطر؟

[إنسانة]

محتاجة افهم تفكير المجتمع حتى لو كان متحيز و قاسي عشان اعرف اللي هيواجهني واكون متوقعاه
و يعني ايه gold digger أنا رغم انه اجبار وفيه اخلال بمعظم الشروط من الزوج ولكن زوجة مش اي توصيف تاني
وحضرتك تقصد ايه تاخدي منه كل شوية حاجة ؟
أنا مخدتش حاجة زيادة عن متطلباتي أو حق زي التعليم من حقي و شغلي من حقي واستقراري في شقة ملك لانها بلد غريبة برضو من حقي لو ليا بيت اهل في نفس البلد مكنتش طلبت الشقة
وطلبتها عشان بنتي لإنها لما تبقى بسمه ولو حصله حاجة مستقبلا ولاده واهله لما يعرفوا مش هيرحموها وهتتبهدل رسمي ودا متطلب أنا شايفة إنه طبيعي في ظروفي اللي هو حطني فيها فكانت هتتعرض لمواجهة سيئه وتدفع تمن تصرف والدها
غير كدا انا لما قلت خططت بهدوء كنت اقصد اني اتعلم و اركز عشان يكون عندي استطاعة انفصل لانه رافض الطلاق وبالفعل دا اللي عملته اتعلمت وحصنت نفسي
هو الطبيعي ان الزوج ينفذ شروط العقد مش العكس

الناس اللي بتعتبر كلمة بابا سلفي ملتحي دلالة على شيء غير شريف فالمشكلة مش عندي
دي معلومة حقيقية بابا سلفي ملتحي ودا سبب قلة سفره -ودا توصيف عادي في السعودية-
وتوضيحي لانه لما كان بييجي ينزل كان بيضطر يحلق والا بالفعل كان بيتعرض لمشاكل وعشان كدا مكنش بيسافر كتير وبناء على كدا معرفش اهلي
وكون اني بقول انه كمان الكذب على الزوجة مباح فهو بالفعل مباح و زواج الزوج بدون علمها هيخليه يقولها انا عند صديق او في اجتماع وهو عند زوجته الاخرى اللي متعرفهاش
ولما الزوج دا يتوفى ولاده وزوجته هيكتشفوا الكذب وانه عنده بيت تاني هيدخلوا معاهم في مواجهة وصراعات لن تنتهي على خير
ودا كله بالفعل واقع وانا وحدة من الناس ممكن اعيشه لو معرفتش القى حل او مخرج لي ولبنتي -رغم كل الحصون اللي بعملها-
غير إن الزوجة من حقها تعرف إن زوجها متزوج لأسباب متعلقة بصحتها الشخصية ووقاية نفسها من أي عدوى

اجباري على الزواج انا سألت فيها شيخ قالي للولي تزويج ابنته البكر لمن يراه كفء والعقد صحيح

فأنا في نظر اللي واخد الأراء دي "لم اتعرض للظلم" كون دا حاجة وحشة والمفروض متتقلش و تشويه -رغم اني مكنتش طارحة الموضوع من ناحية دينية ولكن مادام لكم رأي فلتتفضلوا-
خلاص أنا دلوقتي برأيكم وعلى حكمكم هل زواجي سليم ولا العقد باطل ؟


وقلت رأيي بوضوح في مواضيع ونقاشات سياسية عن فكر سياسي
ومش هسمح لحد ولا هدي اي حد فرصة لتصنيفي ولا هجاوب على أسألة زي "إنتي ديانتك إيه" ولا انتي مسلمة ولا كافرة مش هجاوب ولا مطلوب مني اجاوب اي سؤال متعلق بيا في نقاش سياسي
ناقش الفكر بالفكر ووضح النقاط اللي عايز تتناقش فيها وهتاخد اجابات ولكن نظام الملاحقة وتوجيه الأسئلة الشخصية دا مش اسلوب نقاش ولا حد ملزم يجاريك ولا عندك اي ميزة تخلي ليك حق زيادة على محاوريك
اللي عايز يزعل - من فضلك إزعل : )
- واللي عايز يكفر من فضلك كفر لما تحس انك ارتحت

[Adnfalcon]

gold digger يبان انها بمعني منقب عن الذهب بس معناها هنا الزوجه اللي همها الوحيد انها تاخد من جوزها فلوس او او او و تستغله

[reda elgohary]

قومى بتربية أبنتك وأهتمى لآمرها ،، وأطردي الآفكار الشيطانية من رأسك ،، وحافظى على بيتك وزوجك الحنون كما تقولين .
تلك هى الخلاصة .

