فضفضه من خنقه السواقه والعجب ال بنوشفه يوميا

[ahmed.teawater]

عارفين المشكله ف ايه ان الناس الى بتعمل كل الحاجات دي مش مقتنعه اصلا انها غلطانه
ولو عملتها فيه بيبقى هيولع ف نفسه .
امبارح الاوتوستراد وقف كتير الى كان واقف جمبى شايفه قاد يزق نفسه ويزق بوز العربيه
والدنيا واقفه اصلا بنمشى عجله عجله نزلت الاازاز وبقوله حضرتك عايز تروح فين بالظبط الدنيا واقفه
قالى انا عايز اروح المعادى هههههههههههههههههه قولتله يا فندم انا قصدى انت قاعد تزق بوز العربيه الشارع واقف اصلا قالى اسف . تمام كدا
قوم ايه الباشا فضل يحرك شويه عليا وشويه ع الى جمبه الناحيه التانيه لغايه ما كسر مرايه الغلبان الى جمبه . طبعا حصل حوار ت الى جمبه كانت سيراتو 2014 ربنا يخلف عليه خير بقى
نزلت الازاز تانى وقولته شوفت اديك شكلك لا هتروح المعادى ولا هتشوفها بعنيك
قالى مهو الى غلطان هههههههههههههههههه
ناس مخها فسفس

[احمد المصرى]

احمد بيه أنا شفت الي بيقرى قرأن ده وهو سايق. عند ميدان المرشدي كان راكب على ما اتذكر عربية دهبي كده وحاطط المصحف على الدريكسيون. وهو سايق واستغربت بجد ان ازاي عقلوا وصلوا لكده ... طيب مين اهم عند ربنا حياة طفل ممكن تدوسوا وانتا سايق وتقتلوا ومش مركز. ولا المهم انك تقرى المصحف !!

وكل ما ذكرتوا حضرتك ده بقه العادي عندنا ... بس نسيت تقول. تصور انك واقف في اشارة ضوئية والاشارة حمرة ومركبين كميرات بتصور ويجي الي وراك يزمرلك ... يعني حاجة غريبة الاشارة حمرة والافندي الي وراك عاوزك تكسرها وتعدي وكأنك فرحان بالوقفه :)

اخبارك ايه يا باشا والله ليك وحشه كبيره جداااااااااااااااااااااااااااااااااااااااااااااا


تقريبا هو الراجل دا يا باشا تقريبا دا بيلف اكتوبر كلها بالطريقه دى



وفعلا موضوع الاشارات دا بقا مستفز جدا بس انا بشاوره على الاشاره بقوله مش شايفها يا اعمى يعنى طبعا لما بشاور على الاشاره بيسكت من كسوفه

[Y a r i s]

حبيبي يا احمد. باشا
انا حقيقة كل اشارة بقف عليها وابقى محتار اكسرها ولا اكون انسان محترم واقف ... بس بيبقى شكلي ووووووحش قوي وانا واقف لوحدي والعربيات عماله تعدي من جنبي من هنا ومن هنا بحس اني حالة شاذة ... وامبارح كسرة اربع اشارات :)

[احمد المصرى]

حبيبي يا احمد. باشا
انا حقيقة كل اشارة بقف عليها وابقى محتار اكسرها ولا اكون انسان محترم واقف ... بس بيبقى شكلي ووووووحش قوي وانا واقف لوحدي والعربيات عماله تعدي من جنبي من هنا ومن هنا بحس اني حالة شاذة ... وامبارح كسرة اربع اشارات :)

احساس رخم جدا بحس ان الشعب دا شويه غنم ومفيش اى احترام لاول قواعد الادميه بس انا بخالف لعربيه تخبطنى من الخلف وفى الاخر هيقولى واقف ليه وربنا يستر

[طارق _عبد السلام]

وفيه ناس اتعلموا السواقه بردوا واول حاجه اتعلموها ازاى تشغل النور العالى ومحدش عرفهم ان النور ده نفس الزرار اللى بيشغله هو اللى بيطفيه وبيفضل ضارب العالى على طول

وياسلام لو طريق فردى مظلم جدا ومقابلك واحد فاهم تقليب النور غلط وعمال يقلب عمال على بطال مع انى بحاول اظبط معاه التقليب يعنى هو ينور انا اطفى انا انور هو يطفى لاااااااااااااا البيه شغال اطفى ..نور .. نور ..اطفى بدون انقطاع ولا مراعاه .... ياعم سيب النور العالى ارحم ... يقولك مش بقلب لك نور علشان تشوف... يابنى آدم التقليب له اصل انك تستلم منى وانا استلم منك .. يفتح بقه ونظره البلاهه على رأى الفاضل(far!d) ويسيبك ويمشى كأنك تكلمت بلغه مركبه غير مفهومه للعقل البشرى

