حكايات البشر

[نور العمر]

ولا تعميم ولا متعميمش ؟؟؟؟؟؟ظ

اكتئاب لاكتئاب لاكتئاب
منه لله التليفزيون ... و القنوات والبرامج

آدي مدرس علم نفس محترم في إمبابة ... بيمارس الـ (؟)
مع سبع فتيات منهم اثنين اخوات ... وبرضاهم للأسف ( بس دي قضية مواقعة فتاة قاصر ) عندهم امتحانات ثانوية عامة تبدأ السبت
اتقبض عليه .. بعد تتبعه بسبب إنه كان بيصور الحالة ويوزع الكليب على سي دي على موبايل ... اتقبض عليه ... وسيتم التكتم على البنات وعدم استجوابهم إلا بعد الامتحانات .. كان البيه المحترم ... بيمارس
في المدرسة ... في بيت احد البنات ... في بيته

لا تربية ... ولا تعليم ... لا للأهالي ... ولا للمسئولين ... ودي مش أول حالة ... قبله مدرس علوم من سنة .... كان زمان المدرس لو حب تلميذته يتجوزها ...... عليكي يا دنيا السلام
مسخرة اخلاقية والله العظيم
وحسبي الله ونعم الوكيل

[muslimah_dentist]

أخونا زياد الدكتوره مش هدفها التعميم....لكن صعوبه الموقف أصابتها بصدمه وزهول.....المفروض أن دول هيبقوا أطباء المستقبل اللى بيتكشف عليهم زوجاتنا وأخواتنا وبناتنا.....لما حضرتك تفكر تودى زوجتك لدكتور بتفكر الف مره فى امكانيه كونه غير أمين ...وبتدعى ربنا أنه يكون ملتزم وبيتقى الله فى العورات اللى بيتطلع عليها...بالتالى لما تشوف بنتك او اختك فرجه بتثور وبتبقى متضايق والدكتوره إعتبرتها أختها ....لم تعمم لان كل مهنه فيها الكويس والوحش..والطب زيه زى اى مجال فى الدنيا...مهنه وليس رساله لتخفيف الام الناس فقط..

يمكن المكانه الاجتماعيه للطبيب اللى بتخليه غلطته ملحوظه جدا...زى لو شفت ملتحى بيسب الدين والعياذ بالله..بتفكر فى ايه؟؟؟....هل بتعمم ان كل الملتحين والسنيه كده؟

جزاك الله خيرا أخى أشرف على هذا الرد الجميل

بالفعل قدرت تعرف ما أردت ان أعنيه من وراء الحكاية

أخى الكريم زياد

جزاك الله خيرا على الرد و المداخلة الجميلة

أنا بقالى 5 سنين متعينة فى الجامعة و عدى عليا دفعات أشكال و ألوان

و مش عايزة أعمم و أقلبها غم

بس بالفعل مُنحنى الأخلاق فى تدنى مُستمر و ملحوظ و هذا للأسف الشديد

بداءا من كون الطالب كطالب حتى يصل معى الى طبيب امتياز و لن أقول لك أن كل الصورة سوداء قاتمة و لكننى أقولها و بكل صراحة أن الطبيب الأريب الحاذق لن يكون شرطا من شروط تفوقه العلمى تفوقه الخُلقى

فانى رأيت أطباء أفذاذ علميا و لكنهم أبعد ما يكونوا عن الأدب و الأخلاق و هذا للأسف الشديد و هذا ما يُدمى القلب سيدى

لأن فى نظرى الطب قبل أن تكون مهنة هى رسالة مُقدسة من حفظ الحُرمات و صون الأعراض فاذا كان الطبيب فى بداية حياته لا يتقى الله فى مرضاه و لا يغض البصر فكيف ستكون حياته فيما بعد و هذا ليس له داعى بالخبرة و لكنه بالخلق

و أى مجال به الكويس و الوحش

[muslimah_dentist]

بعد ما أخدت الاذن أبدا الحكايه.....

حكايه الدكتور عم احمد.....

أه والله....ليه؟.......هنعرف مع بعض.....

من فتره وقبل ما اتجوز ايام ما كان لو حد من العيله تعب لازم الكل يزوره..ولو حد عنده مناسبه الكل يجامله...وكله بيسأل على كله وكله عارف كله......كان ليا عم دخل المستشفى يعمل عمليه حصوات فى الكلى والحالب....

المهم لازم طبعا كلنا نزوره...واجب طبعا ...(طبعا دا كان زمان..!!!)

المهم والدى ووالدتى وانا واخويا الصغير رحنا على مستشفى المقاولون العرب.....وطبعا اللى يعرفها المستشفى دى على مرتفع عن الارض زى ما تكون مبنيه على اعلى هضبه او ان المقاولون العرب كانوا بيبرهنوا على امكاناتهم فى البناء....

الوقت كان شتا والدنيا كانت برد...بس المنظر من فوق حلو قوى...

منظر الشوارع فى الشتاء عموما والشمس متداريه ورا الغيوم بيخلينى أحس بحاجه كده غريبه....بس ببقى مبسوط..!!

المهم...اول مره اشوف النيرس الخوجايه....طبعا انا واخد على ام سيد بتاعه القصر العينى والقعاد على الرصيف فى الدمرداش ولتذكره بتاعه مستشفى الجامعه.....

الخوجايه سألتنا عايزين مين؟.....قلنالها.....

أديتنا رقم الغرفه.....طلعنا بالاسانسير....(ينهار ابيض اسانسير فى المستشفى؟!!...وشغال كمان؟!!!)

أول حاجه بعد السلام والتحيه المعتادين والف سلامه عليك و ربنا يقومك بالسلامه والحاجات دى.....

عمى فرجنا فيما يشبه الفخر الحصوات المستخرجه من جسمه ......

أيه ده؟!!!....كل ده؟؟؟

الحمد لله اللى كرمك وخرجت منك.....

