متفرطش فى الدولارات اللى معاك

[Imhotep]

انا مستمتع بمشاركات الزملاء اعلا ه بس


فى اشياء يجب ذكرها فى سياق الموضوع
--- السعودية والامارات ومعهم بقية الدول الخليجية التى تساعد مصر ماليا من بعد 3/7 ..صرحت مرارا وتكرارا بان عهد المنح المفتوحة قد انتهى ! وان مصر عليها تدبر امرها بخلق بيئة جديدة للاستثمارات وتشجيع رؤوس الاموال العربية والغربية على العودة لمصر .ّ ! انما شغل المساعدات والملعونات لا يكون لها اثر على الحياة الاقتصادية لا لمصر ولا المصريين !!

اللى صرح بالكلام ده هو عبد الرحمن الراشد وطارق الحميد ..الصحفيان المقربان من الخارجية السعودية وهما ايضا صحفيان مؤيدان للنظام الحالى .


--وايضا ..اتجاه دول الخليج لرفع الدعم عن الوقود ..ثم فرض الضرائب على المواطنين والمقيمين لاحقا . ! ده تطور جديد ولم يحدث فى الخليج منذ الطفرة النفطية فى السبعينات . الامارات اول من رفع الدعم عن الوقود وستتبعها دول الخليج لاحقا . والضرائب قادمة قادمة .



-- الشىء الغير جبد ان مصر مشكلتها الان بجانب الفساد والبيروقراطية هو النظام التعليمى الفاسد والمتخلق سواء ما قل الجامعى او الجامعى ... ومفيش امة بتنهض من غير ما تعمل ثورة فى التعليم .

-- الشىء السىء ايضا ...عدم وجود برلمان ..ورءيس الجمهورية يفرض قوانين على مزاجه بدون مراجعة من اى احد ! ويتصرف بصورة كأنه واخد صك مفتوح ليفعل ما يشاء وقت ما يشاء . ! بدون محاسبة او رقابة من احد . ! وبصراحة القوانين بتطبق على المزاج وفى قوانين حتى هو فشل فى تطبيقها ..كالحد الاقصى للاجور ... !! وكقانون التظاهر اللىامناء الشرطة كسروه .


--الملخص .. الاقتصاد القوى لا يجتمع مع الفساد وضعف التعليم

باشا انا هبدأ بآخر جملة انت كتبتها. . . و اللى نص العالم حرفيا يشهد على خلافها
الاقتصاد القوى ممكن يجتمع مع الفساد زى ما بيحصل فى الصين اللى اقتصادها بيعانى كثيرا من الفساد الحكومى كأثر من اثار الشيوعية لكنها على الطريق فى محاربته
و ايضا ممكن للاقتصاد القوى ان يجتمع مع ضعف التعليم كما فى حالة الهند اللى معدل الامية فيها هو نفس معدل مصر. . . بس هى من زمان حطت ايدها على الاهتمام النوعى قبل الكمى عشان كده بتورد للعالم افضل متخصصى التكنولوجيا و ال it فى العالم
يعنى عندنا طريق ممكن نمشيه زى ما ممشيه غيرنا و ان شاء الله مفيش غيره
بالنسبة لباقى كلامك
طبعا لازم نتفطم و نعتمد على نفسنا مع ملاحظة ان حلفاء مصر حاليا مش هيسمحوا ان مصر تقع لان ده مش فى مصلحتهم . . . زى لما لو قامت حرب بين الامارات و ايران على جزر طنب الكبرى و الصغرى الاماراتية اللى محتلاها ايران مينفعش مصر تعمل من بنها. . . بالمثل مع السعودية اللى علاقاتها مع ايران اكثر حرجا و ممكن تتطور فى اى وقت الى ما هو اكثر التهابا. . . و طبعا لازم نظبط امورنا و هيحصل ان شاء الله مهما كانت الكبوات فى الطريق

[3adelnor]

باشا انا هبدأ بآخر جملة انت كتبتها. . . و اللى نص العالم حرفيا يشهد على خلافها
الاقتصاد القوى ممكن يجتمع مع الفساد زى ما بيحصل فى الصين اللى اقتصادها بيعانى كثيرا من الفساد الحكومى كأثر من اثار الشيوعية لكنها على الطريق فى محاربته
و ايضا ممكن للاقتصاد القوى ان يجتمع مع ضعف التعليم كما فى حالة الهند اللى معدل الامية فيها هو نفس معدل مصر. . . بس هى من زمان حطت ايدها على الاهتمام النوعى قبل الكمى عشان كده بتورد للعالم افضل متخصصى التكنولوجيا و ال it فى العالم
يعنى عندنا طريق ممكن نمشيه زى ما ممشيه غيرنا و ان شاء الله مفيش غيره
بالنسبة لباقى كلامك
طبعا لازم نتفطم و نعتمد على نفسنا مع ملاحظة ان حلفاء مصر حاليا مش هيسمحوا ان مصر تقع لان ده مش فى مصلحتهم . . . زى لما لو قامت حرب بين الامارات و ايران على جزر طنب الكبرى و الصغرى مينفعش مصر تعمل من بنها. . . بالمثل مع السعودية اللى علاقاتها مع ايران اكثر حرجا و ممكن تتطور فى اى وقت الى ما هو اكثر التهابا. . . و طبعا لازم نظبط امورنا و هيحصل ان شاء الله مهما كانت الكبوات فى الطريق

