اكتب موقف غريب او مضحك حصل فى شغلك

[Dr.SherifMansy]

كلنا بنتعرض لمواقف فى شغلنا بتكون غريبة او مضحكة
ليه ما نشاركهاش مع بعض
و اهو حاجة تنسينا الغلب اللى بقينا فيه دلوقت
و ممكن نضحك عليها شوية
ياللا كله يدخل و يحكى

[Dr.SherifMansy]

خلينى ابتدى انا
بس بلاش حد يفهم غلط
ده مش بيحصل دايما
دى مرة و عدت و ربنا ستر
طبعا تم حذف الأسماء و الأستعاضة عنها بفلان و فلانة

أغرب ذكريات فى غرفة العمليات
مقطع من عمليه مياه بيضاء

أنا- ياللا بقى العدسة علشان نزرع
حكيمة العمليات- ال 115 و لا ال 118
انا- الله ؟ هى اول مرة تقفى معايا فى عملية يا فلانة ، 118 طبعا
حكيمة العمليات- اتفضل
انا- شكرا
انا- الله الله ، العيان باينه بيصحى !!! ده عمال يحزق جامد !!
المساعد- فعلا يا بيه ، ايده ابتدت تتحرك!!!
انا- (بصوت عالى) يا دكتور فلان (بتاع التخدير) ، العيان بيصحى
دكتور التخدير- (بصوت بعيد من خارج غرفة العمليات) ها ها ها ، ماتسيبه يصحى ، انت زعلان ليه ؟
انا- انت يا جدع ، انا باتكلم بجد العيان بيصحى و ابتدى يحزق و انا بازرع العدسة ، كده الدنيا هاتبوظ
دكتور التخدير- انا جاى اهوه (يفتح باب العمليات بتراخى بيد بينما يحمل مج النسكافيه باليد الأخرى)
انا- بسرعة شوية يا فلان ، ال iris (القزحية) طلع نصها بره و كده ال posterior capsule (المحفظة الخلفية اللى بنزرع عليها العدسة جوه العين) ها تفرقع ، ياللا بقى الله يخرب بيتك
دكتور التخدير- (بقلق بعض النظر الى قراءات الأجهزة امامه) ده صحى فعلا
انا- (بصوت عالى) امال انا بهرج معاك؟
دكتور التخدير- طب اصبر لما انيمه تانى
انا- لا اله الا الله ... ايه ده ؟؟
المساعد- فيه ايه يا بيه؟
حكيمة العمليات- مالك يا دكتور شريف ؟
انا- العدسة باينها هاتسقط جوه العين !! يظهر ال posterior capsule فرقعت ... منك لله يا فلان (دعاء قصير على دكتور التخدير)
انا- بسرعة يا فلانة ، ادينى هوسكنز امسك العدسة بسرعة قبل ما تقع جوه العين !!!
حكيمة العمليات- انت تأمر يا باشا ، هوسكنز و لا باراكير و لا ماكفيرسون ، كله تحت امرك
انا- انت هاتسمعينى وصلة غنا ، اوعى كده من قدام ترابيزة الآلات (و امد يدى بسرعة لآخذ الآلة المطلوبة مادامت الحكيمة هانم لسه ما ناولتنيش اى حاجة و الوقت بيجرى)
انا- الحمد لله ... لحقت العدسة قبل ما تقع جوه العين
المساعد- مش ممكن يا بيه .. انا مش مصدق انك لحقتها ، ده انا شايفها و هى بتقع جوه العين ، انت جبتها ازاى ؟؟ (طبعا سؤال مش فى وقته ابدا ، هو الواحد هايلحق المصيبة ولا يشرح)
انا- هو ده وقته ؟ ايه ده ؟
انا- و دلوقت هاتى العدسة التانية
حكيمة العمليات- ال 115
انا- طبعا ... انتى مش نبرتى فيها من الأول ... منكم لله كلكم

ملحوظة ... بفضل الله وحده انتهت العملية على خير برغم العالم اللى مالهاش لازمة اللى كانوا شغالين معايا و العيان دلوقتى نظره 6/9 بالنظارة و عمره دلوقتى 68 سنة (فات 4 سنين على العملية اللى ربنا كتب لها النجاح بمعجزة منه)

بالذمة نعمل ايه فى البرود و التخلف ده ؟؟ و بعد كده يقولوا ليه الجراحين بيجيلهم ضغط بدرى ؟؟

[نور القمر]

الحمد لله يا دكتور ربنا ستر

بس حضرتك مش شايف ان في استهتار زيادة بصحة المرضى سواء من الحكيمة خفيفة الدم او طبيب التخدير اللي على ماعرف لازم يكون متواجد طول فترة العملية مع المريض ... لا وكمان داخل بمج النسكافيه
طيب لو لا قدر الله مكنش لحق يخدر المريض تاني ذنبه ايه المريض في المشاكل اللي كانت هتحصل له!!!!!

