فضفضه من خنقه السواقه والعجب ال بنوشفه يوميا

[yyy]

انا مش قصدى اعطى اشاره وادخل دى تبق غشامه يا باشا

انا اقصد ان الطريق زحمه اساسا يعنى واقف وكل الناس ماشيه على الاول وعربيتى سابقه عربيته وشغلت الاشاره الطبيعى انه يستنى جزء من الثانيه لحد لما اخد شمال علشان اعرف الف صح ولا غلط


ال بيحصل انى بمجرد انى اشغل الاشاره بيحصل حاله من عدم الشهور والهياج وبيدوس بنزين علشان يعدى مع انى لو مشغلتش الاشاره اساسا كان ممكن اعدى وخلاص


ارجو ان تكون الفكره وصلت

الحكاية دى بقت العادى دلوقت دى تقريبا بقت من اساسيات السواقة وبالذات لو الطريق واقف او اشارة بس لو فكرت فيها هتلاقى الناس عندها حق علشان اللى العيال اللى اول ما الطريق يقف تلاقية بينط بين الحارات كل ما حارة تتحرك خطوتين ينقل فيها (فلازم علشان تغيير حارة جوة البلد لازم تقفل على اللى وراك الاشارة دى منظر بس)
المشكلة بقى لما تبقى ماشى على السريع وعاوز تغيير الحارة علشان حد واقف قدامك او بيهدى هايركن تشغل الاشارة اللى وراك (يمينك او شمالك)تلاقى موتورة بينعر وكابس عليك علشان ما تعديش (رغم انة قبل الاشارة كان ماشى عادى او اقل منك كمان) دة بقى ولا كانك شايفة يفرمل ينزل التراب مع نفسة ..والارزل منة انة يبقى وراك فى نفس الحارة واول ما يشوف الاشارة تلاقية خلع وحاشر نفسة جمبك دة بقى لو عرفت تقلبة اقلبة

[drcobra]

الخنقة اللي أنت بتفضفض بيها دي أصبحت الحالة المرورية العادية اليومية لكل البشر في القاهرة الكبرى وضواحيها – وجميل لو على دراية بقواعد المرور اللي الأغلبية مش فاهمها و علشان ترتاح شوية من السواقة في مصر لازم تضع في دماغك الآتي – النصائح دي بقولها لنفسي كل يوم قبل ما أبدأ مشوار كبير وأكون عارفة أني هتخنق – يعني بنج بسيط قبل عملية جراحية كبيرة :-

توقع دائماً وأبداً الأسواء من الأخرين وكن حذراً .

إياك من الثقة الزائدة بالنفس وبإمكانيات عربيتك اللي بتسوقها .

أسلوب "الغرز" نتيجته فرق بسيط وقت الوصول النهائي، لأن معظم الوقت اللي هتكسبه بيضيع عند أول اختناق مروري، وهتلاقي نفسك واقف جنب أبطأ السيارات في الطريق .

إستعمال الكلاكس بطريقة عشوائية سواء منك أو من الأخرين بيسبب التوتر للسواقين ودا هيسبب نتائج عكسية.

كلنا ممكن نتوه لكن علشان يصل التائة للمكان الصحيح أعرف انه هيقف في منتصف الشارع للسؤال على العنوان - والحالة دي بالذات أوعى تكلم نفسك في صراع بين ( ياعيني دا تايه!! – وبين الله يخرب بيتك كنت هتخبطني !) مش عارفة هيحصل أيه لو التايه ركن في مكان آمن حتى يجد الشخص المناسب لسؤاله. يمكن يضيع دقيقة أو دقيقتين من وقته الثمين لكن هتحافظ على وقت ومشاعر.

بعض السواقين (وخاصة الكبار في السن) بيعتقد أنه كلما كان أبطأ كان أكثر أمناً – وعلشان يكون أكثر أمناً بيسلك الطريق الشمال – ثقافة برضوا - رغم إن الطبيعي أن تزداد السرعة كلما إتنقلت إلى الشمال .

طنش وعادي خالص لما تشوف ست سايقة وبتبص في المراية وبتظبط شعرها ومكياجها وبتطمن على أصحابها في الفيس في أناً واحد.

ولا كأنك شايف حاجة لو شوفت راجل بيعلم ابنه السواقة وهو عنده ثلاث سنوات ومقعده على رجله .

لا تندهش لو رأيت سواق ميكروباص عايز ومصمم يخبطك علشان يعدي منك – ولما يعدي قول الحمد لله .

