ما هو قانون التعامل مع الناس في مصر .. مش عارف أعيش في مصر

[bassem.naguib]

بص حضرتك هو انا هاقترح عليك مجموعة حلول وشوف انهي حل فيهم ينفع
الله اعلم اللي هاقوله ده ينفع بجد ولا لأ بس جرب يعني

حضرتك ممكن تقرفه بأكتر من طريقه وتطهقه في عيشته ازاي:

يعني مثلا كل كام يوم تزق عليه حد شكل:

مرة بتوع الضرايب

مرة بتوع التراخيص (للمحلات او رخصة التأجير نفسها لاني اعتقد لازملها رخصة معينة)

مرة بتوع البلدية

مرة عسكري من القسم ولا امين شرطة يعمله شوية قلق (شوف حد يعرفك على امين شرطة معرفة يعني او اديله فلوس) اهو يهوشه شوية يعني

مرة تتصل بالونش مثلا (وزن كتير عليهم او ادفعلم فلوس يمكن يرضوا ييجوا برده)
زن تاني وتالت في موضوع بوليس النجدة ده

وروح اعمل محضر في القسم وخلى ناس تانية تروح بحيث تبقي شكوى من اكتر من فرد يومكن يتحركوا مرة من المرات دي

يعني كل يوم تقرفه بحاجة شكل واكيد الواد ده مش كل ورقه سليم يعني وعنده مشاكل كتير لو نكشت في اي مشكلة منهم هايتشد يعني.

طبعاً احنا جايين نهدي النفوس يعني

ببتدي أدور في السكة دي دلوقتي .. وابتديت فعلاً بناس تعرف حد في المحافظة .. ولسه حدور تاني على مصيبة ليه كل شوية .. وانا بعيد عن الموضوع .. شكراً لاهتمامك .. بس موضوع مقرف بجد ويخلي الواحد متعكنن .. ومش عارف يركز في الشغل من العكننة اللي هو فيها .

[bassem.naguib]

بص انا حصلي الموقف ده مرتين .. و بنفس الطريقة إحنا شارعنا ميكفيش غير عربية تركن و عربية تمشي برضه و كان فيه سواق تاكسي بارد بييجي يركن و يسد الشارع و اما أكلمه يقل أدبه فا إضطريت انا كمان أقل أدبي و بعدها إضايقت إني نزلت لمستواه و قلت مش دي الطريقة للتعامل مع الأشكال دي عشان كدة بقولك متسيبوش يجرك و ينزلك لمستواه .

تاني مرة عمل كدة لقيته بيقولي "يا بيه الشارع شارعنا و اللي مش عاجبه يعزل !" .. رحت ركنت عربيتي عند واحد صاحبي و قلتله بص هنركن عربيتك و هتروح و تيجي من الجامعة معايا كام يوم كدة .. و جبت عربية صاحبي ( لادا ) و قفلت عليه قعدته في البيت 3 أيام .. و بسمعه كل يوم عمال يهلل و هيتجنن يعرف دي عربية مين .. و خليت صاحبي ييجي ياخدها رابع يوم الفجر عشان محدش يشوفه و من ساعتها بقي يركن في شارع تاني أصلاَ .

عندك برضه بعد صلاة الفجر كدة تصليلك ركعتين و تستغفر ربنا و تقوم رايح جايبله الأربع فرد عالأرض ، بحر الأذي واسع بس متكسرلوش حاجة عشان متجبش الحق عليك .. عطله بس و وقفله حال العربية دي .. إقفل عليه .. العجل تجيبه عالأرض .. لو عملتوا مكرونة و معجبتكبش تقوم دالقها من البلكونة .. بالليل و إنت راجع كيس بأربعة جنيه من أون ذا ران بتاع أكل الكلاب و عالعربية كلها و سيب الكلاب تدلع العربية .. مدام دخل في سكة انا حر يبقي إنت كمان حر ! يعني إتسلي عليه و متحرقش دمك .

هو ممكن يشتغلك في الأزرق برضه بس هو هيخاف أكتر و مش هيتمادي معاك و يخش في حرب عشان ده أكل عيشه فا هيلم نفسه سريع سريع .

