حكايات البشر

[muslimah_dentist]

جزاك الله خيراً على الرد و الاهتمامبالنسبة للحكاية الأخيرة ، جزاك الله خيراً على التعليق ، أنا ماكنتش بأكشف عليها أنا كنت بأشتغلها و الشغل بياخد أكتر من الكشف بس للأسف الرضيع مش هيقدر يستنى مدة الشغل ديه كلها.بالنسبة لو فيه عيانيين برة أى دكتور بيحاول يراعى الموضوع ده و بيحاول يقيم وقته كويس علشان لو اتأخر زيادة عن اللزوم هو اللى هيحتاس فى الآخر أكرر شكرى على متابعتك و تعليقك الكريم و جزاكم الله خيرا

[rockana9112007]

تعرفى يادكتورة دى شجاعة كبيرة منك بحييكى على الموضوع الجميل دة وياريت تستمرى
عاوز اقولك ان حكاية زميلك الانانى الغشاش دة فكرتنى بتجربة مش ممكن انساها
وانا فى الكلية جالى حصوة على الكلى وبعدين استقريت انى اعملها فى المستشفى الجامعى عشان ليا تأمين طبى هناك .طبعااا الاطباء استقرو على انى اعملهااا بالمنظار .وانا فى غرفة العمليات وبعد ماأخدت حقنة البنج فى منتصف الظهر متخدرتش وكنت واعى لسة فالدكتور بيسأل الممرضة هو انتى جبتى الحقنة دى منين .فقالتلو ان الدكتور مدير المستشفى امر اننا نستعمل الحقن دى ونخلصهااا عشان خلاص دى expired قالتها كدة بالانجليزى عشان مفهمش والدكتور بس اللى يفهم طبعااا .اللى مكنش حد عارفو انى انا اصلا تجارة انجليزى وفهمت بس من كتر الصدمة متكلمتش واستسلمت بكل هدوء مكنتش عارف هو انا اصلا المفروض اعمل اية.وفكرت انى انا دلوقتى بين ادين ربنا .طبعااا الدكتور ادالى جرعة تانية واللى اعرفو ان دة غلط لانى كدة اخدت ضعف الجرعة ودة مخدر مش اسبرين !!!
الموقف التانى
بعد العملية درجة حرارتى ارتفعت جدااا وكانت فوق الاربعين لمدة اسبوع او اقل قليلااا ودة كان بسبب ان المنظار كان ملوث وانا اخذت عدوى والدكاترة مكنوش عارفين ينزلو درجة الحرارة والعملية طبعاا فشلت المهم بعد ما الاطباء النواب احتارو ومش عارفين يعملو اية جة الدكتور الكبير عشان يشوف حالتى وطبعااا انا كنت نايم وهما واقفين حواليا بيتكلمو بالانجليزى ويتشاورو
انا كنت فاهم الكلام بس فية مصطلحات طبية طبعااا انا مش عارفهااا بس اللى فهمتو ان الدكتور بيقولهم جهزوه بكرة للعمليات عشان نعمل عملية نحط فيهااا حالب صناعى عبارةعن انبوب بلاستيك يقوم بتصريف البول الخارج من الكلى والذاهب الى المثانة طبعااا العملية دى انا مكنتش محتاجهااا هما هيعملوهااا بدون سبب عشان الدكاترة الحلوين يتعلمو مش مهم على حساب مين كلو يهون عشان الغرض الاسمى ... وبعدين فية نائب بيقلو ودرجة الحرارة دى يادكتور هينفع يدخل العمليات فرد قالو مش مشكلة نديلو مخفضات للحرارة لحد مانظبط الحرارة وندخلو العمليات ومش مشكلة لو كانت الحرارة زايدة شوية طبعااا دة غلط انا سألت بعد كدة دكتور تانى عن كل اللى حصلى مرضيش يرد !!!
طبعااا انا مبتش فى المستشفى هربت وزجاجة الجلوكوز ماسكها بأيد والايد النانية فيها الكولونة موصولة بالزجاجة
تعرفى (سقوط الالهة) هو دة كان احساسى
الدكانرة دول كانو حاجة كبيرة قوى بالنسبالى حاجة كدة فوق فى السمااا دلوقتى هما بقو فى سابع ارض وانا بجرى هربان من المستشفى كنت بفكر فى الناس الغلابة اللى لسة هناك اللى بيعاملو الدكاترة بتقديس واحترام شديد اكنهم الهه كنت عاوز اقولهم اهربو بجلدكم اجرو دول هيموتوكو دول بيجربو فيكم ...
طبعااا دلوقتى اى دكتور بتعامل معاة مبسلمش بكلامة على طول بقعد اقولة لية وازاى وممكن تشرحلى اكتر اصلى مش مقتنع طبعااا فى دكاترة بيدايقو جدااا من الموضوع دة طبعااا اصلهم مش فاضيين حد يناقشهم وممكن يوصل الموضوع عندى انى ادى اتخن دكتور قلمين على وشو لو معجبنيش طريقة كلامة وتعاملة معايا انا بصراحة خلاص مبقتش احترمهم ولا هحترمهم تانى خلاص
معلش طولت عليكم بس عاوز اسألك سوءال هو لية كتير جدااا من الدكاترة مبقاش عندهم ضمير مع انهم احسن وضع اجتماعى واحسن معاملة من الناس ليهم توصل لدرجة التقديس واحسن دخل مادى من مهن كتير فى المجتمع عاوزين اية تانى !!!
خالص تحياتى
اخوكم احمد

