حكايات البشر

[elassar2010]

السلام عليكم و رحمة الله و بركاته

أ

.

الحكاية الأولى

لن أنسى هذا الموقف ما حييت و لن أنسى هذه الفتاة ما عشت فى هذه الدنيا ، فانها أثرت فى كثيرا لدرجة أجبرتنى على البكاء.

جاءت الى العيادات (نسيت أن أخبركم أننى مُعيدة بالجامعة) و لهذا يرد على العيادات الخارجية للكلية الكثير من الحالات و لأننى فى قسم طب الفم و أمراض اللثة و هذا القسم مَعنى بالدرجة الأولى باكتشاف الأمراض التى تظهر فى الفم قبل الجسد مثل السرطانات أو أمراض المناعة المُختلفة أو حتى الأمراض ما قبل المُسرطنة و غيرها الكثير.

جائت هذه الفتاة و هى ابنة اثنى عشرة ربيعا بصحبة والدها الذى كان يُريد أن يعلم ما هى حالة ابنته فقد كان يدور بها على كل المستشفيات و كل العيادات الخاصة و ذهب بها هنا و هناك و لا يعلم أحد ما بهذه الصغيرة و لأن حالة الفتاة حقا كانت غريبة نوعا ما ، قام القسم بعمل كونسلتو من الأطباء و بعد أخذ عينة من الفتاة و تحليلها باثوليجياً اكتشفنا أنها مُصابة باللوكيميا (سرطان الدم) و انتدبنى القسم كى أعمل عليها و أعالجها مما تُعانى منه ن التهاب شديد باللثة و الخ .......

و لكننى عندما كنت أعمل على هذه الفتاة لم أتمالك نفسى و استوقفتنى هذه اللحظة التى ذكرتها لكم من قبل لحظة تُجبرك أن تقف و تتأملها ، قُلت فى نفسى هذه الفتاة لم تعيش من الدنيا ما عشت أنا و هى تنتظر الموت فى أى لحظة و ما بين هذا التأمل باغتتنى نفسى قائلة و ما أدراكى أنها ستموت قبلك ، ممكن أن تموتى أنتى قبلها ، فأنتى الآن تتحسرى على طفولتها و ممكن أن تخرجى من العيادة و تموتى بأى شكل كان، فى وقتها بكيت عندما أدركت أن الموت أقرب مما نتوقع لأننا لا نحتاج للمرض كى يُذكرنا أنه قريب بل هو قريب حقا.

أذهلنى تجلدها و تحملها للألم بينما أعمل عليها و هى الطفلة الصغيرة بينما الكثير منا اذا واجهته أى مشكلة بسيطة أقام الدنيا و لم يُقعدها.

حقاً هى لم تتحدث و لم تقل لى الكثير و لكننى تعلمت منها الكثير ،الكثير .

يااااااة الموضوع دة حصل معايا وانا فى الكلية اتوبيس غرب اتقلب بينا واحنا راجعين من الكلية وكنا 48طالب من الكلية وعلشان السواق كان محشش كان طاير الساعة 2الظهر وبيسابق وبيغرز على عربيات النقل ومعرفش يفادى مقطورة قاطعة الطريق علشان يدير والاتوبيس اتقلب اكتر من مرة لحد ماوقع فى حاجة زى مصرف كدة والنتيجة موت زميلة فى الكلية واصابات بالغة وناس تانية الحمدالله سليمة
بعد الحادثة دى انا فكرت زيك بالظبط يادكتورة القدر والنصيب كان مستنيها هى بس مع ان كلنا كنا فى اتوبيس واحد
وفكرت لو كنت موت كنت هبقى اية؟؟
الحادثة دى غيرت حاجات كتير اولها انى كنت بشرب سجاير بس من ثانوى عزمت انى ابطلها والحمد الله بطلتها بعد الكلية دلوقتى خلاص مش بشرب سجاير بحاول اغير من نفسى والحمد الله

[muslimah_dentist]

:wacko:الحكاية الثالثة:wacko:

عايزة احكيلكم النهاردة عن الوجه الآخر من العملة ، قصدى اكلمكم شوية عن الدكاترة.ماتخفوش مش هيبقى الكلام بعيد عنكم لكن هيبقى أقرب مما كنتم تتوقعوا.