وأيه يعني شارع تلاتة حارات يكون حارة واحدة بسبب أن الحارة الأولى راكنات والحارة الثانية عربيات بتاكل فخفخينا بالأيس كريم والشارع واقف علشان عربية عربية تعدي .

واللي شايف أن فيه مطب أو بلاعة في شارع جارتين وجي جنبها ومستني واحد صحبه ينزل .

واللي راكن جنب باب السواق علشان يعرف ينزل براحته ، وطظ في العربية اللي جنبه ويتصرف بطريقته علشان يركب عربيته حتى لو طخين ومش هيعرف يركب من الباب اللي جنب السائق

و

و

و

أووووف الموضوع دا خنقني ....

اختصرت اغلب بلاوى الشعب المصرى الشقيق

[khaled_sabry]

انا بقالى شهرين تقريبا راكن العربيه و مش بحركها فى الاسبوع غير مره او اتنين و بقيت بروح و ارجع من الشغل باوتوبيس الشركه بسبب الشوارع الزباله بتاعتنا و الناس الازبل

[lena jo]

انا بقالى شهرين تقريبا راكن العربيه و مش بحركها فى الاسبوع غير مره او اتنين و بقيت بروح و ارجع من الشغل باوتوبيس الشركه بسبب الشوارع الزباله بتاعتنا و الناس الازبل

ايه ده. لو مكنتش متأكدة اني مكتبتش في الموضوع ده كنت افتكرت ان ده كلامي. بس انا ممكن يعدي اسبوعين و محركش العربية و لا ليا نفس حتي اسخنها. و كمان لما باخرج بيها بيكون يوم الجمعة في الفضاااء قبل الصلاة و ممكن ارجع بعد الصلاة بشوية بسيطة و مع ذلك في شارع فااااااااااااااضي و بالف لقيت واحد عكسي في وشي و ربنا ستر. حضرته مكسل ياخد الu turn .و لما كلمته واحد قاعد علي الرصيف بيقولي معلش ما الناس كلها ماشة غلط، قولت له انا بأه مبمشيش غلط و لو كل الناس ماشيه غلط برده كل واحد هيتحاسب . و من ده كتييير

[FAR!D]

موضوع اللي بيقرأ قرآن و سايق شوفتها قبل كده و فعلا فضلت ماشي وراه فتره عشان معجب جدا بالموهبه الفذه ديه
اما اللي بيسوق براحه راحته و يتصادف اتنين من نفس الصنف ماشين جنب بعض عادي بتتكرر و بقيت عااادي اعديهم و اعمل زيهم بس ادامهم و ابطأ منهم كمان " المعامله بالمثل "
و حدث ولا حرج عن موضوع الفرامل ده براحتك
يا راجل يا مؤمن من حوالي سنه على كوبري الجيش ٤.٥ عربيه ٣٢٠ موديل السنه ماشيه قدامي و احنا الاتنين ماشين بسرعه و هوووووب فرامل و خلاص انا داخل تحتيها عشان ايه؟؟؟ عشان فواصل الكوبري و الصراحه من خضتي و نرفزتي مشوفتش انها بنت الا لما خلصت وصله الردح
قرف السواقه بقي اسلوب حياه

[FAR!D]

فكزتني بمره تعمدت رد الفعل بنفس الفعل
مره سايق في امان الله و سواق تونايه و اللي يعرف يعني ايه تونايه حيفهم صنف اللي سايقنها
مصمم يعدي و يكسر و يزق و يتحشر طيب ماشي عدي.....
بعديها حرق من اليمين و جبته شمالي مع نغزه بسيطه طبعا النار ولعت فيه و انا نزلت الشباك لما وصل بيقولي انت رميت عليا فالرد بكل بساطه و بضحكه صفرا رديت:
عشان انت عملتها فيا الاول شوفت باه بضايق ازاي الكسر علي خلق الله
اتبسط اوووي من نظره البلاهه مع الزهول مع الغيظ مع مع مع مع كل ده وهوا فاتح بوقه و متنح ههههههههه

[FAR!D]

الجديد باه انه النهارده علي محور ١٥ مايو ببص ياساده يميني الاقي بنوته بتحط منيكاير لأ و بتنفخ في ضوافرها و بتشوفهم من بعيد كده هههههه
اسكت؟؟؟
مقدرتش اعمب غير اني فتحت ضحك فاخدت بالها فانزلت الازاز و قاالتلي في حاجه؟؟
قولتلها: اه سؤال بس
قالت: خير (بقرف طبعا)
قولتلها: هوا التخبيط اللي في العربيه ده قبل المنيكاير ولا بعده؟؟
طبعا اتغاظت و هوب طارت
احسسسسسن

