حكايات البشر

[ASKAFRAWY]

شتان ما بين هذين الرجلين.

تسمحيلى يا دكتورة اعلق على هذه الجمله!الشخص الثانى لا يستحق ان يطلق عليه مسمى رجل
لان الرجل له معانى كثيره و منها الا يكون عالة على الناس و ان يكسب قوته من عرق جبينه
وان يكون مسؤؤل عن ما يفعله من تصرفات
اعتقد انه من الظلم ان يطلق عليه مسمى رجل ككثير مما نراهم من شباب اليومين دول ذوى التقليعات الغريبة و المسميات الغريبة!
اسف للمداخلة!ولكنه راى شخصى يمكن ان يختلف معه الاخرين

[muslimah_dentist]

لان الرجل له معانى كثيره و منها الا يكون عالة على الناس و ان يكسب قوته من عرق جبينه
وان يكون مسؤؤل عن ما يفعله من تصرفات
اعتقد انه من الظلم ان يطلق عليه مسمى رجل ككثير مما نراهم من شباب اليومين دول ذوى التقليعات الغريبة و المسميات الغريبة!

صدقت أخى الكريم

شتان بين الذكر و الرجل

[khaledim99]

بارك الله فيكي وجزاكي خير عن التذكرة وجعله في ميزان حسناتك

[نور القمر]

اسمحولي اشترك معكم بقصة حدثت منذ ايام

من عدة ايام وجدوا قتيل بالقرب من المنطقة التي اسكنها وتم القبض على احد الاشخاص بتهمة القتل وهو من جيران القتيل

وهذا المتهم في العقد الخامس من عمره و يعمل سمسارا للعقارت وقد تعامل معه زوجي منذ عدة سنوات في شراء شقه
ويشهد له بحسن الخلق والهدوء ودعى الله ان يكون مظلوم
وبالطبع في موقف مثل هذا لن يشغل الناس الا الكلام في هذه القضيه
وكان احد الاشخاص يتحدث معي في هذه القضية وقالي لي انها قضية شرف وان القاتل كان على علاقة بزوجة القتيل
يشهد الله اني شعرت بالاشمئزاز من الكلام ورديت عليه بعصبيه وقلت وما ادراك بهذا هل كنت معهم !!! وقلت له لا يجب ان نتناقل مثل هذا الكلام فيما بيننا وان هذا اسلوب العامة من الناس المتدنية المستوى الاخلاقي والثقافي ولا يجب ان نكون مثلهم
وقلت له اني سمعت احد الدعاة الاسلامين يقول ( ولا تخوضوا مع الخائضين ) حتى وان كان الخوض على راقصة

شعر بالخجل من نفسه بسبب كلامي واوقفنا الحوار في هذا الموضوع
بعد يوم او يومين حدثني نفس الشخص في نفس الموضوع وقال لي ان الشرطة افرجت عن المتهم بعد ما اثبت الطب الشرعي ان الوفاة نتيجة السقوط من البلكون
حمدت الله على هذا الخبر وان الله قد برأه من تهمتين اشد من بعضهما ويعدوا من كبائر الذنوب مع اني لا اعرف هذا الرجل ولم اره في حياتي ولم اسمع عنه الا بسبب هذه القضية

واخبرني ان الرجل لا يستطيع مغادرة منزله بسبب الآلام واثار الضرب من افراد الشرطة
لا حول ولا قوة الا بالله العلي العظيم لماذا هذا التسرع في الحكم على البشر سواء من عامة الناس المحيطة بالشخص او من افراد الشرطة الذين لم يراعوا كبر سنه او انه مازال بريء ما لم تثبت ادانته

وتخيلت انه من الممكن انا او اي شخص قريب الى قلبي يقع في مثل هذا المأزق كيف استيطع ان اتحمل موقف صعب مثل هذا؟؟!!
وتسائلت لماذا الناس بهذا السوء لماذا عندما تقع مصيبة لشخص نجد من حوله يسنوا سكاكينهم ليذبحوه بدل ان يساندوه في محنته ولو بالدعاء..

