هو إحنا شعب متدين بطبعه فعلا ؟؟؟؟.....

[إنسانة]

مين اللي قال لحضرتك إن مفيش حاجه إسمها فصل الأخلاق عن الدين ؟؟؟...فيه طبعا فصل للأخلاق عن الدين ..لو حضرتك تابعت مسلسل يوميات ونيس الجزء الأول هتلاقي مثال واضح وفج وصريح لفصل الأخلاق عن الدين ..ده على سبيل المثال مثلا ..العلمانيه نفسها فيها فصل للأخلاق عن الدين ..آفة هذا المجتمع هو فصل الأخلاق عن الدين

الواقع يقول ان افة المجتمعات العربية هي عدم تفعيل القانون

اصلا انك تربط الاخلاق بعقيدة معينة اذا انت استبعدت مليارات البشر من الردع

يعني لو جيران غير منتمين لنفس الدين او منتمين وغير ملتزمين ماهو الشيء الذي يحفظ سير الحياة بينهم بدون اعتداء؟

تصدر اصوات مزعجة من بيت جارتي انا لا استطيع النوم هل انتظر حتى تموت وتحذف في النار حتى استطيع النوم ؟ ام اخرج وافتعل مشكلة معاها ؟ او اطلب البوليس لياتي في دقائق وينهي المشكلة وانام في هدوء !

[JOHN YOUSSEF]

اما بالنسبة للفصل بين الاخلاق و الدين
فالدين معمول من اجل الانسان مش العكس
يعنى الانسان اصلا فطر على الصلاح لأنه - الانسان- خليقة الله الصالح و الصالح لن يخلق شيئا رديئاً لانه صانع ماهر صالح
و الدليل ان الاخلاق فى الضمير مزروعة و مميزة قبل الدين ان يوسف الصديق رفض الزنا مع المرأة فى مصر حتى قبل ان يكتب فى التوراة لا تزنى ... بل حتى قبل ان تكتب التوراة كلها .. اذ لم يكن موسى النبى قد ولد بعد

[Abo_Mazen]

الواقع يقول ان افة المجتمعات العربية هي عدم تفعيل القانون

اصلا انك تربط الاخلاق بعقيدة معينة اذا انت استبعدت مليارات البشر من الردع

يعني لو جيران غير منتمين لنفس الدين او منتمين وغير ملتزمين ماهو الشيء الذي يحفظ سير الحياة بينهم بدون اعتداء؟

تصدر اصوات مزعجة من بيت جارتي انا لا استطيع النوم هل انتظر حتى تموت وتحذف في النار حتى استطيع النوم ؟ ام اخرج وافتعل مشكلة معاها ؟ او اطلب البوليس لياتي في دقائق وينهي المشكلة وانام في هدوء !

ما هو الدين نفسه في قوانين بتحمي الناس من بعضيها ..المثال اللي حضرتك ضربتيه ده مثال مقتطع الأصل ..الدين فيه كل حاجه خاصة بالمعاملات وخاصة بالأخلاق وخاصه بكل شئ ..هي أصلا القوانين الوضعية مفترض إنها مستمده من الدين ..الدين بقى اللي هو شامل الأخلاق والمعاملات والعبادات وهكذا

[Abo_Mazen]

اسمحولى اشارككم بالرأى

انا شايف ان احنا (باستثناء صفوة منا) نقوم بعملية فصل
ازاى
يعنى احنا ك افكار و قناعات شعب متدين بطبعه
اما فى التطبيق و العمل فلا نلتزم لا بالقانون و لا بالاخلاق و لا بالدين اللى احنا حافظين اجزاء كبيرة منه
ودا بسبب زى ما قال الاخ قبلى : ضغوط الحياة .. الزيادة السكانية... الزحام.... الحالة الاقتصادية ... الفقر ... الاحتياجات التى لا تجد متنفس... و امور اخرى و اهمها التربية
يعنى فى البيت فى الاسرة مثلا : الاب بينصح بحاجات و بيعمل عكسها فالطفل بيتولد عنده فصل ما بين الحياة و العيشة و ما بين ماينبغى ان ينادى به .. فيتعلم ان ينادى بمثاليات فوق طاقته -زى مابيشوف ابوه و امه و المعلمين ما بيعملوا- لكن فى التطبيق يكون حاجة تانية خالص
دا اللى بيسمى فى العلم الفرق بين المثل و القيم مقابل التطبيق
methodology vs ideology
و معلش لو الانجليزى بتاعى فيه غلطة

أهو المثال اللي إنت قلته ده مثلا ..في فصل ما بين الأخلاق وما بين الدين ..وضغوط الحياه مش مبرر للفصل ما بين الأخلاق وما بين الدين ..لإن إحنا هنحاسب على الأمور كلها ..