بس انا عايزك في الفترة دي تسمع بلاك ميتال و تنمي نزعة الشر جواك

والله يا جماعة انا مبعرفش نزعة الشر دي خالص .. أنا كل اللي يعرفني عن قرب بجد (مش شكرانية في نفسي والله) .. مش عاوز اتكلم عن نفسي .. ما يشكر في نفسه إلا ابليس .. المهم أنا بقالي في المنطقة دي من ساعة ما اتولدت .. يعني من 34 سنة .. عمري ما بوقت في حد ولا عليت صوتي على حد سواء كبير أو صغير .. تقوم تيجي نوعية زبالة زي دي .. مش المنطقة أساساً يقل ادبه .. وأنا بالرغم من أني بعرف كويس أخلي .. مش أخلي بس .. أجبر اللي قدامي أنه يحترمني بأسلوبي معاه .. فشلت معاه .. وكل الناس قالت وهي واقفة .. ده لطش مع باسم .. يبقى مفيش فايدة خالص منه .

موضوع الخناق وقلة الأدب دي مش مستبعده .. بس نامخليها آخر حل خالص .. لسبب معين ألا وهو .. أن ابويا ربناني أني ممدش ايدي أو اقل ادبي على حد من المنطقة أو قريب منه .. وذلك لسبب مقتنع بيه جداً .. أنه أول ما تحصل مصيبة ليا .. أول واحد حيقف معايا جاري في العمارة أو الشارع .. وحيلحقني قبل أخويا أو أبويا .. وده صح ميه في الميه .. تاني حاجة أنك لما تتخانق مع حد قريب منك .. أو تعرفه ويعرفك .. مش حتخلص خالص من المواضيع دي .. أنت حتعمله كذا .. يقوم هو يعمل كذا .. وهكذا في دوامة مستمرة .. والعند يشتغل بقى (بتكلم عن نفسي على الأقل في العند).

بس هو حل كويس جداً موضوع أكل الكلاب والقطط ده .. وليه من عند أون ذا رن .. ممكن من عند أي مسمط شوية كارتة (اكل الكلاب) وعيل صغير على العربية وهي واقفة .. وبعدين أنا كنت موقف ليه عربيتي وراه .. وجبت عربية واحد صاحبي وقفت قدامه .. وكنت ناوي أوقفهاله باليومين والتلاتة (عربيته ماتريكس الجديدة فأكيد عليها طلب في التأجير) وكنت ناوي على الله أن أي حد لو لمس عربيتي ........تتتتتتتتييييييييييت .. بس هو جاري اللي اتفلحص وكان فاكر انه ممكن يجي بالكلام ..

أنا بعمل دراسة جدوى للكلام اللي أنت قلته ده دلوقتي وبقلبه في دماغي يتنفذ ازاي .. بس أنا حاسس أن الموضوع ده في المنتدى حيبتدي ييتقلب بضحك وسخرية .. مع أني متضرر منه جداً .. وحيخرج عن نطاق الأراء ويخش في نطاق الهزار .. وانا لو فايق كنت هزت معاكم .. ها ها ها .

وفي الأخر أشكرك على أرائك الجديرة بالاحترام :k32:

[نور القمر]

الظاهر مفيش حل غير كده .. والواحد يشوفله حد معرفة وخلاص .. مع أني بحاول أتجنب معرفة الناس دي لأنك لو اتعاملتي معاهم بشكل مباشر وطلبتي منهم حاجة .. حيلزقوا ليكي العمر كله في خدمات .. خاصة لو واحد شغال زيي في مجال IT ودلوقتي مفيش بيت بيخلى من الكمبيوتر سواء عنده أو عند معارف معارفه (يجامل بيكي بالمرة)

فهمتي بقى يا أستاذه العملية ماشية ازاي

ماهو لازم الدنيا كدة تبادل مصالح
نفعني وانفعك
محدش بيعمل حاجة لوجه الله

[R A N A]

والله يا جماعة انا مبعرفش نزعة الشر دي خالص .. أنا كل اللي يعرفني عن قرب بجد (مش شكرانية في نفسي والله) .. مش عاوز اتكلم عن نفسي .. ما يشكر في نفسه إلا ابليس .. المهم أنا بقالي في المنطقة دي من ساعة ما اتولدت .. يعني من 34 سنة .. عمري ما بوقت في حد ولا عليت صوتي على حد سواء كبير أو صغير .. تقوم تيجي نوعية زبالة زي دي .. مش المنطقة أساساً يقل ادبه .. وأنا بالرغم من أني بعرف كويس أخلي .. مش أخلي بس .. أجبر اللي قدامي أنه يحترمني بأسلوبي معاه .. فشلت معاه .. وكل الناس قالت وهي واقفة .. ده لطش مع باسم .. يبقى مفيش فايدة خالص منه .

