متفرطش فى الدولارات اللى معاك

[Imhotep]

كلام حضرتك عن الصين مظبوط تماما .... و امريكا تدرك هذا الامر من فترة و بتحاول تأخره ... و بتعتمد على بعض الحاجات منها قيمة الدولار و سيطرتها عليه ... و كذلك .. محاولة التحكم فى سعر البترول

الايام الجاية حنشوف حركات كبيرة و مكشوفه من الصين و الرد الامريكى عليها

انا حدور على الكتاب ان شاء الله و انزله

عذرا ... هامش الذبذبة الى ذكرته لحضرتك .... انا بعت بالفعل ب 7.87 ..... و البنك كان سعره 7.8 ... احد الاعضاء ذكر انه غير امبارح ب 8.8 !!!


انا ذكرت بالفعل ان النظام العالمى لن يسمح بأن دول تنهزم ... و ما قصدته ان الانظمة ممكن تخسر .. و تفشل فى تنفيذ خططها الاقتصادية ... و من هنا يجب استبدالها ... بعد فترة انتقالية صغيرة من الدعم الاقتصادى لعدم سقوطها ... و زى ما حضرتك ذكرت بالفعل ... سقوط نظام ممكن يخلى كل الانظمة تسقط .. و لذلك يجب مساعدة الانظمة المنهارة قليلا ... مش علشان تنهظ ... علشان لا تنهار فتسبب فى انهيار الجميع ... نفسالفكرة ...بس وجهة النظر مختلفة

انا فاهم قصد حضرتك ..... بس انا عاوز اقول ان لسه فيه انحدار اكتر مما كنا وصلناله فى 2011 .... مثلا ... خروج شركات البترول العالمية ( المحترمة ) و احلال شركات بترول مش محترمة محلها
اغلاق و انهاء عمل البنوك الكبيرة من مصر
توقف المساعدات الخارجية ... و هكذا
فلسة شوية على القاع :) .. و لكن انا متفهم وجهة نظرك

فيه اختلاف كبير فى نقطة البنك المركزى ....... ايه القواعد الى بيحددها البنك المركزى لاعتبار السلع اساسية و لا لأ ؟؟!!!!
احد النقاط المهمة للتحديد ... هو انتاج قطعة الغيار فى مصر .... فلا تعتبر من الاساسيات ... طيب .. انا عاوز اجيب قطع غيار من المانيا او اليابان علشان افضل من المحلى بكثير !!!!! و الكثير على نفس الشاكلة ... احنا كنا بنعانى من عدم وجود بعض المواد و قطع الغيار الاساسية بالنسبة لنا فى العمل نتيجة قرارات مشابهة من البنك المركزى

القرارات السرية و المفاجئة لا يمكن ان تساعد على النهوض باى مجال .... علشان انا عاوز اعمل خطة مستقبلية ل 10 سنوات مستقبلية ... ازاى اعمل الكلام ده فى ظل قرارات مفاجئة من البنك المركزى ؟؟!!! انا معترض على قرارات البنك المركزى ... الى بيحاول يرقع ثوب متهالك
و احيانا كثيرة ارأف بحاله ... بيتحمل اخطاء حاجات تانية كتير

و عذرا .... مين الى قال لحضرتك ان تكلفة استخراج البرميل فى السعودية 10 دولار ؟؟!!! الكلام ده مش صحيح .... التكلفة اعلى من كدة بكتير .... انا مش حقدر ادى حضرتك رقم بالظبط الان
بس ال 10 دولار دى ... كانت فى اوائل التسعينات مثلا

اتمنى من كل قلبى ... ان يصبح لينا ما يمكن ان نسميه اقتصاد فعلى ..... انتاج و تصدير و سفن رايحة و سفن جاية ... و صناعات متطورة حقيقية .... يا راجل احنا مش عارفين نصنع المساميييييير !!!!
عاوزين مسامير بمواصفات معينة و صلابة معينة ... مسامير .... محدش عارف يعملها .. و الكل بيستسهل و مش عاوز يجرب

متابع معاك

بالنسبة للدولار انا بتابع الموضوع هنا بتاع سعر الصرف بس مشوفتش مشاركة ان حد غير بسعر 8.8 و اعتقد دى ممكن تكون غلطة كتابة و الا ايه اللى جابره على شراء سلعة بهامش زيادة اكتر من 15% من سعرها الا اذا كان مضطر و حالة طوارئ حد مسافر يعمل عملية مثلا او كده انما اى حاجة استهلاكية او شراء سلع اعتقد متستاهلش الخسارة دى كلها . . . مش عارف. . .

