لو حد عنده استفسار عن الدهانات و الديكور و النقاشه عامه

[mohabelnegm]

اليوتن فعلا ممتاز و ده عن خبرة متواضعة فى الدهانات اللى أتعودت أعملها بنفسى. جزاك الله خيرا على الموضوع وعلى ألأفاده بالمعلومة و النصيحة و أوعى تندم أو تزعل أن فى حد ماقدرش ده .

[nonetta]

شكرا حضرتك عالمعلومات القيمة
دلوقت انا لو حابة افور المطبخ
ايه انسب نوع سيراميك اجيبه للارضية والحوائط واجيبه منين
ويا ترى مصنعية السيراميك المتر بكام دلوقتي
وهل الافضل لو عملت سيراميك في سقف المطبخ علما باني اسكن في دور اخير

سؤال تاني
هل لو حبيت اني ادهن الشقة بنفسي اني اروح لبتاع الدهانات اخد اللي انا عاوزاه وخلاص
واجيب دهانات نوعها ايه ومنين
انا ساكنة في المقطم

[kliken]

انا يعتذر لعدم الرد المده اللى فاتت كلها ﻻنى ما كنتش متواجد الفتره اللى فاتت على المنتدى و كمان ما كنتش متابع لاموضوع و ما عرفش ان فى جد كان بيستفسر عليه بعتذر مره اخرى ﻻى حد انا ما ردتش عليه
و انا متواجد ﻻى استفسار خاص بالنقاشه و الديكور عموما ان شاء الله

[MotorX]

انا يعتذر لعدم الرد المده اللى فاتت كلها ﻻنى ما كنتش متواجد الفتره اللى فاتت على المنتدى و كمان ما كنتش متابع لاموضوع و ما عرفش ان فى جد كان بيستفسر عليه بعتذر مره اخرى ﻻى حد انا ما ردتش عليه
و انا متواجد ﻻى استفسار خاص بالنقاشه و الديكور عموما ان شاء الله

حمد الله على السلامة ، كنت عايز اعرف ايه افضل انواع الدهانات البلاستيك المتوفرة في السوق حاليا واسعارها ولو عندك فكره عن اسعار مصنعيات النقاشة.

تحياتي.

[kliken]

الله يسلمك يا باشا
بالنسبه لﻻسعار هقدر افيدك اكتر عن دهانات يوتن
الكﻻم على الدهانات البﻻستيك اساس مائى ﻻنه افضل و صحى اكتر و هو اللى شغال دلؤتى
بستله اﻻبيض بتبدأ من حوالى 86 جنيه اقتصادى مرورا ب 147 جنيه اعلى طبعا قابله للغسيل لغايه الخامه اﻻعلى حوالى 240 جنيه تقريبا تقل شويه مش معايا القائمه دلؤتى
نيجى للدهانات الملونه بالكمبيوتر .. بتبدأ من 150 جنيه تقريبا حسب اللون و فى اﻻعلى بيبدأ من حوالى 260جنيه برضه حسب اللون كل ما يغمق كل ما يزيد سعره و طبعا الوان اﻻحم او البرتقالى برضه سعرهم بيزيد و فى اﻻعلى اللى لسه نازل جديد مش جديد اوى يعنى بيعدى ال 400 جنيه للبستله علشان دى مقاومه للبقع
طبعا فى الغالب بنحتاج جوالين علشان تقسيم الغرف مش فى كل الاماكن بنحتاج بستﻻت و سعر الجالون حوالى ثلث تمن البستله
و تحت امرك فى اى استفسار تانى

[البليهيس]

دهانات

السلام عليكم اخي الكريم شقتي مش جديده مدهونه وعوزه ادهنها تاني......ممكن حضرتك تفهمني بالخطوات المرتبه ازاي ادهنها بشكل كويس وازاي اتجنب سرسربة الدهان من الروله او الفرشه يعني تكات الدهان اللي تطلع شغل نضيف وهيا 3 غرف اشتري اد ايه معجون ونوعه ايه واشتري بلاستيك اد ايه لكل غرفه والريسبشن اكبر اشتريله اد ايه وايه انواع الرولات والفرش النظيفه اللي تساعدني في الدهان خاصة اني اول مره ادهن وكمان ايه هيا مراكز جوتن المعتمده في القاهره ناحية حدايق القبه ......وربنا يباركلك يا رب

