إعـــــــلان

Collapse

.

,
See more
See less

اكتب موقف غريب او مضحك حصل فى شغلك

Collapse
X
Collapse
 
  • Page of 4
  • Filter
  • الوقت
  • Show
Clear All
new posts
السابق 1 2 3 4 template التالي
  • #31
    سؤال خارج الموضوع هوه ليه روشته الدواء بتتكتب بخط صغير جدا جدا !!!
    انا مره حصلى موقف جميل جدا
    واحد شغال فى سفاره مصر فى إحدى الدول العربيه ..
    كان جاى يشترى شقه فى عماره كنت بنفذها المهم الشقه عجبته و بعدين شاف عمود بارز عن الحيطه شويه المهم قالى انه هيشيله عشان يخلى منظر الحيطه كويس . المهم قلتله مينفعش .والراجل مصر انه ممكن يتشال عادى طالما ان العمود فى شقته ومش شقه حد تانى.وأقنع فى الراجل ان الأعمده دى مستحيل تتشال وهوه أبدا لا يمكن ..وانت قلتلى انه مسموح لى انى اعمل أى تعديلات فى الشقه من الداخل طالما مش هأثر على الواجهه
    والحمد لله رجعت فى البيعه بدل ما يطلع ؟؟؟؟ ويوقع العماره ولا حاجه.
    [img3]http://img72.imageshack.us/img72/4968/logo2g.png[/img3]

    Comment

    • #32
      كنت مسؤول عن احد مشاريع الشبكات التليفونيه في احد القري ببحري , و المهم في حاجه اسمها كابينه الهاتف و ده عباره عن صندوق يجمع جميع خطوط الهاتف في المنطقه و الصندوق ده بيتثبت علي قاعده خرسانيه , المشكله حصلت لما الشركه المنفذه اللي انا بشرف عليهم قامت تحفر عشان تنزل القاعده الخرسانيه زي الرسومات ما بتوضح
      في مكان معين , الأهالي اعترضوا و مفيش حد يشتغل هنا ! ازاي يا جماعه ؟ طيب نحاول ننقل مكانها في المكان المقابل برضه الناس تعترض و تقول هو انتوا معرفتوش تحطوها هناك و هتحطوها هنا هو احنا حيطه مايله يعني ! محدش هيحط حاجه هنا ! طبعا اتضح فيما بعد ان المنطقه بالكامل يسكن بهه اقارب و الظاهر ان لايوجد بينهم عمار و خلافات رغم انهم موسريين . طبعا الشركه اشتكت لي و عايزيين اتدخل عشان احل المشكله لان الحل البديل لا زم اوافق عليه اللي هو ممكن نرحل مكانها مسافه قدام , طبعا بتاع الشركه مصلحته الحل ده لان هيزيدكميه العمل و بالتالي ربحه , و لكني رفضت و قلت دي منفعه عامه و اللي معترض علي مكانها ( بدون سبب حقيقي و غير مبرر و مجرد عند بين الأهالي ) يتفضل ينقلها علي حسابه , اخدت الشركه و قلتلهم احفروا هنا و انا معاكم , طبعا الأهالي اصحاب المنطقه اتلموا تاني من كل جنس ( رجال و شباب و نساء و اطفال ) و النساء اللي كانت بتتكلم معايا , و فيه ست كبيره في السن قعدت تزعق , اطلعوا من هنا محدش هيحط حاجه , ازاي يا حاجه هو الشارع بتاعك ده ملك الحكومه , آه الشارع ده ملكنا و مفيش حد هيحط مسمار , نعم هو في شارع ملك ؟!! و طبعا الموقف تأزم بالنسبه لي بعد ما جاء احدهم و كان جزار و معاه سكاكين و الموضوع تحول لبلطجه . طبعا خلاص استعديت للمواجهه وخلاص هروح اعمل محضر في الشرطه و يمكن هروح مديريه الأمن نفسها و اعمل محضر تعدي علي موظف عام , المهم ربنا بعتلي واحد قبل ما اعمل الخطوه دي الراجل ده كان بيشتغل في مجلس المدينه و من اهالي القريه دي , و قالي يا بشمهندس الشارع ده ملكهم فعلا , نعم يا حبيبي انت هتشغلني انت كمان ؟ قعد يحلفلي و فهمني ان الجماعه دول اشتروا الأرض قديما و كل واحد بني علي ملكه وترك 2 متر من كل جانب و بالتالي ده يعتبر ملكيه خاصه بدليل ان الشارع ده مسدود ولا ينفذ علي الناحيه التانيه , و عشان يقنعني اكتر قمنا و فرجني علي شوارع تانيه في نفس القريه ليها نفس الوضع , المهم اقتنعت بالكلام ده اللي اكده ناس تانيه , المهم حسيت بالذنب تجاه الناس دول و اني سببت لهم ازعاج بدون سبب و انهم علي حق فذهبت اليهم مبديا اسفي علي ما حدث و ان ما كنتش اعرف الموضوع ده و ان في المدينه عندنا مفيش حاجه اسمها شوارع ملك , و تقبلوا اعتذاري و قابلوني بترحاب , و انتهي الموضوع
      zozoderaz سابقا