طبعا احنا كأسره من الطبقه المتوسطه ومنكوبى الثوره......كان صعب ان عمى يكون فى الدرجه الاولى فبالتالى كان فى الدرجه زى ما بيسموها الجناح الاقتصادى فكان معاه شريك فى الغرفه.....

هو ده بقى بطل حكايتنا......

الراجل ده كان اسمه عم أحمد.......

كان لابس بيجامه كستور مقلمه بالطول ( أه بيجامه..فيها أيه دى؟!!!) وفوق البيجامه لزوم الوجاهه روب كاروهات على بنى او زيتى.....وكان بيفكرنى بالناس اللى كانوا بيطلعوا فى افلام عبد الوهاب القديمه عشان عامل شنب يالطول زى هتلر كده بس على مصرى....جسمه كان مليان شويه وعنده كرش محترم.......

عم احمد دخل معانا فى الكلام....

طبعا احنا عيب ندخل على مريضنا ونديله العصاير والشوكولاته ومنعبرش اللى معاه فى الغرفه ولا نشد الستاره اللى بينا وبينه ونحسسه انه ضيف رخم وتقييييييل .(مش بقولكوا الكلام ده من فتره كبيره )

المهم عم احمد لاقيته بيتكلم كلام علمى وبمصطلحات طبيه وعلميه سليمه....غريب جدا الراجل ده...!!!!!!

كل ما يتكلم الاقيه يحشر كلمات انجليزى......ويقعد يشرحلنا معلومات طبيه.....!!!!!

عم أحمد زى ما يكون حس انى مستغرب كلامه وتناقضها مع هيئته (كان بيفكرنى بحلاق الصحه بتاع الافلام )..!!!

- شكلك كده مش مقتنع بكلامى...

- لا أبدا انا بس أول مره أعرف أن اللحمه الجملى فيها فوايد كده....

- بص يبنى..أنا هنصحك نصيحه لله وانت شاب صغير يمكن تفتكرنى وتترحم عليا....

- ربنا يديك الصحه يا عم الحاج...إتفضل انا معاك..

- إسم الكريم أيه؟

- أشرف يا عمى.

- بص يا أشرف...انا كنت فى كليه الطب ...(تقريبا فى الزقازيق ..مش فاكر قوى.) وكنت شاطر جدا......لغايه ما ربنا قدر ووالدى اتوفى....

- الله يرحمه.

- تعيش يا حبيبى...انا كنت شاطر قوى وكنت من الاوائل فى ثانوى وكان خلاص فاضللى سنتين واخلص وابقى دكتور...

- طب أيه اللى حصل؟!
طبعا قلت هيقول سيبت الكليه عشان أشتغل واصرف على والدتى واخواتى والفيلم الهندى ده....بس الموضوع طلع غير كده....

فاصل ونواصل...

فى انتظار باقى الحكاية

[muslimah_dentist]

ولا تعميم ولا متعميمش ؟؟؟؟؟؟ظ

اكتئاب لاكتئاب لاكتئاب
منه لله التليفزيون ... و القنوات والبرامج

آدي مدرس علم نفس محترم في إمبابة ... بيمارس الـ (؟)
مع سبع فتيات منهم اثنين اخوات ... وبرضاهم للأسف ( بس دي قضية مواقعة فتاة قاصر ) عندهم امتحانات ثانوية عامة تبدأ السبت
اتقبض عليه .. بعد تتبعه بسبب إنه كان بيصور الحالة ويوزع الكليب على سي دي على موبايل ... اتقبض عليه ... وسيتم التكتم على البنات وعدم استجوابهم إلا بعد الامتحانات .. كان البيه المحترم ... بيمارس
في المدرسة ... في بيت احد البنات ... في بيته

لا تربية ... ولا تعليم ... لا للأهالي ... ولا للمسئولين ... ودي مش أول حالة ... قبله مدرس علوم من سنة .... كان زمان المدرس لو حب تلميذته يتجوزها ...... عليكي يا دنيا السلام
مسخرة اخلاقية والله العظيم
وحسبي الله ونعم الوكيل

لا حول و لا قوة الا بالله

انا لله و انا اليه راجعون

[أشرف فتحى]

بعد ما أخدت الاذن أبدا الحكايه.....

حكايه الدكتور عم احمد.....

أه والله....ليه؟.......هنعرف مع بعض.....

من فتره وقبل ما اتجوز ايام ما كان لو حد من العيله تعب لازم الكل يزوره..ولو حد عنده مناسبه الكل يجامله...وكله بيسأل على كله وكله عارف كله......كان ليا عم دخل المستشفى يعمل عمليه حصوات فى الكلى والحالب....

المهم لازم طبعا كلنا نزوره...واجب طبعا ...(طبعا دا كان زمان..!!!)

المهم والدى ووالدتى وانا واخويا الصغير رحنا على مستشفى المقاولون العرب.....وطبعا اللى يعرفها المستشفى دى على مرتفع عن الارض زى ما تكون مبنيه على اعلى هضبه او ان المقاولون العرب كانوا بيبرهنوا على امكاناتهم فى البناء....

الوقت كان شتا والدنيا كانت برد...بس المنظر من فوق حلو قوى...

منظر الشوارع فى الشتاء عموما والشمس متداريه ورا الغيوم بيخلينى أحس بحاجه كده غريبه....بس ببقى مبسوط..!!

المهم...اول مره اشوف النيرس الخوجايه....طبعا انا واخد على ام سيد بتاعه القصر العينى والقعاد على الرصيف فى الدمرداش ولتذكره بتاعه مستشفى الجامعه.....

الخوجايه سألتنا عايزين مين؟.....قلنالها.....

أديتنا رقم الغرفه.....طلعنا بالاسانسير....(ينهار ابيض اسانسير فى المستشفى؟!!...وشغال كمان؟!!!)

أول حاجه بعد السلام والتحيه المعتادين والف سلامه عليك و ربنا يقومك بالسلامه والحاجات دى.....

عمى فرجنا فيما يشبه الفخر الحصوات المستخرجه من جسمه ......

أيه ده؟!!!....كل ده؟؟؟

الحمد لله اللى كرمك وخرجت منك.....