بالنسبة للبنك المركزى عنده هم ما يتلم سياساته تؤثر على حياة شعب تعداده 100 مليون فى ظل وجود قوى معاكسة و متربصين معندهمش اى مانع و لا ضمير انهم يعملوا المستحيل لاسقاط الاقتصاد ده ده غير بلوة المتربحين و بتوع السبوبة و اللى عنده استعداد يعمل اى حاجة عشان يكسب بالحرام و لو بأستغلال حاجات الناس بدون ادنى ضمير و و و . . . و لازم من وجود فترة انتقالية للتهدئة بها بعض الاعراض الجانبية. . . و مرة تانية البنوك المركزية مينفعش تصرح بأجراءاتها و لا توقيتها. . . عالميا ده اللى بيحصل حتى لو بيسبب صدمات

بالنسبة لسعر انتاج البترول . . . اقرأ التقرير ده على سبيل المثال هتلاقى فيه اللى بقولك عليه:
تقرير: تكلفة إنتاج النفط في الشرق الأوسط الأرخص عالميا - RT Arabic

على فكرة كل معلومة انا بكتبها فى مشاركاتى مش مبنية على استنتاجات انما لها مصادرها الكثيرة. . . زمان كانت كل مشاركاتى دايما مدعمة بمصادر معلوماتها. . . لكن دلوقتى مش ملاحق فبكتب الخلاصة و بكتفى ان لو حد ناقشنى فى مصدر المعلومة بجيبه له. . . العالم يتحرك بسرعة الضوء يا صديقى بينما قدرتنا على المتابعة و القراءة و التحليل يادوبك بتتحرك بسرعة الصوت فى احسن الاحوال ان لم يكن بسرعة السلحفاة عند الاغلب الاعم :-)

معاك طبعا فى كل كلامك الاخر عن ضرورة التحول الاقتصادى لمجتمع منتج حتى لو بالعافية لأن مفيش اختيار تانى . . . بس لازم شوية معاناة طبعا للتحول من اقتصاد ريعى بقالنا عشرات السنين بنقول مصادر دخل الاقتصاد المصرى الثابتة من سياحة و قناة سويس للكلام المعروف اياه بس الوضع العقيم ده لازم يتغير و هيتغير ان شاء الله

[MTAK]

انا مستمتع بمشاركات الزملاء اعلا ه بس


فى اشياء يجب ذكرها فى سياق الموضوع
--- السعودية والامارات ومعهم بقية الدول الخليجية التى تساعد مصر ماليا من بعد 3/7 ..صرحت مرارا وتكرارا بان عهد المنح المفتوحة قد انتهى ! وان مصر عليها تدبر امرها بخلق بيئة جديدة للاستثمارات وتشجيع رؤوس الاموال العربية والغربية على العودة لمصر .ّ ! انما شغل المساعدات والملعونات لا يكون لها اثر على الحياة الاقتصادية لا لمصر ولا المصريين !!

اللى صرح بالكلام ده هو عبد الرحمن الراشد وطارق الحميد ..الصحفيان المقربان من الخارجية السعودية وهما ايضا صحفيان مؤيدان للنظام الحالى .

معلومه صغيره

تم الاتفاق على ارجاع المنح البتروليه لمده 3 اشهر من الشهر القادم
------------------------------------------------------------------

اشكر المشاركين فى الموضوع

و شكر خاص لعزيزى استاذ ماهر اللى انا زعلان منه بجد لانه بخيل علينا بكل اللى يعرفه

و اللى بيخلى النقاش فى كتير من الموضوعات بدل ما يكون عن علان و فلان و اخوان و غيره و يتقفل

الى موضوع قيم و به من المعلومات الكتير و الكل يستفيد

[Imhotep]

معلومه صغيره

تم الاتفاق على ارجاع المنح البتروليه لمده 3 اشهر من الشهر القادم
------------------------------------------------------------------

اشكر المشاركين فى الموضوع

و شكر خاص لعزيزى استاذ ماهر اللى انا زعلان منه بجد لانه بخيل علينا بكل اللى يعرفه

و اللى بيخلى النقاش فى كتير من الموضوعات بدل ما يكون عن علان و فلان و اخوان و غيره و يتقفل

الى موضوع قيم و به من المعلومات الكتير و الكل يستفيد

حبيبى يا محمد بك و الله. . . صدقنى انا مش ببخل و لا حاجة بس انت عارف طبعى ان مواضيع قالوا و قلنا و علان و ترتان و الكلام ده دايما بطنشها لانها لا تستاهل عناء المشاركة فيها و خسارة فيها تضييع الوقت فيما لا يفيد . . .كمان قليل اوى لما الواحد بيلاقى مواضيع تخليه يفتح خزائن المعلومات اللى فى دماغه اللى قربت خلاص تفرقع :-) من كتر التسارع فى التغيرات العالمية يوميا فى كل المجالات و ده بيستدعى قراءة العديد من الكتب فى نفس الوقت بالاضافة للعشرات من الصفحات و التحليلات المطلوبة لاستقراء ما هو قادم و حتى وقتى الفاضى بقضيه فى متابعة العديد من المتابعات التليفزيونية الجادة و المهمة و العالمية بعدة لغات و ده كمان وقت كتابة مشاركاتى هنا مثلا . . . مجرد المتابعة بقى صعب لان مصادر المعلومات بقت مش طبيعية و انهار المعلومات تصب فى رأسك طول الوقت بلا توقف. . . زمان لو تفتكر كانت كل مشاركاتى المعلومات اللى فيها مدعمة بمصادرها تحتها مباشرة لكن دلوقت مش ملاحق فبكتفى بكتابة الخلاصة و لو حد طلب مصدر المعلومات بجيبه له

[ali ashraf]