      Comment

      • #33
        المشاركة الأصلية كتبت بواسطة lancer92 مشاهدة المشاركة
        بلاش نجيب سيرة عمليات علشان يظهر الناس بتزعل ...

        خللونى احكى لكم عن موقف و انا لسه نائب صغنن فى اول تعيينى

        كنت فى العيادة فى المستشفى عندنا و كانت ساعتها غرفتين بينهم باب (مفتوح طبعا) و كنت قاعد فى اول اوضة

        كنت باعمل نظارة لطالبة فى الجامعة (اعلى درجة من التعليم فى مصر ... التعليم الجامعى)

        و بعد ما اخدت مقاس الكومبيوتر قعدت و لبستها الشنبر Trial Frame علشان نجرب العدسات لعمل مقاس النظارة

        قبل ما احط اى عدسة راحت قايلة : كل حاجة مزغللة و مش واضحة

        حطيت اول عدسة و لما سألتها اذا كانت ابتدت تشوف احسن كده

        ردت و قالت : كل حاجة مزغللة و مش واضحة

        غيرت بعدسة اقوى و سألتها نفس السؤال

        قالت : كل حاجة مزغللة و مش واضحة

        زودت المقاس اكتر و سألتها تانى

        قالت : كل حاجة مزغللة و مش واضحة

        قللت المقاس عن اول مرة و سألتها

        قالت : كل حاجة مزغللة و مش واضحة

        قعدت اطلع و انزل فى المقاسات و عدت الكومبيوتر مرتين (قلت يمكن مقاسه فيه غلط) و لكن نفس المقاسات طلعت هى هى

        و بعد فترة من التجارب فوق النصف ساعة (رقم قياسى لأطول وقت عمل نظارة) اتنرفزت و كنت هاتجنن و قلت لها : ماهو مش معقول بعد ماجربنا العدسات دى كلها و مش شايفة حتى اكبر علامة فى لوحة العلامات فى المراية

        بصت بقمة الأستغراب و قالت لى : لوحة علامات ايه ؟؟ و مراية ايه يا دكتور ؟؟ آه ... هو انت قصدك اللوحة اللى قدامى دى فى المراية ؟؟؟ هو المفروض انى ابص عليها ؟؟؟

        سألتها و انا فى قمة الذهول من ردها : امال انت كنت بتبصى فين ؟؟؟

        شاورت لى الهانم على دولاب ادوية فى آخر الأوضة الثانية (حاجة كده حوالى 8-9 متر بعيد عنا) و قالت بمنتهى البراءة : ده انا كنت باحاول اقرأ الكتابة اللى على علب الدواء فى الدولاب و ماكنتش شايفاها ...

        :k48::k48::k48::k48::k48::k48::k48::k48:

        هي بس تقريبا خلطت ما بين كشف النضارة و كشف التليسكوب
        [COLOR="DarkOrchid"][SIZE="3"][I][CENTER]il n’est pire aveugle que celui qui ne veut pas voir[/CENTER][/I][/SIZE][/COLOR]

        Comment

        • #34
          حكايه تانيه مع نفس المدير الغتت

          فى مره شاف معايا الشنطه اللى بنبيع فيها الكتب

          المهم قالى الشنطه دى ازاى انت مخليها معاك كده (شافنى حاطط فيها جركن زيت العربيه )

          بصراحه الشنطه شكلها حلو جدا

          المهم قولتله كان فى عميل وصلتله الكتب بليل بحكم انه ساكن جنبى و الراجل مرضيش ياخد الشنطه فنسيتها فى العربيه و بعد كده قولت احط فيها الزيت (بغتت عليه )

