ما هو قانون التعامل مع الناس في مصر .. مش عارف أعيش في مصر

[bassem.naguib]

ليه سؤال صغير ؟!

ومخليني عمال اسألة طول الوقت .. ألا وهو ليه الناس بقت بالشكل السيء ده .. وبالأخلاق اللي زي الزفت دي .. هل مبدأ التعامل مع بعضنا هو قانون الغاب فعلاً زي ما بنسمع .. ومبقاش في احترام لآي قيم أو ذوق و مثل عليا في البلد وبقت هي دي القاعدة السائدة ؟!

وايه اللي وصلنا لكده هل هي الظروف اللي حوالينا (معتقدش) .. هل في مخطط أو ظروف تانية تخلي الناس تبقى كده .. كله كاره بعضه .. وعاوز يدوس على التاني .. وميبقاش فيه مراعاه لأي تقاليد أو مبادئ.

طبعاً الكل بيسأل أنا بقول الكلام ده ليه .. طول ما أنا ماشي (وأكيد حضراتكم) سواء على رجلك أو بالعربية بتلاقي تصرفات غريبة من الناس .. كبير وصغير .. راجل أو ست .. متعلم أو مش متعلم .. إلخ لحد ما حصل معايا موقف امبارح بالليل خلاني فعلاً أخرج عن شعوري .. ومحتاج النصيحة بجد أني اعمل ايه .

أنا ساكن في شارع ميسمحش العرض بتاعه إلا بعربية تكون راكنة وعربية تمشي من جنبها سواء داخل أو خارج من الشارع .. المهم فيه على ناصية الشارع محل فتح بقاله سنة أو أكتر لتأجير العربيات .. ما علينا .. وأنا مالي وربنا يفتح على الناس كلها .. لحد ما ابتدى من حوالي سته شهور قلة الأدب ابتدت تظهر على حق .. ابتدى صاحب المعرض ده كل يوم تجيله عربية سواء خرجة متأجرة .. أو راجعة من التأجير أنه يحطها على باب الشارع ويقفل بيها الشارع لا حد عارف يدخل ولا حد عارف يخرج .. وحصلت مشاكل كتيرة بينه وبين ناس في الشارع أو بره الشارع ببسبب الموضوع ده .. وحصلت مشكلة مع واحد صاحبي معاه .. وقال حقفل ليه المحل ده علشان البلطجةوقلة الأدب بتاعته دي .. وقعدت أهديه واقول ليه حرام .. ده أكل عيش وهديت الموضوع مع الطرفين .. واتفقنا أن لو حصل الموضع ده تاني واحد يقفل عليه من ورا بعربيته .. والتاني يقفل عليه من قدام علشان ميعرفش يخرج .. علشان يعرف أن الموضوع ده يضايق .. ولما يحس بيه ميعملهاش تاني .

المهم الواد ده (اسف على لفظ واد لأنه ميستحقش غير كده) كان كل ما يركن عربية على باب الشارع ويقفل الشارع بيها .. تيجي تروح تقول ليه العربية دي تبعك .. يقول ليك .. لا والله مش تبعي خالص .. وتفاجأ بعد كده أنها تبعه .. وأنه كان بيكبر دماغه .

