متفرطش فى الدولارات اللى معاك

[ali ashraf]

البترودولار

اجابة الاستاذ امنوحتب (ماهر) كانت مسك الختام لسؤال مصر بعد 10 سنوات و يا رب العوامل الايجابية تكون غالبة على النواحى السلبية و ربنا برضه يستر على موضوع الشح المائى الظاهرة بوادره فى الافق.......السؤال الثانى البترودولار و انتعاش منطقة الخليج هل افاد مصر ام ضرها و الفائدة و الضرر هنا تشمل الامور الاجتماعية بالدرجة الاولى ثم الاقتصادية و غيرها.......الاسئلة لفتح مواضيع نحرك بها الاجزاء الصدأة من تلافيف جهزنا العصبى (المخ)

[Imhotep]

حلو سؤال البترودولار
فى رأيى المتواضع صعود البترودولار كان وبالا على مصر من الناحية الاجتماعية
و عشان اوضح قصدي... هعطي مثل بسيط... لما عندنا واحد متواضع النشأة و فجأة تجيله ثروة... تكون إيه النتيجة... تكون انه يحس فجأة بأهمية غير مستحقة و رغبة فى السيطرة و فرض ثقافته المتواضعة بتأثير من عقد نقص قديمة... ده بدل ما يحاول يرتقي بنفسه و يهذبها بالثقافة الحقيقية الرفيعة

ده بالظبط اللى حصل فى الخليج... مجتمعات بدوية فقيرة فى الثقافة و المعرفة فجأة أصبحت تمتلك خزائن قارون... و النتيجة تراجع القوة الحقيقية للمصريين من علم و أدب و فن حقيقى امام البترودولار و ثقافته لان ببساطة البترودولار سعى لشراء كل ما يفتقده و لا يستطيع تنميته ذاتيا... و خير مثال على كده قطر... اللى كل فرقها الرياضية مجنسين و كل ما تعجبها موهبة معينة تسعى لشرائها و تجنيسها... للاسف money talks
و بما ان ده مستمر بقاله اربعين سنة... فأصبح عندنا ناس كتير أوي ثقافتها متأثرة بأسلوب التفكير و الحياة الخليجى الذى يختلف عن اسلوبنا كما اصبحت هذه الشخصيات تتسم بصفات غير معتدلة و فيها نوع من الغلو الذى كان غريبا على الشخصية المصرية لكنه للاسف أصبح مؤثرا

[ali ashraf]

انقراض جيل العمالقة

حلو سؤال البترودولار
فى رأيى المتواضع صعود البترودولار كان وبالا على مصر من الناحية الاجتماعية
و عشان اوضح قصدي... هعطي مثل بسيط... لما عندنا واحد متواضع النشأة و فجأة تجيله ثروة... تكون إيه النتيجة... تكون انه يحس فجأة بأهمية غير مستحقة و رغبة فى السيطرة و فرض ثقافته المتواضعة بتأثير من عقد نقص قديمة... ده بدل ما يحاول يرتقي بنفسه و يهذبها بالثقافة الحقيقية الرفيعة

ده بالظبط اللى حصل فى الخليج... مجتمعات بدوية فقيرة فى الثقافة و المعرفة فجأة أصبحت تمتلك خزائن قارون... و النتيجة تراجع القوة الحقيقية للمصريين من علم و أدب و فن حقيقى امام البترودولار و ثقافته لان ببساطة البترودولار سعى لشراء كل ما يفتقده و لا يستطيع تنميته ذاتيا... و خير مثال على كده قطر... اللى كل فرقها الرياضية مجنسين و كل ما تعجبها موهبة معينة تسعى لشرائها و تجنيسها للاسف money talks

طيب ممكن حضرتك يكون هناك علاقة بين انقراض جيل العمالقة فى مصر ( عمالقة الفن و الادب و الفلسفة و الاقتصاد وووو ) وظهور الاقزام و تربعهم على المشهد و ما صاحب هذا من تدهور الاخلاق و التعليم و بقينا نتحسر على الزمن الجميل....؟

[Imhotep]

طيب ممكن حضرتك يكون هناك علاقة بين انقراض جيل العمالقة فى مصر ( عمالقة الفن و الادب و الفلسفة و الاقتصاد وووو ) وظهور الاقزام و تربعهم على المشهد و ما صاحب هذا من تدهور الاخلاق و التعليم و بقينا نتحسر على الزمن الجميل....؟

