الجيش يا جماعه مشكلة اى شاب اللى يعرف اي حاجة عن الاعفاء يا ريت يدخل

[maio_do]

بسم الله الرحمن الرحيم

السلام عليكم ورحمه الله وبركاته


كل سنة وانتوا طيبين على الشتاء اللى جاية متاخر السنة دى


انا شاب خريج هندسة عندى 23 سنة مش عارف اسافر علشان الجيش ومشاكلة وناس بتقولى اهرب وانا مستحيل اعمل كده لانى مقدرش انزل مصر وابعد عنها مده طويلة

هقول المشاكل اللى عندى اللى معتمد عليها انها تدينى اعفاء

اول حاجة النظر الحمد لله

الاتنين -3.75 غير استجمتزام 3.75 على axis عين 150 والتانية 30

الانف اعوجاج فى الحاجب الحاجز مبقدرش اخد نفسى غير من بوقى وده بيسبب مشاكل كتير منها لو اتكلمت كتير جسمى بيرفض ده لان مفيش نفس وبحس انى هرجع

فيه وحمة بسيطة جدا تغير لون عند البطن والضهر لون فاتح والتانى غامق سنة بسيطة

المشاكل دى تخرجنى ولا انا هدخل

والسلام عليكم ورحمه الله وبركاته

[Karim Alaa]

فقط النظر ممكن يخرجك و كده كده لما تروح لجنه عليا هيطلب منك تختار حاجه واحده بس تكشف عليها نسبه النظر دى كفايه ولا لا عشان تخرج على طول للاسف معرفش اتمنى حد يفيدك يكون دكتور

[dodo2000]

انت كده زى الفل و معندكش حاجة

دور على حد واسطة يطلعك و اخلص

[maio_do]

ده لو اتحولت لجنة عليا

انا كده زى الفل ومفيش حاجة امال اعمل اية اقطع دراعى ههههههههههههههههههههه

[mikho83]

لو عايز تريح نفسك قولهم إن ليك أخ أو عم أو خال ينتمي لجماعة الاخوان المسلمين :) انا عملت كدا من حوالي 6 سنين وطلعت واخدت الاعفاء :)

[غزلة]

وفي ايه لما تخش الجيش وتقعد سنه واحدة

[Tmhami]

بالنسبه للنظر
الأعفاء من أول -4 فيما فوق
بس مش عارف الأستيجماتيزم بيتجمع عليه ولا لأ

أنا واخد أعفاء طبى علشان النظر كان -4.5 , و بعد الأعفاء عملت الليزك

[speed_magnum]

انت كدا زي الفل
انا عندي. flat foot ولما سالت عرفت انها ما بقتش بتطلع من الجيش

[eng.m7md.ali]

الحاجة الوحيدة اللي بتكره الشاب في بلده هو الجيش والروتين

[kazamodia]

في حلين سمعت عنهم
اولا تدق وشم
الحل التاني انك تقطع صباع رجلك الصغير

[Bassem Youssef]

نظرك مش هخليك تخلع

دلوقتي بقه بياخدوا اي حد بسبب ظروف البلد

و بعدين انت مهندس يعني 3 سنين يا باشا

لو تعرف تسافر و بعدين ترجع تعمل تصالح اوكي

غير كده يبقي هتخش الجيش الا اذا اخدت اعفاء

ده لو بقي :))))))

[Mohab.Nabil]

نظرك مش هخليك تخلع

دلوقتي بقه بياخدوا اي حد بسبب ظروف البلد

و بعدين انت مهندس يعني 3 سنين يا باشا

لو تعرف تسافر و بعدين ترجع تعمل تصالح اوكي

غير كده يبقي هتخش الجيش الا اذا اخدت اعفاء

ده لو بقي :))))))

و ازاى يسافر من غير تصريح جيش ؟

ده هو السؤال المهم بقى

[طارق _عبد السلام]

بسم الله الرحمن الرحيم

السلام عليكم ورحمه الله وبركاته


كل سنة وانتوا طيبين على الشتاء اللى جاية متاخر السنة دى


انا شاب خريج هندسة عندى 23 سنة مش عارف اسافر علشان الجيش ومشاكلة وناس بتقولى اهرب وانا مستحيل اعمل كده لانى مقدرش انزل مصر وابعد عنها مده طويلة

هقول المشاكل اللى عندى اللى معتمد عليها انها تدينى اعفاء

اول حاجة النظر الحمد لله

الاتنين -3.75 غير استجمتزام 3.75 على axis عين 150 والتانية 30

الانف اعوجاج فى الحاجب الحاجز مبقدرش اخد نفسى غير من بوقى وده بيسبب مشاكل كتير منها لو اتكلمت كتير جسمى بيرفض ده لان مفيش نفس وبحس انى هرجع

فيه وحمة بسيطة جدا تغير لون عند البطن والضهر لون فاتح والتانى غامق سنة بسيطة

المشاكل دى تخرجنى ولا انا هدخل

والسلام عليكم ورحمه الله وبركاته

موضوع التنفس ده صعب وممكن يطلعك ده لو دفعتك لبست من الاصل لو مخرجتش من اول كشف طبى بتتعرض على لجنه طبيه بعدين وممكن تطلع غير لائق طبيا

على ايامنا مكنش حد بيطلع بسهوله من الجيش لكن دلوقتى بيفرقوا الاعفائات كتير نظر ا للتعداد السكانى الكبير مع عدد معين هو اللى لازم يلبس

اما من جهه موضع قطع او تسبب فى عاهه زى موضوع قطع صباع الرجل فده حرام طبعا وفكرنى بواحد كان معانا وحظه العثر ان واحد نصحه يقطع صباعه السبابه اليمين صباع ضرب النار ولما دخل يكشف بيوريهم صباعه الدكتور قال له اطمن احنا مش عايزين الصباع ده فى حاجه احنا هندخلك سلاح تضرب النار فيه بالصباع الابهام ههههههه وعليه دخل حكمدار دبابه والذراع بتاع ضرب النار فيها زى ذراع الاتارى بتاع زمان الضرب من فوق بالابهام وطول فترته كنا مسمسينه ابراهيم رفد لانه كان هيموت على لجنه رفد تطلعه من الجيش

الخلاصه ان ممكن دفعتك متلبسش اصلا ولو لبست ممكن مشكله التنفس تطلعك لان التدريب بيكون شاق جدا جدا ومحتاج تنفس صحيح

[h_shahin]

على ايامى المشاكل الطبية المتوسطة زى حالتك كده كانت بتطلع العساكر العادة و المتوسط
لكن العالى كان صعب يطلع اعفاء طبى على مشاكل صحية زى اللى انت بتقول عليها دى
الميزة الوحيدة فى رأيى إن حالتك دى مش هتخليهم ياخدوك ضابط 3 سنين
لكن اقصاها عسكرى سنة واحدة إن ماكانش تأجيل 3 سنين ثم إعفاء نهائى كحال معظم المؤهلات العليا حاليا

[بحار]

ده مش لو الانف فيه اعوجاج .. ده لو مفيش انف اساسا هاتخش ان شاء الله .. الوضع دلوقتى مختلف
خد الموضوع ببساطه .. كأنه تجربة بتتعلم منها .. كده أفضل علشان ايامك تعدى بسهوله ..
وبعدين لو هيأت نفسك انك مش هاتدخل .. ودخلت .. هاتبقى نفسيتك تعبانه والجيش عندك كأنه سجن أبو زعبل ..
وبعدين يأخى اعتبرة زكاة عن نفسك وصحتك .. بالتوفيق ..