لماذا انا غير متفائل 2

موضوع تجارة الدولة بالاراضى .....موضوع شائك الدولة تسببت فى رفع اسعار الاراضى بموضوع المزادات على الاراضى و طبعا لتعظيم موارد الدولة بس ده خلق موجات متتالية من التضخم و ارتفاع الاسعار و وصل ان سعر مقبرة من المحافظة ( بشكل رسمى و قرعة كمان) مش عارف 20 و لا 40 متر ب 75 الف جنية.....ببساطة الدولة تحولت لتاجر اراضى جشع و المقبرة فى 6 اكتوبر الان تبدأ من 90 الف و تصل الى 350 الف ( اللى مش مصدق يروح يخطف رجله و يشوف....بس يرجع تانى) و حدث و لا حرج عن موجات تضخم هائلة....للاسف سياسة النظر تحت القدمين فقط بدون رؤية شمولية......نيجى لموضوع النفط و ايران , السعودية و بايعاذ من امريكا غرقت السوق بالنفط و ده موجهة فى الاساس لدولتين روسيا فى عودة للحرب الباردة خصوصا بعد حرب اوكرانيا و استيلاء روسيا على شبة جزيرة القرم و الاقتصاد الروسى لازال يعتمد على تصدير النفط و الغاز و الدولة الثانية ايران و لكن للاسف انقلب السحر على الساحر, بالنسبة لروسيا اقتصادها يعتبر اقتصاد مغلق غير مفتوح على الاسواق و البورصات العالمية اضافة لتنوع مصادر الدخل فالتاثير على روسيا حقيقى كبير ( انخفض الروبل بشكل كبير) و لكن غير صادم او مدمر,,,,,نيجى على ايران و دى حكايتها حكاية منذ انهيار الاتحاد السوفيتى ,,,جرت حرب غير معلنة بين ايران و امريكا على استقطاب علماء الفيزياء النووية و الصواريخ الباليستية ( فى نفس الوقت مصر كانت تستقتب راقصات و جميلات الاتحاد السوفيتى للعمل فى الملاهى و المسارح) و فى خلال الحصار الاقتصادى الخانق تحولت ايران الى دولة يحسب لها الف حساب من الكبير قبل الصغير ( فى الوقت الذى تطاول علينا دويله مثل قطر ومش عارفين نعمل اى حاجة) و الان بعد فك الحصار عن ايران و استرجاع مئات المليارات لا اعتقد باى حال من الاحوال ان ليران " هتسف التراب" زى ما احد الزملاء ذكر
بقئ شئ أخير انا كتبت غير متفائل و لم اكتب متشائم لانه لازال هناك بارقة امل و ان البلد لسه بخير حفر قناة السويس فى عام واحد انجاز لا يمكن انكاره , حملة القضاء على فيروس سى, النهضة بالطرق و الكبارى , قرار الرئيس بتفويض الرقابة الادارية فى تذليل عقبات المستثمرين ( قرار حقيقى من معلم) ....لسه هناك امل بس لو........أخيرا ما تشهده مصر حاليا ناتج من اكثر من 40 سنة ركود و فساد ندفع ثمنه حاليا

[ali ashraf]

نقاش ممتع

الحقيقة نقاش ممتع و معرفى يمكن فيه شوية مجع دماغ بس "صداع" يستاهل النقاش و تبادل وجهات النظر و يحرك العقل تحياتى لكل المشاركين , بالمناسبة يا استاذ باسم لو ناوى تروح السودان ابقى خذ معاك ناموسية

[wawamoha]

ماتزعلوش مني ي شباب ......انا اللي شايفه - زي اغلبكم - ان كل الدول المحترمة بيلعب لمصلحتها و ده حقهم طبعا ....
المحزن ان مصر مالهاش اي رؤيه و لا واضح انها بتلعب ازاي ؟؟؟ و افضل المتفائلين بيقولك ها ..ها نتغير ... في الهوا يعني ...

رمي الفشل عل الاخر ...دعاوى مكافحه الارهاب ...........ضحاله الرؤيه الاقتصاديه ......... انعدام الاستثمارات ........ كل ده سمات مميزه .......

[غزلة]

«إذا عطست الصين أصيب العالم كله بالزكام»، لم يعد هذا الكلام خياليا أو من قبيل المبالغة، بل صار أمرا حقيقيا نشعر به فى كل لحظة فى كل مكان بالعالم.

تباطأ النمو فى الصين وظل ينخفض حتى وصل إلى نحو ٧٪ بعد أن تجاوز ١٣٪ فى بعض السنوات الماضية.

انخفاض النمو له أسباب متعددة، من أول تراجع التجارة العالمية وتشبع الأسواق العالمية بالمنتجات الصينية، وتشبع السوق الصينية نفسها إلى حد ما، مرورا بأسباب مختلفة كثيرة منها المطالبات الدولية المستمرة بضرورة رفع قيمة العملة الصينية «اليوان» أو «الآر إم بى» حتى تنخفض قيمة الصادرات الصينية، نهاية بتقليل التلوث البيئى، حيث تعتبر الصين الأولى عالميا تقريبا مع الولايات المتحدة فى تلويث البيئة، وبالتالى الاحتباس الحرارى الذى يهدد كل العالم بكوارث بدأنا نعاينها أخيرا.

لم يعد فى مقدور أى دولة أن تنعزل عالميا وتغلق حدودها، كان يمكن أن يحدث ذلك من عشرين أو ثلاثين عاما، لكن ثورة الاتصالات والمواصلات أنهت ذلك للأبد.