[Dr.SherifMansy]

الحمد لله يا دكتور ربنا ستر

بس حضرتك مش شايف ان في استهتار زيادة بصحة المرضى سواء من الحكيمة خفيفة الدم او طبيب التخدير اللي على ماعرف لازم يكون متواجد طول فترة العملية مع المريض ... لا وكمان داخل بمج النسكافيه
طيب لو لا قدر الله مكنش لحق يخدر المريض تاني ذنبه ايه المريض في المشاكل اللي كانت هتحصل له!!!!!

كل مهنة فيها الكويس و الوحش
و لما الواحد بيقابل ناس زى دى ، مابيشتغلش معاهم تانى و بيحذر الباقيين منهم
اما بالنسبة للأستهتار فده مش فى صحة المرضى و لكن بقى شبه منتشر فى كل شئ للأسف دلوقت
و عموما دى كانت حادثة فردية و علشان كده انا اكدت انها مش بتحصل دائما و لكن مرة و حبيت اذكرها بسبب غرابتها

[نور القمر]

شكرا يا دكتور شريف وربنا يوفقك ديما

بمناسبة الكويس والوحش احب احكي موقف هو مش يضحك على اد منا شايفاه كان لازم يتعمل ولو اني عارفه ان فيه ناس ممكن تعارضني في الرأي

كنت بتدرب في مكتب محاسب قانوني معروف ومشهور واعتقد اي محاسب هنا هيكون سمع عنه وبدون ذكر اسامي مكتبه في شارع سوريه
والمكتب مش بيقبل محاسبين اناث وانا روحت بواسطة اتدرب فيه

المهم لقيت وضع غريب وعمري ماتخيلته
المكاتب كلها كاميرات مراقبه
الفراشة هناك ست كبيرة السن بس ليها الحق تتعامل بزوق او قلة زوق على حسب مزاجها
كل مكتب فيه جاسوس يوصل الاحاديث الجانبية
ممنوع الاحاديث الجانبية
ممنوع الاكل في وقت البريك المحدد للغدا
ممنوع تشغيل التكييف قبل الظهر
ممنوع طلب اكتر من 2 شاي على مدار اليوم أو واحد نسكافيه
صاحب المكتب بيشتم المحاسبين ويهزأهم عادي كأنهم عيال في حضانه


كأني داخلة مكتب مخابرات وكان زملائي في البداية واخدين مني موقف مقدما على اعتبار اني مدام الانثى الوحيدة اللي اتقبل وجودها بينهم ممكن اكون جاسوسة وكانت بتقتلني نظراتهم .. فاهمة انهم قلقانين مني لكن مش فاهمة ليه !!
لما جيت في يوم صارحتهم باني فاهماهم وفهمتهم اني جاية عن طريق العميله الفلانية لمكتبهم اللي هي صحبتي الانتيم
وبعدها بقوا يعاملوني عادي ويتكلموا قدامي عادي

المهم الموقف التافه اللي هم كبروه وكان لازم اخد موقف حقيقي معاهم مش هتتخيلوه
اختفاء علبه دبابيس دباسة ايون علبه تمنها جنيه بالكتير
سبوها على المكتب وتاني يوم مكنتش موجودة ومديتش للموضوع اهمية وقعدوا يحققوا مين اخدها وجه الموظف المسؤل عن الادوات المكتبية هو كمان يحقق وكان رجل كبير في السن ومحترم وزوق وغلبان ويدخل القلب وكان متضايق اوي على علبة الدبابيس ففهمت ان صاحب المكتب صعب اوي معاهم من الموقف ده


انا اتعصبت بصراحة وقلت لهم الموضوع مايستهلش كل ده اعتبرونا استخدمناها وخلاص هويعني استاذ فلان ((صاحب المكتب)) هايجي يعد ورانا الدبابيس