لحد ما حصل امبارح أني وانا راجع أنا وأخويا لاقيت عربية (وأنا عارف أنها تبعه) راكنه وقافلة الشارع .. رحت واقف وراه بكل برود وخليت واحد يقف قدامه .. ورحت كام مشوار على رجلي ورجعت .. المهم لاقيت واحد جاري بيقولي انت موقف عربيتك كده ليه .. فحكيت ليه على القصة كلها من الأول .. قالي طب خلاص متعملش مشكلة انا حروح أكلمه بالهداوة ونحل الموضوع وأنبه عليه أنه ميعملهاش تاني .. قلت ليه حصلت كذا مشكلة ونتصالح ويقول مش حعمل كده ويرجع تاني .. المهم الراجل راح والطريف أن الواد ده من كلامه المستفز جاري اتخانق معاه .. وكانت حتبقى مشكلة كبيرة .. المهم رحت (لاني كنت واقف من بعيد تجنباً للمشاكل) لاقيته عاوزيتخانق معايا وبيقل أدبه (بدون داعي للدخول في تفاصيل كتيرة) والناس اتلمت وبقت مشكلة كبيرة .. أنا طبعاً العرق الصعيدي طق في دماغي والدم فار في نافوخي (مع أن والله الناس بتقول عليا هادي جداً لدرجة البرود في الموافق اللي زي دي وبعمل بحكمة القوي من تمالك نفسه عند الغضب) بس الواد كلامه فعلاً يخلي الحجر ينطق وعمال يقول أنا أعمل اللي عاوز أعمله ومحدش يقدر يعملي حاجة .. واللي مش عاجبه يخبط دماغه في الحيط .. لحد ما خلاني فعلاً عاوز أقتله (اقصد المعنى اللي بقوله والشيطان شاطر) http://www.nilemotors.net/Nile/image....gif:khd::khd: المهم الناس اتلمت حواليا .. وعمالين يهدوني .. قلت ليه طب خليك واقف بقى مش حخرجك يومين تلاتة .. وقلت في عقلي أنا بابلغ بوليس النجده واثبت حالة بالموضوع ده .. وهما يتصرفوا معاه علشان مصعدش المواضيع أكتر من كده والواحد دماغه مش ناقصة مشاكل .. المهم بوليس النجدة مجاش لغاية دلوقتي

المهم الناس قعدت تقول ليا عاوزين نخلص المشكلة .. وهو طبعاً هو عمال يزعق ويجعر ويقول أنا أعمل اللي عاوز أعمله واركن مطرح ما أحب على جنب أو في وسط الشارع زي ما انا عاوز وأنا حر محدش ليه حاجة عندي .. وشوية يبعت ناس من عنده يهدوا الموضوع ويعتذروا ويقولوا خلاص مش حتحصل تاني (تحس أنه بيضرب بالكلام ويلاقي) يعني يقعد يهلل ويبعت ناس تهدي .. بغرض أنه في الأخر يبقى عمل نفسه أبو الرجال ومحدش كسرله كلمه وبيهدي من بعيد في نفس الوقت (شغل ناس ..... تتتتتتتتتيت)

المهم فيه واحد كبير اتدخل في الموضوع وقالي معلش علشان خاطري وأنا رحت كلمته ومش حيعمل كده تاني .. وحيتعامل مع الناس اللي في المنطقة بذوق واحترام .. المهم أنا كبرت للراجل واديته مفاتيح العربية وطلعها علشان يطلع هو .

بعد ما طلع عربيته .. تفتكروا رد فعله ايه بعد ما كان ساكت وحاطط في بقه ميت جزمة وقاعد زي ... تييييييييت .. قعد يجعر تاني ويعلي صوته ويقول نفس الكلام تاني قلت للراجل شفت بقى أن الصنف ده نمرود .. طبعاً الراجل اللي عملتله خاطر بقى شكلة وحش .. وقال معلش أحنا أحسن منه وبيئتنا أحسن بكتير ومتنفعلش ....إلخ

قولولي بقى اعمل ايه في المشكلة دي .. لأني حاسس أنها بقت قضية بالنسبة ليا .. وازاي اقفل للواد ده محلة علشان يتعلم الأدب وأنه ازاي يصوت لقمة عيشه ويعرف ازاي يتعامل مع الناس اللي حواليه .. ولا اسكت وأفوض أمري لله http://www.nilemotors.net/Nile/images/smilies/dontudear.gif

[hdmrdash]

بص يا باشا
الشعب المصرى ما يجيش بالذوق
لازم تتكاتف انت وأهل المنطقه لتعليم الواد ده الأدب
وسيبك من البوليس
الواد ده لازم يفهم أن الحته اللى فاتح فيها المحل فيها رجاله مش عيال سيس و كلهم عليه وكل واحد فى الحته ممكن يأذيه بشكل ما ( تجريح بودى-زلطه فى الزجاج- ترييح للعجل -خبطه ) وخلى بالك دى عربيات زيرو وانت فاهم الباقى
ده غير انك ممكن تعمل ليه سمعه زى الزفت