[JOHN YOUSSEF]

أهو المثال اللي إنت قلته ده مثلا ..في فصل ما بين الأخلاق وما بين الدين ..وضغوط الحياه مش مبرر للفصل ما بين الأخلاق وما بين الدين ..لإن إحنا هنحاسب على الأمور كلها ..

اكيد فيه فصل ما بين الاخلاق و الدين
بس انا مش فاهم انت تقصد ايه بالفصل .. يعنى تقصد ان ممكن ان الواحد يكون اخلاقه عالية رغم انه غير متدين... لو تقصد كدة فأنا معاك.. ام انك رافض اصلا الفصل

ضغوط الحياة مش مبرر .. انا لا ابرر لكنى اقول السبب و فيه فرق كبير ... يعنى محدش يقدر يبرر انحلاله بأى ظرف .. لكن احنا كبشر بندرس الاسباب اقول الاسباب و ليس تبرير .. ندرس الاسباب عشان نبطل الافة من مصدرها..
فكرك انت لو الشعب الاوروبى المتحضر دا عاش فى نفس ظروفنا عشر سنين مش هيتغير
انزل جاردن سيتى و الزمالك و شوف هتلاقى فيه اجانب كتير بالذات الستات اتعلموا يزعقوا و هما بيسوقوا و يكسروا و يمشوا غلط .. بقوا سواقين ميكروباص بجد

[Abo_Mazen]

اكيد فيه فصل ما بين الاخلاق و الدين
بس انا مش فاهم انت تقصد ايه بالفصل .. يعنى تقصد ان ممكن ان الواحد يكون اخلاقه عالية رغم انه غير متدين... لو تقصد كدة فأنا معاك.. ام انك رافض اصلا الفصل

ضغوط الحياة مش مبرر .. انا لا ابرر لكنى اقول السبب و فيه فرق كبير ... يعنى محدش يقدر يبرر انحلاله بأى ظرف .. لكن احنا كبشر بندرس الاسباب اقول الاسباب و ليس تبرير .. ندرس الاسباب عشان نبطل الافة من مصدرها..
فكرك انت لو الشعب الاوروبى المتحضر دا عاش فى نفس ظروفنا عشر سنين مش هيتغير
انزل جاردن سيتى و الزمالك و شوف هتلاقى فيه اجانب كتير بالذات الستات اتعلموا يزعقوا و هما بيسوقوا و يكسروا و يمشوا غلط .. بقوا سواقين ميكروباص بجد

بص ..الفصل ما بين الدين والأخلاق ..يعني حضرتك تكون راجل ملتزم بالدين كويس قوي ..يعني بتروح المسجد ما بتفوتش فرض ..أو بتروح الكنيسه ما تفوتش مناسبة أو يوم ..ورغم كده ..كذاب ومدلس وغشاش ..ده كده يبقى إسمه فصل ما بين الدين والأخلاق ..الموضوع ده مشكلته بقى إنه بيسيء للدين ..ليه بقى ؟؟؟..لإنه بيقنع اللي قدامك أو بيخلي اللي قدامك يقول إن الحياه ممكن تستقيم بدون دين ..يعني الحياه ممكن تستقيم بالأخلاق بس ..وده طبعا غلط ..لإن الأصل في الموضوع الدين ومنه جاءت الأخلاق ...يبقى أنا ما ينفعش أفصل ما بين الدين والأخلاق

[ESO101]

الواقع يقول ان افة المجتمعات العربية هي عدم تفعيل القانون

اصلا انك تربط الاخلاق بعقيدة معينة اذا انت استبعدت مليارات البشر من الردع

يعني لو جيران غير منتمين لنفس الدين او منتمين وغير ملتزمين ماهو الشيء الذي يحفظ سير الحياة بينهم بدون اعتداء؟

تصدر اصوات مزعجة من بيت جارتي انا لا استطيع النوم هل انتظر حتى تموت وتحذف في النار حتى استطيع النوم ؟ ام اخرج وافتعل مشكلة معاها ؟ او اطلب البوليس لياتي في دقائق وينهي المشكلة وانام في هدوء !

