مشكلة مع امين شرطه

[Ahmed x]

بصراحه بصرف النظر عن الاسلوب و بصرف النظر عن اي حاجه تانيه انا كنت خايف تقول انه اتحرش بيها ..
بس بصراحه طلع انسان و مشاها و اداها در س في الاخلاق - عل افتراض انه فاهم انها بتعمل حاجه غلط - و بكده اثبت انه انسان قبل مايكون راجل شرطه ... وستر عليها و مشاها..
ودور عليك انت و اداك اللي فيه النصيب ..
الراجل ماغلطش - انتت حطيت نفسك في موضع شبهه - و هما سترو عليك بصراحه
اللي في النص شويه تحابيش

حضرتك بترد على اساس قانون ولا عادات وتقاليد ؟؟؟

هقولك السؤال مره تانيه بطريقه تانيه عشان والله انا مستني رد قانوني غير ده
على افتراض**

انا مسيحي ومعايا صحبتي وقاعدين مع بعض على كوبري استانلي وحصل معانا ان امين شرطه جه شتمنا وطردنا من المكان الي احنا فيه بس انا معملتش حاجه غير اني كنت بقوله حاضر هل دا افضل حل في الموقف دا ام في حل اخر كان المفروض اعمله ؟؟

ملاحظه بس انا قولت مسيحي عشان تبعدوا عن موضوع حلال وحرام لموضوع قانوني ولا مش قانوني

[sohip]

هو انا طبعا مش هقول اكتر من الى اتقال
بس انا شايف انك مش غلطان انت واحد واقف مع واحده وقفه محترمه فى مكان من اشهر اماكن مصر مش فى خرابه لا ماسك سجاره فى ايدك ولا هى بلبانه ولبس رقاصه علشان يعمل معاك كده
انت غلطك انك سكت من الاول
فا ده خلاه يصدق الى شايفاه عنيه وتعامل على انها بنته ده على حد كلامك انو مقلش ادبه معاها الكلام معك انت بس

انا لو مكانك مكنتش سكتله بالذات لو شاف بطاقتى هى جمله واحد هقلهاله
انت شايف فى البطاقه مهندس وشايف ادامك واحد واقف محترم ف مكان محترم وانا دى خطبتى علشان و لولاها انا كان ليا رد تانى واتمنى انه ينطق بكلمه غير تاسف علشان اخده انا القسم بس انا عارف انى عندى الى يجبلى حقى فى القسم
ود حاجه محزانانى جدا على بلد بقيت ...............
المهم الف مبروك واديك عرفت هتعمل ايه المره الجايه وعرفتنا اهم حاجه الجزمه تكون جلد هههههههههه

[exelence]

انسى الموضوع و تعايش و اعتقد خطيبتك هتبقى فاهمه كده كويس.
المشكلة بس انك اتلخبطت و خفت على خطيبتك أحسن الامور تتطور و تروحوا القسم و فهمهما الكلام ده كويس
اما من حيث القانون زى ما الأخوة قالوا الأمين كان ممكن بكل سهوله يقول انكم كنتوا فى وضع مخل بالاداب و حلنى بقى على ما تثبت العكس.

[SHNORY]

يعني اهلها مانعينها من الخروج معاك وانت رايح بيها في الحته اللي كل البشر بتعدي منها ؟
كوبري ستالي دا مزار سياحي يا باشا يعني اللي مبيروحش حته بيروحه
واحمد ربنا ان محدش من اهلها شافك والا كانت مش حتعدي
طيب كنت قعدت في كافيه
ولا قهوه حتي
انما سايب الدنيا ورايح كوبري ستانلي ههههههههههههه
دا ابوها ممكن ميشوفهاش في البيت ويشوفها علي الكوبري

[aimank]

لو كنت قعدت معاها في كافيه تفتكر ان كان امين الشرطة دخل وراك قالك الكلمتين دول ؟؟ طب لو كنتوا قاعدين في العربية في الشارع ؟؟
انت حطيت نفسك في موضع شبهة مش اكتر
اللي من اسكندرية عارف ان الكورنيش كله اي واحد قاعد مع واحدة و خاصة الشباب الصغير بيقعدوا يعملوا ايه … فالراجل عمل كده خوفا علي البنت مش اكتر لان اغلب الامناء بيكونوا من بره اسكندرية ومش واخدين علي الجو ده ( مش دفاعا عنهم بس ده الواقع ) و تآكد ان لو كنتوا بتتمشوا مثلا مكنش حد وقفك
وحصل خير و المرة اللي جاية حاول تتكلم بثقة اكتر

[مُصْطٓفٓى]

بعيدا عن قلة ذوق امين الشرطة وانه حب يتفرد شويتين ادام الانسة
اللي عمله صح واللي حضرتك عملته غلط

يعني لو اسلوب امين الشرطة كان مهذب عن كده
وقالها كلمتين بكل احترام ومن غير يا أمورة
كان حيبقى أستاذ ورئيس قسم