[bassem.naguib]

يا باشا .. هو فاهم كويس النقطة دي .. لأنه اتعمل حوار كبير جامد معاه وفهم كويس جداً ان الناس دي مش أي كلام ولا سيس زي ما بتقول .. وممكن جداً لو قلبت بخناقة حيروح في ستين داهية سواء هو أو الناس اللي معاه .. القصة مش في كده خالص القصة أن الناس اللي كانت بتكلمه كلها ناس كبيرة ومحترمة .. يعني مكبرش ليهم .. فده بيديك انطباع أنه قليل الأدب ومن منطقة زبالة .. وأنه متربي في الزبالة .. وإلا مقلش الكلام ده .. فأنا عاوز تصرف يأذيه فعلاً أو يديله درس على الأقل (مش تجريح عربية ولا زلطه ..إلخ) يخليه يتعلم الأدب طلو العمر مع الناس كلها مش معانا احنا بس .

ثانياً بحر الأذى واسع .. وفي المقابل هو كمان .. فمش حتخلص من القصص دي لو ابتدت .. لأنها حتقلب لعند .. فعاوز حل شيك يقطع المشكلة من جدورها .. وبعدين أنا مش فاضي .. ولا عندي استعداد اني افضي جزء من دماغي لشخصية زي دي .. واسيب اهتمامات تانية كتير في الحياه أنا أولى بيها .. مش كده ولا ايه

[نور القمر]

مفيش قدامك غير انك تشوف ظابط معرفتك او معرفة حد من جيرانك ويوصي عليكم في قسم البوليس وهناك يظبطوه تمام مدام الزوق مش جايب معاه نتيجة ومش عامل احترام لاي مخلوق

[R A N A]

بص حضرتك هو انا هاقترح عليك مجموعة حلول وشوف انهي حل فيهم ينفع
الله اعلم اللي هاقوله ده ينفع بجد ولا لأ بس جرب يعني

حضرتك ممكن تقرفه بأكتر من طريقه وتطهقه في عيشته ازاي:

يعني مثلا كل كام يوم تزق عليه حد شكل:

مرة بتوع الضرايب

مرة بتوع التراخيص (للمحلات او رخصة التأجير نفسها لاني اعتقد لازملها رخصة معينة)

مرة بتوع البلدية

مرة عسكري من القسم ولا امين شرطة يعمله شوية قلق (شوف حد يعرفك على امين شرطة معرفة يعني او اديله فلوس) اهو يهوشه شوية يعني

مرة تتصل بالونش مثلا (وزن كتير عليهم او ادفعلم فلوس يمكن يرضوا ييجوا برده)
زن تاني وتالت في موضوع بوليس النجدة ده

وروح اعمل محضر في القسم وخلى ناس تانية تروح بحيث تبقي شكوى من اكتر من فرد يومكن يتحركوا مرة من المرات دي

يعني كل يوم تقرفه بحاجة شكل واكيد الواد ده مش كل ورقه سليم يعني وعنده مشاكل كتير لو نكشت في اي مشكلة منهم هايتشد يعني.

طبعاً احنا جايين نهدي النفوس يعني

[MoToRiZeR]

بص انا حصلي الموقف ده مرتين .. و بنفس الطريقة إحنا شارعنا ميكفيش غير عربية تركن و عربية تمشي برضه و كان فيه سواق تاكسي بارد بييجي يركن و يسد الشارع و اما أكلمه يقل أدبه فا إضطريت انا كمان أقل أدبي و بعدها إضايقت إني نزلت لمستواه و قلت مش دي الطريقة للتعامل مع الأشكال دي عشان كدة بقولك متسيبوش يجرك و ينزلك لمستواه .