(إن الله يزع بالسلطان ما لا يزع بالقرآن)
مش معنى كدا إن القرآن أو الدين نص على كل الأخلاقيات .. أو فصل تفصيل دقيق لـ كل العقوبات ..
مش حاسة إن دا لو حصل هيخلي العملية جامدة ومفهاش مرونة وغير قابلة لمواكبة التطور المستمر ؟
ربنا خلق لنا عقل .. والطبيعي إن يكون فيه مساحة كبيرة للتطور الطبيعي في السلوك البشري
لكن السؤال اللي لازم تسأليه لنفسك ...وأنا هنا متفق معاكي تمامًا إن الدين مش مصدر الأخلاق ( الوحيد )
( لكن الأديان في فترة عملت ثورة أخلاقية محدش ممكن ينكرها )
طيب .. نستبعد الدين ..
( الأخلاق ) شيء موجود في النفس البشرية منبعها من النفس البشرية .. بس إيه مصدرها ؟
أصل مفيش ( جينوم ) مسؤول عن الأخلاق دا شيء ( ميتافيزيقي ) ملوش مصدر مادي
فكري كدا ليه الأديان لعبت على الشيء الميتافيزيقي دا تحديدًا ونمت الخوف من الخطأ جواى الإنسان
وأنا هنا مابستبعدتش دور البشر في فرض القوانين على من لا يرتدع

[banzai]

الشعب المصرى معر** بطبعه
خلايا النفاق فى ال dna فى دمه
العواله و الشحاته حته من قلبه
عبادة فرعون فى الهندسه الوراثيه لجسده منذ فرعون الاول
الشعب المصرى كائن بيضوحباطى منحط اجهل من بهيمه اصبحت جيفه لانها لو كانت حيه تعلم واجباتها اليوميه

[madokira]

جمله ديه بتحسسنى اننا مش محتاجين دين
قوم فرعون اجدادنا ذكرو بشكل عكس ذلك

[Imhotep]

تشابكت الاطراف و اختلطت الاوراق و بالتالى احتاجت لفصل
الاخلاق جمع خلق و الخلق هو الطبع. . . عشان كده يقال فلان اخلاقه كويسة او اخلاقه سيئة يعنى طباعه. . . و هذه الاخلاق كأفكار فى ذهن الانسان تنعكس على تصرفات يمارسها الانسان فى مجتمعه تجعل المجتمع يؤيد نظرته له من حيث اخلاقه جيدة ام سيئة
طيب هل الاخلاق سابقة على الدين ام ان الدين هو منبع الاخلاق؟
نقطتين. . . الاولى ان الاخلاق صفات اجتماعية يتحلى بها الفرد و يتعامل بها مع افراد مجتمعه تجعل افراد هذا المجتمع اما يمتدحون خلقه او يذمونه. . . و بالتالى فالخلق و الاخلاق قرينة وجود البشر على الارض. . . و الدليل ان اول اتنين اخوة على الارض كان احدهما (حقودا) على اخيه و قتله بسبب هذا الحقد و الحسد
النقطة التانية هستعين لتوضيحها هنا بصديق اسمه جيمس هنرى بريستد. . . اللى كتب كتاب اسمه فجر الضمير رصد فيه التطور الخلقى فى الحضارة المصرية القديمة و انصح الجميع بقراءته لانه كتاب اكثر من رائع. . .
رصد ايه عمنا بريستد. . . رصد مثلا نصوص تعود للاسرة الرابعة يعنى بنتكلم على سنة تقريبا 2700 قبل الميلاد بتنهى الانسان عن اشتهاء زوجة جاره. . . رصد نصوص بتحض على الفضيلة و تمدح الخلق القويم. . . و رصد ايه كمان. . . رصد بعض قمم الرقى الخلقى لما يقول المتوفى اثناء محاكمته (اقسم انى لم الوث ماء النهر) و ده فى فصل اسمه فصل الاعتراف السلبى هو الفصل السادس من كتاب الموتى الفرعونى بينفى فيه المتوفى عن نفسه كل الموبقات اللى تخليه يدخل النار و كان لها مفهوم معين عند المصريين القدماء. . . للدرجة دى كان الرقى الاخلاقى بيعتبر مجرد تلويث ماء نهر النيل جريمة قد تطيح بفاعلها الى اسفل سافلين جهنم
من الاخر رصد كل تعاليم تحض على كل الاخلاقيات الحسنة التى تحض عليها الاديان كلها و رصد ايضا تحريم لكل الاخلاقيات السيئة. . . امتى الكلام ده. . . 1700 سنة قبل الديانة اليهودية. . . و 2700 سنة قبل المسيحية. . . و 3300 قبل الاسلام
يعنى ايه الكلام ده يعنى الفراعنة دول كانوا كلهم قديسين و اولياء. . . طبعا لأ. . . كانوا زيينا بالظبط. . . رغم كل التعاليم الراقية دى كان فى الممارسات الحياتية اللى كتير منها بيبقى نفعى. . . زى مثلا زواج الاخوة عند الملوك لضمان استمرار النسل الملكى رغم ان ده ما كانش معروف عند عامة الشعب لكن المصلحة اقتضت كده لفئة معينة. . . و زى كمان ما كانت الاخلاق الزبالة من اسنغلال و جشع و كذب و غيره بتسود وقت اضمحلال الدولة و دى فترات معروفة فى التاريخ المصرى القديم و تم رصد نصوص تؤرخ لاضمحلال الاخلاق فيها ايضا
اذن الاخلاق قديمة قدم البشرية و كلما اتى دين من الاديان قام بالحض على الفضائل و النهى عن الرذائل المعروفة فى عصره. . . دى كل الحكاية. . . و كل ما بتظهر ممارسات انسانية و الناس تبقى مش متأكدة من كونها صواب اخلاقيا ام خطأ بيرجعوا للدين عشان يعطى الاطار العام للسلوك عن طريق التنظير

