حكايات البشر

[muslimah_dentist]

ما شاء الله حكاية جميلة

ربنا هو اللى حفظها و بعتها لأهلها من تانى

الحكاية ديه بتنبهنا لحاجة خطيرة جدا:

موضوع الخطف بهدف السرقة ، الموضوع ده انتشر بشكل فظيع ، فاللى عنده ولاد ياريت مايلبسهومش دهب الا و هما خارجين معاه و ربنا يلطف بينا جميعا

أخى zozoderaz

ملحوظة بسيطة يا ريت أما تكتبلنا بعد كدة حكاية من حكايات سيادتك الأكثر من رائعة تبقى تكبر الخط و تعمل بينه فراغات أصلى بأقرب أوى من الكمبيوتر عشان أقرأ و رحمة برده باللى نظرهم ضعيف زى حالاتى

[زهير فكري]

ما شاء الله حكاية جميلة

ربنا هو اللى حفظها و بعتها لأهلها من تانى

الحكاية ديه بتنبهنا لحاجة خطيرة جدا:

موضوع الخطف بهدف السرقة ، الموضوع ده انتشر بشكل فظيع ، فاللى عنده ولاد ياريت مايلبسهومش دهب الا و هما خارجين معاه و ربنا يلطف بينا جميعا

أخى zozoderaz

ملحوظة بسيطة يا ريت أما تكتبلنا بعد كدة حكاية من حكايات سيادتك الأكثر من رائعة تبقى تكبر الخط و تعمل بينه فراغات أصلى بأقرب أوى من الكمبيوتر عشان أقرأ و رحمة برده باللى نظرهم ضعيف زى حالاتى

شكرا لحضرتك , بأعتذر عن الخط الصغير و هتدارك الأمر ده المره الجايه .

[نور العمر]

وانا كمان

[muslimah_dentist]

[glow=#ffff00]الحكاية رقم 62[/glow]

وحشتونى كتير ، بقالى فترة مش بأكتب حكايات بس كنت مُستمتعة للغاية بحكاياتكم الرائعة اللى كنت بأقراها و أدركت فعلا أد ايه نايل موتورز يحوى من النُخب المُثقفة و العقول الواعية الكثير و الكثير ، هذه العقول و الشخصيات التى أحترمه كثيرا و أعتبرها بمثابة عائلة ثانية لى .....

حكايتنا النهاردة عن نوع من البشر أعتقد انه نادر الوجود فى هذا الزمن و ليس لعدم وجوده و لكن لقلة عدده فى هذا الزمان، هذه الشخصية التى لا تُفكر بنفسها نهايئا ولكن تُفكر فى كل من حولها ، تحاول اسعاد كل من حولها فاذا ارتسمت بسمة على الشفاة تجدها تبتسم ، و اذا عبست الوجوه و حزنت تجدها تحزن.

فى زمان لا سلطان الا للمصالح الشخصية فالكل لا يُفكر الا بنفسه و كأنه يُردد على مسامع من حوله(أنا و بعدى الطوفان) تجد نوعية البشر المُضحية المعطائة تتخبط و تكاد لا تدرى أين هى و ماذا حل بها أويكأنها أصبحت فى وسط المحيط تتلقفها الأمواج المُتلاطمة فتأخذها بعيدا الى مكان ليس كمكانها و زمان ليس كزمانها و الى بشر ما أرادت يوما الاختلاط بهم فتشعر بالغربة و الوحدة القاتلة ............حولها الكثير من الوجوه و لكن ما عادت ترى الوجوه التى اعتادتها ..............حولها الكثير من الناس يتحدثون و لكنها ما عادت تفهم هذه اللغات المُتناثرة الغريبة عنها .......حولها الكثير من القلوب و لكن ما عادت تشعر بها لأن لغة التخاطب مختلفة..........

تضيع مثل هذه الشخصيات المعطائة المُضحية وسط هذا الزحام من المصالح و هذا النظام السخيف المتعارف عليه اليوم( نفعنى أنفعك)

فتشغر بغربة عمن حولها و الوحدة القاتلة بالرغم أن حولها الكثير من الوجوه و الأشخاص.