[zorg]

ماشاء الله على طول الخط لدينا منجمين وعارفين في النفوس ويمكن شغالين مخابرات للدين كمان!!

شلة معروفة تدخل أي موضوع تشتم اصحابه المختلفين معاهم "سياسياً" وتكفرهم وتطلعهم خيالات اصلا!

طيب بغض النظر عن كل دا..

الناس اللي بتقولها انتي في نعمة وبتتبطري وحرام عليكي وكدا...سؤال واحد وأتحداكم تجاوبوه بصراحة...لما هي في وضع تحسد عليه كدا : هل توافق على ان بنتك او اختك تتجوز راجل في سن ابوك وهي 17 سنة وتتجوز جوازة في السر وتعيش في بلد غريبة متعرفش فيها حد في مقابل شقة وعربية بسواق؟

خلينا نشوف الشنبات اللي كانت بتهاجمها ياترى هتقول ايه دلوقتي!!

اما بالنسبة لصاحبة الموضوع، انتي مشكلتك مكانتش ينفع تتعرض هنا اصلا! دا منتدى كل اعضائه رجالة وكلهم هيبقو متحيزين طبعا الا من رحم ربي...

الموضوع في ايدك، ياما تكملي على أساس انك gold digger !! وتفضلي كل شوية تاخدي منه حاجة..واظن انتي عارفة معناه ايه !

ياما ترضي بعيشتك لو شايفة انك حبتيه وتقدري تعيشي معاه وياما بنات بتحب تتجوز رجالة اكبر منها، وفي رجالة كمان بتحب تتجوز ستات اكبر منهم في السن..مهياش حاجة مخيفة للدرجة لو انتي تأقلمتي عالوضع لكن لايعيبك لو اتطلقتي ولا يعيبك او خلعتيه ولا يعيبك أصلا اي حاجة من الحاجات دي...

..بينما لو مبتحبيهوش ومش حابة عيشته انتي قاعدة معاه تعملي ايه أصلا!؟ اتطلقي فوراً بدل ما تبقى المشكلة بعد كدا اسوأ وتدخل في بلاوي تانية...

في سؤال بس اخير للناس الي بتقول عشان بنتك تكملي معاه وكدا...هو لما بنتها تكبر وتكتشف ان امها متجوزة في السر واتجوزت وهي صغيرة عشان تاخد شقة وعربية وشوية فلوس!! ياترى شكلك قدام بنتك وابوها نفسه هتشوفه ازاي؟

انتي في الحالتين اتعرضتي لعملية زبالة من ابوكي والراجل الضلالي اللي عامل "تقي" اللي اتجوزك وال ايه بيعاملك كويس...هل هو يرضاها لبنته او لاخته انها تتجوز راجل في سن ابوها في السر ويروح بيها بلد غريبة؟ الله ينتقم منه ان شاء الله لانه أحد أهم شروط الجواز القبول والرضا والظاهر انه لاكان في قبول ولا رضى...

الشقة و الحاجات اللي جابهالك هي من حقك..انتي مش مجبرة تديله اي حاجة زي ماهو مكنش مجبر انه يديلك الشقة...

بس اياك ثم اياك تتطلقي منه قبل ما تتأكدي انك فعلا مش حابة تعيشي معاه..لانه احيانا الناس بتعتاد على عيشتها حتى لو كانت شايفاها وحشة ومع الوقت بتندم انها سابت عيشتها دي...

اللهم بلغت، اللهم فأشهد...

