لو حد عنده استفسار عن الدهانات و الديكور و النقاشه عامه

[kliken]

لو فى هنا يا شباب اى حد عوز يستفسر عن الدهانات او التشطيبات و النقاشه انا ممكن اخدمه يا شباب و افيده فى الموضوع ده لانى عندى توكيل دهانات و شغال فى الموضوع ده من زمان بجانب شغلى كمهندس ميكانيكا
و ارجو ان اى حد عنده استفسار يطلب وعينيا ليه
و شكرا

[hanystar]

لو فى هنا يا شباب اى حد عوز يستفسر عن الدهانات او التشطيبات و النقاشه انا ممكن اخدمه يا شباب و افيده فى الموضوع ده لانى عندى توكيل دهانات و شغال فى الموضوع ده من زمان بجانب شغلى كمهندس ميكانيكا
و ارجو ان اى حد عنده استفسار يطلب وعينيا ليه
و شكرا

جزاك الله خير يا أستاذ / محمد على خدمتك لأعضاء المنتدى
تقبل تحياتى ,,,

[kliken]

جزاك الله خير يا أستاذ / محمد على خدمتك لأعضاء المنتدى
تقبل تحياتى ,,,

ربنا يخليك يا استاذ هانى و انا فى الخدمه لاى حد عاوز يعرف حاجه او اسعار تقريبيه
شكرا لحضرتك

[شريف]

جزاك الله خير يا م / محمد سعد
كام سؤال على الماشى
1-اخبار الاسعار اية؟
2-اية تكلفة المتر المربع

[شريف]

جزاك الله خير يا م / محمد سعد

كام سؤال على الماشى
1-اخبار الاسعار اية؟
2-اية تكلفة المتر المربع من البداية (طوب احمر)
2-2-محارة (كمية الاسمنت ) و المصنعية
3-2-خطوات الدهان و نوع و ماركة البويات
4-2-احسن الاماكن للشراء الجملة و كميات كبيرة او على دفعات
3-كيفية متابعة العمل و عدم التعرض للنصب و السرقة

معلهش طولت عليك بس انا هبتدى قريب تشطيب منزل العمر و ببدا تكوين افكار

و شكرا

م/شريف سمير

[kliken]

جزاك الله خير يا م / محمد سعد

كام سؤال على الماشى
1-اخبار الاسعار اية؟
2-اية تكلفة المتر المربع من البداية (طوب احمر)
2-2-محارة (كمية الاسمنت ) و المصنعية
3-2-خطوات الدهان و نوع و ماركة البويات
4-2-احسن الاماكن للشراء الجملة و كميات كبيرة او على دفعات
3-كيفية متابعة العمل و عدم التعرض للنصب و السرقة

معلهش طولت عليك بس انا هبتدى قريب تشطيب منزل العمر و ببدا تكوين افكار

و شكرا

م/شريف سمير

معلش يا باشا ما قدرش افيدك فى موضوع المحارة ككميات و كمون بس المصنعيات متر المحاره و المصيص للاسقف بتكون 3 جنيه للمتر و ده سعر السوق و ممكن تزيد شويه حسب المناطق
و بالنسبه لخطوات الدهان اللى بتبدا بعد المحاره و مصيصص الاسقف يا باشا :
1- يتم عمل مراشمه اى نظافه للحوائط من اى شىء عالق من جبس او اسمنت زائد و تكون بسكينه المعجون
2- يتم دهان وش واحد من السيلار و يسمى فى بعض الانواع برايمر و هو يقوم بعمل طبقه عازله عن الحائط و ذلك حتى يكون المعجون الى هيتم سحبه فى المرحله الثانيه متماسك على الحائط و يعزل اى رايش على الحائط من جبس متساقط من المصيص او اى شىء عالق على الحائط ( اختياريه هذه المرحله)
3- يتم سحب سكينتين معجون ثم تركب السيراميك ثم تقوم بسحب السكينه الثالثه و يتم التقفيل على السوتلو (وزره السيراميك على الحائط) بالمعجون و التقفيل ايضا على البارات الخشب و الشبابيك و الشيش و الابواب اى النجاره بوجه عام
4- يتم دهان اول وجه بطانه و يفضل انها بيضاء و تشمل وجهين للاسقف و ذلك لتفنيش السقف
5- يتم دهان وجهان من الدهان النهائى الوش الاخير الفنش للحوائط بالالوان المطلوبه و ذلك بعد الذهاب لاقرب مركز تلوين دهانات بالكمبيوتر و تجربه تناسق الالوان فى المركز فهو سيساعدك فى تنسيق الوان الشقه
و يمكن عدم استخدام الخطوه 4 و تنفيذ الخطوه 5 مباشره اى لا نبطن الحوائط و ندهن الوجهان الفنش على طول
6- يتم معجنه النجاره كلها و دهانها و لكن نقوم بعمل فنش النجاره بعد تشطيب الحوائط كلها
بالنسبه للماركات :
سيلار او برايمر : يوتن او Glc
معجون : سايبس او Glc
بطانه بلاستيك و تشطيب الاسقف : يوتن او سايبس الاقتصادى
فنش و تشطيب الحوائط : يوتن ملونه فى مركز تلوين بالكمبيوتر
تشطيب النجاره : يوتن
بطانه للنجاره : سينيتال او يوتن مط

اماكن شراء الدهانات : حضرتك ممكن تقولى ساكن فين و ايه اقرب مكان ليك فيه مون و انا لو اعرف المكان ممكن اصح حضرتك بحد اعرفه فى المكان ده

و حضرتك لو تقولى الشقه كام متر مربع ممكن اديك تكلفه مبدئيه للمصنعيه و الدهانات

[NaderNabil]