طالما أحببت هذه الشخصيات المعطائة التى تُعطى دون انتظار مقابل، التى ما تفعل أى شئ الا ابتغاء وجه الله

التى لا يوجد فى خاطرها الا اسعاد من حولها و بقرائتى لهذه الحكايات الجميلة فى اليومين الماضيين أدركت أن بين أروقة هذا المنتدى الكثير من هذه النوعية المعطائة.

شكرا نايل موتورز.

[Samah AbdAllah]

شكرا يا مسلمة على كلامك الجميل
الحمدلله لسة الدنيا بخير

[أشرف فتحى]

يا دكتوره انا لسه كنت هسأل حضرتك حرمانا من حكاياتك وخواطرك الجميله ليه ؟ ...لكن سبقتينى..!!!

ربنا يجازيك عنا خير !!!


على فكره كلام حضرتك حسسنى بمراره ..مش عارف ليه؟

هو حضرتك حاسه ان الخير بقى غريب فى هذا الزمان ...ولا ده من المراره دى من أثر النسكافيه اللى لسه شاربه؟!!

[نور العمر]

تنصحوها بإيه ؟؟؟؟؟؟؟؟؟؟؟
اتعرضت لموقف لأول مرة اقف عاجزة .. لم استطع إبداء الرأي بحق
وهذه المشكلة استأذنت صاحبتها أنني سأستشيركم فيها دون تلميح عنها بتاتا طبعا ووافقت لأنها صاحبة الحيرة أولا وأخيرا...
هي زوجة وأم لثلاث ابناء 8 سنوات زواج تقليدي لكنها احبته قبل ان تتزوجه تركت عواطفها تعطيه كل شيء ورضيت بالنصيب ... الحقيقة هي صحبتي وجارتي من زمان من قبل ما نتزوج ... وعهدي بها كم هي صبورة وبسيطة وغير مادية .. ومريحة لزوجها كثيرا .. رغم انه شخصية غير مريحة بالمرة سبحان الله ... أنجبت اطفالها وسعيدة بأسرتها وما لم تجده في زوجها من أحلام وآمال استودعتها عند الله وقالت العوض في أبنائي إن شاء الله .... والله قادر على هدايته ... هي قريبة من الله كثيرا ... وهو سبحانه وتعالى ( ربنا يهدي بجد ) المهم ولن اطيل عليكم ولن احكي تفاصيل ... لكن تعرضت لموقف صريح عن لسانه اعترف لها ( إنه لم يحبها ) وإنه متى سيجد من قلبه سيدق لها بالفعل سيتقدم لزواجها ... ولكنه لا يريد خراب البيت وليس في نيته الطلاق .... لن اقول لكم هي حكتلي هذا إزاي ... وتبكي إزاي ... وتتألم إزاي .... لكم ان تتخيلو كم المرار الذي صاب قلب هذه المرأة الطيبة المؤمنة ,.. قالتلي ... اطلب الطلاق ... واللا اوافق على زواجه من من يحب ... هو لم يكن يهرج ولم تكن ردود افعال عنيفة في شجار ... كان بيتكلم بصدق وصراحة دي مشاعره تجاهها ... تزوجها وعاشرها وانجب منها وتحيا على خدمته ولم يحبها ................... فبالله عليكم ماذا تفعل ..... ولا حول ولا قوة إلا بالله ... سألملم شتات رأي بعد سماع رأيكم والله المستعان

[Samah AbdAllah]

كل شخص هيبدى رأيه فى هذا الموضوع هيكون زى اللى ايده فى المية الباردة لان هى اللى ماسك الجمر بايديها
قرار هى الوحيدة اللى لازم تاخده وتفكر كويس وتشوف هى تقدر على ايه تقدر تكمل مع انسان وهى عارفة انه مش بيحبها
ولا الحياة بدونه اسهل وحب ليها

رايى الشخصى ربما احيا مع شخص يؤلمنى او يجرحنى فى لحظة غضب او انفعال ولكن اغفر له فقط لثقتى انه يحبنى ربما تكون ثقة باطلة ولمجرد انى اتمنى ذلك لكن فى حين انه اقر بانه لا يحبنى كيف احيا معه وانا ارى كل موقف وكل جرح متعمد ولا مبرر لغران اخطاؤه فى حقى
اذا لم تكن تحبه وتقدر على الحياة بدونه مع صعابها وهمومها ومسؤلية اولادها فلتتركه فمثل هذا لا يبكى عليه احد
لكن هى وحدها صاحبة القرار