دا انت اللي باشا يا استاذي
ايه كمية المعلومات دي :)
معلش هو سؤال شخصي شويه , حضرتك مجال دراستك او عملك في السياسة والاقتصاد ؟؟؟ ,انا متوقع حاجة من اتنين دول , اصل مستحيل كمية المعلومات دي وميكنش حاجة من الاتنين دول :)
واكيد متفوق فيها سواء لو كان دراسة او عمل
بجد انا برفعلك القبعة

[FAR!D]

احنا حفرنا قناه السويس علي الناشف و قدمناها هديه للعالم و لسه عايز اماره ؟؟؟

شكلك مش متفائل و بتستمد طاقتك السلبيه مش عارف منين :d

اضراب امناء الشرطه و خساره البورصه امارات تدعو للتفاؤل

ده كفايه وزير الري اللي طالع يقول احنا في شح مائي

تفاءل يا اخي :d

قعدت تتدلع و تتمنع اديك قاعد معانا
من بكره السفر للسودان بموافقه من امن الدوله
خليك معانا هنا باه و فكك من نظره سيبهالكم مخضره

[Bassem Youssef]

السيئه تعم و الحسنه تخص

كل القرارات الفاشله بتاعت الحكومه الحاليه هتيجي علي دماغ الكل

[Imhotep]

قعدت تتدلع و تتمنع اديك قاعد معانا
من بكره السفر للسودان بموافقه من امن الدوله
خليك معانا هنا باه و فكك من نظره سيبهالكم مخضره

لسه فيه اثيوبيا :-)
بمناسبة اثيوبيا. . . كان احد اصدقائى سافر اثيوبيا قريب. . . رجع يقولى البنات هناك مش طبيعية. . . قلتله يعنى ايه يا عم. . . قالى لبسهم و حركاتهم مش طبيعية. . . و لما سأل عن السر عرف ان معدل العنوسة مرتفع و البنات بتتدلع و تدلل على عريس
مصلحة اهه لك يا اخ باسم و معلومات جامدة بنفيدك بيها اهه لوجه الله عشان يسهل طريقك. . . بس للاسف صاحبى مسألش عن شروط الجواز و هل صعبة و لا لأ. . . لأن تخيل كده يطلع مهر العروسة عندهم مثلا ان العريس يقدم للعروسة 100 رأس ماشية :-) يادى الخساير كده تبقى المصرية ارخص :-)
يالله ياعم روح انت و استكشف. . . الله يسهله يا سيدى :-)
صدقنى يا ابن الناس انا مهتم بنجاحك فى مغامرتك لسبب عام يمكن اكتر من مجرد نجاح فردى لشخص يحاول ان يسعى للحياة الافضل
السبب الاهم فى رأيى هو المحاولة و التجربة و المغامرة نفسها
لازم يبقى عندنا ملايين المغامرين و المستكشفين بدل نمط الحياة الرتيب بتاعنا من الاف السنين لما الارض مبقتش سايعانا
تخيل كده لو كولومبوس كان قرر يكوع جمب مدام كولمبوس. . . كان راح منه تسجيل اسمه فى التاريخ
و قيس على كده كل المغامرين
ربنا يوفقك بجد

[ahmed_eng2001]

الاستاذ امحتب ....

كلام رائع و تحليل منطقى جدا .... و انا متفق مع حضرتك فى اغلبه ... و لكنى اعترض على بعض النقاط ....

الصين دائما بتحاول تخفض قيمة اليوان امام الدولار ... و ابسط حاجة بتعملها انها بتضخ يوان كتير فى السوق الصينية لتحافظ على انخفاض قيمته امام الدولار دائما ..... اليومين الى فاتوا ... الموضوع زاد شوية .. نتيجة انخفاض معدل النمو زى ما حضرتك ذكرت بالفعل ....

للأسف ... الدولة لم تقضى على السوق السوداء ... و لا تزال شركات الصرافة موجودة فى السوق .... انا لسة مغير ب 7,87 من يومين .... فى حين ان السعر فى البنك 7.8
و الموضوع ده يعتبر حل مؤقت .... و لا اعتقد ان الحكومة حتستطيع الاستمرار فيه للأبد

الحكومات و الدول ممكن تتغلب ببساطة .... عند حضرتك مثال النمور الاسيوية قديما .... و اليونان حديثا .... هما مكملوش سقوط .... علشان وجودهم مهم جدا للاستقرار العالمى

انا اعترض على جملة حضرتك اننا اصطدمنا بالقاع فى 2011 ... و اعتقد ان القاع يكون عندما لا نجد ما نأكله او بمعنى اخر .... افلاس حقيقى للافراد .... و ده يتبعه اعمال سلب و نهب

متفق مع حضرتك فى مثال ماليزيا و فيتنام

مختلف مع حضرتك فى موضوع اجراءات البنك المركزى .... لتجفيف منابع الاستيراد .... لو ده حل مؤقت ... يبقى تمام ... و لازم يكون ليه بديل قريبا ..... علشان حضرتك بتجفف منابع استيراد قطع الغيار .... و استيراد المواد الاساسية للصناعة ... و كمان الزراعة

امتى ؟؟ و كيف .. و ما هى الاجراءات المستقبلية للبنك المركزى ؟؟؟ لوضع مصر فى المسار الاقتصادى ... لبلد زى ما حضرتك ذكرت ... قائمة على الاستيراد !!!

تخفيض قيمة الجنيه مش مطلوب طالما اننا بلد بتستور اكتر مما تنتج .....