[طارق _عبد السلام]

لو امكن طريقه الفرد الصحيحه للمعجون الرخامى على الحائط (يعنى بيتشطب ازاى )
وبشوف ناس عامله معجون فقط شكله تحفه ولامع جدا عامل زى المرايا ممكن اسم المعجون وطريقه تشطيبه على الحوائط

[kliken]

السلام عليكم اخي الكريم شقتي مش جديده مدهونه وعوزه ادهنها تاني......ممكن حضرتك تفهمني بالخطوات المرتبه ازاي ادهنها بشكل كويس وازاي اتجنب سرسربة الدهان من الروله او الفرشه يعني تكات الدهان اللي تطلع شغل نضيف وهيا 3 غرف اشتري اد ايه معجون ونوعه ايه واشتري بلاستيك اد ايه لكل غرفه والريسبشن اكبر اشتريله اد ايه وايه انواع الرولات والفرش النظيفه اللي تساعدني في الدهان خاصة اني اول مره ادهن وكمان ايه هيا مراكز جوتن المعتمده في القاهره ناحية حدايق القبه ......وربنا يباركلك يا رب

و عليكم السﻻم و رحمه الله و بركاته
مبدئيا حضرتك اكيد عارف حاله الحولئط عندك لو فى دهان قابب او واخد رطوبه ﻻزم تعالج سبب الرطوبه اﻻول و بعدين تستنى الحوائط لما يتشال اثر الرطوبه لو دهان قابب يبقى ﻻزم تطهر الحوائط
بعد كده مرحله عزل المناطق اللى كان فيها مشاكل بسيﻻر و فى نوع سيﻻر قوى جدا للاماكن المعيوبه و فى سيﻻر عادى
و بعد السيﻻر فى المناطق المعاجه فقط نبدأ المعجون فى هذه المناطق و برضه لو مكان مسمار قديم يعنى المعجون على اد الطلب بس
نيجى لمرحله الدهان حضرتك اﻻول بتجيب فرشه تحدد تحت الكرانيش و فوق الوزر و فى زوايا الحوائط بمعنى اى مكان مش بيجى نع الروله و بعدين نخش مرحله الروله بتحط الروله عادى فى بستله الدهان بس ما تغمسهاش كلها و سيبها تنزل الزوايد جوه البستله يعنى تسيبها مرفوعه فوق البستله شويه و بعدين تدهنها على الحائط بشكل رأسى و لكن بميل حوالى 30 درجه مثﻻ من فوق ﻻسفل و دى هتبقى دهان تقيل على الحائط و بعدين تشتغل بالروله فرد فى نفس المنطقه اللى حطيت عليها اادهان التقيل اﻻول بعد ما شيلت الطبقه التقيله من الروله يعنى من غير ما تحط الروله تانى فى الدهان و تكرر نفس العمليه فى الجنب الواحد و بعد ما الجنب يخلص تعيد عليه كله مس من غير ما تحط الروله فى الدهان
و بالنسبه للانواع الفرش و الروﻻت عادى مش حاجه صعبه هتروح لبتاع حدايد و بويات و يوريك اﻻنواع شكلها بيبان جدا اﻻنواع النضيفه و كمان السعر بتاعهم اغلى طبعا من اﻻنواع الرديئه
بالنسبه لكميات الدهان احسب عندك كل غرفه مساحتها بالمتر المربع و تقريبا لتر الدهان المحترم بيفرد 10 متر مربع حوائط ( طبعا انا كﻻمى عن تجربه لدهانات يوتن و يفضل منتجات فينوماستيك فردها ممتاز ما شاء الله على الحوائط )
و بالنسبه للروع يوتن القريبه من حضرتك ممكن تخش على موقع يوتن مصر و هتﻻقى كل المراكز المعتمده و عنوانها
اتمنى انى اكون افدت حضرتك
اى استفسار تانى انا تحت امرك يا باشا

[kliken]

لو امكن طريقه الفرد الصحيحه للمعجون الرخامى على الحائط (يعنى بيتشطب ازاى )
وبشوف ناس عامله معجون فقط شكله تحفه ولامع جدا عامل زى المرايا ممكن اسم المعجون وطريقه تشطيبه على الحوائط