[casperinoo]

اهلا بيكي يا دكتور..
زميل ومتابع موضوعك الذي يناقش كثير مما حدث لي

[muslimah_dentist]

معلش طولت عليكم بس عاوز اسألك سوءال هو لية كتير جدااا من الدكاترة مبقاش عندهم ضمير مع انهم احسن وضع اجتماعى واحسن معاملة من الناس ليهم توصل لدرجة التقديس واحسن دخل مادى من مهن كتير فى المجتمع عاوزين اية تانى !!!
خالص تحياتى
اخوكم احمد[/quote]

أزمة الضمير ديه بقت موجودة فى كل فئات المجتمع المصرى مش الدكاترة بس ، و ده بيرجع لقيم الانسان و مبادئه .فيه دكاترة ماعندهمش ضمير بس ده مايمنعش ان فيه دكاترة برده لسة بيتقوا الله فى مرضاهم و بيدوروا على مصلحة المريض.الموقف اللى حصل معاك فعلاً موقف مُحزن و ده بيجسد الواقع الحالى عن الانحدار المستوى الطبى فى مصر لأن الموضوع مش دكاترة و بس ، هى منظومة متكاملة من امكانيات و تمريض جيد و رعاية صحية و طبيب متميز و ربنا يلطف بينا.

[muslimah_dentist]

اهلا بيكي يا دكتور..
زميل ومتابع موضوعك الذي يناقش كثير مما حدث لي

أهلا بيك دكتور كاسبرينو و شكراً على مرورك

[muslimah_dentist]

الحمد لله صلحت العُطل اللى كان عندى فى الجهاز و ديه الحكاية السابعة كلاكيت تانى مرة بس بالتعديلات

الحكاية السابعة

زى ما قلت قبل كدة ساعات من كتر الشغل و من كتر مابنشوف المواقف الحرجة قلبنا بيجمد و ممكن ينعدم ، يعنى مثلاً أيام ما كنت بأدخل المشرحة فى كلية الطب عشان نأخد سكشن التشريح كنت بأشوف طلبة طب بشرى بيشرحوا الجثة و الساندوتش فى ايديهم و طبعاً كنت وقتها بأستغرب بس بعد ما أخدت على رؤية الجثث كنت ممكن أسند على ترولى فيه جثة و المعيد بيشرحلنا و احنا طلبة.

و بما أننا طلبة أسنان فكنا بنأخد تشريح الرأس و العنق فقط فكان لازم يبقى عندى جمجمة فى البيت و طبعاً كانت عندى و بأدرس عليها و الجمجمة دى كانت فعلاً لشخص حقيقى و ماكنتش موديل و لا حاجة و كل الناس كانوا بيقولولى: انتى جبارة بتنامى فى الأوضة لوحدك و الجمجمة معاكى و طبعاً الموضوع ده بالنبسة لى كان عادى جداً

المهم ديه كانت مقدمة بسيطة لحكاية النهاردة لأن الحكاية دى فوقتنى من قسوة القلب اللى بدأت تزحف على قلبى و تخلينى أنسى اننى قبل ما أكون دكتورة أنا انسانة و لازم يبقى فى قلبى رحمة أكتر من كدة.