تاني حاجة متسألش عن حق مواطن او قانون في مصر
نموذج فتاة شبرا اللي اتنين امناء شرطة اخدوها من البوي فريند بتاعها في الشارع ودخلوها البوكس وتحرشوا بيها مش بعيد
وفي النهاية تم الافراج عنهم بكل بساطة

[Ahmed x]

يعني اهلها مانعينها من الخروج معاك وانت رايح بيها في الحته اللي كل البشر بتعدي منها ؟
كوبري ستالي دا مزار سياحي يا باشا يعني اللي مبيروحش حته بيروحه
واحمد ربنا ان محدش من اهلها شافك والا كانت مش حتعدي
طيب كنت قعدت في كافيه
ولا قهوه حتي
انما سايب الدنيا ورايح كوبري ستانلي ههههههههههههه
دا ابوها ممكن ميشوفهاش في البيت ويشوفها علي الكوبري

ههههههههههههههههههههههههههههههه انا كنت فاكر اننا لو قعدنا في العربيه او في حديقه هيبقى شكلنا مشبوه طلع الطريق العام هوا الي مشبوه :)


ومش عارف ليه الاغلب الاعضاء بترد بتقول اني غلط اني خرجت معاها مع ان الموضوع مش اني خرجت انا كتبت في اكتر من تعليق قبل كدا اعتبر ياعم انها صحبتي مش خطيبتي والله انا بسأل على الموقف القانونييييي

وشكرا لرد حضرتك والاعضاء الكرام كنت متوقع ان التريقه هتبقى كتير بس طلعتوا الحمد لله متفهمين :)

[SHNORY]

ههههههههههههههههههههههههههههههه انا كنت فاكر اننا لو قعدنا في العربيه او في حديقه هيبقى شكلنا مشبوه طلع الطريق العام هوا الي مشبوه :)


ومش عارف ليه الاغلب الاعضاء بترد بتقول اني غلط اني خرجت معاها مع ان الموضوع مش اني خرجت انا كتبت في اكتر من تعليق قبل كدا اعتبر ياعم انها صحبتي مش خطيبتي والله انا بسأل على الموقف القانونييييي

وشكرا لرد حضرتك والاعضاء الكرام كنت متوقع ان التريقه هتبقى كتير بس طلعتوا الحمد لله متفهمين :)

انا بصراحه مضحكنيش الا انك رايح كوبري ستانلي هههههههههههههههههه
دا اللي بيتخانق بيروح يريح اعصابه هناك
اللي بيتجوز بيروح يتصور هناك
اللي مش لاقي حاجه يعملها بيروح هناك
اللي خارج يتمشي بعربيته بيقول لما اروح كوبري ستانلي
دي حتي الرحلات بتروح هناك
هو ممكن يكون امين الشرطه شاف البنت مرتبكه فقال انك خاطفها ولا واقف معاها غصب عنها
بس المهم انك تكون مرجع للناس الي عاوز تخرج ويتعلموا منك بعد كده
بعد كده تروح المنتزه تقعد في مطعم هناك
تروح كافيه
تروح تخطبها وتريح دماغك
وابقي حفظها بيانات بطاقتك بشجره العيله
ههههههههههههههههه

[Ahmed x]

انا بصراحه مضحكنيش الا انك رايح كوبري ستانلي هههههههههههههههههه
دا اللي بيتخانق بيروح يريح اعصابه هناك
اللي بيتجوز بيروح يتصور هناك
اللي مش لاقي حاجه يعملها بيروح هناك
اللي خارج يتمشي بعربيته بيقول لما اروح كوبري ستانلي
دي حتي الرحلات بتروح هناك
هو ممكن يكون امين الشرطه شاف البنت مرتبكه فقال انك خاطفها ولا واقف معاها غصب عنها
بس المهم انك تكون مرجع للناس الي عاوز تخرج ويتعلموا منك بعد كده
بعد كده تروح المنتزه تقعد في مطعم هناك
تروح كافيه
تروح تخطبها وتريح دماغك
وابقي حفظها بيانات بطاقتك بشجره العيله
ههههههههههههههههه

هههههههههههههههههههههههههههههههههههههههههههههههههه ه انا ريحت دماغي وخطبتها فعلا بس بقينا نخرج من البلكونه للصالون وعلى ده الحال كل مقابله في بيتهم :-d

[SHNORY]

هههههههههههههههههههههههههههههههههههههههههههههههههه ه انا ريحت دماغي وخطبتها فعلا بس بقينا نخرج من البلكونه للصالون وعلى ده الحال كل مقابله في بيتهم :-d

لو مابين البلكونه والصالون حد اتعرضلكم ولا قالك بطاقتك تعرف ان دي علامه من السما
وتخلع يا معلم

[Ahmed x]

لو مابين البلكونه والصالون حد اتعرضلكم ولا قالك بطاقتك تعرف ان دي علامه من السما
وتخلع يا معلم

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههه

[corolladestroyer]

انا مش بعلق عل الحجات دي وكلامي كله في العربيات وبس لكن الموضوع ده رفع ضغطي و استفزني جدا.....
على اي اساس امين الكلب ده حتى لو كان زوق ومحترم يوقفك وانت معملتش اي حاجه.