بص يا باشا هو المعجون ليه اكتر من شكل فى التشطيب النهائى
فى شكل كله تعريقات و فى شكل بيبقى عشوائى بدون تعريق او فى ممكن تحط التعريق بلون تانى مختلف يبقى دخلت اكتر من لون
المعجون ده فى يوتن اسمه ستوكو انتيكا و لما بيتشطب بيبقى زى ما حضرتك واصل بالظبط فى اللمعه و ااملمس
لو حضرتك تقولىالشكل اللى شفته و عجبك و انا اوصفهولك ان شاء الله و ممكن انزلك ليه صور كمان
تحت امرك يا باشا

[طارق _عبد السلام]

بص يا باشا هو المعجون ليه اكتر من شكل فى التشطيب النهائى
فى شكل كله تعريقات و فى شكل بيبقى عشوائى بدون تعريق او فى ممكن تحط التعريق بلون تانى مختلف يبقى دخلت اكتر من لون
المعجون ده فى يوتن اسمه ستوكو انتيكا و لما بيتشطب بيبقى زى ما حضرتك واصل بالظبط فى اللمعه و ااملمس
لو حضرتك تقولىالشكل اللى شفته و عجبك و انا اوصفهولك ان شاء الله و ممكن انزلك ليه صور كمان
تحت امرك يا باشا

عاجز عن الشكر يابشمهندس
هو عشوائى وكان شكل الرخام فعلا ومدى لمعه كأنه زجاج
وهعمله على حائط 3 متر فى 8 متر والحائط متشطب قبل كده بلاستيك يوتن
لو امكن طريقه فرده يعنى انا عندى فكره كويسه فى استخدام سكينه المعجون
يعنى تجهيز الحائط وفرد المعجون وتشطيبه والكميه والنوع لو تسمح بس بالتفصيل الممل :)

[البليهيس]

و عليكم السﻻم و رحمه الله و بركاته
مبدئيا حضرتك اكيد عارف حاله الحولئط عندك لو فى دهان قابب او واخد رطوبه ﻻزم تعالج سبب الرطوبه اﻻول و بعدين تستنى الحوائط لما يتشال اثر الرطوبه لو دهان قابب يبقى ﻻزم تطهر الحوائط
بعد كده مرحله عزل المناطق اللى كان فيها مشاكل بسيﻻر و فى نوع سيﻻر قوى جدا للاماكن المعيوبه و فى سيﻻر عادى
و بعد السيﻻر فى المناطق المعاجه فقط نبدأ المعجون فى هذه المناطق و برضه لو مكان مسمار قديم يعنى المعجون على اد الطلب بس
نيجى لمرحله الدهان حضرتك اﻻول بتجيب فرشه تحدد تحت الكرانيش و فوق الوزر و فى زوايا الحوائط بمعنى اى مكان مش بيجى نع الروله و بعدين نخش مرحله الروله بتحط الروله عادى فى بستله الدهان بس ما تغمسهاش كلها و سيبها تنزل الزوايد جوه البستله يعنى تسيبها مرفوعه فوق البستله شويه و بعدين تدهنها على الحائط بشكل رأسى و لكن بميل حوالى 30 درجه مثﻻ من فوق ﻻسفل و دى هتبقى دهان تقيل على الحائط و بعدين تشتغل بالروله فرد فى نفس المنطقه اللى حطيت عليها اادهان التقيل اﻻول بعد ما شيلت الطبقه التقيله من الروله يعنى من غير ما تحط الروله تانى فى الدهان و تكرر نفس العمليه فى الجنب الواحد و بعد ما الجنب يخلص تعيد عليه كله مس من غير ما تحط الروله فى الدهان
و بالنسبه للانواع الفرش و الروﻻت عادى مش حاجه صعبه هتروح لبتاع حدايد و بويات و يوريك اﻻنواع شكلها بيبان جدا اﻻنواع النضيفه و كمان السعر بتاعهم اغلى طبعا من اﻻنواع الرديئه
بالنسبه لكميات الدهان احسب عندك كل غرفه مساحتها بالمتر المربع و تقريبا لتر الدهان المحترم بيفرد 10 متر مربع حوائط ( طبعا انا كﻻمى عن تجربه لدهانات يوتن و يفضل منتجات فينوماستيك فردها ممتاز ما شاء الله على الحوائط )
و بالنسبه للروع يوتن القريبه من حضرتك ممكن تخش على موقع يوتن مصر و هتﻻقى كل المراكز المعتمده و عنوانها
اتمنى انى اكون افدت حضرتك
اى استفسار تانى انا تحت امرك يا باشا