مرة كنت بأشتغل على سيدة فى منتصف الثلاثينات من عمرها و كان معها طفل رضيع و كانت تحمله بين يديها و أنا أعمل لها فاذا بالطفل يبكى يريد أن يرضع فنظرت اليها و قلت: طبعاً مش هينفع أشتغلك و انتى بترضعيه.فى نفس اللحظة اللى قلت فيها الكلام ده نظر الى هذا الرضيع ، كأنه تحدث لى بلغة ما كأنه قال لى: لما تحرمينى رزق الله لى.

فى هذه اللحظة نظرت الى نفسى و أدركت كم أنا قاسية و كيف نُزعت الرحمة من قلبى هكذا فاذا بى أعتذر الى الأم و أقول لها:رضعى ابنك زى ماتنى عايزة و بعد ما تخلصى هنكمل شغل.

الى كل طبيب و طبيبة

لا تنسى انك قبل أن تكون طبيب فانك انسان و هذه المهنة التى قد جعلنا الله فيها هى تضم كل معانى الانسانية من الرحمة و الرأفة و الحب و التعاطف.
__________________

[D . a .\ AYMAN]

أزمة الضمير ديه بقت موجودة فى كل فئات المجتمع المصرى مش الدكاترة بس ، و ده بيرجع لقيم الانسان و مبادئه .فيه دكاترة ماعندهمش ضمير بس ده مايمنعش ان فيه دكاترة برده لسة بيتقوا الله فى مرضاهم و بيدوروا على مصلحة المريض.الموقف اللى حصل معاك فعلاً موقف مُحزن و ده بيجسد الواقع الحالى عن الانحدار المستوى الطبى فى مصر لأن الموضوع مش دكاترة و بس ، هى منظومة متكاملة من امكانيات و تمريض جيد و رعاية صحية و طبيب متميز و ربنا يلطف بينا.[/quote]

بصراحة هو ده الكلام الصحيح

يمكن من أول الموضوع ما اتفتح وأول ما شفت رد الأخ شيكو اللى أعاد لى ذكريات القصر العيني القديم والجديد والدمرداش معاهم كمان واللى شوفته فيهم من بلاوي لا تعد ولا تحصى في خلال فترة سنتين فقط (بصراحة من أفشل الجهات الإدارية والطبية على صعيد مص كلها وعلى مدار التاريخ المصري كله ... بغض النظر عن باقي المستشفيات الحكومية التي لم أشرف عليها قط ولكن سمعت من زملائي عنهم وحالهم لا يختلف كثيرا) ونفسي أكلم في النقطة دي

وبرغم وصولي الى مرحلة من الكره العام للأطباء بسبب ما رأيت من أفعالهم التي تصل الى حد وصفها بالمشينة إلا أنني وفي ذات الوقت رأيت من الأطباء من هم أطباء بحق ما جعلني أرفع لهم القبعة إحتراما وتحية (سواء أساتذه أو مدرسون أو معيدين أو حتى أطباء إمتياز)

وإذا كان هذا حال الأطباء فهو حال الكثير من المهن في مصر الآن وفي مختلف المجالات التي كان لي سلطة التعامل معها

إن هناك من المهن في الواقع لا يسمح فيها بالأخطاء من قبل ممتهنها وهذا بسبب طبيعة المهنة ذاتها لأنها في تأثيرها المباشر أول ما تؤثر فهي تؤثر على الآخرين قبل أن تؤثر على ممتهنها ذاته وفي نفس الوقت فهي تخضع لكامل سلطان ممتهنها وضميره فقط في معظم الأحوال .... لذا فعند إختيار من يمتهن مثل هذه المهن يجب أن يكون الإختيار شديد الصرامة وحسب شروط وضوابط تؤكد في النهاية ان الشخص المختار لهذه المهنة هو شخص جدير بأن يكون من ممارسيها ؛؛ وللأسف فهذا لايحدث نهائيا في مصر إلا بنسبة تكاد تكون معدومة ... وهذه هو ما يؤدي الى سوء سمعة هذه المهن

ومن هذه المهن على سبيل المثال لا الحصر .. ضابط الشرطة .. والطبيب .. القاضي ووكيل النيابة .. والمحامي .. والمدرس

هذه المهن وأمثالها يصعب جدا وضع نوع من الرقابة عليها إذ أن :_

- القاضي : لا رقابة ولا سلطان عليه في أحكامه إلا لضميره
- الطبيب : داخل عيادته الخاصة بالإضافة الى ان الطب علم معقد ويعد من العلوم الصعبة والمستغلقة على معظم فئات الشعب (اللى مابيفهمش الدكتور بيعمله ايه لكن سايبه يعمله أملا في العلاج)
- ضابط الشرطة : المتحكم والمنفذ للسلطة التنفيذية في الدولة واللى بيكون بدون رقابة عليه تقريبا اثناء تنفيذه للمهام الموكلة به في الطريق العام
- المدرس : داخل الفصل ومدى قدرته على الشرح الجيد
- المحامي : أثناء إعداده لأوراق القضية وجهل الخصوم بقيمة كل ورقة من هذه الأوراق أمام المحمة

