الجيش يا جماعه مشكلة اى شاب اللى يعرف اي حاجة عن الاعفاء يا ريت يدخل

[Anaslbda]

لو عايز تريح نفسك قولهم إن ليك أخ أو عم أو خال ينتمي لجماعة الاخوان المسلمين :) انا عملت كدا من حوالي 6 سنين وطلعت واخدت الاعفاء :)

يبقى اعفاء لاسباب امنية والبس بعدين يا معلم متضمنش يعقّدولك اي حاجة في المستقبل :)
زي شغل حكومي مثلاً :)

عامةً انا واحد قريبي عنده شلل اطفال واضح في رجليه ودخلّوه مظلات السنة اللي فاتت :))

[NaBeLeOn]

[SIZE="4"]اى حاجة قلت عليها انساها و لا قيمة لها فى الكشف الطبي للجيش عدا النظر .. مجموع الضعف فى الاتنين اكتر من 8 يطلع اعفاء طبي ,, انت اقل من 8 لكن نسبة الاستجماتيزم عندك هى اللى عليها الامل و ان كنت اشك برضه لانك خريج هندسة .. من الكليات اللى بيرخموا عليها فى الكشف و مبيطلعوش الا للشديد القوى يعني ... كلم واسطة لو فى و انت و نصيبك فى موضوع النظر ده ,, احتمال ينزلك من ضابط احتياط لعسكري برضه ... الجيش عبارة عن نصيب فقط لا غير يا ما ناس لبست جيش و فعلا طبيا غير لائقين نهائى و ياما ناس خرجت كده و هى طول بعرض تسد عين الشمس ...
موقف حصلى بمناسبة الحاجز الانفى ,, انا عندى برضه نسبة اعوجاج بسيطة فى الحاجز الانفى -و على فكرة انا طبيب و الموضوع ده اصلا منتشر جدا بين البشر الطبيعيين و ساعات كتير بيكون غير ملاحظ حتى و مش قضية يعني- ... طبعا الواحد بيبقى متعلق فى اى حاجة فدخلت اكشف انف و اذن و قلت للدكتور عندى deviated nasal septum و كان معايا اشعة رنين مغناطيسي و عاملها قصة بقى ,, مرضاش طبعا يبص فى الاشعة من اصله و قالى بالنص : "بجد يا دكتور ؟! ده جميل جدا احنا اصلا بنحبه فى الجيش ... اللى بعده " :D

[almohaor]

انت وحظك
انا بعد الثانوية العامة
قدمت فى كلية الشرطة
قالوا لى غير لائق طبيا
لضغف النظر مع استجماتزم
وكمان وجود لغط فى القلب

دخلت الجيش 1976 بعد الجامعة قبلونى كأن نظرنى ستة على ستة
وكأنى ماعنديش لغط او مشكلة فى القلب
وتم ترشيحى ضابط احتياط سلاح دفاع جوى
مع الاف غيرى ولكن بعد شهر فوجئت بهم ينادوا فى مركز التجميع علي مع خمسة سوايسة
وخمسة اسماعلاوية للالتحاق باحدى الكتائب شرق القناة كعسكر وليس ضباط
طبعا كان لسه شريط طابا تحت الاحتلال الاسرائيلى
شوف ياعزيزى وقت الازمات الجيش بيشد ولاد البطة السوداءالغلابة
من ابناء الشعب ليكونوا فى المقدمة بينما ابناء البطة البيضاء فى المؤخرة
دا انا حاولت ادخل اولادى مدارس عسكرية او كليات عسكرية فشلت وده
خلال التسعينيات لانه كان وقت سلام والجيش اخر نغنة
ده حتى انا فاكر وانا فى الثانوية العامة ان الكلية الحربية
كانت بتاخد راسبى الثانوية العامة قبل حرب اكتوبر لان البلد كانت فى حرب
باختصار مهما كان الامر لان الموازين اختلت اقبل الوضع كما يقدره الله لك
واحتسبها لوجه الله فانا عن نفسى اديت خدمتى العسكرية على اكمل وجه وفخور بذلك
لانى كنت وقتها فعلا اشعر انى احمى بلدى وابناء بلدى من العدو الصهيونى
وهاجرت فى حياتى واسرتى مرتين حرب 56 وحرب 67 اما الان فلنا الله

[حسام الغرباوي]

ادخل ظابط احتياط ....