موضوع الخناق وقلة الأدب دي مش مستبعده .. بس نامخليها آخر حل خالص .. لسبب معين ألا وهو .. أن ابويا ربناني أني ممدش ايدي أو اقل ادبي على حد من المنطقة أو قريب منه .. وذلك لسبب مقتنع بيه جداً .. أنه أول ما تحصل مصيبة ليا .. أول واحد حيقف معايا جاري في العمارة أو الشارع .. وحيلحقني قبل أخويا أو أبويا .. وده صح ميه في الميه .. تاني حاجة أنك لما تتخانق مع حد قريب منك .. أو تعرفه ويعرفك .. مش حتخلص خالص من المواضيع دي .. أنت حتعمله كذا .. يقوم هو يعمل كذا .. وهكذا في دوامة مستمرة .. والعند يشتغل بقى (بتكلم عن نفسي على الأقل في العند).

بس هو حل كويس جداً موضوع أكل الكلاب والقطط ده .. وليه من عند أون ذا رن .. ممكن من عند أي مسمط شوية كارتة (اكل الكلاب) وعيل صغير على العربية وهي واقفة .. وبعدين أنا كنت موقف ليه عربيتي وراه .. وجبت عربية واحد صاحبي وقفت قدامه .. وكنت ناوي أوقفهاله باليومين والتلاتة (عربيته ماتريكس الجديدة فأكيد عليها طلب في التأجير) وكنت ناوي على الله أن أي حد لو لمس عربيتي ........تتتتتتتتييييييييييت .. بس هو جاري اللي اتفلحص وكان فاكر انه ممكن يجي بالكلام ..

أنا بعمل دراسة جدوى للكلام اللي أنت قلته ده دلوقتي وبقلبه في دماغي يتنفذ ازاي .. بس أنا حاسس أن الموضوع ده في المنتدى حيبتدي ييتقلب بضحك وسخرية .. مع أني متضرر منه جداً .. وحيخرج عن نطاق الأراء ويخش في نطاق الهزار .. وانا لو فايق كنت هزت معاكم .. ها ها ها .

وفي الأخر أشكرك على أرائك الجديرة بالاحترام :k32:

واضح انك حضرتك مخنوق من الراجل ده جامد يعني
الله يكون في عونك بجد
انا عارفة ان مشاكل الجيران دي بتعكنن علي الواحد فعلا وبتخلي موده زي الزفت.

مرة كان في ناس جيراننا بيبنوا جنبينا وييجوا بقي يبتدوا شغل الساعة 12 باليل والناس نايمة وطبعا حضرتك متخيل صوت القلاب عامل ازاي ؟
وورايا شغل الصبح واخواتي وراهم كليات والله انا في الليلة دي عيطت لاني مش عارفة انام من الصوت وجيرانا دول معندهمش اي مشكلة تولع الناس اللي حواليهم وعشان منعملش مشاكل متكلمناش هانقولهم ايه يعني معرفناش ننطق معاهم وقلنا يالا اهو موضوع طارئ وهايعدي.

بس احنا في المنتدي مش عايزين حضرتك تزعل يعني لما حد يقول تعليق بهزار احنا مش قصدنا سخرية خالص بالعكس كلنا متعاطفين مع حضرتك جدا بس اهو من باب الدعابة يعني عشان نخرج حضرتك من حالة الخنقة دي.
وربنا يخرجك من مشكلتك دي على خير يارب

[bassem.naguib]