السعودية معندهاش استعداد تنزل سعر البترول اكتر من كدة و كدة مش بعيد اوى من سعر الانتاج .... السعودية كانت محبس لظبط اسعار البترول فى العالم ..... و اكنت تستطيع تقليل الانتاج للحفاظ على اسعار البترول من الانخفاض .... و لكن هذه المرة كان لها رد غريب !!!! و هو التزامها بطلبيات لتوريد البترول !!!!! بالرغم من انها عملت اكتر من مرة فى السنوات السابقة

السيء فى موضوع البترول ..... ايران .... علشان السعر حيستمر فى النزول بعد تحرك اول حاملة بترول من موانى ايران للعالم !!!! فسعر البترول حينزل كمان ... او على الاقل مش حيزيد فى الفترة القصيرة القادمة

نقطة اخيرة .... موضوع مزعلنى فعلا .... احنا امتى حنكون مقاومين شوية للتغيرات العالمية ؟!!! انا مش مثالى و حقول اننا لا نتأثر بالتغيرات العالمية ... انما .... مشاكل فى الصين .... احنا نتأثر ... مشاكل فى امريكا ... اقتصادنا يتأثر .... حرب فى حتة معينة ...
الغريب ان ساعات كتير الدنيا بتتحسن ... احنا مش بنتأثر الا بالازمات فقط !!!

متابع معاك

[Bassem Youssef]

قعدت تتدلع و تتمنع اديك قاعد معانا
من بكره السفر للسودان بموافقه من امن الدوله
خليك معانا هنا باه و فكك من نظره سيبهالكم مخضره

هو مفيش غير السودان ؟؟؟

بباسبورك المصري تقدر تدخل اكتر من 45 دوله بدون تأشيره او بتأشيره من المطار

ده غير الدول اللي تقدر تاخد تأشيرتها في نص ساعه من السفاره

انا بس اخترت السودان عشان قريبه مننا و دوله مسلمه زينا و عشان الاستثمار الزراعي

بس مفيش نصيب ... في اكتر من 44 دوله غيرها

هل كلهم بموافقات امنيه ؟؟؟ لا طبعا :)

و علي فكره

النهارده السودان و تركيا و قطر و سوريا و ليبيا بموافقه امنيه

بكره امريكا و انجلترا و المانيا و كله هيبقي بموافقه امنيه

و لما تكون الهجره واجبه في المستقبل القريب جدا ... محدش هيعرف يخرج منها

و ابقي افتكر كلامي ده كويس في المستقبل القريب :)

[sting_2010]

باشا انا هبدأ بآخر جملة انت كتبتها. . . و اللى نص العالم حرفيا يشهد على خلافها
الاقتصاد القوى ممكن يجتمع مع الفساد زى ما بيحصل فى الصين اللى اقتصادها بيعانى كثيرا من الفساد الحكومى كأثر من اثار الشيوعية لكنها على الطريق فى محاربته
و ايضا ممكن للاقتصاد القوى ان يجتمع مع ضعف التعليم كما فى حالة الهند اللى معدل الامية فيها هو نفس معدل مصر. . . بس هى من زمان حطت ايدها على الاهتمام النوعى قبل الكمى عشان كده بتورد للعالم افضل متخصصى التكنولوجيا و ال it فى العالم
يعنى عندنا طريق ممكن نمشيه زى ما ممشيه غيرنا و ان شاء الله مفيش غيره
بالنسبة لباقى كلامك
طبعا لازم نتفطم و نعتمد على نفسنا مع ملاحظة ان حلفاء مصر حاليا مش هيسمحوا ان مصر تقع لان ده مش فى مصلحتهم . . . زى لما لو قامت حرب بين الامارات و ايران على جزر طنب الكبرى و الصغرى الاماراتية اللى محتلاها ايران مينفعش مصر تعمل من بنها. . . بالمثل مع السعودية اللى علاقاتها مع ايران اكثر حرجا و ممكن تتطور فى اى وقت الى ما هو اكثر التهابا. . . و طبعا لازم نظبط امورنا و هيحصل ان شاء الله مهما كانت الكبوات فى الطريق

بص يا باشا غالبية الدول الصناعية او ذات الاقتصاد القوى ..فيها ديموقراطية وعدالة وتداول سلطة وبرلمان حر وصحافة حرة والخ الخ .باستثناء دول قليلة ومنها الصين !

بالنسبة للهند الامية فيها 27 فى المئة .!! وما اعتقدش انها اقل من مصر !! بالاضافة انها اكبر يموقراطية فى العالم وفيها برلمان وتداول سلطة .! والتعليم فى الهند (انت اتكلمت عن ال it وانهم لهم باع كبير فيه ) ناهيك عن التعليم الطبى وفى مجال تصنيع الادوية وخلافه (يكفى القول انهم مسيطرين على فرص االاطباء الاجانب فى img فى امريكا واستراليا )

بالنسبة لجزء السياسة وتحالف السعودية مع مصر !! الملك سلمان وفريقه الحاكم غير فريق الملك عبد الله رحمه الله حتى لو بدا ظاهريا غير ذلك .! وفى خلافات بين السعودية ومصر فى ملفات مهمة جدا مثل التعامل مع النووى الايرانى والقضية السورية ! وحتى ليبيا مفيش توافق فى الرؤى فيها . يعنى العلاقات رمادية فى مسائل كتيرة

لو لم يكن العيب فى سياسات الانظمة الحاكمة اللى فشلت فى جعلنا دولة صناعية ذات اقتصاد قوى ..فمن يكون المسئول . !! وكان المبرر هو اننا حاربنا والخ الخ !! مع ان اخر حرب دخلناها كانت من 43 سنة .

