خبراء : الدولار سيقفز الى 8 جنيهات شهر نوفمبر القادم والسبب ..؟

[ashouhdy]

بقينا في ٣ نوفمبر والدولار مزدش اهو

[اسماء محمد]

انت مش ممكن
الدولار وصل النهارد بيع 7.55 قرش و شراء اعلي
كلامك صح

[Karim Alaa]

الدولار فى ارتفاع شديد فى الصرافات نتيجه انتظار سداد الوديعه و يشوفو البنك المركزى هيبيع دولارات ولا لا

[ashouhdy]

شهدت أسعار صرف العملات الأجنبية مقابل الجنيه اليوم، وفقًا لأحدث تقرير صادر عن البنك المركزى المصري، تراجعا حادا باستثناء الدولار الأمريكى الذي استقر عند 7.147 جنيه للشراء، و7.1768 جنيه للبيع، وفيما يتعلق بالسوق الموازي فقد استقر سعر الدولار عند 7.54 جنيه علي ارتفاعات أمس بقيمة 10 قروش. - See more at: البلد: استقرار أسعار العملات العربية واستقرار الدولار بالسوقين الرسمي والموازي.. اليوم

السوق السودا ب 7 ونص في البنك ب 7 و 14 قرش ... خلى بتوع الصرافات يعلوا براحتهم

[mk3]

[quote=ashouhdy;3875808407
السوق السودا ب 7 ونص في البنك ب 7 و 14 قرش ... خلى بتوع الصرافات يعلوا براحتهم[/quote]

واضح ان حضرتك جديد

[رحالة]

يا جماعة انتو مش فاهمين الحكاية، مصر لو افرجت عن قايد الاسطول السادس الدولار هيبقى بعشرة جنيه

[أبو آسر]

شهدت أسعار صرف العملات الأجنبية مقابل الجنيه اليوم، وفقًا لأحدث تقرير صادر عن البنك المركزى المصري، تراجعا حادا باستثناء الدولار الأمريكى الذي استقر عند 7.147 جنيه للشراء، و7.1768 جنيه للبيع، وفيما يتعلق بالسوق الموازي فقد استقر سعر الدولار عند 7.54 جنيه علي ارتفاعات أمس بقيمة 10 قروش. - see more at: البلد: استقرار أسعار العملات العربية واستقرار الدولار بالسوقين الرسمي والموازي.. اليوم

السوق السودا ب 7 ونص في البنك ب 7 و 14 قرش ... خلى بتوع الصرافات يعلوا براحتهم

أيوة خليهم يعلوا براحتهم محدش هيشتري منهم طبعا والناس هتروح تشتري أكيد من البنك اللي ب7.14 هما أولى بالفرق الكبير ده وخلي بتوع الصرافة يقفلوا علشان بيبعوا غالي وبيستغلوا الناس !
أنا آسف على التطفل ؛ بس حضرتك بتفهم في الدولارات يعني بتشتري وبتبيع وكده ولا ملكش في الكلام ده ؟

[رحالة]

صح كده، انا ايه اللي يخليني اشتري ب ٧،٥ لما هو في البنك ب ٧،١٥
دي ناس هبله اكيد

[amr100]

صح كده، انا ايه اللي يخليني اشتري ب ٧،٥ لما هو في البنك ب ٧،١٥
دي ناس هبله اكيد

وحضرتك مين قالك البنوك هتدي دولارات من اصله

[رحالة]

وحضرتك مين قالك البنوك هتدي دولارات من اصله

انا ما اعرفش هم اللي قالوللي

[ramymechanics]

بقينا في ٣ نوفمبر والدولار مزدش اهو

هو الرد دة بجد ولا بحق و حقيقى

طب ممكن تجيبلى 10 الاف دولار من البنك بالسعر الرسمى 7.15 و انا هشتريهم من حضرتك قدام الناس دى على 7.40 و تبقى انت كسبان كدة 5000 جنيه فى ثانية ... اظن مش هتلاقى زبون سقع كدة زيى

[هيثم مجدي]

فيه محاولات ان دول الخليج تتكفل بالوديعة, والحلول للأسف توابعها كارثية. (ومش هوضح عشان متتقلبش سياسة) ربما هتحل المشكلة على المدى القصير, و هترحل المشكلة مؤقتا
كان فيه محاولات لتلطيف الأجواء بين مصر وقطر, لكن حتى الآن الواضح انها فشلت (ابراز اعتذار السيسي لامير قطر)

لو نجحت المحاولات في اي اتجاه الدولار هينزل ممكن 25 قرش في السوق السوداء, لانه ارتفع بشكل جنوني الاسبوع الأخير

[هيثم مجدي]

Egypt receives $1 bln grant from Kuwait -Egyptian govt source



UPDATE 1-Egypt to repay $2.5 bln Qatari deposit at end-Nov -cbank source

[ashouhdy]

هو الرد دة بجد ولا بحق و حقيقى :b4_556::b4_556:

طب ممكن تجيبلى 10 الاف دولار من البنك بالسعر الرسمى 7.15 و انا هشتريهم من حضرتك قدام الناس دى على 7.40 و تبقى انت كسبان كدة 5000 جنيه فى ثانية ... اظن مش هتلاقى زبون سقع كدة زيى

لا الرد بجد والله

وانت عايز 10 تلاف دولار لية مثلا لو شغلك او حياتك محتاجة عملة الدولار ادفع بالفيزا اون لاين

ولا انت لازم تاخدهم كاش

ولو البنك المركزى حط الدولار بسعر السوق السودا يبقي السوق السودا حتزيد هى كمان


الدولار عملة صعبة واى بلد في مرحلة نمو بتحافظ على محتواها من العملة الصعبة

مش تقولي هاتلى 10 تلاف دولار ؟!! ادفعهم بالفيزا او الكريدت طالما انت معاك ومقتدر وربنا مديك

و حتتحاسب على فكرة بسعر الدولار البنكى مش سعر الدولار بتاع السوق السودا


اللى يتكلم يبقي فاهم لو سمحتم يا جماعة مش اى كلام غلط في غلط للمزايدة والرد وخلاص وتضييع الوقت

اللى مش فاهم يبحث و يفهم قبل مايرد الاول

غير كدة يستحسن ميردش اصلا

[ashouhdy]

اللي بقي بيتاجر في العملة ذى الناس اللى هنا مش شغلتنا المهم ان غالبية الناس تعرف تعيش وطول ما سعر الدولار الرسمي في البنك المركزى تحت يبقي البورصة والاسعار تفضل تحت

مش سيادتهم يبيعوا لتجار عملة كل مخذونهم من الدولار عشان يتاجروا فية والدنيا تولع نار


واضح ان في ناس كتير محتاجة تتعلم اسس الاقتصاد او حتى تقرا وتحاول تفهم الاول قبل الاستظراف والاستهجان والرد

والبنك مديكم خيار ممتاز

Visa card لو عايز تشترى بدولار اشترى بية مش تقولى هاتلى دولارات كاش اشغلهم والناس تولع مثلا


Stop trolling

كفاية فهلوة