يعني لما الدكتور بينسى الفوطة جوة بطن المريض تلاقي الدنيا قامت وقعدت تاني من هول ما إقترفته يداه .. طب ماهو فيه غيره الف واحد عملوا عمليات زي الفل ومانسيوش فوط ولا حاجة ... لكن لقدسية المهنة الناس ما بتقبلش الأخطاء فيها

المشكلة ان ده بقى هو المعتاد في مصر وليس الإستثناء كما ينبغي وهو ما يسيئ الى سمعة هذه المهن في مصرنا المحروسة فقط لسوء الإختيار

آسف على الإطالة

[muslimah_dentist]

بما انى النهاردة كان عندى خلل فى الجهاز و صلحته و لله الحمد قلت أعوضكم بحكايتين فى يوم واحد أوكازيون يعنى

:skeptical:الحكاية الثامنة:skeptical:

عندما كنت طبيبة امتياز جائت العيادات شابة صغيرة تبلغ من العمر التاسعة عشر عاما بصحبة والدها ، هذه الفتاة كانت تُعانى من كسر من الفكين نتيجة "بوكس" ضربه لها زوجها.

رأيتها تمشى فى طرقات العيادات و هو مُطأطأة الرأس كأن بشئ داخلها قد انكسر ، انكسر كبريائها و احترامها لنفسها و هى لم تبلغ بعد العشرين من عمرها.

قابلت العديد من الزوجات أثناء عملى عليهم و الائى يقلن لى فى خلال الحديث:متأخرنيش يا دكتورة عشان جوزى بيزعقلى. و كثيراً ما رأيت آثار ضرب الأزواج لزوجاتهم على الوجه و ما شابه.

هذا يضعنا أمام شئ خطير ، هل نعامل النساء كما أمرنا رسول الله صلى عليه و سلم الذى كان يقول:رفقاً بالقوارير

و الذى كان يقول فى مرض موته صلى الله عليه و سلم:استوصوا بالنساء خيرا

و سؤال الى كل أب و أم ؟
هل نظرتم الى من تُنكحون بناتكم فان كان كريم الخلق فبه و نعمة و ان كان معه المال فقط دون الخلق فاحذروا فقد أودعتم ابنتكم فى يد لئيم .

فلننتبه اخوانى ان المرأة اذا انكسر فيها اعتزازها لنفسها انكسر بداخلها شئ لا يلتئم مع السنين و حتى ان التئم ترك نُدباً كبيراً فى القلب فيوجعها بين الحين و الآخر.

[muslimah_dentist]

إن هناك من المهن في الواقع لا يسمح فيها بالأخطاء من قبل ممتهنها وهذا بسبب طبيعة المهنة ذاتها لأنها في تأثيرها المباشر أول ما تؤثر فهي تؤثر على الآخرين قبل أن تؤثر على ممتهنها ذاته وفي نفس الوقت فهي تخضع لكامل سلطان ممتهنها وضميره فقط في معظم الأحوال .... لذا فعند إختيار من يمتهن مثل هذه المهن يجب أن يكون الإختيار شديد الصرامة وحسب شروط وضوابط تؤكد في النهاية ان الشخص المختار لهذه المهنة هو شخص جدير بأن يكون من ممارسيها ؛؛ وللأسف فهذا لايحدث نهائيا في مصر إلا بنسبة تكاد تكون معدومة ... وهذه هو ما يؤدي الى سوء سمعة هذه المهن

