فضفضة ( متجدد )

[sendrella]

عن نفسي ... لما باضطر وبخاف ... بقلب التربيزة على الكل ... وزي ما تيجي تيجي

و الله يا نور انا كمان بفكر زيك كدة
و بقول لنفسي ماهي كدة كدة خسرانة
يبقى عليا و على اعدائي
مش هخسر اكتر من اللي خسرته

[sendrella]

وصدقينى يانور والله ربك بيسترها ويوفق الواحد

فعلا يا فياتو
ربنا بيوفق كل واحد على اد نيته

ادعوا معنا ان ينصرنا الله على من يحاول اكل مالنا

[Strong]

يا جماعة انا نفسي احس اني مش قلقان ومش متوتر واحس بالسعادة
انا حاسس اني في صراع مع كل حاجة

[نور القمر]

ليه الناس بقت غدارة وكدابة ومنافقين وكل واحد بيدور على مصلحته ومش مهم هيضر الاخرين اد ايه
ليه الناس بتكره الخير لبعضها
ليه في ناس حقودة ويتمنوا الشر لبعض بدون سبب
ليه مفيش وفاء ولا اخلاص ولا امانه
ليه الناس الكويسة بقت نادرة الوجود

[SHNORY]

يا جماعة انا نفسي احس اني مش قلقان ومش متوتر واحس بالسعادة
انا حاسس اني في صراع مع كل حاجة

بص يا باشا موضوع صراع مع كل حاجه ده بييجي لما تكون عاوز تحل كل مشاكلك مره واحده
وبتفكر فيها كلها مع بعض وفي الحاله دي حتفضل زي ماهي وانت حتحس انك مش عارف تعمل اي حاجه فيها وبتوصل للمرحله دي وممكن متنامش كمان ولا تاكل وتحس انك مخنوق ونفسك تغمض عينك وتفتحها تلاقي نفسك في دنيا تانيه
وكل ده غلط
الحل انك تبدا تصنف مشاكلك وممكن حتي تمسك ورقه وقلم وتكتبها او حتي ترسمها او ترسم مربعات (انا شغال مربعات وشبه منحرف)
وتبدا تحدد انهي مشكله محتاجه تتحل الاول وتنسي كل التانيين ولما حتحل اول مشكله حتلاقي انك واخد في طريقك شويه مشاكل صغيره وبتتحل معاك علي طريقك
وحتي لو محليتش مشاكلك كلها فاكيد حتحل جزء منها
وكفايه انك حاولت ساعتها حتحس بالرضا عن نفسك

ليه الناس بقت غدارة وكدابة ومنافقين وكل واحد بيدور على مصلحته ومش مهم هيضر الاخرين اد ايه
ليه الناس بتكره الخير لبعضها
ليه في ناس حقودة ويتمنوا الشر لبعض بدون سبب
ليه مفيش وفاء ولا اخلاص ولا امانه
ليه الناس الكويسة بقت نادرة الوجود

فيه يا نور
فيه اخلاص وصدق وفيه كل حاجه
بس المشكله ان زمان كان المجتمع محدود والحياه كانت بسيطه
مكانش فيه الانفتاح بتاع دلوقتي وان العالم كله اتحول لخريطه وانترنت علي شاشه الكمبيوتر
زمان يا نور كان اخر المجتمع 200 او 300 شخص هما الجيران والاصحاب فكان ممكن الواحد يقدر يحدد مين كويس ومين وحش ويتعامل مع الشخص اللي يميل للتعامل معاه
دلوقتي الوضع اختلف المجتمع بقي اكبر واوسع وتشعبت العلاقات
واحنا كبرنا وشوفنا الناس
المشكله اننا شوفنا المجتمعين الصغير والكبير او لحقنا اخر الصغير والتوسع جه بسرعه وكان لازم نتعلم بسرعه واللي يتعلم بسرعه مش حيفهم كل حاجه
الناس الكويسه موجودين بس يمكن مجاتش ظروف انك تشوفيهم ولو شوفتيهم بتبقي مرحله عابره في حياتك او ظروف وبتعدي لانه بيعمل معاكي خير ومش مستني منك حاجه فمش حيكون موجود قدامك كتير
انا شوفت دكتور مرضيش ياخد تمن العمليه اللي عملها
واحد صاحبي في مركز كويس اتصل بيا بعد وفاه والدي علشان يخلصلي اجرائات اعلام الوراثه غصب عني لاني مش عاوز اتعب حد معايا
شوفت ناس طلبت منهم معلومه مبخلوش بوقتهم واتصلوا وعرفوا وكلموني مع انهم كان ممكن يوقولو بكل بساطه انهم ميعرفوش
شوفت واحد علمني السوفت وير وقالي انا اخدت منك اكتر من الفلوس بكتير انا اخدت منك ثواب
الخير موجود بس احنا نعمله من غير ما نستني مقابل وحنلاقيه في طريقنا وقت ما نحتاجه