بص حضرتك فى نفس الزمن اللى بنسميه جميل و وقت ما كانت لسه عايشة ام كلثوم و عبد الوهاب و فريد و كل العمالقة دول طلع احمد عدوية و اللي زيه... و قيس على كده كل شئ فى مختلف المجالات... بس المهم... المحصلة كانت فى انهي اتجاه... المحصلة كانت لفوق و فى صالح القيم الحقيقية... و حتى دلوقت ما هو لسه فيه كبار كتير فى الادب مثلا زى يوسف القعيد و جمال الغيطاني الله يشفيه... و حتى من جيل الشباب أحمد مراد صاحب رواية الفيل الازرق اللى كان فى إقبال من الشباب عليها... بس للاسف المحصلة لتحت حاليا

[ahmed_eng2001]

حابب اشارك معاكم .........وان كان رأى مش مع حد او ضد حد بس بما انى متابع الاقتصاد من اواخر السبعينات وكنت منتظر الخطط الخمسية ورابط الحزام ....وعندى امل ان تحدث الطفرة والتقدم الاقتصادى وتحديث البنية التحتية وكمان مساعدة محدود الدخل و النهضة الاقتصادية


بعد دة كلة ممكن احكم على الموقف وانظر للعشر سنين اللى جاية من منظور عملى ورأى تكون من خلال دراستى وعملى فى مجال الحسابات معظم عمرى

الموقف بعد عشر سنين مش هيتحسن بل سيتحرك بشكل افقى يعنى لا تحسن ولا انهيار ......زى ما بيقولوا رمادى يعنى معظم الحلفاء والاصدقاء عاوزنا لا نكبر ولا نتفكك لان دة مش فى مصلحة المنطقة

لية الكلام دة وايه معطياتة :

- تعليم فاشل بكل صورة

- فساد منتشر فى كل المجالات

-احادية الرأى وفكر سلطوى متحجر (انا صح والباقى غلط )مفيش نقاش الا لما ينتهى بخناق لدرجة ان اصحاب الفكر المستنير بيفضلوا السكوت والعزلة وعدم الدخول فى صراعات فكرية لن تودى الى نتائج او حلول

- اخر حاجة الانهيار الاخلاقى والفهلوة اللى اصبحت سمة فى الناس والمجتمع وحتى الحكومة

اتفق مع حضرتك فى كلامك .... و احب اضيف .... ان مش حيكون فيه امل غير بعد التغيير ... عندما تتغير اسباب الفشل ... يمكن ان نأمل عندها فى التقدم

[ahmed_eng2001]

انا مش بحب الاعتراض فقط و الله .... بس دى طرق مختلفة فى التفكير ....

صعود الدولار و صعود دول الخليج اثر بلا شك على العالم كله .... السلبيات ذكرها الاستاذ ماهر ..... و لكن من ضمن الايجابيات .... موقف وقوف دول الخليج زمان مع مصر اثناء حرب 1973 كقوة اقتصادية .... و بالمرة ...

الانسان البسيط فى ثقافته ... يملك القليل من الثقافة بالفعل .. بذرة ثقافة ... الى لو توفر لها الامكانيات .. حتطور
افكر حضراتكوا تانى بموقف الملك فيصل من التهديدات الامريكية اثناء حرب 73
الشيخ زايد و علاقته بالحكومات العربية ..... و مواقف الكثير من الاشخاص الذين يسكنوا فى منطقى الخليج ....
اكتر من واحد من اليمن لا يزالوا يذكروا ان مدرسينهم كانوا مصريين و يكنوا لهم كل تقدير ... انا مش بدافع عن حد .. بس حبيت اوضح هذا النقطة
و فى الايام الحديثة تغيرت طريقة التفكير الخليجية ... زى ما اتغيرت فى مصر و فى كل حتة

نقطة اخرى ... ايه منابع او مدارس لتخريج واحد زى ام كلثوم و عبد الوهاب .... زمان كان فيه اجواء و عوامل مساعدة و تشجيع لاخراج اشخاص بارزة فى بعض المجالات ... الظروف دى اتغيرت تماما

[ali ashraf]

مزيدا من الصراحة

تأثير البترودولار المقصود على الافراد و بالتالى على الشعوب مش على مستوى الساسة و نظم الحكم واللى بطبيعة الحال بتحكمها امور تختلف عن اندماج الافراد ببعضها البعض ولا جدال ان منطقة الخليج على مدى ال50 سنة الماضية عاش فيها ملايين المصريين الكثير منهم كانوا على مستوى متواضع ثقافيا و يمكن تشبيهم بالسفنجة الجافة و سرعان ما تشربوا بعادات البلاد اللى هم فيها و ما فيها من غلو فى الافكار و العقائد و ما تلى ذلك من تسفيه لكثير من امور الدنيا لأمور الدين و خلق ليمين متطرف لم تعرفه مصر من قبل و فى المقابل ده كان على حساب الذوق العام و التذوق الفنى و الثقافى و الاجتماعى الخ و الحقيقة ده مش راى انا و لكن ما كتبه البعض من المفكرين المصريون مثل مراد وهبة وفى كتابه الشهير الاصولية و العلمانية و ان اختلفت فى كثير مما ذكره