طبعا احنا كأسره من الطبقه المتوسطه ومنكوبى الثوره......كان صعب ان عمى يكون فى الدرجه الاولى فبالتالى كان فى الدرجه زى ما بيسموها الجناح الاقتصادى فكان معاه شريك فى الغرفه.....

هو ده بقى بطل حكايتنا......

الراجل ده كان اسمه عم أحمد.......

كان لابس بيجامه كستور مقلمه بالطول ( أه بيجامه..فيها أيه دى؟!!!) وفوق البيجامه لزوم الوجاهه روب كاروهات على بنى او زيتى.....وكان بيفكرنى بالناس اللى كانوا بيطلعوا فى افلام عبد الوهاب القديمه عشان عامل شنب يالطول زى هتلر كده بس على مصرى....جسمه كان مليان شويه وعنده كرش محترم.......

عم احمد دخل معانا فى الكلام....

طبعا احنا عيب ندخل على مريضنا ونديله العصاير والشوكولاته ومنعبرش اللى معاه فى الغرفه ولا نشد الستاره اللى بينا وبينه ونحسسه انه ضيف رخم وتقييييييل .(مش بقولكوا الكلام ده من فتره كبيره )

المهم عم احمد لاقيته بيتكلم كلام علمى وبمصطلحات طبيه وعلميه سليمه....غريب جدا الراجل ده...!!!!!!

كل ما يتكلم الاقيه يحشر كلمات انجليزى......ويقعد يشرحلنا معلومات طبيه.....!!!!!

عم أحمد زى ما يكون حس انى مستغرب كلامه وتناقضها مع هيئته (كان بيفكرنى بحلاق الصحه بتاع الافلام )..!!!

- شكلك كده مش مقتنع بكلامى...

- لا أبدا انا بس أول مره أعرف أن اللحمه الجملى فيها فوايد كده....

- بص يبنى..أنا هنصحك نصيحه لله وانت شاب صغير يمكن تفتكرنى وتترحم عليا....

- ربنا يديك الصحه يا عم الحاج...إتفضل انا معاك..

- إسم الكريم أيه؟

- أشرف يا عمى.

- بص يا أشرف...انا كنت فى كليه الطب ...(تقريبا فى الزقازيق ..مش فاكر قوى.) وكنت شاطر جدا......لغايه ما ربنا قدر ووالدى اتوفى....

- الله يرحمه.

- تعيش يا حبيبى...انا كنت شاطر قوى وكنت من الاوائل فى ثانوى وكان خلاص فاضللى سنتين واخلص وابقى دكتور...

- طب أيه اللى حصل؟!
طبعا قلت هيقول سيبت الكليه عشان أشتغل واصرف على والدتى واخواتى والفيلم الهندى ده....بس الموضوع طلع غير كده....

فاصل ونواصل...

عدنا.......

عم الدكتور احمد عبد المقصود....كمل كلامه.....

- والدى لما اتوفى كنت انا الوريث الوحيد ووالدى كان سايب فلوس بالهبل واملاك ملهاش عدد....

ولما لقيت كده وانا عيل صغير وامى عمرها ما رفضتلى طلب ...الدنيا اتغيرت قدامى....إتلم عليا عيلين....زى ما بيقولوا رفاق السوء ...بقيت أسهر وأسكر وأعمل كل حاجه.....

إشتريت عربيه بيجو....بقيت مشهور فى كل حته......

منين ما أروح الارض تتفرش قدامى ورد مش رمل......اتعلمت السهر والسكر والحشيش......

سافرت فرنسا .....عيشت ايامى بالطول والعرض.....سيبت دراستى وحالى ومالى ومبقاش همى غير الصرمحه والسكر وكل اللى فى بالك......

فلوس ابويا قعدت سنين لغايه ما قربت تخلص....

أمى اتحايلت عليا ارجع وانا أبدا.......

لغايه ما ماتت الله يرحمها.....

- الله يرحمها.

- وبعدين فوقت لنفسى لاقيتنى ضيعت نفسى وضيعت فلوسى ومفيش حد جنبى.....ولا أب ولا ام ولا زوجه ولا اولاد.......ولا حتى أصحابى اللى كنت بصرف عليهم....طب تصدق انى اديت عربيتى البيجو الاولانيه لواحد منهم هديه..!!!!!

وادينى اهه...ربنا وحده اللى يعلم....انا ندمان أد أيه....ولو الزمان يرجع بيا مكنتش عملت كده....اوعى يبنى واصحابك....اوعى تطاوع شيطانك......ربنا يستر طريقك انت واللى زيك....

- ربنا يخليك.....

خلصت الزياره.....مشيت وانا فاكر كل كلمه الراجل قالها.....فكرت فى اصحابى...مين هيطلع بيا فوق...ومين هينزل بيا تحت...!!!

يقول رسول الله صلى الله عليه وسلم " المرء على دين خليله فلينظر أحكم من يخالل "صدق الرسول الكريم

[muslimah_dentist]

قصة جميلة كالمعتاد

لهذا قيل الصاحب ساحب

جزاك الله خيرا

[pop3]

الحكاية 68



عقبال ما اخونا أشرف يقولنا الحكاية كنت لازم أقولكم الحكاية ديه اللى حصلتلى النهاردة.