تاني مرة عمل كدة لقيته بيقولي "يا بيه الشارع شارعنا و اللي مش عاجبه يعزل !" .. رحت ركنت عربيتي عند واحد صاحبي و قلتله بص هنركن عربيتك و هتروح و تيجي من الجامعة معايا كام يوم كدة .. و جبت عربية صاحبي ( لادا ) و قفلت عليه قعدته في البيت 3 أيام .. و بسمعه كل يوم عمال يهلل و هيتجنن يعرف دي عربية مين .. و خليت صاحبي ييجي ياخدها رابع يوم الفجر عشان محدش يشوفه و من ساعتها بقي يركن في شارع تاني أصلاَ .

عندك برضه بعد صلاة الفجر كدة تصليلك ركعتين و تستغفر ربنا و تقوم رايح جايبله الأربع فرد عالأرض ، بحر الأذي واسع بس متكسرلوش حاجة عشان متجبش الحق عليك .. عطله بس و وقفله حال العربية دي .. إقفل عليه .. العجل تجيبه عالأرض .. لو عملتوا مكرونة و معجبتكبش تقوم دالقها من البلكونة .. بالليل و إنت راجع كيس بأربعة جنيه من أون ذا ران بتاع أكل الكلاب و عالعربية كلها و سيب الكلاب تدلع العربية .. مدام دخل في سكة انا حر يبقي إنت كمان حر ! يعني إتسلي عليه و متحرقش دمك .

هو ممكن يشتغلك في الأزرق برضه بس هو هيخاف أكتر و مش هيتمادي معاك و يخش في حرب عشان ده أكل عيشه فا هيلم نفسه سريع سريع .

بس انا عايزك في الفترة دي تسمع بلاك ميتال و تنمي نزعة الشر جواك

[AHMEDCAR]

انا هاعلق بس على التعليق بتاع موتوريزر بجد و انا فى الشغل افتكرونى مجنون طحكت صحك هستيرى و خصوصا على صلاه الفجر دى

[boty50]

بالليل و إنت راجع كيس بأربعة جنيه من أون ذا ران بتاع أكل الكلاب و عالعربية كلها و سيب الكلاب تدلع العربية ..

صراحة فكرة عبقرية وجديدة Creative بجد

[R A N A]

بص انا حصلي الموقف ده مرتين .. و بنفس الطريقة إحنا شارعنا ميكفيش غير عربية تركن و عربية تمشي برضه و كان فيه سواق تاكسي بارد بييجي يركن و يسد الشارع و اما أكلمه يقل أدبه فا إضطريت انا كمان أقل أدبي و بعدها إضايقت إني نزلت لمستواه و قلت مش دي الطريقة للتعامل مع الأشكال دي عشان كدة بقولك متسيبوش يجرك و ينزلك لمستواه .

تاني مرة عمل كدة لقيته بيقولي "يا بيه الشارع شارعنا و اللي مش عاجبه يعزل !" .. رحت ركنت عربيتي عند واحد صاحبي و قلتله بص هنركن عربيتك و هتروح و تيجي من الجامعة معايا كام يوم كدة .. و جبت عربية صاحبي ( لادا ) و قفلت عليه قعدته في البيت 3 أيام .. و بسمعه كل يوم عمال يهلل و هيتجنن يعرف دي عربية مين .. و خليت صاحبي ييجي ياخدها رابع يوم الفجر عشان محدش يشوفه و من ساعتها بقي يركن في شارع تاني أصلاَ .

عندك برضه بعد صلاة الفجر كدة تصليلك ركعتين و تستغفر ربنا و تقوم رايح جايبله الأربع فرد عالأرض ، بحر الأذي واسع بس متكسرلوش حاجة عشان متجبش الحق عليك .. عطله بس و وقفله حال العربية دي .. إقفل عليه .. العجل تجيبه عالأرض .. لو عملتوا مكرونة و معجبتكبش تقوم دالقها من البلكونة .. بالليل و إنت راجع كيس بأربعة جنيه من أون ذا ران بتاع أكل الكلاب و عالعربية كلها و سيب الكلاب تدلع العربية .. مدام دخل في سكة انا حر يبقي إنت كمان حر ! يعني إتسلي عليه و متحرقش دمك .

هو ممكن يشتغلك في الأزرق برضه بس هو هيخاف أكتر و مش هيتمادي معاك و يخش في حرب عشان ده أكل عيشه فا هيلم نفسه سريع سريع .