[hilal]

أنا فقط أتعجب من أين تحصلون على هذا التفاؤل؟
كل المؤشرات تدل على أن السفينة تغرق

[ahmed_eng2001]

تأثير البترودولار المقصود على الافراد و بالتالى على الشعوب مش على مستوى الساسة و نظم الحكم واللى بطبيعة الحال بتحكمها امور تختلف عن اندماج الافراد ببعضها البعض ولا جدال ان منطقة الخليج على مدى ال50 سنة الماضية عاش فيها ملايين المصريين الكثير منهم كانوا على مستوى متواضع ثقافيا و يمكن تشبيهم بالسفنجة الجافة و سرعان ما تشربوا بعادات البلاد اللى هم فيها و ما فيها من غلو فى الافكار و العقائد و ما تلى ذلك من تسفيه لكثير من امور الدنيا لأمور الدين و خلق ليمين متطرف لم تعرفه مصر من قبل و فى المقابل ده كان على حساب الذوق العام و التذوق الفنى و الثقافى و الاجتماعى الخ و الحقيقة ده مش راى انا و لكن ما كتبه البعض من المفكرين المصريون مثل مراد وهبة وفى كتابه الشهير الاصولية و العلمانية و ان اختلفت فى كثير مما ذكره

عزيزى الدكتور على ....

كام نسبة المصريين الذين يعملوا فى الخليج ؟؟؟ و هل هذه النسبة كافية لتغيير المستوى الاخلاقى لبقية لمصريين الى عايشين فى مصر ؟؟ على اعتبار انهم بابلفعل امتصوا ثقافة دول البترول ...

انا كمان اختلف مع الاستاذ مراد وهبة فى هذه الجزئية

المفروض ... ان البلد الام يكون لها التأثير الاكبر فى فرض ثقافتها ... و بما ان مصر اكثر عددا ... و اعمق تاريخا ... فمن المفروض ان الثقافة المصرية لا تتأثر كثيرا بابنائها الوافدين ... لكن الى بيحصل ان الثقافة المصرية بتتغير لوحدها .... نتيجة عدم وجود قوى تثبتها على ما عليه و تطويرها .... فوضحت فيها النزعة المادية ... التقليد للثقافات الاخرى

[ahmed_eng2001]

أنا فقط أتعجب من أين تحصلون على هذا التفاؤل؟
كل المؤشرات تدل على أن السفينة تغرق

عزيزى الدكتور هلال ....

انا مش مقتنع ان السفينة بتغرق .... الدنيا مش كويسة و الاقتصاد بتاعنا بينخفض ... و لكن لسة موصلناش لمرحلة الغرق ....

اخبار النمو الاقتصادى ايه ؟؟؟؟ و هل هو كفاية لزيادة السكان و زيادة الطلب على الرفاهية و لا لأ ؟؟
اخبار الخدمات العامة ايه ؟؟

سيبك من النمو الاقتصادى و نسبة الفائدة و البورصة و الكلام الكبير ده ..... حضرتك ممكن تشوف الاسعار بتزيد و لا لأ ..... و بالطبع انا بتكلم على ارتفاع الاسعار مع ثبات المرتبات .... الاسعار بتزيد شوية

ممكن حضرتك تشوف سعر الدولار اخباره ايه ... و ممكن بكدة تحكم على نمو الاقتصاد

الاثنين بيزيدوا ... و لكن مش لمرحلة الخطر .... التفاؤل ... انا مش متفاءل حتى ارى بعض التغير الفعلى فى اغلب المجالات
تقبل مرورى و احترامى

[Hany Adel]

انا مقتنع تماما
انه بدون عدالة لن نحقق اي شئ

وهذا لا نقاش فيه وقولا واحدا
وانظروا لاي دوله متقدمه .. تجد ان المسألة ليست مال او موارد
اليابان ما عندهاش حاجه

غير انسان مجتهد
وعداله

انتهى

[hilal]

انا مقتنع تماما
انه بدون عدالة لن نحقق اي شئ

وهذا لا نقاش فيه وقولا واحدا
وانظروا لاي دوله متقدمه .. تجد ان المسألة ليست مال او موارد
اليابان ما عندهاش حاجه

غير انسان مجتهد
وعداله

انتهى

هذا هو القول الفصل ، ولا قول بعد هذا

[رحالة]

خدمات!!!
هي فين الخدمات دي

الشعب المصري ده مدفون بالحيا وفاكر نفسه عايش

[mohamed_selim]

حد فاكر الكحيت بتاع احمد رجب؟

[hilal]

حد فاكر الكحيت بتاع احمد رجب؟

برجاء التوضيح لأني كنت من قارئي الاهرام