هل يجوز كتابة شيك على الزوج بدلا من قائمة المنقولات الزوجية ؟؟؟

[ahmed1981]

انا مش عارف ازاى مفهمتنيش!
اختى وجوزها مسافرين من يوم ما اتجوزوا من 4 سنين..وقت ما اتجوزوا كان دافع مقدم بس..وحتى هذه اللحظه لا الشقه اتشطبت ولا طبعا اتفرشت يعنى مدفعش نص العفش والكلام ده..ونص الفرح بس اللى دفعه "هو فاهم انه دفه النص انما الحقيقه هو دافع تقريبا الثلث"...والحمدلله سواء اختى او جوزها مستواهم كويس يستعيبوا يتكلموا فى الكلام الفارغ بتاع الشيكات والكمبيالات ده
وحتى لو لا قدر الله جوزها طلع وحش...هنرضى باللى كتبه ربنا..
الجواز مشروع الاتنين بيستثمروا فيه..ويا الاتنين يكسبوا يا الاتنين يخسروا
مينفعش واحد يأمن خسايره والتانى يشيل الليله

لامؤاخذة يا باشا
الآن فهمتك بالظبط
=
أنا قصدي أنه مسألة الشيك أو الدهب أو أي شيء يحل محل المهر
هو أمر ليس حرام وليس عيب
في أماكن ينفع وفي أماكن مينفعش
بس منقدرش نعتبره أمر مرفوض ونحاول منعه
وانا مش بعمله دعاية ولا عملته قبل كده ولا بفكر بالطريقة دي
أنا شايف إنه موجود وبيحل مواضيع فمينفعش نعتبره منكر

وأنتم يسرتوا على جوز بنتكم
ربنا يباركلكم ويجعله أهلاً لهذا الكرم منكم

لكن صدقني كل جوازه بلد لوحدها مش هينفع تبقى على نمط واحد

ـ

[ahmed1981]

حاجه كمان

مينفعش واحد يأمن خسايره والتانى يشيل الليله

ربنا شرع وفرض على الرجل تجهيز منزل الزوجية ودفع مهر للزوجة
دي فروض ودين مش خساير
لو بتعتبر التكاليف دي خساير
يبقى أيوه ربنا فرض الخساير دي على الراجل لوحده

الزوجة اللي تتنازل عنها هي حرة مش عيب ولا حرام

والزوجة اللي تتمسك بيها هي حرة مش عيب ولا حرام

=

دي نقطة نظام

=

المهر بقى في أي صورة مش فارقه

ـ

[Specialist]

النقاش ممتاز جدا ,,, بس في نقطة برضه غايبة عني في حوار المهر ده,, خصوصا مع سفر الزوجين ..


لو دلوقتي في عريس مسافر , ونزل مصر أتجوز بنت و هيسافروا تاني و مش هيستقروا في مصر ,,

و هو عنده شقة بمصر, لكن مش متشطبة ولا هيجيبوا عفش ولا غيره,, لآنهم هيتجوزوا و هيعيشوا بره ..

هل هيبقي المهر عبارة عن قيمة الشبكة اللي مديهالها , و ليكن 20 ألف مثلآ أو أكثر؟
و هل في هذه الحالة, هيبقي ملزم بتجهيز الشقة بالكامل ؟

ولا المهر هيبقي منفصل عن الشبكة, بشرط تجهيز الزوجة للشقة معاه بعد كده مستقبلآ , و كتابة قايمة بالحاجات اللي أشتريتها الزوجة ؟

ولا بيتم الأتفاق أزاي في النقطة دي ؟

[msobhy]

نضرب مثال أسهل وناخدها واحدة واحدة
=

واحد بيخطب بنتك


بس هوا مسافر وهيتجوز هناك


يعني هيا هتسافرله على هناك


أو يتجوز هنا في فندق ويسافر وهيا تحصله


معندوش شقة في مصر


مش هيجهز لأن مفيش شقة


هناك في بلد الهجرة المؤقتة هيأجر شقة ويجيب عفش على قده على ما يرجع مصر


=


تمام


=


إنت هتعمل معاه إيه أو هتتفق على إيه لبنتك ؟

ـ

انا هارد على حضرتك بطريقه ملخبطه شويه
عندنا اى عريس علشان يتقبل لازم يكون عنده شقه تمليك مش ايجار - حتى لو كانت اوضه وصاله
حكاية ان عريس بنتى او اختى ياخدها ويسافر ده مرفوض تماما - لكن هانفترض ان الظروف حكمت مش هاكدب واقول اننا هانمشيها ودى - لكن اقسم بالله تحت اى بند وتحت اى مسمى مش هاحول الموضوع لبيع وشراء
سيدى الفاضل عن تجارب مريره - الاهل لما بيجروا على تأمين بنتهم فى الاغلب الموضوع بيخلص بدرى بإنفصال
المقاييس كلها اختلفت