[طارق _عبد السلام]

وايضا هناك موضوع مستفز جدا ودائم

لو داخل على كمين ثابت وده على سبيل المثال زى كمين المنصوره وكمين على طريق دمياط.. الكمين فاتح بوابه لعربيه واحده بس تعدى منه لو كلنا وقفنا ورا بعض يعنى صف واحد مش هنقف كتير لان العطله مش هتكون موجوده لان العربيه اللى هيختاروه تتفتش بتدخل يمين ملهاش دعوه بالطابور تلاقى الاغبياء اشتغلوا (هم فى اعتقادهم انهم اذكى من الجميع) وتلاقيه دخل صف تانى ووراه صف عربيات وبعدين صف تالت ورابع..

وتحصل ازمه كل ده علشان يسبق ويعدى الكمين بسرعه مع ان السواق الغبى ده هو واللى وراه هم سبب الازمه لانهم بيحاول يدخلوا البوابه الواحده التى تمرر سياره واحده والطريق كله يتعطل بسبب غباء واحد مفتكر نفسه اذكى من الجميع ويتعدى على حق الملتزم بالصف الاساسى ... اكيد كلكم شفتم الاغبياء من العينه دى

[FAR!D]

وايضا هناك موضوع مستفز جدا ودائم

لو داخل على كمين ثابت وده على سبيل المثال زى كمين المنصوره وكمين على طريق دمياط.. الكمين فاتح بوابه لعربيه واحده بس تعدى منه لو كلنا وقفنا ورا بعض يعنى صف واحد مش هنقف كتير لان العطله مش هتكون موجوده لان العربيه اللى هيختاروه تتفتش بتدخل يمين ملهاش دعوه بالطابور تلاقى الاغبياء اشتغلوا (هم فى اعتقادهم انهم اذكى من الجميع) وتلاقيه دخل صف تانى ووراه صف عربيات وبعدين صف تالت ورابع..

وتحصل ازمه كل ده علشان يسبق ويعدى الكمين بسرعه مع ان السواق الغبى ده هو واللى وراه هم سبب الازمه لانهم بيحاول يدخلوا البوابه الواحده التى تمرر سياره واحده والطريق كله يتعطل بسبب غباء واحد مفتكر نفسه اذكى من الجميع ويتعدى على حق الملتزم بالصف الاساسى ... اكيد كلكم شفتم الاغبياء من العينه دى

ههههههههه الموضوع ده لاكتشاف مواهب الشعب المصري في السواقه
لسه حالالالا سواق تريلا كان حيفعصني عشان حعدي من الشمال بديل المقطوره و مطلع دراعه و بيشاورلي علي الاشاره هههههههه واصلا لا اشاره المقطوره ولا الجرار منورين
طب والمصحف منا رادد سكت بس كده
ده تقوله ايه؟

[FAR!D]

طب في حاجه حد خد باله منها؟؟؟
انت ازاي يجيلك قلب تنور نور ان شالله سهاري في وشي!!!!
لازم الرعشه المميزه عشان تطفي نورك

[FAR!D]

بــــــــــــلاش ههههههه
اكتر حركه و فعل و اجراء بيخرجني عن شعوري و لا اراديا بتحول لكائن غوغائي كل همي اغلس علي القائم بهاذا الفعل:
تيت تيت تيت تيت كل 2 متر تيت تيت
ههههههههه طيعا كلنا عرفنا مين السواق ده ;-)
سواق الميكروباص اللي نازل بيكلكس من بطن الحاجه
انا بقي فضلت متابع سواق واقسم بالله ماشي ما قدمهوش حد و طريق فاضي خالص و برضوا تيت صغيره كل 2 متر. تحس ان صبعه علي الكلاكس مع عداد الكيلومترات ههههه

[FAR!D]

انا مكنتش اعرف اني كنت معبي كده هههههههههههه

[S O P H O S]

والله بقي نفسي لما انزل
ابقي ماشي فأمكان خيالية مفهاش حد
من كتر الي بشوفه

[ma7med]

هوا انت لاسمح الله حتسمح لنفسك انك تعديه!!!!
كلا ثم كلا هههههههه
كانك غلط في الست الوالده لو فكرت تعديه ده قذف محصنات يا سيد هههههههههههه

ههههههههههههه والله ضحكتني