اللحيه في مصر

[ZALABANY]

ياباشا الحديث هنا ما نسخش آيه ولا حاجه الآيه نسخت حكما وبقيت تلاوة
ولكن الحديث به نفس الحكم وهو المصدر للحكم الآن لكن الأساس أنه كان بالقرآن

[ZALABANY]

ياباشا الحديث هنا ما نسخش آيه ولا حاجه الآيه نسخت حكما وبقيت تلاوة
ولكن الحديث به نفس الحكم وهو المصدر للحكم الآن لكن الأساس أنه كان بالقرآن

آسف جدا أخطأت في الكتابه نسخت تلاوة وبقيت حكما

[Islam_galal]

اسمحولي يا جماعه الأحكام الدينية ليس هذا مكانها ممكن تناقشوها علي الخاص منعا للارتباك و الجدل العام

حلو اوى الكلام ده
الله ينور عليك وقلت لك معلش استحملنى شوية ..

معاك يا باشا

هل موجود الان كل هذا الكلام ! وهل يتم بالفعل حاليا !
ويا ترى ايه الاسباب و الدوافع اللى خلت الشرطة تعمل كدا ..

موجود بالفعل

الأسباب كما قلت من قبل ، صراع قديم من افترة الملكية للحقبة الناصرية و استمر حتي الآن و كالعادة استخدمت الاساليب القذرة في هذا الصراع فطال الاستهزاء الشكل العام للمسلم

حتي هذه اللحظة ممنوع دخول الملتحين والمنقبات الأماكن العامة التي يتم ادارتها بواسطة الجيش
المنقبات لأسباب أمنية ضعيفة (لأنه من الممكن وضع فرد أمن نسائي) ، طيب الملتحين ليه

و كما قيل في مشاركات سابقة اللي عايز يعمل حاجة مش حيربي لحيته - ده حيشرب سجاير و يلبس لبس شبابي شاذ للتمويه مش كده و لا إيه

جرب تدخل علي كمين ليلا مع واحد ملتحي

واحد معرفة كان ملتحي من باب الشياكة لأن لحيته ناعمة جدا و شيك ، و الضابط مش فاهم كمان فوقفه ليلا و تركه عندما أثبت له أنه يلبس سلسلة ذهب و شارب خمر . . . شوفت المفارقة السخيفة

[Terrible_DaRsH]

كده الصورة اتطضحت :) الف شـكـرر
طب هل يوجد عُذر للحكومة فى ذلك الامر !
ام نقول حسبي الله ونعم الوكيل فيهم ؟

[Walid_M]

اسمحولي يا جماعه الأحكام الدينية ليس هذا مكانها ممكن تناقشوها علي الخاص منعا للارتباك و الجدل العام

أنا مع حضرتك وأؤيد رأيك يشدة

كمان أوضح إن حضرتك اخترت عنوناً للمشاركة رائع
وهو "اللحية في مصر"

ولم تقل "اللحية في الاسلام"

يعني من الأخر كده ( بالاسلوب العامي )

احنا بنتكلم عن النظرة الى الملتحين في مصر وليس على فرضية اللحية من عدمها

تحياتي

[emadkamel]

الاخوة الاعزاء، مش هاتكلم عن وجوبية او جواز اطلاق اللحية فأهل مكة ادرى بشعابها بس انا عايز اتطرق للموضوع من زاوية مختلفة

1- اعتقد ان الموضوع اساسا نابع من ان الناس بتحط الملتحين فى خانة او فى مجموعة ما وتتوقع منهم تصرفات معينة، يعنى بما ان اللحية (فى الثقافة العامة) هى "مظهر" للتدين، إذن فلا بد ان "كل الملتحين" يتصرفون ويتكلمون ويتفاعلون مع المجتمع بإعتبارهم "ملائكة" ومن لا يفعل هذا فهو ممثل ومدعى وأثم ... وحتى الزندقة ... ناسين ان الملتحى فى النهاية "انسان" يخطئ ويصيب

2- على الجانب الاخر دوافع الملتحى لاطلاق لحيته تختلف من شخص لاخر (تدين، مظهر ووجاهة، فرض اسرى او مجتمعى، نصب...الخ)

