تبادل الرسائل الخاصة ....موضوع للنقاش

[Samah AbdAllah]

معلش يا بسكوته دي طبيعة النفس البشرية وهي انجذاب كل جنس للجنس الاخر في اي مجتمع سواء شغل او دراسة او حتى مجتمع افتراضي زي المنتديات
وكل واحد بيستخدم اسلوب مختلف فيه الاسلوب الصريح وفي الاساليب الملتوية
لكن البنت مع الوقت بترسم لنفسها شخصية وحدود محدش يتخطاها
ودي عايزة وقت علشان الاطراف التانية يفهموا حدودهم معاكي لحد فين
واذا كان لسه لغاية دلوقت فيه اعضاء مش قادرين يحددوا اخر حدودهم معاكي لحد فين فثقي ان بعد موضوعك ده هايفهموا
وكل واحدة من بنات حواء ليها اسلوبها الخاص في وضع حدود للتعاملات في المنتدى
انتي استخدمتي الموضوع ده كاسلوب
غيرك ممكن يستخدم اسلوب الصد المباشر
غيرك ممكن يستخدم اسلوب الصد الغير مباشر

يعني لو انتي عضو بعت يسألك عن اسكندرية
انا واحد بعتلي عايزني اساعده في شراء عربية من السوق على اعتبار اني بفهم مثلا في العربيات وانا كل معرفتي بيها السواقة بس ولغاية دلوقت مجربتش ازود الميه ولا الزيت منين وعلى اعتبار ان مفيش عباقرة رجال في العربيات

وعلى فكرة المحاولات الملتوية دي لا تقلل من شأنك انتي اطلاقا بالعكس تقلل من احترامك لاصحاب هذه المحاولات ومن ثقتك فيهم

ميرسى جدا لمشاركتك الموضوع يانورالقمر

والحمد لله انا احترم جميع اعضاء نايل موتورز ومعتقدش ان فى حد من الاعضاء المحترمين محتاج انى احددله حدوده معايا لحد فين لان الانسان المحترم يعرف يميز كويس الناس المحترمين واسلوب وحدود التعامل معاهم والحمد لله كلنا هنا ناس محترمين

والهدف من الموضوع ده مش تحديد حدود التعامل معايا لانى والحمد لله اقدر على ده من غير موضوع

و لأنى واثقة ان الموقف ده تكرر مع غيرى من الاعضاء مش معايا انا بس و لان ابسط طريقة بنعامل بيها مثل هذه المواقف هو تجاهلها مما يترتب عليه استمرار تكرارها ....لذلك قررت مواجهتها خير من تجاهلها وحسمها بوضوح كى لا تتكرر معنا او مع غيرنا من الاعضاء
الهدف كان توضيح فكرة عامة لكل الاعضاء وهى
مش كل الناس اللى حوالينا اعضاء معانا فى نايل موتورز ومش كل الناس هتقدر وتتفهم طبيعة الجو الاسرى والعائلى المحترم الذى يجمعنا فى منتدانا المحترم نايل موتورز

واللى ما تقبلوش على نفسك ولا على بنتك او اختك او زوجتك ما تقبلوش على غيرك

تقبلوا وافر احترامى وتقديرى لمنتدانا الغالى واعضاؤه المحترمين

[moudy88]

والله يابسكوته انا ضحكت لما قريت الموضوع لان الموضوع ده فكرني بدكتور شاب عندي في الكليه ربنا يهديه ...
معروف ان عندنا في الكليه نسبه البنات قليله جدا جدا ....يعني دفعتي فيها 200 واحد ...منهم 5 بنات فقط !!!!!!!! وتقريبا النسبه كده في باقي الدفعات ...الحكايه بقى ان الدكتور ده بيبقى واقف في وسط حوالي 20 ولد ولما يعوز يستلف قلم ...يمشي حوالي 30 متر لحد لما يوصل لبنت واقفه لوحدها بعيد ..ويسالها (لوسمحت ياانسه معاكي قلم ) ولازم بعدها ضحكه وهزار ...وعالرغم من ندرة البنات عندنا الا انه كل لما يعدي جنب بنت لازم يسلم عليها ويسالها عن احوالها وعامله ايه في الدراسه ...وطبعا معاملته مع الولاد زي الزفت وبيهدل وبيشتم وبيهزق وبيطرد وعمره ماابتسم في وجه ولد .....
ياريت يابسكوته متتساهليش في الموضوع ده ...ومتتكسفيش انك تردي رد صارم ....وبرده.. الله اعلم بالنيات والواحد بيفرض النيه الكويسه لحد لما يتيقن

