الجيش يا جماعه مشكلة اى شاب اللى يعرف اي حاجة عن الاعفاء يا ريت يدخل

[sonaeg]

بسم الله الرحمن الرحيم

السلام عليكم ورحمه الله وبركاته

كل سنة وانتوا طيبين على الشتاء اللى جاية متاخر السنة دى

انا شاب خريج هندسة عندى 23 سنة مش عارف اسافر علشان الجيش ومشاكلة وناس بتقولى اهرب وانا مستحيل اعمل كده لانى مقدرش انزل مصر وابعد عنها مده طويلة

هقول المشاكل اللى عندى اللى معتمد عليها انها تدينى اعفاء

اول حاجة النظر الحمد لله

الاتنين -3.75 غير استجمتزام 3.75 على axis عين 150 والتانية 30

الانف اعوجاج فى الحاجب الحاجز مبقدرش اخد نفسى غير من بوقى وده بيسبب مشاكل كتير منها لو اتكلمت كتير جسمى بيرفض ده لان مفيش نفس وبحس انى هرجع

فيه وحمة بسيطة جدا تغير لون عند البطن والضهر لون فاتح والتانى غامق سنة بسيطة

المشاكل دى تخرجنى ولا انا هدخل

والسلام عليكم ورحمه الله وبركاته

اخوك لسة مخلص جيش من يوم الحمد لله

كنت ماسك عيادة في مركز تدريب

بالنسبة لي نظري بقصر النظر والاستيجماتيزم -9.5

علي الورق نظري ده يطلعني طبعا(زمان مش دلوقت)
ولكن اتليقت ظابط احتياط كمان أ وبالعافية نزلت عسكري سنة

بما اني في مركز تدريب يعني بيجيلي العساكر اللي لسة داخلة

مش عايز احبطك (وحقولك ليه) لكن الناس اللي داخله ف المركز عندها بﻻوي... نواسير ...بواسير ...انزﻻق غضروفي ....رباط صليبي...فلات فوت ... حساسية صدر ...نظر في التراوة


علي مدار 4 دفعات جاتلي بمتوسط 800 عسكري اللي طلعوا لجنة رفت بعد ما جم المركز وخدوا غير ﻻيق هم :

واحد عنده صمام في القلب
واحد عنده ميا بيضا في عين !!! (كاتاراكت)
واحد عنده تقوس في عظام الصدر
اخر واحد وده اللي قصدي مش عايز احبطك ليه: دكتور جالنا دفعة شهر 4 نظره اقوي من اخوك لكن كان معاه واسطة ظابط دكتور

بتفرق في ايه بقي....اقولك

لو روحنا احنا الاتنين عيادة اكننا بنكشف عشان نظرنا بعد مالبسنا جيش

انا يكشف عليا ويديني ورقة مقياس نظري ويكتبلي عودة للوحدة

لكن هو بقا الزقة كانت هنا...انه يحوله حاجة اسمها لجنة رفت فرعية ... وبالفعل اتحول واتعرض علي استشاري وطلع...لكن بتاخد وقت شوية


باختصار قدامك فرص تطلع في:

كشف التجنيد
ظباط احتياط وتنزل عسكري او تطلع خالص
لجنة الرفت اول ماتدخل مركز تدريبك
تطلع عيادة عادي وانت ف جيشك والزقة تحولك لجنة فرعية


انا شفت ناس عندها حاجات تافهه جدا وطلعت بالزقة دي ..

وبرررررده ناس مشيت عادي ببركة ربنا وطلعت من غير واسطة


ف سيبها علي الله

وخدها من اخوك نصيحة... انا عندي 27 سنة اكيد ماكنتش عاوز ادخل جيش

لكن بجد الجيش تجربة كويسة جدااااا حتعلمك حاجات كتير جدااااا حتفيدك في حياتك رغم البهدلة وكل حاجة ...

وبالتوفيق ان شاء الله

واسف علي الاطالة

[sonaeg]

حاجة تانية نسيتها

قانونا اللي عين واحدة قصر نظر -4

او مجموع العينين قصر نظر -8 يطلع

اخوك 9.5 ودخلت

بغض النظر عن الاستيجماتيزم...