ماهو لازم الدنيا كدة تبادل مصالح
نفعني وانفعك
محدش بيعمل حاجة لوجه الله

جميل قوي والله .. الموضوع ده .. والدنيا زي ما بتقولي نفعني وأنفعك .. معاكي مليون في المية .. إنما العملية في الأخر بتتحول لاستهبال .. بمعنى أخر حتكلم عن نفسي .. لو حد عمل معايا خدمة انا مستعد اردهم ليه عشرة مش واحده وبطيب خاطر .. إنما حتلاقي لما تروحي تطلبي الخدمة دي حسيتدي الحوار ده كالتالي :
* هو ايه اللي حصل بالضبط
* أنا : حصل كذا وكذا
* هو : ده أنا حعمل وحعمل
* أنا : متشكر جداً .. بس أنا مش عاوز أكتر من حقي وبس ..
* هو: "بعد ما الموضوع تحول لألفة بينك وبينه مش مجرد واحد بيأدي ليك خدمة " هو حضرتك شغال فين
(هنا بقى يبتدي الشك لاستغلالك فيما بعد)
* أنا : شغال في كذا وفي الحته الفلانية
هو : "لو فيه مصلحة ليه في ذات الوقت انت ممكن تعملها" طب فيه كذا وكذا .. لو تقدر تعملها .
* أنا : طبعاً أعملهالك "حتى لو كانت فوق طاقتك أو مش في إمكانياتك أو مش وقتها خالص" لأنك مضطرة تردي الخدمة بدون ما تفكري
لحد هنا وكويس جداً .

تلاقي بعد كده بعد الموضوع ما يخلص تليفونات عمالة ترن .. والنبي عاوز كذا .. تروحي تعمليها .. وبعد كده عند ابن عمتي فيه مشكلة كذا وكذا .. تضطري تروحي تاني .. فتلاقي نفسك شغاله عند جنابة .. يعني خلصتي من مشكلة دخلتي في مشكلة أكبر وأكبر ومش عارفة تخلصي منها (ده عن نفسي حصل معايا مواقف زي دي) .

حديكي مثال أخر .. واحد معايا في الشغل شغال في نفس المجال .. المهم راح عند واحد علشان عنده مشكلة في الكمبيوتر .. المهم راح وصلحهاله .. المهم الراجل اللي راحله ده يعرف ضابط المباحث اللي في المنطقة .. المهم الضابط ده راح للراجل وقاله متعرفش حد بتاع كمبيوتر .. قاله أه فلان الفلاني .. المهم اللي معايا في الشغل فوجئ بتليفون من الضابط ده .. بيقول ليه أنا فلان الفلاني وعاوزك علشان تصلح الكمبيوتر اللي في البيت عندي .. قاله ماشي (ويا ريته ما قاله ماشي) المهم راح .. وكانت المشكلة في بورده وكارت شاشه وباور سبلاي .. وقاله المشكلة في كذا وكذا .. قاله ماشي انزل اشتريهم .. المهم الكمبيوتر يشتغل .. الراجل نزل واشترى الحاجة والدنيا اشتغلت وبقت زي الفل .. وبعد ما خلص ها ايه النظام طبعاً سمع أحلى شكر ومع التمنيات أنه يشوفه قريب ودومتم .. ومن ساعتها ميمرش أسبوع إلا وزميلي ده عند حد من معارف أو أقارب جنابه مش شرط يشتري حاجة بس الوقت والمجهود لله والوطن

واقعد اقول له لحد امتى .. يقول ليا مش عارف .. وعمال اقوله يا عم نفض .. مبيرضاش .. أدي مثل أه من غير ما جنابه يأدي أي خدمة .. البلد بلدهم والشعب شعبهم

[bassem.naguib]

واضح انك حضرتك مخنوق من الراجل ده جامد يعني
الله يكون في عونك بجد
انا عارفة ان مشاكل الجيران دي بتعكنن علي الواحد فعلا وبتخلي موده زي الزفت.

مرة كان في ناس جيراننا بيبنوا جنبينا وييجوا بقي يبتدوا شغل الساعة 12 باليل والناس نايمة وطبعا حضرتك متخيل صوت القلاب عامل ازاي ؟
وورايا شغل الصبح واخواتي وراهم كليات والله انا في الليلة دي عيطت لاني مش عارفة انام من الصوت وجيرانا دول معندهمش اي مشكلة تولع الناس اللي حواليهم وعشان منعملش مشاكل متكلمناش هانقولهم ايه يعني معرفناش ننطق معاهم وقلنا يالا اهو موضوع طارئ وهايعدي.