تم حذف المشاركات غير ذات الصلة
مشرف عام 2

[ahmed4000]

الموضوع ده فى كل حاجة تقريبا
فى نوعية رجالة اول ميشوفوا اسم بنت يتهبلوا ويختلفوا تماما فى الاسلوب والمعاملة وطريقة الكلام
على فكرة قابلنا موضوع هنا زمان ان واحدة دخلت وطلبت استشارة وفى الاخر طلعت راجل ولما استغربنا كان واضح انه كتب الموضوع باسم بنت علشان يلاقى مساعدة اسرع!!!!!!!!!

ده مش تعميم وربنا يهدى

[نور القمر]

ميرسى جدا لمشاركتك الموضوع يانورالقمر

والحمد لله انا احترم جميع اعضاء نايل موتورز ومعتقدش ان فى حد من الاعضاء المحترمين محتاج انى احددله حدوده معايا لحد فين لان الانسان المحترم يعرف يميز كويس الناس المحترمين واسلوب وحدود التعامل معاهم والحمد لله كلنا هنا ناس محترمين

والهدف من الموضوع ده مش تحديد حدود التعامل معايا لانى والحمد لله اقدر على ده من غير موضوع

و لأنى واثقة ان الموقف ده تكرر مع غيرى من الاعضاء مش معايا انا بس و لان ابسط طريقة بنعامل بيها مثل هذه المواقف هو تجاهلها مما يترتب عليه استمرار تكرارها ....لذلك قررت مواجهتها خير من تجاهلها وحسمها بوضوح كى لا تتكرر معنا او مع غيرنا من الاعضاء
الهدف كان توضيح فكرة عامة لكل الاعضاء وهى
مش كل الناس اللى حوالينا اعضاء معانا فى نايل موتورز ومش كل الناس هتقدر وتتفهم طبيعة الجو الاسرى والعائلى المحترم الذى يجمعنا فى منتدانا المحترم نايل موتورز

واللى ما تقبلوش على نفسك ولا على بنتك او اختك او زوجتك ما تقبلوش على غيرك

تقبلوا وافر احترامى وتقديرى لمنتدانا الغالى واعضاؤه المحترمين

اعتقد يا بسكوتة انتي مفهمتيش كلامي صح او انا مقدرتش اوصل قصدي صح
انا اقصد ان اي واحدة في اي مكان محتاجة وقت عشان اللي حواليها يفهموا هي مين وشخصيتها ايه واخر حدودهم معاها ايه
وموضوع ان كل الاعضاء محترمين ده مش مظبوط
لان اي مجتمع سواء حقيقي او وهمي استحالة يكون كل اللي فيه محترمين
لكن المكان بيفرض على الجميع بما فيهم الغير محترمين انهم يكونوا محترمين ظاهريا لكن في الخباء بيتعاملوا بحقيقتهم
واي واحدة قادرة انها توقف كل واحد عند حد ه لكن فعلا اسوأ ما في الموضوع ان حد يفتح كمبيوترك ويلاقي رساله سخيفه من شخص سخيف اكيد مهما كانت درجة ثقة المحيطين بتشعري باحراج على ابسط تقدير

[أحمد كمال]

الموضوع ده فى كل حاجة تقريبا
فى نوعية رجالة اول ميشوفوا اسم بنت يتهبلوا ويختلفوا تماما فى الاسلوب والمعاملة وطريقة الكلام
على فكرة قابلنا موضوع هنا زمان ان واحدة دخلت وطلبت استشارة وفى الاخر طلعت راجل ولما استغربنا كان واضح انه كتب الموضوع باسم بنت علشان يلاقى مساعدة اسرع!!!!!!!!!

