تبادل الرسائل الخاصة ....موضوع للنقاش

[nabaster]

حضرتك تؤمر واى عضو عنده اى استفسار اكيد مش هتأخر عنه لكن فى حدود الاستفسار

بس انا اعرف ان القاهريين لم يكونوا فى شوارع اليكس بيختاروا الجنس اللطيف عشان يسألوهن اعتقادا منهم من ان الرجال هيتوهوهم لكن معتقدش المقولة دى تنطبق على اعضاء نايل موتورز السكندريين

ومقولتليش رايك فى الهدف اللى ادارة عشان عملت الرسائل الخاصة والاسباب التى تدفعك لارسال رسالة خاصة لاحد الاعضاء

هوا اولا شكرا لذوقك

ثانيا بصراحه شايف الموضوع صعب شويه اني هكتب رساله واستني تردي وبتاع غير اني الي مردهوش علي نفسي مردهوش علي غيري ولو كان مجرد استفسار

انا بقي احسنلي اتصل علي حد من حبايبي علي الاقل اضمن اني الاقي حد مستني لما اوصل وكمان مش هبقي عايل هم غدا اليوم ده

A.Yakout

[nabaster]

انا مرضتش اكتب تعليق مماثل فى ردى الاول على اعتبار اننا كلنا ناس محترمة

لكن واضح ان فيه ناس ينقصها الاحترام و بالبلدى كدة بتحاول "تحك نفسها" و ارجو منك انك تخاطبى الادارة فى هذا الشان لاتخاذ اللازم لاننا ميشرفناش ان يبقى فى وسطنا الاصناف دى

MMamdouh

جبت المفيد يا رايس

A.Yakout

[M.Osman]

مع الاحارام لراى حضرتك

اعتقد ان الموضوع لو كان مجرد رد فى رسالة مش هتاخد من وقتى كتير مكنتش هضيع الوقت فى عمل موضوع
لكن ممكن حضرتك تقولى رأيك ايه لو اختك او بنتك او زوجتك كانت عضوة معانا فى المنتدى وجالها رسالة عالخاص بطلب خدمة مرفق معاها رقم الموبايل والخدمة دى قد تتطلب انها تكلم صاحبها هاتفيا او تضطر لمقابلته شخصيا

ضيف على ده لو انت مش عضو فى نايل موتورز ومعندكش فكرة عن المنتدى وعن مدى احترام اعضاؤه
ايه الفكرة اللى هتكونها وهيكون ايه رد فعلك وهل هتسمحلها تكلم اوتقابل هذ العضو؟؟؟؟؟؟؟

انا مش ضد اننا نخدم ونساعد بعض كلنا اعضاء وعضوات لكن ماننساش ان احنا فى مجتمع له معتقداته الخاصة وان مش كل اللى حوالينا اعضاء معنا فى نايل موتورز ومش كلهم فاهمين ومقدرين الروح اللى بتجمعنا

و هي وصلت لرقم تليفون و طلب مقابلة كمان ؟
دا استهبال رسمي
ولا تعبري صاحب الرسالة و ابعتى للإدارة ... لأن لو فعلا الموضوع ضروري يوجد اعضاء تانيين كتير .. و أعضاء نايل موتورز مش بيتأخروا على حد.

:)

[SHNORY]

كنت بكلم اخويا اشرف فتحي من شويه وبنتناقش في الموضوع ده فرد عليا رد جميل اوي وعجبني قالي لما كبايه اللبن بيكون فيها نقطه سوده بنلاحظها علطول المشكله اننا في نايل موتورز شوفنا كميه احترام كنا لا نتخيل وجودها في اي مكان اتواجدنا فيه علشان كده لما بتحصل اي شائبه تعكر صفو المكان ده كلنا بناخد موقف وبنتحرك كلنا مجالاتنا متنوعه افكارنا مختلفه اعمارنا مهننا حياتنا مفيهمش اي تشابه بس اجتمعنا علي الاحترام والحب في الله وبنسافر لبعض وبناكل في طبق واحد وبنتجمع مع بعض كل ده علي اسس الاحترام والحب والخير والثقه في بعض لو الموضوع ده حصل في مكان تاني مكناش حنحط في دماغنا ولا نرد بس هنا فيه وضع مختلف لان المنتدي ده انا طول عمري ليا فيه راي اني لو شوفت اختي ولا مراتي فاتحينه وقاعدين عليه حبقي متطمن انهم وسط اخواتهم المحترمين

[أشرف فتحى]