وايه جو المخابرات ده اللي عايز ياكل في غير وقت الغداء ينزل يستخبى تحت المكتب زي التلامذه والفراشة دي بتتعامل مع المحاسبين بالطريقه دي ازاي

والله كلهم تنحوا وبلموا كأنهم تماثيل في متحف الشمع
وبعد الجاسوس زميلهم طلع من المكتب قالولي مكنش المفروض تقولي الكلام ده
لانه كله هايوصل للاستاذ
قلت لهم يوصل ما يهمنيش

المهم هم كانوا فاكريني مسنودة اوي يعني لان مرة بالصدفة بقلب في الدفاتر اكتشفت ان اهم واكبر عملائهم واحد قريب المرحوم بابا صاحب مدن ملاهي مشهورة
وسألوني اذا كان هو ده السبب اللي مجرأني في الكلام
قلت لهم والله ابدا ده انا حتى ناسية اسم قريبي ده ايه وكنت اول مرة اعرف منهم معلومة انه توفى من سنه وابنه هو اللي ماسك مشاريع والده

المهم المكان هناك خنقني ومن غير ما يحصل معايا موقف مباشر من اي حد انسحبت ومقدرتش اكمل

[أشرف العدوي]

احكيلكم موقف حصلي الاسبوع الي فات و مالوش تفسير
روحت الشغل عادي و كان في بعض مستندات المفروض اراجع عليها و المستندات تخص زميل لي في العمل اسمه محمد
المهم اتصلت بيه و قولتله تعالى اقعد معايا شوية و هات معاك المستندات الخاصة بالمخزن من اول سنة 2009
المهم جه و شربنا الشاي و قالي انا هنزل تحت اشوف حاجة و ارجعلك تاني
المهم انا خلصت الشغل و استنيته يجي ماجاش
روحتله المكتب و و قولت لواحد قاعد معاه في المكتب لما محمد يطلع من تحت اديله المستندات دي
قالي محمد مين
قولتله محمد عبد النبي
قالي محمد عبد النبي مجاش انهاردةةةةةةةةةةةةة
قولتله مجاش ازاي ده كان قاعد معايا من ساعة و شربنا الشاي مع بعض
قالي و الله واخد اجازة 3 ايام علشان هيعمل عملية في رجله ( عملية بسيطة كدة مش مهم شرحها دلوقتي )
انا قولت الراجل ده بيشتغلني
اتصلت بـشئون العاملين
قولتلهم محمد عبد النبي جه انهاردة قالولي نفس الكلام بالظبط

انا مش عارف بقى انا كدة ابقى مريض و لا ده قلة تركيز او ضغط شغل
اصل بتحصلي حاجات من دي كتير
يعني مرة روحت الشغل بجزمة فردة سوداء و فردة بني ( كنت كاتب القصة دي هنا في المنتدي ) و معرفتش غير لما جالي تليفون من البيت بيسألوني انت لابس ايه في رجلك علشان و هما بينطفوا الشقة لقوا جزمتين كل واحدة فيهم فردة واحدة و التانية مش لاقينها
و ساعات بقعد ادور على الموبايل و انا بتكلم فيه و اقول للي معايا ثواني علشان مش لاقي الموبايل ( دي بتحصل كتير قوي )
و اركن العربية و اسيب الشبابيك مفتوحة حتى لو في ميدان الجيزة
ربنا يستر عليا
ده حتى مرة جوز اختي بيكلمني بيقولي آسر عامل ايه قولتله آسر مين
على فكرة آسر ده أبني

[نور القمر]

ههههههههههه دريفت وربنا ضحكتني
موضوع الجزمة ده عادي بتحصل في احسن العائلات
وازاز العربية كمان عادي لحد كدة متقلقش
حتى لما تنسى اسم اسر عادي بتحصلي مع ولادي بس معرفش بعد مايكون عندك كذا طفل هتعمل ايه

ابتدي اقلق بقه من اول عبد النبي
ليكون بيطلع لك عفاريت زي في قيلم الانس والجن بتاع يسرا وعادل امام

[نور القمر]

هههههههههههه شوفت انا عملت زيك
ايه جاب دريفت هنا
معلش اصلي لسه كنت بشوف صورة ابن دريفت في توقيعه وبقول عليه شبه صورة اسر ابنك الي كانت في توقيعك
ماشاء الله عليهم ربنا يخليهم

[A.Saad]