[طارق _عبد السلام]

مفيش اخلاق .. مفيش آداب ومراعاه الطريق.. اسلوب همجى لا علاقه له بالادميه

اكتر حاجه كمان تخنق غير ماذكرته وسيذكره الاخوه تجد مقب صناعى مش مطب وارتفاعه غبى جدا ..تدخب عليه ومشغل انتظار وكده كده هتحك فى المطب ..تلاقى سورى فى اللفظ حيوان وراك لازق فيه ومشغل كلاكسات وتقليب نور ومش هيسكت غير لما تعدى وتحس بيه هيزقك بعربيته علشان البيه مش قادر ينتظر لحظات.. الكوميديا بقى بتابعه فى المرايه تلاقيه بياخد المطب ببطىء شديد جدا جدا علشان خايف على عربيته.. لسان حالك يقولك البعيد ماعندوش ريحه النظر ولا التقدير ..دى من الحاجات المستفزه جدا جدا ..

[FAR!D]

مفيش اخلاق .. مفيش آداب ومراعاه الطريق.. اسلوب همجى لا علاقه له بالادميه

اكتر حاجه كمان تخنق غير ماذكرته وسيذكره الاخوه تجد مقب صناعى مش مطب وارتفاعه غبى جدا ..تدخب عليه ومشغل انتظار وكده كده هتحك فى المطب ..تلاقى سورى فى اللفظ حيوان وراك لازق فيه ومشغل كلاكسات وتقليب نور ومش هيسكت غير لما تعدى وتحس بيه هيزقك بعربيته علشان البيه مش قادر ينتظر لحظات.. الكوميديا بقى بتابعه فى المرايه تلاقيه بياخد المطب ببطىء شديد جدا جدا علشان خايف على عربيته.. لسان حالك يقولك البعيد ماعندوش ريحه النظر ولا التقدير ..دى من الحاجات المستفزه جدا جدا ..

والله يا استاذ طارق اسمحلي انت راجل بركه و فكراني بموقف النهارده تاني
علي اسكندريه القاهره الصحراوي انت عارف انه مليان مطبات و تحويلات
طول الطريق ولحد با a5 مورهوش غيري كل تحويله او مطي يحشر بوظ عربيته تحس انك مش حاسس براحتك ان فيه حد لازق فيك
المهم ماشي عديها ياعم
هوب في نص السكه لاحظته شد من اليمين و قام جاي شمال جامد و حاشر نفسه بيني و بين اللي كنت حعدي منه و عشان ستر ربنا و كنت بجري فامركز معاه فا سيبت فاصل غباوه عشان يعديه
طب بعد هذه الغرزه العظيمه عداني و ملحقتوش مثلا طاير يعني و مش مستني السلحفاه اللي زيي اللي ماشيه علي ١٦٠؟
ابدا عداني وفضل قدامي ببتاع ١٠ متر
طب انا باه دوري في الغباوه و عملت نفس الحركه هي هي بفارق اني اخدتها و طيرت و قولت كفايه لعب مع الغشيم و بعديها مشفتوش تاني الا بعد الكارته لما الطريق اتزحم

[طارق _عبد السلام]

والله يا استاذ طارق اسمحلي انت راجل بركه و فكراني بموقف النهارده تاني
علي اسكندريه القاهره الصحراوي انت عارف انه مليان مطبات و تحويلات
طول الطريق ولحد با a5 مورهوش غيري كل تحويله او مطي يحشر بوظ عربيته تحس انك مش حاسس براحتك ان فيه حد لازق فيك
المهم ماشي عديها ياعم
هوب في نص السكه لاحظته شد من اليمين و قام جاي شمال جامد و حاشر نفسه بيني و بين اللي كنت حعدي منه و عشان ستر ربنا و كنت بجري فامركز معاه فا سيبت فاصل غباوه عشان يعديه
طب بعد هذه الغرزه العظيمه عداني و ملحقتوش مثلا طاير يعني و مش مستني السلحفاه اللي زيي اللي ماشيه علي ١٦٠؟
ابدا عداني وفضل قدامي ببتاع ١٠ متر
طب انا باه دوري في الغباوه و عملت نفس الحركه هي هي بفارق اني اخدتها و طيرت و قولت كفايه لعب مع الغشيم و بعديها مشفتوش تاني الا بعد الكارته لما الطريق اتزحم