مرتبك بيوصل 5000 جنية وانتا مفخد مبتعملش حاجة ....

صحبي كان هندسة ودخل
اسبوع في البيت واسبوع في الجيش ( ودا نظام الظباط علي فكرة مش واسطة يعني )

مرتبه بالمؤمريات بالحوافز ...كان بيقلي بيوصل 5 وشوية ...

ظبط شقته و اتجوز ومدد سنة وطلع معاه 60 الف من الجيش

[NaBeLeOn]

ادخل ظابط احتياط ....

مرتبك بيوصل 5000 جنية وانتا مفخد مبتعملش حاجة ....

صحبي كان هندسة ودخل
اسبوع في البيت واسبوع في الجيش ( ودا نظام الظباط علي فكرة مش واسطة يعني )

مرتبه بالمؤمريات بالحوافز ...كان بيقلي بيوصل 5 وشوية ...

ظبط شقته و اتجوز ومدد سنة وطلع معاه 60 الف من الجيش

المرتب بيوصل لاواخر 4 الاف او 5 لما يعلق ملازم أول بس .. عندك 6 شهور كلية ضباط احتياط مرتبه كلام فاضى "200-250 جنيه تقريبا" و مرتب ملازم ثان لما يتخرج برضه اى كلام "600-700 جنيه" .. و مش كل الظباط اسبوع و اسبوع ,, كل ظباط الاحتياط اللى كانوا معايا فى الكتيبة كانوا بينزلوا اجازات بعد 21 يوم فى الكتيبة مش اقل من كده و احيانا اكتر كمان عادى بتوصل ل25 يوم بس ياخد عليهم 10 ايام اجازة ... فى اماكن تانية الظباط 3 ايام و 3 ايام ... القصد الجيش فعلا نصيب و انت و حظك ...

[egyption2012]

ان شاء الله نباركلك على الاعفاء قريبا
تلات سنين للاسف بيضيعوا من حياة شباب كتير معظمهم من كليات قمة زي الهندسة
الحل انك تهرب خصوصا ان اعداد كبيرة بتعمل كده الايام ده بسبب حالات القتل اليومية سواء في سيناء او في ليبيا

[حسام الغرباوي]

المرتب بيوصل لاواخر 4 الاف او 5 لما يعلق ملازم أول بس .. عندك 6 شهور كلية ضباط احتياط مرتبه كلام فاضى "200-250 جنيه تقريبا" و مرتب ملازم ثان لما يتخرج برضه اى كلام "600-700 جنيه" .. و مش كل الظباط اسبوع و اسبوع ,, كل ظباط الاحتياط اللى كانوا معايا فى الكتيبة كانوا بينزلوا اجازات بعد 21 يوم فى الكتيبة مش اقل من كده و احيانا اكتر كمان عادى بتوصل ل25 يوم بس ياخد عليهم 10 ايام اجازة ... فى اماكن تانية الظباط 3 ايام و 3 ايام ... القصد الجيش فعلا نصيب و انت و حظك ...

كلامك مظبوط ...بس برضو مرتب 5000 جنية مش شوية ...خصوصا انك تقريبا مش هتصرف منهم ....غير كدا معظم المهندسين بيدخلوا سلاح دفاع جوي او بيتوزعوا في اماكن كويسة ..( المعظم )

بالاضافة انك لما تطلع من الكلية ..هيكون قدامك فرصة كويسة جدا انك تعمل شقتك بنفسك وتدور علي عروستك بنفسك وتتجوز ...وبعد ما تطلع من الجيش ...هتكون ظبطت اساسيات حياتك واستقريت ..ساعتها هتسافر مستريح مش عليك طغوط ...خصوصا في موضوع الزواج وتأسيس اسرة وشقتك و و و ...

[teesho]

الاعفاء نظر رسمي علي كلامهم 4- في عين واحده بس الموضوع بيمشي اي كلام حسب الاخصائي اللي بكشف عليك لأنه بيكشف بعدسه مش جهاز بيقيس .....انا الحمد الله اخدت اعفا نظر من اسبوعين بالظبط و كنت ناقص 4.5 و في ناس معايا كانوا 2.5 و 3.5 و اخدوا برضه اعفا ....الموضوع انت و نصيبك و مكان مركز التجنيد اللي انت تبعه لو محتاج اي استفسار تاني انا معاك انا لسه مخلص الموال ده

[طارق _عبد السلام]

ادخل ظابط احتياط ....