أما كنت لسة طالبة فى الكلية كان معانا فى الدفعة زميل كان دايماً بيطلع من الأوائل بس كان عنده داء صعب أوى و هو انه غشاش كان بيموت فى حاجة اسمها غش ، كان بيئرف اى حد قاعد جنبه فى اللجنة.

خلصنا البكالوريوس و بقينا أطباء و طبيبات امتياز و كنا بنتقسم rounds يعنى كل شهر فى قسم من أقسام الكلية يعنى شهر جراحة ، شهر تقويم ،شهر علا جذور و الخ................
زميلى ده كان شغله حلو أوى بس كان بيشتغل بمزاجه يعنى مثلاً لو العيان أو العيانة دخل أو دخلت دماغه كان يعملها أحلى شغل و لو العيان مادخلش نافوخه يقلبه قلبة تمام ، مش بس كدة اما كنا فى قسم الجراحة كان يتعمد يعمل اخطاء علشان يتعلم يعنى مثلاً أما كان بيخلع الضروس كان يتعمد يكسرها علشان يجيب نوع معين من الأدوات علشان يتعلم يستخدمها و أما كنا نسأله:انت بتعمل كدة ليه
كان يقول:أُمال أتعلم ازاى
كنا نقوله:طيب حرام عليك تعرض العيان للأمر ده كان الخلع مايخدش معاك 5 دقايق دخلت العيان فى ربع ساعة علشان تتعلم.

المهم صاحبنا ماكنش بيسمع حد ، خلصنا امتياز و رحنا دار الحكمة علشان نقول القًسم فاذا بصاحبنا مارضاش يقول معانا القسم سألته:انت مأقولتش القًسم معانا ليه.
قال:علشان انا عارف هاعمل ايه بعد كدة.

المهم اتخرجنا و عشان هو من الأوائل اتعين مُعيد فى الجامعة و اما كنا فى امتحانات تمهيدى الماجستير كان برده داء الغش ملازمه بس كان حظه وحش لأنى كنت أنا اللى جنبه فماكنش عارف يغش اى شئ.

مرة كنت بأراقب على طلبة الكلية و اكتشفنا حالة غش لطالبة عن طريق سماعة البلوتوث نخيلوا مين اللى كان بيغششها طلع صاحبنا لأنه كان ُمعجب بيها:K15:.

أنا مش بأحكى حكاية صاحبنا علشان نغتابه أنا بأقولكم "من شب على شئ شاب عليه" اللى هيغش و هو طالب هيفضل طول عمره غشاش ، غشاش فى حياته الاجتماعية ،غشاش فى العمل ، و ممكن يبقى غشاش مع عياله.

و صدق رسول الله صلى الله عليه و سلم عندما قال:"من غش فليس منا"

فخلوا بالكم "اياكم و الغش"

[muslimah_dentist]

:wacko:الحكاية الثالثة:wacko:

عايزة احكيلكم النهاردة عن الوجه الآخر من العملة ، قصدى اكلمكم شوية عن الدكاترة.ماتخفوش مش هيبقى الكلام بعيد عنكم لكن هيبقى أقرب مما كنتم تتوقعوا.

أما كنت لسة طالبة فى الكلية كان معانا فى الدفعة زميل كان دايماً بيطلع من الأوائل بس كان عنده داء صعب أوى و هو انه غشاش كان بيموت فى حاجة اسمها غش ، كان بيئرف اى حد قاعد جنبه فى اللجنة.