صدقت أخى و لكن فلننظر الى الأساس قبل أن نُعاقب رأس الهرم ان الطبيب غير المتميز كان طالباُ فى مدارس الدولة التى جعلته آلة من آلات استفراغ المعلومات ثم أتى بمجموع كبير فدخل الطب و أصبح طبيباً و لأن منظومة الفشل التعليمى مازالت مستمرة تخرج و أصبح الدكتور الفُلانى الذى أعطى لنفس كل الحق أن يُصيح فى المرضى لأنه الطبيب و هم المرضى و الذى أعطى لنفسه كل الحق أن ينظر الى مرضاه باستعلاء لأنه أيضاً الطبيب و هم المرضى و لكن هذا الطبيب الجاهل نسى أن يعلم أن ما يفعله أبعد ما يكون عن المعنى الحقيقى لمهنة الطب التى تمس أقرب ما فى أى انسان و هو ألمه ، نسى أن يعلم أنه مجرد سبب للشفاء و ليس بيده الشفاء، نسى أن يعلم أن ما أودعه الله عنده من علم سيسئل عنه أمام الله سبحانه و تعالى يوم القيامة ، و لهذا أحرص دوماً على تعليم أطباء و طبيبات الامتياز اللذين أقوم بالاشراف عليهم و أقول لهم:انتم خدامين العيان و أرجوكم احترموا الآم الناس.

ومن هذه المهن على سبيل المثال لا الحصر .. ضابط الشرطة .. والطبيب .. القاضي ووكيل النيابة .. والمحامي .. والمدرس

هذه المهن وأمثالها يصعب جدا وضع نوع من الرقابة عليها إذ أن :_

- القاضي : لا رقابة ولا سلطان عليه في أحكامه إلا لضميره
- الطبيب : داخل عيادته الخاصة بالإضافة الى ان الطب علم معقد ويعد من العلوم الصعبة والمستغلقة على معظم فئات الشعب (اللى مابيفهمش الدكتور بيعمله ايه لكن سايبه يعمله أملا في العلاج)
- ضابط الشرطة : المتحكم والمنفذ للسلطة التنفيذية في الدولة واللى بيكون بدون رقابة عليه تقريبا اثناء تنفيذه للمهام الموكلة به في الطريق العام
- المدرس : داخل الفصل ومدى قدرته على الشرح الجيد
- المحامي : أثناء إعداده لأوراق القضية وجهل الخصوم بقيمة كل ورقة من هذه الأوراق أمام المحمة

كلام أقل ما يُقال عنه أنه أكثر من رائع

يعني لما الدكتور بينسى الفوطة جوة بطن المريض تلاقي الدنيا قامت وقعدت تاني من هول ما إقترفته يداه .. طب ماهو فيه غيره الف واحد عملوا عمليات زي الفل ومانسيوش فوط ولا حاجة ... لكن لقدسية المهنة الناس ما بتقبلش الأخطاء فيها

المشكلة بقى ان ده هو المعتاد وليس الإستثناء كما ينبغي مهو ما يسيئ الى سمعة هذه المهن

فيه حاجة دايماً معروفة فى مصر ان أرخص حاجة فى مصر البنى آدم ، تعالى نبص كدة لأى دولة عربية و مش هأقولك أوروبية و لا أمريكا ، لو أى طبيب غلط علطول بيتعاقب و هأحكيلك مثال كان فيه طبيبة أسنان راحت اشتغلت فى السعودية و اشتغلت حالة و نتيجة خطئها المِهنى المريضة خلعت ضرسها و هى كانت عايزة تعالجه مش تخلعه ، المهم المريضة اشتكت و الكتورة اتحقق معاها و لما تبين خطأ الدكتورة طالبت المريضة بالقصاص و اتخلع ضرس للدكتورة زى ما كانت سبب فى خلع ضرس المريضة.ده مثال بسيط على احترام آدمية الانسان ،و ان المُخطئ لازم يتعاقب عشان يكون عبرة لغيره ، انما هنا فى مصر أرخص حاجة البنى آدم.

آسف على الإطالة

[/quote]

[casperinoo]

فيه حاجة دايماً معروفة فى مصر ان أرخص حاجة فى مصر البنى آدم ، تعالى نبص كدة لأى دولة عربية و مش هأقولك أوروبية و لا أمريكا ، لو أى طبيب غلط علطول بيتعاقب و هأحكيلك مثال كان فيه طبيبة أسنان راحت اشتغلت فى السعودية و اشتغلت حالة و نتيجة خطئها المِهنى المريضة خلعت ضرسها و هى كانت عايزة تعالجه مش تخلعه ، المهم المريضة اشتكت و الكتورة اتحقق معاها و لما تبين خطأ الدكتورة طالبت المريضة بالقصاص و اتخلع ضرس للدكتورة زى ما كانت سبب فى خلع ضرس المريضة.ده مثال بسيط على احترام آدمية الانسان ،و ان المُخطئ لازم يتعاقب عشان يكون عبرة لغيره ، انما هنا فى مصر أرخص حاجة البنى آدم.