النهاردة و انا فى العيادات و كنت واقفة مع أطباء و طبيبات الامتياز فى العيادة لاقيت طبيب امتياز جاى يجرى عليا و يقولى: يا دكتورة الحقى فيه مريضة اغمى عليها و مش عارفين نعمل ايه



طبعا جريت عليها كانت لسة البنت مفقدتش وعيها تماما و كانت قاعدة فى غرفة التمريض فسندتها أنا و الممرضة عشان نحطها على وحدة من وحدات العمل بتاعتنا عشان نخلى راسها فى مستوى أقل من جسمها و نرفع رجليها فوق عشان نسمح ان الدم يوصل للمخ و أنا عمالة أقولهم :فضوا عيادة بسرعة و اعملوها فى الوضع النائم( يعنى الوضع اللى احنا شرحناه ان ارأس بتبقى واطية جدا و الرجل عالية)



فجأة البنت وقعت ع الأرض طبعا شلتها أنا و الممرضة ، بدأت أشلها من كتفها و الممرضة من رجليها ، و كل ده بيحصل البنت اتكشفت و أخوها قعد يقولى: استريها يا دكتورة



و ده بالفعل اللى أنا و الممرضة كنا بنحاول نعمله ان احنا و احنا شايلنها نحاول نسترها لأن جسمها تقريبا كله بان للأسف مع اليدى القصير جدا اللى كانت لابساه و الجيبة اللى وسطها ساقط بائت كل محاولاتى أنا و الممرضة بالفشل و ماكنش فى ايدينا نعمل حاجة غير ان احنا نشيلها بسرعة و ندخلها العيادة .



الشئ المُحزن جدا ان كل الأطباء الامتياز الرجال كانوا واقفين يتفرجوا على البنت و هى جسمها كله مكشوف و مفيش حياء أو احترام لحُرمة هذه الشابة الصغيرة.



دخلتها العيادة بسرعة و قلتلها:هاتولى مية بسكر بسرعة


و جبنا جهاز الضغط و قسنا ضغطها علطول



و البنت علطول فاقت و الحمد لله



و لكننى و رب الكعبة و هى مُتكشفة وضعت نفسى مكانها و تذكرت هذه المرأة العجوز التى أتت الى النبى محمد صلى الله عليه و سلم قائلة له : يا رسول الله انى أُصرع فادعو الله ان يشفينى


فقال لها رسول الله صلى الله عليه و سلم:ان شئتى دعوت الله لكى فيشفيكى و ان شئتى صبرتى و لكى الجنة


فقالت:بل أصبر يا رسول الله و لكننى أتكشف فادعو الله لى الا أتكشف



أين شابات اليوم و ما يرتدينه من ملابس قصيرة و بنطال له وسط ساقط من هذه المرأة العجوز التى ما أرادت غير الجنة موطنا و لكنها لا تريد أن تتكشف ، تريد ألا تُفضح على أحد فى الدنيا الا ما أحله الله سبحانه و تعالى لها.



أين شابات اليوم و ما يرتدينه من ملابس من هذه المعانى الجليلة.



و لكننى ما سكت عن هذا الأمر و قلت للفتاة عندما استعادت كامل وعيها: حبيبتى ابقى البسى تحت الهدوم بعد كدة حاجة طويلة عشان تسترك عشان لو لاقدر الله لو حصل الموقف ده تانى ما تتكشفيش أوى كدة



راحت الممرضة بصتلى و قالتلى :يا دكتورة شفتى دكاترة الامتياز كانوا عمالين يبصوا ازاى طيب مش عيب كدة ، طيب يروحوا فى حتة تانية و يحترموا الموقف



بصراحة ديه الحاجة التانية اللى تحزن موقف أطباء الامتياز و ما كان من موقفهم المخزى و أنهم أخذوا يتطلعوا على عورات هذه الشابة دون حياء أو غض للبصر ،،،،،،،،،هل هؤلاء هم أطباء المستقبل الذين يجب أن يُراعوا حُرمة مرضاهم،،،،،،،،،،،هل هؤلاء هم أطباء المستقبل الذين يجب أن يتقوا الله فى مرضاهم.................هل هؤلاء هم أطباء المستقبل الذين يجب أن يقوموا بستر المريض و لكنهم يفعلون العكس و هو التطلع على عوراتهم.................



حقا.............على الدنيا السلام

السلام عليكم ورحمة الله.

إستشفيت من الموقف أبعاد قلما نلقيها مجتمعه في موقف واحد:

* فقدان الإحتشام للرجل و المرأه إلا من رحم ربي ... شباب لابسين بناطيل ساقطه و بحجر واسع و تي شيرت فصير , وبنات لابسه طرحه قد رأس الأسد و بدي هيفرقع وطبعا الباقي عارفينه.

* غياب التربيه , لأن أكيد الشاب والبنت دول خارجين من بيوت فيها أب و أم و أخ كبير و عيله ولكن إذا إتكلم الأخ مثلا تلاقي الأم للأسف ترد تقول ماهو ده إلي موجود في السوق وكل البنات إلي في سنها لا بسين كده ولا أنت عايز تعقد البنت في السن ده.... وتسأل الأب يقولك دي لسه صغيره أهو شباب بقه عايز يعيش حياته.

* غياب دور المجتمع ككل , بمعني كان زمان لو واحده لابسه مش كويس أو واحد أخلاقه وحشه كنت تلاقي أكنر من جار يجتمعوا برب البيت وينصحوه ويقولوا له عيب و ميصحش وده مش دينا و مش عادتنا ولا تقاليدنا فيحرج رب المنزل و ينزل على رغبة ناصحيه ولو فضل الحال كما هو بتبقي العيله منبوذه من المجتمع إلي عايشه جواه.

* الإعلام وحسبي الله ونعم الوكيل , حدث ولا حرج ولا في أي دور إعلامي لإصلاح المجتمع و تفرغ الإعلام للمنتخب و إنتخابات الزمالك و مناقشه مصر في عيون خالد يوسف.


والله العظيم في رمضان السابق أخدت والدتي و أختي و زوجتي للمسجد إلي بصلي فيه القيام لإعجابي الشديد بصوت الإمام و خظبة الإستراحه و الجو الروحاني الرائع , وبعد الصلاه؟؟؟؟ أمي بتحكيلي في حصره وبتقولي على الإقبال الشديد من الفتايات لكن للأسف بـــ make up وفتايات معندهاش أدني فكره عن قدسبة المسجد و الصلاه لدرجة إن في فتاه تحدثت مع إمره وبتقولها " إستنيني يا طنط أنا هاجيب لحضرتك صورتي و أرجعلك على طول " ولا حول ولا قوة إلا بالله هو أرحم الراحمين بقى المسجد ملتقي للراغبات في الزواج وليس للصلاه و العباده ... مش عيب إن أم تنتقي عروس لإبنها من المسجد إستشفت فيها الدين و الأخلاق لكن العيب هو لما بكون هو ده المقصد من الحضور للمسجد.