وهكذا فإن تباطؤ النمو فى الصين صار يؤثر فى كل العالم سلبا أو إيجابا، كذلك تلعب الأزمة الاقتصادية الحادة فى اليونان وبعض بلدان جنوب أوروبا ومنطقة الشينجين وأزمة السندات الحكومية، وانخفاض أسعار البترول دورا مهما للغاية فى هذا الصدد.

وعندما وقعت الدول الست الكبرى اتفاقها الشهير قبل أسابيع مع إيران بشأن برنامجها النووى المثير للجدل، رأينا البعض يتحدث عن خرائط اقتصادية جديدة فى المنطقة وليس فقط مجرد خرائط سياسية أو حتى مذهبية واستراتيجية.

ما يحدث فى البورصة المصرية من تراجع حاد فى الأيام الأخيرة سببه الجوهرى هو هذه الأحداث العالمية، الأمر الذى لم يحدث منذ نحو أربع سنوات تقريبا.

طبعا هناك أسباب داخلية لا يمكن إنكارها، لكن معظمها ثابت ومستمر منذ فترة، وبالتالى فإن المتغير الرئيسى كان الأحداث الدولية.

هذا الأمر لم يكن قاصرا فقط على مصر وبورصتها، بل على غالبية البورصات العربية النشطة وبالأخص فى منطقة الخليج التى تعرضت لضربات شديدة فى الجلسات الأسابيع الماضية، وآخرها جلسة أمس الأحد.

طبعا «خسائر البورصة دفترية محضة ولا تتحقق إلا بالتنفيذ، ورأس المال السوقى دلالته الأساسية ليست يوما بيوم»، كما يقول الباحث الاقتصادى المرموق الصديق وائل جمال، تعليقا على تداول المواقع الإخبارية، صباح أمس الأحد، أن خسائر البورصة بلغت ١١,٦ مليار جنيه بعد تداول أسهم بقيمة إجمالية قدرها ١٠٥ ملايين جنيه وهو الرقم الذى قفز فى نهاية تعاملات الجلسة إلى نحو 15.45 مليار جنيه نتيجة تراجع الاسهم الرئيسة بصورة لم تحدث منذ عشرين شهرا.

لكن الفكرة التى أريد توصيلها اليوم أننا لم نعد ولن نستطيع أن ننعزل عن العالم ونتأثر به سلبا أو إيجابا. لكن يظل أننا كلما كنا أقوياء داخليا، وقادرين على بلورة نظام اقتصادى قوى وعادل ومنتج يستطيع أن يوازن بين الصادرات والواردات، وقادر على تلبية الحاجات الأساسية للمواطنين، كلما فعلنا ذلك، تمكنا من تلافى الآثار السلبية لأى اهتزازات اقتصادية ضخمة لدى الكبار سواء كانوا فى الصين أو أمريكا أو أوروبا.

المفارقة أننا كلما اندمجنا فى الاقتصاد العالمى أكثر كان تأثرنا به أكبر، فى حين أن قلة الاندماج تقلل من الخسارة فى حال تراجع الاقتصاد العالمى. الحل الوحيد أن نكون منتجين.. وكما يقولون: «ما حك جلدك مثل ظفرك.. فتول أنت جميع أمرك».

منقول عن عماد الدين حسين عماد الدين حسين كاتب صحفي

[ali ashraf]

النفط الصخرى

فى حاجة تانية انا مش فاهمها, الانخفاض الرهيب فى اسعار النفط ( برميل برنت وصل 38 دولار) له تاثيرات سلبية اخرى تستعصى على فهمى .....امريكا استثمرت مليارات الدولارات فى انتاج النفط الصخرى ( المنتج الاول فى انتاج النفط الصخرى) و اكيد مع انخفاض النفط العادى هتبقى تكاليف استخراج النفط الصخرى غير مجدية اقتصاديا ( يمكن بتفكر تخزن كميات هائلة او حتى تركه بدون استغلال ؟ طيب و الاستثمارات اللى اتصرفت عليه هترجع ازاى؟) نيجى لمشاريع الطاقة المتجددة من الرياح و الطاقة الشمسية ....دائما تقارن اسعر الطاقة النتجة منها بالاسعار المثيلة من انتاج النفط و ده هينعكس برضه بالسالب ....طب امريكا عملت كده ليه....و السؤال الاخير لو الاوبك خفضت انتاجها الان هل ده هيرفع اسعار النفط و لا الموضوع معقد عن كده؟ اسئلة تحتاج نقاش و اجوبة

[ali ashraf]

