تبادل الرسائل الخاصة ....موضوع للنقاش

[Ahmed Sharaf]

أعتقد طالما الموضوع وصل بيها لكتابة التوبيك دة يبقة اكيد فاض بيها من سخف العضو دة.
ومتهيألى انة من الافضل ان بسكوتة تقول على اسمة واعتقد دة عقاب لية لان لغاية الان بسكوتة لم تبلغنا هل الرسائل الخاصة دى توقفت بإنشاء التوبيك دة ولا لسة .... مجرد رأى

[SHNORY]

بصراحة انا مستغرب جدااااا من الموضوع دة لانة اخد اطار مختلف شوية ورغبة كل طرف بالاخر والمعاكسات وحجات غريبة
وانا مستغرب ان عضوة بقدرها واخت عزيزة زى بسكوتة مواضيعها كلها مميزة وموضوعية ودة كلام محدش يقدر يشكك فية
تعمل موضوع زى دة لية مع ان الحل بسيط هو ::
اما تجاهل الرسايل الخاصة او الغاءها
او طلب من الادارة بالغاء استقبال الرسايل فاما موافقة الادارة او رفضها فى ساحة المقترحات واستفسارات الاعضاء .
انا شايف ان الحللين دول كويسيين

يا باشا الموضوع مطروح للمناقشه مش للشهره علشان نقولها بتعملي موضوع زي ده ليه
الموضوع هدفه الناس هي اللي بتعمل كده ليه مش الموضوع اتعمل ليه
كمان الهروب مش حل ومش كل باب بيجيلنا منه وجع القلب حنقفله
والا كنا سيبنا اشغالنا
وبيعنا عربياتنا
وقاطعنا اصحابنا
واهالينا
والجيران
وقاطعنا نفسنا حتي
لان كل دول احيانا بييجي منهم مشاكل
الهدف من المناقشه هو ليه تحصل حاجه زي دي

[human]

الموضوع عادى طالما ذكور و اناث اتجمعوا فى اى مكان بيحصل ميل فطرى من الذكر للأنثى حتى لو مش مقصود او مراد اى شئ زياده بس هو تقرب غريزى فيه ناس بتعدى المرحله ديه و فيه ناس بتفضل فيها
يعنى ممكن يكون فاكر انه ممكن تنشأ صداقه (فى اطار محترم) او حتى تبادل لكلام مع شخص من الجنس الاخر مما يشعره بدفئ داخلى نابع من شعور بالوحده او ايا كان مش لازم اللى ورا الموضوع يكون شئ مشين بس الانسان مخلوق معقد
او حتى ممكن يكون نفسه حد يشوفه كانسان بعيد عن المجموع من الناس الموجودين
و هنا بييجى دورك انت انك تحددى اطار الرد يكون عامل ازاى
يعنى مثلا انا مش كل واحد بيسألنى عامل ايه بقوله عامل ايه - فيه ناس ممكن تتبرع و تحكى مثلا و كل ده بيتحدد فى طريقه تلقى الكلام

على العموم انا شايف ان الحكايه عاديه
يعنى لما واحده ماشيه فى الشارع الناس كلهم يبصوا عليها و لو واحد ماشى ماحدش بيبص

هيه الدنيا هنا كده (بالذات فى المجتمعات العربي) عشان النظره الذكوريه للمجتمع

المهم ماتديش الموضوع اكبر من حجمه

[Samah AbdAllah]

من اهم الاسباب اللى خلتنى اعمل الموضوع ده من سنتين واكتر
انى كنت عاوزة اتخلص من موضوع الرسائل الخاصة الغير هادفة والبعيدة الصلة عن هدف المنتدى ومجالاته نهائيا
والحمدلله من يوم ما عملت الموضوع ده من اكتر من سنتين مجاليش اى رسالة من النوعية المرفوضة :-)
ولا العضو اللى بعتلى الرسالة دى دخل المنتدى تانى من يومها بدون ما اذكر اسمه او حتى ارد عليه بطريقة او اخرى على صفحات المنتدى :-)
واللى فكرنى بالموضوع ده هو شكوى احدى العضوات من كثرة ما يصلها من رسائل خاصة من نفس النوعية
فقولت نرجع نناقش الموضوع عشان الناس اللى مش واخدة بالها من الهدف اللى اتعملت عشانه الرسائل الخاصة تاخد بالها

[human]

الموضوع عادى طالما ذكور و اناث اتجمعوا فى اى مكان بيحصل ميل فطرى من الذكر للأنثى حتى لو مش مقصود او مراد اى شئ زياده بس هو تقرب غريزى فيه ناس بتعدى المرحله ديه و فيه ناس بتفضل فيها
يعنى ممكن يكون فاكر انه ممكن تنشأ صداقه (فى اطار محترم) او حتى تبادل لكلام مع شخص من الجنس الاخر مما يشعره بدفئ داخلى نابع من شعور بالوحده او ايا كان مش لازم اللى ورا الموضوع يكون شئ مشين بس الانسان مخلوق معقد
او حتى ممكن يكون نفسه حد يشوفه كانسان بعيد عن المجموع من الناس الموجودين
و هنا بييجى دورك انت انك تحددى اطار الرد يكون عامل ازاى
يعنى مثلا انا مش كل واحد بيسألنى عامل ايه بقوله عامل ايه - فيه ناس ممكن تتبرع و تحكى مثلا و كل ده بيتحدد فى طريقه تلقى الكلام