لكن على الجانب الآخر ... فيه شباب و شابات ماشاء الله حاجه تفرج بجد , في نفس الصلاه المحببه إلي قلبي أجد العجوز المعاق إعاقه شبه كامله ويكمل باقي الصلاه ويخدمه شابين لا يتاجاوزا 15 سنه و أجد الشباب من مختلف الأعمار و الوجوه المضيئه بالإيمان لدرجة إحساسي بالتقصبر الشديد لعدم بكائي في آيه بكي فيها شاب بجواري لم يتجاوز ال 20 ,وأجد فتايات يلبسن ثياب العفه و الطهر وتعرفهم من خطواتهم في الطريق مسرعات للمنزل منكسات الرأس خشية أن يصيب النظر ما يحرم الله.

اللهم إهدي شباب المسلمين
اللهم إهدي فتايات المسلمين
اللهم إهدي السلمين جميعا لما تحب و ترضي اللهم آمين

[muslimah_dentist]

السلام عليكم ورحمة الله.

إستشفيت من الموقف أبعاد قلما نلقيها مجتمعه في موقف واحد:

* فقدان الإحتشام للرجل و المرأه إلا من رحم ربي ... شباب لابسين بناطيل ساقطه و بحجر واسع و تي شيرت فصير , وبنات لابسه طرحه قد رأس الأسد و بدي هيفرقع وطبعا الباقي عارفينه.

* غياب التربيه , لأن أكيد الشاب والبنت دول خارجين من بيوت فيها أب و أم و أخ كبير و عيله ولكن إذا إتكلم الأخ مثلا تلاقي الأم للأسف ترد تقول ماهو ده إلي موجود في السوق وكل البنات إلي في سنها لا بسين كده ولا أنت عايز تعقد البنت في السن ده.... وتسأل الأب يقولك دي لسه صغيره أهو شباب بقه عايز يعيش حياته.

* غياب دور المجتمع ككل , بمعني كان زمان لو واحده لابسه مش كويس أو واحد أخلاقه وحشه كنت تلاقي أكنر من جار يجتمعوا برب البيت وينصحوه ويقولوا له عيب و ميصحش وده مش دينا و مش عادتنا ولا تقاليدنا فيحرج رب المنزل و ينزل على رغبة ناصحيه ولو فضل الحال كما هو بتبقي العيله منبوذه من المجتمع إلي عايشه جواه.

* الإعلام وحسبي الله ونعم الوكيل , حدث ولا حرج ولا في أي دور إعلامي لإصلاح المجتمع و تفرغ الإعلام للمنتخب و إنتخابات الزمالك و مناقشه مصر في عيون خالد يوسف.

هذه الأشياء التى استشفتها سيدى الفاضل و قلت انها قلما تجتمع فى آن واحد

للأسف أقول لك اننى أراها كثيرا مُجتمعة فى آن واحد

ربنا لا تأخذنا بذنب السفهاء منها و ارحمنا برحمتك الواسعة يا أرحم الراحمين

[muslimah_dentist]

سؤال عاجل و الاستشارة مطلوبة من الجميع

عايزة أسألكم فى حاجة النهاردة و عارفة انى هأسأل عقول واعية محترمة و أرجو ألا تبخلوا على بالاجابة

انتوا عارفين طبعا ان الأيام ديه أيام الامتحانات و احنا المعيدين و الهيئة التعليمية فى الجامعة بتبقى عندها مراقبات أو شغل فى الكونترول و خلافه

و عارفين طبعا انى مأبكرهش حاجة فى حياتى زى الغش و عمرى مابأسمح بيه فى لجنة من اللجان

السنة ديه كان مُقرر لى يومين مراقبة ، رحت الأسبوع اللى فات يوم السبت أول مراقبة و كانت دفعة الغش فيها على ودنه و كهربت اللجنة و ماسمحتش بالغش اطلاقا مُطلقا بتاتا و كان فيه طالب حصل معاه موقف معين و حصلت بينى و بينه مشادة كلامية

المهم نجى للسؤال........المراقبة التانية بتاعتى كانت مُقررة يوم الأحد القادم .........ألاقى ايه اللى يحصل واحد زميلى فى القسم بيتصل بيا من يومين و يقولى: يا دكتورة مراقبتك بتاعة يوم الأحد اتلغت و واحدة أخدتها بدالك؟
قلتله: ليه يعنى عايزين الطلبة يغشوا براحتهم و لا ايه؟
قالى:لا يا دكتورة مفيش حاجة هو بس كان فيه دكتورة عايزة تبقى فى اللجنة مع صاحبتها فأخدت مكانك

طبعا موقف غريب جدا و أول مرة يحصل ..........يا ترى حصل ليه بالظبط؟؟؟؟؟؟؟؟

عايزين يريحونى من هم المراقبة و لا يرتاحوا منى؟؟؟؟؟؟؟؟؟؟؟؟؟؟

منتظرة اجاباتكم

[zyadahmed]

جايز خايفين على الطلبة منك !!!!!!!!! او خايفين عليكى من الطالب ؟؟؟؟؟؟؟؟؟؟؟؟؟؟

انتى اللى تقدرى تحددى انا كنت فى مدرسة خاصة فى قطر اغلى مدرسة ثانوية وفيها صفوة المجتمع ( الزبدة ) زى ما بيقولوا اهل قطر وزميل اتشدد مع الطلاب ومنهم طالب من عيلة فوووووووق قوى وعمل له محضر غش المدير طبعا حفظه لحد ما يجى ولى الامر تخيلى قال ايه ؟؟؟؟؟؟؟؟؟؟؟؟؟؟
اقسم والده انه هايقتل المدرس لو ما اتنزلش عن المحضر وكان صادق
المهم زميلنا قال ما يهمنيش وانا كده كده مستتقيل وكلها ايام وماشى وصمم وكاد ان يقتل ورجع عن رأيه واتنازل .....
مش باقول كده عشان حاجة لكن ده موقف اتذكرته دلوقتى لما قريت موضوعك مش عارف ليه ؟؟؟؟؟؟؟؟؟
يا ترى حد يعرف ؟ وربنا يثبتك على ما انتى فيه