ألف شكر يا باشمهندس محمد علي المعلومات الغزيرة دي

ممكن لو شقة حوالي 100 متر صافي تكلف كام ؟؟

[د./اليشع ثابت]

لو فى هنا يا شباب اى حد عوز يستفسر عن الدهانات او التشطيبات و النقاشه انا ممكن اخدمه يا شباب و افيده فى الموضوع ده لانى عندى توكيل دهانات و شغال فى الموضوع ده من زمان بجانب شغلى كمهندس ميكانيكا
و ارجو ان اى حد عنده استفسار يطلب وعينيا ليه
و شكرا

اية يا جميل الحاجات الرائعة دى
انا مش عارف بس بجد
اشكر حضرتك على اية و لا اية و لاية
بجد الله يبارك لك يارب
و يجازيك كل خير على تعبك و محبتك

[bemocarlo]

شكرا يا باشمهندس علي تطوعك الكريم.انا عندي سؤال
ايه المطلوب علشان اخد توكيل بويات والسيوله المطلوبه كام؟
وشكرا جزيلا.
bemo,ire

[pro_samir]

شكرا لمجهودك يا بشمهندس

سؤال عويص شويتين

عندنا شقة قديمة والحوائط فيها ضايعة خالص يعنى الأسقف كلها جير و الحوائط بعضها جير وبعضها زيت

الشقة اربع أوض و صالة كبيرة
أوضتين زيت وأوضتين جير والصالة زيت
والأسقف للشقة كلها جير

المهم الدنيا دى لو هتتفور كلها كل الحوائط (الجير و الزيت) وتتظبط من الأول وتتعمل كلها دهانات جديدة .. المفروض اية الخطوات واية التكلفة المبدأية للمتر ؟


مع العلم ان فى بعض الحوائط فيها رطوبة هيكون حلها اية ؟

وشكرا جزيلاً

[mahmoud_magdy]

متابع بشغف
شكرا على عرضك القيم

[kliken]

ألف شكر يا باشمهندس محمد علي المعلومات الغزيرة دي

ممكن لو شقة حوالي 100 متر صافي تكلف كام ؟؟

على ايه باشا انا فى خدمه اى اخ هنا فى المنتدى

لو الشقه على المحاره ممكن تتكلف حوالى 2500 جنيه خامات و الخامات كمان محترمه جدا حاجه نضيف و هتزيد لو هتعمل حبه ديكورات من ورق حائط او معجون رخام او texture بارز او بيرل (شبيه للقطيفه) و دى حاجات بتتعمل فى جنب واحد فى الصاله مثلا او ريسيبشن او خلفيه لغرفه النوم و الحاجات دى ممكن تشوفها على الطبيعه فى مركز تلوين دهانات و ممكن لما حضرتك تنوى اقول لحضرتك اقرب اماكن تشوف فيها كل حاجه من الحاجات دى
و حضرتك تؤمر يا باشا

[kliken]

اية يا جميل الحاجات الرائعة دى
انا مش عارف بس بجد
اشكر حضرتك على اية و لا اية و لاية
بجد الله يبارك لك يارب
و يجازيك كل خير على تعبك و محبتك

دى اقل حاجه يا باشا نقدمها للاخوة هنا فى المنتدى فعلا الواحد نفسه يخدم اى حد هنا
و ليك جزيل الشكر يا باشا على ذوق حضرتك و مداخلتك فى الموضوع و تشريفه

[KoDaK_Gti]

لو الشقه على المحاره ممكن تتكلف حوالى 2500 جنيه خامات و الخامات كمان محترمه جدا حاجه نضيف و هتزيد لو هتعمل حبه ديكورات من ورق حائط او معجون رخام او texture بارز او بيرل (شبيه للقطيفه) و دى حاجات بتتعمل فى جنب واحد فى الصاله مثلا او ريسيبشن او خلفيه لغرفه النوم و الحاجات دى ممكن تشوفها على الطبيعه فى مركز تلوين دهانات و ممكن لما حضرتك تنوى اقول لحضرتك اقرب اماكن تشوف فيها كل حاجه من الحاجات دى

اولا شكرا على الافادة وتعبك معانا ويارب يجعله فى ميزان حسناتك
دى الحاجة اللى ان اعاوز اسأل عليها
فى فى الهرم واحد بتاع دهانات وهو وكيل لداهانات رغــدان
بصراحة شوفت شوية دهانات عنده غريبة وتحفة
بس كنت عاوز استفسر عن الاسعار تقريبا كده بكام للمتر بالنسبة لمعجون الرخام والقطيفة والحاجات دى

[kliken]

شكرا يا باشمهندس علي تطوعك الكريم.انا عندي سؤال
ايه المطلوب علشان اخد توكيل بويات والسيوله المطلوبه كام؟
وشكرا جزيلا.
bemo,ire

بص يا باشا فى شركات كتير و كل شركه بتقدم عروض مختلفه و بتفرق حسب المكان بتاعك لو مش فيه حد من الشركه اللى عاوز تاخد توكيلها هيسهلوا الموضوع شويه معاك و الموضوع تقريبا ببساطه :
محتاج محل تمليك او ايجار مش فارقه بس لو ايجار مش اقل من 5 سنين و الشركه اللى هتتعاقد معاها لازم هتيجى تتفرج على المكان فى الاول
كل الشركات بتدى تسهيلات تتمثل فى تقسيط الماكينه لتلوين الدهانات مع بنك على اقساط شهريه و مقدم فى حدود من 40 الى 50 الف حسب الشركه
و لو حضرتك تقولى مكانك و ايه التوكيلات اللى جنبك ممكن اساعد حضرتك
و توضيب المحل بيبقى غالبا على الشركه اللى عتتعاقد معاها
و لو اى استفسار تانى انا تحت امر حضرتك عشان لو انا نسيت حاجه