بس احنا في المنتدي مش عايزين حضرتك تزعل يعني لما حد يقول تعليق بهزار احنا مش قصدنا سخرية خالص بالعكس كلنا متعاطفين مع حضرتك جدا بس اهو من باب الدعابة يعني عشان نخرج حضرتك من حالة الخنقة دي.
وربنا يخرجك من مشكلتك دي على خير يارب

ربنا يخليك ليا يا بردي .. أنا مش زعلان على الهزار والخروج عن الموضوع .. لأن الشعب المصري (وأنا منهم) بيحبوا يتريقوا ويهزروا حتى في مواجعهم .. وبالنسبة لحالة الخنقة اللي عندي .. أنا فعلاً مخنوق لغاية دلوقتي بس الحده ابتدت تنزل شوية لما كتبت عن المشكلة في المنتدى وسمعت أراء وحنفذ بعضها بس مستنى الفرصة المناسبة لتنفيذها .

أنا اللي مخنوق منه فعلاً مش المشكلة وبس .. أنا اللي مخنوق منه بجد هي البلد .. ازاي توصل للحالة دي .. يا راجل ده زمان واحنا لسه شباب صغير في سن المراهقة كنا لو عملنا حاجة غلط بنقول يا حيطه داريني .. ولو واحد عاكس واحده جارته وراه من المنطقة وضايقها يتصدر ليه كأنها أخته بالضبط (ده مثال صغير) تعالى دلوقتي وشوف اخلاقيات الشباب الصغير سواء بنات أو ولاد .. حاجة أخر قلة الأدب والمسخرة ومش عاوز أبالغ لو أقول الفجور كمان .. مش عارف حاسس أني عندي 80 سنة من الكلام اللي بقوله ده ها ها ها .. وبقيت اتمنى أني اخرج من البلد دي بأي شكل لأي حته الناس بيحترموا فيها بعضهم

[A.Saad]

بص يا سيدى
اولا : انت من المنطقة يعنى اقوى ، هوة شايف انك مؤدب ، فقال كل عليه عيش
الاشكال دى لازم تبين انك قوى بالاتى
معارف من الكبار
بلطجية وصيع فى المنطقة
اصحاب وعزوة
انا مع والدك ان مشاكل الجيران ما بتخلصش لانى مريت بيها قبل كدة
بتوع التاجير دول غالبا بيبقوى عارفين كام واحد صايع فدة اللى مقويه
او يكون هندة كام زبون رتبة فدة بردة مقويه
لكن اما يلاقى ان الناس تكالبت عليه هيقلق
انا مش معاك ان المعارف ما بتنفعش
لا المعارف بتنفع ، واعرف حاجة ان اللى ماتحتجهوش النهاردة هنحتاج بكرة ولو انت مش محتاجة الغلابة اللى فى المنتدى هيحتاجوه ( بضحك ) ، اعرف اه ، بس مش كل الناس من عينة الظابط دوة ، فى ناس بتبقى محترمة وتطلب الحاجة وتقدر اللى بيعملها ، وبعدين ممكن صاحبك يستفيد من الظابط دلوقتى

ممكن شوية عيال اصحابك بكام عربية ييجوا كدة ويعملوا لك مظاهرة صغننة كدة

[hossam_nasr]

بصراحة يا اخى الناس بقت وحشة اوى فى كل حاجة مش الموقف بتاعك بس دة يا اخى كفاية و الواحد سايق العربية كانة بيتخانق و الناس بقت فى منهى قلة الادب .....
الخلاصة ان الضعيف بيضحك علية و القوى هو اللى بيكسب و بيتعمله حساب
بس نصيحة خليك ازكى منه و علمه الادب من غير ما تهزا نفسك علشان الناس دى بتبقى مستواها واطى جدا

[muslimah_dentist]

السلام عليكم يا جماعة

حبيت بس أعلق على الموضوع بشكل مُغاير نوعاً ما ، أنا عارفة طبعاً انها مشكلة و تضايق أى حد لو اتعرض ليها و ممكن تخرجه عن شعوره و يحس بالخنقة و خلافه.