[أشرف فتحى]

تنصحوها بإيه ؟؟؟؟؟؟؟؟؟؟؟
اتعرضت لموقف لأول مرة اقف عاجزة .. لم استطع إبداء الرأي بحق
وهذه المشكلة استأذنت صاحبتها أنني سأستشيركم فيها دون تلميح عنها بتاتا طبعا ووافقت لأنها صاحبة الحيرة أولا وأخيرا...
هي زوجة وأم لثلاث ابناء 8 سنوات زواج تقليدي لكنها احبته قبل ان تتزوجه تركت عواطفها تعطيه كل شيء ورضيت بالنصيب ... الحقيقة هي صحبتي وجارتي من زمان من قبل ما نتزوج ... وعهدي بها كم هي صبورة وبسيطة وغير مادية .. ومريحة لزوجها كثيرا .. رغم انه شخصية غير مريحة بالمرة سبحان الله ... أنجبت اطفالها وسعيدة بأسرتها وما لم تجده في زوجها من أحلام وآمال استودعتها عند الله وقالت العوض في أبنائي إن شاء الله .... والله قادر على هدايته ... هي قريبة من الله كثيرا ... وهو سبحانه وتعالى ( ربنا يهدي بجد ) المهم ولن اطيل عليكم ولن احكي تفاصيل ... لكن تعرضت لموقف صريح عن لسانه اعترف لها ( إنه لم يحبها ) وإنه متى سيجد من قلبه سيدق لها بالفعل سيتقدم لزواجها ... ولكنه لا يريد خراب البيت وليس في نيته الطلاق .... لن اقول لكم هي حكتلي هذا إزاي ... وتبكي إزاي ... وتتألم إزاي .... لكم ان تتخيلو كم المرار الذي صاب قلب هذه المرأة الطيبة المؤمنة ,.. قالتلي ... اطلب الطلاق ... واللا اوافق على زواجه من من يحب ... هو لم يكن يهرج ولم تكن ردود افعال عنيفة في شجار ... كان بيتكلم بصدق وصراحة دي مشاعره تجاهها ... تزوجها وعاشرها وانجب منها وتحيا على خدمته ولم يحبها ................... فبالله عليكم ماذا تفعل ..... ولا حول ولا قوة إلا بالله ... سألملم شتات رأي بعد سماع رأيكم والله المستعان
:_alshmokh11:

قصه جارتك وصديقتك فكرتنى بقصه مشابهه كنت قريتها زمان فى بريد الجمعه بس النهايه مختلفه ...القصه كانت على لسان الزوج وأثناء غياب الزوجه للنقاهه بعد ولاده عثر على مزكراتها وقرأ فيها كم الحب اللى بتكنه ليه ...وأنها بتدعى ربنا طالما لم تجد منه حبا فى الدنيا فيرزقها الله رفقته فى الجنه وأنها لما تكون فى اجمل صوره فى الجنه يرضى بيها ويحبها..طبعا الزوج لما قرأ الموضوع ده إتغير وبقى شخص تانى وحس بالندم على الايام اللى اتعذبت فيها الزوجه وهو مش حاسس بيها.......

أيه علاقه القصه دى باللى حضرتك قولتيه.؟؟!!

أقوللك.....

الراجل قلبه مش حجر صوان زى الست ما بتحب تصوره ففى النهايه الرجل كائن حى من حاجاته الاساسيه بجوار الكساء والغذاء و التكاثر والاحساس بالأمان .....الاحساس بالحب والرومانسيه أيضا فى بعض الاحيان..

أنا لا أخجل من الاعتراف بوجود عقليات لرجال كبار الاجسام صغيرى العقول وفى هذه الحاله يضاف للزوجه طفل كبير يجب عليها التعامل معه بحذر لان هذا الطفل يملك مفاتيح وروابط هذه الاسره.....


بما اننا غير ملمين بكافه التفاصيل للموقف فلنفترض سويا بعض الاحتمالات...

الاحتمال الاول ...

