اكتب موقف غريب او مضحك حصل فى شغلك

[Dr.SherifMansy]

لا يا دكتور ماتقلقش عليا اخدت الفلوس طبعا هى مش حصة ده كان شهر بس برده بما ان هى ست باردة مش دفعت اللى اتفقنا عليه وبالتالى لما اتصلت بيا عشان اروح اراجع للعيال ليلة الامتحان ولا عبرتها
العين بالعين والسن بالسن والبادى اظلم

لأ برافو عليكى يا بسكوته
طلعتى ناصحة
بس عندى طلب صغنن لو سمحت ...
سيبى العينين فى حالها ... كفاية السن بالسن ... انا لسه راجع من المستشفى و كلها ساعتين و انزل العيادة ... مش طالبة انى اعالج عيون تانى فى ساعتين الراحة اليتامى بتوعى

[Samah AbdAllah]

بمناسبة العين يا طبيب انا عندى طول نظر يعنى تقدر تقول بالظبط كده +0.5 وكل ما اعمل نظارة اسيبها لانى بشوف من غيرها احسن كمان فى استجماتيزم
ايه رايك اهو اشتغل الساعتين دول كمان زود دخلك

[Dr.SherifMansy]

بمناسبة العين يا طبيب انا عندى طول نظر يعنى تقدر تقول بالظبط كده +0.5 وكل ما اعمل نظارة اسيبها لانى بشوف من غيرها احسن كمان فى استجماتيزم
ايه رايك اهو اشتغل الساعتين دول كمان زود دخلك

حاضر يا ستى
مع انى عامل موضوع للأسئلة و لكن هارد هنا علشان خاطرك (كفاية اللى حصل لك من العيال و امهم فى الدرس العجيب ده)

كلنا عندنا عضلة داخل العين اسمها العضلة الهدبية لأن متعلق فيعا أهداب (اربطة) ماسكة عدسة العين ، و العضلة دى مسئولة عن رؤية البعيد و القريب ، لما الواحد (السليم طبعا و ماعندوش مقاسات فى عينيه) يبص لبعيد بتكون العضلة مرتخية و مابتعملش اى مجهود ، و لما يبص للقريب بتنقبض فقوة العدسة تزيد و الواحد يشوف القريب (يعنى بتبذل مجهود مع القريب)

فى حالتك (او اى شخص عتده طول نظر) بتكون العين اصغر مما يجب (او قوة العدسة (مجازا) اضعف مما يجب) فتنقبض العضلة عند رؤية البعيد و بالتالى تنقبض بقوة اكثر لرؤية القريب ، يعنى مجهود مضاعف ... تبقى العضلة شغالة على طول ما بتريحش ... و ده بيجهد العين و ممكن يسبب صداع على نصف او آخر اليوم

طبعا حضرتك كده كده شايفة و لكن الفرق ان لما بتلبسى النظارة بتشيلى الجهد من على العضلة المسكينة التعبانة بتاعتك

و هنا لازم أأكد على مريض طول النظر ان النظارة للراحة اكثر من كونها للتوضيح

يعنى لو لبستى النظارة بتاعتك تريحى عينك من المجهود و تكسبى ثواب فى عضلة عينك الغلبانة دى

و على فكرة ، كل الواحد ما يكبر فى السن بيحتاج النظارة اكتر لأن العين بتكون تعبت سنين اكتر

ارجو اكون وضحت الموقف

بالنسبة للفيزيتا فأى حاجة مقبولة ، ساندوتشات ، عصائر ، اكسسوار للعربية ، الخ الخ ... اى حاجة تنفع فى الزمان ده

[A.Saad]

ايه
مفيش مواقف جديدة تانى

[Samah AbdAllah]

بارك الله فيك يا احمد
فكرتنا بالموضوعات دى
كان موضوع جميل فعلا
نستنى مواقف الاعضاء الجدد واللى معاصروش الموضوع ده

[pro_samir]

حكايه تانيه مع نفس المدير الغتت

فى مره شاف معايا الشنطه اللى بنبيع فيها الكتب

المهم قالى الشنطه دى ازاى انت مخليها معاك كده (شافنى حاطط فيها جركن زيت العربيه )

بصراحه الشنطه شكلها حلو جدا

المهم قولتله كان فى عميل وصلتله الكتب بليل بحكم انه ساكن جنبى و الراجل مرضيش ياخد الشنطه فنسيتها فى العربيه و بعد كده قولت احط فيها الزيت (بغتت عليه )

قالى انت تعرف الشنطه دى بكام يا استاذ ثم انه كمان ممنوع ان اى حد ياخد الشنط دى غير العملاء فقط

قولتله ماهو العميل انا و ديتله فيها الحاجه و مرضيش ياخدها اعمل ايع يعنى ثم هيه الشنطه دى بكام يعنى

قالى 1.25 تخيلوا جنيه و ربع

قولتله خلاص خد 1.5 و اطلع من دماغى

اكيد هي مش قصة الجنيه وربع

عندي في الشركه كنت بتشل من الناس علشان بيستعملو اكياس الشركه في باسكيت الزباله
يعني كل يوم يرمو كيس وكام شهر ونعمل اكياس ب5000 جنيه !