لا اقصد اهانه لأحد ولا التلميح على اى شخص - فيه بنات كتير بأهليهم بيبقى هدفهم انهم يلبسوا العريس فى الحيطه علشان ميعرفش يهرب بعد الجواز

بنات كتير بتقولها صراحتا انها هاتعيش حياتها لغاية لما تتجوز - ربنا كرم والجوازه كملت يبقى خير وبركه - الجوازه باظت اهى هاتاخد قرشين من حبابى عنيه
والله انا سامع الكلام ده بنفسى
واحده ما شاء الله عليها قالت لى صراحه انها عارفه انها سنه ولا اتنين بالكتير وهاتطلق بس هيه نفسها تخلف بنت (البنت ديه مقضياها بالطول والعرض)

انا شفت كتير والموضوع تحول للوصول الى اقصى استفاده وبس

سواء الراجل او الست الكل بعيد كل البعد عن الدين - يبقى بلاش بقى نمسك فى الدين فى المقدم والمؤخر والذى منه
احنا لو ماشيين بالدين صح مكنش ده بقى حالنا

أمن أختك أو بنتك زى ما حضرتك عايز لكن خلى بالك اللى بيخاف من العفريت ...........

[rockycar]

هو لسة فى حاجة اسمها قايمة ٠٠٠٠٠دى انتهت خلاص من زمان نفسى اعرف مين اخترع الكلمة دى دا اكيد غاوى مشاكل

[ahmed1981]

انا هارد على حضرتك بطريقه ملخبطه شويه
عندنا اى عريس علشان يتقبل لازم يكون عنده شقه تمليك مش ايجار - حتى لو كانت اوضه وصاله
حكاية ان عريس بنتى او اختى ياخدها ويسافر ده مرفوض تماما - لكن هانفترض ان الظروف حكمت مش هاكدب واقول اننا هانمشيها ودى - لكن اقسم بالله تحت اى بند وتحت اى مسمى مش هاحول الموضوع لبيع وشراء
سيدى الفاضل عن تجارب مريره - الاهل لما بيجروا على تأمين بنتهم فى الاغلب الموضوع بيخلص بدرى بإنفصال.
.
.
أمن أختك أو بنتك زى ما حضرتك عايز لكن خلى بالك اللى بيخاف من العفريت ...........

ببساطه
أنا شايف إنك عندك خلط بين التأمين والحقوق

=

فرق كبير بين التأمين لمجرد التأمين

وإن ده حق شرعي

=

الغريب إنك شايف إن شرط الشقة الملك حق ليك

وشايف الشروط الأخرى للناس الآخرين تأمين

-

يعني بتدي نفسك الحق وتسمي حقوق الآخرين تأمين

=

كده بالخلط ده إنت مش هتقبل غير اللي بيعملوا زيكوا بالظبط

-

وفقط

وده مش صح

إحنا عايشين في مجتمع كبير مرن متنوع

ـ

[Mahmoud Naguib]

ببساطه
أنا شايف إنك عندك خلط بين التأمين والحقوق

=

فرق كبير بين التأمين لمجرد التأمين

وإن ده حق شرعي

=

الغريب إنك شايف إن شرط الشقة الملك حق ليك

وشايف الشروط الأخرى للناس الآخرين تأمين

-

يعني بتدي نفسك الحق وتسمي حقوق الآخرين تأمين

=

كده بالخلط ده إنت مش هتقبل غير اللي بيعملوا زيكوا بالظبط

-

وفقط

وده مش صح

إحنا عايشين في مجتمع كبير مرن متنوع

ـ

+111111111
كلآمك متزن وسليم وهو اللي كنت عايز أقوله

[ahmed1981]