ياريت النظام الحالى ينجح فى برنامجه الاقتصادى ..اللى مش باين ليه اى ملامح حتى الان ولا يختلف عن برنامج مبارك الاقتصادى .

[ali ashraf]

النقد بغرض البناء لا الهدم

اشكر كل الاخوة اللى ابدوا اهتمام مشكور بالموضوع و اشير الى الفرق بين النقد و الانتقاد , النقد او حتى المعارضة الغرض منها اظهار اماكن الضعف و ايضا القوة للمساهمة فى اثراء المعلومات و الاراء و بالتالى اتخاذ قرارات يفترض تكون الافضل و على النقيض الانتقاد هو المعارضة و الهجوم على كل شئ بغرض التسفيه و الاضرار ( وهو ما يجب ان نتحاشه بالكلية) و يا ريت نبعد عن موضوع الراى الواحد و المحتكر انه هو بالضرورة الصح و راى الغير مغرض و على باطل اعتقد توسيع المناقشة و تقبل كل الاراء افضل للجميع......بالانسبة لكلام الاسناذ امنوحتب كلام جميل و موزون و ينطق بحب مصر و يا ريت فى نفس الوقت نشعر بان الآخر برضه بيحب مصر.... و زى ما حضرتك قلت المعلومات اللى حضرتك ذكرتها اعرفها و اعيها تماما فهى متداولة و منشورة و مش محتاجة بحث كبير فى وجود الشبكة العنكبوتية.....انما اعتقد اننا وصلنا لراى مشترك حاولت اطرحه ان الاقتصاد المصرى لازم يغير مساره الحالى لو عايز يكون اقتصاد قابل للنمو و التقدم, الصناعة الصناعة مش معقول ان شركة سامسونج مثلا راس مالها اكبر من الاقتصاد المصرى كله....اقرؤا ماذا كتب مهاتير عن الاقتصاد فى مصر.....بدون نهضة صناعية حقيقة و ذكاء فى جذب لا تطفيش المستثمر سيطول عنق الزجاجة اكثر و اكثر.......

[FAR!D]

هو مفيش غير السودان ؟؟؟

بباسبورك المصري تقدر تدخل اكتر من 45 دوله بدون تأشيره او بتأشيره من المطار

ده غير الدول اللي تقدر تاخد تأشيرتها في نص ساعه من السفاره

انا بس اخترت السودان عشان قريبه مننا و دوله مسلمه زينا و عشان الاستثمار الزراعي

بس مفيش نصيب ... في اكتر من 44 دوله غيرها

هل كلهم بموافقات امنيه ؟؟؟ لا طبعا :)

و علي فكره

النهارده السودان و تركيا و قطر و سوريا و ليبيا بموافقه امنيه

بكره امريكا و انجلترا و المانيا و كله هيبقي بموافقه امنيه

و لما تكون الهجره واجبه في المستقبل القريب جدا ... محدش هيعرف يخرج منها

و ابقي افتكر كلامي ده كويس في المستقبل القريب :)

طلعت عارف يعني
طب الحق باه :)))

[ali ashraf]

من اخبار الاقتصاد

اختتمت البورصات الأوروبية تعاملات اليوم الاثنين على انخفاض كبير نتيجة تراجع السوق الصينية وانخفاض مؤشر “شنغهاي” الرئيسي بنسبة 8.49% مما عزز المخاوف بشأن وضع الاقتصاد الصيني.

وخسرت المؤشرات الأوروبية أكثر من 500 مليار يورو في تعاملات اليوم ووصلت بعض المؤشرات لأقل مستوى لها منذ أشهر، وانخفضت بورصتي فرانكفورت وباريس لأكثر من 5% خلال التعاملات فيما انخفضت البورصة اليونانية بنحو 10%.

وبحسب وكالة انباء الشرق الاوسط, انخفض مؤشر “يورو ستوكس 600″ في ختام تعاملات الاثنين بواقع 19 نقاط، أو ما يوازي 5.34%، ليصل إلى مستوى 342 نقطة، وهو أدنى مستوى له منذ أكتوبر 2008.

وانخفض مؤشر “داكس” الألماني 478 نقطة، أو ما يوازي 4.72%، ليصل إلى مستوى 9647 نقطة، وفي باريس انخفض مؤشر “كاك 40″ بواقع 248 نقطة، أو ما يوازي 5.36%، ليصل إلى مستوى 4383 نقطة، كما انخفض مؤشر “إيبكس 35″ الإسباني 535 نقطة، أو ما يوازي 5.21%، ليصل إلى مستوى 9737 نقطة.

وانخفض مؤشر “فوتسي ام آي بي” في إيطاليا 1216 نقطة، أو ما يوازي 5.59% ليصل إلى مستوى 20530 نقطة، كما تراجع مؤشر “فوتسي 100″ البريطاني 284 نقطة ، أو ما يوازي 4.58 %، ليصل إلى مستوى 5904 نقطة.