انا مش باسمح بالغش لكن مع احترامى ليكى ومع خبرتى عرفت ان فى اسلوب ممكن الطالب يتقبله وفى اسلوب بيخليه يصعد الموقف ويحتك بالمراقب وانا عمرى ما حطيت نفسى ند للطالب

[muslimah_dentist]

انا مش باسمح بالغش لكن مع احترامى ليكى ومع خبرتى عرفت ان فى اسلوب ممكن الطالب يتقبله وفى اسلوب بيخليه يصعد الموقف ويحتك بالمراقب وانا عمرى ما حطيت نفسى ند للطالب

رأى حضرتك يُحترم للغاية

و أنا عمرى ما خليت نفسى ند للطالب

و عشان أوضحلك الصورة اكتر أنا أما بأراقب على الطلبة بأكون بروح طيبة معاهم بس مش معنى كدة انى أسمحلهم يأخدوا مجهود غيرهم أو ينجحوا و خلاص لأنه هيبقى بعد كدة طبيب و بيتعامل مع بشر و مفروض مايبقاش انسان غشاش

بالنسبة للموقف اللى حصلى مع الطالب هأضظر أحكيه عشان الصورة تيقى واضحة قدامكم

من أول ما اللجنة بدأت لاقيت طالب بيقولى: عايز أدخل الحمام

طبعا موضوع الحمامات ده أمر مشكوك فيه و طبعا البراشيم و الكتب و الذى منه فاتصلنا بدكتور فى الكونترول و قلناله : نعمل ايه
قال: الموضوع فى ايديكم يا اما تدخلوه يا اما ل
فقلناله:حضرتك ممكن تبقى معاه لأنه طالب و ماكنش فيه معانا فى المراقبة دكتور رجل
قال:لأ أنا مشغول

فخليت عامل يروح مع الطالب و قلت للعامل حاول تفتشه و شوف معاه أى حاجة ( طبعا ممكن يكون ظبط العامل لأن العامل مش زى الدكتور لأن الدكتور ممكن يكشف أى حالة غش و الطالب هيخاف منه)

لاقيت بعد فترة من الزمن طالب تانى بيقول عايز أدخل الحمام( ايه ليلتكم الحلوة ديه بأه) واضح ان سيل المعلومات بيجى فى الحمام و خلينا عامل يروح معاه برده

طبعا من أول ما اللجنة بدات و أنا مأقعدتش 3 ساعات متواصلة و مش عايزة أقولكم ان فى 3 ساعات دول ماعدتش دقيقة غير و بأشوف ناس بتغش من بعض و كنت بألف حوالين نفسى بس طبعا مصلحة الطلاب تهمنى فى المقام الأول و كنت باحاول أريحهم لو طلبه أى حاجة لو عايزين يشربوا مية ، حاجة ساقعة ، بسكوت لدرجة انى حسيت انى قاعدة فى قطر مش لجنة ناقص نجيب فيها حمص و حلاوة.

بعد نص الوقت تقريبا طالب تالت قالى :عايز أدخل الحمام

الموضوع كدة بأه قلب شك مية بالمية قلتله : طيب استنى شوية
كان فى الوقت ده دكتور المادة واقف فى اللجنة و اللجنة زحمة من موظفين و المراقبين فرحت لموظفة من شئون الطلاب قلتلها: نعمل ايه فى الطلبة اللى عايزين يدخلوا الحمام دول و الواحد شاكك فى أمرهم
قالتلى: طنيشيه يا دكتورة

بس ممكن يكون عايز يدخل الحمام فعلا ( الدفعة ديه أنا كنت بأديها فى السكاشن بس مأتعاملتش قبل كدة مع أولاد الدفعة كان كل تعاملى مع البنات لأن احنا كنا مقسيمنهم جروبات فكنت عارفة بنات الدفعة كويس) رحت لبنت عارفة انها مؤدبة و شاطرة قلتلها: زميلك اللى وراكى ده نظامه ايه أما بيكون عايز يدخل الحمام بيغش و لا ايه بالظبط؟

راحت قالتلى : يا دكتورة لأ بيغش للأسف

قلتلها: يعنى بيحطوا برشام و ورق معاهم

راحت قالتلى: فيه دكتور طلع قبل كدة كتاب من تحت تى شيرت واحد فيهم

طبعا الشك دلوقتى كبر جدااااااااااااااااااا

فرحت للطالب و قولتله: مفيش دخول حمام

راح قفل الورقة و بصلى زى ما أكون قتلته حد و انتهز فرصة انشغالى مع دكتور المادة و بالتفت عشان أشوف مكانه ألاقيه مش فى مكانه راح للمعيدات اللى بيراقبوا معايا و قالهم أنا عايز أدخل الحمام و الدكتورة قالتلى استنى ( يعنى كدب كمان)

أظن الشك دلوقتى اتحول ليقين

بس أنا ماسكتش و رحت لدكتور المادة و حكيتله الموقف و علم على ورقة الطالب بس انا عارفة دكتور المادة ديه كويس جدا و روحتله برة اللجنة و قلتله : يا دكتور مش عايزة حضرتك تأذيه

قالى: يا دكتورة أنا مش هأذيه بس هأشوف لو فيه حاجة مشخبط عليها يبقى غشها ( الامتحان كان امتحان أكمل و من اختيار للمتعدد)

اللجنة خلصت لاقيت الطالب ده بعد اللجنة جى يعلى صوته و يتكلم معايا زى ما أكون مستقصداه و طبعا حطيت الموقف عند حده .