النقاش ممتاز جدا ,,, بس في نقطة برضه غايبة عني في حوار المهر ده,, خصوصا مع سفر الزوجين ..
لو دلوقتي في عريس مسافر , ونزل مصر أتجوز بنت و هيسافروا تاني و مش هيستقروا في مصر ,,
و هو عنده شقة بمصر, لكن مش متشطبة ولا هيجيبوا عفش ولا غيره,, لآنهم هيتجوزوا و هيعيشوا بره ..
هل هيبقي المهر عبارة عن قيمة الشبكة اللي مديهالها , و ليكن 20 ألف مثلآ أو أكثر؟
و هل في هذه الحالة, هيبقي ملزم بتجهيز الشقة بالكامل ؟
ولا المهر هيبقي منفصل عن الشبكة, بشرط تجهيز الزوجة للشقة معاه بعد كده مستقبلآ , و كتابة قايمة بالحاجات اللي أشتريتها الزوجة ؟
ولا بيتم الأتفاق أزاي في النقطة دي ؟

يعني هجره دائمة للخارج
مش ناويين يعيشوا في مصر
وبالتالي تجهيز شقة في مصر ملوش لزمه في الأساسيات
وبالتالي هما إتفقوا على عدم تجهيز شقة في مصر
في الحالة دي بيدفع مهر عبارة عن شبكة دهب بمبلغ أكبر من العادي
أو شبكة دهب كبيرة برضه وفلوس مهر
وبيكون في مؤخر حسب الإتفاق
-
وهو مسؤول عن كل حاجه بعد كده في مصر أو في الخارج

=

ده رأي متوسط

وفي غيره طرق تانية

ـ

[msobhy]

ببساطه
أنا شايف إنك عندك خلط بين التأمين والحقوق

=

فرق كبير بين التأمين لمجرد التأمين

وإن ده حق شرعي

=

الغريب إنك شايف إن شرط الشقة الملك حق ليك

وشايف الشروط الأخرى للناس الآخرين تأمين

-

يعني بتدي نفسك الحق وتسمي حقوق الآخرين تأمين

=

كده بالخلط ده إنت مش هتقبل غير اللي بيعملوا زيكوا بالظبط

-

وفقط

وده مش صح

إحنا عايشين في مجتمع كبير مرن متنوع

ـ

حضرتك ولا خلط ولا حاجه
احنا بنشترط ان الشقه تكون تمليك وبدون اى مواصفاتبس تبقى فى مكان شبه محترم - حضرتك عارف ليه.... لأن محدش ضامن الدنيا - ممكن اللى يتجوز بنتنا تحصله اى مشاكل ماديه ساعتها اقفل بيتك عليك وعلى بنتنا ومحدش ليه عندك حاجه - تاكل زلط تاكل طوب في النهايه بيتك مقفول عليك
بخصوص التناقض برضو احنا بنقولها صراحتا لأى شخص يتقدم لعائلتنا اللى في مقدرتك اعمل
والله العظيم وبدون اى مبالغه - اغنى واحد في عائلتنا بنته لسه متجوزه - تقريبا هو اللى فرش البيت بالكامل وفيه قايمه اتكتبت وكانت اى كلام ومؤخر البنت كان 10.000 جنيه فقط
قريبى ده لسه شارى الفيلا بتاعت ريهام سعيد - يعنى فعلا راجل مقتدر - في رأى حضرتك ده راجل مجنون ولا اهبل
احنا لما بنأمن ..... بنأمن زوج بنتنا لأنه طول ما هو كويس - بنتنا اكيد هاتبقى كويسه

حضرتك عايز تاخد شيك على زوج بنتك أو اختك .... يمكن الموضوع ده عادى بالنسبه لناس لكن بالنسبه ليه انا حاسس ان الموضوع بيع وشراء وتخوين من البدايه
أنا باعتذر لحضرتك جدا لو قلت اى حاجه ضايقت حضرتك اثناء نقاشنا

[ahmed1981]