ليه؟ لانهم ف التجنيد وفي الحلمية بيقيس نظرك بحاجة اسمها

Indirect ophthalmoscope

ده من ايام الملك فاروق بيقيس قصر النظر بس ومش دقيق ابدا للاستيجماتيزم....اللي بيهمهم من الاخر قصر النظر بس

في حاجة ناس عملوها :
اعمل نظارة بمقياس -7 واروح اكشف...بما انه مش دقيق ممكن يشك ويقولك وريني نضارتك.... بيحط عليها عدسات من عنده يشوف بالظبط كام ...ساعتها يقول اه ﻻ ده كتير فتطلع


بالفعل حصلت معايا بس انا كنت بنضارتي ماعملتش واحدة مقاس اكبر ... استحرمتها بقي وﻻ ايه ماتعرفش...هو نصيب الحمد لله

[طارق _عبد السلام]

ما سر كُره التجنيد ؟؟

اى انسان حر بيكره حكم النفس فى النفس اى انسان مش بيحب ايام تروح من عمره مابيستغلها لخدمه نفسه
لكن من الجهه الاخرى حكم النفس بيجى من واحد للاسف مريض نفسى اسمه المتطوع اى كان رتبته

لكن هم يتعاملوا مع المجند لتجهيزه لتجمل اقصى درجات الصعوبه والظروف السيئه فى الحرب فطبيعى يوجد مشقه لايتحملها الا الرجال وكانوا بيلعبوا دايما على تحطيم النفسيه وعندما اقتربت من الضباط عرفت انه نوع من انواع التدريب لازم يضعك تحت اقصى الظروف النفسيه الصعبه

كل ده مرهق ومتعب جدا وكنا فى الجيش بنشوف رجاله وبتعيط اه والله واقسم لك فى تجمع الصباح فى مركز تدريب رجاله بتعيط وتقول ياريتك يا امى ماخلفتينى راجل هههههههههه عمرى ماهنسى كل ده

لكن الجانب الايجابى الوحيد منها خدمت بلدك ومنها الجيش بيفرق مع ناس كتير جدا فى شخصيتهم وبيتحملوا ضغوط كثيره وايضا معرفه اصدقاء لايمكن ان ننساهم بسهوله ومن كل مدينه فى مصر

لكن مها كان فيه ايجابيات محدش يحب حكم النفس والانضباط القاسى والتدريب والبعد عن الاهل وضياع سنوات من عمره...... لكن هنعتبرها حاجه كده زى دفع الضرائب :) الضرائب حق البلد عليك لينتفع بها كل من يعيش فى البلد بس مين بيدفع ضرايب وهو مش كارهها
...:)

[teesho]

معلش اتأخرت بس مش عارف رسالتك مش عارف راحت فين بعد ما شوفتها اول مرهو مش عارف ابعتلك علي الخاص المهم :)
بالنسبه للنظر لو قصر -4 لو طول 6 او مجموعهم 6 ده الكلام الرسمي بالنسبه للاستيجماتيزم مفيش كلام عليه لان الدكتور هو اللي بيكشف عليك مش بجهاز طبعا الموضوع نصيب حسب الدكتور و غلاسته
بصراحه للحاجات اللي انت بتشتكي منها التانيه اشك ان فيه حاجه منها تطلعك بس جرب يمكن يحولوك لجنه عليا و انت و نصيبك
انا طب بشري دفعة 2012 تجنيد يناير 2015
انت تبع منطقة تجنيد ايه?

[maio_do]

أنا مهندس زيك ولسة مخلص جيشي ونظري زيك ولائق...... موضوع النفس اعمل فيه تظلم ولو عندك واسطة متترددش لحظة في انك تخليه يكلم رئيس الكومسيون وهيطلعك بس لازم يكون عندك مشكلة من الأصل علشان مينفعش تبقى سليم ويكلم حد يخرجك فيحرجه

يمكن (واتمنى) المكان اللي انا كنت فيه مبيعبرش عن الجيش بس اوعى حد يضحك عليك ويقولك هتستفيد وتتعلم وكدة علشان مش هتاخد غير الضرر النفسي ومش هتستفيد حاجة ويمكن ييجي عليك بالعكس وتنسى اللي اتعلمته أصلاً