مرة كنت فى مامورية
فقلت لمدير الادارة انا عايز شاشة ( يعنى عايز اقعد على شاشة متوصلة على سيستم الشركة علشان اطلع منها بيانات )
فاتصل بموظف عنده على اساس انه يفضى شاشة قام قايله
استاذ / احمد عايز شاشة
الموظف : يعنى اجيبها عندك

[نور العمر]

موضوع لطيف فعلا
الحقيقة معايا شلة سيدات في الشغل دمهم خفيف جدا
اصل إدارتنا 70 % منها ستات ههههههههههههههه

بس فاكرة موقففين حصلولي

أنا طبيعة شغلي استفسارات فنية ... فتقدم شريكين في شركة لطلب استفسار قانوني... المهم الشريكين واحد مصري والتاني سوري ... وواضح إن السوري له نصيب الاسد
السوري كان لطيف جدا وبيتكلم بذوق متناهي .. المهم الموضوع بتاعه كان محتاج 3 أيام على ما تخلص الدورة المستندية لإجابة الاستفسار ( حكومة بقا )
وانا من ناحيتي طمنته شفويا وضعه إيه ... تقبل كلامي بكل ذوق واحترام ... لكن المصري المصراوي المحترم بقا عمل إيه
هاج وماج ... وقل في ذوقه .. وبدأ أسلوبه يستفزني .. وأنا دايما بحاول أكون هادية وباردة ... عشان أعرف اتعامل مع كل الانماط من العملاء ... لكن ده زاد فيها وساق الهبل ... ونظام ... دوول ما ينفعش معاهم اسلوبك الناعم ... دول تدخل بكتف وبعزم وتخش شمال فيهم وتعاللي صوتك تاخد حاجتك في نفس اليوم وانت زي الباشا ... وعنها اتعامل معايا بهذا الاسلوب .... أخد فوق دماغه ... وبصراحة شديدة ... وقفتله شغله 20 يوم ... لإنه فعلا كان قليل الأدب ... ومندمتش لإنه مكانش يستاهل الذوق من البداية

موقف تاني طريف جدا

مع واحد تركي ... كان عاوز شهادة من عندنا برأي قانوني ... وكان سهل تخلص في نفس اليوم بس هو كان جه متأخر وكان ميعاد الانصراف جه ... هو بيتكلم e بس دمه لذيذ جدا ... تفهم الموضوع وجه تاني يوم ياخد الشهادة ... فاجئني بإنه جايبلي ك تفاح اصفر صغير ليا ولزمايلي في الشغل

حب بطريقته يعمل معانا واجب
طبعا المعنى كان واضح جدا .. إنه لا رشوة ولا تسليك مصالح ولا حاجة ... ده موقف عفوي ... دخل قلوبنا كلنا ... وشكرنا جدا ... وكان ماشي مبسوط على الآخر

[Dr.SherifMansy]

الحمد لله ان الموضوع عجبكم
همتكم بقى عايزينه يستمر ان شاء الله بحكاياتكم الجميلة

احكيلكم موقف حصلي الاسبوع الي فات و مالوش تفسير
روحت الشغل عادي و كان في بعض مستندات المفروض اراجع عليها و المستندات تخص زميل لي في العمل اسمه محمد
المهم اتصلت بيه و قولتله تعالى اقعد معايا شوية و هات معاك المستندات الخاصة بالمخزن من اول سنة 2009
المهم جه و شربنا الشاي و قالي انا هنزل تحت اشوف حاجة و ارجعلك تاني
المهم انا خلصت الشغل و استنيته يجي ماجاش
روحتله المكتب و و قولت لواحد قاعد معاه في المكتب لما محمد يطلع من تحت اديله المستندات دي
قالي محمد مين
قولتله محمد عبد النبي
قالي محمد عبد النبي مجاش انهاردةةةةةةةةةةةةة
قولتله مجاش ازاي ده كان قاعد معايا من ساعة و شربنا الشاي مع بعض
قالي و الله واخد اجازة 3 ايام علشان هيعمل عملية في رجله ( عملية بسيطة كدة مش مهم شرحها دلوقتي )
انا قولت الراجل ده بيشتغلني
اتصلت بـشئون العاملين
قولتلهم محمد عبد النبي جه انهاردة قالولي نفس الكلام بالظبط