كنت شايفها كده مش قصة الكيس واقف بكام ، أيا كان ماهو بفلوس

غير ان كيس عليه اسم الشركه يبقي فيه زباله ده موضوع تاني

[Ahmed_Rahem]

الموقف دة حصل لمجموعة زمايلى فى الشغل ومتصور كمان. انا شغال مراجع حسابات فى مكتب كبير.
الزملاء كانوا فريق عمل ولدين وبنتين فى شركة لسة ناقلة المقر بتاعها لمساكن شيراتون، المهم ادوهم دور كامل علشان يشتغلوا فية بعيد عن دوشة التشطيبات فى باقى الادوار. فى يوم وهما شغالين طلعلهم برص - ايوة برص ومن الاحجام الكبيرة كمان - واحد من الشابين قلبة ميت بمعنى الكلمة، اصطاد البرص والتانى صورة . لهنا نص الحكاية عادية! اية الجديد!
انهم حاولوا يواروا البنات البرص والمهرجان اشتغل صويت وجرى على الحمام وترزيع ابواب - كلة متصور - وتوسلات علشان يبعن البرص عنهم.
وكانت حكاية لفترة طويلة فى المكتب.

موقف تانى فى المكتب كل 3 مكاتب (برتشين، لزقين فى بعض) ليهم عدة تليفون واحدة، العدة الى كانت عندى كانت بتقطع، قام زميلى راح نقلها وفك السماعة وبدلها مع برتشين تانى غير مستعمل وسابها. المضحك ان واحد كان معدى وحب يعمل تليفون قام رفع السماعة ودرب الرقم - من غير ميحط السماعة على ودنة - وفضل مستنى ان حد يرد علية، واحنا غرقانين فى الضحك وهو مش فاهم ان العدة مش متوصلة بالسلك دة غير انها باسظة وكمان مش متوصلة بالسماعة الى فى ايدة :).

اول يوم عمل وانا فى شؤون الافراد بمضى العقد يخش واحد ايدة مكسورة ومعاة اجازة مرضى، خير اية الى حصل سلامتك، اصل المدير المالى بتاع المصنع قال للعمال دول مش عايزين يصرفولكوا مكافأة وعينك متشوف الا النور والعمال هجموا عليهم!!

[Ahmed_Rahem]

الموقف دة حصل لمجموعة زمايلى فى الشغل ومتصور كمان. انا شغال مراجع حسابات فى مكتب كبير.
الزملاء كانوا فريق عمل ولدين وبنتين فى شركة لسة ناقلة المقر بتاعها لمساكن شيراتون، المهم ادوهم دور كامل علشان يشتغلوا فية بعيد عن دوشة التشطيبات فى باقى الادوار. فى يوم وهما شغالين طلعلهم برص - ايوة برص ومن الاحجام الكبيرة كمان - واحد من الشابين قلبة ميت بمعنى الكلمة، اصطاد البرص والتانى صورة . لهنا نص الحكاية عادية! اية الجديد!
انهم حاولوا يواروا البنات البرص والمهرجان اشتغل صويت وجرى على الحمام وترزيع ابواب - كلة متصور - وتوسلات علشان يبعن البرص عنهم.
وكانت حكاية لفترة طويلة فى المكتب.

موقف تانى فى المكتب كل 3 مكاتب (برتشين، لزقين فى بعض) ليهم عدة تليفون واحدة، العدة الى كانت عندى كانت بتقطع، قام زميلى راح نقلها وفك السماعة وبدلها مع برتشين تانى غير مستعمل وسابها. المضحك ان واحد كان معدى وحب يعمل تليفون قام رفع السماعة ودرب الرقم - من غير ميحط السماعة على ودنة - وفضل مستنى ان حد يرد علية، واحنا غرقانين فى الضحك وهو مش فاهم ان العدة مش متوصلة بالسلك دة غير انها باسظة وكمان مش متوصلة بالسماعة الى فى ايدة :).

اول يوم عمل وانا فى شؤون الافراد بمضى العقد يخش واحد ايدة مكسورة ومعاة اجازة مرضى، خير اية الى حصل سلامتك، اصل المدير المالى بتاع المصنع قال للعمال دول مش عايزين يصرفولكوا مكافأة وعينك متشوف الا النور والعمال هجموا عليهم!!