مشكلة الجيش مش في التمرينات وكدة بالعكس دا كان الجزء الممتع وفترة مركز التدريب كانت حلوة جداً طالما صف الظباط والظباط محترمين معاك ومقدرينك حتى لو بيمرمطك في الطين هتكون مرتاح نفسياً
المشكلة بتيجي لو عندك حد في الوحدة مريض نفسي بأمراض السيطرة وجنون العظمة وهو اصلاً برا الجيش محدش يرضى يشغله صبي مبيض محارة ودول كتير جداً للأسف ومع اننا مكناش بنقف خدمة ولا بننزل طوابير بس كنا تعبانين نفسياً وكارهين اليوم اللي دخلنا فيه الجيش بسبب الانسان المريض اللي كان عايز يعمل لنفسه قيمة وبيعرضك لأسوأ انواع الإهانات والإذلال من غير ما ترتكب أي خطأ بس لمجرد انه عايز يثبت ان عنده شخصية!! وكله في حدود الميري ومتقدرش تفتح بقك

دى المشكلة فعلا المرضى النفسيين ربنا يعديها على خير

ممكن تقولك نظرك بالظبط وانت تخصص اية

[eslam atia]

الجيش دا نصيييييييييييييييييييييييييب
انا كنت فورمة كنت بلعب حديد وطول 183 ووزن 95 وكنت وبعشق الرياضة
اول ما روحت منطقة التجنيد في الكشف الطبي ، محدش كشف عليا ، بجد والله ، شوفت مندوبين واحد صاعقة وواحد حرس جمهوري والاتنين اتشاكلوا عليا وبيني وبين نفسي اقتنعت ورضيت بقضاء الله وقولت الحمد لله دا نصيبي ، المرة اللي بعديها يوم الأرجة
اليوم اللي بينده علي مواليد ومواليد لأ
نده من 1/1/لغاية31/6/ انا بقي مواليد 2/7/ ورجع كمل من 10/7/ لغاية 20/8/ وبرضة استثني 10 ايام ورجع اخد لغاية اخر السنة
فضل يكمل وانا سامع بس انا مقتنع اني داخل ومش واخد بالي
والناس بتروح وانا واقف مع اللي داخليين
لغاية ما بيندة علي الكشوف مسمعتش اسمي
وفضلت لواحدي تحت المظلة
ونده علي المندوب قالي انت واقف ليه ، قولتلة لم اسمع اسمي
فسألني علي تاريخ الميلاد وقالي امشي روح بدل ما تدخل ومتعرفش ترجع تاني
قولتلة علي ايه وقمت طاير مروح
وحاليا اخدت تأجيل 3 سنين وهيخلص 1/1/2016
شوفت النصيب بقي
للعلم انا كلية تجارة
مش عارف بقي كليات الهندسة والطب ليهم أرجه ولا لأ

[Ralliart]

دى المشكلة فعلا المرضى النفسيين ربنا يعديها على خير

ممكن تقولك نظرك بالظبط وانت تخصص اية

نظري -3.75 يمين وشمال ومش فاكر الاستجماتزم بس عموما هو مش كشف دقيق هو بيمسك عدسة ولمبة ويبص بيهم ثانيتين وخلاص
وتخصصي مدني وتقديري جيد جدا ومع ذلك اخدو ناس اقل مني في التقدير للمكتب الاستشاري في الهيئة الهندسية علشان واسطتهم وللاسف اكتشفت متأخر ان كل حاجة في الجيش ماشية بالواسطة لدرجة انهم لما بيكون في عدد كبير بياخدو برقم أقدمية الواسطة!
عموما حاول تهرب من سلاح المهندسين بأي طريقة علشان اللي بيحصل فيه من ظلم مبيحصلش في اي مكان تاني

[Ralliart]