3- تبدأ تظهر اعراض البنى آدمين الطبيعيين على الملاك ... اقصد الملتحى وبما انك لا تستطيع ان تخدع كل الناس كل الوقت يبدأ من اطلق لحيته لغرض غير مرضاة الله بالظهور على حقيقته والبعض الاخر يظهر على شكله الادمى لو كان اطلقها عن اقتناع وبهدف التدين ولكنه كباقى البشر يخطئ ويصيب

4- هنا يبدأ دور المتلقى او المتفاعل مع الملتحى .... وبما ان صوت الغلط عالى دائما يبدأ المتلقى فى تعميم تعامله مع "شخص" سئ ويلصق الصفة بكل "المجموعة"

5- والناحية التانية طبعا مش كل الملتحين بيراعوا ربنا فى مظهرهم زى ما صديق كريم منير عمل فتزيد الطينه بله


طيب المشكله فين؟ فى رأيى المشكله فينا احنا كمصريين، احنا بنحب التجميع والترتيب، احنا بنعشق الطبقية والتعميم وتقسيم البشر لفئات وفئات منبثقة، امثلة:

1- بيه وباشا واستاذ و"ياله" وعم ...... حسب اللبس او الوظيفة

2- اصحاب السيات واصحاب المرسيدس زى ما زميلنا قال

3- ملتحى وغير ملتحى، مصلى وغير مصلى

4- مسيحى بيصوم ومسيحى لا يصوم – مصيحى بيصوم وينقطع عن الطعام ومسيحى يصوم ولا ينقطع ..


المشكله فينا احنا اننا بنحب نحكم على الناس وننتدخل فى حياتهم ولبسهم وحتى صلاتهم ... نحشر مناخيرنا فى مظهر وجوهر اللى قدامنا ونشغل نفسنا بيه وبعاداته وطباعه وشكله وطريقة مشيته وطريقة سواقته وتسريحة شعره وماركات هدومة والوانها اكتر من انشغالنا بخيبتنا


الحل؟ فى رأيى برضه ..... كل واحد يخلليه فى حالة ويتعامل مع اللى قدامه على انه بنى آدم فقط وفى اطار الموقف اللى جمعهم طالما انه مايعرفوش وبلاش الاحكام المسبقة، ولو عرفه وعاشرة يكون انطباع عن "البنى آدم ده بس" مش كل من هم على شاكلته، لأن اساسا مافيش حد على شاكله حد لان فى كل طايفة وكل مله وكل جماعه وكل مهنة وكل وأى تقسيم مجتمعى يوجد الكويس والوحش


أرجو اكون وضحت وجهة نظرى كويس ... وبالمناسبة انا شخصيا اطلقت لحيتى فى فترة من حياتى وحصلى مواقف طريفة كتير قوى

[Islam_galal]

كده الصورة اتضحت :) الف شـكـرر
طب هل يوجد عُذر للحكومة فى ذلك الامر !
ام نقول حسبي الله ونعم الوكيل فيهم ؟

نقول حسبي الله و نعم الوكيل
لانهم السبب الرئيسي في استمرار هذا الرأي المسطح عن اللحيه

أشكرك علي هذا الحوار الراقي

[ahmed1981]

الأساتذة اللي بيتكلموا عن حكم اللحية في الإسلام
يا جماعة الموضوع واضح سبب فتحه وسبب النقاش فيه

وكاتب الموضوع وضح إنه لم يفتح النقاش عشان ندخل ونقعد نختلف في حكم اللحية في الإسلام

يا ريت قبل الرد الواحد يقرأ المشاركة الأولى جيداً وبعدين يرد

[ZALABANY]

الأساتذة اللي بيتكلموا عن حكم اللحية في الإسلام
يا جماعة الموضوع واضح سبب فتحه وسبب النقاش فيه

وكاتب الموضوع وضح إنه لم يفتح النقاش عشان ندخل ونقعد نختلف في حكم اللحية في الإسلام

يا ريت قبل الرد الواحد يقرأ المشاركة الأولى جيداً وبعدين يرد

مع كامل إحترامي لحضرتك بس في أمور لازم تتوضح لأن في ناس مش فاهمه حكم اللحية من الأساس وأعتقد إن حتى الناس اللي تكلمت في الحكم الشرعي للحيه لم يثيروا أي مشاكل بل كان الحوار بمنتهى الموضوعية والخلاف لا يفسد للود قضية ودي ممكن تكون فرصه كويسه ان واحد مش مهتم انه يدخل ويدور على حكم اللحيه انه يلاقيها قدامه بالصدفة ويكتسب معلومه يثاب عليها ويثاب واضعها
والله من وراء القصد

[Rembrandt]

ممكن بعد أذنكم أخرج عن الموضوع و أعلق على النقطة دي

الأمر في القرآن بطاعة الرسول تمام ... و لا خلاف على ذلك .
طيب فيه أحاديث عن الرسول أحاديث ضعيفة ,,,,,
و هناك حديث قوي يتعارض مع القرآن
و معلش ............ أنا لن أستطيع أن أخالف القرآن بأخذ حديث مخُالف له .
مثل الرجم ...... و الجلد للزاني .