كنت بكلم اخويا اشرف فتحي من شويه وبنتناقش في الموضوع ده فرد عليا رد جميل اوي وعجبني قالي لما كباله اللبن بيكون فيها نقطه سوده بنلاحظها علطول المشكله اننا في نايل موتورز شوفنا كميه احترام كنا لا نتخيل وجودها في اي مكان اتواجدنا فيه علشان كده لما بتحصل اي شائبه تعكر صفو المكان ده كلنا بناخد موقف وبنتحرك كلنا مجالاتنا متنوعه افكارنا مختلفه اعمارنا مهننا حياتنا مفيهمش اي تشابه بس اجتمعنا علي الاحترام والحب في الله وبنسافر لبعض وبناكل في طبق واحد وبنتجمع مع بعض كل ده علي اسس الاحترام والحب والخير والثقه في بعض لو الموضوع ده حصل في مكان تاني مكناش حنحط في دماغنا ولا نرد بس هنا فيه وضع مختلف لان المنتدي ده انا طول عمري ليا فيه راي اني لو شوفت اختي ولا مراتي فاتحينه وقاعدين عليه حبقي متطمن انهم وسط اخواتهم المحترمين

كلام سليم....كلام زى الفل من راجل زى الفل.......كده بقى خلاص يا بسكوته ...متقلقيش وراكى رجاله...إدينا بقى اسم العضو ال......محترم ده.......وإحنا بقى نقوم معاه بالواجب.....أو إدينا تليفونه والمكان اللى عايز يقابلك فيه.....وخلى الباقى على ربنا ثم علينا....

أقولك........ إبعتيهولى على الخاص........

يا شباب ...والله العظيم...كل اللى قابلتهم لغايه دلوقتى من نايل موتورز ناس من صفوه المجتمع وأحسن ناس الواحد عرفهم فى حياته......

مثل صغير......

انا كنت طول عمرى أكره حاجه اسمها إسكندريه والاسكندرانيه عمى زى ما بيقولوا ...بعد ما اتعرفت بمحمد شنورى عن طريق نايل موتورز برضو......كل شهر لازم اكون رحت اسكندريه مره او اتنين.......وبقت اسكندريه دى عندى احلى حته فى مصر.......كل ده ليه؟!

مفهومه ...مش كده.؟

[SHNORY]

كلام سليم....كلام زى الفل من راجل زى الفل.......كده بقى خلاص يا بسكوته ...متقلقيش وراكى رجاله...إدينا بقى اسم العضو ال......محترم ده.......وإحنا بقى نقوم معاه بالواجب.....أو إدينا تليفونه والمكان اللى عايز يقابلك فيه.....وخلى الباقى على ربنا ثم علينا....

أقولك........ إبعتيهولى على الخاص.......:c_laugh[1]::c_laugh[1]:.

يا شباب ...والله العظيم...كل اللى قابلتهم لغايه دلوقتى من نايل موتورز ناس من صفوه المجتمع وأحسن ناس الواحد عرفهم فى حياته......

مثل صغير......

انا كنت طول عمرى أكره حاجه اسمها إسكندريه والاسكندرانيه عمى زى ما بيقولوا ...بعد ما اتعرفت بمحمد شنورى عن طريق نايل موتورز برضو......كل شهر لازم اكون رحت اسكندريه مره او اتنين.......وبقت اسكندريه دى عندى احلى حته فى مصر.......كل ده ليه؟!

مفهومه ...مش كده.؟

طيب والله يا اشرف انا ليا اصحاب في اخر الشارع بكسل اروحلهم علشان لسه حعدي الطريق وسط العربيات او اروح واركن العربيه ووجع الدماغ ويوم ما كلمتني وقولتلي انك رايحين تقعدوا علي القهوه انا جيت لحد القاهره علشان اشوفكم وعاوز اقولكم علي حاجه يمكن متصدقوهاش انا يوم وفاه والدي المحل بتاعي متقفلش وفضل مفتوح وما اخدتش اجازات انما علشانكم انا باخد اجازه وانا مبسوط من جوايا علشان حقعد معاكم

[Samah AbdAllah]

بصراحة انا ترددت كثيرا قبل ما اكتب الموضوع ده لانى ببساطة جدا ممكن اتجاهل اى رسالة متعجبنيش وممكن الغى خالص خاصية استقبال رسائل خاصة لكنى اثق كل الثقة فى نايل موتورز واعضاؤه المحترمين الذين يوفرون الامان والاحترام لانفسهم ولغيرهم من الاعضاء
ولاننا اسرة واحدة قد طرحت هذا الموضوع عليكم
الحقيقة انى بسييف المنتدى عشان بدخل اوتوماتيك وانا مطمنة جدا ان اى شخص هيستخدم جهاز الكمبيوتر او يدخل عالمنتدى بعدى مش هيلاقى فيه ما يسئ ليا او يتحسب غلطة عليا فبالتالى بتعامل مع المنتدى بكل ثقة وامان لانه منتدى محترم ويضم نخبة من الاعضاء المحترمين

لكن لما اب او اخ او زوج يلاقى رسالة زى دى هتبقا كارثة وسؤ استخدام ومفيش نايل موتورز بعد كده وممكن توصل لمفيش نت من اصله مش لعدم ثقة فى اهل بيته ولكن حماية لها من الاخرين

[zyadahmed]

ما عنديش تعليق لان مش هاينفع ااقول اللى عايز ااقوله فالسكوت احسن لكن فى النهاية لا يصح الا الصحيح

[النوبي]