نفس العقليه دى قابلته من فتره بس تعليقى عليه مش شماته والله غير انى كنت بفوقه شويه.. كنت على طريق المنصوره ومعايا المدام وابنى الصغير ومستعجل علشان الحق ميعاد الدكتور..وهوبا لقيت واحد قدامى راكب تويوتا كرولا وعمال يعمل حركات غريبه جدا بالعربيه اتارى كان فيه بنت فى عربيه شايفه نفسها شويه والبيه بيستعرض وشويه لقيته عمل غرزه صعبه جدا قدامى انا عارف ان التويوتا متساعدوش فى الكلام ده وانا بصوت عالى بقوله ياعبيط هتضيع نفسك.. انا قلقت جدا من تصرفاته هديت ومشيت وراه والواد عمال ياخد غرز ويبطىء سرعته بعدها وهوبا عمل غرزه من العبيطه بتاعته قدام عربيه جامبو بتاع الجامبو لسعه من ورا ولقيت عربته لفت وتراب وصوت كأنه انفجار الباشا اتحدف على المقابل ولبس فى عربيه دبابه ووش العربيه انتهى خالص وفاديت كل الحاجات اللى طايره منه ووقفت لقيته نزل من العربيه والمنظر الشهير عند التصادم( يقف يبص للعربيه ويرفع ايديه الاتنين على دماغه) قلتله الف حمد لله على سلامتك .. بالهنا والشفا ياريس .. البنت معجبه بيك وبلعبه الكراش اللى انت عملتها وبنفس اللفظ جاتها وكسه اللى عايزه خلف من عينتك وقمت ماشى والواد منزلش ايديه من على دماغه ويبص لى ويبص للعربيه

بجد اللى زى الاستاذ ده ادوات موت على الطرق السريعه

[FAR!D]

البنت معجبه بيك وبلعبه الكراش اللى انت عملتها وبنفس اللفظ جاتها وكسه اللى عايزه خلف من عينتك

ههههههه جامده اوي و متخيل نظرات البلاهه ديه هههههه
فعلا الجري مش عربيه ولكن سواق
مبدأ حلو جدا يا ريت الناس كلها تتيعه
افرض غباء مطلق من اللي حواليك و اترك لنفسك المسافه للتحكم و التفادي
و نصيحه اكبر لو كنت حكمت عليك انك تاخد غرزه خدها وانت شادو يعني لا فلاش ولا كلاكس و باسرع وقت و انت متاكد من حسابات ردود الافعال و المسافات و متاكد من ثبات العربيه اللي حتاخد منها الغرزه

[ma7med]

من الحاجات اللي بتتكرر معايا كتير اني اول ما ادي اشارة يمين او شمال تلاقي اللي جنبي بس انا سابقه سنة مش عاوز يعديني لازم يعدي هو الاول و تسمع احلى اصوات مواتير انا مش عارف هي الناس اتجننت ولا ايه

[FAR!D]

من الحاجات اللي بتتكرر معايا كتير اني اول ما ادي اشارة يمين او شمال تلاقي اللي جنبي بس انا سابقه سنة مش عاوز يعديني لازم يعدي هو الاول و تسمع احلى اصوات مواتير انا مش عارف هي الناس اتجننت ولا ايه

هوا انت لاسمح الله حتسمح لنفسك انك تعديه!!!!
كلا ثم كلا هههههههه
كانك غلط في الست الوالده لو فكرت تعديه ده قذف محصنات يا سيد هههههههههههه

[J A G U A R]

من الحاجات اللي بتتكرر معايا كتير اني اول ما ادي اشارة يمين او شمال تلاقي اللي جنبي بس انا سابقه سنة مش عاوز يعديني لازم يعدي هو الاول و تسمع احلى اصوات مواتير انا مش عارف هي الناس اتجننت ولا ايه

هههه المواتير بتفوق فى ساعتها :)

[Y a r i s]

احمد بيه أنا شفت الي بيقرى قرأن ده وهو سايق. عند ميدان المرشدي كان راكب على ما اتذكر عربية دهبي كده وحاطط المصحف على الدريكسيون. وهو سايق واستغربت بجد ان ازاي عقلوا وصلوا لكده ... طيب مين اهم عند ربنا حياة طفل ممكن تدوسوا وانتا سايق وتقتلوا ومش مركز. ولا المهم انك تقرى المصحف !!

وكل ما ذكرتوا حضرتك ده بقه العادي عندنا ... بس نسيت تقول. تصور انك واقف في اشارة ضوئية والاشارة حمرة ومركبين كميرات بتصور ويجي الي وراك يزمرلك ... يعني حاجة غريبة الاشارة حمرة والافندي الي وراك عاوزك تكسرها وتعدي وكأنك فرحان بالوقفه :)