مرتبك بيوصل 5000 جنية وانتا مفخد مبتعملش حاجة ....

صحبي كان هندسة ودخل
اسبوع في البيت واسبوع في الجيش ( ودا نظام الظباط علي فكرة مش واسطة يعني )

مرتبه بالمؤمريات بالحوافز ...كان بيقلي بيوصل 5 وشوية ...

ظبط شقته و اتجوز ومدد سنة وطلع معاه 60 الف من الجيش

الجيش اتطور جدا

فين على ايامنا كنا بنقبض 6.20 جنيه أه والله سته جنيه وريال هههههههه وكانت كل السريه بتبصلى في المرتب لانى كنت بقبض 7.20 وكنت زياده عنهم جنيه لانى عريف . وكنا اصلا مش بنقبضهم لاننا بنخلصهم على (التقريشه) اللى دخل الجيش يعرف معنى التقريشه. وكان مرتب الظابط ايامها 120 جنيه اياااااااااااااااااااااام الهى لايعودها بس اجمل حاجه ان الواحد اتعرف على ناس رجاله بجد من اغلب المدن مكنش ممكن يقابلهم اويعرفهم غير في الخدمه

[mastr_n]

الجيش اتطور جدا

فين على ايامنا كنا بنقبض 6.20 جنيه أه والله سته جنيه وريال هههههههه وكانت كل السريه بتبصلى في المرتب لانى كنت بقبض 7.20 وكنت زياده عنهم جنيه لانى عريف . وكنا اصلا مش بنقبضهم لاننا بنخلصهم على (التقريشه) اللى دخل الجيش يعرف معنى التقريشه. وكان مرتب الظابط ايامها 120 جنيه اياااااااااااااااااااااام الهى لايعودها بس اجمل حاجه ان الواحد اتعرف على ناس رجاله بجد من اغلب المدن مكنش ممكن يقابلهم اويعرفهم غير في الخدمه

ياااااااااااااة ياباشا
رجعتنى لاحلى ايام بس وانا جوة الجيش كنت الوضع كنت مختلف كنت بسب$%^&#@@$%^^ الجيش

ايام التقريشة ومشروع الحرب والخدمات (شنجى - كنجى - برنجى ) واحد تمام اتنين تمام تلاتة تمام ههههه
ولا مشاريع الحرب وتفتيش الحرب تحس انك كنت جوة فيلم
بس للاسف الكلام دة كان زمان وزمان كان احسن من دلوقتى بكتير

اتعلمت اللى عمرى ماكنت هاتعلمة فى حياتى

اتعلمت اضرب سلاح الحمد للة مخلص لوحدى بتاع 20 جزنة سلاح
اتعلمت اعرف البنى ادم اللى ادامى ماتخدعش فية
قابلت ناس رجالة لحد دلوقتى على اتصال وود معاهم

[prof2013]

موضوع التنفس ده صعب وممكن يطلعك ده لو دفعتك لبست من الاصل لو مخرجتش من اول كشف طبى بتتعرض على لجنه طبيه بعدين وممكن تطلع غير لائق طبيا

على ايامنا مكنش حد بيطلع بسهوله من الجيش لكن دلوقتى بيفرقوا الاعفائات كتير نظر ا للتعداد السكانى الكبير مع عدد معين هو اللى لازم يلبس

اما من جهه موضع قطع او تسبب فى عاهه زى موضوع قطع صباع الرجل فده حرام طبعا وفكرنى بواحد كان معانا وحظه العثر ان واحد نصحه يقطع صباعه السبابه اليمين صباع ضرب النار ولما دخل يكشف بيوريهم صباعه الدكتور قال له اطمن احنا مش عايزين الصباع ده فى حاجه احنا هندخلك سلاح تضرب النار فيه بالصباع الابهام ههههههه وعليه دخل حكمدار دبابه والذراع بتاع ضرب النار فيها زى ذراع الاتارى بتاع زمان الضرب من فوق بالابهام وطول فترته كنا مسمسينه ابراهيم رفد لانه كان هيموت على لجنه رفد تطلعه من الجيش