نرجع لنقطة تانية. . . حكاية الانفصال (و ليس الفصل) بين الاخلاق و الدين. . . هل ده عادى و طبيعى؟ هقول هو المفروض انه مش عادى و مش طبيعى لكنه ممكن و بيحصل و ممكن يبقى سائد كمان. . . و الدليل واقعنا المرير من ملايين بتروح المساجد و الكنائس لكن لا يوجد اثر للممارسات الدينية دى فى تصرفات الناس الحياتية الا فيما اصبح نادرا. . . و ايضا وجود مجتمعات كاملة تكاد تكون لا دينية لكن تسود فيها اخلاق جيدة. . . يعنى امريكا مثلا الكذب فيها من الكبائر و اللى بينكشف كذبه يبقى اتجرس و ضاعت سمعته على عكس الممارسات الزوجية خارج اطار الزواج مش مستهجنة رغم انها من الكبائر عندنا احنا دينيا و ايضا اجتماعيا رغم ان الكذب عندنا احنا عادى جدا رغم ان كل الديانات بتحرمه. . . اذن المسألة مسألة تطبيق او عدم تطبيق لاخلاقيات يتعارف المجتمع على قبولها او رفضها مع وجود داعم دينى احيانا او عدم وجوده فى احيان اخرى و فى هذه الحالة نبحث عنه

اخيرا و عود على بدء. . . عنوان الموضوع و هل شعبنا متدين بطبعه ام لا. . . بناء على كل ما سبق. . . المصرى متعود على توقير الدين و رجاله و ده لان الدين فى نفوس الناس له مكانة كبيرة و تاريخنا مليان قصص ناس استشهدت عشان دينها و دى قمة العطاء ان الانسان يبذل حياته دفاعا عن شئ. . . المصرى كمان بشكل عام يواظب على ممارسة شعائر دينه وده واضح من الملايين اللى بتروح الجوامع و الكنايس كل يوم جمعة و احد و المصرى كمان حريص على مظاهر التدين و حريص على اظهار الحاجات اللى تخليه يبان متدين قدام باقى افراد مجتمعه . . . طيب هل ممارسة الشعائر دى لها انعكاس ايجابى على اخلاقيات المصريين . . . ده مربط الفرس لان هنا الاجابة تأتى بالسلب و ده اسبابه كتير و كلها اسباب اجتماعية اسهب بعض المشاركين فى الموضوع فى شرحها

نقطة اخيرة بس عن العبارة دى. . . ان المصرى متدين بطبعه. . . العبارة دى اصبحت سيئة السمعة عند الكل بسبب سوء الاستخدام. . . استخدمها الناس خطأ للحصول على احساس خاطئ بتفخيم الذات الجمعية للمجتمع و ان احنا ميت فل و اربعتاشر رغم ان كلنا بنشتكى فى حياتنا اليومية من ممارسات زى الزفت
و اساء استخدامها كمان الحكام اللى كان من مصلحة بعضهم انه يأكد الشعور ده لدى عامة الناس و تدعيم الاحساس النفسى بالتعويض عن جودة حياتهم quality of life اللى زى الزفت عشان عامة الناس متلتفتش للحكام و تلومهم على معاناتهم. . . كما استغلها البعض الاخر من الحكام عشان (يبيع) نفسه و بضاعته لدى الناس عشان يجيبوه للحكم بسبب قناع التدين لكن مع الامتحان سقط القناع و ظهرت نوعية الاخلاق الحقيقية