خلصنا البكالوريوس و بقينا أطباء و طبيبات امتياز و كنا بنتقسم rounds يعنى كل شهر فى قسم من أقسام الكلية يعنى شهر جراحة ، شهر تقويم ،شهر علا جذور و الخ................
زميلى ده كان شغله حلو أوى بس كان بيشتغل بمزاجه يعنى مثلاً لو العيان أو العيانة دخل أو دخلت دماغه كان يعملها أحلى شغل و لو العيان مادخلش نافوخه يقلبه قلبة تمام ، مش بس كدة اما كنا فى قسم الجراحة كان يتعمد يعمل اخطاء علشان يتعلم يعنى مثلاً أما كان بيخلع الضروس كان يتعمد يكسرها علشان يجيب نوع معين من الأدوات علشان يتعلم يستخدمها و أما كنا نسأله:انت بتعمل كدة ليه
كان يقول:أُمال أتعلم ازاى
كنا نقوله:طيب حرام عليك تعرض العيان للأمر ده كان الخلع مايخدش معاك 5 دقايق دخلت العيان فى ربع ساعة علشان تتعلم.

المهم صاحبنا ماكنش بيسمع حد ، خلصنا امتياز و رحنا دار الحكمة علشان نقول القًسم فاذا بصاحبنا مارضاش يقول معانا القسم سألته:انت مأقولتش القًسم معانا ليه.
قال:علشان انا عارف هاعمل ايه بعد كدة.

المهم اتخرجنا و عشان هو من الأوائل اتعين مُعيد فى الجامعة و اما كنا فى امتحانات تمهيدى الماجستير كان برده داء الغش ملازمه بس كان حظه وحش لأنى كنت أنا اللى جنبه فماكنش عارف يغش اى شئ.

مرة كنت بأراقب على طلبة الكلية و اكتشفنا حالة غش لطالبة عن طريق سماعة البلوتوث نخيلوا مين اللى كان بيغششها طلع صاحبنا لأنه كان ُمعجب بيها:K15:.

أنا مش بأحكى حكاية صاحبنا علشان نغتابه أنا بأقولكم "من شب على شئ شاب عليه" اللى هيغش و هو طالب هيفضل طول عمره غشاش ، غشاش فى حياته الاجتماعية ،غشاش فى العمل ، و ممكن يبقى غشاش مع عياله.

و صدق رسول الله صلى الله عليه و سلم عندما قال:"من غش فليس منا"

فخلوا بالكم "اياكم و الغش"

[muslimah_dentist]

يااااااة الموضوع دة حصل معايا وانا فى الكلية اتوبيس غرب اتقلب بينا واحنا راجعين من الكلية وكنا 48طالب من الكلية وعلشان السواق كان محشش كان طاير الساعة 2الظهر وبيسابق وبيغرز على عربيات النقل ومعرفش يفادى مقطورة قاطعة الطريق علشان يدير والاتوبيس اتقلب اكتر من مرة لحد ماوقع فى حاجة زى مصرف كدة والنتيجة موت زميلة فى الكلية واصابات بالغة وناس تانية الحمدالله سليمة
بعد الحادثة دى انا فكرت زيك بالظبط يادكتورة القدر والنصيب كان مستنيها هى بس مع ان كلنا كنا فى اتوبيس واحد
وفكرت لو كنت موت كنت هبقى اية؟؟
الحادثة دى غيرت حاجات كتير اولها انى كنت بشرب سجاير بس من ثانوى عزمت انى ابطلها والحمد الله بطلتها بعد الكلية دلوقتى خلاص مش بشرب سجاير بحاول اغير من نفسى والحمد الله

أخى الكريم elassar2010 ما اكثر المواقف التى تمر بنا فى الحياة و تقلب حياتنا رأساً على عقب و فى تصورى أن هذه المواقف رحمة من عند الله كى نتغير للأحسن فهى بمثابة جرس الانذار حتى نستفيق من غفلتنا و ربنا يقويك و تكمل الطريق و جعل مثوى هذه الأخت المُتوفاة الجنة.