          قالى انت تعرف الشنطه دى بكام يا استاذ ثم انه كمان ممنوع ان اى حد ياخد الشنط دى غير العملاء فقط

          قولتله ماهو العميل انا و ديتله فيها الحاجه و مرضيش ياخدها اعمل ايع يعنى ثم هيه الشنطه دى بكام يعنى

          قالى 1.25 تخيلوا جنيه و ربع

          قولتله خلاص خد 1.5 و اطلع من دماغى
          [CENTER][SIZE=5][COLOR=gray][COLOR=#000000][SIZE=5][FONT=Times New Roman][B][SIZE=6][COLOR=blue]سبحان الله و بحمده سبحان الله العظيم[/COLOR][/SIZE][/B][/FONT][/SIZE][/COLOR][/COLOR][/SIZE][SIZE=5][COLOR=gray][COLOR=#000000][SIZE=5][/CENTER]
          [CENTER][CENTER][FONT=Times New Roman][B][SIZE=6][COLOR=blue][/COLOR][/SIZE][/B][/FONT][/CENTER]
          [/SIZE][/COLOR][/COLOR][/SIZE][/CENTER]

          Comment

          • #35
            كان عندنا دكتور بعد ما خلص المحاضرة نزل روح ونام في البيت
            المهم مراته صحيته من النوم وقالتله عايزة مفاتيح العربية علشان تروح الجامعة, اداها المفاتيح وكمل نوم عادي جدا
            بعد 10 دقايق طلعت تقوله العربية مش موجودة تحت البيت، طبعا الراجل هاج وماج راح طالع علي القسم علشان يعمل محضر بسرقة العربية
            المهم ما أطولش عليكم قولوا طول
            بعد اسبوع كده الخبر انتشر والطلبه كلها عرفت، المهم قمت رايح للدكتور وعلي استحياء سالتة هي عربية حضرتك اتسرقت
            قالي اه ناس مهندهاش دم ولات تييييييت مفكرين دكتور الجامعة دا بيجيب الفولوس من الهو...........
            اسمحلي يا دكتور عربية حضرتك مركونة في الجراش بتاع الجامعة قدام باب الكلية،
            الغريب فعلا انه خلال الاسبوع كل يوم بيعدي عليها !!!!!!!
            طبعا انا جبت امتياز في المادة بالمناسبة العربية 128 موديل 82
            [CENTER][SIZE=3]قدرنا كمصريين ان نصنع التاريخ ولا نعيشة
            أن نضيء للأمم الدرب ونتعثر في دياجير الظلام[/SIZE][FONT=Tahoma][SIZE=3][COLOR=#006800][SIZE=2]
            [/SIZE][/COLOR][/SIZE][/FONT] [/CENTER]

            Comment

            • #36
              المشاركة الأصلية كتبت بواسطة madyyuri مشاهدة المشاركة
              كان عندنا دكتور بعد ما خلص المحاضرة نزل روح ونام في البيت
              المهم مراته صحيته من النوم وقالتله عايزة مفاتيح العربية علشان تروح الجامعة, اداها المفاتيح وكمل نوم عادي جدا
              بعد 10 دقايق طلعت تقوله العربية مش موجودة تحت البيت، طبعا الراجل هاج وماج راح طالع علي القسم علشان يعمل محضر بسرقة العربية
              المهم ما أطولش عليكم قولوا طول
              بعد اسبوع كده الخبر انتشر والطلبه كلها عرفت، المهم قمت رايح للدكتور وعلي استحياء سالتة هي عربية حضرتك اتسرقت
              قالي اه ناس مهندهاش دم ولات تييييييت مفكرين دكتور الجامعة دا بيجيب الفولوس من الهو...........
              اسمحلي يا دكتور عربية حضرتك مركونة في الجراش بتاع الجامعة قدام باب الكلية،
              الغريب فعلا انه خلال الاسبوع كل يوم بيعدي عليها !!!!!!!
              طبعا انا جبت امتياز في المادة بالمناسبة العربية 128 موديل 82

              الله يكون فى عونه جننتم الراجل
              هههههههههه
              وجعلناكم شعوبا وقبائل لتعارفوا

              Comment

              • #37
                بالنسبة لسؤل الروشتة ... مين قال خطها صغير ؟؟؟؟
                ده فيه ناس بتكتب روشتات ولا رسومات الفراعنة على الحيطان ....