الزوج لا يعنى ما يقول....(مجرد كلام )

فى هذه الحاله يكون التهديد بالزواج من اخرى بمثابه إنذار للزوجه بحاجه الزوج الى الاهتمام ...والاهتمام هنا ليس من النواحى الحسيه فقط ولا نظافه الملبس والمسكن والواجبات اليوميه...

فلربما الزوج يشعر بعدم التفات الزوجه له او الهتمام بالاولاد والمنزل وإعتباره مجرد مصدر للدخل للأسره......

لسان حال الزوج يقول...انا مش ماكينه لصنع النقود...انا أحتاج الى الحنان والمشاعر الدافئه...انا وإن كنت أبدى عدم اهتمامى ...إلا انى اسعد بكلمه طيبه ....إنظرى الى ...تكلمى معى...أشعرينى بحنانك...ضمينى اليك.....لا تتشاغلى عنى.....انا الاصل ....انا محور هذا البيت ودعامته....أنا استطيع ان أذهب بعيدا وأجد من يبادلنى المشاعر....هذا إنذار.....إحذرى..إحذرى..!!

فى هذه الحاله فلتنظر الزوجه الى حالها وطريقتها مع زوجها ....لا تتكبر أن تقول له انا احبك ولا أستطيع تخيل الحياه بدونك...فهذه الكلمه ليست حكر على الرجال...إن هذا الرجل زوجها ..ليس صديق أوحبيب أو غريب....لا يعيبها ان تصرح بمشاعرها تجاهه....

كثير من النساء تعتبر خدمتها لزوجها بما يرضى الله من وجهه نظر الزوجه يكفي......

لا يا سيدتى لا يكفى ...فالاساس فى الزواج الموده والرحمه والسكينه.....ليس الاكل والشرب وكى الملابس...

لا يعيب المرأه ان تشعر الرجل بمدى اهميته لديها.....

أنا أعرف رجال يسعرعون بالذهاب الى منازلهم ورجال لا يرغبون فى الذهاب الى المنزل من الاساس....

إسألى رواد المقاهى...لما لا تذهب لمنزلك؟.....يجيبك...ولما أذهب ولمن..زوجه تثير المشاكل معى ومع الجيران ...ابناء متعلقين بأمهم ولا يعيرونى اى إهتمام....لا يرغبون فى وجودى إلا للإنفاق عليهم .....


الاحتمال الثانى...

الزوج يعنى هذا الكلام.....(بيتكلم بجد و إن كنت لا أعتقد هذا)

الزوج يرغب فى الزواج من أخرى وهذا ليس مخالف للشرع من خلال ضوابط وشروط .....

لا يجب أن تطلب الطلاق...فالحياه لن تنتهى بزواجه بأخرى..بل ستبدأ عمليه مقارنه مستمره بين الزوجتين فى خاطر الزوج...


فإن كانت حقا تؤدى ما عليها كما ينبغى .....فكما يقولوا فى الامثال الشعبيه..
( لن تعرف مقدار أمك إلا بلقاء زوجه أبيك)

فليتزوج بأخرى..لن يضيرها فى شئ ...طالما سيتقى الله فى رعايتهم وكفالتهم...كذلك سترتاح من أخلاقه اللى وصفتيها ب (ربنا يهدى بجد ).

الرضا بالزواج من أخرى أهون من الطلاق والتفرقه بينهم.

[muslimah_dentist]

على فكره كلام حضرتك حسسنى بمراره ..مش عارف ليه؟

هو حضرتك حاسه ان الخير بقى غريب فى هذا الزمان ...ولا ده من المراره دى من أثر النسكافيه اللى لسه شاربه؟!!