لايك

[zorg]

ردودك بعصبيه لما معجبكيش رد بعض الاعضاء بين طبعك وطبيعتك ...

هو انتي ليه ما فكرتيش في الموضوع ده قبل ما تطلبي منه يكتب لك الشقه باسمك او قبل ما ينفذ لك طلبك؟؟

نفذي اللي في دماغك بس ما ترجعيش تندمي وما تنسيش انه كما تدين تدان وخلي باللك من الشخص اللي ناويه ترتبطي بيه بعد كده وبالمناسبه ما تعتمديش قوي علي عدم قانونية بعض الاجراءات لان مش دايما القانون بيتطبق وذي ما فيه قانون فيه تحايل علي القانون للاسف ..

انصحك تستشيري طبيب نفسي عن مرض الشعور بالظلم والاضطهاد....

طيب ماهى ترد ازاى فى ظل الردود المستفزة اللى يقول علمانية واللى يقول سوزان مبارك
وبعدين اللى يقولها رجعى له الشقة و اللى يقولها رجعى له كل حاجة مع انها قالت ووضحت انها قالت له من الاول انها مش عاوزاها يعنى هى تخرج من المولد بلا حمص طيب هو يرجع لها سنين عمرها اللى ضاعت معاه بقى
وبعدين اللى مضايق من كلمة ابوها سلفى
اصلا الكلام ده كله حرام يعنى ايه سلفى ؟ فى حديث للرسول فيما معناه ان اصلا حرام تعمل فرق وطوائف فى الاسلام الاسلام هو الاسلام اما التخاريف و التحريف اللى دخلعلى الدين من سلفية ووخلافه لااساس له بالدين
اما بالنسبة لسوزان مبارك فالحق يقال ان القوانين اللى وضعتها لحماية المرأة كانت نقلة نوعية للافضل فى مجال حقوق المرأة و الله العظيم اعرف نساء فى اسرتى لولا قوانين سوزان مبارك لكانوا تحت رحمة ازواجهم اللى لايعرفوا ذمة ولا دين وانتا لو عندك بنت جوزها او اخت جوزها بيديها بالجزمة هى وعيالها كنت روحت بوست ايد سوزان مبارك بس اللى ايده فى المية مش زى اللى ايده فى النار
وبعدين الطلاق حلال مش لازم نتفذلك ونقعد نقول ابغض الحلال و ابغض الحرام المهم انه حلال
وعلى فكرة الناس اللى بتقول مينفعش تطلقى عشان بنتك الكلام ده عارى من الصحة تماما اعرف ستات كتير عندنا فى الاسرة ربوا اولادهم وبناتهم بنفسهم وبقوا حاجة مرموقة دلوقتى فى المجتمع وبالعكس بقى يمكن بيحتقروا الاب اللى امهم خلعته او طلقته وبيحترموا الام اكتر

[hilal]

متجاوبلنا عالسؤال صحيح يا أخ هلال وسيبك من اتهاماتي اللي زعلتك لانك بتدعي علم الغيب وعرفت ان فلانة مش مسلمة وفلانة طلعت فلان!

بما انك من المعترضين على فكرة الطلاق وشايف في ظلم وبتاع اترضاه لأختك أو لبنتك انها تتجوز في السر وهي في ثانوية عامة من رجل هيديلها شقة وعربية ولو فكرت تطلق هتقولها دا بطر؟

يا سيدي أنا معترض على أسلوبك في اتهام وتسفيه من يخالفك الرأي
أنا مختلف معاك في الرأي وفي العقيدة ، ولكني أحترمك وأحترم رأيك
فلا داعي لأن يتهم كل منا الآخر
شكرا على ردك

[محمد يوسف]

اما بالنسبة لسوزان مبارك فالحق يقال ان القوانين اللى وضعتها لحماية المرأة كانت نقلة نوعية للافضل فى مجال حقوق المرأة و الله العظيم اعرف نساء فى اسرتى لولا قوانين سوزان مبارك لكانوا تحت رحمة ازواجهم اللى لايعرفوا ذمة ولا دين وانتا لو عندك بنت جوزها او اخت جوزها بيديها بالجزمة هى وعيالها كنت روحت بوست ايد سوزان مبارك بس اللى ايده فى المية مش زى اللى ايده فى النار