انا مرضتش اكتب تعليق مماثل فى ردى الاول على اعتبار اننا كلنا ناس محترمة

لكن واضح ان فيه ناس ينقصها الاحترام و بالبلدى كدة بتحاول "تحك نفسها" و ارجو منك انك تخاطبى الادارة فى هذا الشان لاتخاذ اللازم لاننا ميشرفناش ان يبقى فى وسطنا الاصناف دى

mmamdouh

خساره سبقتني واخدت الكلام من علي لساني وخصوصا حكايه "تحك نفسها"

[medo55]

صراحه ماعنديش كلام اقوله كل الي كان في نفسي اقوله الرجاله قالوه وزياده

اهم حاجه لازم تبعتي للاداره عن الشخص الي اساء استعمال الرسايل دا علشان مايكررش الموضوع تاني معاكي او مع اي شخص تاني


والله طول عمري بكره موضوع الرسايل الخاصه وفي منتدايا كنت بقرا رسايل الاعضاء وبشوف اي ولد بيغلس على بنت او بيحاول يتعرف عليها بوقفه مباشرة , لاني مارضاش كدا على اختي وكمان لو البنت جارته في الموضوع دا هشيل ذنبهم انا ( انا عارف اختراق لسياسة الخصوصيه ) بس افضل من وقوع مصائب لا يحمد عقباها

[elrasy]

والله ان راى ان البنات تقفل خاصية الرسايل الخاصة وتريح دماغها,,

[M.Osman]

والله ان راى ان البنات تقفل خاصية الرسايل الخاصة وتريح دماغها,,

و أنا برضه رأي ان صاحبة الموضوع تعمل كدا و تكتفي بالمنتى للمشاركات :)

[Samah AbdAllah]

لتوضيح فقط انا ما قولتش ان العضو طلب مقابلتى
لان ده لو حصل اكيد كنت هراسل الادارة وكلى ثقة بانها ستقوم بما يلزم ومكنش هيبقا فى داعى لاثارة الموضوع على المنتدى اثارة الموضوع الهدف منها تجنب مثل هذا الموقف مع اى عضوة او حتى عضو فاعتقد ان الاعضاء الاعزاء ايضا لن تقبل زوجاتهم رسالة من عضوة تتضمن رقم هاتف او غيره
انا كل اللى قولته ليه عضو يطلب خدمة من عضوة ويرفق معاها رقم موبايله وان الخدمة دى قد تتطلب انى اتصل بيه او اقابله شخصيا
حتى وان لم تتطلب ذلك ولكنها قد تثير الشبهات عند اى اب او اخ او زوج.... فى حين ان هناك الكثير من الاعضاء السكندريين الذين يمكنهم خدمته ومساعدته
فمن رأيى ان من الاولى به الاستعانة بعضو بما يتماشى وتقاليد مجتمعنا
ارجو ان اكون قد وضحت وجهه نظرى

[ضيف]

ارجو ان اكون قد وضحت وجهه نظرى

وجهة نظر حضرتك واضحة من أول مشاركة , بس الناس من غيظهم بيعبروا بتلقائية جداً لأن فعلاً وضع يغيظ و يضايق أي واحد عنده نخوة .

[sab3aawy]

من واقع تعاملى طوال الوقت مع الرسائل الخاصة اجزم بانها مسألة مفيدة جدا عندما تستخدم فى اطار الذوق العام

1- هناك من يستفسر عن شئ قد لا يهم باقى الأعضاء، مثلا هناك من يرسل او ترسل لى طلبا للمشورة فى اختيار سيارة مما يستدعى ان ان اسال على معلومات كثيرة عن القدرة المادية وعدد افراد الاسرة ونوعية ومكان العمل ومكان السكن، الامر الذى قد لا يرغب صاحبه فى نشره على الملأ
2- يلزم احيانا اجراء بعض التنسيق ما بينى وبين واحد او اكثر من الاعضاء فى مسألة تخصنا، مثلا ترتيب زيارة لميكانيكى سيارات او سمركى او حتى قيامى بفحص سيارة، هذة مسألة لا تخص سوى صاحبها وانا، وليس مناسبا نشرها على الملأ

3- يحدث احيانا ان تنشأ مشادة بين احد الاعضاء وآخر ويكن من الصعب تسويتها على الملأ لاحساس كل من الطرفين انه لو تنازل امام الملأ لكان فى ذلك انقاصا من شأنه، وهنا تلعب الرسائل الخاصة دورا حاسما فى تصفية الكثير من الخلافات

4- الرسائل الخاصة مناسبة جدا لاعطاء رقم الهاتف لشخص واحد دون نشره على الملأ وذلك حفاظا على الخصوصية الى يفضلها البعض منا


ومثل هذة الامثلة كثير

وعلى ذلك فهى اداه مفيدة جدا للتواصل الفردى، وطبعا كل اداة يمكن احسان استخدامها ويمكن اساءة استخدامها فيما لا يخل بقيمة الاداه نفسها، يعنى مثلا استخدام السيارة للتحرش بالفتيات ليس معناه ان السيارة اداه سيئة، العبرة دائما بآداب استخدام الادوات المختلفة