البورصة الامريكية
فقد مؤشر داو جونز الأمريكي 700 نقطة في مستهل تعاملات جلسة اليوم فاقداً 3.94% من إغلاقه السابق ليصل لمستوى 15817 نقطة متأثراً بالتراجعات العنيفة التي ضربت الأسواق الأوروبية خلال تعاملات اليوم.
قال محمد سعد محلل الأسواق العالمية بشركة “النعيم” لتداول الأوراق المالية أن الهبوط الذي ضرب الأسواق اليوم الأول من نوعه في تاريخ السوق الأمريكي ولم يحدث خلال الأزمة العالمية.
مشيراً إلى أن الأسواق الأمريكية والأوروبية كثيراً ما تعرضت لتراجعات وضغوطات خلال السنوات الماضية إلا أنها لم تفقد كل هذه النقاط خلال جلسة واحدة.
ونفى سعد حدوث أزمات عالمية جديدة بالأسواق خاصةً وأن الأوضاع المالية للإقتصاديات العالمية باتت أكثر استقراراً رغم بطء معدلات النمو, إلا أن الصعود المتتالي لأسواق أوروبا وأمريكا خلال الستة أشهر الماضية من دون تصحيحات قوية تذكر وراء عنف التراجعات اليوم, مؤكداً على عدم وجود سبب لكل هذا الذعر.
إلا أنه تواقع أن تواصل الأسواق آدائها السلبي حال إغلاق الأسواق بنفس معدلات التراجع الحالية, وإغلاق اليوم سيحسم إتجاه البورصات غداً.
أشار سعد إلى أن السوق المصري قد يواجه بعض الصعاب خلال تعاملات غداً الثلاثاء متأثراً بالإتجاه العالمي للأسواق .

[Imhotep]

الاستاذ امحتب ....

كلام رائع و تحليل منطقى جدا .... و انا متفق مع حضرتك فى اغلبه ... و لكنى اعترض على بعض النقاط ....

الصين دائما بتحاول تخفض قيمة اليوان امام الدولار ... و ابسط حاجة بتعملها انها بتضخ يوان كتير فى السوق الصينية لتحافظ على انخفاض قيمته امام الدولار دائما ..... اليومين الى فاتوا ... الموضوع زاد شوية .. نتيجة انخفاض معدل النمو زى ما حضرتك ذكرت بالفعل ....

اللى فات كله كوم فى قصة حركات الصين اللى مش و لابد فى تخفيض عملتها و التوقيت بتاع الحركة الاخيرة كوم تانى..... المركزى الامريكى يستعد لرفع الفائدة على الدولار من مستوياتها الصفرية بتاعة الازمة المالية العالمية..... راحت الصين عاملة الحركة الاخيرة لاحراجه للتأجيل.... المركزى رد فى محضر اجتماعه الاخير بأن العوامل الدولية الطارئة مؤخرا قد لا تساعد على رفع الفائدة.... اللى ترجمها العالم على ان الاقتصاد العالمى مازال على درجة من الضعف بحيث انه لا يتحمل رفع الفائدة الامريكية و من بعدها تتدحرج كرة الجليد من اعلى المنحدر.... التناطح و التربص وصل لاعلى درجاته و اللعبة بقت على المكشوف لان الصين تستعد للانقضاض الاقتصادى على امريكا بعد ان اطاحت باليابان من المركز الثانى لاكبر اقتصاد فى العالم من فترة قريبة

باشا حاول تجيب الكتاب ده:

http://www.amazon.com/The-Hundred-Year-Marathon-Strategy-Superpower/dp/1627790101

انا قرأته و للاسف ضاع منى البى دى اف بتاعه
خلاصته ان الامريكان فهموا خلاص ان الصين مستهدفة تصدر العالم اقتصاديا و سياسيا و تعمل على ذلك من بعد نهاية الحرب العالمية التانية و اننا فى ال 35 سنة الاخيرة من هذة الخطة و ان اللعب اصبح على المكشوف

للأسف ... الدولة لم تقضى على السوق السوداء ... و لا تزال شركات الصرافة موجودة فى السوق .... انا لسة مغير ب 7,87 من يومين .... فى حين ان السعر فى البنك 7.8
و الموضوع ده يعتبر حل مؤقت .... و لا اعتقد ان الحكومة حتستطيع الاستمرار فيه للأبد

[COLOR="rgb(139, 0, 0)"]بس متنساش ان هامش الذبذبة بقى اقل خالص من الاول و بالتالى يبقى الاجراء جاب الهدف منه و لو مؤقتا زى ما بتقول..... يعنى برضه السوق الموازية انهزمت فى النهاية خاصة مع سبوبة المضاربة على الدولار من كل هب و دب[/COLOR]

الحكومات و الدول ممكن تتغلب ببساطة .... عند حضرتك مثال النمور الاسيوية قديما .... و اليونان حديثا .... هما مكملوش سقوط .... علشان وجودهم مهم جدا للاستقرار العالمى

[COLOR="rgb(139, 0, 0)"]الدول تمرض و لا تموت و تنهزم فى معركة و لا يمكن ان تخسر الحرب ابدا..... ده مش مسموح بيه فى النظام العاالمى الحالى.... لان المبدأ الحاكم هو ان المجموع يعنى النظام العالمى بالمجمل تفوق قيمته و قيمة استمراره مجموع اجزاؤه التى لا يمكن السماح بغياب احدها لان ساعتها ال domino effect ممكن تؤدى الى ان يسقط النظام بأكمله..... المبدأ الحاكم هنا هو too big to fail و بالتاالى يجب ان يستمر النظام مهما كانت التكلفة.... من هنا تقدر تفسر الاستماتة فى انقاذ دولة فاشلة مفلسة زى اليونان..... مش بس عشان مصلحة الاتحاد الاوروبى لكن كمان عشان مصلحة النظام العالمى..... و من قبلها تم منع افلاس البرازيا و الارجنتين و غيرهم[/COLOR]