                نرجع بقى للمواقف فى الشغل

                عندنا فى المستشفى لعنة سنوية اسمها "الكشف الطبى لدخول الكليات" و ده بيبقى اسبوعين مرهقين و متعبين و مملين و ... و ... و ... كل حاجة ، و الحمد لله ان عندنا المرحلتين الأولى و الثانية بس ... ده لو كان كل المراحل كان زمان الواحد اتجنن

                طبعا فيه ناس بتسأل و تقول ليه يعنى ؟؟؟

                تخيل لو انت مطالب انت و عدد 8 من زملائك تكشفوا على 2000 - 2500 طالب يوميا (قياس نظر بالعلامات و ملاحظة اى مشاكل ظاهرة) ... فى 6 ساعات فقط ... 3 ساعات بنات و 3 ساعات ولاد ...

                و تعمل ايه لو الأجابات بالطريقة دى :

                مرة بأسأل طالب فى العلامات علشان قياس النظر
                *أنا : العلامة دى مفتوحة منين ؟
                *الطالب : يمّة دوار العمدة .. (بكسر الدال)
                * أنا : نعم ؟؟؟ مفتوحة منين ؟؟
                * الطالب : يمّة دوار العمدة (يضغط على مخارج الحروف علشان يسمعنى و كأنى جاهل مش عارف الأتجاهات الحديثة بتاعته)
                * انا (مندهشا) : طب و العلامة دى مفتوحة منين ؟
                * الطالب : يمّة الزريبِة . (بكسر الباء)

                احنا متعودين نسمع "قبلى" و "بحرى" أو "مقبلة" و "مبحرة" على اليمين و الشمال ، و لكن اول مرة اسمع الكلام بتاعه ده ...
                و كنت مذهول لما الولد طلع مش بيهرج و بيتكلم بجد ، و لما قعدت اسايسه و احايله علشان افهم منه ، طلع ان "دوار العمدة" يمين بيتهم و ان "الزريبة" شمال بيتهم فى البلد ....!!!!! (طبعا المفروض ان الناس تكون عارفة المعالم الشهيرة دى)...
                [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
                [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
                [CENTER][COLOR=DarkGreen][B][SIZE=5]الصحة تاج على رؤوس الأصحاء
                لا يراه إلا المرضى
                [/SIZE][/B][/COLOR] [/CENTER]

                Comment

                • #38
                  المشاركة الأصلية كتبت بواسطة lancer92 مشاهدة المشاركة
                  بالنسبة لسؤل الروشتة ... مين قال خطها صغير ؟؟؟؟
                  ده فيه ناس بتكتب روشتات ولا رسومات الفراعنة على الحيطان ....

                  نرجع بقى للمواقف فى الشغل

                  عندنا فى المستشفى لعنة سنوية اسمها "الكشف الطبى لدخول الكليات" و ده بيبقى اسبوعين مرهقين و متعبين و مملين و ... و ... و ... كل حاجة ، و الحمد لله ان عندنا المرحلتين الأولى و الثانية بس ... ده لو كان كل المراحل كان زمان الواحد اتجنن

                  طبعا فيه ناس بتسأل و تقول ليه يعنى ؟؟؟

                  تخيل لو انت مطالب انت و عدد 8 من زملائك تكشفوا على 2000 - 2500 طالب يوميا (قياس نظر بالعلامات و ملاحظة اى مشاكل ظاهرة) ... فى 6 ساعات فقط ... 3 ساعات بنات و 3 ساعات ولاد ...

                  و تعمل ايه لو الأجابات بالطريقة دى :

                  مرة بأسأل طالب فى العلامات علشان قياس النظر
                  *أنا : العلامة دى مفتوحة منين ؟
                  *الطالب : يمّة دوار العمدة .. (بكسر الدال)
                  * أنا : نعم ؟؟؟ مفتوحة منين ؟؟
                  * الطالب : يمّة دوار العمدة (يضغط على مخارج الحروف علشان يسمعنى و كأنى جاهل مش عارف الأتجاهات الحديثة بتاعته)
                  * انا (مندهشا) : طب و العلامة دى مفتوحة منين ؟
                  * الطالب : يمّة الزريبِة . (بكسر الباء)