وعلى فكرة الناس اللى بتقول مينفعش تطلقى عشان بنتك الكلام ده عارى من الصحة تماما اعرف ستات كتير عندنا فى الاسرة ربوا اولادهم وبناتهم بنفسهم وبقوا حاجة مرموقة دلوقتى فى المجتمع وبالعكس بقى يمكن بيحتقروا الاب اللى امهم خلعته او طلقته وبيحترموا الام اكتر

يعنى هى أسرتك - مع احترامى- اللى فيها حسب كلامك رجالة ماعندهاش ذمة ولادين وبتضرب ستاتها بالجزمة حسب كلامك ... وفيها برضه ولاد وبنات بيحتقروا - للأسف - أبائهم حسب كلامك برضه.....تفتكر الأسرة دى هى قاعدة يقاس عليها؟

وعلى فكرة صاحبة الموضوع ما اشتكتش من أخلاق جوزها ودينه...بالعكس هى بتشهد له بالأخلاق والدين
أما حكاية قوانين سوزان مبارك ففى شرع الله غنى عن قوانين أى مخلوق... ومش معنى انك قبلت تبوس ايد سوزان مبارك اننا احنا كمان نبوسها ....

احنا قطعنا ايد سوزان مبارك

[محمد يوسف]

يا سيدي أنا معترض على أسلوبك في اتهام وتسفيه من يخالفك الرأي
أنا مختلف معاك في الرأي وفي العقيدة ، ولكني أحترمك وأحترم رأيك
فلا داعي لأن يتهم كل منا الآخر
شكرا على ردك

انت دايما محترم يا د.هلال

ربنا يديم عليك فضله

[zorg]

يعنى هى أسرتك - مع احترامى- اللى فيها حسب كلامك رجالة ماعندهاش ذمة ولادين وبتضرب ستاتها بالجزمة حسب كلامك ... وفيها برضه ولاد وبنات بيحتقروا - للأسف - أبائهم حسب كلامك برضه.....تفتكر الأسرة دى هى قاعدة يقاس عليها؟

وعلى فكرة صاحبة الموضوع ما اشتكتش من أخلاق جوزها ودينه...بالعكس هى بتشهد له بالأخلاق والدين
أما حكاية قوانين سوزان مبارك ففى شرع الله غنى عن قوانين أى مخلوق... ومش معنى انك قبلت تبوس ايد سوزان مبارك اننا احنا كمان نبوسها ....

احنا قطعنا ايد سوزان مبارك

لا متلخبطش انا قولت
فيه ستات فيه اسرتى كانو متجوزين من رجالة لاعندهم ذمة ولا ضمير
وبالمناسبة انا قولت لو عندك بنت او اخت جوزها بيديها بالجزمة ساعتها هتعرف قيمة قوانين سوزان مبارك
و بالمناسبة اه قاعدة يقاس عليها انا اعرف جيران واصدقاء عندهم مشاكل زى دى فى اسرهم ده انا كمان من كام سنة قريت ان نسبة الطلاق زادت فى مصر اصلا كمان وده شىء طبيعى بالنسبة لشكل المجتمع ومايحدث فيه
اما بالنسبة لقوانين سوزان مبارك وشرع الله فالحمد الله القوانين كلها من خلع ونفقة وخلافه منطبقة تماما مع شرع الله بل بالعكس بقى حتى مع قوانين سوزان مبارك اللى وضعتها مازالت قوانين غير كالمة فى مجال حقوق المراة وكلها ثغرات بيتم استغلالها من اباء كثيرين للتهرب من دفع النفقة وخلافه

[zorg]

وعموما انا من الرأى اللى بيؤيد عدم طرح الموضوع ده هنا لانه هيبقى فيه تحيز فى الردود
ا