النشرة الاقتصادية اليومية

في أسرع وتيرة هبوط منذ الأزمة العالمية، انخفضت أسعار النفط أكثر من 38% خلال شهرين، متجاوزة للمرة الأولى مستوى الدعم النفسي 40 دولار للبرميل منذ فبراير 2009، لتتجه صوب مستوى 33 دولار أدنى مستوى سجلتها التداولات خلال الأزمة العالمية.
القلق من تباطؤ نمو الاقتصاد الصيني والتي تعد ثاني أكبر مستهلك للنفط في العالم، كان السبب الرئيسي وراء هذه التراجعات القوية خلال الأيام الماضية، فبعد البيانات الضعيفة للنشاط الصناعي الصيني خلال جلسة الجمعة أثارت مخاوف المستثمرين بشأن ضعف الطلب على النفط في الوقت الذي يشهد فيه المعروض العالمي من النفط وفرة كبيرة.
الانتاج داخل منظمة أوبك وخارجها يشهد نموا مطردا، على الرغم من الأسعار المنخفضة، فالدول المنتجة تصارع للدفاع عن حصتها في الأسواق برفع الانتاج، مما يزيد من الضغوط على أسعار النفط ويزيد من حدة الانخفاضات.
انخفاضات زادت من حدة مطالب منظمة أوبك بعقد اجتماع طارئ لمحاولة وقف نزيف اسعار النفط، لكن دول المنظمة أعلنوا أنهم لن يخفضوا من انتاجهم، حتى ايران والتي دعت رسميا لعقد الاجتماع، أعلن وزيرها النفطي أنها تخطط لرفع انتاج النفط بأي ثمن، مشيراً إلى ان بلاده ستفقد حصتها في السوق بشكل دائم إذا لم ترفع الانتاج.
المشكلة الحقيقية تكمن في النمو الاقتصادي العالمي، فمع الانهيارات الحادة في السوق الصيني وتراجع الانتاج الصناعي، والأزمة اليونانية، والمخاوف من تباطؤ الاقتصاد الأمريكي، يتوقع أن يشهد الاقتصاد العالمي تباطؤ أدنى من التوقعات، الأمر الذي يطرح تسأول هل ستشهد الأسواق أزمة نمو؟ منقول اليوم من جريدة البورصة

[Imhotep]

دول موضوعين قدام فيهم جوانب كتير مهمة من قصة النفط الصخرى و البترول عامة كلها:

http://www.nilemotors.net/Nile/452652-a.html

http://www.nilemotors.net/Nile/452748-a.html

[ahmed_eng2001]

بالنسبة للدولار انا بتابع الموضوع هنا بتاع سعر الصرف بس مشوفتش مشاركة ان حد غير بسعر 8.8 و اعتقد دى ممكن تكون غلطة كتابة و الا ايه اللى جابره على شراء سلعة بهامش زيادة اكتر من 15% من سعرها الا اذا كان مضطر و حالة طوارئ حد مسافر يعمل عملية مثلا او كده انما اى حاجة استهلاكية او شراء سلع اعتقد متستاهلش الخسارة دى كلها . . . مش عارف. . .

بالنسبة للبنك المركزى عنده هم ما يتلم سياساته تؤثر على حياة شعب تعداده 100 مليون فى ظل وجود قوى معاكسة و متربصين معندهمش اى مانع و لا ضمير انهم يعملوا المستحيل لاسقاط الاقتصاد ده ده غير بلوة المتربحين و بتوع السبوبة و اللى عنده استعداد يعمل اى حاجة عشان يكسب بالحرام و لو بأستغلال حاجات الناس بدون ادنى ضمير و و و . . . و لازم من وجود فترة انتقالية للتهدئة بها بعض الاعراض الجانبية. . . و مرة تانية البنوك المركزية مينفعش تصرح بأجراءاتها و لا توقيتها. . . عالميا ده اللى بيحصل حتى لو بيسبب صدمات

بالنسبة لسعر انتاج البترول . . . اقرأ التقرير ده على سبيل المثال هتلاقى فيه اللى بقولك عليه:
تقرير: تكلفة إنتاج النفط في الشرق الأوسط الأرخص عالميا - rt arabic

على فكرة كل معلومة انا بكتبها فى مشاركاتى مش مبنية على استنتاجات انما لها مصادرها الكثيرة. . . زمان كانت كل مشاركاتى دايما مدعمة بمصادر معلوماتها. . . لكن دلوقتى مش ملاحق فبكتب الخلاصة و بكتفى ان لو حد ناقشنى فى مصدر المعلومة بجيبه له. . . العالم يتحرك بسرعة الضوء يا صديقى بينما قدرتنا على المتابعة و القراءة و التحليل يادوبك بتتحرك بسرعة الصوت فى احسن الاحوال ان لم يكن بسرعة السلحفاة عند الاغلب الاعم :-)

معاك طبعا فى كل كلامك الاخر عن ضرورة التحول الاقتصادى لمجتمع منتج حتى لو بالعافية لأن مفيش اختيار تانى . . . بس لازم شوية معاناة طبعا للتحول من اقتصاد ريعى بقالنا عشرات السنين بنقول مصادر دخل الاقتصاد المصرى الثابتة من سياحة و قناة سويس للكلام المعروف اياه بس الوضع العقيم ده لازم يتغير و هيتغير ان شاء الله

اعتذر عن خطأ الكتابة ... الاخ الفاضل كان غير ب 7.88 .... مش ب 8.8 .. اعتذر عن هذا ..

بالنسبة لتكاليف استخراج برميل البترول ..... انا اؤكد لحضرتك ان المقال المكتوب ده مش مظبوط .... بحكم عملى القريب من البترول ... و الذى اتأثر به كثيرا .... سعر الاستخراج ده مش موجود .... لا فى السعودية و لا فى نيجيريا
ممكن اقول لحضرتك ام تكلفة استخراج البترول فى الكويت منخفضة .... و احتمال تصل لقيم منخفضة .... و لكن لا اظن ان تصل الى 10 دولار ....
الكلام ده بيبان جدا من عمليات التطوير و التنقيب و المعالجة .. و التى شبه متوقفه حاليا ...

