Tweet
السلام عليكم
بقالى مده كل ما اركب العربيه بتخنق من ال بيحصل على الطريق بس انبارح كان الوضع اغرب ما يكون بصراحه ودى بعض النمازج ال الواحد بيشوفها يوميا يمكن نلاقى حل :-
1.ماشى على الدائرى رايح اكتوبر الاقى عربيه ماشيه شمال على سرعه 80 وعربيه فى المنتصف نفس السرعه وانا وراهم وكنت متوقع ان الطريق زحمه بس بكل اسف لقيت الطريق فاضى تماما وهما ماشيين جنب بعض طيب ما حد يسبق التانى بكام متر بس علشان يوسع للعربيات التانيه
2.الطريق زحمه وماشيين على الاول وانا عايز الف شمال طبعا رحت مشغل الاختراع اسمه اشاره شمال طبعا اول لما شغل الاشاره حسيت ال جنبى اتجنن وهاج وعايز يحشر نفسوا على شمالى وخلاص طبعا طلعت ايدى من الشباك وشاورتله على اماكن الاشارات وانهم 3 اشارات شغالين اهو طبعا حسيت انه بيقول عليا مجنون لانى بقوله ان الاشارات شغاله
3.وانا جى الشغل لقيت واحد ماشى فى طريق سريع طبعا سايق العربيه وفى نفس الوقت بيقرأ قرأن محدش يقولى اذاى سايق وبيقرأ قرأن فى نفس الوقت حد يقولى اذاى يا راجل
4.وانا مروح البيت انبارح الاسفلت مش مظبوط من اعمال الغاز الطبيعى وبعد كدا لما سفلتوا السفلته الجديده اعلى من القديمه حوالى سنتى مثلا بس مش مطب يعنى وكل العربيات بتاخدها وهى سريعه الاقى واحد ابن حلال كل ارتفاع من بتوع الغاز دول يمسك فرامل على الاخر طبعا هيلبسنا جميعا فى بعض ولما تزمرله ان ال بيعمله دا هبل يزعق واكنك ضربته بالنار بس الطبيعى ان الواحد بياخدها عادى لانها كثيره جدا على الطريق ومش مطبات خالص دى ارتفاع سنتى مثلا بتاع حفر الغاز
انا صح ولا اعصابى ال متهوره من حال السواقه ولا فى ايه بالظبط
مجرد فضفضه معاكم من خنقتى
بقالى مده كل ما اركب العربيه بتخنق من ال بيحصل على الطريق بس انبارح كان الوضع اغرب ما يكون بصراحه ودى بعض النمازج ال الواحد بيشوفها يوميا يمكن نلاقى حل :-
1.ماشى على الدائرى رايح اكتوبر الاقى عربيه ماشيه شمال على سرعه 80 وعربيه فى المنتصف نفس السرعه وانا وراهم وكنت متوقع ان الطريق زحمه بس بكل اسف لقيت الطريق فاضى تماما وهما ماشيين جنب بعض طيب ما حد يسبق التانى بكام متر بس علشان يوسع للعربيات التانيه
2.الطريق زحمه وماشيين على الاول وانا عايز الف شمال طبعا رحت مشغل الاختراع اسمه اشاره شمال طبعا اول لما شغل الاشاره حسيت ال جنبى اتجنن وهاج وعايز يحشر نفسوا على شمالى وخلاص طبعا طلعت ايدى من الشباك وشاورتله على اماكن الاشارات وانهم 3 اشارات شغالين اهو طبعا حسيت انه بيقول عليا مجنون لانى بقوله ان الاشارات شغاله
3.وانا جى الشغل لقيت واحد ماشى فى طريق سريع طبعا سايق العربيه وفى نفس الوقت بيقرأ قرأن محدش يقولى اذاى سايق وبيقرأ قرأن فى نفس الوقت حد يقولى اذاى يا راجل
4.وانا مروح البيت انبارح الاسفلت مش مظبوط من اعمال الغاز الطبيعى وبعد كدا لما سفلتوا السفلته الجديده اعلى من القديمه حوالى سنتى مثلا بس مش مطب يعنى وكل العربيات بتاخدها وهى سريعه الاقى واحد ابن حلال كل ارتفاع من بتوع الغاز دول يمسك فرامل على الاخر طبعا هيلبسنا جميعا فى بعض ولما تزمرله ان ال بيعمله دا هبل يزعق واكنك ضربته بالنار بس الطبيعى ان الواحد بياخدها عادى لانها كثيره جدا على الطريق ومش مطبات خالص دى ارتفاع سنتى مثلا بتاع حفر الغاز
انا صح ولا اعصابى ال متهوره من حال السواقه ولا فى ايه بالظبط
مجرد فضفضه معاكم من خنقتى
Comment