انا اعترض على جملة حضرتك اننا اصطدمنا بالقاع فى 2011 ... و اعتقد ان القاع يكون عندما لا نجد ما نأكله او بمعنى اخر .... افلاس حقيقى للافراد .... و ده يتبعه اعمال سلب و نهب

[COLOR="rgb(139, 0, 0)"]انا قصدى قاع النزيف للنظام الاقتصادى للبلد من خروج استثمارات و غيره..... اللى حضرتك بتتكلم عليه ده سيناريو دول فاشلة ملهاش وزن فى النظام العالمى كشعوب و دول لكن رغم كده هى ما زالت اعضاء فى النظام المالى العالمى مثلا لانها مينفعش تنعزل
[/COLOR]

مختلف مع حضرتك فى موضوع اجراءات البنك المركزى .... لتجفيف منابع الاستيراد .... لو ده حل مؤقت ... يبقى تمام ... و لازم يكون ليه بديل قريبا ..... علشان حضرتك بتجفف منابع استيراد قطع الغيار .... و استيراد المواد الاساسية للصناعة ... و كمان الزراعة

[COLOR="rgb(139, 0, 0)"] المركزى سامح للسلع الاساسية و منها قطع الغيار و الادوية و موادها الخام و غيرها كتير حوالى 40 سلعة بالدخول بدزون مشاكل و الا هيشل البلد..... بالنسبة للبديل فأجراءات البنوك المركزية دائما تتسم بالسرية و تنتظر دائما للظروف و التوقيت المناسب حتى لا تتسبب بأثار جانبية مضارها اكبر من فوائد القرارات نفسها..... و موضوع السرية ده بالذات عشان احتمال التربح من القرار و امثلة المركزى السويسرى خير مثال[/COLOR]

امتى ؟؟ و كيف .. و ما هى الاجراءات المستقبلية للبنك المركزى ؟؟؟ لوضع مصر فى المسار الاقتصادى ... لبلد زى ما حضرتك ذكرت ... قائمة على الاستيراد !!!

[COLOR="rgb(139, 0, 0)"]نفس التغليق السابق [/COLOR]

تخفيض قيمة الجنيه مش مطلوب طالما اننا بلد بتستور اكتر مما تنتج .....

[COLOR="rgb(139, 0, 0)"]مطلوب لدعم الصادرات و دعم الاستثمار الخارجى و ده حاليا جزء من حرب العملات العاالمية الكل بيخفض عملته [/COLOR]

السعودية معندهاش استعداد تنزل سعر البترول اكتر من كدة و كدة مش بعيد اوى من سعر الانتاج .... السعودية كانت محبس لظبط اسعار البترول فى العالم ..... و اكنت تستطيع تقليل الانتاج للحفاظ على اسعار البترول من الانخفاض .... و لكن هذه المرة كان لها رد غريب !!!! و هو التزامها بطلبيات لتوريد البترول !!!!! بالرغم من انها عملت اكتر من مرة فى السنوات السابقة

[COLOR="rgb(139, 0, 0)"] البترول فى السعودية تكلفة استخراجه تقريبا اقل من 10 دولار بس المرة دى الموضوع له ابعاد اخرى يعنى انها تسفف ايران التراب و تقصقص ريشها بدرى بدرى لانه اذا كانت ايران قارفة الدنيا كلها و هى طالع عنيها من العقوبات فما بالك لو نشنش اقتصادها شوية بسعر البترول العالى...... نخور شوية فى الموضوع و ابحث عنه بالمنطق بتاعى هتلايه makes perfect sense ه[/COLOR]

السيء فى موضوع البترول ..... ايران .... علشان السعر حيستمر فى النزول بعد تحرك اول حاملة بترول من موانى ايران للعالم !!!! فسعر البترول حينزل كمان ... او على الاقل مش حيزيد فى الفترة القصيرة القادمة

[COLOR="rgb(139, 0, 0)"]و ده هيساعد هدف السعودية فى انه يتحقق انها تحبس ايران بين نارين فى خانة اليك[/COLOR]

نقطة اخيرة .... موضوع مزعلنى فعلا .... احنا امتى حنكون مقاومين شوية للتغيرات العالمية ؟!!! انا مش مثالى و حقول اننا لا نتأثر بالتغيرات العالمية ... انما .... مشاكل فى الصين .... احنا نتأثر ... مشاكل فى امريكا ... اقتصادنا يتأثر .... حرب فى حتة معينة ...
الغريب ان ساعات كتير الدنيا بتتحسن ... احنا مش بنتأثر الا بالازمات فقط !!!

[COLOR="rgb(139, 0, 0)"]عشان اقتصادنا على درجة من الهشاشة بأعتباره اقتصاد استهلاكى .... لكن لما ده يتغير هيبقى لينا التأثير اللى يتناسب مع حجمنا..... قول يارب و ان شاء الله نكون على الطريق[/COLOR]

[Imhotep]

بص يا باشا غالبية الدول الصناعية او ذات الاقتصاد القوى ..فيها ديموقراطية وعدالة وتداول سلطة وبرلمان حر وصحافة حرة والخ الخ .باستثناء دول قليلة ومنها الصين !