ادى كل الحكاية

[أبو آسر]

الواقع يقول ان افة المجتمعات العربية هي عدم تفعيل القانون

اصلا انك تربط الاخلاق بعقيدة معينة اذا انت استبعدت مليارات البشر من الردع

يعني لو جيران غير منتمين لنفس الدين او منتمين وغير ملتزمين ماهو الشيء الذي يحفظ سير الحياة بينهم بدون اعتداء؟

تصدر اصوات مزعجة من بيت جارتي انا لا استطيع النوم هل انتظر حتى تموت وتحذف في النار حتى استطيع النوم ؟ ام اخرج وافتعل مشكلة معاها ؟ او اطلب البوليس لياتي في دقائق وينهي المشكلة وانام في هدوء !

الدين نص على الأخلاق الحميدة وحث عليها وحذر من مخالفتها علشان يمنع جارتك من البداية أنها تؤذيكي بأصواتها المزعجة سواء وجدت عقوبة دنيوية على مثل هذه الأفعال أو لم توجد
يعني في غياب دولة القانون عندنا في مصر مثلا ، مفيش حد هيمنع جارتك أنها تؤذيكي غير الدين اللي حث على الأخلاق
لكن افترضنا أن جارتك بدون دين .. فلن يمنعها شيء من إزعاجك وقتئذ لأنها لا تخشى عقاب أخروي لأنها بلا دين ولا تخشى عقاب دنيوي بسبب انعدام دولة القانون وبالتالي فلن يمنعها شيء من إزعاجك .. من أمن العقوبة أساء الأدب

[الاسد المهاجر]

احنا شعب سهل يضحك عليه زي قبل 2011 وبعد الثورة لما اضحك علينا باسم الدين واستغلال المحتاجين من الفقراء
زي الي حصل في فيلم هي فوضي لما هاله فاخرة راحة للميتسموش عشان ينقذو بنتها نفس النظام بعد 2011 الي مايتسمو لعبو علي الناس والغلابة باسم الدين والفقرا بالشنط وفي الاخر بانو انهم افضل تجار فا احنا شعب بيضحك علي بطبعه من الخينين

[Elawany13]

Ahmed Hosam


انا دخلت مخصوص عشان اكتب البوست ده بكل صراحة وحيادية.( اللي عاوز يعرف المستوي اﻻخلاقي واﻻحترام للغير والحفاظ علي مشاعر اﻻخرين حتي اخر لحظة.ﻻ والثقة بقضاء الله وقدره عندنا كمصريين.يشوف حلقة رامز جﻻل النهارده ويقارن بين الضيف عبدالله ابو الخير والضيوف المصريين في اﻻيام السابقة) حدث وﻻ حرج

[madokira]

كلام جميل ولكن يا سيدي الناس بعقولها استطاعت ان تميز الاذيه واستطاعت ان تضع لكل اذيه تفصيل دقيق ولكل جرم عقوبه مناسبة له في مستوى الشدة

مفيش حاجه اسمها فصل الاخلاق عن الدين اساسا لان الاخلاق موجوده عند الانسان مهما كانت عقيدته

وكلمة "اذية" تدل على انه فعل يستوجب فرض العقوبة الرادعة و الناس بلا دين اساسا وضعت عقوبات رادعة وواقعية تردع المعتدي والمؤذي للناس

اه فيه فطره طبعا بتتطمس زى استباحه الدم انما لو اقتنعت حضرتك مثلا ان مفيش اله ايه المانع ان حضرتك تتجوزى والدك

[رحالة]

الشعب المصرى معر** بطبعه
خلايا النفاق فى ال dna فى دمه
العواله و الشحاته حته من قلبه
عبادة فرعون فى الهندسه الوراثيه لجسده منذ فرعون الاول
الشعب المصرى كائن بيضوحباطى منحط اجهل من بهيمه اصبحت جيفه لانها لو كانت حيه تعلم واجباتها اليوميه

من اصدق ما قرات ✌️