مشكلة مع امين شرطه

[M!SHO]

امين الشرطة صح
انت الى غلط
واحد شايف اتنين مع بعض عايزة يعمل اية ؟

بصرف النظر عن اي حاجه

ايه حضرتك القانون اللي بينص على ان اتنين في مكان عام وسط الناس يتعمل فيهم كده ؟

[lonedoctor]

يعنى معظم الاعضاء مطلعين صاحب الموضوع غلط يعنى من الناحية الشرعية ممكن وخاصة انهم لسة مخطوبين لكن هذه ليست خلوة شرعية لانهم واقفين فى الشارع امام كل الناس وبعلم الاسرتين كمان
لكن ماحدش اتكلم عن القانون اللى يبيح لواحد مالوش ستين لازمة يقف يمسح بكرامتهم الارض ويوجه النصايح بصفته مصلح اجتماعى طالما لم يصدر منهم اى مخالفة للقانون
ده انتهاك صارح لحقوق الانسان ده اذا كان لسة الاختراع ده باقى فى مصر

[mido3_gho]

المبدأ من الاول غلط

إنت خرجتها من ورا اهلها واكيد خليتها تكدب على اهلها عشان تقابلك وإنت مشارك معاها فى الكدب دا

معلش دا الغلط بعينه .. ودا عقاب من ربنا عشان تعرف إن الجواز مش سهل ودى حياة ... إنت مخطأ بجد

سامحنى على كلامى .. بس الغلط غلط ياصاحبي .. ربنا يسترها عليك

[4fun14]

انتوا بتهذروا؟؟
كلكم مصلحين اجتماعيين تقوله العيب والغلط وانتقام القدر ؟
مش من حق اى حد يهزئك عشان واقف مع اى بنت أيا كانت طالما مش ف وضع غلط
الراجل بيسالكوا يعمل ايه من الناحية القانونية مش تفتحوله تحقيق اخلاقى!
انا الحقيقة مش عارف اللى حقوقه بتنتهك يعمل ايه في مصر

[Ahmed x]

بالنسبه للناس الي بتسأل خطبت ازاي فانا عاوز اعرف هوا عندكم بتقروا الفاتحه وبتعملوا الخطوبه بعدها بقرن ؟؟؟انا قايل ان الموقف دا كان من كام يوم والحمد لله الخطوبه تمت دلوقتي وخرجنا مع بعض وكل حاجه الموقف دا حصل مابين قراية الفاتحه والخطوبه الفتره الي كانت 4 ايام وانا مش مطلوب مني اوضح لحضرتك حاجه زي دي لأن الموضوع مش مخصوص بالحكايه دي

انا بتكلم على موقف امين الشرطه والاهانه وانه يقولي امشي من المكان ده هل دا في القانون ؟؟
وحضراتكم بتقوليلي انت حطيت نفسك في موقف مربك مع اني قايل برضه ان كان فيه شباب وبنات كتير قاعدين مع بعض وكان في منهم صغيرين لدرجة انهم معهمش بطايق لاني شوفته وهوا بيسألهم على بطايقهم
اكيد دول مكانوش مخطوبين ولا متجوزين انا مبقولش كدا عشان اقول اني صح انا معترف بغلطي بس وانا لما حصل الموقف دا كان في شاب واقف شاف كل حاجه قالي روح وانت ازاي سايبه يعمل كدا روح هاتها منه فانا استغربت معقول يكون ساب كل دول عشان قلو ادبهم عليه وبيعمل معايا كدا عشان ساكت ولا انا اتصرفت صح ؟ هوا دا السؤال والله

[Ahmed x]

المبدأ من الاول غلط

إنت خرجتها من ورا اهلها واكيد خليتها تكدب على اهلها عشان تقابلك وإنت مشارك معاها فى الكدب دا

معلش دا الغلط بعينه .. ودا عقاب من ربنا عشان تعرف إن الجواز مش سهل ودى حياة ... إنت مخطأ بجد

سامحنى على كلامى .. بس الغلط غلط ياصاحبي .. ربنا يسترها عليك

انا معترف بالغلط معنديش مشاكل بس اغلبكم دخل وكتب تعليق ملهوش علاقه بالي انا سألته خالص
انت اعتبرت الموضوع انه عقاب عشان خرجت من ورا اهلها ومستنتش الخطوبه

طب انا هطرح السؤال بطريقه تانيه يمكن تفهم الغرض من الموضوع
لو انا قاعد مع واحده معرفهاش ولا عمري شوفتها ووقفتها في الشارع واتكلمت معاها واتعرفت عليها في شارع عام لما يجي امين شرطه يهينك ويشتمك ويقولك امشي من هنا هل دا حقه ؟؟
محدش يقولي كدا حرام لاني والله عارف الحكم الشرعي انه مينفعش بس انا بسأل على القانون دلوقتي

اعتبر الموقف دا حصل مع واحد مسيحي ياعم هوا مفيش مسيحيين في مصر ؟؟ وانا مببررش غلطي والله ابدا بس انا عرفت اني غلط من النحيه الشرعيه طب الجانب القانوني الي المفروض اتعامل بيه مع امين الشرطه ايه نظامه ؟

الغرض من كلامي كله اني والله بسأل على القانون مش الشرع وانا معاك اني غلط بس محدش مبيغلطش

[احمد المصرى]