يا باشا احنا متفقين و دى الاستثناءات اللى تثبت القاعدة اللى احنا متفقين علييها..... قول يار ب ان شاء الله نكون على الطريق و نبقى حتى زى 1/100 من الصين اقتصاديا :)

بالنسبة للهند الامية فيها 27 فى المئة .!! وما اعتقدش انها اقل من مصر !! بالاضافة انها اكبر يموقراطية فى العالم وفيها برلمان وتداول سلطة .! والتعليم فى الهند (انت اتكلمت عن ال it وانهم لهم باع كبير فيه ) ناهيك عن التعليم الطبى وفى مجال تصنيع الادوية وخلافه (يكفى القول انهم مسيطرين على فرص االاطباء الاجانب فى img فى امريكا واستراليا )

[color="rgb(85, 107, 47)"]برضه متفقين انه رغم ان نسبة الامية واحدة فى البلدين (تقدر تتأكد) فالهند طبعا فى وضع افضل بكتير مننا فى حاجات كتير منها كل اللى انت ذكرته رغم استفحال مشاكلها من فقر و جهل و مرض زينا بالظبط..... برضه يارب نتعلم من مدرستهم لانها رائعة [/color]

بالنسبة لجزء السياسة وتحالف السعودية مع مصر !! الملك سلمان وفريقه الحاكم غير فريق الملك عبد الله رحمه الله حتى لو بدا ظاهريا غير ذلك .! وفى خلافات بين السعودية ومصر فى ملفات مهمة جدا مثل التعامل مع النووى الايرانى والقضية السورية ! وحتى ليبيا مفيش توافق فى الرؤى فيها . يعنى العلاقات رمادية فى مسائل كتيرة

[color="rgb(85, 107, 47)"]كل ده فى الخلفية و من ورا الستارة لكن التحالف الاستراتيجى الطويل المدى مينفعش ينكسر...... الا اذا تغيرت ايديولوجية احد النظامين تماما مرة اخرى غير كده المصالح تتصالح[/color]

لو لم يكن العيب فى سياسات الانظمة الحاكمة اللى فشلت فى جعلنا دولة صناعية ذات اقتصاد قوى ..فمن يكون المسئول . !! وكان المبرر هو اننا حاربنا والخ الخ !! مع ان اخر حرب دخلناها كانت من 43 سنة .

ياريت النظام الحالى ينجح فى برنامجه الاقتصادى ..اللى مش باين ليه اى ملامح حتى الان ولا يختلف عن برنامج مبارك الاقتصادى .

[color="rgb(85, 107, 47)"]مرة اخرى اجدك عبقريا فى صياغة جملتك الاخيرة...... باشا انا عندى البلد ثابتة لكن الحكام زائلون و متغيرون.... اللى يشتغل لمصلحة البلد و يعلى بيها و يحسن من حال شعبها يبقى اهلا و سهلا غير كده يبقى ملوش عازة...... راجع كده فى مواضيعى القديمة هتلاقى موضوع برضه كانت الناس مقلقة من وضع الاقتصاد دخلت انا برضه فيه و كتبت كتير لشرح حاجات كتير توضح الوضع و تهدى الناس و ان وضع الاقتصاد مش بالخطورة البادية عليه...... طييب كان امتى الموضوع ده..... بتاريخ ديسمبر 2013...... يعنى فى عز حكم مرسى...... اعتقد كده وضح موقفى...... و ساعتها فى الموضوع ده لو راجعته هتلاقينى واخد اكبر اعجاب بمشاركاتى من مؤيدى النظام المخلوع :)[/color]

[ahmed_eng2001]

كلام حضرتك عن الصين مظبوط تماما .... و امريكا تدرك هذا الامر من فترة و بتحاول تأخره ... و بتعتمد على بعض الحاجات منها قيمة الدولار و سيطرتها عليه ... و كذلك .. محاولة التحكم فى سعر البترول

الايام الجاية حنشوف حركات كبيرة و مكشوفه من الصين و الرد الامريكى عليها

انا حدور على الكتاب ان شاء الله و انزله

عذرا ... هامش الذبذبة الى ذكرته لحضرتك .... انا بعت بالفعل ب 7.87 ..... و البنك كان سعره 7.8 ... احد الاعضاء ذكر انه غير امبارح ب 8.8 !!!


انا ذكرت بالفعل ان النظام العالمى لن يسمح بأن دول تنهزم ... و ما قصدته ان الانظمة ممكن تخسر .. و تفشل فى تنفيذ خططها الاقتصادية ... و من هنا يجب استبدالها ... بعد فترة انتقالية صغيرة من الدعم الاقتصادى لعدم سقوطها ... و زى ما حضرتك ذكرت بالفعل ... سقوط نظام ممكن يخلى كل الانظمة تسقط .. و لذلك يجب مساعدة الانظمة المنهارة قليلا ... مش علشان تنهظ ... علشان لا تنهار فتسبب فى انهيار الجميع ... نفسالفكرة ...بس وجهة النظر مختلفة

انا فاهم قصد حضرتك ..... بس انا عاوز اقول ان لسه فيه انحدار اكتر مما كنا وصلناله فى 2011 .... مثلا ... خروج شركات البترول العالمية ( المحترمة ) و احلال شركات بترول مش محترمة محلها
اغلاق و انهاء عمل البنوك الكبيرة من مصر
توقف المساعدات الخارجية ... و هكذا
فلسة شوية على القاع :) .. و لكن انا متفهم وجهة نظرك

