لو حد عنده استفسار عن الدهانات و الديكور و النقاشه عامه

[hookyelyak]

بعد يوتن الخامه الوحيده اللى موجود منها خامات للدهانات الخارجيه و الداخليه عائله كامله و الوان مختلفه شغل عالى جدا
و حتى الخامات الداخليه لو اشتغلت خارجى محترمه جدا و بتتحمل مطر و رطوبه و تراب و شمس و مش بيحلها حاجه فى وقت قريب

انتا بتتكلم ازاى.مين قال لك ان يوتن هيا الوحيدة الى عاملة دهان خارجى.وانتا عمال تجادل ان يوتن احلا من الكيماتون ودى حاجة غريبة جداَ.اليوتن يتقارن بجلتكس 10000 او حتى الدريتون بس ميقربش من الكيماتون ولا الجلتكس 20000 اطلاقاَ.اليوتن حلو فى الجليز ومعجون الاستوك والمعجون الخارجى بس البلاستك بتاعة ضايع .

[kliken]

انتا بتتكلم ازاى.مين قال لك ان يوتن هيا الوحيدة الى عاملة دهان خارجى.وانتا عمال تجادل ان يوتن احلا من الكيماتون ودى حاجة غريبة جداَ.اليوتن يتقارن بجلتكس 10000 او حتى الدريتون بس ميقربش من الكيماتون ولا الجلتكس 20000 اطلاقاَ.اليوتن حلو فى الجليز ومعجون الاستوك والمعجون الخارجى بس البلاستك بتاعة ضايع .

البلاستيك بتاعه ضايعععع
حضرتك بتتكلم على يوتن اللى هى اسم كبير جدا و حضرتك انا مش بعمل اعلان لاى منتج هنا
انا عارض انى اساعد اى حد عنده استفسار و يا ريت حضرتك ما تجادلش فى انواع الدهانات معايا
و يا ريت لو عندك اى خبره فى الدهانات او موقف حصلك مع بلاستيك يوتن تقوله ما كمنش ما تقعدش حضرتك تقول بلاستيك وحش و خلاص من غير اى اسباب
على فرضا زى ما حضرتك بتقول يوتن ما تتقارنش بيكيموتون اللى هو مش كل الناس تسمع عنه اصلا ليه كل المناقصات و الشركات الكبيره الانديه الكبيره اى مشروع ضخم بيطلب فى شروط المناقصه و التعاقد دهان يوتن ليه او ما يقابله ما قالوش يوتن و ما يقابله يعنى و لا جلتكس و ما يعادله
و عامه انا مش هنا و لا عامل الموضوع ده لا ليوتون و لا الاعلان عنه انا هنا بحاول اساعد اى حد و اجاوب عن اى استفسار خدمه للمنتدى
عامه انا مش هرد عن اى حد بيهاجم عن منتج و خلاص من غير سبب و عينيا لاى حد عاوز استفسار عن اى حاجه
شكرا

[kliken]

و يا ريت لما حضرتك تتكلم معايا يكون باسلوب احسن شويه و فيه احترام ليا زى ما انا بتتكلم مع حضرتك مش تقولى انتا بتتكلم ازاى ....

[hookyelyak]

انا مش قصدى التقليل من حضرتك لكن انا فعلا مستغرب انك بتقول اليوتن احلا من الكيماتون وان محدش يسمع عنة دة هوا نمرة واحد يجى من 15 سنة(كيماويات البناء الحديث)خامة الكيماتون من حيث المعان والتغطية (كمية التيتانيوم) ونوعية الاكريلك لا يعلى عليها .ثانياَ اليوتن هوا نمرة واحد فى الدهانات المركبة(الى للالوان الغامقة)
(حتى الان)وممكن دا يكون القصد فى المناقصات.

[kliken]

حصل خير يا باشا و ما فيش اى مشكله ان شاء الله

[hookyelyak]

يا ريت حضرتك ما تجادلش فى انواع الدهانات معايا

هوا حضرتك استاذ دهانات يعنى ولا اية.لما تقول اليوتن احلى من الكيماتون وعاوزنى اسكت .وانا بقولك احنا فى الشغلانة دى من سنة 59 يعنى خمسين سنة خبرة.

[s_eldeeb]

باشا جزاء الله خير الجزاء لان احنا فى الزمن ده محدش بيدى المعلومه بالساهل
لية سؤال عندك ياريت الاقى رد بالنسبة لدهانات السيارات ياترى عند فكرة عن
1- خطوات دهان السيارة
2- احسن البويات المستخدمة فى السيارات (بسمع عن سكنزواميجا وديبون وسمعت ان كابسى عاملة حاجه هيه كمان)
3- هل يوتن عاملة حاجه للسيارات
وعلى فكرة انا هجدد عربيتى قريب ومحتاج الرد ضرورى الله يكرمك
وعلى فكرة برضة انا من الزقازيق لو تعرف حد كويس عندى

[kliken]

باشا جزاء الله خير الجزاء لان احنا فى الزمن ده محدش بيدى المعلومه بالساهل
لية سؤال عندك ياريت الاقى رد بالنسبة لدهانات السيارات ياترى عند فكرة عن
1- خطوات دهان السيارة
2- احسن البويات المستخدمة فى السيارات (بسمع عن سكنزواميجا وديبون وسمعت ان كابسى عاملة حاجه هيه كمان)
3- هل يوتن عاملة حاجه للسيارات
وعلى فكرة انا هجدد عربيتى قريب ومحتاج الرد ضرورى الله يكرمك
وعلى فكرة برضة انا من الزقازيق لو تعرف حد كويس عندى

انا متاسف جدا يا باشا بس انا ما عرفش فى طرق دهان السيارات و خطواتها و يوتن مش عامله دهان للسيارات انا اسف يا باشا كان نفسى اساعدك
و انا قضيت فتره الكليه كلها هناك انا خريج هندسه الزقازيق اصلا و عينيا ليك فى اى استفسار

[s_eldeeb]

ياريس ولا يهمك كفاية انك راجل زوق ورديت علية بسرعة
جزاء الله خيرا

[asy50002000]

مشكور جدا
الاستفسارات جايه

[asy50002000]

عايز اعمل شقتى بايدى من غير ما اجيب نقاش
ممكن تساعدنى

[شريف]

السلام عليكم

لدي استفسار لو حلوق الابواب و الشبابيك راكبه ادهن بلاستيك علي طول و لا اركب الابواب و الشبابيك نفسهم الاول
و بالنسبه للالوميتال كمان؟

[شريف]

سؤال عن تكلفه او مصنعيه تجهيز الحيطان يعني تجليخ و وش معجون بلدي او وشين معجون جاهز و بطانه
يتكلف كام المتر تقريبا و بعد كدة دهان الوشوش بويه يتكلف كام تقريبا -

[elrasy]

لو سمحت نوع اليوتن اللى بيتغسل بدون مشاكل اسمة اية؟
موديل؟؟

[أبو_يوسف]

الموضوع مفيد ويستاهل الرفع
اولا جزاك الله خيرا
ثانيا هل الدهانات البلاستيك بتخفف بمياه
ثالثا عايز اعرف معجون كويس للشروخ