بس بذمتكم مش ملاحظين حاجة ان كل الاقتراحات اللى انتوا اقترحتوها على أخونا الكريم هى اللى مضايقانا من البلد و نقول بلد مفيهاش عدل و أرفانين منها :

يعنى مثلاً اقترح بعضكم ان احنا نعرف حد معرفة فى القسم و يظبطه ( طيب المعرفة اللى فى القسم ده هيظبطه ازاى الا بقلمين على وشه أو يسحله أو ينفخه و فى الآخر نعرض الصور ديه فى التليفزيون و نقول فيه تعذيب فى مصر)
أنا ممكن يبقى رأيى مثالى شوية و مينفعش فى الزمان ده بس أنا مقتنعة اقتناع تام ان عمر المشكلة ما تتحل بمشكلة و اذا اتحلت بالطريقة ديه يا ترى هتبقى مبسوط و سعيد(على فكرة أنا مش ضدك بالعكس أنا حاسة بخنقتك بس مش عايزاك تنزل بمستواك للانسان اللى قدامك ده لأنك ساعتها ممكن تفقد احترامك لنفسك)

و اقترح البعض الآخر بعض أساليب الأذى زى تفضية الكاوتش و الأمثلة الكثيرة طيب يا جماعة ده أذى و ميرضيش ربنا ( هتقولولى يعنى هو اللى بيعمله يرضى ربنا هأقولكم حتى لو اللى قدامنا بيعمل الغلط ده ميدنيش الحق انى أعمله)

طيب ليه محدش اقترح ان أخونا يتجه الى قسم الشرطة اللى تابع ليه و يقدم بلاغ بالتضرر و ممكن ساعتها يستخدم ظابط معرفة بس هيكون ماشى رسمى و ممكن الأمر يتصلح و ده الرأى اللى أنا بأنصحك بيه.

أنا رأيى انك لو نزلت بمستواك للانسان ده مش هتضايق الا نفسك ، متخليش الناس الأدنى منك سلوكاً يخلوك تنزل بمستواك و آسفة لو كنت زعلت برأيى حد فيكم بس حبيت تفكروا بطريقة مختلفة شوية.

[bassem.naguib]

بص يا سيدى
اولا : انت من المنطقة يعنى اقوى ، هوة شايف انك مؤدب ، فقال كل عليه عيش
الاشكال دى لازم تبين انك قوى بالاتى
معارف من الكبار
بلطجية وصيع فى المنطقة
اصحاب وعزوة
انا مع والدك ان مشاكل الجيران ما بتخلصش لانى مريت بيها قبل كدة
بتوع التاجير دول غالبا بيبقوى عارفين كام واحد صايع فدة اللى مقويه
او يكون هندة كام زبون رتبة فدة بردة مقويه
لكن اما يلاقى ان الناس تكالبت عليه هيقلق
انا مش معاك ان المعارف ما بتنفعش
لا المعارف بتنفع ، واعرف حاجة ان اللى ماتحتجهوش النهاردة هنحتاج بكرة ولو انت مش محتاجة الغلابة اللى فى المنتدى هيحتاجوه ( بضحك ) ، اعرف اه ، بس مش كل الناس من عينة الظابط دوة ، فى ناس بتبقى محترمة وتطلب الحاجة وتقدر اللى بيعملها ، وبعدين ممكن صاحبك يستفيد من الظابط دلوقتى

ممكن شوية عيال اصحابك بكام عربية ييجوا كدة ويعملوا لك مظاهرة صغننة كدة

سيدي الفاضل .. أولاً أشكرك على اهتمامك وأحب أوضح ليك أني قفلت على عربيته من الناحيتين وكنت ناوي أوقفاله يومين تلاتة لحد ما يشد في شعره .. لحد ما الناس اتدخلت وبعد محاولات عديده معايا اديتهم المفتاح علشان يطلع بالعربية .. وكان قاعد زي الجزززمة قبلها لأنه كان محتار يطلع بالعربية ازاي .. وكان صوته واطي .. ولكن بلهجه مستفزة .. وبعد ما طلعت عربيته صوته علي وده اللي نرفزني .. لأني مبحبش الصنف النمروده ده خالص ..

ثانياً أنا مختصر في الموضوع جامد جداً ومش كاتب الشد والجذب والحوارات اللي دارت بيني وبينه وعرف من خلالها أن مش سهل .. وأني ممكن أشتغله في الأزرق .. وبعد كده لما صوتي علي جامد الناس اتلمت بشكل كبير جداً (تحس لو أنت جاي من بعد أن فيه مصيبة مش خناقة بالكلام "فنجره بق يعني") والحمد لله الحمد لله .. وده من رضي ربي وأمي الله يرحمها علي أن الناس كلها بتحبني .. وكل اللي جاي عمال يقول فيه ايه يا باسم وكله جاي سانن سنانه وعايز يجامل .. حتى لو فيه ناس هو شخصياً يعرفهم وكانوا بينفضولوا ويجوا يسألوني أنا (بعد ما الناس فصلت بينا لأحسن الخناقة تتطور بالأيد) وكنت واقف وحواليا يجي 20 أو 25 واحد وهو كان والله بدون مبالغة واقفين معاه حوالي اتنين أو تلاتة ومش من المنطقة خالص .. وأول مرة أشوفهم .