                  احنا متعودين نسمع "قبلى" و "بحرى" أو "مقبلة" و "مبحرة" على اليمين و الشمال ، و لكن اول مرة اسمع الكلام بتاعه ده ...
                  و كنت مذهول لما الولد طلع مش بيهرج و بيتكلم بجد ، و لما قعدت اسايسه و احايله علشان افهم منه ، طلع ان "دوار العمدة" يمين بيتهم و ان "الزريبة" شمال بيتهم فى البلد ....!!!!! (طبعا المفروض ان الناس تكون عارفة المعالم الشهيرة دى)...
                  ههههههههههههههههههههههههههههههه
                  دى عالم فى الضياع خالص
                  اعتقد يا دكتور ان لو شاورت له على علامة لتحت كان قالك قبر أبويا
                  [RIGHT][B][FONT=Arial Black][COLOR=black][FONT=Arial Black][SIZE=4][COLOR=black][B][U]محمد الفوال[/U][/B][/COLOR][/SIZE][/FONT][/COLOR][/FONT][/B][/RIGHT]
                  [CENTER][SIZE=4][COLOR=seagreen][B]أحب الصالحين ولست منهم لعلي أن أنال بهـم شفاعـة [/B][/COLOR][/SIZE][/CENTER]
                  [CENTER][B][SIZE=4][COLOR=seagreen]وأكره من تجارته المعاصي ولو كنا سواء في البضاعة[/COLOR][/SIZE][/B][/CENTER]

                  Comment

                  • #39
                    ههههههههههههههههههههههه

                    بجد حاجة مش معقولة

                    والله تنفع اكسبريشن ( لازمة ) في الحوار

                    وأنا بالعربية أدي إشارة يمة دوار العمدة

                    وإشارة يمة الزريبة ... ههههههههههههههههههههه

                    والفلاشر ..يبقا جوة الدوار

                    هههههههههههههههههههههههههه .... ناس محصلتش

                    الله يكون في عونك يا دكتور
                    [CENTER] [SIGPIC][/SIGPIC]
                    كم أحبك يا الله
                    [/CENTER]

                    Comment

                    • #40
                      بمناسبة الكشف الطبى برضه

                      مره بأسأل طالب فى العلامات
                      * أنا : العلامة دى مفتوحة منين ؟؟
                      * الطالب : الأتجاه الحقيقة ولا حسب المراية ؟؟
                      * أنا : ازاى يابنى ؟؟ هو فيه فرق ؟؟
                      * الطالب : (بذكاء و استعلاء زى اللى جاب الديب من ديله) طبعا يا دكتور .. ما هى المراية بتعكس كل حاجة ... هو انت مش واخد بالك ولا ايه يا دكتور ؟؟؟
                      * أنا : (بابتسامة عريضة من الغيظ) طب العلامة دى فى المراية مفتوحة منين ؟؟
                      * الطالب : (بثقة مع هزة رأس) على حسب المراية تبقى يمين ...
                      * أنا : طب لف راسك و بص على لوحة العلامات و قول لى نفس العلامة مفتوحة منين ؟؟
                      * الطالب (متلعثما و وجهه عرقان و احمر من الكسوف) هه ... طلعت يمين برضه ...
                      * أنا : (بنفاذ صبر) ايه رأيك بقى ؟؟؟
                      * الطالب : معلش يا دكتور ... أصل انا لما جيت جاى المستشفى ... نزلت فى ميدان الجيزة ... ما بقيتش عارف لا يمينى من شمالى و لا راسى من رجليا ....

                      ما بقاش عارف يمينه من شماله و لا راسه من رجليه لما نزل ميدان الجيزة ... تقولشى اسقطوه بالمظلة مثلا فالاتجاهات باظت عنده ؟؟؟

                      و لا ده عنده مشكلة فقدان الاتجاهات فى الميادين (مرض جديد لسه ماحدش سمع عنه او اصيب به الا اخينا ده) ؟؟؟ و هايعمل ايه يا ترى لو نزل ميدان التحرير او روكسى او العتبة مثلا ...