[نور القمر]

على فكرة يا شنوري الناس اللي انا بتكلم عليهم دول يعتبروا من اقرب الناس ليا اللي هم يعتبروا اهلي
منكرش ان في ناس كويسة لكن الاقرب اللي المفروض يكونوا اول ناس مخلصة واول ناس تحبلك الخير واول ناس يساعدوك للاسف هم درجات قرابة اقرب
وعلشان تفهم قصدي اكتر انا وسندريلا اخوات
وبعد وفاة بابا الله يرحمه ظهر ناس كتير على حقيقتهم واستغلوا اننا بنات ملناش اخ واللي يقدر ينهب حاجة مننا ينهبها مبقناش عارفين نثق في مين ولا نصدق مين ولا نعتمد على مين بعد ربنا
حاسين اننا محتاجين نحمي نفسنا من كل الجهات علشان نطلع بأقل الخساير
بعد موت بابا الله يرحمه الناس ظهرت على حقيقتها لمجرد انهم شايفين اننا بقينا الاضعف
مع ان باباطول عمره طيب ومكنش مخون حد ولاعمره اساء لحد بالعكس
واحنا ديما نقابل الاساءة بالاحسان علشان نطفي نار الحقد في قلوب البشر

[أبو إياد]

على فكرة يا شنوري الناس اللي انا بتكلم عليهم دول يعتبروا من اقرب الناس ليا اللي هم يعتبروا اهلي
منكرش ان في ناس كويسة لكن الاقرب اللي المفروض يكونوا اول ناس مخلصة واول ناس تحبلك الخير واول ناس يساعدوك للاسف هم درجات قرابة اقرب
وعلشان تفهم قصدي اكتر انا وسندريلا اخوات
وبعد وفاة بابا الله يرحمه ظهر ناس كتير على حقيقتهم واستغلوا اننا بنات ملناش اخ واللي يقدر ينهب حاجة مننا ينهبها مبقناش عارفين نثق في مين ولا نصدق مين ولا نعتمد على مين بعد ربنا
حاسين اننا محتاجين نحمي نفسنا من كل الجهات علشان نطلع بأقل الخساير
بعد موت بابا الله يرحمه الناس ظهرت على حقيقتها لمجرد انهم شايفين اننا بقينا الاضعف
مع ان باباطول عمره طيب ومكنش مخون حد ولاعمره اساء لحد بالعكس
واحنا ديما نقابل الاساءة بالاحسان علشان نطفي نار الحقد في قلوب البشر

اسف لتدخلى فى الموضوع بس تقريبا انا عايش فى شبه اللى انتوا بتمروا بيه
حبيت بس اوضح واعلق على فهمك انك بتبررى موقفهم ده علشان انتوا بنات لا لا لا بالعكس احنا كلنا اولاد انا واخواتى ونفس الموضوع تقريبا بس كل اللى احب ابينه ليكى ان الصله اللى كانت تربطكوا ببعض (الوالد) توفى ياعنى مافيش علاقه
وعلى فكره علشان ما يكونش فى معاناه وتعب نفسى انتى فى الحاله دى بتاخدى اى كلام بحساسيه شويه فياريت متاخديش قرار فى نفس الوقت وفكرى فى الامور بشكل تانى والله يكون فى العون يارب

[SHNORY]