فهو فهم كويس من الموقف ده .. وأن العملية لو قلبت بخناقة .. على رأي واحد من الأعضاء مش سيس ولا واحد أي كلام ملوش عزوه وناس . فحيبقى خسران خسران .. بس مش دي القضية .. أنا لو قلت يا خناق .. مش حيبقى عندي فرصة حتى أني أمد ايدي فيه تماماً .. والمشكلة في الخناقة .. انها مش حتخلص .. انا ببتدي افكر ليه وأبيت ليه على رواقه وهداوه .. شوية بالبوليس .. وشوية بالحي .. وشوية لو ركن عربية في الشارع (حتى لو على جنب وشرعي) شوية أكل قطط وكلاب .. لحد ما يزهق خالص وميفكرش يعدي من الشارع خالص حتى ولو على رجليه ..

وبعدين موضوع أن فيه ناس مقوياه هو عارفهم سواء رتب أو خلافه .. فده أكيد .. بس أثبت بقى يا عم طالما انك بتشتغله في الأزرق من بعيد لبعيد .. ودي فرستها أكبر..

نقطة تانية اثارتها حضرتك .. في الزمن ده مفيش حد بينفع حد غير نفسك .. بمعنى أخر أنت أيه .. وممكن تعمل أيه .. وحدودك أيه .. لأنه في الأخر الواسطة أو المعرفة اللي أنت عاوزها مش موجوده معاك على طول .. ولو أنت سقت الهبل على الشيطنة زي ما هو بيعمل ومشاكلك كتيرة .. بيبتدي هو يزهق منك وينفضلك بعد كده من نفسه .. أرجو أن تكون وصلت المعلومة .. ومكنش طولت عليك في الكلام .

[bassem.naguib]

بصراحة يا اخى الناس بقت وحشة اوى فى كل حاجة مش الموقف بتاعك بس دة يا اخى كفاية و الواحد سايق العربية كانة بيتخانق و الناس بقت فى منهى قلة الادب .....
الخلاصة ان الضعيف بيضحك علية و القوى هو اللى بيكسب و بيتعمله حساب
بس نصيحة خليك ازكى منه و علمه الادب من غير ما تهزا نفسك علشان الناس دى بتبقى مستواها واطى جدا

حسام باشا 90% من الناس مبقتش وحشه .. دي بقت زبالة .. والناس المحترمة تحس أنهم في انقراض مستمر .. ودي ظاهرة أنا ملاحظها اليومين دول وفجأة .. كأني كنت مسافر برة 5 أو 6 سنين ورجعت مصر واتفاجأت بالموضوع ده .. مش علشان حصل معايا الموقف ده .. اكتشفت كده .. بس الموضوع ده هو اللي خلاني اتكلم في النقطه دي بالذات .

وطبعاً .. أنا مش حهزق نفسي معاه .. ده واضح من أسلوبه وكلامه وحركاته أنه من بيئة واطيه جداً .. والدنيا علمتني مؤخراً متديش واحد أكتر من حجمه سواء صغير أو كبير .. لأن ده بيبقى ليه مشاكل كتيرة .

[Terrible_DaRsH]

هى دى مصر

[bassem.naguib]

السلام عليكم يا جماعة

حبيت بس أعلق على الموضوع بشكل مُغاير نوعاً ما ، أنا عارفة طبعاً انها مشكلة و تضايق أى حد لو اتعرض ليها و ممكن تخرجه عن شعوره و يحس بالخنقة و خلافه.