الجيش دا نصيييييييييييييييييييييييييب
انا كنت فورمة كنت بلعب حديد وطول 183 ووزن 95 وكنت وبعشق الرياضة
اول ما روحت منطقة التجنيد في الكشف الطبي ، محدش كشف عليا ، بجد والله ، شوفت مندوبين واحد صاعقة وواحد حرس جمهوري والاتنين اتشاكلوا عليا وبيني وبين نفسي اقتنعت ورضيت بقضاء الله وقولت الحمد لله دا نصيبي ، المرة اللي بعديها يوم الأرجة
اليوم اللي بينده علي مواليد ومواليد لأ
نده من 1/1/لغاية31/6/ انا بقي مواليد 2/7/ ورجع كمل من 10/7/ لغاية 20/8/ وبرضة استثني 10 ايام ورجع اخد لغاية اخر السنة
فضل يكمل وانا سامع بس انا مقتنع اني داخل ومش واخد بالي
والناس بتروح وانا واقف مع اللي داخليين
لغاية ما بيندة علي الكشوف مسمعتش اسمي
وفضلت لواحدي تحت المظلة
ونده علي المندوب قالي انت واقف ليه ، قولتلة لم اسمع اسمي
فسألني علي تاريخ الميلاد وقالي امشي روح بدل ما تدخل ومتعرفش ترجع تاني
قولتلة علي ايه وقمت طاير مروح
وحاليا اخدت تأجيل 3 سنين وهيخلص 1/1/2016
شوفت النصيب بقي
للعلم انا كلية تجارة
مش عارف بقي كليات الهندسة والطب ليهم أرجه ولا لأ

انت آخر دفعة كان ليها ارجاء ومن ساعتها كله بيلبس أيا كان مؤهله

[Ramy_2R]

حاجة تانية نسيتها

قانونا اللي عين واحدة قصر نظر -4

او مجموع العينين قصر نظر -8 يطلع

اخوك 9.5 ودخلت

بغض النظر عن الاستيجماتيزم...

ليه؟ لانهم ف التجنيد وفي الحلمية بيقيس نظرك بحاجة اسمها

Indirect ophthalmoscope

ده من ايام الملك فاروق بيقيس قصر النظر بس ومش دقيق ابدا للاستيجماتيزم....اللي بيهمهم من الاخر قصر النظر بس

في حاجة ناس عملوها :
اعمل نظارة بمقياس -7 واروح اكشف...بما انه مش دقيق ممكن يشك ويقولك وريني نضارتك.... بيحط عليها عدسات من عنده يشوف بالظبط كام ...ساعتها يقول اه ﻻ ده كتير فتطلع


بالفعل حصلت معايا بس انا كنت بنضارتي ماعملتش واحدة مقاس اكبر ... استحرمتها بقي وﻻ ايه ماتعرفش...هو نصيب الحمد لله

طيب بما ان حضرتك دكتور و كنت في الجيش
سؤال كده
بالنسبة للنا ال عندهم plantar fasciitis
كان بيكون وضعهم أيه
الوقوف بالنسبالي لفترات بيكون صعب جدا و بيسبب مشاكل
و حتى لو باخد علاج
انا عارف انها صعب تاخد إعفا بس لما بيشتكي منها و هو في الجيش بيحصل أيه ؟

[theman]

سلام عليكم انا بدرس في معهد من المعاهد الخاصة وسني وصل 28 سنة ولسه فاضلي سنتين عندي اخ اصغر مني مخلص دراسة وجيش والوالد متوفي وانا الابن الاكبر النهاردة المعهد قالي هيتوقف قيدك في المعهد لغاية لما تجيب موقف التجنيد انا او اتقدمت للجيش هقدم بالثانوية العامة يعني هلبس سنتين وعندي نظري ضعيف مبشوفش من غير النظارة خالص وبليل مبشوفش خالص المفروض انا اعمل ايه دلوقتي وهل ليا امل اخد اعفاء علشان اعرف اكمل دراسة ولا لا ارجو الافادة ؟؟

[theman]

سلام عليكم انا بدرس في معهد من المعاهد الخاصة وسني وصل 28 سنة ولسه فاضلي سنتين عندي اخ اصغر مني مخلص دراسة وجيش والوالد متوفي وانا الابن الاكبر النهاردة المعهد قالي هيتوقف قيدك في المعهد لغاية لما تجيب موقف التجنيد انا او اتقدمت للجيش هقدم بالثانوية العامة يعني هلبس سنتين وعندي نظري ضعيف مبشوفش من غير النظارة خالص وبليل مبشوفش خالص المفروض انا اعمل ايه دلوقتي وهل ليا امل اخد اعفاء علشان اعرف اكمل دراسة ولا لا ارجو الافادة ؟؟