على فكرة يا شنوري الناس اللي انا بتكلم عليهم دول يعتبروا من اقرب الناس ليا اللي هم يعتبروا اهلي
منكرش ان في ناس كويسة لكن الاقرب اللي المفروض يكونوا اول ناس مخلصة واول ناس تحبلك الخير واول ناس يساعدوك للاسف هم درجات قرابة اقرب
وعلشان تفهم قصدي اكتر انا وسندريلا اخوات
وبعد وفاة بابا الله يرحمه ظهر ناس كتير على حقيقتهم واستغلوا اننا بنات ملناش اخ واللي يقدر ينهب حاجة مننا ينهبها مبقناش عارفين نثق في مين ولا نصدق مين ولا نعتمد على مين بعد ربنا
حاسين اننا محتاجين نحمي نفسنا من كل الجهات علشان نطلع بأقل الخساير
بعد موت بابا الله يرحمه الناس ظهرت على حقيقتها لمجرد انهم شايفين اننا بقينا الاضعف
مع ان باباطول عمره طيب ومكنش مخون حد ولاعمره اساء لحد بالعكس
واحنا ديما نقابل الاساءة بالاحسان علشان نطفي نار الحقد في قلوب البشر

مفيش حاجه اسمها اهل يا نور اهل دي كانت زمان
دلوقتي ساعه الفلوس النفوس بتتغير بين الاخوات
لو فاضيه اسبوع انا ممكن احكيلك علي مواقف الاهل بتبقي عامله ازاي واحسسك انك عايشه وسط ملايكه
بس للاسف الموضوع حيحتاج صفحات وصفحات
بس اخر مشكله حصلت
ان فيه شخص من العيله عندنا توفاه الله واولاده صغيرين
ودخلت املاكه المجلس الحسبي ما عدا عربيته
وحماه طلب من اخوه(اخو المتوفي) وحماه من العيله برضه لانه كان متجوز قريبته
المهم
طلب منه انه يبيع العربيه بالتوكيل اللي كان المتوفي عامله (تزوير)
وطلب من شخص تاني من العيله (واحد طيب وعلي نياته) ان ملكيه العربيه تتنقل باسمه (كده ممكن يحبس الاتنين وهو يطلع بتمن العربيه لما تتباع)
وحصل فعلا انهم راحوا الشهر العقاري واتنقلت الملكيه من المتوفي للشخص الطيب عن طريق اخو المتوفي (معلش محتاجه نركيز علشان تتفهم)
فحصل اننا عرفنا تاني يوم الموضوع ده
فبدانا نحلل الموضوع وكانت نتيجه التحيليل الاتي
1- اخوه نصاب وممكن يحبسوه اي وقت لانه ليه في الورث اللي نا كتبت عنه في اول مره (بتاع الزهد في الدنيا) وممكن يضغطوا عليه علشان يتنازل عنه
2- الراجل الطيب ده حيكون شريكه في النصب وحيبقي شخشيخه في ايدهم علشان يطلعوه من الموضوع
3- ورثه المتوفي حياخدوا تمن العربيه ويسيبوا الدنيا تولع
والحمد لله تم التعامل مع الموضوع بتخطيط محترم وجيبنا العقد اللي اتعمل في الشهر العقاري وقطعناه وكل حاجه بقت تمام وزي الفل
فمتقوليش موضوع الاهل ده تاني لانها مجرد رابط في فصيله الدم
واسامي متشابهه في البطاقه الشخصيه
وربنا يخليلك اختك لانك ملكيش غيرها

[نور القمر]

اهلا بيك في الموضوع ومفيش داعي للاسف
الموضوع مش مجرد كلام بناخده بحساسية الموضوع اكبر من كدة بكتير
يعني انا ممكن اديلك امثلة صغيرة لان المواضيع كبيرة ومتشعبة
لاننا بنات بس بالتالي عمي وعماتي داخلين معانا في الميراث يانشتري شقه لعمي محناش عايزنها اساسا وطبعا شراها بجزء من ارض بابا مش بفلوس يا اما يوقف لنا في بيع العربية ووتقسيم الارض ويخبي مننا اوراق بابا لاننا منعرفش اراضيه فين بالظبط ولامساحتها ولان كلهم ليهم اراضي في نفس الاماكن
الخلاف على جزئيات معينه جبنا فتاوي من الازهر مرة واتنين وتلاته ولما الفتاوي مش على هواه راح هو دور على شيوخ بتوع معاهد ازهرية افتوله بالفتوة المتفصلة على هواه ومش هياخد بفتاوي الازهر
اللي كانوا في صفنا اغراهم بنصيب اكبر شوية مقابل انهم يكونوا في صفه
ده غير الناس اللي قرابتهم ابعد واقفين يصطادوا في المية العكرة وينقلوا كلام وبكدبواوشماتنين في ضعفنا وقلة حيلتنا