على العموم انا شايف ان الحكايه عاديه
يعنى لما واحده ماشيه فى الشارع الناس كلهم يبصوا عليها و لو واحد ماشى ماحدش بيبص

هيه الدنيا هنا كده (بالذات فى المجتمعات العربي) عشان النظره الذكوريه للمجتمع

المهم ماتديش الموضوع اكبر من حجمه

ايه الكلام الجامد ده !!!

[Samah AbdAllah]

ايه الكلام الجامد ده !!!

طول عمرك بتقول حكم يا طارق من ايام 9 ب

ايه اخبار التصوير ؟ مشوفناش صور من فترة

[human]

طول عمرك بتقول حكم يا طارق من ايام 9 ب

ايه اخبار التصوير ؟ مشوفناش صور من فترة

مكتئب بقالى شهور و مش هعرف امارس هوايه وانا مكتئب

[Samah AbdAllah]

مكتئب بقالى شهور و مش هعرف امارس هوايه وانا مكتئب

ليه بس كده بعد الشر عنك من الاكتئاب
وبعدين الاكتئاب ده بقا جزء من تكوين المواطن المصرى انت كويس يعنى متقلقش على نفسك :-)

[human]

ليه بس كده بعد الشر عنك من الاكتئاب
وبعدين الاكتئاب ده بقا جزء من تكوين المواطن المصرى انت كويس يعنى متقلقش على نفسك :-)

فيه درجات
يعنى الطبيعى ان ممكن الواحد يبقى مخنوق من 4 حاجات مثلا و يتعايش و مكتئب و زى الفل
6 حاجات برضه اهى ماشيه و مكتئب عشره على عشره و ماشيه

بس لما يبقوا 8 مش هتمشى

[bmw3m007]

انا مرضتش اكتب تعليق مماثل فى ردى الاول على اعتبار اننا كلنا ناس محترمة

لكن واضح ان فيه ناس ينقصها الاحترام و بالبلدى كدة بتحاول "تحك نفسها" و ارجو منك انك تخاطبى الادارة فى هذا الشان لاتخاذ اللازم لاننا ميشرفناش ان يبقى فى وسطنا الاصناف دى

MMamdouh

بس انا مـ أرجوش منك انك تخاطبي الادارة ( مع كامل احترامي ) ولا حاجه ,, انا ارجو اعلان اسم " العضو الظريف " على الملأ علشان نعمل معاه " الصح "

[Donzi]

اعتقد يا بسكوتة انك انتى _وكذلك باقي اخواتنا البنات في المنتدى _ عندكن القدرة على الحكم على الامور و تحديد الطيب من الخبيث .... وايقاف كل واحد عند الحدود التي يجب ان يقف عندها
...
اللي انتي بتقوليه ده موجود في اي مجتمع سواء مجتمع حقيقي كالعمل والجيران والاقارب ..... وكذلك في المنتديات بجميع انواعها ...... من اول المنتديات الترفيهية وصولا للمنتديات الثقافية .... بل والدينية احيانا
لكن الشيء المثير للاستغراب ..... ليه حد يحاول يحتك بزميلة هو عارف ومتأكد انها محترمة ... وفي منتدى هو برضه متأكد انه محترم ؟؟؟؟
يعني المنتديات الغير محترمة ع النت اكتر من النصابين في محطة مصر ......
يكفي ان يدخل اي منتدي منها ولن يبذل اي مجهود للتعرف على من يريد
....
بلاش ..... يفتح السكاي بي ..... وح يلاقي سيل من طلبات التعارف من جميع الانواع
.....
انا باقترح طريقة فعالة جدا لمثل هذه الرسائل
....
ممكن تشوفي اي موضوع هو بيكتب فيه ..... وتردي على سؤاله اللي سأله على الملأ في العام مع التلميح انه كان بيسأل عن الشيء ده في الخاص ......كده مش ح يسأل تاني .... ويمكن مايدخلش اصلا تاني هنا

+1111111111

بالظبط كدا يا حج جيبت المفيد فعلا و هو ان دا طبيعي جدا في اي مجتمع مختلط سواء في شغل او في دراسة او حتى منتدى على النت و اصحاب النفوس المريضة كتييييييييييييييير و دا شىء احنا مضطرين نتعامل معاه و الحمد لله بنعرف نتعامل معاه ازاي

بالنسبة للنصيحة الاخيرة دي احب اقولك ان انا عملتها قبل كدا و كانت مفيدة جدا و فعالة