فيه اختلاف كبير فى نقطة البنك المركزى ....... ايه القواعد الى بيحددها البنك المركزى لاعتبار السلع اساسية و لا لأ ؟؟!!!!
احد النقاط المهمة للتحديد ... هو انتاج قطعة الغيار فى مصر .... فلا تعتبر من الاساسيات ... طيب .. انا عاوز اجيب قطع غيار من المانيا او اليابان علشان افضل من المحلى بكثير !!!!! و الكثير على نفس الشاكلة ... احنا كنا بنعانى من عدم وجود بعض المواد و قطع الغيار الاساسية بالنسبة لنا فى العمل نتيجة قرارات مشابهة من البنك المركزى

القرارات السرية و المفاجئة لا يمكن ان تساعد على النهوض باى مجال .... علشان انا عاوز اعمل خطة مستقبلية ل 10 سنوات مستقبلية ... ازاى اعمل الكلام ده فى ظل قرارات مفاجئة من البنك المركزى ؟؟!!! انا معترض على قرارات البنك المركزى ... الى بيحاول يرقع ثوب متهالك
و احيانا كثيرة ارأف بحاله ... بيتحمل اخطاء حاجات تانية كتير

و عذرا .... مين الى قال لحضرتك ان تكلفة استخراج البرميل فى السعودية 10 دولار ؟؟!!! الكلام ده مش صحيح .... التكلفة اعلى من كدة بكتير .... انا مش حقدر ادى حضرتك رقم بالظبط الان
بس ال 10 دولار دى ... كانت فى اوائل التسعينات مثلا

اتمنى من كل قلبى ... ان يصبح لينا ما يمكن ان نسميه اقتصاد فعلى ..... انتاج و تصدير و سفن رايحة و سفن جاية ... و صناعات متطورة حقيقية .... يا راجل احنا مش عارفين نصنع المساميييييير !!!!
عاوزين مسامير بمواصفات معينة و صلابة معينة ... مسامير .... محدش عارف يعملها .. و الكل بيستسهل و مش عاوز يجرب

متابع معاك

[ali ashraf]

لماذا انا غير متفائل

انا لا أبث طاقة سلبية و لا اركز على السلبيات و انكر عكسها و لكن.....ارجو التأمل فى وضعنا الاقتصادى بتجرد كوننا مصريين هناك خطأ فى الرؤيا الاستراتيجية ( كما اظن ) النظر تحت الاقدام و التفكير بالتجزئة لا رؤية شمولية هو همنا و مشكلتنا الكبرى فالحل الامثل لسد عجز الموازنة عن طريق زيادة الجباية بدلا من توفير مصادر للدخل , تصدير الغاز لأسرائيل و اسبانيا جريمة فى حق مصر سنظل نتحمل عواقبها لسنين قادمة حتى يمن علينا الله بزيادة فى الانتاج ( ان شاء الله) وقس على هذا الجرائم كثيرة , تم اغلاق اخر فندق 5 نجوم و يمتلكه سامح ساويرس و سبقه اغلاق العديد من الفنادق و المنتجعات بمنطقة طابا ويمكن الرجوع للاهرام ( يعنى مش جريدة صفراء) و تتكتشفوا ان الضرائب على تلك الفنادق كانت سبب رئيس فى اغلاقها و تشريد الاف العاملين بها و من الطبيعى ان الدولة كان يجب ان تراعى ظروف البلد و تشد من ازر تلك الفنادق حتى تمر محنة السياحة الخانقة, قرارات وزارية تلغى بعد 48 ساعة من صدورها لفشلها الاكيد ( مثل الضريبة على راس المال و سميت بضريبة البورصة و جمد العمل بها بعد ضربة موجعة للبورصة و قرار عدم استيراد الاقطان ) ....يريدوا حماية القطن المصرى بقرارات لا بأفعال شركات الغزل المصرية لم تشهد اى تطوير فى المغازل منذ الستينات و خسائرها بالمليارات ....هل عجزنا ان نكون مثل بنجلاديش التى اصبحت المصدر رقم 1 فى العالم ( وقبل الصين) للمنسوجات القطنية و تقريبا كل الانتاج للتصدير , التفكير بسياسة ان المستثمر جاء علشان يكسب مش علشان يساعد البلد تفكير بليد و ساذج ....طبعا لازم يكسب ....و لما الدولة تضع قوانين متضمنة الحبس و المصادرة لرجال الاعمال المنطقى الواحد منهم يقول بناقص و ارجو الرجوع لحلقة الاستاذ معتز عبد الفتاح على قناة المحور الاسبوع الماضى مع مستثمرون سعوديين و ستصابوا بالذهول من كم المعوقات و الاحباط لدى المستثمرون اللى بيقولوا واجب علينا نحط فلوسنا فى بلد قلب العروبة النابض و مش عارفين ...للاسف لسه موضوع الجباية و البيروقراطية هما السيد الاول فى التعامل مع المستثمر اما فساد و اما خوفا و ارتعاش الايدى عملا بنظام و انا مالى......نيجى لموضوع الدولار....القضاء على السوق السوداء لن يتم بقرارات لأن المسئلة عرض و طلب المعروض كتير السعر يقل...شحيح السعر يرتفع بس الموضوع بسيط جدا و العرض و الطلب هو القانون الازلى فى السوق و للاسف السعر لازم هيرتفع ببساطة لشح الدولار و عملية تقييد التعامل بالدولار ده مش موضوع بسيط ابتدى بالفعل ينعكس على قطاعات كثيرة بالذات فى مجالات الانتاج المعتمدة على واردات من الخارج و ابسط حاجة ممكن نلمسها فى موضوع السيارات بدأت قوائم انتظار السيارات تطول و بدأ شح قطغ الغيار ظاهر للعيان......يتبع