ده مش تعميم وربنا يهدى

بتتكلم جد؟؟؟؟؟؟؟؟؟؟

[aif]

اعتقد يا بسكوتة انك انتى _وكذلك باقي اخواتنا البنات في المنتدى _ عندكن القدرة على الحكم على الامور و تحديد الطيب من الخبيث .... وايقاف كل واحد عند الحدود التي يجب ان يقف عندها
...
اللي انتي بتقوليه ده موجود في اي مجتمع سواء مجتمع حقيقي كالعمل والجيران والاقارب ..... وكذلك في المنتديات بجميع انواعها ...... من اول المنتديات الترفيهية وصولا للمنتديات الثقافية .... بل والدينية احيانا
لكن الشيء المثير للاستغراب ..... ليه حد يحاول يحتك بزميلة هو عارف ومتأكد انها محترمة ... وفي منتدى هو برضه متأكد انه محترم ؟؟؟؟
يعني المنتديات الغير محترمة ع النت اكتر من النصابين في محطة مصر ......
يكفي ان يدخل اي منتدي منها ولن يبذل اي مجهود للتعرف على من يريد
....
بلاش ..... يفتح السكاي بي ..... وح يلاقي سيل من طلبات التعارف من جميع الانواع
.....
انا باقترح طريقة فعالة جدا لمثل هذه الرسائل
....
ممكن تشوفي اي موضوع هو بيكتب فيه ..... وتردي على سؤاله اللي سأله على الملأ في العام مع التلميح انه كان بيسأل عن الشيء ده في الخاص ......كده مش ح يسأل تاني .... ويمكن مايدخلش اصلا تاني هنا

[أشرف فتحى]

.....
انا باقترح طريقة فعالة جدا لمثل هذه الرسائل
....
ممكن تشوفي اي موضوع هو بيكتب فيه ..... وتردي على سؤاله اللي سأله على الملأ في العام مع التلميح انه كان بيسأل عن الشيء ده في الخاص ......كده مش ح يسأل تاني .... ويمكن مايدخلش اصلا تاني هنا

ما شاء الله عليك يا حاج احمد.....والله حل فى منتهى الجمال.....

[eng.octooo]

بجد الموضوع دة بقى صعب والى الكل لازم يعرفة ان احنا احنا هنا اقصى حدود ممكن نوصلها مع بعض مهما حصل هيا حدود الاخوة وبس

[Samah AbdAllah]

لكن فعلا اسوأ ما في الموضوع ان حد يفتح كمبيوترك ويلاقي رساله سخيفه من شخص سخيف اكيد مهما كانت درجة ثقة المحيطين بتشعري باحراج على ابسط تقدير

انت كده جيبتى المفيد وفهمتى قصدى
واعتقد ده هيكون موقف اى شخص مش انا بس

[Samah AbdAllah]

من واقع تعاملى طوال الوقت مع الرسائل الخاصة اجزم بانها مسألة مفيدة جدا عندما تستخدم فى اطار الذوق العام

1- هناك من يستفسر عن شئ قد لا يهم باقى الأعضاء، مثلا هناك من يرسل او ترسل لى طلبا للمشورة فى اختيار سيارة مما يستدعى ان ان اسال على معلومات كثيرة عن القدرة المادية وعدد افراد الاسرة ونوعية ومكان العمل ومكان السكن، الامر الذى قد لا يرغب صاحبه فى نشره على الملأ
2- يلزم احيانا اجراء بعض التنسيق ما بينى وبين واحد او اكثر من الاعضاء فى مسألة تخصنا، مثلا ترتيب زيارة لميكانيكى سيارات او سمركى او حتى قيامى بفحص سيارة، هذة مسألة لا تخص سوى صاحبها وانا، وليس مناسبا نشرها على الملأ

3- يحدث احيانا ان تنشأ مشادة بين احد الاعضاء وآخر ويكن من الصعب تسويتها على الملأ لاحساس كل من الطرفين انه لو تنازل امام الملأ لكان فى ذلك انقاصا من شأنه، وهنا تلعب الرسائل الخاصة دورا حاسما فى تصفية الكثير من الخلافات

4- الرسائل الخاصة مناسبة جدا لاعطاء رقم الهاتف لشخص واحد دون نشره على الملأ وذلك حفاظا على الخصوصية الى يفضلها البعض منا