المرارة اللى حسيت بيها فعلا حقيقية لأنى كنت بأكتب بيها

و فعلا الخير بقى غريب فى الزمن ده و المثليات و التضحيات بقت بالفعل عملة نادرة و صدق رسول الله صلى الله عليه و سلم عندما قال:
بدأ الاسلام غريبا و سيعود غريبا كما بدأ فطوبى للغرباء

فأرجو من الله سبحانه و تعالى من الغرباء الذين بشرهم رسول الله صلى الله عليه و سلم بشجرة طوبى فى الجنة

بس نايل موتورز ورانى ان فيه غرباء غيرى لسة موجودين حتى لو ماشفتهومش ، لسة فيه ناس بتفكر فى الناس ، لسة فى ناس عايزة تخدم لوجه الله مش عشان مصالحها الشخصية ، لسة فيه ناس ممكن توجد بجد المعنى الحقيقى للحب فى الله

مش معنى كلامى انى ما لاقيتش فى حياتى أشخاص عندهم ايمان و حب لله ، لاقيت بس المعانى الحقيقية لأى حاجة دلوقتى فى زمانا بقت مُنعدمة و تكاد تندثر .....(يعنى ايه؟)هأفهمك .

نأخد مثل بسيط زى الصحبة الصالحة و الحب فى الله....

أنا الحمد لله أنعم الله على بصحبة صالحة بأخوات أحسبهن على خير و لا أُزكى على الله أحدا بس الصحبة الصالحة فى حياتى (آه موجودة )بس مُغيبة ، يعنى مش بأحس بتأثيرها فى حياتى ، المعنى الحقيقى للصحبة الصالحة هى التى تقومك اذا اعوججت عن الجادة و تشد على يديك حتى تسير على الطريق المستقيم أما اذا كانت هذه الصحبة كالحاضر الغائب فما الخير فيها اذن......

خد من المثال ده فى حياتنا حاجات كتير أوى فقدت معناها الحقيقى من غير ما نحس.

أنا آسفة قلبتها غم......

[muslimah_dentist]

تنصحوها بإيه ؟؟؟؟؟؟؟؟؟؟؟

اتعرضت لموقف لأول مرة اقف عاجزة .. لم استطع إبداء الرأي بحق
وهذه المشكلة استأذنت صاحبتها أنني سأستشيركم فيها دون تلميح عنها بتاتا طبعا ووافقت لأنها صاحبة الحيرة أولا وأخيرا...
هي زوجة وأم لثلاث ابناء 8 سنوات زواج تقليدي لكنها احبته قبل ان تتزوجه تركت عواطفها تعطيه كل شيء ورضيت بالنصيب ... الحقيقة هي صحبتي وجارتي من زمان من قبل ما نتزوج ... وعهدي بها كم هي صبورة وبسيطة وغير مادية .. ومريحة لزوجها كثيرا .. رغم انه شخصية غير مريحة بالمرة سبحان الله ... أنجبت اطفالها وسعيدة بأسرتها وما لم تجده في زوجها من أحلام وآمال استودعتها عند الله وقالت العوض في أبنائي إن شاء الله .... والله قادر على هدايته ... هي قريبة من الله كثيرا ... وهو سبحانه وتعالى ( ربنا يهدي بجد ) المهم ولن اطيل عليكم ولن احكي تفاصيل ... لكن تعرضت لموقف صريح عن لسانه اعترف لها ( إنه لم يحبها ) وإنه متى سيجد من قلبه سيدق لها بالفعل سيتقدم لزواجها ... ولكنه لا يريد خراب البيت وليس في نيته الطلاق .... لن اقول لكم هي حكتلي هذا إزاي ... وتبكي إزاي ... وتتألم إزاي .... لكم ان تتخيلو كم المرار الذي صاب قلب هذه المرأة الطيبة المؤمنة ,.. قالتلي ... اطلب الطلاق ... واللا اوافق على زواجه من من يحب ... هو لم يكن يهرج ولم تكن ردود افعال عنيفة في شجار ... كان بيتكلم بصدق وصراحة دي مشاعره تجاهها ... تزوجها وعاشرها وانجب منها وتحيا على خدمته ولم يحبها ................... فبالله عليكم ماذا تفعل ..... ولا حول ولا قوة إلا بالله ... سألملم شتات رأي بعد سماع رأيكم والله المستعان
:_alshmokh11:

بصى يا نور

عشان الواحد يقدر يحكم على موقف معين لازم يكون مُلم بجميع أطرافه و يبقى يحكم بحيادية و موضوعية
و بما اننا مش عارفين الأمور كلها فهنفترض افتراضات عشان نقدر نفيدها فى شئ