لا املك الا الدعاء لي وللجيمع ان يحفظنا الله من شرور انفسنا ومن شرور ذوي الانفس المريضة

[muslimah_dentist]

الحكاية ديه صعبة أوى يا نور و ابتلاء بالفعل شديد جداااااااااااااااااا

لكن الحمد لله أن الله سبحانه و تعالى أظهر الحق

و صدقتى حبيبتى فى الله عندما قلتى أن هناك نوعية من البشر ماتصدق تلاقى جنازة و تشبع فيها لطم

عافانا الله و اياكم من كل سوء

[muslimah_dentist]

بارك الله فيكي وجزاكي خير عن التذكرة وجعله في ميزان حسناتك

جزاك الله خيرا أخونا الكريم على مرورك و تواصلك

[muslimah_dentist]

معاكى حق يا مسلمة فى انسان يخجل يمد ايده ولو لاقتراض بعض المال

وانسان لا يخجل من التسول وقد ماتت فيه الرجولة والكرامة

صدقتى بسكوتة

و فيه شئ أنا ملاحظاه بشكل فظيع ان الفقراء بقى عندهم بجاحة بشكل غير طبيعى يعنى يقولك فى وشك أنا عايز كذا و كذا وكذا و مش أساسيات لأ بتبقى كماليات كمان

الفقير المُتعفف بالفعل نادر انك تلاقيه لأنه بيبقى مدارى و مش عايز حد يعرف عنه حاجة

[أشرف فتحى]

يا خبر...يعنى زى المثل ما بيقول ...يبقى موت وخراب ديار...الراجل متهم بالقتل وكمان يخوضوا فى عرضه......!!!!

لا حول ولا قوه الا بالله ...لا حول ولا قوه الا بالله...لا حول ولا قوه الا بالله.!!!!!

الحمد لله اللى ظهرت برأته ...وربنا يعوضه عن صبره ويجعل الظلم اللى وقع عليه كفاره لذنوبه....!!!!

[أشرف فتحى]

ممكن أحكى انا كمان حكايه؟؟

ولا أستنى شويه؟

[muslimah_dentist]

ممكن أحكى انا كمان حكايه؟؟

ولا أستنى شويه؟

احنا فى انتظار الحكاية

[muslimah_dentist]

الحكاية 68

عقبال ما اخونا أشرف يقولنا الحكاية كنت لازم أقولكم الحكاية ديه اللى حصلتلى النهاردة.

النهاردة و انا فى العيادات و كنت واقفة مع أطباء و طبيبات الامتياز فى العيادة لاقيت طبيب امتياز جاى يجرى عليا و يقولى: يا دكتورة الحقى فيه مريضة اغمى عليها و مش عارفين نعمل ايه

طبعا جريت عليها كانت لسة البنت مفقدتش وعيها تماما و كانت قاعدة فى غرفة التمريض فسندتها أنا و الممرضة عشان نحطها على وحدة من وحدات العمل بتاعتنا عشان نخلى راسها فى مستوى أقل من جسمها و نرفع رجليها فوق عشان نسمح ان الدم يوصل للمخ و أنا عمالة أقولهم :فضوا عيادة بسرعة و اعملوها فى الوضع النائم( يعنى الوضع اللى احنا شرحناه ان ارأس بتبقى واطية جدا و الرجل عالية)

فجأة البنت وقعت ع الأرض طبعا شلتها أنا و الممرضة ، بدأت أشلها من كتفها و الممرضة من رجليها ، و كل ده بيحصل البنت اتكشفت و أخوها قعد يقولى: استريها يا دكتورة

و ده بالفعل اللى أنا و الممرضة كنا بنحاول نعمله ان احنا و احنا شايلنها نحاول نسترها لأن جسمها تقريبا كله بان للأسف مع اليدى القصير جدا اللى كانت لابساه و الجيبة اللى وسطها ساقط بائت كل محاولاتى أنا و الممرضة بالفشل و ماكنش فى ايدينا نعمل حاجة غير ان احنا نشيلها بسرعة و ندخلها العيادة .

الشئ المُحزن جدا ان كل الأطباء الامتياز الرجال كانوا واقفين يتفرجوا على البنت و هى جسمها كله مكشوف و مفيش حياء أو احترام لحُرمة هذه الشابة الصغيرة.

دخلتها العيادة بسرعة و قلتلها:هاتولى مية بسكر بسرعة

و جبنا جهاز الضغط و قسنا ضغطها علطول

و البنت علطول فاقت و الحمد لله

و لكننى و رب الكعبة و هى مُتكشفة وضعت نفسى مكانها و تذكرت هذه المرأة العجوز التى أتت الى النبى محمد صلى الله عليه و سلم قائلة له : يا رسول الله انى أُصرع فادعو الله ان يشفينى

فقال لها رسول الله صلى الله عليه و سلم:ان شئتى دعوت الله لكى فيشفيكى و ان شئتى صبرتى و لكى الجنة

فقالت:بل أصبر يا رسول الله و لكننى أتكشف فادعو الله لى الا أتكشف

أين شابات اليوم و ما يرتدينه من ملابس قصيرة و بنطال له وسط ساقط من هذه المرأة العجوز التى ما أرادت غير الجنة موطنا و لكنها لا تريد أن تتكشف ، تريد ألا تُفضح على أحد فى الدنيا الا ما أحله الله سبحانه و تعالى لها.