حضرتك ولا خلط ولا حاجه
احنا بنشترط ان الشقه تكون تمليك وبدون اى مواصفاتبس تبقى فى مكان شبه محترم - حضرتك عارف ليه.... لأن محدش ضامن الدنيا - ممكن اللى يتجوز بنتنا تحصله اى مشاكل ماديه ساعتها اقفل بيتك عليك وعلى بنتنا ومحدش ليه عندك حاجه - تاكل زلط تاكل طوب في النهايه بيتك مقفول عليك
بخصوص التناقض برضو احنا بنقولها صراحتا لأى شخص يتقدم لعائلتنا اللى في مقدرتك اعمل
والله العظيم وبدون اى مبالغه - اغنى واحد في عائلتنا بنته لسه متجوزه - تقريبا هو اللى فرش البيت بالكامل وفيه قايمه اتكتبت وكانت اى كلام ومؤخر البنت كان 10.000 جنيه فقط
قريبى ده لسه شارى الفيلا بتاعت ريهام سعيد - يعنى فعلا راجل مقتدر - في رأى حضرتك ده راجل مجنون ولا اهبل
احنا لما بنأمن ..... بنأمن زوج بنتنا لأنه طول ما هو كويس - بنتنا اكيد هاتبقى كويسه
حضرتك عايز تاخد شيك على زوج بنتك أو اختك .... يمكن الموضوع ده عادى بالنسبه لناس لكن بالنسبه ليه انا حاسس ان الموضوع بيع وشراء وتخوين من البدايه
أنا باعتذر لحضرتك جدا لو قلت اى حاجه ضايقت حضرتك اثناء نقاشنا

يا باشا أنا عمري ما بزعل من أي نقاش
والنقاش في الموضوع ده بالذات يتسع لألف رأي
=
وعشان منوصلش لحلقة ندور فيها
=
إنت عندك شرط هو وجود شقة ملك
تمام
رغم إن الإيجار موجود جديد أو قديم
بس مش أمان قوي
فإنت بتقول بتأمن جوز بنتك أو أختك (( نفس كلامك أهه ))
كويس
وتأمين زوج بنتك هو بالتبيعة تأمين لبنتك أو أختك
يبقى إنت بتأمن أختك بشرط الشقة الملك
=
لفينا لفينا ورجعنا لنقطة البداية إنك بتأمن أختك عن طريق تأمين جوزها
ودنك منين يا جحا
=
طيب بتأمن الراجل ده ليه
عشان واخد أختي
يعني بأمن أختي
لو الراجل ده مخدش أختي ميلزمنيش
يبقى كلمة أختى عامل مشترك مع كلمة تأمين
=
سهلة كده يا ريس
=
سميه تأمين سميه حقوق
مش هتفرق معايا
كله معنى واحد
=
لكن كلمة حقوق أفضل
لأن فعلاً ربنا أوجد الحقوق دي للمرأة وهي الطرف الضعيف وجعل تلك الحقوق شرعاً وديناً
المهر حق للمرأة
شقة الزوجية المجهزة حق للمرأة
=
=
كلامك معناه برضه لو إفترضنا جدلاً إنك صاحب الموضوع ده
إنك هتقول للعريس ده ألف سلامه
مدام معندكش شقة ملك ورينا عرض اكتافك
حتى لو كان أهل خلق ودين وكفأ لكنه لم يتمم الشروط
وعلى فكره ده تصرف منك لا عيب ولا حرام
أنا برضه عندي شروط زيك
وكل واحد بيضع الشروط طالما موصلش لمرحلة عضل المرأة أو التساهل والاستخفاف بحقها
=
صاحب الموضوع كان أيسر في النقطة دي لما لقى راجل يستاهل بنته
قاله وماله معندكش حاجه في مصر الوقتي
إتجوزوا وسافروا
بس قدم حاجه بديل للمهر أو قدم مهر
=
نقطة الشيك أنا بقول للمرة التالتة هيا حاجه مش مستحبة في رأيي الخاص ولا هعملها ولا عملتها
لكن مش عيب ولا حرام ولا نقدر نقول لصاحب الموضوع لأ
حقه بدون جدال
زي ما حقك شرط الشقة الملك
إنت بتقول بأمن زوج أختي
وهو برضه بيقول بأمن زوج أختي
=
بس هو غلبان شوية لأنه لو زوج بنته بالطريقة دي
ولو حصل أي ظرف من الظروف لزوج البنت مقدرش يوفي
في الغالب الأب مش هيقدر يعمله حاجه
وهيضطر يدفع من جيبه مع جوز بنته عشان يوجد لبنته شقه لو حصل ظرف لا قدر الله
وعلى فكرة بضه
هو عارف كده كويس بس بيقدم حسن الظن والتوفيق
لكن هو من داخله مجهز نفسه لأي ظرف يحصل سيء هو اللي هيشيل بنته
=
البنات سواء أخوات أو أبناء
أمانة كبيرة وصعبة قوي بتفضل معلقة في رقبة الواحد حتى يلقى الله

ـ