انا اتناقشت مع حضرتك اكتر من مرة ...و بحترم رأى و اسلوب حضرتك جدا .... و متأكد من ان حضرتك ليك مصادرك العلمية الموثوق بها ...
مشكلتى الشخصية ... ان مصادرى بتكون اغلبها من خبرة عملية ... علشان كدة فيه حاجات كتير انا معرفش عنها حاجة ... و فيه حاجات بتكون خبرة عملية

و ان كان البنك المركزى بيصعب عليا فعلا .... بيحاول يصلح اخطاء ... مش هو لوحده المسئول عنها ... و لكن ... قراراته فى الفترة الاخيرة ..... احس انها بقت زى قرارات حكومة ....
فيها لئم و خبث ... و الهدف منها غير المعلن .... و قرارات لمحاولة التأثير على عنصر واحد ضمن منظومة كبيرة ... فبالطبع المنظومة كمان بتتأثر ... شئنا ام ابينا ... و نرجع نعمل قرارات تانية لاصلاح المنظومة التى تأثرت من القضاء على هذا العنصر و هكذا

و مش عاوز من البنك المركزى يكشف عن خططه و قراراته السرية ... بس عاوزه يحدد خطوط عريضة لاتجاه الدولة المستقبلى ... ان شاء الله .. فى مسارها المالى .... ناويين على ايه ان شاء الله بعد 10 سنوات !!!! تخفيض قيمة الجنيه و لا محاولة رفعه ؟ و ايه هى الالية الى حنطبق بيها الكلام ده !!!

ناويين نشجع الانتاج فعلا و بخطوات واقعية و لا حنشجع التجارة ؟ و لا الاتنين مع بعض ؟ ايه القرارات الى حنتبعها ؟؟!!
اخبار الميزانية ايه ؟؟؟ مش الموازنة
الكلام ده كله ملهوش علاقة بالارهاب و بالمشاكل الداخلية

احد دعائم تغيير الاقتصاد .... البنك المركزى ... مش هو لوحدوا ... و لكنه ماثر جدا

السؤال الاهم ... هو ليه لازم نعانى علشان نخطوة خطوة للامام ؟؟!!! مينفعش نتقدم من غير ما نعانى ؟؟!! احنا بنعانى بالفعل .... طيب مينفعش منعانيش اكتر من كدة ؟؟!!

متابع معاك

[ahmed_eng2001]

فى حاجة تانية انا مش فاهمها, الانخفاض الرهيب فى اسعار النفط ( برميل برنت وصل 38 دولار) له تاثيرات سلبية اخرى تستعصى على فهمى .....امريكا استثمرت مليارات الدولارات فى انتاج النفط الصخرى ( المنتج الاول فى انتاج النفط الصخرى) و اكيد مع انخفاض النفط العادى هتبقى تكاليف استخراج النفط الصخرى غير مجدية اقتصاديا ( يمكن بتفكر تخزن كميات هائلة او حتى تركه بدون استغلال ؟ طيب و الاستثمارات اللى اتصرفت عليه هترجع ازاى؟) نيجى لمشاريع الطاقة المتجددة من الرياح و الطاقة الشمسية ....دائما تقارن اسعر الطاقة النتجة منها بالاسعار المثيلة من انتاج النفط و ده هينعكس برضه بالسالب ....طب امريكا عملت كده ليه....و السؤال الاخير لو الاوبك خفضت انتاجها الان هل ده هيرفع اسعار النفط و لا الموضوع معقد عن كده؟ اسئلة تحتاج نقاش و اجوبة

النفط الصخرى بيجى من عمليات تنجيم ( مناجم ) ... مش انفاق جوة جبال و الحاجات دى ... انا اقصد انها مش عمليات حفر زى البترول العادى

امريكا بدأت تنتج البترول من النفط الصخرى عندما ارتفعت اسعار البترول لمستويات عالية .... و علشان حضرتك تحس اد ايه كانت عالية .... قارن بين سعره زمان ... و سعره حاليا ... و فى كلتا الحالتين .. شركات البترول كسبانة
الاستثمارات الى عملتها امريكا فى البترول الصخرى بتحققها بالفعل من الفرق من سعر البترول سابقا و حاليا

طاقى الرياح و الطاقة الشمسية ... الى الان .. البترول ارخص منها ... و الامل فى تطوير التكنولوجيا المستخدمة فى توليد الكهرباء من الرياح و الشمس

منظمة الاوبك لو قللت تخفيض الانتاج ... السعر حيرتفع ... بس الظريف ان الاوبك لم تقرر تخفيض الانتاج !!! لأسباب سياسية فى رايى

متابع معاك

[ali ashraf]