[sendrella]

و الله الدنيا بقت وحشة اوي و الناس بقت جشعة و طماعة و شايفين الورث ده نهيبة كل اللي يقدر يخطف حاجة و يجري يبقى برافو عليه مش مقدرين وبال المال الحرام ..
مبقاش في اي احساس بالامان و لا بقى في حاجة اسمها اهل يعني بدل ما يقفوا جنبنا بقى واقفين في وشنا صدق اللي قال " العم هم "
و شاطرين اوي في الكلمات المعسولة انتوا اولادي و انا بابا و انا ماما و هو في الاصل ..............
الواحد مبيبطلش دعاء ليل و نهار عليهم
مش عارفة الناس دي هتقابل ربنا بانهي وش
على الاقل خااااااااالص اعمل حساب لجمايل المرحوم اخوك عليك اللى لا حصر لها ولا عدد
يااااااااااااااااااااااه عالدنيا
كل ما افتكر اللي كان بابا بيعمله معاهم و اللي هم بيعملوه دلوقتى ببقى نفسي الزمن يحوجهم ليا و انا اوريهم بقى التعامل معهم كما يجب ان يكون

بس والله ان شاء الله انا حاسة ان ربنا هيقف معانا و ينتقم من اللي عايزين ياكلوا حقوقنا دي دعوة المظلوم مافيش بينها و بين ربنا حجاب
حسبي الله و نعم الوكييييييييييل
اللهم انتقم اللهم انتقم اللهم انتقم

[sendrella]

والحمد لله تم التعامل مع الموضوع بتخطيط محترم وجيبنا العقد اللي اتعمل في الشهر العقاري وقطعناه وكل حاجه بقت تمام وزي الفل

الحمد لله انه الموضوع انتهى نهاية كويسة
عقبالنا بقى لما نخلص احنا كمان و نسترد حقوقنا
احنا ممكن نكون فعلا يا شنوري ناقصنا التخطيط المحترم اللي بتقول عليه ده
عشان احنا اصلا كلنا خبرتنا في الحياة قليلة و منعرفش الا الاساليب الدوغري
لكن هم مااااااااشاء الله عليهم
اساتذة في الملاوعة و تغيير الحقائق
حسبي الله و نعم الوكييييييييل
ادعيلنا ربنا يكشف عنا الغمة دى بقى

[totaa]

الرقيقة / سندريلاااااااااااا

واسعد الله مسائك بكل خير

موضوع جدا هايل لأن بداخل كل منا شىء تاعبه

أو منغص عليه حياته أو حتى قالقه ومش بيلاقي

حد يفضفض بيه له ....... نترك هذا الآن جانبا

بالنسبة ليكي ومشكلتكم مع أهل باباكي الله يرحمه

شوفي نفس المشكلة حدثت لواحدة صاحبتي مع اختلاف بسيط كالآتي:

لما اتوفي والدها هما كانوا محتاجين المعاش جدا وكان ليهم بيت ممكن جدا إنهم ياجروه ويستفيدوا من العائد
المادي فى تصليح امور حياتهم لكن للاسف ..والده كان
عايش يعنى جد صاحبتي دي وكان ميسور الحال جدا
وبرغم كدة كان بيطالب بحقه فى معاش ابنه المتوفي كل شهر ومش مهم ابدا أولاد ابنه محتاجين لإيه
المهم بس هو حقه
وللاسف أعمامهم كانوا منحازين لوالدهم ضد أولاد أخوهم
يمكن ده مش ميراث لكن فين المروءة وصلة الرحم ؟؟

للأسف لا يمكننا توقع مابداخل نفوس الاخرين

واللى كان بيقف جنب صاحبتي دي وأهل بيتها ناس جيران
ليهم وأصدقاء

صدقوني المشكلة دي أنا عيشتها مع صاحبتي يوم بيوم
وفضلت تاعبة نفسيتى جدا واشيل هم بكرة
ياتري ده ممكن يحصل بعد وفاة والدي برضه؟