يادكتور..بس برده ديه لو كانت ديه طبيبة اسنان سعوديه ....

طبعل في مجالنا فيه ناس معندهاش ضمير.....بس فيه كويسين كتيير برده.وبيراعو ربنا في كل حاجه...وبيحسو بالناس زي حضرتك كتيير...
بلاش التشاؤم يادوك....

كده الناس هتكرهنا اكتر مهما كرهنا

:) :) :)

[muslimah_dentist]

احنا فعلاً الناس بنكرهنا مش عشان احنا دكاترة مش كويسين احنا بس عشان دكاترة أسنان احنا مُخيقين للجميعبأحس ان الdental chair ده كرسى الاعتراف كل الناس أما بتقعد عليه بتنهار

أنا كان قصدى بالمثال اللى أنا قلته ان فيه رقابة على أى طبيب فى الخارج حتى لو فى أى دولة عربية انما هنا فى مصر رقيب الطبيب ضميره و خوفه من الله و ده مايمنعش ان فيه دكاترة كتير أمناء و بيتقوا الله فى مرضاهم ،جعلنا الله و اياك منهم.

[H.ibrahim]

بالله عليك يادكتورة لا تتوقفى عن كتابة هذه الحكايات الانسانية خاصة ان اقرب مهنة لذلك هى الطب بكل فروعه و الى المزيد من الحكايات و000 العظة و شكرا

[muslimah_dentist]

بالله عليك يادكتورة لا تتوقفى عن كتابة هذه الحكايات الانسانية خاصة ان اقرب مهنة لذلك هى الطب بكل فروعه و الى المزيد من الحكايات و000 العظة و شكرا

جزاك الله خيراً على مرورك .

و ماتقلقش أنا وراكم وراكم بحكايات البشر

[muslimah_dentist]

:wacko:الحكاية التاسعة:wacko:

بما اننا متفقين ان الطب ديه مهنة مُقدسة و مفروض ان يبقى النواحى الانسانية غالبة على العلاقة بين الطبيب و المريض احنا برضه متفقين ان المرضى دائماً ما ينظروا الى الطبيب أنه شخص مؤتمن و كثيراً ما يتحدث معنا المرضى على أدق خصوصياتهم، نيجى لحكاية النهاردة...........

بما انى بأشوف بشر كتير فى العيادة و كتير بأشوف أزواج و زوجات بيجوا مع بعض ، مرة كنت فى العيادة و دخلى زوج و زوجة و كانوا بسطاء للغلاية من الملابس المُهلهلة البسيطة و كانت الزوجة تعانى من ألم شديد نتيجة لتسوس وصل الى حد العصب و كان الزوج معها ينظر اليها بعين الحب و الرحمة و قال لى:دكتورة اكشفى عليها.المهم كشفت عليها و قلتلها:انتى عندك ضرس مسوس و وصل العصب و قدامك انك تخلعيه أو تعمليه حشو عصب و أنا أفضل حشو العصب.
راح زوجها قالى :يا دكتورة و ايه الأحسن و اعميلهولها ، أنا مش عايزها تتوجع.

أده ايه كانت كلماته بسيطة بس بالرغم من كل ده احتوت كل معانى الحب و الاحترام لزوجته.

فى الحين الآخر يأتينى العيادة أزواج و زوجات من الطبقة العُليا من المجتمع و أقل ما يُقال عن الزوج انه مش طايق مراته و يتمنى ان الآلام اللى بتشعر بيها تزيد عشان تتعذب.هتقولوا ممكن تكون أرفاه عشان كدة فرحان فيها بس صدقونى الحب و الكره بيبانوا فى المواقف ديه اذا ماكنش أقرب الناس ليا يحس بوجعى و يتوجع معايا أُمال يكون امتى.

كل ده أى دكتور ممكن يلاحظه و يتأثر بيه و يتعجب لأنى بأقعد أتأمل أحوال البشر و أقول:سبحان الله السعادة و الحب دخلوا العشة و مادخلوش القصر؟

ممكن الزوجة اللى زوجة فلان الفلانى اللى هو رجل الأعمال و المليونير و اللى عنده العربية الفلانية اللى كل ناس بتتوهم عليها من أتعس الزوجات بينما زوجة العامل البسيط اللى ممكن مايلاقيش اللقمة من أسعد الزوجات و عجبت لأحوال البشر و دنياهم العجيبة، يا سبحان الله.

[AHMEDCAR]

بجد الموضوع كل شويه بيشدنى اكتر من الاول الى الامام