هو ده تقريبا اللى حصل

[pop3]

رأى حضرتك يُحترم للغاية

و أنا عمرى ما خليت نفسى ند للطالب

و عشان أوضحلك الصورة اكتر أنا أما بأراقب على الطلبة بأكون بروح طيبة معاهم بس مش معنى كدة انى أسمحلهم يأخدوا مجهود غيرهم أو ينجحوا و خلاص لأنه هيبقى بعد كدة طبيب و بيتعامل مع بشر و مفروض مايبقاش انسان غشاش

بالنسبة للموقف اللى حصلى مع الطالب هأضظر أحكيه عشان الصورة تيقى واضحة قدامكم

من أول ما اللجنة بدأت لاقيت طالب بيقولى: عايز أدخل الحمام

طبعا موضوع الحمامات ده أمر مشكوك فيه و طبعا البراشيم و الكتب و الذى منه فاتصلنا بدكتور فى الكونترول و قلناله : نعمل ايه
قال: الموضوع فى ايديكم يا اما تدخلوه يا اما ل
فقلناله:حضرتك ممكن تبقى معاه لأنه طالب و ماكنش فيه معانا فى المراقبة دكتور رجل
قال:لأ أنا مشغول

فخليت عامل يروح مع الطالب و قلت للعامل حاول تفتشه و شوف معاه أى حاجة ( طبعا ممكن يكون ظبط العامل لأن العامل مش زى الدكتور لأن الدكتور ممكن يكشف أى حالة غش و الطالب هيخاف منه)

لاقيت بعد فترة من الزمن طالب تانى بيقول عايز أدخل الحمام( ايه ليلتكم الحلوة ديه بأه) واضح ان سيل المعلومات بيجى فى الحمام و خلينا عامل يروح معاه برده

طبعا من أول ما اللجنة بدات و أنا مأقعدتش 3 ساعات متواصلة و مش عايزة أقولكم ان فى 3 ساعات دول ماعدتش دقيقة غير و بأشوف ناس بتغش من بعض و كنت بألف حوالين نفسى بس طبعا مصلحة الطلاب تهمنى فى المقام الأول و كنت باحاول أريحهم لو طلبه أى حاجة لو عايزين يشربوا مية ، حاجة ساقعة ، بسكوت لدرجة انى حسيت انى قاعدة فى قطر مش لجنة ناقص نجيب فيها حمص و حلاوة.

بعد نص الوقت تقريبا طالب تالت قالى :عايز أدخل الحمام

الموضوع كدة بأه قلب شك مية بالمية قلتله : طيب استنى شوية
كان فى الوقت ده دكتور المادة واقف فى اللجنة و اللجنة زحمة من موظفين و المراقبين فرحت لموظفة من شئون الطلاب قلتلها: نعمل ايه فى الطلبة اللى عايزين يدخلوا الحمام دول و الواحد شاكك فى أمرهم
قالتلى: طنيشيه يا دكتورة

بس ممكن يكون عايز يدخل الحمام فعلا ( الدفعة ديه أنا كنت بأديها فى السكاشن بس مأتعاملتش قبل كدة مع أولاد الدفعة كان كل تعاملى مع البنات لأن احنا كنا مقسيمنهم جروبات فكنت عارفة بنات الدفعة كويس) رحت لبنت عارفة انها مؤدبة و شاطرة قلتلها: زميلك اللى وراكى ده نظامه ايه أما بيكون عايز يدخل الحمام بيغش و لا ايه بالظبط؟

راحت قالتلى : يا دكتورة لأ بيغش للأسف

قلتلها: يعنى بيحطوا برشام و ورق معاهم

راحت قالتلى: فيه دكتور طلع قبل كدة كتاب من تحت تى شيرت واحد فيهم

طبعا الشك دلوقتى كبر جدااااااااااااااااااا

فرحت للطالب و قولتله: مفيش دخول حمام

راح قفل الورقة و بصلى زى ما أكون قتلته حد و انتهز فرصة انشغالى مع دكتور المادة و بالتفت عشان أشوف مكانه ألاقيه مش فى مكانه راح للمعيدات اللى بيراقبوا معايا و قالهم أنا عايز أدخل الحمام و الدكتورة قالتلى استنى ( يعنى كدب كمان)

أظن الشك دلوقتى اتحول ليقين

بس أنا ماسكتش و رحت لدكتور المادة و حكيتله الموقف و علم على ورقة الطالب بس انا عارفة دكتور المادة ديه كويس جدا و روحتله برة اللجنة و قلتله : يا دكتور مش عايزة حضرتك تأذيه

قالى: يا دكتورة أنا مش هأذيه بس هأشوف لو فيه حاجة مشخبط عليها يبقى غشها ( الامتحان كان امتحان أكمل و من اختيار للمتعدد)

اللجنة خلصت لاقيت الطالب ده بعد اللجنة جى يعلى صوته و يتكلم معايا زى ما أكون مستقصداه و طبعا حطيت الموقف عند حده .

هو ده تقريبا اللى حصل

طبعا الموضوع مش قصة إنهم عايزين يريحوكي أو حتى يرتاحوا منك لا سمح الله ... عايزه تعرفي التفسبر هتلاقيه في رد دكتور الكونترول عليكم لما سألتوه نعمل إيه مع موضوع الحمام ده ؟ ورد عليكم بمنتهي الهروب من المسئوليه " والله الموضوع راجع ليكم إنتم " ده طبعا علشان لما يحصل مشاكل بسبب السماح بدخول الحمامات وحدوث حالات غش أو المنع التام وحدوث إعتراضات لدي الطلبه ووصول الأمر في النهاية للعميد \او الشخص المسئول يبقي كده هو أخلي نفسه من المسئوليه تماما من البدايه وريح دماغه أهو دي الجمله بقه إلي هي السبب يا دكنوره , هم مش عايزين مشاكل في اللجنه حتي لو بسبب غش واضح وبين لطالب من الطلبه, عايزين يريجوا دماغهم حتى لو على حساب التخلي عن مسئولية التصدي للغش.

العيب مش فيكي يادكتوره ولا في الطالب العيب في المنظومه كلها.