أين شابات اليوم و ما يرتدينه من ملابس من هذه المعانى الجليلة.

و لكننى ما سكت عن هذا الأمر و قلت للفتاة عندما استعادت كامل وعيها: حبيبتى ابقى البسى تحت الهدوم بعد كدة حاجة طويلة عشان تسترك عشان لو لاقدر الله لو حصل الموقف ده تانى ما تتكشفيش أوى كدة

راحت الممرضة بصتلى و قالتلى :يا دكتورة شفتى دكاترة الامتياز كانوا عمالين يبصوا ازاى طيب مش عيب كدة ، طيب يروحوا فى حتة تانية و يحترموا الموقف

بصراحة ديه الحاجة التانية اللى تحزن موقف أطباء الامتياز و ما كان من موقفهم المخزى و أنهم أخذوا يتطلعوا على عورات هذه الشابة دون حياء أو غض للبصر ،،،،،،،،،هل هؤلاء هم أطباء المستقبل الذين يجب أن يُراعوا حُرمة مرضاهم،،،،،،،،،،،هل هؤلاء هم أطباء المستقبل الذين يجب أن يتقوا الله فى مرضاهم.................هل هؤلاء هم أطباء المستقبل الذين يجب أن يقوموا بستر المريض و لكنهم يفعلون العكس و هو التطلع على عوراتهم.................

حقا.............على الدنيا السلام

[أشرف فتحى]

بعد ما أخدت الاذن أبدا الحكايه.....

حكايه الدكتور عم احمد.....

أه والله....ليه؟.......هنعرف مع بعض.....

من فتره وقبل ما اتجوز ايام ما كان لو حد من العيله تعب لازم الكل يزوره..ولو حد عنده مناسبه الكل يجامله...وكله بيسأل على كله وكله عارف كله......كان ليا عم دخل المستشفى يعمل عمليه حصوات فى الكلى والحالب....

المهم لازم طبعا كلنا نزوره...واجب طبعا ...(طبعا دا كان زمان..!!!)

المهم والدى ووالدتى وانا واخويا الصغير رحنا على مستشفى المقاولون العرب.....وطبعا اللى يعرفها المستشفى دى على مرتفع عن الارض زى ما تكون مبنيه على اعلى هضبه او ان المقاولون العرب كانوا بيبرهنوا على امكاناتهم فى البناء....

الوقت كان شتا والدنيا كانت برد...بس المنظر من فوق حلو قوى...

منظر الشوارع فى الشتاء عموما والشمس متداريه ورا الغيوم بيخلينى أحس بحاجه كده غريبه....بس ببقى مبسوط..!!

المهم...اول مره اشوف النيرس الخوجايه....طبعا انا واخد على ام سيد بتاعه القصر العينى والقعاد على الرصيف فى الدمرداش ولتذكره بتاعه مستشفى الجامعه.....

الخوجايه سألتنا عايزين مين؟.....قلنالها.....

أديتنا رقم الغرفه.....طلعنا بالاسانسير....(ينهار ابيض اسانسير فى المستشفى؟!!...وشغال كمان؟!!!)

أول حاجه بعد السلام والتحيه المعتادين والف سلامه عليك و ربنا يقومك بالسلامه والحاجات دى.....

عمى فرجنا فيما يشبه الفخر الحصوات المستخرجه من جسمه ......

أيه ده؟!!!....كل ده؟؟؟

الحمد لله اللى كرمك وخرجت منك.....

طبعا احنا كأسره من الطبقه المتوسطه ومنكوبى الثوره......كان صعب ان عمى يكون فى الدرجه الاولى فبالتالى كان فى الدرجه زى ما بيسموها الجناح الاقتصادى فكان معاه شريك فى الغرفه.....

هو ده بقى بطل حكايتنا......

الراجل ده كان اسمه عم أحمد.......

كان لابس بيجامه كستور مقلمه بالطول ( أه بيجامه..فيها أيه دى؟!!!) وفوق البيجامه لزوم الوجاهه روب كاروهات على بنى او زيتى.....وكان بيفكرنى بالناس اللى كانوا بيطلعوا فى افلام عبد الوهاب القديمه عشان عامل شنب يالطول زى هتلر كده بس على مصرى....جسمه كان مليان شويه وعنده كرش محترم.......

عم احمد دخل معانا فى الكلام....