أنا مؤمنة فن فى أى علاقة زوجية مفيش حد ملاك أوى و واحد شيطان أوى ، بس أنا مؤمنة ان فيه ايجابيات و سلبيات فى كل واحد فينا ، يعنى مثلا لو العلاقة الزوجية فشلت مش هتكون نتيجة ظلم طرف و طرف آخر مظلوم بس هيكون نتاج فشل الطرفين معا( هتقوليلى بس فيه حالات بتبقى الست فيها ملاك و الراجل شيطان )هأقولك ده هيبقى من وجهة نظرك كست بس لو بصيتلها من وجهة نظر الراجل هتلاقيها انها كانت مُقصرة فى حاجات أدت الى الطلاق.

انتى بتقولى ان صاحبتك مؤمنة و عارفة ربنا ، طيب ده جميل جدا لأن الحوار معاها هيبقى سهل ان شاء الله ، لأن المؤمن الحق يعلم أن هذه الحياة الدنيا ما هى الا حلقة من المُنغصات و الهموم و الكدر و لهذا قال رب العزة ( و لقد خلقنا الانسان فى كبد)
هذه الحياة الدنيا لا تساوى عند الله أى شئ و لو تساوى عند الله جناح بعوضة ما سقى كافر منها شربة ماء و لهذا حبيبتى صبريها و قولى لها ( لعل هذا ابتلائكى فى الدنيا و قولى لها قول الله سبحانه و تعالى:

و لنبلونكم بشئ من الخوف و الجوع و نقص من الأموال و الأنفس و الثمرات و بشر الصابرين الذين اذا أصابتهم مصيبة قالوا انا لله و انا اليه راجعون أولائك عليهم صلوات من ربهم و رحمة و أولائك هم المهتدون

هتقوليلى هى لن تحتمل : أقول لكى حبيبتى لا تقدر أى امرأة على وجه الأرض أن تتخيل زوجها فى حضن امرأة أخرى و أعلم أن هذا شئ شديد على النفس و هل توجد نسوة فى هذا الكون أطهر من أمهات المؤمنين و بالرغم من كل هذا كن فريقين فريق ترأسه عائشة و فريق ترأسه أم سلمة ، و الغيرة هى طبع جبلى فى حواء و لكنها تزيد و تنقص فى كل واحدة و هى تنقص بالمُصابرة و الصبر

هتقوليلى ده كلام انشا و مش واقعى و حاجة كدة و لا فى الأحلام

طيب تعالى نقول الكلام الواقعى يا ست الستات

هو الحب بس هو اللى بيُقيم أى علاقة حتى لو علاقة زوجية
فيه ساعات حاجات بتبقى أقوى من الحب زى المودة و الاحترام المتبادل

طيب هتقوليلى هى مالاقيتش ده فى جوزها ، هأقولك طيب
خليها توازن الايجابيات و السلبيات من أى قرار هتأخده

يعنى لو هتطلب الطلاق ايه سلبيات قرارها ده:
أول حاجة :عيالها هيتبهدلوا عشان أبوهم مش موجود و ده شرخ نفسى حتى لو جبتلهم كنوز الدنيا مش هتقدر متخلوهمش مايحسوش بيه
تانى حاجة:هى نفسها هتتكسر ، الطلاق بيكسر أى ست حتى لو جبل و هذا مصداقا لحديث رسول الله صلى الله عليه و سلم
خلقت المرأة من ضلع أعوج فان ذهبت تُقيمه كسرته و كسرها طلاقها
ثالث حاجة:هى عندها القدرة المادية انها تُعيل أسرتها بعد الطلاق طبعا هيبقى فيه نفقة من جوزها على عيالها بس مادام جينا للواقع بعد الطلاق الأمر بيدخل فى عند و الأولاد دايما الضحية

ايجابيات الطلاق
متهيألى هى حاجة واحدة بس انها تسترد كرامتها بس ساعتها هيبقى على حساب عيالها

فيه أوقات كتير الأمهات بتستحمل عشان عيالهم المُر و تسكت

طيب ايجابيات بقائها مع جوزها

افرضى ان الموضوع كله تهديد فى تهديد زى ما أخوتا أشرف قال و هو لو هيتجوز هيتجوز علطول أكيد هيشوفله واحدة لغاية ما يشوف واحدة و يجوزها خليها تروشه تعمله اللى ما يُعمل و ده سلاح عند أى ست و مش محتاج أى نصيحة