بس انا عايزك في الفترة دي تسمع بلاك ميتال و تنمي نزعة الشر جواك

انت مشكلة يامحمود بجد مش معقول كلامك ده

اول ماقريت جملة بعد الفجر صلي ركعتين واستغفر ربنا قلت اكيد هيكمل ويوقله ادعي عليه مثلا ولا ادعي ربنا انه يحميك من اذاه ندمت وقلت في نفسي ياااااااااه ده انا طلعت شريرة اوي شوفي متورايزر عمال ينصحه بإيه وانا عمالة اقوله زق عليه حد يقرفه لما كملت الجملة مقدرتش فطست علي نفسي من الضحك.
وعجبتني جدا موضوع لو عملتوا مكرونة ومعجبتكش ادلقها علي عربيته من البلكونة مش ممكن بجد مش ممكن :k48::k48:

[elassar2010]

بص انا حصلي الموقف ده مرتين .. و بنفس الطريقة إحنا شارعنا ميكفيش غير عربية تركن و عربية تمشي برضه و كان فيه سواق تاكسي بارد بييجي يركن و يسد الشارع و اما أكلمه يقل أدبه فا إضطريت انا كمان أقل أدبي و بعدها إضايقت إني نزلت لمستواه و قلت مش دي الطريقة للتعامل مع الأشكال دي عشان كدة بقولك متسيبوش يجرك و ينزلك لمستواه .

تاني مرة عمل كدة لقيته بيقولي "يا بيه الشارع شارعنا و اللي مش عاجبه يعزل !" .. رحت ركنت عربيتي عند واحد صاحبي و قلتله بص هنركن عربيتك و هتروح و تيجي من الجامعة معايا كام يوم كدة .. و جبت عربية صاحبي ( لادا ) و قفلت عليه قعدته في البيت 3 أيام .. و بسمعه كل يوم عمال يهلل و هيتجنن يعرف دي عربية مين .. و خليت صاحبي ييجي ياخدها رابع يوم الفجر عشان محدش يشوفه و من ساعتها بقي يركن في شارع تاني أصلاَ .

عندك برضه بعد صلاة الفجر كدة تصليلك ركعتين و تستغفر ربنا و تقوم رايح جايبله الأربع فرد عالأرض ، بحر الأذي واسع بس متكسرلوش حاجة عشان متجبش الحق عليك .. عطله بس و وقفله حال العربية دي .. إقفل عليه .. العجل تجيبه عالأرض .. لو عملتوا مكرونة و معجبتكبش تقوم دالقها من البلكونة .. بالليل و إنت راجع كيس بأربعة جنيه من أون ذا ران بتاع أكل الكلاب و عالعربية كلها و سيب الكلاب تدلع العربية .. مدام دخل في سكة انا حر يبقي إنت كمان حر ! يعني إتسلي عليه و متحرقش دمك .

هو ممكن يشتغلك في الأزرق برضه بس هو هيخاف أكتر و مش هيتمادي معاك و يخش في حرب عشان ده أكل عيشه فا هيلم نفسه سريع سريع .

بس انا عايزك في الفترة دي تسمع بلاك ميتال و تنمي نزعة الشر جواك

افكار جامدة جداااااااااااااااااااااا:k32::k32::k32:

[AHMEDCAR]

حصلت معايا مرتين اول مره

و احده بنوته ركنت عربيتها قدام باب الجراج و للعلم انا عامل يفطتين مكتوب عليهم جراج خاص برجاء عدم الانتظار و ايه بالبط العرض كمان الاستاذه و مكفهاش اليفط و قامت راكنه عربيتها يومين قدام الجراج طبعا دمى اتحرق قومت فاتح كبوت العربيه بتعتها و شيلت سلوك البوجيهات كلها و خليتها تتجنن و هيه رايحه تجيبها و انا قاعد فى البلكونه اتفرج عيها