الخلاصه ان ممكن دفعتك متلبسش اصلا ولو لبست ممكن مشكله التنفس تطلعك لان التدريب بيكون شاق جدا جدا ومحتاج تنفس صحيح

ههههههههههه يخرب عقله ده اهم صباع دي حياته كلها تقف بسببه

[mmolazem]

ما سر كُره التجنيد ؟؟

[Mohab.Nabil]

ما سر كُره التجنيد ؟؟

انا هتكلم على نفسى

3 سنين ضايعين على الارض و لا انا بستفاد حاجة و لا بفيد حاجة ( من وجهة نظرى ) ، ضياع مستقبل فى 3 سنين ديه اللى شغال فى نفس المجال خلاص بقى ليه وضعه فى شركته و انا لسه طالع هبدأ من الصفر.

عدم الاقتناع بسياسات الجيش فى حاجات كتير + انا مش عايز اعيش الحياة العسكرية ، انا دخلت كلية عادية عشان مش عايز اعيش الحياة العسكرية ليه تجبرنى انى اعيشها 3 سنين غصب عنى ؟

[maio_do]

انا الحمد لله راضى جدا باللى كتبوا ربنا ودايما بيبقى فيه الخير

بحب بلدى جدا ونفسى اخدمها بحاجة بس مش بقعدتى على كرسى ولا وقفتى فى الشمس افيدها بمهنتى والله الموفق والمستعان

قريت كل الردود ربنا يخليكوا الواحد بيحس انه وسط ناسه وانتوا بتتكلموا وبالنسبة للاستاذ اللى بيقولى اقطع صباع رجلك انا بقولوا اقطع ودانى احسن ملهاش لازمة برده

موضوع انى اهرب ده مستحيل انى اقعد برة مصر كل الفترة دى من غير مارجعها ولا اعيش هربان ولا ارجع بلدى ده امر غير مقبول ولا اتهرب من خدمة بلدى اللى بحب ترابها

انا فعلا عندى مشكلة دلوقتى وانا بكتب عينى الشمال واجعانى جدااااا ومصدع صداع نصفى بالرغم من انى جايب نظارة كويسة جدا والعدسات كمان

مشكلة النفس ده غاية فى الصعوبة ربنا يعافيكوا لو اتكلمت كتير ممكن ارجع بسبب انى مش بقدر اخد نفسى الحمد لله

[Ralliart]

أنا مهندس زيك ولسة مخلص جيشي ونظري زيك ولائق...... موضوع النفس اعمل فيه تظلم ولو عندك واسطة متترددش لحظة في انك تخليه يكلم رئيس الكومسيون وهيطلعك بس لازم يكون عندك مشكلة من الأصل علشان مينفعش تبقى سليم ويكلم حد يخرجك فيحرجه

يمكن (واتمنى) المكان اللي انا كنت فيه مبيعبرش عن الجيش بس اوعى حد يضحك عليك ويقولك هتستفيد وتتعلم وكدة علشان مش هتاخد غير الضرر النفسي ومش هتستفيد حاجة ويمكن ييجي عليك بالعكس وتنسى اللي اتعلمته أصلاً

مشكلة الجيش مش في التمرينات وكدة بالعكس دا كان الجزء الممتع وفترة مركز التدريب كانت حلوة جداً طالما صف الظباط والظباط محترمين معاك ومقدرينك حتى لو بيمرمطك في الطين هتكون مرتاح نفسياً
المشكلة بتيجي لو عندك حد في الوحدة مريض نفسي بأمراض السيطرة وجنون العظمة وهو اصلاً برا الجيش محدش يرضى يشغله صبي مبيض محارة ودول كتير جداً للأسف ومع اننا مكناش بنقف خدمة ولا بننزل طوابير بس كنا تعبانين نفسياً وكارهين اليوم اللي دخلنا فيه الجيش بسبب الانسان المريض اللي كان عايز يعمل لنفسه قيمة وبيعرضك لأسوأ انواع الإهانات والإذلال من غير ما ترتكب أي خطأ بس لمجرد انه عايز يثبت ان عنده شخصية!! وكله في حدود الميري ومتقدرش تفتح بقك