و فى الآخر زى ما بسكوتة قالت اللى ايده فى المية مش زى اللى ايده فى النار خليها بس تصلى ركعتين لله انه يوريها الصح و يعينها عليه و اللى فيه الخير ربنا هيقدمه

أسأل الله العظيم أن يفك كربها و يُنر دربها و يُظلل عليها و زوجها و أسرتها السعادة و كل الخير

[نور العمر]

ق
الرضا بالزواج من أخرى أهون من الطلاق والتفرقه بينهم.

هو كان بيتكلم بجد ... كان بيتكلم عن الحب .. مش موجود في قلبه ... أكيد سألته طب اتجوزتني ليه ... قالها عشان أخلاقك وطيبتك وسيرتك الصالحة .. أي واحد محتاج ده في من ستكون أم أولاده ... هو دخل على طمع ... عاوز ياخد الطيبة والدين والاخلاق والوجه الحسن ... ومفكرش ممكن يقدم ليها إيه ... وهي ما اتفاجئتش لإنها كانت بتحس بجفاء منه مهما عملت .. وهي جميلة جدا وكنت ساعات أئنب نفسي ... عشان مش مثالية قوي كدة زيها ... هي بس اتفاجأت إنه يقولها صراحة ودون سابق انذار ولا شجار ولا خلاف ... وده باين إنه وجد من يعتقد فيها أنه يحبها ... لكن لم يرد زيادة جرحها بذلك .. وحب يكون لطيف ويدرج المسالة ... في النهاية بجد ... ربنا يعينه على نفسه ... فعلا قرار الاستمرار افضل حتى للولاد ... بس صعب قوي بعد ما سمعته منه
كان اتجوز عليها من وراها أرحم ومقالهاش الكلام ده وترك ليها القرار ... وكنت حبقى متأكدة إنها كانت حتختار تستمر معاه ..... لكن هو قفلها خالص ... بجد ( ربنا يعينه على نفسه )

[Samah AbdAllah]

المشكلة فعلا انه قالها انه مش بيحبها يعنى ازاى هو متوقع انها تكمل وهى عارفة انه مش بيحبها

[نور القمر]

موقفها صعب يا نور
وهي الوحيدة اللي تقدر تقرر تكمل معاه ولا لأ
اهم حاجة متحاولش تضغط على اعصابها او تيجي على نفسها إلا اذا كانت شايفه نفسها تقدر
اما اذا كانت شايفه نفسها هاتتعب نفسيا فبلاش حرام تكمل باقي حياتها تضحية من اجل الاخرين
وبالنسبة لاولادها مش اول ولاد ولا اخر ولاد والديهم ينفصلوا وده احسن بكتير من انهم يعيشوا في جو غير صحي

اما بالنسبة للزوج فمشاعر الحب والكراهية مش بايد الانسان واكيد كان يتمنى ان زوجته تكون حبيبته بس كان يقدر يحافظ على مشاعرها ومش يجرحها الجرح الكبير ده بعد عشرة السنين دي كلها

[أشرف فتحى]

برضه كل اللى إتقال من وجهه النظر النسائيه على إعتبار انها ملاك وهو شيطان وانه ظلمها......

طب لما قالها انه عمره ما حبها عملت أيه؟

سألته انت اتجوزتنى ليه؟؟

طب عرفته مشاعرها ناحيته؟ اكيد لأ

طلبت منه فرصه تصلح الاحوال ما بينهم....طبعا لأ.

سألته عن العيوب اللى شايفها فيها؟.....برضه لأ

للأسف دايما الستات ما بتفكرش غير انها ضحيه وانه ميستاهلهاش وانه كسر قلبها....

متزعلوش منى...انا مش متعاطف مع الزوج ...بس كل الحكايه انى لم أيأس منه نهائيا...لسه الموضوع فى ايديها...
بلاش تسمع حديث النفس...
كرامتى...تضحياتى اللى مقدرهاش...عمرى...شبابى...

كل الكلام الكبير ده ....إدى نفسك وإديله فرصه....

ربنا يوفقكم للخير...