انا مش عارف بقى انا كدة ابقى مريض و لا ده قلة تركيز او ضغط شغل
اصل بتحصلي حاجات من دي كتير
يعني مرة روحت الشغل بجزمة فردة سوداء و فردة بني ( كنت كاتب القصة دي هنا في المنتدي ) و معرفتش غير لما جالي تليفون من البيت بيسألوني انت لابس ايه في رجلك علشان و هما بينطفوا الشقة لقوا جزمتين كل واحدة فيهم فردة واحدة و التانية مش لاقينها
و ساعات بقعد ادور على الموبايل و انا بتكلم فيه و اقول للي معايا ثواني علشان مش لاقي الموبايل ( دي بتحصل كتير قوي )
و اركن العربية و اسيب الشبابيك مفتوحة حتى لو في ميدان الجيزة
ربنا يستر عليا
ده حتى مرة جوز اختي بيكلمني بيقولي آسر عامل ايه قولتله آسر مين
على فكرة آسر ده أبني

شوف يا باشا ... كله عادى و بيحصل معانا

لكن حتة محمد عبد النبى دى اللى جالك و كلمك هى دى اللى عاملة المشكلة كلها
طب مش يمكن حد تانى اللى جالك و انت اتلخبطت فيه ؟؟
اللهم اجعل كلامنا خفيف عليهم :k39:(هى هى هوو هو ها ها هع هع)
على فكرة
، ياريت بلاش نذكر اسامى منعا لأحراج اى حد .. ولا رأيكم ايه

هههههههههههه شوفت انا عملت زيك
ايه جاب دريفت هنا
معلش اصلي لسه كنت بشوف صورة ابن دريفت في توقيعه وبقول عليه شبه صورة اسر ابنك الي كانت في توقيعك
ماشاء الله عليهم ربنا يخليهم

يا مساء الفل
ايه يا جدعان
انتوا واكلين و شاربين ايه النهاردة
ولا كنتم قاعدين مع اللى كانوا شغالين معايا فى العملية ؟؟؟

مرة كنت فى مامورية
فقلت لمدير الادارة انا عايز شاشة ( يعنى عايز اقعد على شاشة متوصلة على سيستم الشركة علشان اطلع منها بيانات )
فاتصل بموظف عنده على اساس انه يفضى شاشة قام قايله
استاذ / احمد عايز شاشة
الموظف : يعنى اجيبها عندك

حلوة بجد دى
ده عبقرى زمانه:k47:

فاجئني بإنه جايبلي ك تفاح اصفر صغير ليا ولزمايلي في الشغل

حب بطريقته يعمل معانا واجب
طبعا المعنى كان واضح جدا .. إنه لا رشوة ولا تسليك مصالح ولا حاجة ... ده موقف عفوي ... دخل قلوبنا كلنا ... وشكرنا جدا ... وكان ماشي مبسوط على الآخر

يا سيدى على الهدايا
كل شغلانة و فوايدها
يا عينى علينا
ده انا اكبر هدية جت لى من عيان كانت قفص برتقال:k17:
ناس ليها بخت صحيح (باعمل قاسم السماوى ها ها ها)

[نور العمر]

ههههههههههههههههههههههههههه

مش أي حد بردو

هههههههههههههه

[هيثم]

الحمد لله يا دكتور ربنا ستر

بس حضرتك مش شايف ان في استهتار زيادة بصحة المرضى سواء من الحكيمة خفيفة الدم او طبيب التخدير اللي على ماعرف لازم يكون متواجد طول فترة العملية مع المريض ... لا وكمان داخل بمج النسكافيه
طيب لو لا قدر الله مكنش لحق يخدر المريض تاني ذنبه ايه المريض في المشاكل اللي كانت هتحصل له!!!!!

الحياة جميله بالاضافه الى ان احنا اكيد ف مصر انا عايز اقول ان حجم الفساد و الاهمال ويمكن الدلع ف مستشفيات المحروسة يخض انا بيتحكيلى كتير جدا من اقاريبى ومعارفى عن ناس زينا كده بيموتو ف المستشفيات نتيجه للفساد و الاهمال ويمكن الدلع والكارثه ان محدش بيحاسب حد الستشفى النهارده بقى اسوء من قسم الشرطه لازم لما تخشه تبقا عارف حد جواه عشان تضمن انك تلاقى الحد الادنى من العناية اللى تليق ببنى ادم

[maka]

خلينى ابتدى انا
بس بلاش حد يفهم غلط
ده مش بيحصل دايما
دى مرة و عدت و ربنا ستر
طبعا تم حذف الأسماء و الأستعاضة عنها بفلان و فلانة

أغرب ذكريات فى غرفة العمليات
مقطع من عمليه مياه بيضاء

أنا- ياللا بقى العدسة علشان نزرع

حكيمة العمليات- ال 115 و لا ال 118


انا- الله ؟ هى اول مرة تقفى معايا فى عملية يا فلانة ، 118 طبعا


حكيمة العمليات- اتفضل


انا- شكرا


انا- الله الله ، العيان باينه بيصحى !!! ده عمال يحزق جامد !!