تانى موقف برضو واحده ست كانت بتركن قدام الجراج قعدت اقولها هنا جراج لوسمحتى ممنوع الانتظار برضو تركن بكل برود اخر مره حشرتلها الكوالين كلها خشب و حطيت دبشه طوب كبير تحت العربيه بين المقصيين الخلفيين و اتفرجوا بقى عليها و هيه بتطلعها المهم برضو محرمتش بصراحه انا تعب منها جدا جدا لحد ما الحمد لله عالست دى عزلت من المنطقه خالص

ربنا يكون فى عون الاسكان الجداد اللى راحتلهم

[tamohsen]

الناس مبقاش عندها لا أدب ولا دم
اهه من ساعه نزلت من شغلي علشان اروح مشوار مهم
لقيت واحده عربيتها اوتوماتيك قافله عليا صف تاني

واديني مستني بقالي ساعه لغايه الهانم ما ترجع
ادعولي

[masriano]

بص انا حصلي الموقف ده مرتين .. و بنفس الطريقة إحنا شارعنا ميكفيش غير عربية تركن و عربية تمشي برضه و كان فيه سواق تاكسي بارد بييجي يركن و يسد الشارع و اما أكلمه يقل أدبه فا إضطريت انا كمان أقل أدبي و بعدها إضايقت إني نزلت لمستواه و قلت مش دي الطريقة للتعامل مع الأشكال دي عشان كدة بقولك متسيبوش يجرك و ينزلك لمستواه .

تاني مرة عمل كدة لقيته بيقولي "يا بيه الشارع شارعنا و اللي مش عاجبه يعزل !" .. رحت ركنت عربيتي عند واحد صاحبي و قلتله بص هنركن عربيتك و هتروح و تيجي من الجامعة معايا كام يوم كدة .. و جبت عربية صاحبي ( لادا ) و قفلت عليه قعدته في البيت 3 أيام .. و بسمعه كل يوم عمال يهلل و هيتجنن يعرف دي عربية مين .. و خليت صاحبي ييجي ياخدها رابع يوم الفجر عشان محدش يشوفه و من ساعتها بقي يركن في شارع تاني أصلاَ .

عندك برضه بعد صلاة الفجر كدة تصليلك ركعتين و تستغفر ربنا و تقوم رايح جايبله الأربع فرد عالأرض ، بحر الأذي واسع بس متكسرلوش حاجة عشان متجبش الحق عليك .. عطله بس و وقفله حال العربية دي .. إقفل عليه .. العجل تجيبه عالأرض .. لو عملتوا مكرونة و معجبتكبش تقوم دالقها من البلكونة .. بالليل و إنت راجع كيس بأربعة جنيه من أون ذا ران بتاع أكل الكلاب و عالعربية كلها و سيب الكلاب تدلع العربية .. مدام دخل في سكة انا حر يبقي إنت كمان حر ! يعني إتسلي عليه و متحرقش دمك .

هو ممكن يشتغلك في الأزرق برضه بس هو هيخاف أكتر و مش هيتمادي معاك و يخش في حرب عشان ده أكل عيشه فا هيلم نفسه سريع سريع .

بس انا عايزك في الفترة دي تسمع بلاك ميتال و تنمي نزعة الشر جواك

يا جماعة.. محمود يعنى , أقرب أحفاد ابليس الى قلبه D:
فا برافو عليك يا اكسلانس انك فتحت الموضوع دا هنا

بص , هيا مشكلة سخيفة وغبية لاقصى درجة, وقد تبان انها سهل أمرها بس الحقيقة انها ممكن تقرفك فعلا.

بما انها بلد مبتمشيش غير بالمعارف والعلاقات, فا بعد حلول محمود - وخصوصا بتاع اكل الكلاب دا d: , اتفرج على اسقف عربيات الباشا بعد هجوم الكلاب عليها , الراجل ممكن يقعد يلطم في وسط الشارع, لانها عربيات جديدة او زيرو - انا شايف انك تشوفلك حد معرفه في اقرب قسم او البلدية لان اعتقد انه مخالف برضه ادام سادد الشارع بطقم العربيات بتاعته,فا هايقرفوه .. وسيبك من حل الخناق معاه لانه من بيئة واطية فا مفيش داعى تتعامل مع المستويات دى بطريقتهم..