طبعا موقف رخم جدااااااااااااا بس انت مش عاجز انك ترد بس انت اتحملت علشان الموضوع مش يبوظ انت اقعد مع خطيبتك وفهمها الموقف وفهمها انك ممكن ترد بس سكت علشان الموضوع وان شاء الله خير


بعيد عن النقطه دى الامين دا بيشتغلك ولما انت سكت هو عاش فى الدور بس حاليا وفى الاوضاع ال البلد فيها ممكن يتبلى عليك باى حاجه وخلاص والحمد لله ان الموقف خلص لحد كدا كل مهمتك حاليا توضح الصوره قدام خطيبتك

[Ahmed x]

طبعا موقف رخم جدااااااااااااا بس انت مش عاجز انك ترد بس انت اتحملت علشان الموضوع مش يبوظ انت اقعد مع خطيبتك وفهمها الموقف وفهمها انك ممكن ترد بس سكت علشان الموضوع وان شاء الله خير


بعيد عن النقطه دى الامين دا بيشتغلك ولما انت سكت هو عاش فى الدور بس حاليا وفى الاوضاع ال البلد فيها ممكن يتبلى عليك باى حاجه وخلاص والحمد لله ان الموقف خلص لحد كدا كل مهمتك حاليا توضح الصوره قدام خطيبتك

انا خوفت من نقطه انه يلبسني اي تهمه دي لا الوضع كان خطر الايام الي فاتت بسبب 25 يناير وانا والله الظابط الي قبله اتكلم معايا واحترمته جدا جدا بس هوا فعلا في الكويس وفي الوحش

شكرا لرد حضرتك

[هيثم مجدي]

انت خنت الأمانة من الأول
و أمين الشرطة .. دا أمين شرطة يعني منتظر ايه ؟ ربنا يخلصنا منهم قريب دول اسوأ فئات المجتمع وانت موقفك كان ضعيف وواضح ان تعبيرات وشك كان باين عليها انك قلقان فهو استغل دا.
وزي ما قالك الاستاذ graffittiii خد الموضوع بهزار لما تفتكروه عشان يعدي الموقف وخلاص
واسعى ان يبقى فيه بينكم ارتباط رسمي قريب

[wawamoha]

بصراحه بصرف النظر عن الاسلوب و بصرف النظر عن اي حاجه تانيه انا كنت خايف تقول انه اتحرش بيها ..
بس بصراحه طلع انسان و مشاها و اداها در س في الاخلاق - عل افتراض انه فاهم انها بتعمل حاجه غلط - و بكده اثبت انه انسان قبل مايكون راجل شرطه ... وستر عليها و مشاها..
ودور عليك انت و اداك اللي فيه النصيب ..
الراجل ماغلطش - انتت حطيت نفسك في موضع شبهه - و هما سترو عليك بصراحه
اللي في النص شويه تحابيش

[ahmedfor3]

هو حضرتك مستنى الرد يكون عامل ازى طب انا هقولك على حاجه احسن خلى الموقف ده حصل لاختك زى ما حصلك بالضبط بس المره دى الشخص اللى مع اختك اللى المفروض هااااااااااااايبقى خطبها عمل مشاكل مع امين الشرطه وخدهم على القسم موقف اختك وموقفك سعاتها هيبقى ايه وطبعا اهلك قدام الناس يا راجل

[SeiffoZ]

واضح انك كنت واقف فى حنة مشبوهة شوية. ابقى خدها وروح مكان مفيهوش شبهات عشان مجتمعنا عقيم حبتين

[msobhy]

انت عملت احسن تصرف
انت ملكش حقوق فى البلد ديه ومهما كان مستواك الثقافى او الاجتماعى او الدراسى أو المادى - أمين الشرطه أعلى منك ومن حقه يديلك بال ............. واللى يقولك غير كده يبقى بيضحك عليك
ليك ضهر جامد خده واطلع على القسم اللى تابع ليها المنطقه اللى كنت فيها وساعتها الواد ده هايتنفخ (ومش قوى برضو)
غير كده صدقنى انت عملت احسن تصرف ممكن يتعمل

[ramymechanics]

كل الناس خايفة تقول اننا فى بلد لا احترام فيها لقانون ولا ابسط قواعد حقوق الانسان يقولك موقف شبهة ومش عارف ايه ... مش من حق اى حد انه يعترضك ولا يدى دروس و عظات لحد يروح ينصح نفسه الأول و يبطلوا رشاوى وسرقة ... مش من حق حد يفتش عربيتك بدون اذن نيابة .. مش من حق حد يدخل شقتك بدون اذن نيابة مش من حق حد بعد ما اتحقق من شخصيتك و انك سليم جنائيا انه يعترضك ولا يديك محاضرات و لا عظات لا انت ولا خطيبتك

مجتمع عقيم بيبرر خوفه و القهر بأن هو اللى غلطان واحنا اللى مفروض نصلح من نفسنا
بالمناسبة انا لو مكانك كنت عملت نفس اللى انت عملته لأنى للأسف مليش ضهر

[Ahmed x]

واضح انك كنت واقف فى حنة مشبوهة شوية. ابقى خدها وروح مكان مفيهوش شبهات عشان مجتمعنا عقيم حبتين

لا والله كنا غلى كوبري استانلي في اسكندريه قدام خلق الله