طبعا احنا عيب ندخل على مريضنا ونديله العصاير والشوكولاته ومنعبرش اللى معاه فى الغرفه ولا نشد الستاره اللى بينا وبينه ونحسسه انه ضيف رخم وتقييييييل .(مش بقولكوا الكلام ده من فتره كبيره )

المهم عم احمد لاقيته بيتكلم كلام علمى وبمصطلحات طبيه وعلميه سليمه....غريب جدا الراجل ده...!!!!!!

كل ما يتكلم الاقيه يحشر كلمات انجليزى......ويقعد يشرحلنا معلومات طبيه.....!!!!!

عم أحمد زى ما يكون حس انى مستغرب كلامه وتناقضها مع هيئته (كان بيفكرنى بحلاق الصحه بتاع الافلام )..!!!

- شكلك كده مش مقتنع بكلامى...

- لا أبدا انا بس أول مره أعرف أن اللحمه الجملى فيها فوايد كده....

- بص يبنى..أنا هنصحك نصيحه لله وانت شاب صغير يمكن تفتكرنى وتترحم عليا....

- ربنا يديك الصحه يا عم الحاج...إتفضل انا معاك..

- إسم الكريم أيه؟

- أشرف يا عمى.

- بص يا أشرف...انا كنت فى كليه الطب ...(تقريبا فى الزقازيق ..مش فاكر قوى.) وكنت شاطر جدا......لغايه ما ربنا قدر ووالدى اتوفى....

- الله يرحمه.

- تعيش يا حبيبى...انا كنت شاطر قوى وكنت من الاوائل فى ثانوى وكان خلاص فاضللى سنتين واخلص وابقى دكتور...

- طب أيه اللى حصل؟!
طبعا قلت هيقول سيبت الكليه عشان أشتغل واصرف على والدتى واخواتى والفيلم الهندى ده....بس الموضوع طلع غير كده....

فاصل ونواصل...

[أشرف فتحى]

أسف يا دكتوره مكنتش قريت مشاركه حضرتك والله....

بعتذر وأسيب فرصه لتعليقات الاخوه واستكمل حكايتى بعد كده...

أعتذر مره أخرى...

[zyadahmed]

الهجوم الحاد على المدرسين بسبب مدرس ( امتياز ) يعنى متعين جديد ... فاكرينه من كام شهر فى اسكندرية واللى قتل طفل برئ بسبب الرعونة وعدم الخبرة فى التدريس سجن 7 سنوات وضاع مستقبله ...... كان سبب فى تعميم الحكم على كل مدرسين مصر الشرفاء واللى لا ازكى نفسى على الله واحسبنى منهم كان سبب فى احباط شديد لدى المعلمين بسبب الظلم والتعميم فى الحكم

ارجع لحكاية حضرتك - واسمحى اشارك لاول مرة بعد كثير من القراءات على مدار الاشهر الماضية - برضوا اطباء الامتياز لسه شباب صغير عديم الخبرة وربنا يهديهم للصح ومش بيمثلوا كل الجيل القادم من الاطباء اكيد فى الاحسن من اللى حضرتك شوفتيهم - بتلقائية الشباب بيتفرجوا على اخت ( الله يهديها ) ضلت واضلت - ويا خوفى يكون كمان فى الاسوء لكن حضرتك وعن دون قصد عممتى حكمك على الجميع ورسمتى الصورة سوداء

وان شاء الله تكون افضل من كده لاننا فقدنا الثقة فى الجميع حتى الاطباء بعد ما تعددت فضائحهم المصورة مع مريضاتهم على النت ومحتاجين صوت يدافع عن كل طبيب شريف ومدرس شريف وضابط شرطة شريف ومهندس ووو...

وتحياتى لحضرتك يا دكتورة

[أشرف فتحى]

أخونا زياد الدكتوره مش هدفها التعميم....لكن صعوبه الموقف أصابتها بصدمه وزهول.....المفروض أن دول هيبقوا أطباء المستقبل اللى بيتكشف عليهم زوجاتنا وأخواتنا وبناتنا.....لما حضرتك تفكر تودى زوجتك لدكتور بتفكر الف مره فى امكانيه كونه غير أمين ...وبتدعى ربنا أنه يكون ملتزم وبيتقى الله فى العورات اللى بيتطلع عليها...بالتالى لما تشوف بنتك او اختك فرجه بتثور وبتبقى متضايق والدكتوره إعتبرتها أختها ....لم تعمم لان كل مهنه فيها الكويس والوحش..والطب زيه زى اى مجال فى الدنيا...مهنه وليس رساله لتخفيف الام الناس فقط..

يمكن المكانه الاجتماعيه للطبيب اللى بتخليه غلطته ملحوظه جدا...زى لو شفت ملتحى بيسب الدين والعياذ بالله..بتفكر فى ايه؟؟؟....هل بتعمم ان كل الملتحين والسنيه كده؟