الشكر للمهندس احمد

الاخ الفاضل م احمد شكرا على اهتمامك و توضيحك لموضوع البترول و الشكر موصول للاستاذ امنوحتب ( ماهر) على الاهتمام و الاسلوب الرشيق فى سرد المعلومة المفيدة.......بالنسبة للبنك المركزى فى راى انه يعمل كصمام امان لكبح صعود الدولار و بالتالى حفظ سعر العملة المحلية قدر الامكان و للاسف الامكان ده له حدود و اقتصاد غير منتج للعملة الاجنبية لا يبشر بالخير....انا بحلم بجعل منطقة القناة جبل على جديد فى المنطقة ومش هنخترع العجلة الموضوع مش محتاج امكانيات بقدر تشريعات و قوانين تتسم " بالجرأة" و التفكير خارج الصندوق ....الامارات عند انشاء جبل على عملت ايه....خصصت اراضى للشركات برخص التراب و وصلت مرافق يمكن باسعار اقل من التكلفة و اعفاءات جمركية مغرية لأن المردود المادى مش من الرسوم و الضرائب و التحصيل انما المردود كان من بناء و تواجد الشركات الدولية فى المكان و فى غضون سنوات قليلة تحول الى خلية من النشاط التجارى و الصناعى و الان المغرب تحذوا حذو دبى و احنا لا نزال نتعامل بختم النسر و الدمغة و الطلب ناقص امضاء من ال15 امضاء بتوع السيد المراجع و السيد مندوب وزارة المالية و السيد وكيل الوزارة و السيد و السيد...... ساحاول ايجاد محاضرة السيد مهاتير فى مصر العام الماضى اللى ذكر فيها لو هو مسؤل فى مصر كان ممكن يعمل ايه الدولة ينقصها الامكانيات نعم و لكن ينقصها الابتكار و الابداع و التفكير للمستقبل 20 و 50 سنة للامام

[Imhotep]

اعتذر عن خطأ الكتابة ... الاخ الفاضل كان غير ب 7.88 .... مش ب 8.8 .. اعتذر عن هذا ..

بالنسبة لتكاليف استخراج برميل البترول ..... انا اؤكد لحضرتك ان المقال المكتوب ده مش مظبوط .... بحكم عملى القريب من البترول ... و الذى اتأثر به كثيرا .... سعر الاستخراج ده مش موجود .... لا فى السعودية و لا فى نيجيريا
ممكن اقول لحضرتك ام تكلفة استخراج البترول فى الكويت منخفضة .... و احتمال تصل لقيم منخفضة .... و لكن لا اظن ان تصل الى 10 دولار ....
الكلام ده بيبان جدا من عمليات التطوير و التنقيب و المعالجة .. و التى شبه متوقفه حاليا ...

انا اتناقشت مع حضرتك اكتر من مرة ...و بحترم رأى و اسلوب حضرتك جدا .... و متأكد من ان حضرتك ليك مصادرك العلمية الموثوق بها ...
مشكلتى الشخصية ... ان مصادرى بتكون اغلبها من خبرة عملية ... علشان كدة فيه حاجات كتير انا معرفش عنها حاجة ... و فيه حاجات بتكون خبرة عملية

و ان كان البنك المركزى بيصعب عليا فعلا .... بيحاول يصلح اخطاء ... مش هو لوحده المسئول عنها ... و لكن ... قراراته فى الفترة الاخيرة ..... احس انها بقت زى قرارات حكومة ....
فيها لئم و خبث ... و الهدف منها غير المعلن .... و قرارات لمحاولة التأثير على عنصر واحد ضمن منظومة كبيرة ... فبالطبع المنظومة كمان بتتأثر ... شئنا ام ابينا ... و نرجع نعمل قرارات تانية لاصلاح المنظومة التى تأثرت من القضاء على هذا العنصر و هكذا

و مش عاوز من البنك المركزى يكشف عن خططه و قراراته السرية ... بس عاوزه يحدد خطوط عريضة لاتجاه الدولة المستقبلى ... ان شاء الله .. فى مسارها المالى .... ناويين على ايه ان شاء الله بعد 10 سنوات !!!! تخفيض قيمة الجنيه و لا محاولة رفعه ؟ و ايه هى الالية الى حنطبق بيها الكلام ده !!!

ناويين نشجع الانتاج فعلا و بخطوات واقعية و لا حنشجع التجارة ؟ و لا الاتنين مع بعض ؟ ايه القرارات الى حنتبعها ؟؟!!
اخبار الميزانية ايه ؟؟؟ مش الموازنة
الكلام ده كله ملهوش علاقة بالارهاب و بالمشاكل الداخلية

احد دعائم تغيير الاقتصاد .... البنك المركزى ... مش هو لوحدوا ... و لكنه ماثر جدا

السؤال الاهم ... هو ليه لازم نعانى علشان نخطوة خطوة للامام ؟؟!!! مينفعش نتقدم من غير ما نعانى ؟؟!! احنا بنعانى بالفعل .... طيب مينفعش منعانيش اكتر من كدة ؟؟!!

متابع معاك

خبرة حضرتك العملية فى البترول بتخليك مش شايف الدورة الاقتصادية الكاملة اللى فى النهاية طلع منها الرقم بتاع ال10 دولار. . . رى ما خبرتى النظرية بتخلينى مش شايف اللى حضرتك شايفه. . . مع ملاحظة ان الدورة الاقتصادية دى فى السعودية حجمها اكتر من 3 مليار برميل فى السنة
انا قعدت ادور على تقرير ال imf اللى موجود فيه الرقم ده بس زى ما بحصل معايا احيانا مؤخرا بسبب الانشغال الشديد ملقيتوش لكن لقيت لنك هايل فيه اشارات للعديد من تقارير ال imf و منها المذكور:
IMF: oil price collapse will cripple North Sea producers - Telegraph