[نور القمر]

حقيقي انتي انسانه رائعه وسعيدة بوجودك معانا في المنتدى
متابعه بانسجام .. على رأي شيكو

[H.ibrahim]

جزاك الله خيرا يادكتورة
و كملى الموضوع علشان انا متابع للحكايات الانسانية بشدة

[muslimah_dentist]

حقيقي انتي انسانه رائعه وسعيدة بوجودك معانا في المنتدى
متابعه بانسجام .. على رأي شيكو

ايه ده نور:k20:.....

أنا ماستهالش الكلام الجميل ده..

و ليكى منى أحلى بوكيه ورد يا ست الستات....

[muslimah_dentist]

جزاك الله خيرا يادكتورة
و كملى الموضوع علشان انا متابع للحكايات الانسانية بشدة

شكراً على مرورك.

[AHMEDCAR]

بجد بجد من اجمل المواضيع الموجوده فى الاجتماعى متابع باهتمام

[muslimah_dentist]

:wacko:الحكاية الرابعة:wacko:

بما انى مش جايلى نوم بالرغم انى مفروض أصحى بدرى قلت أقولكم الحكاية الرابعة اللى كان ليها تأثير كبير فى حياتى.

كانت فيه حالة لسيدة فى الأربعينات كنت أجهزها لأن هناك دكتور سيقوم بعمل عملية جراحية لها فى الفم فى امتحان الدكتوراة الخاص به.

كانت دوماً تأتى هذه السيدة بصحبة ابنتها و كانت دوماً ما تستند الابنة على يد أمها أثناء الرحيل و لكننى لم أُعر لهذا الأمر انتباهاً.

فى يوم كنت أعمل على هذه السيدة و ابنتها تجلس معنا فى العيادة و كنت أريد أن أرمى قطعة من القطن فى سلة المهملات فقلت للفتاة: لو سمحتى قربيلى السلة.
فلقيت البنت عمالة تدور حواليها فقلتها :أهى قدامك.
المهم انها قربتهالى

بعد أن انتهيت من العمل اذا بالأم تقول لى:دكتورة بنتى عامية مابتشوفش.
ذُهلت لهذا الأمر لأن هذه الشابة الواقفة أمامى لا يُرى عليها أى أثر من فقدان البصر فعينيها لا تدور دون هدف أو انها لا ترتدى نظارة تخفي عينيها أو أشياء من هذا القبيل
ثم استطردت الأم قائلة:بنتى يا دكتورة كانت من الأوائل على المحافظة فى الثانوية العامة و كان حلم حياتها تدخل كلية الطب ، بس بعد النتيجة كنا مسافرين و عملنا حادثة و حصلها اللى حصل و اضطرت تدخل كلية التربية.

و الله تأثرت من هذا الموقف كثيرا ، فعندما كانت تروى فانها كانت تروى بحسرة أى أم على ما ألم بابنتها من مُصيبة و ابتلاء شديد و لكننى رأيت فى عين هذه الفتاة ما لم أراه فى عين امها ، رأيت القوة و العزيمة و الارادة.

فاذا بى أنظر لهذه الشابة الواقفة أمامى و أقول لها:حبيبتى اعلمى أن هذا ابتلاء من عند الله ، و ليس هذا نهاية المطاف و لكنه بداية الطريق الى حياة أخرى ، ممكن أن يكون قد أخذ الله منكى البصر و لكنكى لو صبرتى و احتسبتى لأعطاكى البصيرة.....و أخذت أُصبرها بكلمات بسيطة.

أصبحت تأتى مع أمها فى كل جلسة و أصبحت أُصبرها بما تجود به الكلمات من معانى ، فاذا بوالدتها فى يوم من الأيام تأينى بصورة لابنتها وهى مخطوبة و تقول لى:شفتى يا دكتورة ديه صورتها ، كانت مخطوبة قبل الحادثة بس بعد اللى حصل خطيبها سابها.
قلت:لاحول و لا قوة الا بالله.