المساعد- فعلا يا بيه ، ايده ابتدت تتحرك!!!


انا- (بصوت عالى) يا دكتور فلان (بتاع التخدير) ، العيان بيصحى


دكتور التخدير- (بصوت بعيد من خارج غرفة العمليات) ها ها ها ، ماتسيبه يصحى ، انت زعلان ليه ؟


انا- انت يا جدع ، انا باتكلم بجد العيان بيصحى و ابتدى يحزق و انا بازرع العدسة ، كده الدنيا هاتبوظ


دكتور التخدير- انا جاى اهوه (يفتح باب العمليات بتراخى بيد بينما يحمل مج النسكافيه باليد الأخرى)


انا- بسرعة شوية يا فلان ، ال iris (القزحية) طلع نصها بره و كده ال posterior capsule (المحفظة الخلفية اللى بنزرع عليها العدسة جوه العين) ها تفرقع ، ياللا بقى الله يخرب بيتك


دكتور التخدير- (بقلق بعض النظر الى قراءات الأجهزة امامه) ده صحى فعلا


انا- (بصوت عالى) امال انا بهرج معاك؟


دكتور التخدير- طب اصبر لما انيمه تانى


انا- لا اله الا الله ... ايه ده ؟؟


المساعد- فيه ايه يا بيه؟


حكيمة العمليات- مالك يا دكتور شريف ؟


انا- العدسة باينها هاتسقط جوه العين !! يظهر ال posterior capsule فرقعت ... منك لله يا فلان (دعاء قصير على دكتور التخدير)


انا- بسرعة يا فلانة ، ادينى هوسكنز امسك العدسة بسرعة قبل ما تقع جوه العين !!!


حكيمة العمليات- انت تأمر يا باشا ، هوسكنز و لا باراكير و لا ماكفيرسون ، كله تحت امرك


انا- انت هاتسمعينى وصلة غنا ، اوعى كده من قدام ترابيزة الآلات (و امد يدى بسرعة لآخذ الآلة المطلوبة مادامت الحكيمة هانم لسه ما ناولتنيش اى حاجة و الوقت بيجرى)


انا- الحمد لله ... لحقت العدسة قبل ما تقع جوه العين


المساعد- مش ممكن يا بيه .. انا مش مصدق انك لحقتها ، ده انا شايفها و هى بتقع جوه العين ، انت جبتها ازاى ؟؟ (طبعا سؤال مش فى وقته ابدا ، هو الواحد هايلحق المصيبة ولا يشرح)


انا- هو ده وقته ؟ ايه ده ؟


انا- و دلوقت هاتى العدسة التانية


حكيمة العمليات- ال 115


انا- طبعا ... انتى مش نبرتى فيها من الأول ... منكم لله كلكم

ملحوظة ... بفضل الله وحده انتهت العملية على خير برغم العالم اللى مالهاش لازمة اللى كانوا شغالين معايا و العيان دلوقتى نظره 6/9 بالنظارة و عمره دلوقتى 68 سنة (فات 4 سنين على العملية اللى ربنا كتب لها النجاح بمعجزة منه)

بالذمة نعمل ايه فى البرود و التخلف ده ؟؟ و بعد كده يقولوا ليه الجراحين بيجيلهم ضغط بدرى ؟؟

يا دكتور انا اتقرفت حرام عليك دى مواقف مقرفة مش مضحكة

[Dr.SherifMansy]

يا دكتور انا اتقرفت حرام عليك دى مواقف مقرفة مش مضحكة

انا قلت فى عنوان المشاركة "موقف غريب او مضحك"
و بعدين كل واحد و له وجهة نظر
واحد شايفه غريب ، التانى شايفه مضحك
و اخيرا ماعتقدش ان كلامى كان فيه حاجة مقرفة او اى حاجة توحى بالقرف ، مع احترامى لسيادتك
و تحياتى