راجل واقف على كوبري ستانلي قدام الخلق والبشر كلها وقاعده معاه واحده ياسيدي لسه عارفها امبارح ومعملش اي حاجه غلط ولا مشبوهه ايش دخل ام امين الخرة ده في الموضوع لا وكمان يتكلم انه مصلح وبيدي نصايح ابن ال**** طب و من غير ماشوفه ولااعرفه حشاش ابن حشاش وتلاقيه كان مبرشم.. ينهار اسود فعلا
مين امين الزفت ده عشان يتكلم ولا يفتح بقه الساقط الفاشل الغبي اللي مش حافظ حتى جدول الضرب الجاهل المتخلف ابو نصايح
والله العظيم حاجه تحرق الدم يارب ارحمنا يارب...
هو مال امه هو
يسال دي مين؟ ليه؟ هو مال اللي جابو امه


يعني ايه ماشوفش وشك هنا هو اشترى يعني الشارع بقه بتاع امه يعني....
مفيش اي حاجه في القانون بتقول ان كلب زي ده يوقف اي اتنين معملوش اي حاجه في حياتهم غير انهم قاعدين بيتكلمو مع بعض اي منطق يقول كده....
الصح فعلا ساعتها انك كنت تقوله عايز ايه انا مش بعمل حاجه غلط لا انا مبرشم ولا بحشش ولا في ايدي قزازة خمرة
روح اتشطر عل صحابك الامناء الحشاشين المغتصبين وانصحهم يابن ال........
حاجه تحرق الدم والله...
فاكرين نفسهم اشتروا البلد بالبني آدمين اللي فيها.....

[عزيز محمد]

انت عملت احسن تصرف
انت ملكش حقوق فى البلد ديه ومهما كان مستواك الثقافى او الاجتماعى او الدراسى أو المادى - أمين الشرطه أعلى منك ومن حقه يديلك بال ............. واللى يقولك غير كده يبقى بيضحك عليك
ليك ضهر جامد خده واطلع على القسم اللى تابع ليها المنطقه اللى كنت فيها وساعتها الواد ده هايتنفخ (ومش قوى برضو)
غير كده صدقنى انت عملت احسن تصرف ممكن يتعمل

الكلام دا فيه الخلاصة،
ومعروف كمان من زمان إن لو معاك حد بتخاف عليه (مراتك / خطيبتك/ أختك/ بنتك/ طفل صغير/ ....) ما تعملش أي مشكلة في الشارع منعا للبهدلة وقلة القيمة، وتعدي الموقف أيا كان في هدووء

[a raafat]

بص يا باشا عندنا فى اسكندريه المشى عالبحر ده سمعته مش ولابد سواء ولد وبنت او بنات ماشيه عالبحر ناس كتير بتفهم انهم شمال والمفروض حضرتك لو نازل مع بنت خطيبتك بقى او اختك او زميلتك مينفعش تاخدها عالبحر كده اتجنب الشبهات
ممكن تاخدها فى كافيه محترم او مطعم انت هناك قاعد بفلوسك مفيش حد هيكلمك

اما بخصوص موقف امين الشرطه فمن وجهة نظرى هوه حتى لو مش قانونى فهو موقف انسانى انا احترمه كتير مننا بيشوف بلاوى عالبحر وفى الشوارع وبيبقى نفسه يروح وينصح البنات خصوصا انه عارف تفكير الشباب الدنئ لكن مبيبحبش يدخل نفسه اعملا بمبدأ " من تدخل فيما لا يعنيه نال ما لا يرضيه "

[Ahmed x]

بص يا باشا عندنا فى اسكندريه المشى عالبحر ده سمعته مش ولابد سواء ولد وبنت او بنات ماشيه عالبحر ناس كتير بتفهم انهم شمال والمفروض حضرتك لو نازل مع بنت خطيبتك بقى او اختك او زميلتك مينفعش تاخدها عالبحر كده اتجنب الشبهات
ممكن تاخدها فى كافيه محترم او مطعم انت هناك قاعد بفلوسك مفيش حد هيكلمك

اما بخصوص موقف امين الشرطه فمن وجهة نظرى هوه حتى لو مش قانونى فهو موقف انسانى انا احترمه كتير مننا بيشوف بلاوى عالبحر وفى الشوارع وبيبقى نفسه يروح وينصح البنات خصوصا انه عارف تفكير الشباب الدنئ لكن مبيبحبش يدخل نفسه اعملا بمبدأ " من تدخل فيما لا يعنيه نال ما لا يرضيه "

والله هوا لو كان عمل كدا بهدوء وباحترام كنت انا كمان هحترمه وهعدي الموضوع انما هو قال كلام قليل الادب وشتايم استغفر الله العظيم تدل انه عنده ننقص لان انا بعد ما بعدت شويه قعد يقول كل واحد (....) ماسكلي واحده (...) وقاعين (.... في بعض )

خهوا لو كان انسان محترم كان جه اتكلم بأسلوب محترم.

وفي العموم حضرتك اعابرته جدع وبيدينا نصايح طب الي بينصح حد بينصحه بالاسلوب ده ..؟؟؟