عنك حق فى التخبط الحكومى فى السياسات لان الدولة كلها عاملة زى قطار كل عربة فيه تسير بسرعتها الخاصة بدلا من ان ينسجم القطار فى سرعة موحدة. . . اضف لكده كمان ان مشاكلنا كلها مشاكل مزمنة و بالتالى مفيش حلول سريعة لها و بالتالى لازم هنعانى سواء بضغط مشاكلنا الداخلية و ايضا بسبب ما يحدث فى العالم. . . البنك المركزى مش وظيفته يقول اللى حضرتك طالبه لان اهم وظايفه هو التعامل مع السياسة النقدية على كل مدى قصير و متوسط و طويل و برضه مينفعش دى يتم اعلانها بسبب تأثيرها الوقتى على الكل و ايضا بسبب عدم ثبات العوامل المحددة لها خارجيا على الاقل. . . فحتى لو انت داخليا عارف هتعمل ايه الا ان الظروف الخارجية ممكن تعطلك او تأجلك الخ. . . عارف حضرتك فى المثل اللى انا ذكرته بتاع حركة المركزى السويسرى. . . الحركة دى لو حد كان عنده insider information و كان تعامل بناء على نتايجها فى الفوريكس بمبلغ صغير كان بقى مالتى ملياردير بين يوم و ليلة :-) تخيل خطورة النتائج

[ahmed_eng2001]

خبرة حضرتك العملية فى البترول بتخليك مش شايف الدورة الاقتصادية الكاملة اللى فى النهاية طلع منها الرقم بتاع ال10 دولار. . . رى ما خبرتى النظرية بتخلينى مش شايف اللى حضرتك شايفه. . . مع ملاحظة ان الدورة الاقتصادية دى فى السعودية حجمها اكتر من 3 مليار برميل فى السنة
انا قعدت ادور على تقرير ال imf اللى موجود فيه الرقم ده بس زى ما بحصل معايا احيانا مؤخرا بسبب الانشغال الشديد ملقيتوش لكن لقيت لنك هايل فيه اشارات للعديد من تقارير ال imf و منها المذكور:
imf: Oil price collapse will cripple north sea producers - telegraph

عنك حق فى التخبط الحكومى فى السياسات لان الدولة كلها عاملة زى قطار كل عربة فيه تسير بسرعتها الخاصة بدلا من ان ينسجم القطار فى سرعة موحدة. . . اضف لكده كمان ان مشاكلنا كلها مشاكل مزمنة و بالتالى مفيش حلول سريعة لها و بالتالى لازم هنعانى سواء بضغط مشاكلنا الداخلية و ايضا بسبب ما يحدث فى العالم. . . البنك المركزى مش وظيفته يقول اللى حضرتك طالبه لان اهم وظايفه هو التعامل مع السياسة النقدية على كل مدى قصير و متوسط و طويل و برضه مينفعش دى يتم اعلانها بسبب تأثيرها الوقتى على الكل و ايضا بسبب عدم ثبات العوامل المحددة لها خارجيا على الاقل. . . فحتى لو انت داخليا عارف هتعمل ايه الا ان الظروف الخارجية ممكن تعطلك او تأجلك الخ. . . عارف حضرتك فى المثل اللى انا ذكرته بتاع حركة المركزى السويسرى. . . الحركة دى لو حد كان عنده insider information و كان تعامل بناء على نتايجها فى الفوريكس بمبلغ صغير كان بقى مالتى ملياردير بين يوم و ليلة :-) تخيل خطورة النتائج

من خبرتى العملية و احتكاكى بالبترول .... كان ممكن اقول لحضرتك تكلفة استخراج برميل البترول من كل حقل اد ايه بالورقة و القلم .... و مليش دعوة بالارقام الى تطلعها ارامكو فى المؤتمرات الصحفية او الى بتديها للصحف .. و الى بطبيعة الحال بتتأثر بحاجات كتير جدا ...

انا لم اقصد ان يكون البنك المركزى مصدر تخطيط ... و لكن يكون جزء من منفذى هذا التخطيط ... فممكن اعرف من قراراته الرصينة ذات العمق ... البلد دى ماشية على فين ....

فمثلا ... قرار ال 10 الاف دولار فى اليوم ده .... بيقول ان البنك المركزى بيحاول يحجم حركة الدولار ... يحجم تعاملات السوق الموازية ... يحجم حركة الاستيراد للسلع غير المهمة ... اوك ... موافق ... ايه التمهيد للخطوة الجاية ؟؟؟ المفروض ان البنك المركزى مجهز قرارات تانية علشان يكمل خطته الى احنا مش عارفنها ... ايه القرارات الجاية ؟؟!! حنشوف

احنا بالفعل بنعانى و لسو حنعانى كمان ..... لحد امتى ؟؟!!! انا عاوز ضمان .. حنفضل نعانى لسبب معين ... لحد امتى ؟!!
طيب ... فالنفرض ان معاناتنا استمرت و لم نحقق السبب الى عانينا علشانه ... مين الى حيتحاسب ؟؟!!

عارف حضرتك شركات الصرافة بتعمل ايه بقالها فترة ؟؟!! بتروح تشترى الدولار من المغتربين فى الخارج .... و بيعملوا تحويلات بنكية خارجية ... و التحويلات دى مش عليها قيود زى عمليات الايداع الداخلية
متابع معاك