متشكره لحضرتك بس عندي سؤالين....
1_ لازم اغطي المعجون وكل ما احتاج اخد ولا عادي يبقي الغطي مكشوف طوال وقت العمل واول ما اخلص ابقي اغطبه انا جيباه يوتن ومش عوزاه ينشف مني
2_السيلر ينفع احطه بعد المعجون علي الوش البطانه ولا بيتحط بس علي المحاره
3_ اسمه ايه الدهان اللي بيتحط بعد الوش النهائي للبلاستيك علشان يحمبه ويبقي بيلمع وهل تطبيقه بالروله عادي ولا بالفرشه ولا ازاي

[MTAK]

موضوع ندمت انى اول مره اخد بالى منه

بما انى فى السويس معاك

و كمان نفس العربيه :) , ايه الظروف الحلوه دى

هارخم عليك فى الاسئله

عاوز ادهن غرفه الاولاد بس عاوز اعملها بايدى

هل لازم اصنفر الاول و بعدين معجون و لا ممكن ادهن على الدهان على طول

الاوضه دهانها كويس و مفيهوش رطوبه (الحوائط اساسا اسمنت مسلح (حوائط جاهزه)

الوله اللى اجيبها تكون ناعمه و لا خشنه

اجيب الحاجه من شارع سوهاج و لا دهانات المسلم و لا يوتن على اول الكورنيش

ممكن تقولى ميزانيه كل واحده هاتعمل كام

انا عاوز دهان اطفال و هاعمله بايدى علشان يطلع خلطبيطه و بيبقى لها وقع تانى على النفس و بتحس بالفرحه

بمعنى اخر عاوز العب و افنن :)

[البليهيس]

متشكره لحضرتك بس عندي سؤالين....
1_ لازم اغطي المعجون وكل ما احتاج اخد ولا عادي يبقي الغطي مكشوف طوال وقت العمل واول ما اخلص ابقي اغطبه انا جيباه يوتن ومش عوزاه ينشف مني
2_السيلر ينفع احطه بعد المعجون علي الوش البطانه ولا بيتحط بس علي المحاره
3_ اسمه ايه الدهان اللي بيتحط بعد الوش النهائي للبلاستيك علشان يحمبه ويبقي بيلمع وهل تطبيقه بالروله عادي ولا بالفرشه ولا ازاي

.....يا باشمهندس رحت فين محتجين ردك جزاك الله كل خير وكده زودت علي نفسك سؤال تاني هههههه انت حر كل ما تتاخر الاسئله هتزيد........كنت عوزه اعرف راي حضرتك لو واحنا بنمعجن لقينا الحفره عميقه حبتين وداخله جوه كده خاصة الاماكن اللي جنب الحمام كده اكيد المعجون مش حينفع احط فيلر لغاية ما املاها ولا اعمل اسمن بشوية ميه املاها ولما تنشف امعجنها زي الباقي لانها حتبقي كده في نفس المستوي ولا اعمل ايه:0002014a:

[A.Saad]

سؤال عن التجهيز للدهان
النقاشة علشان تكون سهلة ومش تاخد خامات وتجهيز بتعتمد على جودة المحارة
اللى اعرفه ان المحارة بيتحكم على جودتها لاننا نجيب دراع المويتال ونحطه عليها ونشوف هل فيه فروق بينه وبين المحارة ولا لا
السؤال بقى : هل الفروق لازم تكون مش موجودة خالص ويكون سطح المحارة زى السيراميك مستوى تماما
ولا فيه نسبة فروق مسموحة بين المحارة والدراع وبتكون قد ايه تقريبا

[akramlail]

عندى مشكله السقف بيقشر وانا اخر دور ودهنته ومعجنته بمجهودى الذاتى وبردو قشر بعد كام شتوايه اى الحل ارجوووووووك