                      الرحمة يا رب

                      و يقولوا الدكاترة بيجيلهم ضغط بدرى ليه ...
                      [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
                      [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
                      [CENTER][COLOR=DarkGreen][B][SIZE=5]الصحة تاج على رؤوس الأصحاء
                      لا يراه إلا المرضى
                      [/SIZE][/B][/COLOR] [/CENTER]

                      Comment

                      • #41
                        ههههههههههههههههههههههههههه
                        [CENTER] [SIGPIC][/SIGPIC]
                        كم أحبك يا الله
                        [/CENTER]

                        Comment

                        • #42
                          اشتغلت فترة مع الماجيستير مدرسة وكنت بدى دروس للاطفال اللى فى المرحلة الابتدائية

                          وفى يوم كنت رايحة ادى درس وكنتى بدى ولد فى 3 ابتدائى وبنت فى 4 والبنت الكبيرة فى 2 اعدادى ال3 اخوات وكنتى بديهم كل واحد لوحده اخلص واحد استلم التانى

                          المهم الولد الصغير ده كان شقى جدا وكل شوية يسيبنى ويقوم يجرى اكلم مامته تقولى معلش استحمليه اصله شقى استحملته وربنا يهدى

                          البنت ال فى 4 بقا اقوله ده مبتدا تقولى لا فعل يابنتى مبتدا تقولى لا فعل مش اسم اصل المدرسة فى المدرسة قالتلى كده يا حبيتى ركزى وشغلى مخك ابدا قولت لمامتها ما ينفعش كده اديها درس عند المدرسة بتاعة المدرسة وريحينى قالتلى لا معلشى اصلها عصبية شوية استحمليها

                          ومعلش هستأذنك اروح مشوار وانتى خللا بالك من العيال لحد ما ارجع

                          ههههههههههههههههههههههههههه

                          جالى صدمة من الكلمة ساعتها قولتلها حضرتك انا عندى شغل ومرتبطة بمواعيد قالت بسرعة وهرجع عقبال ما تخلصى ميعاد الدرس المهم خرجت وسابتنى انا والعيال فى البيت وانا خلصت الدرس وقعدت ييجى ساعتين استناها
                          لا تتخيلوا شكلى ساعتها وعصبيتى
                          المهم دى كانت اخر مرة اروح عندهم واخر مرة اشتغل فى التدريس
                          [CENTER][URL]https://www.facebook.com/NMTechShop/[/URL] [/CENTER]

                          Comment

                          • #43
                            نهاية موفقة يا بسكوتة
                            ههههههههههههههههههه
                            [CENTER] [SIGPIC][/SIGPIC]
                            كم أحبك يا الله
                            [/CENTER]

                            Comment

                            • #44
                              المشاركة الأصلية كتبت بواسطة baskota مشاهدة المشاركة

                              مامته تقولى معلش استحمليه اصله شقى استحملته وربنا يهدى

                              قالتلى لا معلشى اصلها عصبية شوية استحمليها

                              ومعلش هستأذنك اروح مشوار وانتى خللا بالك من العيال لحد ما ارجع

                              قالت بسرعة وهرجع عقبال ما تخلصى ميعاد الدرس المهم خرجت وسابتنى انا والعيال فى البيت وانا خلصت الدرس وقعدت ييجى ساعتين استناها
                              مش ممكن يا بسكوته

                              دى ست عجيبة و باردة

                              كويس انها ماقالتش ليكى "اغسلى الصحون و انشرى الغسيل و قمعى البامية و خرطى الملوخية و طشى التقلية و فلّى العيال بعد ما تخلصى الدرس"

                              المهم انتى بعد كل ده ، اخدت فلوس الحصة الثلاثية ولا انضحك عليكى ؟؟؟
                              [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
                              [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
                              [CENTER][COLOR=DarkGreen][B][SIZE=5]الصحة تاج على رؤوس الأصحاء
                              لا يراه إلا المرضى
                              [/SIZE][/B][/COLOR] [/CENTER]

                              Comment

                              • #45
                                لا يا دكتور ماتقلقش عليا اخدت الفلوس طبعا هى مش حصة ده كان شهر بس برده بما ان هى ست باردة مش دفعت اللى اتفقنا عليه وبالتالى لما اتصلت بيا عشان اروح اراجع للعيال ليلة الامتحان ولا عبرتها
                                العين بالعين والسن بالسن والبادى اظلم
                                [CENTER][URL]https://www.facebook.com/NMTechShop/[/URL] [/CENTER]

                                Comment

                                السابق 1 2 3 4 template التالي
                                Working...
                                X