القرآن بيقول جلد ......... و الحديث بيقول رجم !!
بالله عليكم
الحديث تم تجميعه بعد وفاة الرسول صلى الله عليه و سلم بأكثر من 150 سنة تقريبا .
و أنا مُعترف بالحديث و كل شئ فهو سُنة الرسول
و لكن ليس كلها ( التي تتعارض مع القرآن )

و الآيات الكريمة تحث على طاعة الرسول و لا تحث على فعل مُعين .
يبقى نأخذ بهذه الطاعة عند التأكد من صحة العمل الذي كان يقوم به الرسول .
و الله تعالى أعلى و أعلم .......................................... و أدعوا الله أن يغفر لنا و يُييسر لنا فهم ديننا و يهدي سائر المسلمين .

جزاك الله كل خير

[moudy88]

ياريت تيجيبولى اية من القران ازا كانت امر من اوامر الله او على الاقل حديث صريح عن الرسول علية الصلاة والسلام

لان الى انتو بتقولوة دة اسمة فتوىىىىىىىىى وتحريف


Walid_M
عضو جديد


يا اخى الكريم علماء المسلمين الى حضرتك ذكرتهم ليسو الهة او معصومين ما هم الا بشر مثلنا وقد يخطاو وقد يصيبو
ومش عارف لية انت ربط الاية الكريمة بلموضوع الاية الكريمة كانت عن حاجة تانية خالص مش مرطبتة بموضعنا اصلا عفوا دى راديكالية فى الفكر
ملى يربى دقنة ولا يحلقها هو حر هو خلاص خلصتو كل حاجة ومفضلش غير اللحية
بلمناسبة يا جماعة انا كنت سعات بنسى وبدخل الحمام برجلى اليمين ياريت حد يقولى يبقى انا كدة ايمانى ناقص لسمح الله وال اة بلضبت عشان بس اطمن على نفسى
وياريت لو تفتحو موضوع ارضاع الكبير بلمرة وتفيدونة فية
اةة هو انا كنت رايح فين اة نسيت

انت بتقول اني انا بافتي وبحرف ...وبتستهزء وبتقول (انا كنت سعات بنسى وبدخل الحمام برجلى اليمين ياريت حد يقولى يبقى انا كدة ايمانى ناقص لسمح الله وال اة بلضبت عشان بس اطمن على نفسى)
و الردود اللي ردها الاستاذ Walid_M والاستاذ zalabany2007 والاستاذ اسلام جلال جزاهم الله خير التي لا يوجد رد عليها...
واخيرا ياريت تحترم اللي بتوجهله الكلام وبلاش تستهزئ وتغلط في ناس انت ماتعرفهمش ...وتتعلم من الاستاذ tutankhamoun وتشوف ازاي بيختلف في الراي بمنتهى الاحترام وازاي الناس بترد عليه بمنتهى الاحترام ..لانه شخص جدير بالاحترام !!!!

[Rembrandt]

متأسلميين ومتنمريين
كتاب كنت قريتة


شكر خاص للعضو zalabany2007
على الرسالة الخاصة

[ZALABANY]

أرجو تهدئة النفس يا جماعه وما فيش داعي نشد مع بعض إحنا كلنا بنتعلم من بعض
والله المستعان

[moudy88]

متأسلميين ومتنمريين
كتاب كنت قريتة

ياريت توضح اكتر ...وتتكلم بحريه ومتخفش....وبعدين الناس ردو عليك بالاحاديث وبالادله ..رد عليهم بوجهة نظرك ..ولا لاحاديث دي ضعيفه علشان مش على مزاجك!!!!!!!!!

[ZALABANY]

قال النبي صلى الله عليه وسلم رغب في ترك الجدال فقال: أنا زعيم ببيت في ربض الجنة لمن ترك المراء وإن كان محقاً. رواه أبو داود وحسنه الألباني.