الله أعلم هو متوفي من سنة ولسة الأمور لم تضح بعد

ربنا يستر بقة ومتلاقونيش بفضفض قريب ليكم
بمشكلتى هههههههههههههه

رغم انهم والله ودي كلمة حق تتقال انهم معانا على طول

سندريلا تقبلي تحيتي وفااااااائق احترامي

[sendrella]

الرقيقة / سندريلاااااااااااا

واسعد الله مسائك بكل خير

موضوع جدا هايل لأن بداخل كل منا شىء تاعبه

أو منغص عليه حياته أو حتى قالقه ومش بيلاقي

حد يفضفض بيه له ....... نترك هذا الآن جانبا

بالنسبة ليكي ومشكلتكم مع أهل باباكي الله يرحمه

شوفي نفس المشكلة حدثت لواحدة صاحبتي مع اختلاف بسيط كالآتي:

لما اتوفي والدها هما كانوا محتاجين المعاش جدا وكان ليهم بيت ممكن جدا إنهم ياجروه ويستفيدوا من العائد
المادي فى تصليح امور حياتهم لكن للاسف ..والده كان
عايش يعنى جد صاحبتي دي وكان ميسور الحال جدا
وبرغم كدة كان بيطالب بحقه فى معاش ابنه المتوفي كل شهر ومش مهم ابدا أولاد ابنه محتاجين لإيه
المهم بس هو حقه
وللاسف أعمامهم كانوا منحازين لوالدهم ضد أولاد أخوهم
يمكن ده مش ميراث لكن فين المروءة وصلة الرحم ؟؟

للأسف لا يمكننا توقع مابداخل نفوس الاخرين

واللى كان بيقف جنب صاحبتي دي وأهل بيتها ناس جيران
ليهم وأصدقاء

صدقوني المشكلة دي أنا عيشتها مع صاحبتي يوم بيوم
وفضلت تاعبة نفسيتى جدا واشيل هم بكرة
ياتري ده ممكن يحصل بعد وفاة والدي برضه؟

الله أعلم هو متوفي من سنة ولسة الأمور لم تضح بعد

ربنا يستر بقة ومتلاقونيش بفضفض قريب ليكم
بمشكلتى هههههههههههههه

رغم انهم والله ودي كلمة حق تتقال انهم معانا على طول

سندريلا تقبلي تحيتي وفااااااائق احترامي

توتة حبيبتي
اشكرك من كل قلب على مشاركتك الجميلة و ردك اللطيف
و مش عارفة اقول ايه والله
بس فعلا الناس بقت وحشة اوي
بس بحمد ربنا ان الحقايق بتبان

و ان شاء الله يا حبيبتي ميكونش مصيرك مع اهل المرحوم باباكي
زي مصيرنا و ان شاء الله يفضلوا واقفين معاكوا علي طول مش في وشكوا

و انا سعيدة بمرورك اوي والله
و تقبلي انتي يا قمر كل حبي و احترامي ليكي

[نور العمر]

والله يا جماعة واستغفر الله العظيم .. أنا في موضوع الميراث ده وفي حالة البنات ... بفضل أن يتصرف المالك في ماله على عين حياته... إما بتأمين بناته كما يجب وترك جزء من الميراث للقسمة الشرعية .. وإما الوصية للبنات بـ 1/3 التركة مع نصيبهم في النص والباقي من النصف الآخر يكون لصالح الورثة الآخرين ...
مبحبش تتساب عايمة لان الناس بقت وحشة ومتصدق ... ومحدش بيفكر في أي أولويات .. أو المفروض .. أو الأصول المهم يورث
أما بالنسبة للمعاش .. أفضل تكون مكتوبة فيه وصية أن تكون للزوجة والابناء فقط ... ده بصراحة ... أو الابناء فقط ... ده لو ظروف أمه وأبيه كريمة ومش محتاجين شئء فعلاً ... وربنا يرحم الجميع ... الأحياء والأموات .

[نور العمر]

كلنا بنقول الناس بقت وحشة ... وناسيين إننا بردوا ناس ... يعني أكيد احنا حلويين في وسط الناس الكتيير الوحشيين دووووول... اتمنى ذلك ... وأتمنى نربي ابناءنا على مكارم الاخلاق ... ونزرع نبتة من الناس خيريين .. أهو كله صلاح في المجتمع ..