حكاية هذه الفتاة قد أثرت فى كثيرا و نظرت اليها من نظرة أخرى ان الاعاقة الحقيقية ليست الاعاقة البدنية أو الذهنية و لكنها الاعاقة الروحية ، هذه التى تُعيق الروح عن الانطلاق و التقدم هذه التى تقول لك"مش هتقدر ، مش هتنجح ، مش هتنفع" هذه هى الاعاقة الحقة و للأسف يُعانى منها الكثير من الأصحاء.

فكم من أعمى و هو مُبصر
و كم من أصم و هو يسمع
و كم من قعيد و هو يسير
هذه هى الاعاقة الحقيقية.

رحلت الأم و رحلت معها ابنتها الشابة و لكنها تركت فى نفسى أثراً و عُمقا غريباً لن تمحوه السنين ما حييت.

[muslimah_dentist]

بجد بجد من اجمل المواضيع الموجوده فى الاجتماعى متابع باهتمام

شكراً على مرورك.

[muslimah_dentist]

:wacko:الحكاية الخامسة:wacko:

أنا عمالة أهرب من كتابة رسالة الماجستير بتاعتى و أدخل على المنتدى علشان أحاول أريح دماغى شوية.:k41:

نبدأ بالحكاية الخامسة و ديه حكاية " حاج محمد"

حاج محمد هو رجل يبلغ من العمر الخامسة و السبعين تعلو وجهه تجاعيد السنين ويُنير وجهه لحيةُ بيضاءُ كثة اذا مشى رأيته يعتمد على عُكازه كى يُساعده على السير و يمشى بمشية بطيئة من ارهاق ما خلفته السنين على صحته ، جاء الى العيادة كى يخلع ماتبقى من أسنانه كى يقوم بعمل طقم أسنان.

استقبلته و بدأت العمل عليه فكنت دوماَ ما أتأمل اثر السنين على وجهه و على طبيعته الفطرية الجميلة من الطيبة و الكلام الطيب الذى يُذكرك بهذه الأيام التى كان يحترم فيها الصغير الكبير و يُوقره أو كما نقول أيام الزمن الجميل.

فى يوم كنت أعطى الحاج محمد ميعاد فقلت له:ميعادنا الأسبوع القادم يا حاج
قال لى بطيبته المعهودة : الأسبوع الجاى، مين يعيش يا دكتورة ، ممكن أكون لحقت بالحاجة.

خرج من العيادة بخطواته البطيئة و أخذت أنظر اليه و قلت لها:كيف سيكون حالى اذا وصلت الى هذا العمر و كيف سيكون فعل السنين فى وجهى و صحتى و هيئتى و مشيتى و هل سيكون معى رفيق درب يشد من أزرى و نُصبر بعضنا البعض على طول العمر و المرض أم سأكون وحيدة مثل حاج محمد الذى أرهقته السنين فى دروبها.

فسبحان الله يُرد الانسان بعد سن الفتوة و الشباب الى الكبر و الضعف ، فهلا اغتنمنا هذه السنين الذهبية من عمرنا و حفظناها كى يحفظ الله لنا حالنا أثناء الكبر و الضعف.

و أختم بقول الله تعالى:
و منكم من يرد الى أرذل العمر لكيلا يعلم من بعد علم شيئا
(سورة الحج 5)

[muslimah_dentist]

متابعين و لانايمين

[H.ibrahim]

متابعيين جدا جدا جدا جدا جدا
بلاش تاخير و كملى بسرعة يادكتورة

[waled369]

و الله ما قدرت أكتب ردود لحين الانتهاء من قراءة بقية الحكايات .

فعلا حكايات مؤثرة و الدنيا يا ما فيها.

لعلها تكون عبرة و عظة للجميع و جزاك الله خيرا .

اوعي تنسي بقية الحكايات