[Samah AbdAllah]

يا جماعة الموضوع ده قديم من اكتر من سنتين والحمد لله محدش من يومها ضايقنى باى رسالة لا العضو صاحب الرسالة محل الموضوع ولا غيره
و بدون ما اعلن اسمه ولا حاجة هو مدخلش تانى من يومها :-)
وانا كتبت سبب انى نشطت الموضوع تانى
بس واضح ان مش كل الاعضاء قؤيت الموضوع للاخر

[amrezzat82]

انا مش عارف الاستغراب بتاعك جاه منين
ده الطبيعي فى اي وسيلة على الأنترنت
لو فى بنت فى فايبسبوك و لا ام اس ان ولا منتدي و لا جروب ولا اي حاجة حتلاقي كمية رسائل وهمية
ده الطبيعي دلوقتى عشان فى ناس كتيرة عايزة تقضي وقت و تهرج
و ممكن يجر البنت معاه و تبقى البنت تتصرف بنية سليمة و معلش مش مركزة فى اللى بتتجر فيه و فى ناس بتستهبل و قال ايه بتجرب
و الطريقة منتشرة جدا يعنى حاجة كده زي ال pick up line
أنا رأي أن افضل حاجة ان هذا الشخص المسيء للخدمة انه يتلغي عنه الخدمة و لا يستطيع ان يرسل رسائل للأعضاء او حتى يتوقف اسبوع ولا اتنين مع انذار بإلغاء الأكونت

[AshTurbo]

أي عضوة ميعجبهاش رسالة خاصة من أي عضو تعمل موضوع عام وتعمل كوبي وبيست للرسالة مع تهديد بفضح الزبون وممكن كمان تبتزوه وتطلبوا منه باكوا ولا أتنين معلش الحياة فرص وأنا لازم أفتح عيونكم أنا عارف أنكم زي القطط المغمضة .

[Eng_hatemfathy]

مع الاحترام لراى حضرتك

اعتقد ان الموضوع لو كان مجرد رد فى رسالة مش هتاخد من وقتى كتير مكنتش هضيع الوقت فى عمل موضوع
لكن ممكن حضرتك تقولى رأيك ايه لو اختك او بنتك او زوجتك كانت عضوة معانا فى المنتدى وجالها رسالة عالخاص بطلب خدمة مرفق معاها رقم الموبايل والخدمة دى قد تتطلب انها تكلم صاحبها هاتفيا او تضطر لمقابلته شخصيا

ضيف على ده لو انت مش عضو فى نايل موتورز ومعندكش فكرة عن المنتدى وعن مدى احترام اعضاؤه
ايه الفكرة اللى هتكونها وهيكون ايه رد فعلك وهل هتسمحلها تكلم اوتقابل هذ العضو؟؟؟؟؟؟؟

انا مش ضد اننا نخدم ونساعد بعض كلنا اعضاء وعضوات لكن ماننساش ان احنا فى مجتمع له معتقداته الخاصة وان مش كل اللى حوالينا اعضاء معنا فى نايل موتورز ومش كلهم فاهمين ومقدرين الروح اللى بتجمعنا

أختى الغاليه كل انسانه لها طريقتها الخاصة فى الحفاظ على نفسها والمرأه لها حاسة ذكية جدا تمكنها من اشتمام نية من يحادثها وكما ذكرتى ليس من الطبيعى ان اتوجه الى الخاص لفتاه واذكر لها رقم تليفونى ويكون ذلك بنيه حسنه لان الرجال لم يعدموا بعد والعلاقه بين الرجال والنساء يجب ان تظل فى حدودها التى حددها شرعنا ولكن كما قلت واظل اردد ان بين المرأة والرجل مجموعة من الابواب والستر المتتاليه وهى وحدها من بيدها مقاتيح هذه الستر وهى التى تحدد للرجل الموقع التى ترتضيه له منها وهذا مشاهد فى علاقات العمل والجيره والقرابه وعن نفسى فانا لا احب لزوجتى او ابنتى ان تشترك فى مواقع مختلطه وليس ذلك شكا او انعدام ثقه ولكن عنايه الا تطولهن بد عابث او لاه والقلوب ضعيفه لا تقوى على الصمود امام الفتن الا من ثبته الله
وقد يقول قائل اذا لماذا ترض لنفسك ان ترسل تعليق على تويتة اخت والاجابه وضحه وهى ان كلامى اوجهه ناصحا نفسى واخوانى من الشباب ثم رابطا على جأش اختنا وداعما لها ولموقفهاالذى نتمناه من كل اخت من رفضها اى محاوله من غافل او متغافل للعبث بحرماتنا واللهو مع اخواتنا وحسن الظن ليس معناه الغفله ولكن اخذ الحيطه والنبى نهى ان نرع حول الحمى حتى لا نقع فيه-وفقنا الله جميع الى الخير وجعلنا متناصحين لوجهه الكريم