خبراء : الدولار سيقفز الى 8 جنيهات شهر نوفمبر القادم والسبب ..؟

[mk3]

$$$$$$$$$$$$$$$$$$$$$$$$$$$$$
$$$$$$$$$$$$$$$$$
$$$$$$$$$
$$$$$$$

توقع خبراء ان يقفز سعر صرف الدولار الامريكى فى السوق المحليه الى 8 جنيهات فى شهر نوفمبر القادم بسبب موعد سداد الوديعه القطريه و سداد مليار دولار متأخرات لشركات النفط الاجنبيه بالاضافه الى فوائد سداد القروض الخارجيه.
وكان الدولار قد ارتفع فى السوق الغير رسميه مسجلا 7.43 جنيه.



ايه نسبه صحه الخبر ده..؟ انا محتاج دولار شهر 11 اشترى دلوقتى ولا ايه ؟

[Bassem Youssef]

ايه المصدر ؟ ممكن تكون اشاعه عشان الناس تجري علي الدولار و يقع الجنيه المصري اكتر

[Karim Alaa]

قطر قررت بدل متسترد الوديعه هتاخد بيهم سندات دولاريه دى اول حاجه تانى حاجه الامارات هتحط و ديعه ب 3 مليار فى اكتوبر

الخبر قديم شويه من اسبوعين كده و قريت التوقعات دى و اترد عليها و هشام رامز قال انه هيعمل مزاد فى نوفمبر عشان ياكد تماما ان الاحطياتى فى امان

[hesham fawzy h]

لو عايز اشترى دولارات اجبها منييين ؟

[M!SHO]

انا مغير امبارح علي 7.39

[محمد يوسف]

اشاعة اخوانية كاذبة

[mikho83]

الدولار بيرفع فعلا، امبارح كان ب 7:40

[sherifahmed]

يادى الملل
لازم كل شهر الموضوع دا
ياجدعان الدولار فى مصر تجارة و غسيل اموال ليس الا
و زى اى تجارة او غسيل اموال نسبة الخسارة دايما موجودة
يعنى فى ناس اشتريت دولار و نزل موضوع شهادات القناة فنزل سعره
نعمل ايه؟ نديها اشاعات عشان نشد حيله تانى
فى مواطنين عاديين بيحتاجه دولار عشان العلاج او التجارة او عايز يسافر
دول بيشترو بالسعر اللى اودمهم عشان محتاجينه فعلا
دوليا الدولار ميسواش الورق اللى مطبوع عليه
امريكا كل شوية بترفع سقف الدين المسموح عشان تستلف تانى
عامل زى اللى بيسدد الفيزا بفيزا تانية
فا زى ما قولت لو محتاج دولار محتااااااااااااااج اشتريه بالسعر اللى اودامك من اقرب صرافة لان الفرق كام قرش بين الصرافة و التانية عشان دى مافيا منظمة و كدا كدا فرق المشوار فى سعر البنزين مش مستاهل
اللى يفتكر مشهد رياض الخولى فى طيور الظلام مع صاحب الصرافة يفهم قصدى
و مشهد عادل امام مع يسرا و هما بيخططوا لاستيراد سلع ممنوعة برضه
كلهم ياعزيزى لصوص الا من رحم ربى

[ahmedwagdy03]

ممكن تكون إشاعات من بتوع الصرافات علشان يرفع بيه الطلب على الدولار و بالتحديد هذه الأيام بعد إنتهاء موسم الحج ( بالنسبة لهم يعنى اللى عايز للحج خلاص إشترى) و بعد موسم إستيراد مستلزمات المدارس من mother China .الإشاعة حتخلى اللى محتاج يلحق يشترى و حتخلى لعاب كل الطامعين فى تحقيق مكاسب بدون تعب تجرى تشترى .

سوق الدولار فى مصر مواسم و معروف إنه بيحصل ركود بعد موسم الإقبال على الدولار كأى سلعة .

وديعة الإمارات مؤكدة و تم الإعلان عنها و سوف تعوض سحب الوديعة القطرية بالإضافة لمنحة حوالى 750 مليون مواد بترولية ( أظن ذلك ).

وارد جدا بعد نجاح شهادات قناة السويس إن السيسي حيفكر يعمل قناة جديدة (قصدى مشروع جديد ) و سوف يشجع على تحويل مدخرات أكثر للجنية.

لا يوجد أى أسباب عملية تؤدى لإرتفاع الدولار -إلا تقليل المعروض فى الصرافة و هذا له حدود لإنه مش حيقدر ما يبيعش-

يبقى لا يتبقى سوى إنها إشاعة ساذجة من شوية كائنات إخوانية كانت بتلم العملات المعدنية لضرب الإقتصاد

[S.h.a.h.e.r]

اشاعة اخوانية كاذبة

.................................................. .............................................
لكن السؤال - مين كان بيطلع الاشاعات دي ايام الدكتور مرسي

انذار ووقف اسبوع لمخالفه القاعده رقم (12) من قواعد المنتدى
يرجى مراعاه الاداب العامه ومراجعه قواعد المنتدى
م.ع 5
27/09/2014
10:04 am

[mk3]

الرجاء عدم تحويل الموضوع لسياسى.
انا فاتح الموضوع عشان نقول مدى صحه الكلام المكتوب لان ارتفاع الدولار=ارتفاع كل شئ
انا شخصيا مغير ب 7.43
مفيش سياحه.مفيش انتاج= ......

[#MAAM#]

يبقى لا يتبقى سوى إنها إشاعة ساذجة من شوية كائنات إخوانية كانت بتلم العملات المعدنية لضرب الإقتصاد

[محمد يوسف]

طبعا انت متستاهلش ان ف بني ادم يرد عليك

متشكر جدا ... حسبى الله ونعم الوكيل

[هيثم مجدي]

التحليل الواقعي بيقول ان الدولار ارتفع بسبب حركة شركات الصرافة الأخيرة.
بس الارتفاع 5 قروش مش مبرر للي حصل. خصوصا بعد تأكيدات محافظ البنك المركزي على رد الأموال اللي تم مصادرتها.

طيب هل فيه مشاريع جديدة ؟ هل فيه صادرات ؟ هل فيه موارد للدولار داخله للدولة (سياحة, استثمارات, قروض) مقابلة للطلب على الدولار ؟
اجابة الاسئلة دي هي اللي تقول هل هيزيد ولا مش هيزيد.

و بالمناسبة, الدولار من فبراير لحد دلوقت ارتفع 20 قرش في السعر الرسمي. طبعا شركات الصرافة زاد اكتر ضعف الرقم دا.

[S.h.a.h.e.r]

متشكر جدا ... حسبى الله ونعم الوكيل

حسبي الله ونعم الوكيل فعلا قول حق
يا فندم انت اتهمت تاس بدون اي دليل ودلوقتي زعلان علي شخصك بدل ما تتوب لربنا وتقول انا غلطت