بس بذمتكم مش ملاحظين حاجة ان كل الاقتراحات اللى انتوا اقترحتوها على أخونا الكريم هى اللى مضايقانا من البلد و نقول بلد مفيهاش عدل و أرفانين منها :

يعنى مثلاً اقترح بعضكم ان احنا نعرف حد معرفة فى القسم و يظبطه ( طيب المعرفة اللى فى القسم ده هيظبطه ازاى الا بقلمين على وشه أو يسحله أو ينفخه و فى الآخر نعرض الصور ديه فى التليفزيون و نقول فيه تعذيب فى مصر)
أنا ممكن يبقى رأيى مثالى شوية و مينفعش فى الزمان ده بس أنا مقتنعة اقتناع تام ان عمر المشكلة ما تتحل بمشكلة و اذا اتحلت بالطريقة ديه يا ترى هتبقى مبسوط و سعيد(على فكرة أنا مش ضدك بالعكس أنا حاسة بخنقتك بس مش عايزاك تنزل بمستواك للانسان اللى قدامك ده لأنك ساعتها ممكن تفقد احترامك لنفسك)

و اقترح البعض الآخر بعض أساليب الأذى زى تفضية الكاوتش و الأمثلة الكثيرة طيب يا جماعة ده أذى و ميرضيش ربنا ( هتقولولى يعنى هو اللى بيعمله يرضى ربنا هأقولكم حتى لو اللى قدامنا بيعمل الغلط ده ميدنيش الحق انى أعمله)

طيب ليه محدش اقترح ان أخونا يتجه الى قسم الشرطة اللى تابع ليه و يقدم بلاغ بالتضرر و ممكن ساعتها يستخدم ظابط معرفة بس هيكون ماشى رسمى و ممكن الأمر يتصلح و ده الرأى اللى أنا بأنصحك بيه.

أنا رأيى انك لو نزلت بمستواك للانسان ده مش هتضايق الا نفسك ، متخليش الناس الأدنى منك سلوكاً يخلوك تنزل بمستواك و آسفة لو كنت زعلت برأيى حد فيكم بس حبيت تفكروا بطريقة مختلفة شوية.

شكراً لاهتمام حضرتك .. ولردك الكريم اللي هو أنا حتبعه طبعاً أني أعمله محضر في القسم .. بس مستنى يعملها تاني .. وأقفل عليه بالعربية علشان أثبت الحالة .. بس للأسف ده لوحده مش حيشفيلي غليلي للأسف .. لأنك لو شفتيني ساعة الموضوع ده وشفتي قله أدبه .. حتقولي روح موته وأخلص وخلص الناس من الأشكال ....تتتتتتتتتتتيييييييييييييييتتتت دي .. أنتي مش متخيله الموقف كان عامل ازاي وقله ادبه عامله ازاي .. أنا أول مرة أفكر أني اقطع عيش حد .. وكنت بعتبر اللي يقطع عيش حد (من غير سبب قهري) ده حيوان مش انسان (اسف على الرد) ولكن لقيت نفسي بفكر في الموضوع ده .

مفيش شك أن كل واحد مننا لو شغال فهو شغال علشان يجيب فلوس .. ويأمن ليه ولأسرته حياه كريمة .. فعلشان كده الواحد بيستحمل تعب وقرف ومشاكل الشغل .. وإلا قعد في البيت أحسن (وفي الحالة دي يتقال البني أدم ده مش بتاع شغل) .. أنما مكنش خايف على أكل عيشي .. مين اللي حيكون خايف عليه .. فده لازم ينقطع عيشه ورجله من المنطقة خالص .. واسف إذا كنت احتديت في الكلام

[mada121977]

والله انا متعاطف معاك جدااا وحاسس باللى جواك واضافه للى قالوه الاخوه من حلول خلى اى عيل صغير يفكلك نمر العربيات اللىتبع الواد ده وارميهم فى اى صندوق قمامه بعيد عن المنطقه او ارميهم فى النيل وابقى خليه بقى يعرف يأجرهم من غير نمر ..علشان الاشكال دى مش هاتيجى الا بالعين الحمراء

[SS]

بص المحل ده فيه احتمال كبيريكون من غير ترخيص..و لو بترخيص هتلاقيه بسهولة مخالف فى اى حاجة...لأن ع حسب علمى المفروض انهم زى معارض السيارات يكون ليه مساحة يحط فيها عربياته...و عموماً كده كده تقريباً لايوجود محل خالى من المخالفات ...اشغالات...مبوظين الرصيف ....يفط...اى مصيبة...فأعتقد لو انت و بعض السكان واظبتم شوية ع شكاوى جماعية ف الحى ...و المحافظة ...و من غير ماتكون عارف حد حتى...هايقرفوه...هو اكيد بيدفع لكله....بص برده هايقرفوه...و هيدفعوه زيادة...و العيار اللى ما يصبش..