ومثل هذة الامثلة كثير

وعلى ذلك فهى اداه مفيدة جدا للتواصل الفردى، وطبعا كل اداة يمكن احسان استخدامها ويمكن اساءة استخدامها فيما لا يخل بقيمة الاداه نفسها، يعنى مثلا استخدام السيارة للتحرش بالفتيات ليس معناه ان السيارة اداه سيئة، العبرة دائما بآداب استخدام الادوات المختلفة

استاذ سبعاوى شرفنى جدا مرور حضرتك بالموضوع

واؤيدك كل التأييد فى اهمية ودور الرسائل الخاصة
وانا بسؤالى لا انفى او اقلل من شأن هذا الدور ولكنى اردت توضيحه عن طريق ارائكم لمن لا يعلم ماهو الاستخدام الصحيح والهدف من الرسائل الخاصة كى نتجنب سؤ الاستخدام

[nabaster]

تم حذف المشاركات غير ذات الصلة
مشرف عام 2

شكرا للاداره وسرعة الاستجابه

A.Yakout

[salsola]

الرسائل الخاصة وسيلة للتواصل بين الاعضاء فقط لمن يجيد استخدامها فى حدود الاستخدام الصحيح لها

وبسكوتة فعلا شخصية تتمتع باحترام بالغ لنفسها وللاخرين مما يضفى جو من الاحترام العام لاى مكان تتواجد فيه

[artyboy]

عادى زى بالظبط المغفل إللى بيعاكس واحده تحت بيتها أكيد مش من أهل المنطقة ولو أتمسك (و أنا شايف أن فى ناس كتير بتعزك ) هيتروق بس عموما طبعا زى ما الناس قالت تجاهلى الحاجات إللى بالمنظر ده و نادى بس على أى حد فينا و شوفى إللى هيحصل (بس بقول إيه أنا كنت عايز أجيب شيبسى فى أسكندرية وطبعا زى ما أنتى عارفه شيبسى أسكندرية غير القاهرة فالو مكنش فى عند حضرتك مانع نتقابل بس لحسن أنا خايف يضحك عليا عموما ده رقم تليفونى 0100000000 أيوه أنا فعلا خط مش كرت عرفتى منين؟؟ أصل أنا جايبه تبع الشركة بتاعتى شوفتى بقى أديكى عرفتى أنى عندى شركة وبكسب كتير جدا ( الفلوس ما تهمنيش ) وطبعا عشت فى أمريكا فى بدايه حياتى (يا رب ما تسألنى أمريكا فين لأنى ما عرفش) وطبعا شاب فظيع وكول وفى 13343242واحده معجبه بيا بس أنا مش عايز أجرحهم (حسيس أوى يعنى) يس مش حاسس أن دول إللى فى دماغى(ممكن أديكى فرصه) و طبعا بعد أذنك دلوقتى علشان رايح الجامع علشان أصلى (متدين كمان أهو و بخاف ربنا ) و أنا طبعا ما بقولش كده لأى حد ( أنتى مش اى حد) علشان ما يكونش فيها رياء (متدين متدين يعنى) ) أنا طبعا بعتذر لو كنت ضايقت أى حد بس بجد الناس دى بتبقى تضحك بس بتقلب بغم لما تلاقى واحده تصدقها و بتحصل للاسف

[MohaMed_Refaat]

بصراحة انا مستغرب جدااااا من الموضوع دة لانة اخد اطار مختلف شوية ورغبة كل طرف بالاخر والمعاكسات وحجات غريبة
وانا مستغرب ان عضوة بقدرها واخت عزيزة زى بسكوتة مواضيعها كلها مميزة وموضوعية ودة كلام محدش يقدر يشكك فية
تعمل موضوع زى دة لية مع ان الحل بسيط هو ::
اما تجاهل الرسايل الخاصة او الغاءها
او طلب من الادارة بالغاء استقبال الرسايل فاما موافقة الادارة او رفضها فى ساحة المقترحات واستفسارات الاعضاء .
انا شايف ان الحللين دول كويسيين

[نور القمر]

قفل الرسايل الخاصة مش صعب ومش هو الحل
طيب على كدة بلاش نشيل موبايلات عشان المعاكسات
مواجهة المشكلة ايا كانت هو الحل مش الهروب منها
وموضوع بسكوتة ده بتواجه بيه المكشلة