الحل دا عملى جدا وهاتلاقى الباشا زى الكلب اتلم وميقدرش يفتح بقه.. وبعدين هوا موقفه اضعف منك بكتير فعلا, شوف عنده كام عربية وشوف الاذى الى ممكن يحصل, فا الراجل دا بيبقى قاعد مقلق اكيد من رد فعل الناس..

الشكوى الجماعيه لاهالى الشارع ممكن تكون مفيدة بس حللى بقى في ام البلد دى على حد مايتحرك..

شوف واسطة جامده , او ظابط رتبه وصدقنى الحوار هايخلص بسرعة اكبر من انك تتخيلها اصلا !

[د.اسماعيل النجار]

بص انا حصلي الموقف ده مرتين .. و بنفس الطريقة إحنا شارعنا ميكفيش غير عربية تركن و عربية تمشي برضه و كان فيه سواق تاكسي بارد بييجي يركن و يسد الشارع و اما أكلمه يقل أدبه فا إضطريت انا كمان أقل أدبي و بعدها إضايقت إني نزلت لمستواه و قلت مش دي الطريقة للتعامل مع الأشكال دي عشان كدة بقولك متسيبوش يجرك و ينزلك لمستواه .

تاني مرة عمل كدة لقيته بيقولي "يا بيه الشارع شارعنا و اللي مش عاجبه يعزل !" .. رحت ركنت عربيتي عند واحد صاحبي و قلتله بص هنركن عربيتك و هتروح و تيجي من الجامعة معايا كام يوم كدة .. و جبت عربية صاحبي ( لادا ) و قفلت عليه قعدته في البيت 3 أيام .. و بسمعه كل يوم عمال يهلل و هيتجنن يعرف دي عربية مين .. و خليت صاحبي ييجي ياخدها رابع يوم الفجر عشان محدش يشوفه و من ساعتها بقي يركن في شارع تاني أصلاَ .

عندك برضه بعد صلاة الفجر كدة تصليلك ركعتين و تستغفر ربنا و تقوم رايح جايبله الأربع فرد عالأرض ، بحر الأذي واسع بس متكسرلوش حاجة عشان متجبش الحق عليك .. عطله بس و وقفله حال العربية دي .. إقفل عليه .. العجل تجيبه عالأرض .. لو عملتوا مكرونة و معجبتكبش تقوم دالقها من البلكونة .. بالليل و إنت راجع كيس بأربعة جنيه من أون ذا ران بتاع أكل الكلاب و عالعربية كلها و سيب الكلاب تدلع العربية .. مدام دخل في سكة انا حر يبقي إنت كمان حر ! يعني إتسلي عليه و متحرقش دمك .

هو ممكن يشتغلك في الأزرق برضه بس هو هيخاف أكتر و مش هيتمادي معاك و يخش في حرب عشان ده أكل عيشه فا هيلم نفسه سريع سريع .

بس انا عايزك في الفترة دي تسمع بلاك ميتال و تنمي نزعة الشر جواك

------------------------------
انت مشكلة ياموتورايزر مش ممكن بتفكرنى باسلوب سبعاوى هو كمان مالوش حل

[bassem.naguib]

مفيش قدامك غير انك تشوف ظابط معرفتك او معرفة حد من جيرانك ويوصي عليكم في قسم البوليس وهناك يظبطوه تمام مدام الزوق مش جايب معاه نتيجة ومش عامل احترام لاي مخلوق

الظاهر مفيش حل غير كده .. والواحد يشوفله حد معرفة وخلاص .. مع أني بحاول أتجنب معرفة الناس دي لأنك لو اتعاملتي معاهم بشكل مباشر وطلبتي منهم حاجة .. حيلزقوا ليكي العمر كله في خدمات .. خاصة لو واحد شغال زيي في مجال IT ودلوقتي مفيش بيت بيخلى من الكمبيوتر سواء عنده أو عند معارف معارفه (يجامل بيكي بالمرة)

فهمتي بقى يا أستاذه العملية ماشية ازاي