كلمه صغيره لجضرتك : عند حدوث حالة غش أمامك تعاملي معاها بمنتها الحزم طبقا للقانون دون الدخول في مناقشات و حوارات مع الطالب " يعني في صمت وحزم تام " لأنه في الحاله دي معندوش حاجه يبكي عليها و ردود أفعاله بتبقي غير محسوبه وطبعا لو زود عن كده بألفاظ خارجه أو تلميحات غير مقبوله برده ينفذ عليه مايقابله من عقوبه غير حرمانه من إمتحان الماده إلي غش فيها.

ملحوظه صغيره برده مش قادر أعديها : هو يعني إيه في دكنوره زميلتك أخدت مكانك علشان عايزه تراقب مع صاحبتها في نقس اللجنه ؟ " ومش عايزه اللجنه يبقي فيها غش؟؟؟؟" ده هيبقي فيها مراجيح مش غش

واسف لو تعليقاتي حاده شويه لكن ده بسبب إن الأمل في إصلاح الأمه دي يبتدي بالتعليم فلو ده حال التعليم في مصر يبقي " مفيش فايده "

[zyadahmed]

اكيد انتى صح وانا صح وكل الى بيمنع الغش صح وفى النهاية لا يصح الا الصحيح

وكما قال رسول الله صلى الله عليه وسلم ( فيما معنى الحديث ) القابض على دينه كالقابض على جمرة من نار

اعانك الله ووفقك للخير وبارك لك فى ضميرك اللى هو الضمير الجمعى للامة .... يعنى ايه يعنى يعالجنى دكتور كان غشاش وهو

طالب ولا يعلمنى مدرس غش المعلومات اللى مفروض يعلمها لى ولا مهندس يبنى بيت ولا يراقب جودة منتج وهو مش خبير

بتخصصه لان ببساطة غاشش ... والامثلة كتير من فنى التحاليل لدكتور التخدير للمحاسب .... وربنا مطلع عليم

[نور العمر]

شكلها كدة في شكوة من طالب واصل شوية لحجر الاساتذة ومتأزم من طريقة مراقبتك ... فحبو يريحوه في باقي الامتحانات ... ويريحوكي بالمرة
متشغليش بالك ... ربنا موجود

[أشرف فتحى]

دكتوره مسلمه.....

فكرتينى بأيام الجامعه.....

وفكرتينى فى يوم امتحان ماده التكاليف.......الدكتور أثناء مروره وجد طالبه بتنقل من الكتاب...!!!!!!!!!!!!!!!

أنا عزرتها لان الامتحان كان عباره عن تسميع لحاله عمليه لا تقل عن 40 صفحه فى الكتاب ...يعنى دش فى دش....ملهاش علاقه بالتعليم ولا التخصص ولا الماده العلميه ودرجه الاستفاده.......

كل ده مش مهم المهم انه سحب ورقتها والكتاب وفضلت تبكى...وفى الاخر صعبت علي المراقبين ورجعولها الورقه والكتاب عشان تكمل نقل....!!!!!!!!!!!!!!!!!!!

حضرتك الغش فى الامتحانات بقى حق أصيل للطلبه ...لفساد العمليه التعليميه من أساسها.....

حضرتك هتستغربى كلامى.......أنا شايف إننا بنطلب منهم يبقوا مجتهدين وينجحوا بمجهودهم ويسعوا عشان يبقوا حاجه كويسه فى المستقبل وفى نفس الوقت بيشتروا الكتاب عشان الملزمه واعمال السنه وبياخدوا دروس عشان مش فاهمين المحاضره ومعندهمش غير كتاب الدكتور يذاكروا منه وكتب المكتبه كانت عندنا طبعه سنه حاجه وثمانين .......

حضرتك مش متقبله فكره ان الغشاش ده هيبقى دكتور بيعالج بشر.....

من غير ما تزعلى تجربتى مع الاطباء متقولش ان المهنه دليل على الاخلاقيات......مكن مهندس كان غشاش وبقى ناجح وعمله ميقلش خطوره عن الطب...المحاسب والمحامى نفس الكلام.....

التعليم عندنا ونظام الامتحانات مش مرتبط بكون الشخص ده هينجح ويكون صالح فى عمله.......

برضه كلامى غريب شويه.......طب نكمل....

حضرتك نجحتى بمجهودك يسبقه توفيق ربنا....صح.....

كل زمايل حضرتك اللى هما معيدين دلوقتى فى الجامعه ...نجحوا بمجهودهم الفردى...؟؟؟؟؟

فرضا انهم كذلك.......الاطباء العاملين بالمجال ....ومشهورين بالحرفيه الشديده ومشهودلهم بالمهاره والاتقان.....كان أخبارهم أيه ايام الجامعه؟؟؟؟

مش هقدر اطلب من الطالب ينجح بمجهوده غير لو وفرتله التعليم الصح...

قبل ما أطلب منه التزام بواجباته...أديله حقوقه......!!!

على فكره انا لا موافق على الغش ولا غيره زى الواسطه والمحسوبيات واذدواجيه المعايير وكل الكلام ده......ولا دعوه للسلبيه وتكبير الدماغ...

لكن المقصود من كلامى....تقرير امر واقع لازم اكون مقر بوجوده .....زى الحكومه ما اعترفت فى الاقرار الضريبى ببند مصاريف الاكراميات والهدايا اللى هى تزويق لكلمه رشاوى عشان ده امر واقع وبيحصل....

أما الجزء التانى ......

بخصوص رد فعل الجامعه وانك مش فى المراقبه التانيه.....

بما إن حضرتك مش من مشجعى الغش يبقى انتى من مثيرى الشغب ووجع الدماغ بالنسبه لهم....متشدده....متعسفه...ويمكن على علاقه بتنظيم القاعده......

فزى ما بيقولوا....كفى الله المؤمنين القتال........وأهى جت منهم ولا حتى تفكرى فى الموضوع ده بل إعتبريه تكريم بأنك لا تنتمى للمنظومه الفاسده بدون أى تقليل من قدرك.....

دا حظ الملتزمين....

ربنا يوفقك ويثبتك على ما يحب ويرضى.....